Maoni, Ushauri na Mapendekezo kwa Rais Dkt. John Pombe Magufuli


FaizaFoxy

FaizaFoxy

JF-Expert Member
Joined
Apr 13, 2011
Messages
61,277
Likes
29,157
Points
280
FaizaFoxy

FaizaFoxy

JF-Expert Member
Joined Apr 13, 2011
61,277 29,157 280
Hii thread iwe Maalum kwa Maoni, Ushauri na Mapendekezo mbalimbali kwa Rais wa Jamhuri ya Muungano wa Tanzania Dkt. John Pombe Magufuli.

Mimi namuomba, Mheshimiwa Rais mteuliwa, kwa heshima na taadhima hili ni ombi binafsi kwako.

Nnaomba uhakikishe huyu mrembo wa ACT Bi Anna Mghwira unamuingiza bungeni na unampa wadhifa anaostahiki, huyu mama ni kichwa adhyim na adim kabisa.

Nimemfatilia mikutano yake mingi sana ya kampeni, anatoa vitu kichwani utafikiri ana word processor inayopanga na kuchuja anachokizungumza kutoka kichwani bila kusoma.

Halikadhalika leo kanifurahisha sana alipostukizwa na kutoa hotuba pale Diamond, ilikuwa fupi na imelenga points zote nzuri na ameeleweka vyema kabisa.

Anna heko sana na nitakuunga mkono katika siasa zako.
Ili kuipa hadhi na kuitangaza lugha yetu ya taifa, nashauri rais wetu mpya atumie Kiswahili katika shughuli zote rasmi za kitaifa na kimataifa. Cha msingi ni kuwa na wakalimani mahiri katika shughuli za kimataifa. Hii itainua hadhi na heshima ya nchi yetu badala ya kuendelea kuthamini lugha za kigeni. Tumekuwa watumwa mno wa lugha ya kiingereza mpaka kufikia hatua kudhani kuwa mtu anayeongea kiingereza vizuri ndiye aliye elimika wakati si kweli. Elimu ni uwezo siyo kuongea kiingereza. Hiki kiingereza cha "izi, wozi, wea, kongrugesheni, ameizingi, wati?, yu no, no problemu hakitusaidii kitu. Na kwa ujinga wetu tunafundishana kwa lugha tusiyoijua vizuri matokeo yake watoto wanafeli halafu tunawaona wajinga kumbe sera zetu ndio mbovu. Wachina, wakorea, wajerumani, wareno, wafaransa mbona wanatumia lugha zao na wanapiga hatua kubwa sana katika uchumi na sayansi. Sisi na kiingereza chetu cha kuombea maji tumefika wapi zaidi ya kutudhalilisha?

Maoni yangu haya hayana maana kuwa sitambui uwezo mkubwa wa kiingereza alio nao dr. Nataka aendeleze pale mwenzake alipoachia mwenzake, kwani alianza kwa kuhutubia kwa kiswahili kwenye mkutano wa AU lakini baadaye akaacha. Mimi nashauri Dr. sasa ajikite pamoja na mambo mengi kuitangaza lugha ya kiswahili kimataifa kwa yeye mwenyewe kuitumia badala ya kiingereza. Huwa naona viongozi wa nchi nyingine kama za kiarabu pamoja na kuwa wanajua kiingereza lakini utakuta wanazaunguza kiarabu na kisha wasiojua kutafsiriwa. Wakalimani sasa hivi tunao wengi, ni vizuri wakatumika vizuri kuikuza lugha yetu ya taifa. Ukweli ni kuwa unapotumia lugha mama au lugha ya taifa una kuwa na uhuru na uwezo mkubwa sana wa kujieleza na kuelezea kuliko unapotumia lugha za kigeni. Kwa watanzania wengi lugha yetu ya mama ni kiswahili.
Jambo moja ambalo Magufuli aliliona wazi katika kampeni zake ni kwamba Watanzania wanataka mabadiliko, na kwamba wengi walihisi mabadiliko haya yangeletwa na UKAWA. Magufuli akaahidi kwamba yeye ataleta madadiliko Watanzania wanayotaka.

Ushauri wangu kwa Magufuli ni kwamba kama kweli kweli anataka kuwaletea Watanzania mabadiliko - basi asiwe mtu wa kutafuta ushari kwa Kikwete na Mkapa. Wao walikuwa na nafasi ya kuletea Watanzania mabadiliko, na wengi waliona kuwa kwa sehemu kubwa walishindwa kuleta mabadiliko yaliyotakiwa, japo kulikuwa a mafanikio kataka sehemu chache.

Magufuli be your own man and master - Personality yako, kufikiri kwako na kule kwa kwa Kikwete na Mkapa ni tofauti kabisa na Watanzania wanategemea hilo litaleta mabadiliko wanayotarajia. Kuendelea kupokea ushauri toka kwa Kikwete na Mkapa ni kuwapa Watanzania mvinyo ule ule wa zamani katika glasi mpya; hilo ni hatari sana, na linaweza kukufanya uongoze kwa miaka mitano tu na kushindwa uchaguzi ujao.

Tunajua Kikwete a Mkapa walikuwa na mchango kukufanya uwe Raisi wa Tanzania - washukuru yaishie hapo. Waambie wakapumzike sasa, kazi yao imekwisha. Kuendelea kupokea ushauri wao kila wakati utajikuta unafanya kazi ili kuwaridhisha wao na sio Watanzania waliokuchagua. Pia epuka sana kupokea ushauri wao kwa mambo ambayo hujawaomba ushauri.

Lakini kuwa na washauri ni jambo nzuri tu - ila sasa tafuta washauri wako mwenyewe, watu wasio rafiki zako ambao wanaeleweka kuwa na busara na uzoefu katika uongozi, bila kuwa na haja ya kukufurahisha wewe kibinafsi, kutafuta urafiki na wewe au kujipendekeza kwako
Uchaguzi ulisha kwisha good enough tuna katiba ambayo inasema mtu akishatangazwa basi ndiyo rais na huna uwezo wa kupinga matokeo hayo popote its good when it is your turn but mind you atakuja tokea chizi mmoja me or ke ambaye ataamua kumuingiza mkewe au mmewe kwa kujua siku ya siku yeye ndiye mwenye mamlaka ya kutangaza matokeo ya urais atamtangaza spouse wake kutakucha, tuyaache hayo.

Binafsi kama ningepata wasaa wa kuongea na Magufuli ningemshauri haya yafuatayo

1. Hali ya hudumu ya afya ya Tanzania ni mbaya mbaya mbaya hakuna daktari aliye na moyo wa kufanya kazi kwa moyo ule uliokuwapo mwanzo. Mfano, hospitali yetu ya taifa ambayo ni tegemeo ya maskini wote wa Tanzania na daraja la viongozi kupita kwenda India huduma ni hovyo hovyo.

Hivi unajua kuwa huduma za CT Scan na MRI Muhimbili zimesimama Zaidi ya miezi minne na hakuna anayejali. Watu wa wizara ya afya naona hawajali kabisa.

Mimi nashauri wizara ya afya isihusike moja kwa moja na Muhimbili kama mtafuta habari nilienda pale, hakuna mwenye nia za dhati wa kuikomboa sekta ya afya.Wao wanachotaka serikali iendelee kupeleka watu India ili waendelee kupata pesa wanazopata wanajua namna wanavyopata, si watu hawa tunakufaa maskini.

2.Taasisi ya mifupa MOI tunaomba ijipambanue kama ni taasisi ya umma au ni kama Agha Khan kwani huduma zinazotolewa hapa afadhali malipo yake yangekuwa na risiti basi ni ujanja ujanja tu.

Heri na feri kwenye soko la samaki kuliko hapo, elimu yao haifanani na huduma wanazotoa.

Mimi naomba kama kama una power hiyo hizi taasisi ziwe chini yako kwani afya ya watu unaowaongoza ni muhimu saaana tena sana elimu ifuate.

Tanzania sasa tumempata Rais mpya wa awamu ya 5, ambaye watanzania wengi tuna matumaini atatekeleza ahadi zake kwa asimilia zaidi ya 90, katika ahadi zake aliahidi kufufua viwanda , katika kufufua viwanda asisahau zao la mkonge , zao hili kwa sasa limekuwa na soko kubwa sana ukilinganisha na kipindi cha nyuma mkonge kwa sasa grade ya SS kwa tani 1 ni takribani US dollar 2500- 3000 katika soko la dunia na local market ni makadirio ya Tsh 2,500,000 kwa tani , na SSUG ni takribani US dollar 1900-2200 kwa tani

Hivyo basi katika mashamba ya mkonge ajira nyingi zinaweza zalishwa na vijana wengi kuajiriwa wasomi na wasio wasomi na kulipwa vizuri , mashamba mengi yamebinafsishwa kwa wawekezaji ambao wanapunja maslahi ya wafanyakazi hasa unskilled labor kwa kuwapa ujira wa 4950 kwa siku ambayo ni ndogo kulinganisha na kinachozalishwa pia chama cha wafanyakazi mashambani TPAWU wakupe ushirikiano kurekebisha mishahara ya mashambani itakayokidhi maisha ya sasa

Mashamba mengi yamekufa na machache yanauhai , hivyo juhudi zifanyike kurudisha zao la mkonge katika ubora na kupunguza tatizo la ajira kwani mahitaji kwa mkonge duniani ni makubwa sana kulipo hapo awali

Nawasilisha, nikiwa nimefanya research ya kutosha kuhusu zao la mkonge Tanzania
Pamoja na kwamba sina imani na chama chako, ila naomba unishawishi wewe binafsi katika serikali yako.
Kama ulivyojinaji kuwa serikali yako, yani Tanzania ya Magufuli itakuwa KAZI TU, basi naomba udhihirishe hivyo katika baraza lako la mawaziri.

Kabla hata sijataka kujua waziri mkuu ambaye ataendana na sura ya kauli mbiu yako, lakini nataka usituletee watu hawa ambao walikuwa mzigo kwa taifa na waliolifikisha nchi hapa ilipo chini ya aliyekutangulia pamoja na waziri mkuu wake.

1. Sopteter Muhongo.
Huyu pamoja na kwamba tunaambiwa hakuhusika moja kwa moja kwenye kashfa xa escrow lakini alikuwa kinara wa utetezi katika sakata hili. Pia ni miongoni mwa waziri wenye elimu kubwa lkn hakuwa na mkakati bunifu wa kutatua tatizo la umeme nchini zaidi ya kuiacha tanesco kwenye deni kubwa. Pia ni miongoni mwa viongozi ambao hawathamini wawekezaji wa ndani, anaamini nchi itajengwa na wazungu au wachina.

2. Lazaro Nyalandu.
Huyu ni miongoni mwa mawaziri ambao tumeshuhudia tembo wakiuliwa kwa wingi, na twiga wetu wakisafirishwa kwenda nje, hafai katika serikali yako, kwani atafanya kazi ya mazoeaa ya serikali ya awamu ya 4.

3. Mwigulu Nchemba.
Pamoja na kwamba hakukaa kwenye wizara ya fedha kwa mda mrefu, lkn ni miongoni mwa vijana ambao hawana adabu katika taifa hili. Ni mmoja wa wanasiasa wachanga ambao hajali matamshi yake mbele ya umma, haangalii baada ya hapa athari zake zitanipeleka wapi, sio mstaarabu.

4. Willium Lukuvi.
Huyu kwa mwendo wa kasi inayohitajika nchini hatufai, utendaji wake hauto tofautiana na wa awamu ya 4, hana jipya ndani ya serikali yako.

5. Shukuru Kawambwa
Huyu ni moja ya mawaziri walioshusha thamani ya elimu yetu. Sio mbunifu. Fedha za fidia za rada mpaka leo hatujui matumizi yake yalienda wapi, hatufai kabisaa.

6.Hawa Ghasia.
Huyu mama bado uchama umemkaa kichwani kuliko maslai ya taifa. Hayupo active katika utendaji wake.

7. Jumanne Maghembe.
Huyu ni moja ya mawaziri ambao ndio chanzo cha huduma mbovu za elimu na maji. Elimu yake ni kubwa lkn haina msaada kwetu.

8.Harrison Mwakyembe.
Huyu kinachompa sifa ni lile sakata la richmond ambalo tunamwona kama shujaa. Lakini kiukweli hafai hata kuwa mwenyekiti wa kijiji. Sijaona mafanikio yake katika wizara alizozisimamia, ni mzigo ana asili ya mtandao ambao ni chanzo cha utendaji mbovu nchini. Ni mafya wa kisiasa

9. Magreth Sitta
Mama huyu tangu zamani ni outdated, haendani na kasi ya dunia, yupo nyuma na mda, hafai katika serikali yako.

10. Sofia Simba
Hana tofauti na Mama sitta, tena huyu uchama na mtandao wa uongozi umemjaa kichwani, hafai katika serikali yako.

11. Andwer Chenge
Najua huyu unamfahamu vema

12. Anna Tibaijuka
Najua unamfahamu vizur

13. Willium Ngeleja
Najua wamfahamu vzr

NB.
1. Mheshimiwa Rais kuna vijana wengi ambao naamini katika utendaji wao lkn siamini kundi lake, na mmoja wao ni Januari Makamba. Huyu binafsi namwamini kiutendaji, ubunifu lakini kinachomsumbua ni kutaka madaraka makubwa, kundi lake lililo nyuma yake, Huyu badala ya kuchapa kazi atakuwa anawaza urais baada yako kustaafu. Kwa mtazamo wangu ungemweka kando kwa mda baada ya miaka miwili ndo uumpe majukumu.

2. Kwa kukusaidia mh Rais ni vema ukachagua mawaziri wachache ambao wengi wao hawakuwa mawaziri, sio viongozi katika chama, vijana, wenye elimu isiyo na shaka. Hawa ndio wataileta tanzania mpya ya HAPA KAZI TU.

Mh Rais ukikosea kwenye baraza la mawaziri basi jua umeuwa nchi, na hapo tutadhibitisha kuwa hakuna cha Magufuli 4 change itakuwa ccm ni ile ile.

Asantee.
Hali ya Kisiasa
Mgogoro wa Zanzibar ni jukumu lako kwa sasa halikwepeki. Tafuta wasuluhishi wawili (kutoka Bara na Visiwani) wakusaidie kulishughulikia hili
2. Katiba mpya ya JMT ? pengine si ajenda ya chama chako kwa sasa lakini linahitaji dhamira yako? chonde chonde litendee haki taifa hili.

Mfumo na Uendeshaji wa Serikali
Uza mashangingi ya Serikali na ubakize machache tu kwa shughuli muhimu. Watumishi wa Serikali wakopeshwe magari na wapewe mafuta ili kuokoa fedha nyingi mno zinazopotea kiholela.[/FONT]

Rejesha nyumba za Serikali kwani wananchi wengi hatuna imani kuhusu dhamira, mantiki na umuhimu wa kuziuza nyumba za Serikali

Punguza sana idadi ya Wizara na Mawaziri ili kupunguza gharama

Boresha kipato cha Watumishi serikalini ili kuwaongezea morali

Toa fursa katika vipindi tofauti mikoani ukutane na wananchi wenye matatizo uwasikilize ana kwa ana, mmoja mmoja (uwe rais wa wananchi)

Misamaha ya kodi ni donda ndugu linalohujumu Taifa mapato, dhibiti hili kwa nguvu zako zote.

Panua wigo wa vyanzo vya mapato ya Serikali ? hili ni muhimu sana

Dhibiti safari za nje zisizo za lazima kwa Viongozi waandamizi wa Serikali

Rushwa na Ufisadi

Mahakama ya Rushwa na Ufisadi ianzishwe kama ulivyoahidi

TAKUKURU ipewe mamlaka ya kuwafikisha watuhumiwa mahakamani bila kibali cha DPP

Afya, Maji na Mazingira

Karabati hospitali za umma (Taifa, Mikoa, Wilaya) ziko katika hali mbaya (Zahanati kwa kila kijiji inawezekana!)

Imarisha Hospitali ya Muhimbili ikidhi viwango vya kimataifa ili kupunguza gharama za matibabu nje ya nchi

Panua wigo wa Mfuko wa Bima ya Afya ili ijumuishe wananchi wote (Rwanda wameweza hili) watakaochangia kiwango nafuu

Miji na Majiji ni machafu mno (taka ngumu na maji taka), imeshindikana kubadili hali na inaelekea hakuna suluhisho, inabidi tuzoe uchafu ? tunaomba wahusika wageukie taka

Huduma ya Afya ya Mama na Mtoto iboreshwe kwa nguvu zote

Serikal igharimie magonjwa hatarishi ikiwemo saratani na UKIMWI

Matumizi ya mifuko ya plastiki yapigwe marufuku (Rwanda, Zanzibar imewezekana)

Anzisha Mfuko wa Maji Vijijini ili kuongeza kasi ya upatikanaji wa maji katika maeneo yote

Elimu
Wanafuzi wengi wa elimu ya juu hawakupata mikopo kwa mwaka2015/2016? litatue hili kwani ni aibu

Elimu ya bure hadi kidato cha nne iwe kweli na yenye ubora

Shule ziimarishwe kwa kupatiwa madarasa, maabara, vitabu, walimu na lishe muafaka?
One Computer, One Pupil? ? tujenge taifa la kisasa na linaloendana na mabadiliko ya nyakati kimaendeleo
Anzisha Kamisheni ya Taifa ya Ushauri kuhusu elimu

Kilimo, Mifugo, Uvuvi na Viwanda

Fufua kilimo cha mazao asilia (mkonge, kahawa)

Anzisha Mfuko wa Taifa wa Kilimona Mifugo utakaotoa mikopo kwa wakulima, wafugaji na wavuvi

Imarisha na jenga miradi ya umwagiliaji na majosho ya mifugo

Imarisha vyama vya ushirika na viwezeshe kujitafutia masoko

Futa kodi zote kandamizi kwa wakulima, wafugaji na wavuvi

Anzisha viwanda vya kusindika mazao ya kilimo, ufugaji na uvuvi

Weka kodi nafuu na shindani kuhamasisha wawekezaji

Miundombinu na Uchukuzi

Punguza gharama za vifaa vya ujenzi ili wananchi wengi wamudu kujenga nyumba bora

Fufua Shirika la Ndege la Taifa (ATC)

Imarisha miundombinu ili kuondosha misongamano katika majiji na miji mikubwa (Dar, Mwanza, Mbeya, Arusha)
    1. Usikubali kofia mbili; wewe ni Raisi, uenyekiti wa CCM muachie mwingine ili chama kibaki chama na serikali ibaki serikali.
    2. Washauri Wabunge wa CCM, watangulize maslahi ya taifa mbele ya maslahi ya chama.
    3. Washauri Wabunge wa CCM kama itawezekana wamchague Spika wa Bunge asiyeegemea upande wowote.
    4. Pokea ushauri kutoka kwa vyama vya siasa lakini uwe huru kufanya maamuzi kulingana na matakwa ya Katiba ukizingatia maslahi ya wananchi.
    5. Usiruhusu Ikulu kutumika kwa maslahi ya CCM, vikao vya chama vifanyike nje ya Ikulu.
    6. Washauri CCM waachie mali za wananchi kwa kuzirudisha mikononi mwa wananchi kupitia serikali.
    7. Agiza vyombo vya dola vitoe haki sawa kwa wananchi bila upendeleo.
    8. Futa sheria zote kandamizi zinazozuia uhuru wa kutafuta, kupokea na kutoa habari. Vyombo vyote vya habari viwe huru.
    9. Hakikisha mikataba yote tunayoingia inawekwa wazi ili vijadiliwe na kupitishwa na Bunge.
    10. Vikumbushe vyombo vya dola kwamba jukumu lao la kwanza ni kuwalinda Watanzania na mali zao na si kupambana nao.

Watu wengi wanaishi wilayani na mahitaji yao mengi yanatatuliwa wilayani hukohuko, hivyo kuweka watendaji mahili na wabunifu kwenye ngazi ya wilaya ndio mtihani wa kwanza wa rais Magufuli. Wakuu wa wilaya na watendaji wengine wa JK sio kabisa, na huwenda ndio chanzo cha migogoro mingi ya wananchi dhidi ya serikali yao. JPM hana namna nyingine zaidi ya kuwaweka pembeni watendaji wote wavivu na wabadhilifu wilayani na mikoani ambao wengi wao wameshachukiwa tayari na wananchi wao.

Mtihani wa pili ni namna atakavyo atakavyotumia uwezo wake kupambana wa watu wajanjawajanja kama vile akina Lyatonga, Chenge, Tibaijuka, Manji, Aziz, Nazir, Harison, Samuel na wengine. Kwa muonekano wao ni wapenda sifa binafsi na kujali maslahi yao tu.

Mtihani wa tatu ni namna atakavyoweza kukaa mbali na kundi la mzee Mkapa waliohusika na kuuza viwanda, migodi, mabenki, mashamba, nyumba za serikali na hata waliotajwa kwenye kashifa ya EPA, meremeta, rada, ndege ya rais, n.k, ambao ni chanzo kikubwa leo cha ukosefu wa ajira kwa vijana na ongezeko kubwa la deni la taifa.

Mtihani wa Nne ni namna ya atakavyopambana na wimbi la watoto na wajukuu wa viongozi wa wakuu wa CCM wanaotaka kupewa nafasi serikalini kwa upendeleo kutumia nafasi za wazazi wao.

Mtihani wa Tano ni namna atakavyoweza kupambana na udini, ukabila, na ukanda katika kutoa nafasi za ajira nchini. Hali ilivyo hivi sasa ni mbaya sana, ajira wizarani, kwenye vitengo mbalimbali, mialiko kwenye mikutano, semina na nafasi za mafunzo inatolewa kwa ukanda, ukabila, udugu na udini.

Asipozingatia haya atahesabika kuwa ameanza na mguu mbaya sana utakaomgarimu sana uchaguzi wa 2020.
Secta ya bunge kitengo cha huduma na haki za mbunge kilichokuwa chini ya Chenge kilipangia bunge masulufu makubwa mno na bado wabunge kwa makusudi au kwa utovu wa adabu walikuwa wanaona haziwatoshi.

Mfano posho za kuhudhuria bunge ni shs 300.000 bado wabunge walikuwa wanaona hazitoshi ziongezwe chini ya Chenge

Mh. Rais kubana matumizi ya serikali iangalie sana secta hii ya bunge

Pia ninakuomba usitishe mikopo ya mashangingi, waheshimiwa wabunge wanunue RAV 4 au NOA kwa hela zao kwa sababu majimbo yamegawanywa na kuwa madogo yanayoweza kufikika kilaisi na usafiri huo.

Mh Rais fanya kazi ya ubunge iwe ngumu lli uchaguzi ujao wanachi wasiikimbilie

Ushauri huu pia nimekutumia kwa e.mail tafadhari naomba unijibu kama kutakuwa na ugumu katika utekelezaji wake

KIFUPI: Bunge linamega sehemu kubwa sana ya keki ya Taifa, serikali ya awamu ya tano liipunguze keki hiyo.
"Hapa Kazi tu", ndio msemo unaotawala sasa katika eneo la siasa. Siku chache zilizopita msemo wa 'mabadilikooo' Lowasaaa, Lowassaa mabadilikoo' ndio ulitamba. Wakati huo vijana, wazee na watoto walitamani mabadiliko aliyotangaza Mh. Edward Ngoyai Lowassa. Lowassa aliwajengea wafuasi wake Imani kubwa hasa pale alipowaambia wampigie kura kwa wingi na suala la kumtangaza mshindi tumuachie yeye. Wananchi wakampigia kura kwa wingi na hadi leo, suala la kutangaza mshindi wamemuachia Lowassa.

Vyovyote vile, Rais wa Jamuhuri ya Muungano wa Tanzania ni John Pombe Magufuli. Anaweza asiwe mioyoni mwa raia wengi zaidi, nikiwemo mimi, lakini ndio Rais. Tukitaka kujadili mambo Makubwa ya Taifa letu, hakuna budi kumtambua Magufuli kwamba ndiye Rais, kwa sasa.

Rais Magufuli ameanza kazi kwa staili ya JK alipoingia mwaka 2005. Magufuli amekuwa akivamia taisisi nyeti za umma, kukagua, kujionea hali halisi, kutoa maagizo na pengine kujifunza. Ni vema na haki kuona tuna Kiongozi anayeonesha kuyajali majukumu ya wengine kiasi cha kufanya ziara za kustukiza kwa lengo la kuona uhalisia wa mambo. Kama Magufuli angekuwa anatoa taarifa za ziara zake, labda pangefanyika maandalizi yanayoweza kuziba sura halisi ya utoaji huduma katika taasisi husika.

Wapo wanaobeza, kukejeli na kupuuza na hata kuita ziara hizi kuwa ni maigizo tu au Nguvu ya soda tu. Wengine wanasema hayo kwa sababu wao wannamini hivyo kutokana na sababu zao wanazoona kuwa ni za msingi, na wengine wanatamani iwe hivyo ili Magufuli akishindwa wajigambe mbele ya 'wapinzani' wao wa kisiasa. Watu hawa hawajui kuwa kushindwa kwa Magufuli ni kushindwa kwa Taifa. Na Taifa ni letu wote, kwa hiyo na sisi sote tutakuwa tumeshindwa.

Mimi binafsi naziona ziara za ghafla za Magufuli kama michezo ya mtoto mdogo anayejifunza kutembea. Mtoto mdogo anapocheza ni ishara ya maendeleo mazuri kiafya. Ni ishara kuwa mtoto hana tatizo. Ni matumaini. Hutokea hata mzazi kushikwa na wasiwasi mtoto wake anapoacha kucheza na wenzake, na hali ilkizidi humpeleka kituo cha afya.

Magufuli anacheza, na hiyo ni ishara nzuri kwa mtoto. Na hapo ndipo inapokuja hamu ya kutaka kuona maendeleo chanya ya Rais wangu Magufuli. Atakapoanza kutembea, atembelee maeneo haya.

1. MADAWA YA KULEVYA
Jeshi la wananchi la Tanzania JWTZ, lina wanajeshi wapatao 30,000 na kuongeza au kupunguza kidogo (around 30,000). Takwimu za vijana walioathirika kwa madawa ya kulevya ni around 700,000 (laki saba) kwa mwaka 2013. Kwa hiyo ukichukua 700,000 ? 30,000 = 23 (aprox).

Hii ni sawa na kusema ukichukua vijana waliathiriwa na madawa ya kulevya unapata ndani yake majeshi 23 ya Tanzania (kwa idadi ya watu). Hili ni kundi ambalo kwa kiasi kikubwa halizalishi, halilipi kodi, ni tegemezi na wengi wao ni wahalifu ingawa uhalifu zaidi ni matokeo ya uathirika wao.

Vijana ni nguvu kazi ya taifa, ndio nguzo ya taifa. Nguzo hii ikiliwa na mchwa taifa litaanguka.

Kwa hiyo kila mtanzania atapenda zaidi kuona Mh. Magufuli anapigana vita kufa kupona dhidi ya madawa ya kulevya ili kuokoa afya za vijana wetu kabla hajawatembelea kwa kushtukiza huko mahospitalini.

Wananchi wangependa kuona madawa ya kulevya yanakamatwa, na kuchomwa moto ili kudiscourage biashara hii ya kuhuisha. Na zaidi amuombe JK majina aliyodai kuwa nayo (kama haukuwa mkwara) ili aanze nayo.

Angalizo: Kila mtu anaweza kuwa mwathirika wa madawa ya kulevya.

2. UJANGILI
Sasa hivi Kilo moja ya meno ya Tembo ina thamani ya Tsh. 200,000. Siku chache zilizopita tumeambiwa Tanzania iliizuia Malawi kuteketeza Meno na pembe za Ndovu zilizokamatwa nchini huko zikitokea Tz. Ripoti zaidi kuhusu ujangili huo hazileti furaha kwa wazalendo.

Al Jazeera wameiita Tanzania 'Point of extinction'. Kwa maana eneo la kuondoa uhai Duniani, au eneo la maangamizi, wakiakisi hali ya ujangili katika Tanzania inayoonesha kuwa Tembo wamepungua kutoka 109,051 mwaka 2009 na kufikia 43,330 mwaka 2014.

Tembo 85181 wameuawa kwa kipindi cha miaka 5. Sawa na tembo 17,016 kila mwaka. Maana yake kwa tembo 43,330 waliobaki ukigawa kwa 17,016 ni sawa na miaka chini ya mi3, tembo watakuwa wamekwisha ikiwa hali haitadhibitiwa. Hiyo ni kwa Tembo tu. Magufuli aguse na hapo.

3. UFISADI
Escrow, Epa, Richmond, Meremeta, Mabilioni ya Uswis, Ufisadi katika uchaguzi, na madudu mengine kibao. Magufuli akitaka kujenga imani kwa wananchi asiache kushughulikia mafisadi kama alivyoahidi. Lakini akiendelea ku'deal' na wanataaluma (mf. Madaktari Muhimbili) lakini akaacha wanasiasa wafanye wanavyotaka, wafanyakazi watapoteza imani naye. Na hapo kazi zitafanyika siku akivamia maofisini na siku mbili tatu baadae halafu 'business as usual'. Itapendeza kama atagusa na Mafisadi.

4. MIKATABA YA MADINI, MAFUTA NA GESI
Tumeshuhudia ugeni mkubwa nchini petu mara baada ya ugunduzi wa mafuta na gesi. Lakini hata sasa watanzania wana wasiwasi kuhusu mikataba 35 ya siri iliyofanywa na Rais wa awamu ya nne na wageni wake Rais Obama wa Marekani na Xi Ji Ping wa China.

Magufuli atakapoacha michezo ya ziara za kustukiza, tungependa aweke mikataba hii wazi, kisha wananchi washuhudie, na kama kuna harufu ya maslahi binafsi ya viongozi waliotia saini mikataba hiyo kwa siri, hatua mahususi zichukuliwe.

Tumeonewa sana kwenye Madini. Wamiliki wa migodi hii sio tu ni watu Matajiri bali pia ni watu wenye ushawishi mkubwa kwenye serikali za mataifa yalipoasisiwa makampuni hayo. Magufuli atapata sifa akituokoa na dhuluma hii iliyofanywa kwa miaka mingi. Haina maana 'neno hapa kazi tu' halafu rasilimali zetu zinakombwa kwa ridhaa yetu wenyewe. Badala ya hapa kazi tu inakuwa 'Hapa ubwege tu'.

5. KATIBA MPYA
Katiba yenye tija, tumaini jipya na mwanzo mpya wa Utanzania tunaotamani. Inafahamika wazi kuwa Magufuli ni miongoni mwa wanaCCM waliouteka na kuubaka mchakato wa katiba mpya. Mh. Sitta akajiandikia kijitabu chake akakiita 'katiba pendekezwa' huku akishadidiwa na wanaCCM, wakapiga makelele ndani ya bunge letu 'tukufu' kama mazuzu waliokosa kunywa dawa siku hiyo. Magufuli alikuwa miongoni mwao.

Sasa Mh. Rais Magufuli ana nafasi ya kuwa huru na kuacha kufuata mihemko ya siasa za vyama kwenye jambo la msingi ka Katiba. Pindi apatapo wasaa, aurejeshe mchakato wa katiba mpya ili kurudisha matumaini yaliyopotezwa. Na hili halihitaji kuvamia wizara ya katiba na sheria.

Maeneo ya msingi ni mengi na muda wa miaka mitano ni mchache sana. Naomba itokee kuwa 'drama' hizi za Mh. Rais iwe mwanzo wa safari ya kuelekea huko nilipoeleza. Haitapendeza kama lengo la hizi 'drama' ni kutafuta kukubalika tu halafu business as usual (cheap popularity).

Pia, ifahamike kuwa kutekeleza mambo hayo ni kama kuingia vitani. Kwa hiyo Mh. Rais Magufuli anapaswa kuwa mtu anayehitaji msaada katika vita hii kuliko mtu mwengine yeyote. Kwa hiyo itakuwa vizuri zaidi endapo 'drama' hizi za ziara za kustukiza zikawa mbinu za kutafuta 'kupendwa na wananchi' na hivyo kupata support kubwa pale atakapoanzisha hiyo vita.

Au kama sivyo, basi ni vema Mh. Rais Magufuri akawa na malengo ya msingi kuliko maeneo niliyogusia. Kumbe sasa endapo hatagusia hayo atagusa wapi? Mh. Rais Utakapomaliza Michezo yako, Naomba uguse na hayo.

Asante.

0713933736

Rais magufuli komesha tatizo la watu kukaimu nafasi kwa mida mrefu

Nafahamu Rais JPM anafahamu kuwa serikalini kuna tatizo la baadhi ya watu kukaimu nafasi za madaraka kwa muda mrefu bila huku wakiwa hawana sifa za kushika madaraka hayo. Wenye sifa wamekuwa wakinyimwa gursa hiyo na hivyo kuwakatisha tamaa na kuzorotesha utendaji kazini.

Watu hao mara nyingi wamekuwa wakisaidiwa na baadhi ya wakubwa walioko wizarani kwa kile kinachoonekana ni ukabila, undugu na urafiki.

Nimetembelea maeneo mengi mfano Singida, Bunda, Shinyanga manispaa na kukuta tatizo hilo hasa kwenye idara za afya, manunuzi na uhasibu.

Naomba serikali hii ishughulikie hili ili wenye sifa wapewe nafasi hizo na hii itaongeza tija ya utendaji serikalini.
Mimi miongoni mwa watanzania zaidi ya milioni hamsini natumia fursa hii kutuma hoja tano kwend kwa JPM kama sehemu yangu ya kumshauri kiongozi wangu wa nchi tuweze kufikia kile wengi tunachokitamani.

1. Nguvu kazi iliyopo utumiwe ipasavyo na kuwa na mkakati kfanikisha wazalishaji mali (producers) wazidi walaji(consumers). Hapa serikali ufungue kilimo na shughuli zingine asilia ambazo ndiyo zinabeba idadi kubwa ya watu. Serikali na secta binafsi nunueni tractors na kutenga maeneo kwa ajili ya kilimo cha mazao mbalimbali na vijina wawekwe ktk mashamba hayo kwa ajili ya kuzalisha. Irrigation schemes ziwepo kwa wingi na serikali iweke utaratibu wa upatikanaji masoko.

2. Tuwe na viwanda vinavyoa aksi malighafi yetu tunayoizalisha sisi ili tukuze hizo shughuli zinazotoa malighafi. Si lazima kuwa na viwanda vikubwa sasa hivi bali tuanze na viwanda vyetu vidogovidogo vinavyoaksi uchumi wetu badala ya kupokea viwanda toka nje hii hataisaidia kwa mda mrefu kwani badae tutajikuta hatumiliki uchumi sisi.

3. Fedha inayopatikana asilimia kubwa yake ifanye maendeleo ya jamii kkt huduma za jamii km afya na miradi ya maendeleo kuliko kuendesha serikali kwani ni wazi kuna bilioni nyingi zinatumika kuendesha serikali pasipo na ulazima . Mfano idadi kubwa ya magari ya kifahari kutokana na vyeo vvyingi km vile idadi kubwa ya wabunge,wakuuu wa mikoa na wilaya,RPCs,wakurugenzi,mawaziri na utitili mwingi ambao wote wanatumia pesa nyingi.

4. Mabadiliko na utungaji wa sheria mpya na hata katiba mpya ili kuiweka Tanzania ktk nafasi salama zaidi yenye maslahi mapana ya nchi.

5. Yapo mambo makubwa yanalitafuna taifa na bado hayajaguswa wala kuzungumziwa mfano mikataba mibovu ya madini. Rais sasa ahame toka kwenye kupapasa ili akajikite na mambo hayo mazito ambayo ni shida kwa taifa.

Asante
By GGM.
 
Bobwe2

Bobwe2

JF-Expert Member
Joined
Feb 26, 2014
Messages
1,952
Likes
1,226
Points
280
Age
38
Bobwe2

Bobwe2

JF-Expert Member
Joined Feb 26, 2014
1,952 1,226 280
Mlizoea kuishi kwa wizi wizi na ulaghai sasa jembe limevunja kwenye viuno lazima mpige kelele
Kwa mtazamo wako shida na umasikini wa watanganyika vinawapata chadema pekee yao,kumbe mnaenda kuwatia dhiki watanganyika wasio na hatia kwa kuhisi mnawakomoa cdm.
 
alexelias

alexelias

JF-Expert Member
Joined
Sep 1, 2017
Messages
1,591
Likes
2,121
Points
280
alexelias

alexelias

JF-Expert Member
Joined Sep 1, 2017
1,591 2,121 280
Makonda mfute kazi na limbukeni!

Unafanya mambo mazuri katika yote kasoro kumlea huyo mpayukaji. Hadi wakati huu ni huyo huyo Makonda kwa uropokaji wake usiyo na STAHA hasa katika hilo la mashoga washindani wetu wanalitumia kama siraha!

Hebu tafadhari atupishe huyo bwana mdogo katika nafasi hasa hiyo aliyopo ili asiendelee kutuingiza katika sintofahamu zinginezo.

Jambo hilo lingeendelea kushughulikiwa kwa mujibu wa sheria zetu na jambo jema ni kwamba hata hatukuwa na tatizo na sheria zetu na zilitumika vizuri mno katika kuwadhibiti hao wajinga!

Narudia,SIKUPANGII!lakini huyo mropokaji na aondoke sasa.
 
GENTAMYCINE

GENTAMYCINE

JF-Expert Member
Joined
Jul 13, 2013
Messages
30,922
Likes
39,511
Points
280
GENTAMYCINE

GENTAMYCINE

JF-Expert Member
Joined Jul 13, 2013
30,922 39,511 280
Makonda mfute kazi na limbukeni!

Unafanya mambo mazuri katika yote kasoro kumlea huyo mpayukaji. Hadi wakati huu ni huyo huyo Makonda kwa uropokaji wake usiyo na STAHA hasa katika hilo la mashoga washindani wetu wanalitumia kama siraha!

Hebu tafadhari atupishe huyo bwana mdogo katika nafasi hasa hiyo aliyopo ili asiendelee kutuingiza katika sintofahamu zinginezo.

Jambo hilo lingeendelea kushughulikiwa kwa mujibu wa sheria zetu na jambo jema ni kwamba hata hatukuwa na tatizo na sheria zetu na zilitumika vizuri mno katika kuwadhibiti hao wajinga!

Narudia,SIKUPANGII!lakini huyo mropokaji na aondoke sasa.
Samahani Mkuu hapa ndiyo umeandika nini?
 
M

Miss Madeko

JF-Expert Member
Joined
Apr 30, 2014
Messages
2,454
Likes
2,446
Points
280
M

Miss Madeko

JF-Expert Member
Joined Apr 30, 2014
2,454 2,446 280
Namkumbuka sana GWAJIMA Bishop alisema huyu bwana mdogo atamtia hasara na aibu yako wapi? mwaka hata haujakatika kitu hichooo na bado... na ndimi kujaa kwa mdomo
 
Heller

Heller

JF-Expert Member
Joined
Dec 17, 2013
Messages
2,408
Likes
5,109
Points
280
Heller

Heller

JF-Expert Member
Joined Dec 17, 2013
2,408 5,109 280
ni rahisi Mh. ajiuzulu wadhifa wake,kuliko kufikiria kumfuta kazi Bashiite
 
F

fikirikwanza

JF-Expert Member
Joined
Jan 25, 2012
Messages
6,492
Likes
558
Points
280
F

fikirikwanza

JF-Expert Member
Joined Jan 25, 2012
6,492 558 280
Tuombee taifa, liwe na amani, afya, maendeleo na Baraka tele. hata kabla ya mussa kulikuwako na farao na filauni
 
Mwanahabari Huru

Mwanahabari Huru

JF-Expert Member
Joined
Mar 9, 2015
Messages
13,722
Likes
28,616
Points
280
Mwanahabari Huru

Mwanahabari Huru

JF-Expert Member
Joined Mar 9, 2015
13,722 28,616 280
Habari za muda huu kiongozi wangu? Shikamoo mzee wangu!

Mheshimiwa Rais, leo nakuja kwako kwa unyenyekevu mkubwa, najaribu kutumia hekima zangu, busara na weledi kujaribu kusema kwa lugha yetu ya kiswahili nawe, Rais wetu, kiongozi wetu MPENDWA!

Mheshimiwa Rais, Nani asiejua kwamba wewe ni kiboko yao? Kwamba umewashughulikia hata watu wa Chama chako, waliokupigania kwenye kampeni, walipozingua, haukuwatazama mara MBILI!

Tunaelezwa. Kwamba ni kweli, umewashughulikia ipasavyo wahujumu uchumi wa nchi yetu, mafisadi na wabadhirifu wa mali za umma. Wanasema wakisikia jina lako wanazimia, MAFISADI wa RICHMOND, EPA na ESCROW!

Huko nje ya nchi, tunaelezwa kwamba wewe ndie yule "kiongozi ambaye alikuwa akisubiriwa kwa wakati wote, baada ya JK wa kwanza" sasa umekuja, wanakuita "Nyerere of our time" alisema PLO Lumumba!

Mheshimiwa Rais, hapa nyumbani, wasomi, maprofesa wa chuo kikuu kikongwe cha DSM wakaungana na kuweka kongamano, wakitaja na kulinganisha sifa zako na mzee wetu Nyerere, sifa kedekede zikamwagwa!

Mheshimiwa Rais, tunaelezwa, ingawa tunaona, umenunua mijindege mikubwa, hadi "MABEBERU" wameogopa, wametikisika, wametetemeka, wanajiuliza, "anatoa wapi pesa huyu kiumbe?" na umewatikisa kweli!

Haukuishia hapo, umekwenda mbali na kuangusha "mijidaraja ya kutisha" umejenga "mi-flaiova" na naona unatandika mkeka (reli ya SGR) kutoka DSM kwenda Morogoro, watapata taabu sana, tunaelezwa hivyo, wakosoaji wako..

Wanasema, mapato ya ndani yameimarika, ukusanyaji umepanda, uzalishaji umeongezeka, na wanakwenda mbali na kusema "ajira ni kedekede" na wanasema umeongeza bajeti ya Afya sasa.. Imeshiba!

Mheshimiwa Rais, wakulima wa korosho, umewapelekea "mijisenti" na umekwenda kukomboa korosho yao kutoka kwa 'Kangomba' na unasema utanunua mzigo wote, mambo ndio hayo, tupewe nini kingine sie, shikilia 'baba'

Wanasema, wanatueleza kwamba Umejenga mabweni, umejenga maktaba pale UDSM, na hiyo WAMEFANYA wawili pekee, Wewe na Mwalimu, na wasomi wale wanasafiri na kauli mbiu "NYERERE WA WAKATI WETU"

Sasa naona Machinga na mama ntilie wanatengenezewa vitambulisho. Safi. Naona na wanafunzi sasa wanasema mikopo ya elimu ya juu "kuchereee" nafikiri wanamaanisha, sasa wanapata pesa nyingi, vilio vyao sivisikii kwa sikio la kawaida!

Kule Kibiti tumewafukuza kabisa hawa "maharamia" ambao walitamani kuchafua taswira ya nchi yetu. Walikuonesha utovu wa nidhamu mheshimiwa Raisy, ukiwa Pwani ziarani, wakafanya TUKIO, loh! Hawafai hawa watu!

Mheshimiwa Rais, kama kweli haya yote ambayo yanaelezwa ni kweli, na yamefanyika hadharani, watu wanaona kwa macho yao, wanashuhudia, kwanini tunatumia nguvu kuwaaminisha na kuwataka WAONE?

Mheshimiwa Rais, kama kweli haya yamefanyika, una sababu gani ya kuzuia hawa "wapinzani wako kisiasa" kufanya siasa za majukwaani, ili wakifika huko wakose AGENDA ya kukuongelea na wapigwe mawe jukwaani?

Kama kweli tumewapa wananchi ajira, tumeimarisha uchumi wao, kuna sababu gani ya msingi sasa hata kuogopa hawa wanasiasa wasikutane na hao wananchi, ili wakazomewe huko mtaani?

Mheshimiwa Rais, kama ni kweli wewe ni "Nyerere wa wakati huu" ni kwanini unafikiri njia sahihi ya kuleta maendeleo kwa wananchi wako, ni kuzuia shughuli za. Kisiasa za vyama vilivyosajiliwa kisheria kufanya siasa?

Mheshimiwa Rais, umefanya yote hayo yanayotajwa, kwanini UOGOPE KUKOSOLEWA? kwanini wakosoaji wako wengi wanapata mashtaka ya uchochezi? Kwanini ni HARAMU sasa kuhoji ya msingi kuhusu utawala wako? Mifano ipo mingi sana!

Kama umewapa wananchi wako maendeleo, hawakudai kitu, kwanini hawa wapinzani wako unawazuia hata kufanya vikao na mikutano yao ya ndani? Polisi wako wanawakamata na kuwaweka mahabusu!

Mheshimiwa Rais, katika kelele za Maandamano YA UKUTA (2016) baadae yale ya Mange Kimambi (2018) imetunushiwa nguvu kubwa sana ya askari wako barabarani, gharama na. Muda ingawa ndio kazi yao..

Je, hawa watu wakiandamana na agenda zao mkononi, wakapewa ulinzi kuzuia uhalifu wa mali za raia, jioni ikawadia wakaenda kulala bila risasi au bomu kurushwa kwao, tunaamini tutaathirika eneo lipi kwa kiwango gani?

Mheshimiwa Rais, kuna wakati hata Kenya na Uganda walitamani kupata kiongozi kama wewe, Mwanzo katika utawala wako. Unafikiri kwanini sasa hawaimbi nyimbo zako? Hawataki tena 'sampuli yako' katika tawala zao? Umewahi kujipa muda kuuliza hilo mheshimiwa?

Umewapa wananchi wanachokitaka, watakupenda, hautatumia nguvu kuwashawishi wakupende! hakuna sababu ya kuwaeleza kwamba sasa wakuombee. Ili kuwa na hekima, ni wakati wa kuwatumikia, kwa busara na hekima za uongozi!

Mheshimiwa Rais, "dudu liumalo kwanini tulipe kidole?" unasema wapinzani wako wanatumiwa na MABEBERU kuharibu taswira ya nchi yetu, kama ni kweli, hawa ni wasaliti, lakini haujawahi kutueleza, HOW?

Sisi tunakopa pesa kwa hao WATU, wanachangia hadi pesa kwenye bajeti yetu, wanajenga miradi ya maendeleo, na baada ya hapo tunawaita IKULU na kuwapa jina la WAHISANI au MARAFIKI

Lakini what watu hawa wakitupa masharti kutokana UVUNJIFU wa masharti ya misaada na mikopo yao, tunawaita MABEBERU, kwanini sasa tusiache kabisa kushirikiana nao katika maeneo hayo, TUJIENDESHE, kama kweli sie tumekomaa? Miaka 57 SIO HABA!

Mheshimiwa Rais, kweli kabisa, inakera sana kuvaa "jezi nyingi" yaani hatueleweki sisi ni watu wa ITIKADI gani, hatujulikani kama sie ni mabepari au wajamaa, hatujui kama ni wahafidhina au waliberali, sehemu zote tupo!

Hii sasa ndio Chanzo cha kuanza kuletewa masharti ya USHOGA nchini kwetu, lazima tutambue kwamba, kumiliki ITIKADI na FALSAFA ya Taifa, na kuacha kuomba na kupokea kila kitu, kutapunguza hii misaada yenye masharti magumu.

Pia, lazima tutambue kwamba, nchi yetu haitambui USHOGA kama haki za binadamu iwa Sheria za ndani, isipokuwa imekubaliana na jumuiya za kimataifa kuheshimu haki za makundi hayo ya kijamii, na kuheshimu shughuli zao. Tumetia na saini kabisa.

Mheshimiwa Rais, kama ndivyo, kuna njia za kushughulika na matatizo ya namna hii katika Jamii yako, na sio kwa kutumia njia ambayo aliitumia yule kijana wako MPENDWA sana, kutoka MZIZIMA, ile ndio imetuletea hizi Kashi-Kashi zote hadi kuazimiwa!

Mheshimiwa Rais, siku zote 'chuki humchoma mtu anaeihifadhi', tujitahidi kuhubiri upendo, twende kanisani tumuombe Mungu wetu atupe hekima na busara, uvumilivu na upendo Kati yetu. Tusiishi kwa kuichukia nafsi ya mwingine..

Kama ambavyo uliweza kumsaidia Ruge Mutahaba kwa kumpa zaidi ya 45M na hata kuubeba ipasavyo msiba wa Erick Shigongo basi onesha hayo kwa Ndesamburo na hata Tundu Lissu. Ndio UKATOLIKI huo!

Pamoja na umoja na mshikamano wetu. Tutakuwa tunafanya kazi bure ikiwa tu hatuna AMANI ambayo inaletwa na UHURU watu, haki ya kujieleza ni muhimu, ingawa ina mipaka yake. Inapaswa kulindwa!

Mheshimiwa Rais, waruhus hawa watu wakupongeze, wakusifu na wakuimbie kwa nyimbo, vinanda, vinubi na vigelegele, lakini kamwe usiwazuie wakikukosoa wewe na uongozi wako. Uvumilivu unapimwa hapa!

Kiongozi atakosolewa, atajengwa na wanaoweza kumuonesha makosa yake, watu ambao hawatafuti TEUZI mbele yake, ndio wanaweza kumueleza ukweli, wasitendwe visivyo, sio wahaini! Ni wazalendo wa Taifa lako hili.

Yesu Kristo Pamoja na miujiza yote alidhihakiwa na kukosolewa na kuuwawa. Mtume Muhammad (S.A.W) alidhihakiwa na hata manabii wakubwa, Mussa na WENGINE walipata wakati mgumu kueneza injili, sembuse wewe Rais wangu? Waruhusu wakukosoe!

Mheshimiwa Rais, mimi yangu ni mengi sana, ujumbe wangu kwa mwaka 2018 ni huu, nakutakia Heri ya mwaka mpya, na hakika Christmas ni njema kwako, maana umemaliza mwaka mwingine pasi-na kwenda kwa "MABEBERU" TUNALINDA RASILIMALI ZETU, WASIZIPORE!

#MMM, Martin Maranja Masese
 
S

stella1975

Senior Member
Joined
Nov 25, 2018
Messages
107
Likes
107
Points
60
S

stella1975

Senior Member
Joined Nov 25, 2018
107 107 60
Wakuuuu niwe mkweli kabisaaa, huyu rais wa jamhuri Ya muungano wa Tanzania anafanya mambo ambayo ndio hitaji kuuu la kwangu Mimi hivyo naomba watumishi wake wa tiss mlioko humu mmpelekeee salam za Pekee kutoka kwangu binafsi na ninamhakikishia kuwa Niko nyuma yake na ninamuombea Kwa MUNGU ampe Afya njema na kumlinda ili aendelee na haya majukumu MAGUFULI HOYEEEEEEEE
 
E

elfusifuri

Member
Joined
Jul 25, 2018
Messages
64
Likes
76
Points
25
E

elfusifuri

Member
Joined Jul 25, 2018
64 76 25
Sawa mkuu, wamekusikia. Pia upokee na wenye maoni tofauti
Wakuuuu niwe mkweli kabisaaa, huyu rais wa jamhuri Ya muungano wa Tanzania anafanya mambo ambayo ndio hitaji kuuu la kwangu Mimi hivyo naomba watumishi wake wa tiss mlioko humu mmpelekeee salam za Pekee kutoka kwangu binafsi na ninamhakikishia kuwa Niko nyuma yake na ninamuombea Kwa MUNGU ampe Afya njema na kumlinda ili aendelee na haya majukumu MAGUFULI HOYEEEEEEEE
 
A

Abuka

Member
Joined
Sep 17, 2013
Messages
55
Likes
32
Points
25
A

Abuka

Member
Joined Sep 17, 2013
55 32 25
Hapo vip!!

Katika hawamu hii, hawajafanikiwa kuleta na kufanya mpango wa maendeleo inayogusa nchi nzima bali ni hizi program ndogo zinazogusa ukanda fulani, mfano ununuzi wa ndege inamsadiaje mtu wa nachingweya mtwara, au treni ya umeme kutoka dar kwenda mwanza inamsadiaje mtu wa Oldadai -Arusha.

Mfano kipindi cha Kikwete ulianzishwa mpango wa shule za Kata Tanzania nzima na niwazi huu mpango imewagusa na kuwasaidia watanzania wengi katika kila kona ya Nchi.

Pili Kikwete alifanya mpango wa kujenga barabara za lami Nchi nzima na mpango huu imemgusa na kuwasaidia watanzania wote.

Mimi tokea uingie madarakani bado sijaona mpango uliokuja nao Kwa lengo la kuwasaidia watanzania au kuibadisha Tanzania Kwa ujumla, hizi Sijui treni za umeme na ununuzi wa ndege ni projects ndogo ndogo sana.

Hivi washauri wa rais Kwa nini msimshauri vizuri katika eneo la uchumi , mkaacha kumuogopa, Kwanini yeye ni Mungu bhana.

Hivi viprojects vidogo vidogo anavyofanya ni za level za mawaziri na wabunge.
Heeeee mpaka nimeshangaa, Kodi ya shirika la Umma inaingia kwenye kapu Kuu la makusanyo ya Kodi sio Halmashauri. Yaani TRA ndo inakusanya direct.

Baada ya makusanyo hayo, matumizi yanapangwa nchi nzima bila kujali hii imetoka SRG au ATCL

So hata huko kwenu mtapata manufaa yanayoletwa na ukusanywaji wa Kodi
 
A

Abuka

Member
Joined
Sep 17, 2013
Messages
55
Likes
32
Points
25
A

Abuka

Member
Joined Sep 17, 2013
55 32 25
Maji ambalo ni hitaji muhimu kwa uhai wa binadamu ni issue Tanzania karibu yote. Wakati wa kiangazi wenye nguvu hupata rizki kwa kuchotea maji wale wasio na nguvu au wenye u shuleni wa maisha.

Pesa inayotumika kugharamia maji ingeweza kuboresha makazi na kudhibiti wadudu kama mbu, tungedhibiti malaria.

Ulizia pesa ya budget ma maji mwaka huu wa fedha iliyofika Wizara ya maji.
Biashara inayoongoza Duniani siku zote Ni biashara ya Dawa za Binadamu. Matajiri wakubwa Duniani Kama wakina Bill Gates ndo wameshikilia hizo biashara za dawa ulimwenguni.

Sasa ukitaka kumaliza malaria, uwe umeshaandaa ugonjwa mpya ili dawa ziendelee kununuliwa
 

Forum statistics

Threads 1,250,078
Members 481,222
Posts 29,720,091