President of China
JF-Expert Member
- Dec 6, 2018
- 34,010
- 93,371
Nukuu yako ya Henry Ford na maelezo ya jinsi serikali zinavyotengeneza fedha mpya kidijitali kupitia matumizi ni mambo sahihi kabisa yanayofundishwa kwenye nadharia ya kisasa ya kifedha (Modern Monetary Theory). Ni ukweli usiopingika kuwa mfumo wa kibenki wa dunia ni miongoni mwa mifumo migumu na iliyojaa mambo mengi changamano kiasi kwamba ukweli wake huwa unashangaza wengi.
Lakini, marekebisho makubwa ya kisomi yanayopaswa kuwekwa hapa ili watazamaji wapate darasa lililokamilika ni kutofautisha kati ya nchi inayochapa sarafu ya kimataifa (Currency Issuer) na nchi inayotumia sarafu ya kigeni kufanya biashara za kimataifa (Currency User). Marekani au Uingereza zinaweza kuagiza benki zao kuu kutengeneza fedha mpya kidijitali (Brand new digital money) hewani bila kikomo kwasababu dunia nzima inalazimika kupokea Dola au Pauni zao.
Hata hivyo, serikali ya Tanzania haina uhuru huo linapokuja suala la kununua mabehewa ya SGR nje ya nchi; BoT haiwezi kuagiza kuandikwa kwa namba mpya za Shilingi hewani ikizilazimisha nchi za nje kuzipokea kama malipo, bali lazima itafute na itumie Dola za Marekani ambazo tayari ziko kwenye vitabu vya akiba yetu kule nje.
Ndio maana, wakati nchi zilizoendelea zinaweza kutumia mifumo hiyo changamano ya "Kutengeneza fedha hewani" ndani ya mipaka yao, nchi zetu zinahitaji kuwa na Akiba halisi (Hili neno halisi ndio linakuchanganya sana -Nadhani issue ya Nostro Account and Vostro Account sihitaji kuieleza tena hapa ) ya Fedha za Kigeni (Foreign Reserves) ili kuheshimiwa kimataifa, na pale akiba hiyo inapopungua kwa ajili ya kulipia miundombinu yetu, thamani ya Shilingi yetu inashuka mtaani kwasababu mahitaji ya Dola yanakuwa makubwa kuliko uwezo wetu wa kuzipata kwenye daftari la dunia.
Sijui ninaeleweka!!?
