Tundu Antipas Lissu special thread (CHADEMA CHAIRMAN)

Tundu Antipas Lissu special thread (CHADEMA CHAIRMAN)

#UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 12

Mhe. Lissu anaendelea kumdodosa Ntamamiro (Bwana Jela)

Ntamamiro (Bwana Jela) : Lakini suala la searching zipo sheria zingine.

Mhe. Lissu: Sasa huko tutafika. Mashahidi wengine nilikuwa nawambia waache kiherehere sasa unataka na wewe nikwambie hivyo halafu tutaendaje Ukonga baadae, sitaki kukwambia hivyo Afande wangu.

Watu wanacheka. Majaji pia wanacheka sana. 😂😂😂😂

Mhe.Lissu: Sasa soma kifungu cha 105(1)(l) kama hakisemi kuwa Waziri ndio mwenye mamlaka ya kutunga kanuni za management na treatment za prisoners. Ndio au hapana?

Ntamamiro (Bwana Jela) : Naomba nielezee kidogo.

Mhe. Lissu: Nimesema mimi na wewe kwetu ni ukonga tukitoka hapa. Tukitoboa mtumbwi tutafika? Haya jibu swali tusigombane?

Ntamamiro (Bwana Jela) : Kweli

Mhe. Lissu: Kamishna Mkuu ana mamlaka ya kutunga hizo kanuni za kutunga mambo haya ambayo nimesema hapo juu?

Ntamamiro (Bwana Jela) : Waziri ndio amempa mamlaka kamishna wa magereza.

Mhe. Lissu: kwa kifungu?

Ntamamiro (Bwana Jela) : Kile nilichosema cha 5(2)

Mhe. Lissu: Kile hakijataja Prisoners sasa.

Ntamamiro (Bwana Jela) : Kimetaja Prison ndio Prisoners wapo.

Mhe. Lissu: Kasome Definition section kwenye hiyo sheria kuna tofauti kati ya Prison na Prisoners. Havitumiki interchangebly. Gereza na wafungwa ni vitu tofauti.

Ntamamiro (Bwana Jela): Sijui.

Mhe. Lissu: Kanuni ya 8 ya kanuni za usimamizi magereza. (Prison Management regulation) je inaeleza utaratibu wa ku search wafungwa.

Ntamamiro (Bwana Jela) : Ndio lakini zipo na sheria zingine.

Mhe. Lissu: Tutaenda kila mahali. Tutafika kwa hizo sheria zote.

Ntamamiro (Bwana Jela) : Sawa. Nakubali.

Mhe. Lissu: Haki za wafungwa tunaenda kanuni ya 9 hadi ya 11?

Ntamamiro (Bwana Jela): Kweli

Mhe. Lissu: Kanuni ya 12 na Kanuni ya 17 je kanuni hizo zinahusu haki ya wafungwa kutembelewa gerezani?

Ntamamiro (Bwana Jela): Kweli.

Mhe. Lissu: Soma kanuni ya 13 na useme inahusu nini? Ni kweli inahusu haki ya wafungwa kutembelewa na mawakili au washauri wao wa kisheria?

Ntamamiro (Bwana Jela) : Ni kweli.

Mhe. Lissu: Kanuni hizo pia zimeeleza hata namna ya adhabu ya kifo ifanyike kwa maana ya kunyonga wafungwa na masuala yote yanayohusu wafungwa wa adhabu ya kifo? Soma kanuni ya 33.

Ntamamiro (Bwana Jela): haeleweki amesoma nini?

Mhe. Lissu: Ngoja nikusomeee. Anamsomea hapa.

Ntamamiro (Bwana Jela): Nilikuwa sijaiona nimeiona.

Mhe. Lissu: Namna ya kunyoa wafungwa si imeandikwa kwenye kanuni?

Ntamamiro (Bwana Jela): Naam

Mhe. Lissu: Mimi huoni nimefuga rasta sio mfungwa ndio hamuwezi niambia chochote unaelewa hilo?

Ntamamiro (Bwana Jela): uko sahihi.

Mhe. Lissu: Kwa kanuni hizo mahabusu kama mimi napaswa kusimamiwa na askari magereza wawili usiku na mchana.

Ntamamiro (Bwana Jela): Kuna kipengele cha segregation kwenye sheia zetu.

Mhe . Lissu: Jibu kwa kanuni hizo?

Jaji: Kamishna hakuna mtu atakuadhibu maana kanuni hujatunga wewe. Kwahiyo kama kanuni hazisemi sema hazisemi. Usijipe presha kabisa mzee wangu.

Kumbukeni ana miaka 57 huyu Ntamamiro (Bwana Jela).

Ntamamiro (Bwana Jela): Hakuna hiyo kanuni.

Mhe. Lissu: Ni wafungwa wa adhabu ya kifo tu ndio wanatakiwa kulindwa na askari wawili na wasikilizwa mazungumzo yao ni wa adhabu ya kifo pekee? Kweli au sio kweli.

Ntamamiro (Bwana Jela): Sio kweli

Mhe. Lissu: Inasemaje Baba yangu? Kwanza wewe sio Baba yangu mimekuzidi umri. Si umesema una miaka 57.

Ntamamiro (Bwana Jela): Kwa mujibu wa hiki kifungu ni sahihi wafungwa wa kifo ndio wanapaswa kulindwa.

Mhe. Lissu: Safi tukienda hapa tutafanya vizuri. Kwa hayo ambayo umeyasoma na kwa kanuni hizo. Mahabusu, mfungwa hatakiwi kulindwa muda wote kwa masaa 24 isipokuwa wa kifo kwa mujibu wa kanuni hizo? Kanuni ipi?

Ntamamiro (Bwana Jela): Nimesema Jeshi la magereza linaendeshwa na kanuni, sheria na miongozo.

Part 13 itaendelea kwenye post inayofuata.

Naomba Repost yako.
 
#UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 13

Mhe. Lissu anaendelea kumdodosa Ntamamiro (Bwana Jela)

Jaji: Sasa Bwana jela umeulizwa kuhusu kanuni tu. Jibu kwenye kanuni

Mhe. Lissu: Huko tutafika anakotaja anijibu tu ni kanuni gani inasema mfungwa wa kawaida atalindwa na askari wawili?

Ntamamiro (Bwana Jela): Kwa kanuni hii hakuna kokote.

Mhe. Lissu: Kwa kanuni hizo wafungwa wamegawanywa kwa makundi matatu? Au unataka nikutajie?

Ntamamiro (Bwana Jela) : Nitajie?

Mhe. Lissu: Fungu la tatu soma wapo watoto, wapo wafungwa wanaoitwa star prisoners, na kundi la tatu ni wafungwa wa kawaida?

Ntamamiro (Bwana Jela): Ni kweli kabisa.

Mhe. Lissu: Hao wanaoitwa young prisoners ni wenye chini ya miaka 21.

Ntamamiro (Bwana Jela): Ni kweli

Mhe. Lissu: Wanaoitwa wafungwa nyota ni wale first offenders? Wamefanya kosa kwa mara ya kwanza?

Ntamamiro (Bwana Jela): Kweli

Mhe. Lissu: Oridnary ni wale wafungwa wengine wanaobaki wote wasio kundi la kwanza na la pili?

Ntamamiro (Bwana Jela) : Ni kweli.

Mhe. Lissu: Jana ulimsikia Kalokola wakili wa serikali akisema kuna wafungwa wa umuhimu wa kisiasa au alisema Prisoners of Security Importance Je kwa kanuni hizo wapo?

Ntamamiro (Bwana Jela): Majaji mimi naongoza kwa mujibu wa sheria zingine pia ila Kwa mujibu wa kanuni hizo hawapo.

Mhe. Lissu: Sasa twende kwenye Sheria yenyewe. Soma kifungu cha 29 kinahusu classification of Prisoners.

Bwana Jela anakitafuta kwa muda mrefu sana.

Mhe. Lissu: Hawajakuandaa hawa watu. Unatumia muda mrefu sana kutafuta kifungu. Na niliwaambia.

Sasa nikwambie inasema hivi utatenga wafungwa kama walivyoelekezwa na sheria kwa makundi. Kweli au sio kweli?

Au nikusomeee?

Ntamamiro (Bwana Jela): sikioni.

Jaji: Msajili nenda kamsaidie akione.

Mhe.?Lissu: Ni kweli kifungu hicho kinasema unapaswa kutenga kwa zile classification tatu nilizosema?

Ntamamiro (Bwana Jela): Sio kweli

Mhe. Lissu: Eheeee unawatenga vipi?

Ntamamiro (Bwana Jela): Nimesema tunaongozwa na kanuni, sheria na miongozo mbalimbali.

Mhe. Lissu: Tulitoka kwenye kanuni sasa tupo kwenye sheria muda huu.

Ntamamiro (Bwana Jela): Naomba nipewe muda.

Jaji: Sasa Wakili wa Serikali ongea na shahidi tunataka kusogea mbele. Msaidie anachotafuta.

Ntamamiro (Bwana Jela) : Ni sahihi kuwa sheria inasema kama ulivyosema.

Mhe. Lissu: Je wewe mkuu wa gereza la ukonga au mkuu wa gereza lingine mnaweza kubadili makundi hayo matatu tuliyosoma kwenye sheria. Na kuweka category nyingine nje ya za kwenye kanuni?

Ntamamiro (Bwana Jela) : Sina uwezo huo.

Mhe. Lissu: Haya Makanuni hatujayatunga wewe, wewe jibu tu swali chakufia nini? Sasa tuambie Kamishna wa Magereza kama nae ana mamlaka ya ku change category za wafungwa zilizopo kwenye kanuni. Je Boss wako anayo hayo mamlaka? Yaani Principal Commissioner

Ntamamiro (Bwana Jela): Hana uwezo.

Jaji: Hebu tueleze vizuri.

Ntamamiro (Bwana Jela) : Kwa sasa Commisioner General wa magereza anao uwezo wa kutunga kanuni zingine.

Mhe. Lissu: Swali ni je kubadilisha kanuni za Waziri ana uwezo huo?

Ntamamiro (Bwana Jela): nashindwa kuelewa.

Jaji: Sasa Shahidi hizi kanuni narudia tena hukutunga wewe. Jibu tu swali.

Ntamamiro (Bwana Jela) : Hana uwezo wa kurekebisha wala ku ammend. Ni sahihi.

Mhe. Lissu: Kifungu cha 105(1) kinasema kwa kifungu hicho ni waziri peke yake ndio mwenye mamlaka ya kutunga kanuni za utekelezaji bora wa kanuni hizi?

Jaji: Lissu endelea kuuliza swali.

Mhe. Lissu: Sasa jibu swali langu la mamlaka ya kutunga kanuni bora za utekelezaji wa kanuni hizo?

Ntamamiro (Bwana Jela) : Haisemi Waziri peke yake.

Mhe. Lissu: Waziri anaweza au hawezi?

Ntamamiro (Bwana Jela) : Anaweza.

Mhe. Lissu: Ni wapi pameandikwa kuwa Kamishna General anaweza kutunga kanuni?

Ntamamiro (Bwana Jela): Sipaoni hapo.

Part 14 itaendelea kwenye post inayofuata.

Naomba nisaidie kushare ujumbe uende mbali.
 
#UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 14

Mhe. Lissu anaendelea kumdodosa Mkuu wa Gereza, Ntamamiro (Bwana Jela)

Mhe. Lissu: Mmeleta PSO hapa?

Ntamamiro (Bwana Jela): Ndio mawakili wangu waliileta.

Jaji: Wakili wa serikali nenda kaongee na shahidi wako anajua.

Mhe. Lissu: Sasa Shahidi nataka tuzungumze juu ya utaratibu wa mazungumzo kwa wafungwa au mahabusu? Tuanzie hapo. Soma kanuni ya 9(h) ya kanuni za usimamizi wa magereza. Je ni kweli wafungwa wana haki ya kutembelewa gerezani?

Ntamamiro (Bwana Jela): Ni kweli.

Mhe. Lissu: Wafungwa watatimiza haki hiyo kwa mujibu wa kanuni ya 12 ya kanuni hizo?

Ntamamiro (Bwana Jela) : ni kweli

Mhe. Lissu: Soma kanuni ya 12(5) inasemaje? Je kwa kanuni hiyo wafungwa wanapotembelewa na wageni wao mazungumzo yao yatafanyika kwa kuona na kusikilizwa na afisa gereza mmoja?

Ntamamiro (Bwana Jela): Ni sawa kwa kanuni hii.

Mhe. Lissu: Inahusu wageni wote wa wafungwa?

Ntamamiro (Bwana Jela): inategemea.

Mhe. Lissu: Utaratibu wa kutembelea wafungwa wa kifo na wa kawaida ni tofauti?

Ntamamiro (Bwana Jela): Inategemea.

Mhe. Lissu: Je askari mmoja kwa wafungwa wa kawaida na askari wawili wa wafungwa wa kifo. Utaratibu wa kutembelewa kwa wafungwa na watu wa kawaida na mawakili wao ni sawa?

Ntamamiro (Bwana Jela) : Kwa mawakili askari ataona lakini hatasikiliza.

Jaji Rumisha: Si unaona tunaenda vizuri sasa Lissu.

Mhe. Lissu: Vizuri kabisa sasa shaidi tuambie mkuu wa gereza la ukonga una matatizo ya kusikia au hauna?

Ntamamiro (Bwana Jela): niko vizuri mimi. Nasikia.

Mhe.Lissu: Assistant Commisiomer on Prison Recha. Ana matatizo ya kuona na kusikia au hana?

Ntamamiro (Bwana Jela): Sijui.

Watu wanacheka kimya kimya. Boss hajui kama msaidizi wake anasikia vizuri au laa😂

Mhe. Lissu: Je ACP Mumbii nae ana matatizo ya kusikia?

Ntamamiro (Bwana Jela) : Mimi sio Daktari sijui.

Mhe. Lissu: Je ACP Mohamed nae?

Ntamamiro (Bwana Jela): nae pia sijui kama ana matatizo ya kusikia.

Mhe. Lissu: SGT. Hamisi vipi nae anasikia au hasikii?

Ntamamiro (Bwana Jela) : Sijui.

Mhe. Lissu : Insp. Stima legal officer nae vipi anasikia?

Ntamamiro (Bwana Jela) : Nae pia sijui.

Mhe. Lissu: Wale akina mama watatu wanaofanya kazi admission office wana matatizo ya kusikia na kuona au hawana?

Ntamamiro (Bwana Jela): Sijui.

Kwa Kifupi kesi imeanza sasa.😂😂😂

Mhe. Lissu: Koplo Dani mtunza fedha nae vipi ana matatizo ya kusikia au vipi? Maana na yeye mara zote huwa yuko ofisi ya admission?

Ntamamiro (Bwana Jela) : Sijui.

Mhe. Lissu: Wale maaskari ambao huwa wanatoka na mimi ninakolala na kunileta kwako Insp. Kaisi na Mwingia wakiongoza nao pia huwa wanatatizo la kusikia?

Ntamamiro (Bwana Jela) : Sijui.

Mhe. Lissu: Waeleze Majaji umefanya kazi Magereza kwa miaka mingapi?

Ntamamiro (Bwana Jela) : ni mingi tu.

Mhe. Lissu: Mingapi?

Ntamamiro (Bwana Jela): Zaidi ya 25

Mhe. Lissu: Uliingia mwaka gani?

Ntamamiro (Bwana Jela) : 1995.

Mhe. Lissu: Kwahiyo ni miaka 31?

Ntamamiro (Bwana Jela) : ndio

Mhe. Lissu: Umepitia mafunzo mbalimbali jadi kufikia cheo ulichonacho sasa?

Ntamamiro (Bwana Jela) : Ni sahihi.

Mhe.Lissu: kwahiyo wewe ni msomi wa masuala ya magereza hadi umefikia hapo?

Ntamamiro (Bwana Jela) : Sahihi

Mhe. Lissu: Je kwa uzoefu wako jeshi la magereza linaweza kuajiri askari haoni au hasikii?

Ntamamiro (Bwana Jela) : haliwezi kuajiri. Lakini unaweza kuumwa ukiwa kazini.

Mhe. Lissu: akiajiriwa haoni akapofuka ataendelea kuwa askari magereza.

Ntamamiro (Bwana Jela) : Mimi sio daktari

Watu wanacheka.😂😂😂😂

Mhe. Lissu: Kama atakuwa hasikii je ataendelea kuwa askari magereza?

Ntamamiro (Bwana Jela) : Sina jibu.

Mhe. Lissu: Hata kutokuwa na jibu ni jibu pia.

Mhe. Lissu: Je askari magereza ambae hasikii au hauoni atashuhudiaje mazungumzo ya mfungwa na ndugu zake watakapokuja kumtembelea.

Part 15 itaendelea kwenye post inayofuata.

Naomba nisaidie kushare ujumbe uende mbali.
 
#UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 15

Mhe. Lissu anaendelea kumdodosa Mkuu wa Gereza, Ntamamiro (Bwana Jela)

Mhe. Lissu: Je askari magereza ambae hasikii au hauoni atashuhudiaje mazungumzo ya mfungwa na ndugu zake watakapokuja kumtembelea

Ntamamiro (Bwana Jela) : Hayo ni masuala ya kidaktari.

Mhe. Lissu: Sasa Bwana Jela hujui kama wasaidizi wako wote hao kuwa hujui kama wanasikia au hawaoni wewe ni mkuu wa gereza wa aina gani?

Ntamamiro (Bwana Jela) : Mimi sik daktari.

Mhe. Lissu: Wewe ni Mkuu wa Gereza wa aina gani? Usiyejua afya za wasaidizi wako?

Ntamamiro (Bwana Jela): Nastahili kuwa kwenye nafasi hii.

Mhe. Lissu: Ndio maana nchi imekwama. Kama watu wenyewe ndio nyie na akili hizi

Mhe. Lissu: Umekuwa Officer incharge tangu lini pale Ukonga?

Ntamamiro (Bwana Jela) : Sept. 2025.

Mhe.Lissu: Ulihamishiwa Ukonga ukitokea gereza kuu la maweni Tanga?

Ntamamiro (Bwana Jela): Ndio.

Mhe.Lissu: Ulikuja ukonga kuchukua nafasi ya Juma Mwaibaku?

Ntamamiro (Bwana Jela): Kweli.

Mhe. Lissu: Ulipohamishiwa Ukonga mimi tayari nilishakuwa mahabusu ukonga toka April 2025?

Ntamamiro (Bwana Jela) : Ni kweli.

Mhe. Lissu: Wakati unahamia Ukonga ulikuta nakaa kwenye special wing pale ukonga?

Ntamamiro (Bwana Jela) : Ni kweli

Mhe. Lissu: Wakati unahamia pia ulinikuta naishi huko pamoja na wafungwa wa adhabu ya kifo 100?

Ntamamiro (Bwana Jela): Sikuwakuta.

Mhe. Lissu: Je ulinikuta nakaa peke yangu au sio peke yangu?

Ntamamiro (Bwana Jela) : Sio peke yako.

Mhe. Lissu: Wafungwa gani hao?

Ntamamiro (Bwana Jela) : Mmoja.

Mhe. Lissu: Je kwa miezi 5 ambayo hukuwepo nilikuwa naishi na wafungwa wa kifo takribani 100?

Ntamamiro (Bwana Jela) : Sifahamu.

Mhe. Lissu: Umeona record ya maandishi ya waliokuwepo special wing umeiona au hujaiona?

Ntamamiro (Bwana Jela) : Sijapitia hiyo records.

Mhe: Lissu: Hili suala nilishalilalamikia na lipo kwenye nyaraka za mahakama.

Ntamamiro (Bwana Jela): Sifahamu. Tuendelee na maswali mengine.

Mhe/ Lissu: Utaratibu wa wageni kuja kuniona ni weekend?

Ntamamiro (Bwana Jela) : kweli

Mhe. Lissu: Utaratibu wa wageni wangu kuja kuniona weekend ni kwamba siku moja wanakuja ndugu zangu na siku nyingine wanakuja viongozi wa Chama.

Ntamamiro (Bwana Jela): Sifahamu.

Mhe.Lissu: Wakati unahamia Ukonga ulikuta utaratibu wa kutembelewa na mawakili wangu ilikuwa nimepeleka orodha kwa mkuu wa Gereza kwa mkuu wa gereza?

Ntamamiro (Bwana Jela) : Ni kweli.

Mhe. Lissu: Orodha ya kwanza uliiambatanisha kwenye hati yako ya kiapo kinzani ile ambayo nilikuwa na mawakili 10.

Ntamamiro (Bwana Jela): Orodha hiyo hiyo moja.

Mhe. Lissu: Kwahiyo hakukuwa na orodha yenye jina la Deogratias Mahinyila, Paul Kisabo na Dickson Matata na Mary Stephano.

Ntamamiro (Bwana Jela) : Hakuna hiyo.

Mhe. Lissu: Angalia kielelezo SUPP 1. Ukishakiona niambie.

Ntamamiro (Bwana Jela) : Anapekenyua hapa..

Mhe. Lissu: Jina la Nashon Nkungu limo kwenye hiyo orodha lipo au halipo? Ambae ni mleta maombi wa pili.

Ntamamiro (Bwana Jela): Ndio lipo.

Mhe. Lissu: Je jina la Kisabo na Maduhu mawakili wangu yapo au hayapo kwenye hiyo SUPP 1

Ntamamiro (Bwana Jela) : Hawa hawapo kwenye hii orodha.

Mhe. Lissu: Sasa hao wawili wamesema kwa kiapo na kusema hapa Mahakamani kuwa kabla hujahamia ukonga walishaingia gerezani kuonana na mimi walishaingia karibia mara tatu. Wewe unasemaje? Yaani wakati ACP Juma Mwaibako akiwa Mkuu wa Gereza walihudhuria

Ntamamiro (Bwana Jela): Sio kweli.

Mhe. Lissu: Waeleze majaji kama ulikuwepo wakati huo?

Bwana Jela: Sikuwepo wakati huo. Ila nyaraka zinasema.

Mhe. Lissu: Nenda kielelezo ambacho ni SUPP 2 hapo.

Jaji: SUPP 2 ni nini?

Ntamamiro (Bwana Jela) : Hiki ni kiambatanisho na. 2 kinahusu orodha ya wageni na mawakili waliotembelea gereza la Ukonga.

Part 16 itaendelea kwenye post inayofuata.

Naomba Repost yako.
 
Hilda Newton
@HildaNewton21
·
5m
#UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 16

Mhe. Lissu anaendelea kumdodosa Mkuu wa Gereza

Mhe. Lissu: Twende Taratibu. Hiki ulicholeta mahakamani ni photocopy?

Ntamamiro (Bwana Jela): Ndio

Mhe. Lissu: Original unayo ofisini kwako?

Ntamamiro (Bwana Jela) : Ndio.

Mhe. Lissu: Angalia Tar. 29 na Tar. 30 Sept. 2025. Kuna majina ya wageni kabla ya Tarehe hizo wapo wageni hawaonekani walikuja tarehe gani?

Ntamamiro (Bwana Jela): Ni kweli

Mhe. Lissu: Hawa watu wanne walikuja tarehe ngapi? Wambie majaji sasa?

Ntamamiro (Bwana Jela) : Haioneshi.

Mhe. Lissu: Wewe unajua sasa? Walikuja tarehe ngapi? Maana original unayo wewe.

Ntamamiro (Bwana Jela) : Tarehe haioneshi.

Mhe. Lissu: Je katika hao watu wa nne. Mtu wa 10 ni nani?

Ntamamiro (Bwana Jela) : Paul Kisabo.

Mhe. Lissu: Alikuja kumuona nani?

Ntamamiro (Bwana Jela) : wewe hapo imeandikwa. Alikuja kukuona wewe.

Mhe. Lissu: Soma Tar. 30 Sept. Kwenye karatasi hiyo hiyo. Mtu wa kwanza ni Paul Kisabo?

Ntamamiro (Bwana Jela) : Ni kweli.

Mhe. Lissu: Tusiende mbali sasa: Tufafanulie jambo hapa kuna sehemu imenadikwa jina la ndugu, ID no. Simu namba, atokapo mgeni na maoni ya OIC. Sasa hiyo OIC ni Officer in Charge yani wewe hapo?

Ntamamiro (Bwana Jela) : Ndio

Mhe. Lissu: Tar. 30/09 kwenye jina la Kisabo uliandika A/Zamu maana yake Afisa wa Zamu. Na kuna mahali umeandika ADM maana yake ni admission office in charge. Na kuna mahali umeandika IO maana yake intelligence officer?

Ntamamiro (Bwana Jela) : Ni kweli kabisa.

Mhe. Lissu: na kuna sehemu umeandika legal unamaanisha Legal Officer Stima.

Ntamamiro (Bwana Jela): Ndio

Mhe. Lissu: Hiyo sehemu ya maoni yako ni maelekezo yako kwa hawa niliowataja? Wewe ndio Boss.

Ntamamiro (Bwana Jela) : Kila ofisa ana kazi yake. Kwahiyo ni maelekezo yangu kwao.

Mhe. Lissu: Kwahiyo unakuwa umewapa amri?

Ntamamiro (Bwana Jela) : Ndio.

Mhe. Lissu: Nenda Kwenye kilelezo SUPP 3 pia ni orodha ya mawakili waliokuja Ukonga. Nashon Nkungu lipo hapo ambae ni mlalamikaji wa pili. Andrew Mathew Chima pia alikuja kuniona?

Ntamamiro (Bwana Jela) : Ndio

Mhe. Lissu: Je Andrew Chima yupo kwenye orodha ile ya mawakili wangu niliowaletea ile SUPP 1?

Ntamamiro (Bwana Jela) : Hayupo. Naomba nifafanue.

Mhe. Lissu: Sitaki. Utawafafanulia wa Serikali.

Haya huko mwisho kabisa KULWA MADUHU yupo au hayupo?

Ntamamiro (Bwana Jela) : Yupo namuona hapa.

Mhe.Lissu: Na kule mwisho kwenye maoni yako umesema aruhusiwe mwenye kibali. Maduhu hana kibali huko mbele sioni.

Ntamamiro (Bwana Jela): hayuko kwenye orodha ya mawakili wa mahabusu huyu.

Mhe. Lissu: Waeleze majaji kama kuna sharti lolote la kisheria kwamba mfungwa yeyote mwenye wakili au wakili anapaswa kuwasilisha orodha ya mawakili wake kwa Bwana Jela?

Ntamamiro (Bwana Jela) : Halipo kisheria. Lakini mfungwa ana haki ya kuchagua nani amtembelee.

Mhe Lissu: Nilichagua kuwa Kulwa William Maduhu na umemkatalia?

Ntamamiro (Bwana Jela) : Hakuwepo kwenye orodha.

Mhe. Lissu: Andrea Chima alikuja kuniona yupo kwenye orodha gani?

Ntamamiro (Bwana Jela) : Hayupo.

Mhe. Lissu: SUPP 5 twende sasa tar. 24/12/2025 angalia kwenye entry kuna Nashon Nkungu na Paul Kisabo?

Ntamamiro (Bwana Jela) : Ndio wanaonekana wote.

Mhe. Lissu: Je Victoria Mgonja alikuja kumuona Jonson Muhanjo. Uliandkka kwenye maoni yako kuwa Adm. Simamia mazungumzo yao. Na mazungumzo hayo yalifanyikia kwenye ofisi ya Admn

Ntamamiro (Bwana Jela) : Sina kumbukumbu yalifanyikia wapi?

Mhe. Lissu: Kwamba tangu juzi tunazungumza kuhusu mazungumzo ya mawakili yalifanyikia wapi hujaenda kutafuta.

Ntamamiro (Bwana Jela) : sijui inaweza kuwa kwa Mkuu wa Gereza au Adm.

Mhe. Lissu: Mazungumzo na Nashon ulisema asimamiwe kwa Makamu mkuu wa gereza na kuwataka wasaidizi wako wanne wasimamie?

Ntamamiro (Bwana Jela) : Sahihi

Part 17 itaendelea kwenye post inayofuata.

Naomba Repost yako.
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 17

Anaendelea Mhe. Lissu

Mhe. Lissu: Na mazungumzo ya Kisabo pia ulisema yasimamiwe kwenye ofisi ya kaimu mkuu wa gereza.

Ntamamiro (Bwana Jela) : ndio

Mhe. Lissu: Na tunakubaliana wale watu wote akina Mumbii, legal officer Stima, Kopro Dani, na akina mama watatu. Je hawa watu wanakuwemo humo?

Ntamamiro (Bwana Jela) : Si kweli. Huwa wanatoka. Wanaacha mazungumzo yafanyike.

Jaji: Lissu umeridhika na majibu ya shahidi.

Mhe. Lissu: Ngoja nataka kukamata watu waongo.

Mhe. Lissu: Kumbe maafisa wote mle chumbani wanatoka nje, sasa soma kiapo chenu ndugu yangu. Nakusomea kwenye kiapo chako

Kiapo kinasomeka kuwa walikuwepo.

Ntamamiro (Bwana Jela) : Kuna ambao walikuwepo na kuna ambao walitoka.

Mhe. Lissu: Waliokuwepo ni akina nani?

Ntamamiro (Bwana Jela) : Waliosindikiza

Mhe. Lissu: Akina nani?

Ntamamiro (Bwana Jela) : Sikumbuki

Mhe. Lissu: Waleta maombi wote wamewataja majina akina Mumbii, Koplo. Dani, Akina mama watatu mle ndani, legal officer na mtu wa usalama. Wamewataja majina. Wewe unasemaje?

Ntamamiro (Bwana Jela) : Sikubaliani nao mimi.

Mhe. Lissu: Twende kwenye ofisi ya Recha ACP. Soma SUPP 4 Tar. 24/12 ulisema alipokuja Kisabo. Asimamiwe kwa kaimu mkuu wa gereza na kusema wayafanyie ofisini ukawataja majina ambao wanapaswa wasimamie. Waeleze majaji kuwa wakati wote Recha anakuwepo, asipokuwepo atakuwepo Mumbii, Mohamed lazima awepo au Hamisi na anakuwepo Stima na maaskari wanaonifuata muda wote.

Ntamamiro (Bwana Jela) : sio kweli

Mhe.Lissu: Umewahi kuhudhuria mazungumzo hayo kwa Recha?

Ntamamiro (Bwana Jela) : Sijawahi.

Watu wanacheka. 😂😂😂😂

Mhe. Lissu: Tumewahi kufanya mazungumzo ofisi kwako mimi na mawakili wangu?

Ntamamiro (Bwana Jela) : Sio kweli.

Mhe. Lissu: Tar. 12/12 imeandikwa SUPP 6 Umeiona?

Ntamamiro (Bwana Jela) : Sioni

Mhe. Lissu: Mawakili msaidieni mmeleta wenyewe.

Ukiiona siku hiyo niliyosema tar. 12/12 ulielekeza hivi kaimu mkuu wa gereza, Mtu wa usalama na mwanasheria wa gereza ulisema mazungumzo yawe ya kisheria zaidi. Kweli au sio kweli?

Ntamamiro (Bwana Jela): Kweli

Mhe. Lissu: Je hawa uliowaelekeza wote zaidi ya watu watatu walikuwepo au hawakuwepo kwenye haya mazungumzo?

Ntamamiro (Bwana Jela) : Hawakuwepo.

Mhe. Lissu: Walisikiliza au hawakusikiliza?

Ntamamiro (Bwana Jela) : Hawakusikiliza.

Mhe. Lissu: Waliwezaje kusimamia mazungumzo wakati hawakuwepo na hawakusikiliza?

Ntamamiro (Bwana Jela) : Kuna facial impression.

Majaji wanacheka.😂😂😂😂

Ntamamiro (Bwana Jela): Naomba nifafanue.

Mhe. Lissu: Sitaki unifafanulie. Sasa kama hawakuwepo facial expression walizionaje wakati hawapo.

Ntamamiro (Bwana Jela) : Hili suala ni la kisheria tunamkagua wakili kitambulisho.

Mhe. Lissu: Nani kakuuliza hayo.

Jaji: Usitupotezee muda. Hebu soma maelekezo yako kuwa wasimamie mazungumzo na watu hawakuwepo?

Ntamamiro (Bwana Jela) : Ukiona wanakumbatiana hayaruhusiwi.

Jaji: Uliwaelekeza wafanye nini kwenye mazungumzo hayo?

Ntamamiro (Bwana Jela) : Walisimama mbali wakawa wanaangalia.

Mhe. Lissu: Sasa waeleze majaji kama kitendo cha kukumbatiana ni maneno au kitendo.

Ntamamiro (Bwana Jela) : ni kitendo.

Mhe. Lissu: Ulisema wakasimamie vitendo au maneno?

Ntamamiro (Bwana Jela) : Mazungumzo yaani maneno.

Watu wasonya tu. Majaji pia wamekasirika sana kwa majibu haya. Watu wengine wanacheka kimya kimya.

Mhe. Lissu: Sasa twende SUPP 6 ukurasa unaofuata. Wapo mawakili watatu ambao ni Catherine Chanjarita, Shamumoyo na Constatine kwenye comment zako umesema Adm. Officer simamia mazungumzo yao kwa karibu. Sasa swali langu simamia kwa karibu yanawezekana kutekelezwa bila maaskari hao kuwepo kwenye mazungumzo hayo?

Ntamamiro (Bwana Jela): Sijasema wasikilize nimesema wasimamie kwa karibu.

Part 18 itaendelea kwenye post inayofuata.

Naomba repost yako.
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 18

Anaendelea Mhe. Lissu na maswali ya Dodoso.

Mhe. Lissu: Karibu ipi ambayo hawasikii?

Ntamamiro (Bwana Jela) : Unaweza kuwa karibu na usisikie.

Mhe. Lissu: Kuna mawakili jumla 37 ambao umeleta nyaraka zao hapa pamoja na mawakili wangu. Sasa kwenye comment zako umekuwa ukisema simamia kwa karibi, simamia mazungumzo yao. Ni kweli kwa mawakili wote?

Ntamamiro (Bwana Jela) : Sio kweli lakini ni kweli naomba niseme ni kweli nimesema comment hizo kwa wote.

Mhe: Lissu: Katika Mawakili wote hao kuna mahali hata pamoja ulipoandika simamieni lakini msisikilize mazungumzo yao?

Ntamamiro (Bwana Jela) : Hakuna

Mhe. Lissu: Je katika mawakili wote 37 umeandika wakiingia ofisini tokeni nje wazungumze ipo sehemu umeandika?

Ntamamiro (Bwana Jela) : Hakuna nilipoandika.

Mhe. Lissu: Kuna mahali kokote umeelekeza kuwa angalieni lakini msisikilize?

Ntamamiro (Bwana Jela) : Hakuna mahali hapo.

Mhe. Lissu: Waeleze Majaji kama ni kweli au sio kweli kati ya Tar. 18/04/2025 nilikuwa nazungumza kwenye kioo na mawakili wangu?

Ntamamiro (Bwana Jela) : Kilikuwepo hicho kipindi.

Mhe. Lissu: Tulikuwa tunawasiliana kupitia simu zilizopo pale?

Ntamamiro (Bwana Jela) : Kweli

Mhe. Lissu: Je upande anaokuwepo mgeni ndio uko karibu na reception na kuna kachumba ambacho ni control room ya hizo simu zote? na kwenye hiyo control room anakuwepo afisa magereza anayeuwasha na kuuzima. Ili watu wazungumze yeye ndio anaamua hapo.

Ntamamiro (Bwana Jela) : ni kweli.

Mhe. Lissu: Huyo Wakili anapozungumza kuna askari wanakuwepo kumsikiliza?

Ntamamiro (Bwana Jela) : Sio kweli a

Mhe.Lissu: Je huu upande wangu nakuwa pia na askari wananisikiliza niliotoka nao lockup na wengine wananisikiliza?

Ntamamiro (Bwana Jela): Sio kweli.

Lissu: Kwenye hicho chumba kuna CCTV Camera inayorekodi kinachoendelea humo?

Ntamamiro (Bwana Jela): Sio kweli

Mhe. Lissu: CCTV camera hiyo iko controlled ofisini kwako?

Ntamamiro (Bwana Jela): sio kweli.

Mhe. Lissu: Je ni kweli kwamba baada ya matukio ya Oktoba 29 uliniita ofisini kwako?

Ntamamiro (Bwana Jela) : Sio kweli

Mhe. Lissu : Ulivyoniita ukaniambia kuanzia sasa ni marufuku viongozi wa Chadema na wanachama wa Chadema kuja kukutembelea.

Ntamamiro (Bwana Jela) : Sio kweli

Mhe. Lissu: Na pia ulisema ni ndugu zako wa karibu tu ndio watakutembelea?

Ntamamiro (Bwana Jela) : Sio kweli

Mhe.Lissu: Na ukasema mazungumzo yako na mawakili yatakuwa kwa mambo ya kisheria tu?

Ntamamiro (Bwana Jela): sio kweli.

Mhe. Lissu: Wakili Gaston Garubindi alikuwa anakuja kunitembelea Gerezani kabla ya Tar. 14/11/2025

Ntamamiro (Bwana Jela) : kweli

Mhe. Lissu: kuanzia hiyo tarehe hajawahi kuruhusiwa?

Ntamamiro (Bwana Jela): Simpangii.

Mhe. Lissu: Kuanzia niingie Gerezani Wakili Dickson Matata na Deogratias Mahinyila hujawahi kuwaruhusu waingie gerezani. Huyu Matata ni Mwenyekiti Kanda ya Magharibi na Mahinyila ni Mwneyekiti wa Vijana Taifa hawajawahi kuruhusiwa?

Ntamamiro (Bwana Jela): Siwalazimishi waje au wasije.

Mhe. Lissu: Kumbe ndio hivyo. Haya Mahinyila na Matata kesho njooni Ukonga.

Ntamamiro (Bwana Jela): Kesi iko Mahakamani sitawaruhusu

Mhe. Lissu: John Heche, Amani Gorugwa, Katibu Mkuu Mnyika wakiwa kama mashahidi wangu kwenye kesi ya uhaini wamezuiwa kuingia?

Ntamamiro (Bwana Jela) : Hawawezi kuingia.

Jaji: Hilo la kwamba huwezi kuruhusu umelitoa wapi? Kuna amri yoyote ya Mahakama?

Ntamamiro (Bwana Jela): Siwezi kuwaruhusu.

Jaji Mruma: Tumefikia huko. Unaiambia Mahakama kuwa huwezi kuruhusu na hauna amri yoyote ya Mahakama? Uko serious kweli au hujaelewa ili tufanye maamuzi na sisi sasa?

Ntamamiro (Bwana Jela) : Waheshimiwa majaji naomba radhi.

Jaji anamkata jicho

Mhe. Lissu: Soma hati yangu kinzani kuhusu Nashon Nkungu.

Anasimama Wakili wa serikali tunaomba Break.

Majaji wanashauriana.

Wakili John Seka anasema ni sawa tu.

Mhe. Lissu: Ni sawa.

Jaji basi tukutane mara baada ya lisaa limoja.
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 19

Mahakama Imerejea.

Majaji wameingia.

Wakili wa Serikali amesimama kujitambulisha anaitwa Narindwa Sekimanga.

Shaidi Mkuu wa Gereza nae yuko pale kizimbani yeye muda wote amekaa tu pale kizimbani.

Hajajihangaisha kusimama labda kwa vile ni mrefu na hicho kitambi anachoka kusimama pengine.😂

Jaji Mruma: Shaidi nakukumbusha bado uko chini ya kiapo.

Mhe Lissu: Sasa turudi kwa viongozi wangu wa Chama uliowakatalia wasije kuniona kule Gerezani. Angalia majibu yangu na uangalie kiapo kinzani kuhusiana na kiapo kinzani nilichomjibu Kisabo.

Ntamamiro (Bwana Jela) : Ametoa macho. Hafanyi lolote.

Mhe. Lissu: Mawakili wa Serikali mnafanya nini si mumsaidie shahidi wenu azione hizo nyaraka naona ananiangalia tu.

Wakili wa Serikali anaenda.

Mhe. Lissu: Hizo aya kwenye kwenye kiapo changu kinzani zinaonesha namna ulivyowazuia viongozi na wanachama ikiwemo mashahidi na mawakili watatu ambao ni Dickson Matata, Deogratias Mahinyila na Gaston Garubindi. Swali langu waeleze majaji kama umewahi kupinga haya maelezo yangu yaliyopo kwenye kiapo changu?

Ntamamiro (Bwana Jela) : Waheshimiwa Majaji nimeshalijibu hilo.

Jaji: Umeelewa swali lake kweli.

Ntamamiro (Bwana Jela) : Sina jibu.

Mhe. Lissu: Nalo ni jibu pia. Haya kwenye aya ya nne wewe umefanya kampeni ya muda mrefu ya wewe na mlalamikiwa wa pili kamishna mkuu mmehakikisha nashindwa kujitetea wala kuandaa utetezi wangu na matukio nimeyasema kwenye para H na Y. kwamba umewazuia mawakili wangu watatu ambao Ni Mahinyila, Matata na Garubindi kama umewahi kujibu hili.

Ntamamiro (Bwana Jela) : Sio kweli nimewazuia.

Mhe. Lissu: Je umeleta supplimentary affidavit? Au majibu yoyote kwenye jambo hilo?

Ntamamiro (Bwana Jela) : anatoa macho. Anashika makaratasi na kuyaacha.

Jaji: Umeelewa swali?

Mhe. Lissu: Ulileta counter affidavit mara ya kwanza?

Ntamamiro (Bwana Jela) : Ndio

Mhe. Lissu: Baadae ukaleta suplimentary affidavit?

Ntamamiro (Bwana Jela) : Ndio.

Mhe. Lissu: Sasa kwenye hizo nyaraka zako mbili kuna mahali kokote ulijibu tuhuma za kuwa umewazuia mawakili wangu na viongozi wa Chama?

Ntamamiro (Bwana Jela) : sijajibu.

Mhe. Lissu: Tuhuma dhidi yako na maafisa wako kusearch mawakili na nyaraka zao kisheria. Jibu swali kwamba waleta maombi wote watatu wamesema wanasearchiwa, wanakaguliwa na kusomwa hizo nyaraka.

Ntamamiro (Bwana Jela) : Ni kweli.

Mhe. Lissu: Reg. 17(2) ya kanuni za Magereza inasemaje?

Anatafuta hiyo kanuni.

Mhe. Lissu: Ni kweli mgeni anayekuja Gerezani kutembelea mfungwa atasachiwa endapo atakuwa na wasiwasi na huyo mgeni?

Ntamamiro (Bwana Jela) : Sio kweli.

Mhe. Lissu: Haya isome sasa

Ntamamiro (Bwana Jela) : A prison officer when has any ground suspiciously may direct to search that visitor. Anasoma kingereza kibaya sana.

Mhe. Lissu: Any ground for suspicion may search or cause to search. Kumbe ataamuru asachiwe kama atakuwa na sababu za kumshuku?

Ntamamiro (Bwana Jela) : Sio kweli.

Mhe. Lissu: Mgeni ataambiwa aondoke akikataa kusachiwa?

Ntamamiro (Bwana Jela) : Kwa mujibu wa kanuni hii ni kweli.

Mhe. Lissu: Anayemfukuza atatakiwa kuandika sababu za kumfukuza?

Ntamamiro (Bwana Jela) : yuko kimya tena. Hebu rudia swali.

Mhe. Lissu anarudia swali. Si ni lazima uandike sababu za kumfukuza.

Ntamamiro (Bwana Jela) : Ni kweli.

Mhe. Lissu: Siku mjibu maombi wa Kwanza alipokataliwa kuingia gerezani tar. 28/11 alipokataliwa kuingia gerezani iliandikwa sababu kuwa amekataa kusachiwa?

Ntamamiro (Bwana Jela) : Sio kwa kanuni hii.

Mhe. Lissu: Tutajie kanuni hizo zingine tuzione? Kwenye kanuni kuna sababu yoyote nyingine kwa mujibu wa kanuni?

Bwana Jela: Sijaipitia kanuni yote.

Mhe. Lissu: Sasa mimi niliyepitia kanuni zote na hakuna sababu nyingine unasemaje?

Bwana Jela: Sina jibu.

Part 20 itaendelea kwenye post inayofuata.

Naomba Repost yako.
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Leo July 23, 2026

Jana tuliishia part 21 so leo tunaendelea na-;

Part 22

Majaji wameingia.

Mawakili wapande zote mbili wapo na Mhe. Lissu nae yupo.

Karani anasoma maombi hapa.

Leo tunaendelea na Maswali ya Dodoso kwa Shahidi ambae ni Mkuu wa Gereza la Ukonga ambae Andrew Shabani Ntamamiro (Bwana Jela)

Jaji anauliza kama pande zote ziko tayari. Wanakiri wako tayari.

Jaji sasa na nyie watu wa TLS ninawaruhusu mtapata nafasi ya ku cross.

Anaanza John Seka Wakili wa Waleta maombi.

John Seka : Umekuja kwa niaba ya Gereza la Ukonga

Ntamamiro (Bwana Jela) : Ndio

John Seka: Una muwakilisha pia kamishna wa magereza Tanzania.

Ntamamiro (Bwana Jela): Ndio

John Seka: Unamuwakilisha pia Mwanasheria mkuu wa serikali.

Ntamamiro (Bwana Jela) : ndio

John Seka: Wameona unafaa kabisa kuwawakilisha wewe?

Ntamamiro (Bwana Jela) : Ndio

John Seka: Unafahamu Katiba ya Tanzania na haki inazotoa zile za Binadamu?

Ntamamiro (Bwana Jela) : Ndio

John Seka: Soma ibara 13 inasemaje?

Ntamamiro (Bwana Jela): Watu wote ni sawa mbele ya sheria

John Seka: Watu hao ni pamoja na Lissu hivi?

Ntamamiro (Bwana Jela): Ndio

Jaji mbona hatumsikii.

John Seka: Afande tumia MIC halafu tumia ile sauti yako ya kijeshi.

John Seka: Jeshi la magereza lina wajibu wa kulinda raia pia?

Ntamamiro (Bwana Jela): Ndio

John Seka: Jeshi la Magereza ni miongoni mwa vyombo vya serikali vinavyopaswa kulinda haki za binadamu

Ntamamiro (Bwana Jela) : Ndio.

John Seka: Pia haki za mawakili zinatakiwa kulindwa na kuamuliwa?

Ntamamiro (Bwana Jela) : Ndio.

John Seka: Msimamizi wa gereza za Ukonga wewe ndio msimamizi mkuu wa haki hizo?

Ntamamiro (Bwana Jela) : Ndio.

John Seka: Wajibu huo wa Kikatiba umeutekeleza umeutekeleza kipindi chochote ambacho sisi tunakilalamikia hapa mahakamani?

Ntamamiro (Bwana Jela): Ndio

John Seka: Kifungu cha 13(6)(a) inasema kuhusu haki ya kusikilizwa unafahamu?

Ntamamiro (Bwana Jela): Ndio.

John Seka: Kumbe kwa mujibu wa Katiba hii unapaswa kutoa fursa ya kumsikiliza mtu kabla ya kufanya maamuzi?

Ntamamiro (Bwana Jela): Ndio

John Seka: Wakati unatekeleza majukumu yako, Bwana Tundu Lissu alikuwa na haki ya kusikilizwa kwa ukamilifu?

Ntamamiro (Bwana Jela): Ndio

John Seka: je hawa waleta maombi watatu walikuwa na haki hiyi?

Ntamamiro (Bwana Jela) : Ndio.

John Seka: Ibara ya 16 inasemaje?

Ntamamiro (Bwana Jela) : Utaratibu wa sheria utawekwa kuhusu hali ya mtu ya faragha na mambo yake ya faragha bila kuathiri sheria.

John Seka: Kwa mujibu wa ibara hiyo mamlaka mbalimbali zinazoweza kuingilia faragha ya mtu kwa kufuata taratibu?

Ntamamiro (Bwana Jela) : Ndio.

John Seka: Je mawasiliano binafsi ya mtu ni faragha pia?

Ntamamiro (Bwana Jela) : Ndio.

John Seka: Wakati wote wakati mtu atamnyima mfungwa haki ya faragha anajua kama anaingilia na kuvunja ibara ya 16?

Ntamamiro (Bwana Jela) : Ndio

John Seka: Je wakati unashugjulika na Tundu Lissu ulijua ibara hii ipo?

Ntamamiro (Bwana Jela) : Nimetekeleza hilo.

John Seka: Ibara ya 22(1) ya Katiba ya Tanzania inasemaje?

Ntamamiro (Bwana Jela): Kila mtu ana haki ya kufanya kazi.

John Seka: Wewe kazi yako unayoifanya ni haki yako?

Ntamamiro (Bwana Jela) : Ndio.

John Seka: Kumbe na Mawakili pia wana haki ya kufanya kazi yao vilevile hadi ndani ya Magereza?

Ntamamiro (Bwana Jela) : Ndio.

John Seka: Na mawakili hawa walalamikaji kuja ukonga ni kuja kazini kwao pia?

Ntamamiro (Bwana Jela) : Ndio.

John Seka: Soma ibara ua 26(1) inasemaje?

Ntamamiro (Bwana Jela) : Kila mtu ana wajibu wa kufuata sheria

John Seka: Kila mtu maana yake hadi wewe? Au wewe haupo kwenye kila mti.

Ntamamiro (Bwana Jela) : Hadi mimi.

John Seka: Una wajibu wa kuheshimu sheria za nchi kumbe?

Ntamamiro (Bwana Jela) : Ndio

Part 23 itaendelea kwenye post inayofuata,

Naomba repost yako.
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 24

Anaendelea John Seka

Seka Anamuongelesha anasema unanisikia au hunisikii. Anatumia sauti ndogo sana. Umenisikia?

Ntamamiro (Bwana jela) : Nakusikia

John Seka: Pale ofisi ya Admission si kuna Meza?

Ntamamiro (Bwana jela) : Ndio.

John Seka: Ukubwa wa meza zilizopo hapo admission ukoje?

Ntamamiro (Bwana jela) : Sikumbuki.

John Seka: Katika maisha yako uliwahi kumuona wakili na mteja wake gerezani wanaongea?

Ntamamiro (Bwana jela) : Ndio.

John Seka: Huwa wanakaaje?

Ntamamiro (Bwana jela) : Wanakaa kutazamana katikati yake kuna meza?

John Seka: Sasa narudi hapo. Kabla ya kesi hii uliwahi mfahamu Nashon Nkungu, Paul Kisabo?

Ntamamiro (Bwana jela) : Nimewahi kukutana nao.

John Seka: Ulikutana nao wapi? Katika mazingira yapi?

Ntamamiro (Bwana jela) : Akija kuongea na mteja wake gerezani.

John Seka: Ulituambia stage za wakili akifika. Anaandika jina nje, kitabu kinaletwa kwako. Unaruhusu. Sasa tuambie unamuona wakati gani?

Ntamamiro (Bwana jela) : Ofisi zote ni zangu.

Jaji: Jibu ni wapi hapo Gerezani?

Ntamamiro (Bwana jela) : Nilikutana nae Kwa Recha.

John Seka: Kumbe hata Kisabo ulimfahamuje?

Ntamamiro (Bwana jela) : hivyo hivyo kumuona akizungumza na mteja.

John Seka: Umewahi kuwaona wakifanya mahojiano?

Ntamamiro (Bwana jela) : Ndio

John Seka: Umekumbuka wakati Lissu anafanya mahojiano nani na nani anakuwa ndani?

Ntamamiro (Bwana jela) : Wanakuwa nje wote. Lakini wanachungulia kwa mlangoni.

John Seka: Unakumbuka tarehe ipi na ipi ulikuwepo na ipi haukuwepo?

Ntamamiro (Bwana jela) : Siwezi kukumbuka.

John Seka: Sasa nitakupitisha tarehe moja hadi nyingine?

Jaji: Amesema hakumbuki nafikiri huko muache acha libaki hivyo.

John Seka: Nitakuwa sahihi nikisema wewe hujawahi hudhuria majadiliano kati ya Lissu na mawakili wake?

Ntamamiro (Bwana jela) : Ndio

John Seka: Mengi yaliyotokana na hayo wewe hukuwa unahusika moja kwa moja zaidi ya mrejesho.

Ntamamiro (Bwana jela): sio lazima feedback

John Seka: wewe hujawahi hudhuria mazungumzo ya Lissu na wanasheria wake. Huwa unapita tu. Unayoyaona.

Ntamamiro (Bwana jela) : nakagua napita.

Jaji: Hebu sikia kati ya wewe na hao akina Recha, Mumbii anaeweza kuelezea?

Ntamamiro (Bwana jela): Ni sahihi.

John Seka: Sasa tutajie majina yake.

Ntamamiro (Bwana jela): Siwakumbuki.

John Seka: Wakati wote maelekezo yako yalikuwa yanafuatwa ukiwaagiza kwenda kusimamia?

Ntamamiro (Bwana jela) : Mimi ni Mkuu wa Gereza sio lazima niambiwe feedback naweza kujua kwa namna nyingine.

John Seka: Kumbe ulijua kuwa mahojiano na Lissu na mawakili wake yamefuata taratibu kupitia mbinu zako zingine.

Ntamamiro (Bwana jela) : ndio

John Seka: Hao waliokufikishia hizo taarifa au hizo mbinu zako zingine umezielezea kwenye kiapo chako?

Ntamamiro (Bwana jela) : Hapana.

John Seka: Paul Kisabo na Nashon Nkungu. Wakiwa kwenye mahojiano kunakuwa na askari wanakaaa kulia na kushoto kwa Lissu na Kwa Nashon na kisabo nyakati zote.

Ntamamiro (Bwana jela) : Sio kweli.

John Seka: Ulikuwepo muda wote mahojiano yanapofanyika?

Ntamamiro (Bwana jela) : Napata taarifa kupitia vyanzo yangu.

John Seka: Nimemaliza Majaji. Aendeleee Edson Kilatu.

Anasimama Wakili Edson Kilatu

Adv Kilatu: Ukifika ukonga getini kuna kitabu cha ku register magari?

Ntamamiro (Bwana jela): Sahihi

Adv Kilatu: Anayeshughulikia registration zote sio wewe kwenye vitabu vya kuingia vya magari, raia wa kawaida na kitabu cha mawakili?

Ntamamiro (Bwana jela): Ni sahihi

Adv. Kilatu: Ni sahihi hakuna kiapo cha mtu anayesimamia hizo registration pale Ukonga? Hakijaja hapa mahakamani.

Ntamamiro (Bwana jela) : Hakipo.

Adv. Kilatu: Hii Register book uliyoileta hapa Mahakamani SUPP 1,2,3 ni nyaraka ya magereza hakuna sahihi za mawakili mle. Ni nyaraka yenu tu.

Ntamamiro (Bwana jela): sahihi

Part 25 itaendelea kwenye post inayofuata.

Naomba repost yako.
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 25

Wakili wa Waleta maombi Edson Kilatu anaendelea kumdodosa Shaidi ambae ni Mkuu wa Gereza la Ukonga Ntamamiro (Bwana Jela)

Adv. Kilatu: Ni sahihi ili tujue maduhu ni muongo anasema alifika Ukonga lakini hakufika kumbe ulipaswa kuleta kitabu cha watu wanaohudhuria ukonga wakifika pale getini wanaandika.

Ntamamiro (Bwana Jela) : Sahihi

Adv. Kilatu: Umeleta?

Ntamamiro (Bwana Jela) : Sijaleta.

Adv. Kilatu: unakumbuka kuhusu huwa hamsomi nyaraka anazopelekewa Lissu?

Ntamamiro (Bwana Jela) : ndio

Adv. Kilatu: umeleta kiapo chochote cha unaowatuma kusimamia kuwa wanasema hatujawahi kusoma nyaraka za Lissu tukitekeleza majukumu yetu.

Ntamamiro (Bwana Jela): nimeleta mimi kwa niaba yao.

Adv. Kilatu: Lissu alipeleka orodha ya mawakili wa kumtembelea?

Ntamamiro (Bwana Jela) : Sahihi.

Adv. Kilatu: Kuruhusu watu kumuona sio lazima wawepo kwenye orodha?

Ntamamiro (Bwana Jela) : Ndio kuna mazingira alikuwa anaomba Lissu mwenyewe.

Adv. Kilatu: Umeyasema mazingira hayo kwenye kiapo chako au kuna siku Lissu aliomba mtu ambae hayupo kwenye orodha ili amuapishe aingie.

Ntamamiro (Bwana Jela) : Sijasema kwa kiapo changu.

Adv. Kilatu: unajua maana ya retainership ya mawakili kwa mteja uliyoisema kwenye kiapo chako.

Ntamamiro (Bwana Jela): Sijui ila uliza swali tu.

Adv. Kilatu: Basi tutarudi hapo kama hujui.

Soma paragraph nyingine hapo umesema shauri hili lilipaswa kuwa judicial review sio la kikatiba?

Ntamamiro (Bwana Jela) : Sahihi.

Adv. Kilatu: Una uelewa wowote kuhusu Judicial Review?

Ntamamiro (Bwana Jela) : Sina uelewa wa hili.

Adv. Kilatu: Basi sitakuuliza kwenye hilo nikuache.

Sasa nenda kwenye originating summons soma ibara za Katiba zilizotajwa humo.

Ntamamiro (Bwana Jela) : zipo ibara ya 13 na zingine.

Adv. Kilatu: Asome ibara ya 30 aielewe halafu nimuulize swali.

Jaji: Asome au ajisomee?

Adv. Kilatu: Ajisomeee mwenyewe aelewe halafu nimuulize swali.

Ntamamiro (Bwana Jela) : Tayari

Adv. Kilatu: Je ibara hiyo inasema mtu anaweza kuja kwa judicial review mahakamani kupitia ibara hiyo?

Ntamamiro (Bwana Jela) : Hapana.

Adv. Kilatu: Soma para 4 ya kiapo chako kuwa ulimkataaa Kisabo kwasababu sio wakili wa Lissu?

Ntamamiro (Bwana Jela): lakini baadae lissu alileta ombi maalamu.

Adv. Kilatu: Sasa muambie Jaji hiyo paragraph nyingine uliyosema kulikuwa na ombi maalumu ni paragraph ya ngapi?

Ntamamiro (Bwana Jela) : Haipo.

Adv. Kilatu: Sasa ili wakili aingie gerezani ni lazima kuwepo na orodha ya mawakili iliyoandikwa na mfungwa.

Ntamamiro (Bwana Jela): Utaratibu ni kukagua kitambulisho na kumruhusu.

Adv. Kilatu: Sasa kwenye kiapo chako ukimjibu Maduhu unasema kulikuwa hakuna proof of retainership? Hiyo ndio requirement ya sheria?

Ntamamiro (Bwana Jela) : Nafikiri sifahamu.

Adv. Kilatu. Nimemaliza. Mh. Jaji.

Jaji twende mapumnziko kwa nusu saa.

Tukutane hapa baada ya dakika 30.

Naomba Repost yako
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 26

Tumerejea baada ya Mapumnziko ya nusu saa.

Anaanza Wakili wa waleta maombi Adv. Emmanuel Ukashu kumuhoji Maswali Mkuu wa Gereza la Ukonga Ntamamiro (Bwana Jela)

Adv. Ukashu: shahidi umewahi kuisikia TLS?

Ntamamiro (Bwana Jela) : Ndio naifahamu.

Adv. Ukashu: Ili mtu aingie Gerezani inahitajika wewe ndio umruhusu aingie?

Ntamamiro (Bwana Jela) : Sahihi

Adv. Ukashu: Ni sahihi ukipewa maelekezo yoyote lazima utekeleze na Kamishna General?

Ntamamiro (Bwana Jela): Ni sahihi

Adv. Ukashu: Maelekezo kutoka juu maana yake nini?

Ntamamiro (Bwana Jela): Ni maagizo ya kiutendaji unayopaswa kutekeleza.

Adv. Ukashu: Usipoyatekeleza unaweza kufukuzwa kazi?

Ntamamiro (Bwana Jela) : kwa mujibu wa sheria.

Adv. Ukashu: Unaweza kumbishia Boss wako?

Ntamamiro (Bwana Jela) : Siwezi kufanya hivyo.

Adv. Ukashu: Soma SUPP 4 tar. 12/03/2026 entry no. 8 hebu isome hapo.

Ntamamiro (Bwana Jela): Huruma Tehejas mfungwa aliyekuja kumtembelea ni mfungwa na shida ya kisheria. Maoni hapakujazwa. Na sahihi hamna.

Adv. Ukashu: Sasa alienda wapi huyu Wakili kama hakuna uliposaini na maoni hukuweka.

Ntamamiro (Bwana Jela) : Nilisahau kujaza na naamini hakukataliwa pia.

Watu wanacheka. 😂😂😂😂

Adv. Ukashu: Kwanini usifukuzwe kazi kwa uzembe wa aina hii? Maana haijulikani alikuja kufanya nini?

Ntamamiro (Bwana Jela) : Nifukuzwe tu kazi kama unaweza kunifukuza. Fanya hivyo ila mimi nimesema nilijisahau.

Adv. Ukashu: Unafahamu kazi ya uwakili ina maadili yake?

Ntamamiro (Bwana Jela) : Kila kazi ina maadili.

Adv. Ukashu: Maadili ya magereza tumeshayaona hapa hujajaza nyaraka na hujui wakili alipoingia alielekea wapi? Sasa tuzungumze maadili ya mawakili.

Ntamamiro (Bwana Jela) : siyajui mi sio wakili.

Adv. Ukashu: Unaijua Mandela Principle?

Ntamamiro (Bwana Jela): yes

Adv. Ukashu: soma hapa inasemaje?

Ntamamiro (Bwana Jela): Mfungwa atazungumza na wakili wake kuwa atazungumza bila kikwazo.

Adv. Ukashu: Umeitekeleza?

Ntamamiro (Bwana Jela): Inasema nizingatie sheria za ndani pia?

Adv. Ukashu: Sasa tuambie ni kifungu gani cha sheria ya ndani ambacho kiko kinyume na Mandela Principle.

Ntamamiro (Bwana Jela): Hakipo.

Adv. Ukashu: Nimemaliza. Naomba Wakili Neema aendelee.

Anasimama Wakili Neema Saruni.

Adv. Neema Saruni: Nitakuwa sahihi nikisema mtu anayekuja kumuona mfungwa anapaswa kuwa na sababu ya msingi?

Ntamamiro (Bwana Jela): Ni sahihi kwa mujibu wa Sheria.

Adv. Neema Saruni : Ulisema mjibu maombi wa nne alikuwa na orodha yake hivyo basi alipotokea hayupo mlimrudisha?

Ntamamiro (Bwana Jela): Ndio tulifanya hivyo.

Adv. Neema Saruni : Nitakuwa sahihi nikisema hamkumpatia haki yake ya kusikiliza.

Ntamamiro (Bwana Jela): Sahihi.

Adv. Neema Saruni: Nilipokuja mimi kumuona Lissu nilikuwa kwenye orodha yake?

Ntamamiro (Bwana Jela): Haukuwepo.

Adv. Neema Saruni : Nilipofika ikawaje?

Ntamamiro (Bwana Jela): tulienda kumuuliza lissu.

Adv. Neema Saruni : akasemaje?

Ntamamiro (Bwana Jela) : Akaruhusu ukamuone.

Adv. Neema Saruni: Kwanini huyo mwingine mlimrudisha bila kwenda kuuliza Lissu anasemaje?

Ntamamiro (Bwana Jela): Hapo sasa ndio kuna utata.

Watu wanacheka 😂😂😂

Adv. Neema Saruni: Nimemaliza.

Haya wanasimama mawakili wa Serikali, anaanza Wakili wa Serikali anaitwa Wisdom

Wakili wa Serikali Wisdom: Ulitekeleza majukumu yako kwa mujibu wa nini?

Ntamamiro (Bwana Jela): masharti yapo kwenye sheria ikiwemo PSO.

Mhe. Lissu: Waheshimiwa majaji naomba asitaje kabisa PSO maana jana haikuwepo na hatukumuuliza. Asiulize. Sect. 156(3) ya Evidence Act iko wazi kuhusu Re- examination.

Jaji: Sasa Wakili wa Serikali Wisdom uko tayari kuendelea na njia hiyo ili tumruhusu Lissu nae aanze kuuliza kwenye PSO.

Wakili wa Serikali Wisdom: Naomba tu niishie hapo. Sitaendelea mbele.

Watu wanacheka 😂😂😂😂

Part 27 itaendelea kwenye post inayofuata.

Naomba Repost yako.
 
UPDATES_KESI_YA_MAWAKILI_WA_MHE_LISSU_DHIDI_YA_MKUU_WA_MAGEREZA

Part 27

Anaendelea Wakili wa Serikali wakuitwa Wisdom.

Wisdom : Ulipokuwa unasema wasaidizi wako watekeleze kwa mujibu wa sheria? Maana yake nini?

Bwana Jela: Kufanya kwa mujibu wa sheria tu. Kama mchungaji anaingia kwa mambo ya kiroho peke yake.

Wisdom: Uliulizwa umeleta kiapo kinzani kujibu majibu ya mjibu maombi wa nne. Ukasema hujaleta? Kwanini.

Ntamamiro (Bwana Jela) : Sikuleta kwasababu yeye ni mjibu maombi kama mimi.

Wisdom: Ulisema mawakili wote lazima wakaguliwe maana yake nini?

Ntamamiro (Bwana Jela): kufuata sheria tu. Kuandika comment au kutoandika kunazuia sheria.

Wisdom: hebu eleza huwa mnakaguaje nyaraka?

Ntamamiro (Bwana Jela : mfano kitabu tunakagua kuangalia kuna kitu chochote hatari ndani yake.

Wisdom: Nimemaliza.

Anasimama Narindwa Wakili wa Serikali.

Wakili wa Serikali Narindwa: Kwani walioleta maombi ni akina nani?

Ntamamiro (Bwana Jela: Kulwa Maduhu, Nashon na Kisabo.

Wakili wa Serikali Narindwa: Kwani Maduhu mlimzuia asiingie?

Ntamamiro (Bwana Jela: Hakuwepo kwenye orodha na pia hakukuwa na ombi kutoka kwa Lissu.

Wakili wa Serikali Narindwa : Nimemaliza na tumemaliza, hatuna la ziada.

Majaji wanaandika.

Jaji Rumisha Anamuuliza Seka. Mnataka kusema kuwa mnahitaji mawakili wawe na chumba chao au mnahitaji haki ya msingi ya faragha ya mawakili inalindwa?

Wakili John Seka : nafikiri tudeal na soft part of it. Haki ya msingi ni nini sio lazima chumba kiwepo.

Anasimama Mhe. Lissu anasema Waheshimiwa Majaji msiwe na shaka vyumba vinaweza kuwepo.

Mimi naishi Ukonga na pale ukonga kuna vyumba havinaga kazi kabisa. Mfano viko vyumba viwili vya Mahakama ya mtandao. Huwa sio kila siku kuna kesi kama waliweza kuwa na Mahakama ya mtandao pale na vyumba vyake vipo kwanini chumba maalumu kabisa cha mawakili kisiwepo?

Jaji Rumisha: Nafikiri tutajielekeza kwenye kuhakikisha haki inalindwa sio lazima majengo.

Jaji Mruma anasemam sasa Maombi ya Msingi tulisema yatasikilizwa kwa njia ya maandishi.

Na scheduling order itakuwa kama ifuatavyo.

Submission za petitioners zitakuwa ni kabla ya Tarehe: Watajibu PO na kufile submission in chief yao. Kabla ya Tar. 24/08/2026. Rejoinder ya Petitioners kwenye majibu yao 07/09/2026.

Respondets Submission zao zitakuwa ni Tarehe: Submission P.O before 10/08/2026. Wataleta rejoinder ya PO na reply yao 07/09/2026.

Mention kabla ya uamuzi ni 16/09/2026.

Mhe. Lissu anasimama anasema na mimi mseme naleta majibu yangu lini?

Jaji Rumisha: Sasa na wewe kwenye PO ambayo wamewekewa waleta maombi unataka kujibu kama nani wakati wote ni washitakiwa au wajibu maombi?

Jaji Mruma: Amedakia, Mimi nakuelewa Lissu hata kwenye kesi za kawaida za madai defendants wanaweza kuwa na madai dhidi yao wenyewe na ikasikilizwa. Kwahiyo Lissu uko sahihi na tutakupatia haki hiyo hakuna shida.

😂😂😂😂Kwa kifupi Mruma ameingilia show. Naambiwa huyu Mzee ni miongoni mwa Ma Jaji senior sana wa Mahakama Kuu na uwezo wake ni mkubwa sana. Serikali imeshindwa kumpandisha cheo kwenda Mahakama ya Rufani kwasababu yeye huwa sio Chawa kabisa. Ni Mzee anayejielewa sana na yuko serious.

Tumekuwa tukishuhudia kesi nyingi hapa Mahakama kuu kwa mara ya kwanza tumeshuhudia Jaji ambae kwakweli anajua kazi yake.

Anasimama Wakili Ukashu anasema Mh. Jaji na mimi interested party hujatutaja kabisa? Tunafile lini?

Anasimama Narindwa anasema hata sisi tunashangaa huyu Ukashu na TLS wanataka kujibu PO wao ni akina nani?

Jaji Mruma: Sasa sikilizeni msichanganyikiwe. Sisi wengine tumekaa humu miaka 30. Mimi nimefanya hizi kazi mwaka wa 30 huu. Hakuna jipya. Wewe Ukashu utatumia tarehe za 4th Respondent kujibu. Msichanganyane kabisa.

Naahirisha kesi kwa tarehe nilizosema.
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register