Mimi nikiamua kujibu hakuna hoja hata moja ya nguvu uliyoitoa isipokuwa sikuwa na makusudio ya kuchangia mjadala huu, ila ukinitaka nichangie naweza na nitaanza kama ifuatavyo.
Bismillah, kwa ufupi mkubwa mijadala ya kumtofautisha issa mwana wa mwaryam alayhi ssalaam na yesu imekithiri siku za karibuni, na malengo ya mijadala hii ni kupindisha ukweli kwa makusudi baada ya kushindikana kuvunja hoja kuwa uislamu umemtukuza masihi issa alayhi ssalaam na kumpa heshima kubwa kuliko ukristo uliomtweza na kumfanya msulubiwa tena aliyedhalilishwa mbele za watu.
Jambo la pili, mijadala hii pia imekithiri baada ya kuwa kule kuonekana masihi issa amani juu yake ndio uzi mwembamba baina ya uislamu na ukristo hivyo wahafidhina wakaona bora kusema huyu si yule ili kuhafifisha hoja za wapinzani wao, maana tukikubaliana sio mwana wa mungu na tukikubaliana hajasulubiwa kama uislamu ulivyoeleza basi hakuna ukristo tena.
Tukirudi kwenye mada, binafsi sio muumini wa hearsay's hivyo mapenzi yangu ni kutoa hoja kutoka kwenye certified source ni mamoja iwe kutoka kwenye maneno ya allah yaani Qur'an au hadithi sahihi za mtume swala na salaam ziwe juu yake zilizoshuhudiliwa na wanawachuoni wakubwa wa fani ya hadithi juu ya usahihi wake, kwa sababu hiyo hoja za kutoka upande huu zitabaki zenye nguvu zaidi daima kutokana na usahihi wa kule zinapotoka.
Masihi issa mwana wa mariam ni mtume wa allah na ndie mtume wa pili kutoka mwisho na baina yake yeye na mtume muhammad swala na salaam ziwe juu yao ni miaka 600 takriban, yeye alitoa bishara ya kuja mtume muhammad na nabii ibrahiym alayhi ssalaam aliomba dua allah awapatie mtume pale alipoacha kizazi chake yaani mkewe haajar na mwanae ismail alayhi ssalaam, hivyo yeye mtume muhammad ni bishara ya ndugu yake issa mwana wa mariam na dua ya baba yake ibraahiym juu yao swala na amani.
Turudi nyuma kidogo bila kurefusha sana maneno, nabii zakariyyah alayhi ssalaam alikosa mtoto kwa muda mrefu mpaka akafikia uzee na yeye ndio alikuwa mlezi na muangalizi wa mariam bint imraan mama yake na nabii issa, wakati fulani aliyaona mambo yasiyo ya kawaida kwa mariam na habari hii imeelezwa vizuri katika Qur'an pale allah aliposema.
"Hakika allah alimteua adam na nuhu na ukoo wa ibrahim na ukoo wa imran juu ya walimwengu wote."
"Ni kizazi wao kwa wao,na allah ni mwenye kusikia na mwenye kujua."
"Aliposema mke wa imran, mola wangu mlezi! nimekuwekea nadhiri kilichomo tumboni mwangu kuwa wakfu, basi nikubalie! hakika wewe ndiye mwenye kusikia mwenye kujua."
"Basi alipomzaa alisema: mola wangu mlezi! nimemzaa mwanamke! na allah anajua sana aliyemzaa, na mwanaume si sawa na mwanamke, na mimi nimemwita mariam, na mimi namkinga kwako, yeye na uzao wake, uwalinde na shetani aliyelaaniwa."
"basi mola wake mlezi akampokea kwa mapokeo mema na akamkuza makuzo mema, na akamfanya zakariyyah kuwa mlezi wake, kila mara zakariyyah alipoingia kwake alimkuta na vyakula, basi alimwambia: ewe mariamu! unavipata wapi hivi? naye akasema: hivi vinatoka kwa allah, na allah humruzuku amtakaye bila ya hisabu."
"basi hapo zakariyyah akamwomba mola wake, akasema: mola wangu mlezi! nipe kutoka kwako uzao mwema, hakika wewe ndiye unayesikia maombi."
"Basi akamuita yeye malaika na hali ya kuwa amesimama akiswali kwenye mihrabu "hakika anakubashiria {kupata mtoto aitwae} yahya, atayekuwa mwenye kusadikisha neno litokalo kwa allah, ni bwana na mtawa na nabii kwa watu wema."
Qur'an 3:33-39
Mpaka mwisho wa habari hii, nimeleta aya hizi kwa makusudi kuonesha ufanano wa matukio ya zakariyyah, maryam, yahya na issa mwenyewe amani iwe juu yao, watu hawa kamwe haiwezekani kuwatenganisha kwasababu kwa uhakika hasa hilo haliwezekani.
Torati, injili, na zaburi vyote ni vitabu vimetoka kwa allah na ni maneno yake na si ya mwanadamu katu, ila tu hivyo vilivyotangulia vimeingiliwa na mikono ya watu wakayabadili mengine na mengine wakayafuta, na uwezekano wa kuyafuta yote ni mdogo ndio maana utaona tofauti ya majina ya kihebrania lakini yanawiana na yaliyotajwa kwenye Qur'an kwasababu yote ni majina ya kiajemi, na issa mwana wa mariam atarudi mwisho wa zama na atakufa kama wanavyokufa wanadamu wengine.
"Na mayahudi wanasema uzeir {ezra} ni mtoto wa allah, na wakristo wanasema, masihi ni mtoto wa allah, hiyo ndiyo kauli yao kwa vinywa vyao, wanayaiga maneno ya waliokufuru kabla yao, allah awaangamize! vipi wanageuzwa? {kuacha ukweli kuulelekea uongo}."
Qur'an 9:30
Nahofia kurefusha zaidi faida ikawa ndogo, tuanzie hapa.
