Zitto: Ushauri wangu kuhusu Mlipuko wa Korona

[Zitto]

Ushauri wangu kuhusu Mlipuko wa Korona- Zitto

#COVID19TZA Serikali imethibitisha uwepo wa virusi vya Korona Tanzania. Utulivu ni muhimu kwani kukiwa na maandalizi ya kutosha tunaweza kukabili madhara ya mlipuko huu. Nashauri mambo 3 muhimu sana, kwa maoni yangu.

- Tunaona Nchi nyengine kukiwa na ‘panic’ ya chakula. Watu wetu ni fukara sana, bei za chakula zitapanda na wengi hawatamudu.

Pia Serikali haina Akiba ya kutosha ya chakula kwenye ghala la Taifa. Kuna nafaka ya kutosha Siku 3 tu kwa kila Mtanzania. Ni vema Serikali kufanya uamuzi wa haraka kununua chakula ili kukigawa maeneo itakapohitajika.

- Tanzania inategemea Sekta ya Utalii kwa kiasi kikubwa katika Mapato ya Fedha za kigeni na ajira kwa raia wake. Mlipuko huu unaathiri sana sekta hii ambayo inaingizia Taifa wastani wa Dola za Marekani 2.5 bilioni kwa Mwaka sawa na 25% ya Mapato yote ya Fedha za kigeni yanayoingia nchini.

Naishauri Serikali kukutana na Wafanyabiashara wote kwenye sekta ya Utalii na Vyama vya Wafanyakazi kwenye sekta hiyo kwa lengo la kupata tathmini ya Pamoja ya madhara ya mlipuko huu kwa sekta ya Utalii na huduma zake.

Serikali itazame namna ya kuwafidia ( stimulus package) wafanyabiashara Katika sekta hiyo ili kulinda ajira za Wananchi. Ikiwezekana fidia iwe ni kulinda ajira kwa kufidia gharama za wafanyakazi ( payroll costs).

- Waziri wa Fedha na Uchumi apeleke Bungeni Taarifa ya utafiti wa madhara ya mlipuko wa Korona kwa Uchumi wa Tanzania kwa ujumla na Bunge lijadili Kwa maslahi ya Taifa ili kutoa mapendekezo ya kibajeti kuhami Uchumi wa Nchi yetu na haswa kulinda biashara ndogo, Wafanyakazi kwenye sekta zilizo hatarini kama Utalii, huduma za vyakula, usafirishaji na uchuuzi.

Zitto Kabwe, MP
Kiongozi wa Chama
ACT Wazalendo
17/3/2020

 

[Sky Eclat]

Hapa kwenye utalii ndiyo palitufanya kuwa mabubu wa Ebola mpaka Pompeo alitusuta.

 

[Nifah]

Umeegemea katika taaluma yako ya Uchumi, Naona umesahau jambo moja la muhimu zaidi, elimu zaidi kuhusiana na virusi hivi, Watanzania wengi wanafanya mzaha kuhusiana na hili.

Leo nilienda Mlimani City kwa shughuli zangu binafsi, niliyoyaona yamenisikitisha sana. Watu wamejawa na ulimbukeni wa ajabu, wanavaa zile mask kama fashion huku wakiwa hawazingatii tahadhari nyingine.

Nikiwa nyumbani kwangu namsikia jirani anamwambia mwanae kuwa ili kujikinga na Corona anatakiwa kunawa kwa maji moto na sabuni kila atokapo chooni!

 

[Mnondwe]

Mmh, sijui hapo kwenye pay roll cost, maana kama mshahara haujawahi kupanda kwa wavuja jasho, halafu kufikiria kuwapa watu mshahara wasioufanyiakazi, unaweza ukasikia kuwa hata biblia imekataza, asiyefanyakazi na asile ikawa stop.

Sent using Jamii Forums mobile app

 

[technically]

Duh! Zitto umeongea jambo la msingi nimeona tija ya wewe kuwa mchumi! ukweli njaa inakuja.

 

[LIKUD]

Ushauri kuntu.

 

[Laki Si Pesa]

Ungesema wafanyakazi wa utalii wapewe likizo ya kulipwa hata nusu mshahara ungeeleweka, Serikali iwafidie kwani ndio ilileta corona.

 

[kimbendengu]

Ndugu yangu Zitto mbunge mwenzio Mb Msigwa alitaka bunge lijadili ugonjwa wa Corona, CCM kwa uwingi wao wakasema hatutaki habari hizo hapa bungeni sasa atakusikia nani? Watanzania bado hatujitambui labda mpaka aseme Kibajaji.

 

[Salary Slip]

Nawaza tu kama tuna akiba ya kutosha ya fedha za kigeni kusaidia nchi endapo janga hili litakuwa endelevu huku uchumi wa dunia ukiendelea kuyumba.

Hata hali hii ya kushindwa kuzuia ndege kuingia nchini,kufunga mipaka,n.k, bila shaka ni matokeo ya hofu ya serikali kukosa mapato na hali hii inaathiri nchi nyingi sana za kiafrika na ndio maana zinashindwa kuchukua hatua kama ilivyo kwa nchi za Ulaya na Marekani zenye uchumi imara.

Wakati nchi za Ulaya na Marekani wanazuia ndege kuingia katika nchi zao pamoja na kufunga mipaka huku baadhi yao wakikiri walichelewa kuchukua hatua kama hizo,Afrika, sio kama tunashindwa ku-take advantage na kujifunza,bali umasikini ndio unaotufanya tunasita kuchukua kama zinazochukuliwa na mataifa hayo yenye uchumi mkubwa.

Swala la hii serikali kutoa stimulus package sio rahisi labda kwakuwa huu ni mwaka wa uchagu.

Usisahau serikali haijaleta coronavirus!!!

 

[Bome-e]

Wangemsikiliza Msigwa, kwasasa bunge lingekuwa lineshajadili na kutoka na maazimio ya pamoja!
Ushauri mzuri!

 

[Bruno Toto]

Ulichoombea kije kimekuja,are you happy now?

Duh! Zitto umeongea jambo la msingi nimeona tija ya wewe kuwa mchumi! ukweli njaa inakuja.

Sent using Jamii Forums mobile app

 

[Prishaz]

Mmh,sijui hapo kwenye pay roll cost,maana kama mshahara haujawahi kupanda kwa wavuja jasho,halafu kufikiria kuwapa watu mshahara wasioufanyiakazi,unaweza ukasikia kuwa hata biblia imekataza,asiyefanyakazi na asile,ikawa stop.

Sent using Jamii Forums mobile app

Hapo patakuwa pagumu

 

[Uttarra]

Kwa vile shughuli za kuingiza kipato zitakua interrupted, muswada pia ujumuishe kupatia kila familia/kaya cheki ya walau laki mbili za matumizi, au kusitisha tozo za umeme, maji na huduma za afya.

 

[jd41]

Hapo kwenye "stimulus package" nimemuelewa vizuri Zitto.

Kuna hoteli za kitalii zimeshaanza kufungwa kwa kukosa wateja, hivyo wafanyakazi kupewa likizo ya bila malipo.

Hii serikali kama inavyojinasibu kila siku ni ya wanyonge, naona hapa ndio pazuri pa kuanzia kuthibitisha kwa vitendo, na zaidi tunaaminishwa kila siku sisi ni "donor country", basi tuanze practical kwa watanzania wenzetu walioathirika na hili janga la Corona kiuchumi.


Sent using Jamii Forums mobile app

 

[wa kupuliza]

Machalii wa huko kwny utalii wakiambiwaga oyaa mjitahidi ku save pesa kidogo hua wanajibu kwani mlima k’njaro umehamishwa au umekwisha? So long mlima upo hela ipo tu.

Ngoja tujionee wazungu wakiacha kuja hali itakuaje wkt mlima uko vile vile tu.

 

[LadyRed]

Thank you

 

[alubati]

Sijui serikali itanunua chakula na kugawa kwa muda gani maana hatujui janga litaisha lini. Hali kadhalika sijui iitawafidia wafanyabiashara na kulinda ajira za wafanyakazi sekta ya utalii kwa muda gani. Je, ugonjwa ukiwa endelevu kwa mwaka mmoja aù miaka kadhaa?

Nawaza sipati jibu. Na hizo sanitiza tutanawa mpaka lini sijui. Naona tunautazama huu ugonjwa kwa namna ya mlipuko wa muda mfupi, na ninaombea iwe hivyo. Ukituganda kwa muda mrefu sijui hali itakuwaje.

Sent using Jamii Forums mobile app

 

[Bursting]

Hapa kwenye utalii ndiyo palitufanya kuwa mabubu wa Ebola mpaka Pompeo alitusuta.

Ni kweli kabisa Sky, na kwa kiasi fulani tamaa ya pesa za kigeni na kuruhusu watu kuingia bila tahadhari ndicho kimetuponza sana.

 

[expedition]

Ushauri wako umeegemea kubagua sekta nyingine.

Unadhani corona imeathiri utalii tu!

Vipi kuhusu wafanyabiashara tunaotegemea ku-import mzigo toka China?

Hili janga limeathiri sekta mbalimbali hivyo kusema serikali iwafidie waajiriwa wa sekta ya utalii ni sawa na kuweka tabaka ili badae wapinga juhudi mje kukosoa, si tunawajua bhana au unazan uongo mh?

Sent using Jamii Forums mobile app

 

[Mudawote]

Haya ndiyo maneno, hizi ndizo hoja tunahitaji wana CCM, siyo mipasho wa wakatikia kuni akina Lema na Mbowe.

Nadhani Mmawia na genge la wahuni wenzako akina Nyonyoma mnaelewa sasa maana ya hoja, mwezenu kaleta maoni yaliyojaa hoja na serikali lazima itie jicho hapa.