Tundu Antipas Lissu special thread (CHADEMA CHAIRMAN)

Tundu Antipas Lissu special thread (CHADEMA CHAIRMAN)

mwanadome said:
Jamaa anafanya kazi ya kitume
Click to expand...
Kabisa yaani ujue hii kesi ya Lissu Mimi naifananisha kabisa na kile kisa Cha Yesu Kristo yaani kosa lilikua halionekani ety anajiita mfalme wa wayahudi mpaka yule mfalme akasema mbona sioni kosa lake huyu mtu lakini bado watu wabaya wakaendelea kushikilia tuh asulubiwe asulubiwe mwisho wa siku wakaja kupata aibu

Sasa makosa yaleyale yaliyofanyika miaka 2000 iliyopita kwa Yesu Kristo Hawa jamaa wanamfanyia Lissu kosa halionekani kabisa hata ukitumia for figure kosa hulioni ni mifumo yao ya ovyo ya uchaguzi ndio wananchi wameikataa wanataka kumyonga Lissu wa watu bila sababu.

Wanachokitafuta watakipata mwisho wa ubaya ni aibu
 
Lyapizo said:
Kabisa yaani ujue hii kesi ya Lissu Mimi naifananisha kabisa na kile kisa Cha Yesu Kristo yaani kosa lilikua halionekani ety anajiita mfalme wa wayahudi mpaka yule mfalme akasema mbona sioni kosa lake huyu mtu lakini bado watu wabaya wakaendelea kushikilia tuh asulubiwe asulubiwe mwisho wa siku wakaja kupata aibu

Sasa makosa yaleyale yaliyofanyika miaka 2000 iliyopita kwa Yesu Kristo Hawa jamaa wanamfanyia Lissu kosa halionekani kabisa hata ukitumia for figure kosa hulioni ni mifumo yao ya ovyo ya uchaguzi ndio wananchi wameikataa wanataka kumyonga Lissu wa watu bila sababu.

Wanachokitafuta watakipata mwisho wa ubaya ni aibu
Click to expand...
Ni ubabe wa kijinga tuuu,utakaotumika kumtia hatiani
 
TUNDU LISSU ANAFANYA MAJUMUISHO YA MWISHO MAHAKAMANI

SEHEMU YA 21.

DW4 alisema amemfahamu Mshtakiwa kwa miaka 13. Mshtakiwa ni kiongozi anayependa demokrasia na mtetezi wa haki za binadamu.

Mtu ambaye amejitolea kuwa mpigania haki ni vigumu kuwa msaliti wa nchi yake. Ukurasa wa 811.

DW5 amesema mimi ni mtu mkweli na kiongozi jasiri ambaye haogopi kuongea ukweli.

Haya siyo maneno ya machawa wangu.

Hawa ni mashahidi na viongozi ambao nimefanya nao kazi kwa miaka mingi.

Nimefanya nao kazi kwa miaka mingi.

Kuthibitisha ukweli wa maneno yao, angalieni ushahidi uliopo mahakamani.

Makamu Mwenyekiti wa UDI Duniani.

Mshindi wa tuzo ya Demokrasia Duniani.

Mbunge wa kuchaguliwa.

Rais wa Chama cha Wanasheria.

Angalieni hiyo rekodi, Waheshimiwa Majaji, halafu mseme kama kweli mtu wa aina hiyo anaweza kutenda kosa la uhaini.

Na mwisho, mjiulize kwa nini jumuiya za kimataifa zinanipigania.

Umoja wa Mataifa umesema niachiliwe na nilipwe fidia. Je, Umoja wa Mataifa unaunga mkono uhaini?

Vikao vya Jumuiya ya Madola vimesema niachiliwe ndani ya siku 30.

Huyu muhaini gani anapiganiwa na dunia nzima?

Waheshimiwa Majaji, ushahidi huu hauendani na ushahidi ambao upande wa mashtaka wamejaribu kuuonyesha hapa.

Mimi ni mzalendo, siyo msaliti.

Waheshimiwa Majaji, miaka 62 iliyopita, 1964, kuna muhaini mwingine alifungwa kifungo cha maisha nchini Afrika ya Kusini.

Kabla hajahukumiwa, muhaini huyo alisema maneno yafuatayo, ambayo naomba niyafanye kuwa maneno yangu leo:

“I have fought against white domination and against Black domination.

I fought for a multiracial South Africa.”

Msimamo huo nimekuwa nikiupigania katika siku zote za maisha yangu.

Na kama ikibidi kufa kwa msimamo huo, nipo tayari kufa kwa ajili yake.

Mwisho namalizia, Waheshimiwa Majaji, kosa la uhaini halina kosa dogo.

Halina kosa ambalo ukishindwa kuthibitisha kosa la uhaini, unathibitisha kosa dogo.

Hakuna kosa dogo. Ukikutwa na kosa la uhaini ni kifo.

Kwa hiyo, Waheshimiwa Majaji, mzigo wenu mabegani mwenu ni kuamua kama kwa ushahidi huu kuna uhaini.

Kama mkaona kuna uhaini, msiogope kuniadhibu kwa hukumu inayostahili uhaini.

Na kama mkaona hakuna uhaini, msiogope kusema hakuna uhaini hapa, mshtakiwa hana hatia.

Msije kuletewa kwamba kuna kakosa kadogo. Hakuna kosa dogo kwenye uhaini.

Huo ni mzigo wenu peke yenu, Majaji.

Nimemaliza.

Sasa naomba nimalizie.

Jaji: Je, ni sehemu ya submission?

Lissu: Ni sehemu ya submission, wala siyo maneno mabaya.

Ni hivi, Waheshimiwa Majaji, kesi ya uhaini ni kesi ngumu sana.

Ukiachilia mbali siasa zake, ambazo pressure zake ndiyo zinafanya kesi kuwa ngumu.

Pamoja na kesi kuwa ngumu, nyinyi Majaji mmefanya kazi nzuri sana.

Mmetusikiliza, mmetupa nafasi ya kujitetea.

Hamjanikwaza.

Mmekuwa wavumilivu sana.

Mmefanya kazi kubwa sana na mmefanya kazi nzuri sana.

Nilitaka nisimalize bila kusema haya, pengine hatutakutana tena.

Nilitaka mjue kuwa moyoni mwangu mmefanya kazi nzuri.

Hawa mawakili wangu wa Serikali, na wao wamefanya kazi nzuri.

Wamepambana sana mpaka kufika hapa pamoja. Wamekuwa na kesi ya ovyo sana.

Ila wamepambana sana bila kujali nini kitatokea. Wamepambana sana.

Nafikiri nawatakieni heri sana.

Asanteni sana.

Haya ndiyo nilitaka yaingie katika rekodi.

Nafikiri msipoyaingiza katika rekodi mtanikwaza.

MAHAKAMA: KICHEKO.

WEKA EMOJI KAMA UNASOMA

SHARE ZAIDI UJUMBE UFIKE MBALI.
 
Hukumu katika kesi ya uhaini inayomkabili Mwenyekiti wa Chama cha Demokrasia na Maendeleo (CHADEMA), Tundu Lissu, itasomwa Novemba 6, 2026 saa tatu asubuhi, ikiwa ni baada ya majaji kupitia ushahidi wa pande zote mbili na kufanya maamuzi.

Hayo yamesemwa leo Septemba 29, 2026 na Jaji Dunstan Ndunguru ambaye anaongoza jopo la majaji waliokuwa wanasikiliza shauri hilo la uhaini namba 19605/2025.

Jaji Dunstan Ndunguru amesema kwamba, kutokana na aina ya ushahidi uliowasilishwa na pande zote mbili, wao kama majaji pia watahitaji muda wa kutosha ili mwisho waje na maamuzi ambayo yameandaliwa vyema.

Kabla ya majaji kutoa uamuzi huo, upande wa mashtaka ulikuwa ukiendelea na mawasilisho ya hoja za mwisho ambapo baada ya kuhitimisha waliwasihi majaji kuja na uamuzi mzuri, wakisema wao wamehakikisha wamethibitisha mashtaka.
1790696734018.jpg
 
Baada ya siku 538 akiwa mahabusu, Mwenyekiti wa CHADEMA, Tundu Lissu, anasubiri Mahakama Kuu ya Tanzania, Masjala Ndogo ya Dar es Salaam, kutoa hukumu katika kesi ya uhaini inayomkabili. Mahakama imepanga kutoa uamuzi huo Novemba 6, 2026, baada ya upande wa Jamhuri na utetezi kukamilisha mawasilisho yao.

Kesi hiyo ilihusisha mashahidi 22 kutoka pande zote mbili. Upande wa mashtaka uliwasilisha mashahidi 17, huku upande wa utetezi ukiwasilisha mashahidi watano, akiwemo Lissu mwenyewe, kupinga tuhuma zinazomkabili.

Miongoni mwa mashahidi wa Jamhuri walikuwa mashahidi tisa waliotoa ushahidi kwa utambulisho wa siri, waliotajwa kuwa mashahidi wa kiraia, na askari polisi wanane walioongozwa na Kamishna wa Polisi Amini Mahamba. Shahidi wa kwanza alikuwa George Bagyemu, Msaidizi wa Mkuu wa Upelelezi wa Makosa ya Jinai Kanda Maalum ya Dar es Salaam.

Katika ushahidi uliowasilishwa, PW17, aliyejitambulisha kuwa mfanyakazi wa Jambo TV, alisema ndiye aliyerekodi na kuchapisha video ya mkutano wa Aprili 3 uliomhusisha Lissu na watu waliokuwa na nia ya kugombea ubunge na udiwani. Ushahidi huo uliibua hoja kutoka kwa Lissu kuhusu msingi wa madai kwamba yeye ndiye aliyechapisha video hiyo, ilhali shahidi alidai kuwa ndiye aliyeirekodi na kuichapisha.

Upande wa Jamhuri uliwasilisha vielelezo 11, vikiwemo nyaraka tisa na vitu viwili. Hata hivyo, vielelezo hivyo havikupokelewa na mahakama kufuatia mapingamizi yaliyowasilishwa na Lissu. Kwa mujibu wa maelezo ya mwenendo wa kesi, Lissu alifanikiwa kuvifanya vielelezo hivyo kuwa sehemu ya ushahidi wa utetezi.

Kipindi hicho cha kusimama kwa kesi kilitafsiriwa na baadhi ya wachambuzi kama “kupaki basi” na kupunguza kasi ya mashauri ya mashtaka. Hata hivyo, sasa baada ya ushahidi na mawasilisho ya pande zote kukamilika, hatua inayofuata ni Mahakama kutoa uamuzi wake.

Lissu, ambaye amekaa mahabusu kwa siku 538, sawa na takribani mwaka mmoja na miezi mitano, anasubiri hukumu hiyo huku tarehe ya Novemba 6, 2026 ikiwa imepangwa na mahakama kwa ajili ya kutoa uamuzi.
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register