Hii ndio Orodha ya makundi ya watu wanaohitaji Katiba Mpya na wasiohitaji

[Robert Heriel Mtibeli]

HII NDIO ORODHA YA MAKUNDI YA WATU WANAOHITAJI KATIBA MPYA

Na, Robert Heriel

Mjadala unaoendelea katika Siasa mitandaoni ni ishu ya Katiba.

Wanaohitaji Katiba Mpya wamegawanyika katika makundi Yafuatayo;

1. Wanasiasa hasa wa vyama vya Upinzani

2. Wanasiasa upande wa Zanzibar.

3. Wanaharakati wa mrengo wa kiliberali.

4. Wasomi wenye elimu kuanzia stashahada mpaka uzamivu. Wenye exposure ya dunia na wenye kutaka mabadiliko kwenye nchi.

Kiuchunguzi makundi hayo ukiyajumlisha ili upate idadi kamili basi ni wazi ni asilimia 20% tu ya Watanzania wote.

Makundi yasiyohitaji Katiba mpya na wala yasiyojishughulisha kama kujua kinachoendelea;

1. Wanawake wengi hapa nchini hawana mpango na ishu za Katiba mpya wala hawalijui Katiba ya zamani.

2. Vijana wa umri chini ya miaka 40 ambao wanaelimu ya chini na Hali zao za kimaisha ni duni. Hawa ukiwakuta kijiweni ukileta mambo ya Katiba mpya ndio utavuruga kila kitu. Kwanza hawatachangia mada. Kundi hili mada zake ni Udaku, mpira, kisha Diamond na Ally Kiba

3. Wana CCM
Kundi hili lipo lipo, hili ni Kama bendera, Inategemea serikali itakapoegemea. Serikali ikisema Katiba mpya ndio, nalo linasema Katiba mpya ndio, serikali ikisema hapana, nalo linasema hapana.

4. WAZEE Hasa wenye miaka kuanzia 60+
Kundi hili litasimama upande serikali ilipo. Kundi hili sio la kulaumiwa Kwa sababu wengi wao elimu Yao ni duni, exposure ya dunia iendavyo pia ni hafifu.

Kundi hili lisilohitaji au kujishughulisha na masuala ya Katiba ndilo kundi lenye watu wengi zaidi, karibu 80% hawana mpango wa Katiba mpya wala hawajihusishi na Siasa.

Uchunguzi wangu unaonyesha kuwa Watanzania wengi wanaamini katika serikali iliyopo madarakani, wanaiheshimu na kuigopa.
Hivyo serikali ikisema No! Basi watu nao watasema No!

Hata hivyo, uchunguzi wangu umebaini kuwa Watanzania wengi ni WANAFIKI, Unafiki wa Watanzania waliowengi unachangiwa kwa kiasi kikubwa cha Umasikini,
Ulimbukeni,
Elimu duni,
Woga na kujikomba Kwa wenye mamlaka.

Aidha Kama nilivyoeleza kwenye andiko langu lililopita ni kuwa, wanaodai Katiba mpya ni Kwa sababu ya mapungufu ya Katiba hii ambayo yanawafanya wasinufaike na Nchi yao.

Na wanaccm wengi wao hasa watawala, hawaoni Upungufu wa Katiba iliyopo hivyo inawanufaisha.

Kundi la mwisho ambalo ni wananchi ambao hawapo upande wowote hawa ni Bora liende, maisha yasonge, mauti ije, kaburini wafukiwe.

Binafsi, ninahitaji Katiba mpya itakayonufaisha makundi yote ya wananchi wa TANZANIA.

Hata hivyo, Siwezi kataa kuwa ndani ya jamii yangu, wananchi wengi hawana habari na Katiba mpya kwani wao ni Bora maisha siku ziende.

Robert Heriel
Taikon wa Fasihi
0693322300
Kwa sasa Morogoro

 

[Benjamini Netanyahu]

Umeandika point sana mkuu, ukweli lazima usemwe tena kwa uwazi bila kuangalia chama, dini wala kabila.

 

[The Boss]

The naked truth

 

[Robert Heriel Mtibeli]

Umeandika point sn mkuu, ukweli lazima usemwe tena kwa uwazi bila kuangalia chama, dini wala kabila.

Watanzania wengi tunaishi maisha ya Bora siku ziende, ndio maana wanasiasa wanatuburuza watakavyo.

 

[Robert Heriel Mtibeli]

The naked truth

Kabisa mkuu

 

[Benjamini Netanyahu]

Watanzania wengi tunaishi maisha ya Bora siku ziende, ndio maana wanasiasa wanatuburuza watakavyo.

CCM imetufikisha hapa tulipo

 

[DR HAYA LAND]

Naked truthfully

 

[Terrible Teen]

Sihitaji Katiba wala nini nachotaka ni ugali mezani na kulipa ada za wanangu bila shida.

 

[Robert Heriel Mtibeli]

Sihitaji Katiba wala nini nachotaka ni ugali mezani na kulipa ada za wanangu bila shida

😃😃😃😃

Watanzania wengi wapo kama wewe

 

[Robert Heriel Mtibeli]

Naked truthfully

Kabisa

 

[Robert Heriel Mtibeli]

CCM imetufikisha hapa tulipo

CCM imetuweza

 

[if cap fits]

Sihitaji Katiba wala nini nachotaka ni ugali mezani na kulipa ada za wanangu bila shida

Na ndio shida haitakuacha sasa, mana hujui shida itokeapo na na jinsi ikuijiavyo

 

[hito]

Hapo kwenye kundi la vijana chini ya miaka 40umegusa penyewe wengi wetu hawafahamu kabisa masuala ya katiba wao ni udaku udaku mpira, Diamond, Ally kiba pisi kali. Hapo wanakuona wa maana. Tanzania vijana tumelala sana hatujui vizazi vyetu vitaishiije.

 

[Crimea]

Kenya wana katiba tunayoambiwa ni bora sana lakini ufisadi na umasikini kwa raia umekita mizizi!

Ndio kusema kwamba katiba ya Kenya ni nzuri kwa wanasiasa tu!

Katiba nzuri na huku una njaa ni sawa na unyani

 

[Robert Heriel Mtibeli]

Hapo kwenye kundi la vijana chini ya miaka 40umegusa penyewe wengi wetu hawafahamu kabisa masuala ya katiba wao ni udaku udaku mpira, Diamond, Ally kiba pisi kali. Hapo wanakuona wa maana. Tanzania vijana tumelala sana hatujui vizazi vyetu vitaishiije.

Unamsema Crimea Mkuu

 

[Robert Heriel Mtibeli]

Kenya wana katiba tunayoambiwa ni bora sana lakini ufisadi na umasikini kwa raia umekita mizizi!

Ndio kusema kwamba katiba ya Kenya ni nzuri kwa wanasiasa tu!

Katiba nzuri na huku una njaa ni sawa na unyani

Kenya usiilinganishe na Tanzania

 

[Mzalendo_Mwandamizi]

Umetumia methodology gani kubaini makundi hayo? Mawazo binafsi si tafiti

 

[brazaj]

Kwa mujibu wa tathmini hii ambayo si haba akisikika mtu anapinga katiba mpya bila shaka ni:

1. Mwanamke,
2. Mzee,
3. Boda boda, machinga, sungu sungu, mpiga debe, vibaka vibaka na wa namna hiyo
4. Wana CCM, wasiojitambua, wanafiki na wenye Maslahi binafsi.

Hiiiiii bagosha!

 

[Crimea]

Kenya usiilinganishe na Tanzania

Kwa sababu gani?

 

[Crimea]

Unamsema Crimea Mkuu

Hapo amegusa kundi kubwa la vijana wa chadema!