Baada ya kauli ya CDF wa Tanzania Jenerali Mkunda kusema kuwa 'Baadhi ya Wakimbizi wamepewa teuzi Serikalini katika nafasi zenye maamuzi' imenifikirisha sana nikakumbuka nilishawahi kusikia tetesi kuwa Paul Kagame wakati akiwa mkimbizi nchini Uganda, aliwahi kuhudumu kwenye jeshi la nchi hiyo na mpaka kufikia cheo cha Mkuu wa usalama wa Jeshi Uganda.
Mpaka sasa tunaona jinsi Kagame anavyoisumbua Uganda labda kutokana na ukweli kuwa anaijua nje ndani.
Je, ni kweli Paul Kagame aliweza kuaminiwa na kupewa cheo nyeti kwenye Jeshi la Uganda?
Mpaka sasa tunaona jinsi Kagame anavyoisumbua Uganda labda kutokana na ukweli kuwa anaijua nje ndani.
Je, ni kweli Paul Kagame aliweza kuaminiwa na kupewa cheo nyeti kwenye Jeshi la Uganda?
- Tunachokijua
- Paul Kagame, Rais wa sasa wa Rwanda alizaliwa Gitarama, katikati mwa Rwanda, Oktoba 23, 1957, katika familia ya Watutsi. Mwaka 1959, mauaji ya Watutsi yaliyofanywa na Wahutu yalipoanza, familia ya Paul Kagame ilikimbilia Uganda pamoja na maelfu ya Watutsi ili kuokoa maisha yao.
Mwaka 1979, akiwa na umri wa miaka ishirini na miwili, Kagame alijiunga na kundi la National Resistance Army (NRA), lililokuwa linaongozwa na Yoweri Museveni, wanamgambo waliokuwa wanaoungwa mkono na Marekani kupigana na dikteta wa Uganda wa miaka ile, Idi Amin Dada.
Mwaka 1986, NRA ilimpindua Obote na Museveni akawa Rais na kumteua Mkuu wa Mkuu wa Idara ya Ujasusi ya Ulinzi ya Uganda.
"Kwa miongo kadhaa, Kagame na Museveni walipigana bega kwa bega, na kumwangusha dikteta wa Uganda, Milton Obote kupitia mapinduzi ya kijeshi mwaka 1986 na kumwangusha Mobutu Seko katika Jamhuri ya Kidemokrasia ya Kongo mwaka 1997. Kagame, ambaye alipata mafunzo ya ujasusi nchini Tanzania, akawa mkuu wa ujasusi wa Museveni na msiri wa karibu. Kwa upande wake, Museveni alisaidia kuinuka kwa Kagame madarakani, na kuwaingiza wakimbizi wa Rwanda ambao hatimaye waliunda Rwanda Patriotic Front. Kwa kuungwa mkono na Museveni, Kagame aliivamia Rwanda, na kumaliza mauaji ya kimbari ya 1994", wanaandika Council on Foreign Relation.
Mnamo 1990, baada ya kuhudhuria kambi ya mafunzo ya kijeshi ya Merika huko Fort Leavenworth, Kansas, Kagame alianza kutawala katika nchi yake ya asili ya Rwanda na Oktoba 1, 1990, Front Patriotique Rwandais (FPR), iliyojumuisha Watutsi wengi walio uhamishoni, na kuundwa katika miaka ya 1980, walianza kushambulia miji ya mpakani mwa Rwanda. Oktoba 2, kiongozi wa FPR Fred Rwigema alikufa vitani na Rais Museveni akamteua Kagame kama kiongozi mpya wa FPR.
Kati ya 1991 na 1993, Kagame aliongoza FRP katika mazungumzo huko Arusha, Tanzania ili kusitisha vita vya wenyewe kwa wenyewe vya Rwanda. Mwaka 1994, hata hivyo, baada ya kifo cha Rais wa Rwanda Juvénal Habyarimana katika ajali ya ndege, mauaji ya halaiki yalianza ambapo takriban watu milioni moja waliuawa wakati wa mauaji hayo.