Mkuu Mwita,
Wala huna haja ya kuniheshimu mimi kwasababu hata hunifahamu. Una uhuru wa kuheshimu au kupuza mawazo yangu utakavyo.
Sitaingia personal, kwasababu haisaidii mjadala huu. Ni kweli Kyela hawakunipa kura za kutosha. Nililikubali hali na kuwatakia heri walioshinda. Nilifikiri hiyo ndio demokrasi ambayo tunaiongelea hapa siku zote? Kumbe kwasababu watanzania walimnyima Dr. Slaa urais mwaka 2010 basi hafai hata kusikiliza mawazo yake? Kumbe kwasababu watanzania walimnyima JK mwaka 1995 basi hakufaa kuchaguliwa 2005? Kumbe wote walioshindwa 2010 hapa basi mawazo yao ni ya kupuuzwa? Well, yapuuze ukitaka maana ni uhuru wako.
Narudia tena Vincent kusema kifo cha Nyerere ni mkono wa mtu ni ujinga mkubwa sana. No wonder taifa zima linashinda kwa babu wa Loliondo badala ya kushughulikia matatizo ya magonjwa yetu hospitalini.
Hakuna sehemu yeyote niliposema mimi najua ugonjwa wa mwalimu, nilikuambia nilikuwepo hapa London wakati mwalimu anafariki na pia kwa kukaa kwangu hapa ninazifahamu sheria za hospitali inapokuja mgonjwa ambaye ugonjwa wake una utata. Hiyo ndio ilikuwa maana yangu.
Ila tu mkuu acha personal attacks, hazikusaidii wewe, hazilisaidii taifa la Tanzania. Mimi sio mpenzi wa rais Mkapa na maandiko yangu mengi huko nyuma yanaonyesha hivyo. Lakini pia sio mpenzi wa hizi gutter politics na ndio maana naona kumtanguliza mbele Mkapa kwenye politics za CCM ni makosa. Siasa za maji taka hata siku moja hazijengi nchi bila kujali zinafanywa na Mkapa au Vincent.
LAKINI ni mpinzani mkubwa wa haya mambo ya kuweka mkono wa mtu hata kwenye vitu ambavyo viko obvious. haya mambo yako mpaka kwenye familia, nako tunakemea hivyo hivyo. Kule kwetu mpaka watu wanauana kwa kusingiziana kurogana wakati ukweli ni magonjwa tu.
Sasa inapofikia mbunge mzima anaingia kwenye politics za namna hii unataka tukae kimya? No, tutaandika mawazo yetu tena kwa uhuru mtupu hata kama watu wengine mtayageuza.
Mtanzania,
Sio lazima tuwe tunafahamiana kama unavyofahamiana na rafiki yangu Sikonge(ingawa naye sifahamiani naye) ndio tuheshimiane. Heshima ni jambo la kawaida na busara kwa binadamu mwenzako na heshima hiyo inaongezeka kadri unavyomuona mtu anakuwa na mawazo yenye kuongeza tija, kwahiyo sihitaji kufahamiana sana na wewe ili nikuheshimu, kwani naamini hata kwa kukutana jf tumeshafahamiana kiasi cha kutosha kuheshimniana, na kama hutaki heshima yangu hakuna tatizo kwani siwezi kukulazimisha.
Kiukweli kabisa mkuu wakati mwingine mnapokaa huko majuu huwa mnasahau mambo mengi ya huku nyumbani, sio kila tukio la kifo linahusiana na mkono wa mtu lakini ni ukweli kwamba yapo matukio ya watu kufariki kutokana na mikono ya watu, na kwa mazingira ya kitanzania watu kufa kutokana na mkono wa mtu ama watu fulani limekuwa si ujambo geni, kukana kuwepo vifo vya mkono wa mtu ni kuukana ukweli ulio dhahiri.
Kutokana na aina ya siasa zetu za kiafrika, haya ni mambo ambayo yamekuwa yakishuhudiwa mara kwa mara, hata hivyo ninauhakika kwamba unafahamu hata ulaya haya mambo ya kuzimisha yapo, utakumbuka kilichompata yule kachero wa kirusi ambalo ni tukio la hivi karibuni kabisa.
Mkuu kama mkapa aliendesha kampeni za ccm igunga bila kuwakashfu wapinzani nao hawkumgusa, nini kilimtuma kumshambulia Vincent? alidhani akimshambulia Vincent atakaa kimya? Mkuu uelewe tu kwamba hizi siasa za kushambuliana hazina tija sana kwa wananchi lakini inapofikia kiongozi wa kitaifa mstaafu kama mkapa anaamua kufanya siasa za majitaka, majibu yanayomstahili ni yale yenye ujazo ule ule, kama wanavyosema mjini mkapa alimwaga mboga Vincent Kamwaga ugali, sasa kazi kwetu wananchi kupembua.
Kwakuwa alichofanya Vincent ni kumjibu mkapa bila shaka mtamshauri siku nyengine awe mstaarabu kwani akiigusa chadema tu anakula za uso, hapa ni jino kwa jino!! Kabla hujamshangaa mbunge kuingia kwenye siasa za namna hii,naomba uanze kumshangaa raisi mstaafu kuanzisha siasa za majitaka!!
