Wasifu wa Masha: Maswali na Majibu

[Manitoba]

Hakuna mtu aliyesema hakuna wabongo, wanamapinduzi wanaofanya kazi WB. Wao wanapata kazi kutokana na taaluma zao na mahitaji ya WB. Huyo rafiki yako, hata kama aliongoza machafuko dhidi ya Mabuto kama kitaaluma ana-fit mahitaji ya WB , ataajiriwa. Hakuna cha kushangaza hapo. Tofauti ya WB na uwaziri Tanzania ni kuwa ni Rais wa Tanzania halazimiki kuangalia taaluma ya mtu anapomteua kuwa waziri. Ni uamuzi wake pekee na sio wa mtu mwingine. Kama dereva wa Masha, akigombea ubunge akafanikiwa, basi Rais anauwezo na haki ya kumteua kuwa waziri kama akipenda. Lakini dereva wa Masha akitaka kazi WB, nafasi anayoweza kuajiriwa baada ya usaili na kuonekana ana uwezo na sifa stahili ni udereva na si ukurugenzi.



Ajira inaanza unaposaini mkataba na mwajiri. Kwa vile Masha hakusaini mkataba, basi hajawahi kuajiriwa. Mwajiri anachofanya ni kukupa ofa ya ajira ambayo unaweza kukubali au kukataa. Ukikubali, unaingia nae mkataba na hapo ndio ajira inaanza. Pamoja na hili ulisema kuwa Masha alikuwa anasubiri Green Card ndiyo akaanze ajira. Hii imethibitishwa kuwa ni uongo maana hauhitaji Green Card kupata ajira WB. Ulichopaswa kufanya ni kutuhakikishia ni kuwa Green card ni condition moja wapo ya kuajiriwa na WB. Kitu ambacho hauwezi maana tunawajua wengi walioajiriwa na WB ( watanzania waliosomea Marekani) bila ya kuwa na Green card.



Nitamchukiaje masha ambae simjui? Kuwa waziri Afrika akiwa na umri huo nacho ni kitu cha kustaajabikia? Mimi nawaonea wivu wakina Robert Nesta Marley, Malcolm X, Martin Luther King, Julius Nyerere,Thomas Sankara, Mandela, Tupac Shakur, Bill Gates na wengine wengi walio-achieve mengi katika umri mdogo kuliko huo wa Masha. Masha ana Master's. Wewe unajua mimi nina elimu gani? Au kwa sababu najiita Fundi Mchundo? Na hata kama nina FTC, kwa nini nimuonee wivu Masha? Sasa hao wakina Dr. Slaa, Obama, Rice basi si itabidi nikatafute kamba nijinyonge kwa wivu?
Masha amekuwa Meneja wa Amusement Park, Corporate Secretary na MD wa kampuni ndogo ya serikali ambayo aliiacha ICU, amekuwa patna katika kampuni ya kisheria inayotuhumiwa mengi tu, amekuwa mbunge na amekuwa waziri. Katika yote haya sijaona cha kumwonea wivu maana mimi si wakili wala mbunge. Namheshimu kwa mafanikio yake lakini simuogopi, simnyenyekei, simsujudii wala kumwonea wivu maana haleti hata iota moja ya tofauti katika maisha yangu. Simjui. Hanijui.



Matatizo yako ni kuwa kila unaposhindwa hoja unaingiza maneno yasiyo stahili. Unasema namchukia Masha kwa sababu nasema hajawahi kuajiriwa na WB? Unasema namchukia Masha kwa sababu nasema amekosea kwenye kauli yake dhidi ya Mengi? Mbona hata huyo Mengi nilipinga kauli yake ya mwanzo? nae namchukia? Unasema namchukia Masha kwa sababu nakataa kuwa katutendea fadhila kurudi na kufanya kazi Tanzania? Kama ni hivyo, basi nitawachukia wengi maana si Masha peke yake aliyerudi Tanzania. Narudi tena, sina ugomvi, wala uhusiano wowote na masha au mtu yeyote tunayemjadili katika hili jamvi. Mimi namkosoa ( na kumsifia ikibidi)mtu kwa vitendo vyake na si kinginecho. Masha akifanya jambo ambalo linastahili pongezi sitachelea kumsifia. sasa wewe unamsifia Masha kwa sababu uliwahi kumuendesha, ni rafiki wa familia, unamjua na kuaminiwa na mama yake na baba yake, alikufanyia pati kubwa n.k. Kwangu mimi vyote hivi unavyovisema havimfaidii mtanzania wa kawaida. Nitamsifia akifanya vitendo vya kumsaidia huyo mtanzania. Hayo ya ukaribu nakuachia wewe.

Kama nilivyokuasa hapo awali, nionyeshe katika mabandiko yangu wapi nimeonyesha kuwa nina wivu au chuki dhidi ya Masha au wewe? Kupingana na kukosoana si chuki. Ni katika kujaribu kusaidiana. Nimempinga Mkandara kwa maneno makali tu hivi karibuni lakini hajawahi kusema kuwa namwonea wivu au chuki binafsi. Jifunze kwake ili ujue maana ya mjadala na utu uzima.

Sasa wewe unayeniambia maneno yangu ni ya chooni, irrelevant, nonesense ( BTW ni nonsense) n.k. ndiyo niseme unanichukia na kunionea wivu? Kwa kitu gani? Ufundi mchundo wangu! Basi itakuwa kazi. Ningekuwa Profesa ingekuwaje basi? Maisha ni mafupi mno na tupo hapa kuelimishana na kufurahishana. Hakuna haja ya kuingiza chuki na matusi. Haimsaidii mtu.

Amandla.....

Da! Amina baba.

huwa najisikiaga raha sana mtu akiweza kufikisha ujumbe ki mantiki zaidi bila kuchomeka vijembe-vijembe visivyosaidia kuweka uzito wowote kwenye hoja yake. Inapendeza sana ...

 

[Manitoba]

- Hapa huwi fair hata Mengi anatumia vyombo vyake vya media kutishia wananchi ndio maana tukasema hivi tusubirie sheria iamue!

Mzee unaonekana ni kichwa sana, lakini, with all the respect, u let your passion override your objectivity a little too much.

Kosa akifanya swahiba yako sio kosa, akifanya kosa hilo hilo mhasimu wako basi inabidi aende motoni.

Unaona sio fair mtu kumushtumu Masha kutumia madaraka yake vibaya, lakini unaona ni fair mtu kumshutumu Mengi kwa kutumia vyombo vyake vya habari vibaya.

 

[Fundi Mchundo]

- Fundi wewe ni mtumzima unaelewa ninachokisema, mimi sijawahi kumuendesha Masha kwa ujira ila kama rafiki,

lakini wewe umemuendesha huyu mama wa BBC kwa ujira, ndicho ninachokisema, kwa hiyo kama udereva nafikiri ni clear dereva ni nani hasa hapa sizunguki mibuyu tena mkuu.

Thanxz!

BBC ndiyo nini? Au ndiyo wapi? Mimi ni Fundi Mchundo wala si dereva. Walahi sijawahi kutoka nje ya Marekani, sina gari ( nina baiskeli) na wala sijui kuendesha gari. Sasa huyo mama ningemwendesha wapi? Maadam naona Mkuu umeniombea neema basi itakuja tu. Fundi Mchundo dereva! Mbona jamaa wataipata.

Haunijui, Mkuu, haunijui!

Kama dereva wa Masha, akigombea ubunge akafanikiwa, basi Rais anauwezo na haki ya kumteua kuwa waziri kama akipenda. Lakini dereva wa Masha akitaka kazi WB, nafasi anayoweza kuajiriwa baada ya usaili na kuonekana ana uwezo na sifa stahili ni udereva na si ukurugenzi.

sasa wewe unamsifia Masha kwa sababu uliwahi kumuendesha, ni rafiki wa familia, unamjua na kuaminiwa na mama yake na baba yake, alikufanyia pati kubwa n.k. Kwangu mimi vyote hivi unavyovisema havimfaidii mtanzania wa kawaida.

Sijawahi kusema wewe ulikuwa dereva wa Masha. Nilichosema ni kuwa hata dereva wa Masha anaweza kupata uwaziri bongo kama Rais wetu atamwona anafaa. Mbona unajihisi au ndiyo ulikuwa unafagilia uwaziri?

You take yourself too seriously. Wengi hatukujui humu kwa hiyo hata tukilumbana naamini haitaleta tofauti yeyote katika maisha yako!

Ngoja nipumzike kidogo maana naona Mwafrika wa Kike amenivurugia mipango yangu.

Amandla.........

 

[Nurujamii]

This debate turns out to be too rudimentary and lacks imagination. I am out!

 

[Game Theory]

I am loving every moment of this debate

endeleeni...JAMII FORUMS WHERE WE DARE TALK OPENLY


safi sana

 

[Pundit]

This debate turns out to be too rudimentary and lacks imagination. I am out!

And by not being specific on top of quitting, are you showing any imagination?
It is not a must for you to participate in every debate, and those who truly want to vacate a thread do so quietly.

Utakuwa kama yule bwana wa kitabu cha Kiswahili darasa la pili aliyejificha chini ya nyasi vitani na kusema "Heri mimi sikusema" only to be swiftly arrowed.

 

[Nyani Ngabu]

Kwenda shule na kupata mi digrii sio hoja. Kosa alilofanya jamaa ni kujihisi kuwa ni yeye na kutoa tamko hadharani wakati hakutajwa mtu kwa jina. Hata kama alikuwa anajihisi kuwa ni yeye (kitu ambacho ni kawaida kwa binadamu kukifanya) angeuchuna tu hadi atakapotajwa rasmi. Sasa yeye kakurupuka tu. Jamani maarifa/ akili ya kawaida (common sense) haifundishwi vyuoni. Hii ni ya kuzaliwa nayo. Elimu ya darasani ni nyongeza tu lakini sio msingi!

 

[Mag3]

Kwenda shule na kupata mi digrii sio hoja. Kosa alilofanya jamaa ni kujihisi kuwa ni yeye na kutoa tamko hadharani wakati hakutajwa mtu kwa jina. Hata kama alikuwa anajihisi kuwa ni yeye (kitu ambacho ni kawaida kwa binadamu kukifanya) angeuchuna tu hadi atakapotajwa rasmi. Sasa yeye kakurupuka tu. Jamani maarifa/ akili ya kawaida (common sense) haifundishwi vyuoni. Hii ni ya kuzaliwa nayo. Elimu ya darasani ni nyongeza tu lakini sio msingi!

In critiquing what passes for common sense as 'the residue of absolutely basic and commonly-agreed, consensual wisdoms, you can't learn, through common sense, how things are: you can only discover where they fit into the existing scheme of things. Masha is just discovering the basic truth that commonsensical beliefs, far from fixed or immobile, need a constant state of renewal. He needs to be pulled back to earth.

 

[Bongolander]

- Mkuu get this straight, hakuna mahali hapa JF nimemtetea Lau katika nafasi yake kama waziri maana mengi siyajui, mimi ninasimia record yake kama kijana mdogo na elimu yake na kazi alizozifanya huko nyuma kabla ya kuingia kwenye siasa.

- Sasa hivi anafanya nini sijui sana, lakini niko radhi kusikiliza kwa wanaojua, kwa mfano Mkulu Lunyungu ambaye ninamhesimu sana aliwahi kuniambia wazi tena one on one of what he thinks kuhusu Lau hasa baada ya kuwa naye mahali na sikuweza kubisha, lakini tatizo ni majungu yakizidi mno kama ninavyoona hapa.

- otherwise maneno yako sio mabaya ingawa umejaribu sana kuficha rangi yako lakini ninakuelewa sana mkuu na nimekusikia pia!

FMES
Baada ya kufuatilia habari za mheshimiwa toka alipoenda keko "kuwasalimia" waheshimiwa, na kauli amabzo amekuwa akitoa baada ya tukia hilo, na mambo mengine yaliyofuata baada ya hapo especially hili la Mengi, linanifanya niendelee kula matapishi yangu kuhusu zamu ya vijana kuwa madarakani. Mimi simfahamu mheshimiwa hata kidogo, namfahamu kwa habari zake ninazosikia JF, kwenye vyombo vya habari na kwenye blogs chafu kutokana na habari hizo, akiwa ni waziri mwenye dhamana na moja ya wizara nyeti, na kijana mwenye nguvu, msomi na asiye maskini wa fedha, mwenendo wake umenisikitisha sana. Umenisikitisha simply because matumaini ya neno vijana ndani ya serikali nilikuwa nimeweka kwake, i was hoping kama angeprove kwa old school kwamba vijana can do it, in new and better way, lakini that is not what i see. Naona mtu anarudi kwenye politics ambazo hata wazee wameachana nazo. Kutoa altmatum ya siku saba ni Mrema style, ambayo ni kichekesho kitupu, ambayo mtu mwenye busara hawezi kuitumia. Malumbano kwenye vyombo vya habari, ni lowest thing ambayo kiongozi anaweza kufanya, yeye ana madaraka makubwa why don't he just talk to Mengi directly. Kama alikuwa na uwezo wa kwenda keko na kuwasalimia waliokuwa mule ndani, nini kilimshinda kwenda kwa Mengi na kumwambia aviambie vyombo vyake vya habari viache kutumiwa kupamabana na ufisadi? angeweza kufanya hivi kwa njia nyingi tu, hii ya kutoa altimatum ni ya kusikitisha sana. I am worried kuwa kama akiendelea kuwepo kwenye Cabinet huenda itaanza kuonekana kituko.

 

[Freetown]

M. M. Mwanakijiji

SIJUI kama ni kutokana na kukosa washauri, kukurupuka, au jazba ya ujana iliyomfanya Waziri wa Mambo ya Ndani, Lawrence Masha, kumpa siku saba Reginald Mengi, kutoa ushahidi wa madai yake kuwa kuna “Waziri” ambaye katika vikao rasmi, amependekeza wambambikie kesi ya kodi ili hatimaye yamkute kama yaliyomkuta mfanyabiashara maarufu wa Urusi, Boris Berezovsky, ambaye baada ya kugongana na watawala (kina Putin) alijikuta akianza kubambikiziwa kesi za kila aina hadi kuikimbia nchi yake.

Yawezekana pia kilichomfanya kuzungumzia kwa ukali suala hilo asubuhi ya Ijumaa iliyopita na kusikika kama mtu ambaye amekerwa kweli na madai ya Mengi ni kulewa ugimbi wa madaraka. Kama walivyo tawala wengine, madaraka ni sawa na kileo ambacho kinaweza kumfanya shujaa akawa mwoga kwani kinageuza akili ya mtu.

Kileo hakina elimu, cheo, au hadhi! Na kama ilivyo katika ulevi wa kawaida, mvinyo wa madaraka unapomlewesha mtu, basi mtu huyo atakuwa wa mwisho kabisa kujua kuwa amelewa!

Lakini pia kwa yeye kulizungumzia suala hilo na kutoa siku saba, alichofanya ni kujaribu kuingilia mchakato wa upatikanaji wa haki, kuharibu ushahidi, na kumtishia aliyetoa tuhuma.

Kwa mtu ambaye ni mwanasheria aliyebobea, nina hakika Masha anajua au angepaswa kujua kuna vitu ambavyo yeye kama Waziri hakupaswa kuvitolea maoni kwani kwa vile Mengi hakutaja jina la “Waziri” aliyemtishia, isingekuwa busara kwa waziri yeyote (siyo Masha tu) kutaka ushahidi utolewe. Kwani kwa kufanya hivyo amedhania kuwa yeye siyo Waziri aliyekusudiwa!

Masha angeweza kusimama kama Waziri wa Mambo ya Ndani na kumtaka Mengi atoe ushahidi endapo tu Mengi angekuwa amemtaja Waziri mhusika.

Hilo linanifanya niamini pia sababu nyingine yawezekana ni kutokukomaa kisiasa na kihekima. Hili la mwisho niko tayari kuliachilia kwani kama kijana, Masha atafanya makosa ya hapa na pale lakini akianza kuonekana kuwa anafanya makosa ambayo angeweza kuyaepuka kama angetulia chini, akavuta pumzi kidogo, na kumpigia simu mtu asiye na upande kupata ushauri, basi tuna,sababu ya kuhoji uwezo wake wa kiuongozi.

Hata hivyo lazima nikiri na kuelemea upande wa kuhoji kama Masha ana uwezo wa kuongoza wizara nyeti kama ya Mambo ya Ndani. Kuna mambo ambayo ameyafanya siku hizi za karibuni, ukichangia na hili la Mengi sina budi kuhoji hekima ya yeye kuendelea na wadhifa huo ambao ushahidi wote uliopo unaonyesha kuwa umemzidi kimo mara nyingi sana.

Mauaji ya Albino

Kama kuna jambo ambalo linatia aibu, kukera, kuumiza kichwa na kunifanya nijione duni kweli ni mauaji yanayoendelea pasipo kukoma ya ndugu zetu Maalbino. Kwa karibu mwaka mmoja na nusu (kama siyo miwili sasa) kumekuwa na mauaji ya kushangaza nchini, mauaji ambayo hakuna mantiki inayotosha kuyaelezea.

Hata tunaposema ni “mauaji ya kishirikina” hatutendi haki kwani haya ni mauaji zaidi ya “kishirikina” ni mauaji ya kulenga kundi moja la watu. Ni mauaji ambayo kuna mtu/kikundi cha watu kinachagua watu fulani na kuwaua kwa sababu yoyote ile.

Je, Waziri Masha kama Waziri wa Mambo ya Ndani amefanya nini kuonyesha kweli jambo hilo ni zito kwa taifa? Hakuna. Amebaki kuzungumza kana kwamba mauaji haya ni jambo dogo tu na la kawaida. Kwamba “siyo Watanzania wote wanahusika” na hivyo vyombo vya habari visilikuze sana.

Ameshindwa hata kutoa dau la fedha ya kutosha ili kuhamasisha watu kutoa habari za mauaji haya. Wiki hii tumepata habari za mauaji ya Albino wengine wawili; mmoja mtoto aliyetekwa mbele za wenzake na mwingine kijana aliyepigwa risasi!

Waziri Masha amesema lolote kuhusu mauaji hayo? Ametoa siku saba kwa yeyote? Lakini hili la Mengi ni kubwa mno kwa Taifa kiasi cha Waziri kulizungumzia!!

Vifo vya watoto 19 Tabora

Waziri wetu wa Mambo ya Ndani anataka tuamini kuwa ameingilia kati suala la Mengi ili kuonyesha kuwa serikali “inalinda raia wake.” Kwamba suala la Mengi limeshtua kweli na lazima ushahidi upatikane haraka.

Mimi najiuliza, wamekufa watoto 19 Tabora, Masha amesema nini kuhusu wamiliki wa jengo lile na jinsi wanahusika na vifo vya watoto hao kama ilivyoonyeshwa katika ripoti ya Mkuu wa Mkoa Mwinyisimba? Ripoti ile imetoa mapendekezo kuwa watu (zaidi ya waliokwisha fikishwa mahakamani) wachukuliwe hatua, Waziri wetu wa Mambo ya Ndani amesema lolote kuhusu watu hao? Hapana!

Lakini ati hili la Mengi ni kubwa kweli kweli hadi kutoa siku saba!

Madai ya Rostam Aziz

Wengine watakuwa wamesahau, lakini mzee wenu nina kumbukumbu nzuri tu. Wakati Rostam ameitisha vyombo vya habari na kujaribu kuelezea upande wake, alitoa tuhuma dhidi ya wafanyabiashara wengine na kutumia maneno makali kweli. Bahati nzuri nilipata nafasi ya kuyarekodi. Maneno yake yalikuwa na lengo la kuonyesha kuwa kuna kundi la “wafanyabiashara” ambao yawezekana ndio walikuwa wanafanya hiyo mipango ya kumchafua n.k

Madai yale ya Rostam yangeweza kuleta mgawanyiko na mgongano kwenye jamii; Je waziri wetu alisema lolote kumtaka Rostam athibitishe madai yake ndani ya siku saba? Hapana hakufanya hivyo!

Madai ya Spika Sitta kupokea vitisho vya simu.

Nakumbuka vizuri pia jinsi Spika Sitta alivyosema kuwa amepokea vitisho vya simu na siyo yeye tu bali pia wabunge kadhaa akiwemo mama Kilango na Dk. Mwakyembe. Wote walisema wamepokea vitisho ambavyo vingine vilikuwa vinazungumzia mambo ya vifo na sumu ya ricin.

Waziri Masha alijitokeza kutaka Spika Sitta atoe ushahidi ndani ya siku saba au kwa namna yeyote kuthibitisha kuwa kweli amepata vitisho? Au kwa vile yeye hakumtuhumu “Waziri” ndiyo sababu “Waziri” hakujitokeza kusema lolote? Kwa nini hili la Mengi kusema ametishiwa maisha na shughuli zake zimemlazimisha waziri kuzungumzia kwa ukali hivyo?

Masha na Suala la Deep Green Finance

Kwa wale wanaokumbuka sakata la Deep Green Finance watakumbuka jina la Masha kutajwa akiwa ni mmoja wa wamiliki wa kampuni ya Wanasheria ya IMMMA ambayo, wenzake wawili walikuwa ni wakurugenzi kwenye kampuni ya DGF na kuwa mabilioni ya fedha yaliyotoka Benki Kuu yaliingizwa huko Deep Green.

Ilipotajwa kuwa mtoto wa Rais Kikwete anafanya kazi kwenye kampuni hiyo na baadaye kampuni hiyo hiyo kutoa mtu mmoja kuwa Jaji sisi wengine tulihoji!

Inakuwaje Waziri wa Mambo ya Ndani mwenye jukumu la kusimamia vyombo vya polisi na magereza akawa ni mtu ambaye kampuni yake aliyokuwa anaifanyia kazi imehusishwa na wizi mkubwa wa mabilioni?

Inakuwaje wakati suala la DGF halijaisha mmoja wa watu wa kampuni iliyolipwa mabilioni ya shilingi anateuliwa kuwa jaji wakati mshirika wake mwingine anakuwa waziri?

Hakuna aliyetoa majibu. Hivi leo Masha anaweza kuruhusu polisi wafanye uchunguzi wa Deep Green na IMMMA? Je ikijulikana kuwa fedha walizolipwa IMMMA kutoka Benki Kuu na DGF ni za wizi, nani atakayeamuru watu wa IMMMA au DGF finance wakamatwe?

Na hao watu wakitiwa mbaroni na kulazwa Keko, sisi Watanzania wengine tutashangaa tukisikia Masha ameenda kuwatembelea? Na sisi tukiamua kumpa siku saba ajitoe kwenye kampuni hiyo atafanya hivyo?

Masha na ziara ya Keko

Mojawapo ya vitu vya kushangaza ni hatua ya Masha kutembelea gereza la Keko na kukutana na kina Mramba na Yona siku moja tu baada ya watuhumiwa hao kutupwa rumande baada ya kukataliwa dhamana. Mwenyewe alisema alikwenda kwa shughuli ya kikazi kule.

Lakini ni nasibu ya kiasi gani hiyo! Kwanza hakutoa taarifa kwa umma kuhusu ziara hiyo na hakukiri alichokwenda kufanya huko. Alijaribu kuelezea kuwa ni jambo la kawaida tu la kikazi.

Cha kushangaza Jumatatu iliyofuata watuhumiwa wale walijikuta wanazua songombingo baada ya kuletwa mahakama ya Kisutu bila utaratibu kufuatwa. Je yawezekana hilo lilitokana na ziara ya Masha siku mbili kabla yake? Cha kushangaza aliyetoka kulielezea jambo hilo si mwingine bali ni Waziri Masha mwenyewe!

Masha na kuvamiwa kwa gazeti la MwanaHalisi

Watu wengi wanaweza wasikumbuke, lakini ninakumbuka vizuri jinsi polisi walivyomsumbua mhariri wa gazeti hilo kwa sababu ya habari ambayo ndani yake alitajwa Masha.

Kwenye kijarida chetu cha “Cheche” kinachotolewa na mwanakijiji.com tuliandika hivi wakati ule, “Ni wazi kuwa Waziri Masha ametumia nafasi yake kama Waziri wa Polisi kutisha watu wasiandike habari zake au mipango yake ya kisiasa kwa kisingizio cha “uchonganishi.”

Tulichokisema kimsingi ni kuwa kwa vile yeye ndiyo mwenye dhamana ya Polisi, habari zake zilipoandikwa na jinsi zilivyoandikwa bila ya shaka zilimgusa vibaya.

Ni kitu hiki hiki kinajirudia kwenye sakata la Mengi. Mengi hakumtaja “Waziri” mwenyewe. Sasa anapotokea Waziri wa Mambo ya Ndani na kutoa kitisho cha siku saba (sijui nani alimshauiri iwe siku saba!) tunajiuliza ni kwa nini? Kama yeye ndiyo “Waziri” aliyekuwa amekusudiwa na Mengi kwa mfano, sasa Mengi atamtaja wapi? Mengi sasa apeleke ushahidi wake wapi! Awapelekee polisi walio chini ya Masha!?

Mengi na matumizi ya vyombo vyake vya habari

Mojawapo ya madai ya kushangaza ambayo nimekuwa nikiyasikia mara nyingi (kuanzia hasa wakati wa sakata la Mengi na Malima) ni kuwa, Mengi anatumia vyombo vyake kujitangaza. Mwanzoni sikulipa uzito hadi wakati huu kwani kitu ni madai ya kijinga (namaanisha ujinga hasa) na ambayo hayana msingi. Nimeyapa uzito hasa baada ya kusikia kuwa Masha ametoa maagizo hayo ya siku saba kwenye shirika la serikali!

Nikajiuliza, kama mmiliki wa chombo cha habari ni makosa kwake kutumia chombo chake kujitangaza au kujibu hoja za wapinzani wake, inakuwaje iwe vibaya kwa mmiliki binafsi (Mengi) lakini siyo vibaya kwa mmiliki wa serikali (Waziri)?

Kwa nini Mengi asitumie vyombo vyake vya habari kutekeleza agenda yake au kwenda kuzungumza kwa uhuru lakini Waziri Masha aweze kufanya hivyo kwenye chombo cha serikali?

Nikagundua jambo moja ambalo ni kweli kwa wote wawili. Kila mmoja anajua kwenye chombo chake yuko huru kuzungumza apendavyo, kwa uhuru na mahali ambako yuko salama.

Waziri Masha ameamua kuzungumza kwenye chombo cha serikali kwa sababu anajua kuwa hapo atapewa nafasi yote na Mengi ametumia ITV kwa sababu hiyo hiyo! Siku wakikataza wamiliki kutotumia vyombo vyao vya habari, wa kwanza kati yao awe serikali!

Ambacho hasa nilitaka kusema

Ninachotaka kusema kwa kifupi ni kuwa Waziri Masha ameonyesha kutokuwa mwangalifu, ameonyesha kutokukomaa kisiasa na zaidi ya yote ameanza kuonyesha dalili zote za mtu aliyeanza kulewa mvinyo mtamu wa madaraka.

Kwa kiongozi kijana kama yeye anatakiwa atulie chini na kujifunza ile tunu muhimu sana ambayo watu wengi hawana, nayo ni tunu ya hekima. Hekima itamsaidia kuamua ni wakati gani wa kutenda na wakatigani wa kutotenda; wakati gani kusema na wakati gani kutokusema.

Hekima hii ingemfanya badala ya kuzungumza kwa jazba alivyofanya kuamua kumuita mzee Mengi na mashahidi kutoka pande mbili kwenye kikao cha kusikiliza madai ya Mengi.

Kama Mzee Mengi angekataa, basi Masha angekuwa na sababu ya kusema aliyosema. Hekima ingemfanya asubiri kidogo badala ya kukurupuka na kutoa siku saba kwa mtu mzima ambaye amesema ametishiwa maisha!

Kwa nini hajatoa siku saba kwa wamiliki wa Kagoda kujisalimisha? Mbona hajatoa siku saba kwa wamiliki wa Meremeta kujitokeza? Yeye ambaye ni Waziri wa Mambo ya Ndani mbona hajatoa siku saba kwa kampuni ya Deep Green Finance na Mwananchi Gold kuchukuliwa hatua wakati ushahidi tayari anao? Ushauri wangu ni mwepesi tu, Waziri Masha afute kauli yake ya siku saba; malumbano ya watu hawa wawili (Mmoja mwenye fedha) na mwingine (mwenye madaraka makubwa) hayalisaidii Taifa kwa namna yoyote ile zaidi ya kuonyesha jinsi gani hekima ni kitu cha kutafuta sana.

Ninashauri, badala ya kuliendeleza jambo hili kwenye vyombo vya habari, ndugu zetu hawa wawili wakae chini na kuzungumza tofauti zao na kuzimaliza “kiutu uzima”.

Vinginevyo kama wanataka kuendelea, basi Masha ni lazima ajiuzulu kwanza uwaziri wake ili kutoa nafasi sawa ya kushindana kwani hadi hivi sasa kutokana na madaraka yake ana ‘unfair advantage” kwa sababu ana uwezo wa kuagiza polisi na kupata habari nyeti za ndani ya serikali.

Kama Masha anataka kweli kumshughulikia mzee Mengi (kutokana na hizo siku saba) basi aamue kuomba kujiuzulu ili kama ni yeye anayetakiwa kutajwa na mzee Mengi, basi Mengi afanye hivyo wakati Masha si Waziri ili kusiwe na kulipiza kisasi kwa namna yoyote ile.

Vinginevyo, mjadala huu siyo wa lazima na wala haukutakiwa kufika hapa ulipofika. Nitafurahi kuona wamemaliza tofauti zao na wakaunganisha nguvu kupambana na mauaji ya Albino ambayo ni aibu kubwa zaidi ya utawala wa Rais Kikwete na timu yake!

 

[Freetown]

Naomba kujua hadi leo hii tarehe 10-december-08, siku saba alizotoa Masha, je zimebaki siku ngapi??? na nini hatima ya hizo siku saba iwapo zimefika/zitafika bila bwana Mengi kutoa ushahidi?.
Karibuni tuchangie hadi tujue mwisho wake

 

[BAK]

Chanzo kimoja cha habari kimeieleza Tanzania Daima Jumatano kwamba, hatua ya Waziri Masha kumpa Mengi siku saba zinazoisha kesho, akimtaka athibitishe madai yake kwamba kuna waziri kijana anayeongoza wizara nyeti, anayeshawishi serikali kumhujumu kibiashara, inalenga kumlazimisha mfanyabiashara huyo amtaje mtu aliyemweleza taarifa hizo ambazo kimsingi zilijadiliwa katika vikao viwili vikubwa vya ngazi ya kitaifa.

Sasa tunasubiri kusikia Masha's next move. Kama itakuwepo maana anaweza kutoswa yeye kutokana na credibility yake kuporomoka vibaya sana.

 

[Freetown]

Chanzo kimoja cha habari kimeieleza Tanzania Daima Jumatano kwamba, hatua ya Waziri Masha kumpa Mengi siku saba zinazoisha kesho, akimtaka athibitishe madai yake kwamba kuna waziri kijana anayeongoza wizara nyeti, anayeshawishi serikali kumhujumu kibiashara, inalenga kumlazimisha mfanyabiashara huyo amtaje mtu aliyemweleza taarifa hizo ambazo kimsingi zilijadiliwa katika vikao viwili vikubwa vya ngazi ya kitaifa.

Sasa tunasubiri kusikia Masha's next move. Kama itakuwepo maana anaweza kutoswa yeye kutokana na credibility yake kuporomoka vibaya sana.

Asante Mkuu kwa taarifa tuzidi kufuatilia tuone hatima yake

 

[Kamundu]

Huyo looser aliyetoka hapo DC kumbe ndiyo Masha!. Hanakitu huyo jamaa wanaomjua ni looser tu asijeakatisha watu hapo bongo.

 

[Freetown]

Huyo looser aliyetoka hapo DC kumbe ndiyo Masha!. Hanakitu huyo jamaa wanaomjua ni looser tu asijeakatisha watu hapo bongo.

Hivi mkuu hana timu au hakuunda timu ya kumpa ushauri juu ya sifa za watu anaotaka kuwapa dhamana ya uongozi??

 

[Lambardi]

Jamaa amechemsha sana acha tu ila muda wake umeshafikia kikomo.....ngoja tuone...what next..

 

[Songambele]

Wabongo kweli nuksi! mkikamata kitu hata kama kidogo kiasi gani mtakavyolemba na kukuza mpaka kionekane kikubwa na hatari ndio mnatulia. Watu wanakosea na hata kama unawashauri kiasi gani, amekosea G. W. Bush mwenye ushauri wa uwakika itakuwa Masha!

Pia mwambieni babu yenu Mengi naye aache mambo yake kupenda kuonewa huruma kama yuko kwenye game apambane kama wengine wanavyopambana, kwani nini. Manake hata makampuni yake sio ndio bora kuliko yote mbona alishaanza kuyauuza kitambo kama anafilisika ndio biashara ukikosa ubunifu unakwenda na maji ushindani autazami mtu usoni au kabila lake.

 

[Mutu]

FMES ni kweli Fundi mchundo hizo habari unazosema ni huyu hapa JF.?

Je alishawahi kujifunua identity yake kwako?
Kama siyo ,siyo sahihi unachokiongea na itabidi umetake radhi!

 

[Baba Sangara]

Freetown & Mwanakijiji.... Shida yenu ni ndogo, kwa kiswahili inaitwa "wivu"... Mnashindwa kuamini na kukubali kwamba JK kamteua Masha (Kijana wa miaka 38!) kuwa waziri wa mambo ya ndani badala ya mzee Mengi!... Kazi kumpiga vita bila kuwa na kitu cha msingi cha kusema!.... poleni!

 

[William J. Malecela]

1.

Quote- Field Marshall ES

- Ulisema hujawahi kutoka nje ya bongo wewe uko bongo, sasa yakutoka nje ya Marekani yametoka wapi, muongo na mnafiki mkubwa wewe, unadai kila neno ninalosema hapa JF ni la uongo na sikujui, sasa ulipofungua Blog yako kwa nini ulitaka nije huko? Ulijuaje kwua ninahusika na JF? Uliwezaje kusema kua ukija kuandika jaribu sana ku-proof reading tu kabla ya kubandika ulijuaje haya kuwa huwa ninakosea maneno?

Quote:- Fundi Mchundo

Niliteleza. Nilimaanisha sijawahi kutoka bongo na si Marekani kama ilivyoandikwa. Hii yenyewe sisemi kuwa ni 100% correct ( Of course hii inamaanisha kuwa inawezekana kuwa Fundi Mchundo ni muongo! So be it, sina tatizo na hili) lakini naamini it is nobody's business Fundi Mchundo yuko wapi na amewahi kusafiri wapi. Kimoja tu ndicho hakitanipeleka kwa parokia kuungama ni kuwa Fundi Mchundo ni mtanzania aliyezaliwa Tanzania na si Marekani kama inavyoweza kueleweka.

- Hapa peke yake kesi yangu inaweza kuisha kuhusu uongo wako, maana uko wazi kabisaa, eti uliteleza? Wewe ndiye muongo mkuu na huu hapa ni uthibitisho tosha sasa acha kelele za kujifanya una unajua ukweli maana huujui.