Tanesco Mbeya kuna tatizo kubwa; mgawo wa ratiba haifuatwi, makali ya mgawo yanaongezeka kila siku

[Dr. Wansegamila]

Shirika la umeme TANESCO mkoa wa Mbeya kuna tatizo kubwa, tunaomba viongozi wa makao makuu pamoja na wizara ya Nishati mliangalie hili. Hali ni mbaya sana. Kuna matatizo yafuatayo:

1. Ratiba ya kile kinachoitwa, "upungufu wa umeme" haifuatwi. Pamoja na TANESCO mkoa wa Mbeya kutoa ratiba hiyo kila wiki inayoonyesha muda ambao line husika zitakosa umeme, ratiba hii imekua ni kama kiini macho tu, kwani haifuatwi kwa asilimia 80. Shida ni nini? Tunashindwa kuelewa, ratiba wanaiandaa wenyewe na wanaikiuka wenyewe.

2. Hali ya upungufu wa umeme inazidi kuwa mbaya kadri siku zinavyokwenda mkoani Mbeya, wakati tulikua tunategemea hali izidi kuimarika. Kwa mfano, pamoja na mvua kubwa kuwa zinanyesha kuanzia December 2023 kwa ukanda huu, pamoja na maeneo ya Ruaha ambayo ndio chanzo kikubwa cha maji kwa bwawa la Mtera, hali ya umeme imezidi kuwa mbaya sana kulinganisha hata na kipindi cha ukame. Pia, tuliambiwa kuwa kuanzia Januari hii majaribio ya bwawa jipya la Nyerere yataanza, hivyo hali ya umeme itaboreka zaidi, lakini hakuna maboresho yoyote sana sana hali inazidi kuwa mbaya tu kwa mkoa wa Mbeya.

3. Nimeambatanisha ratiba ya upungufu wa umeme kwa wiki hii kama mfano. Hii ratiba hadi sasa haijafuatwa kwa asilimia 80. Mfano eneo nililopo, siku ya Jumatatu tarehe 15, kwanza tulilala bila umeme usiku wa kuamkia jumatatu (ulikatika jumapili saa 5 usiku na kurudi saa 11 asubuhi), halafu saa 12 ukakatika tena, ukarudi saa tatu za usiku, wakati ratiba ilikuwa inaonyesha ungerudi saa 12 jioni. Pia, siku ya leo, Jumanne tarehe 16 ratiba yetu ilikua inaonyesha utakatika saa 12 jioni hadi saa 5 usiku, lakini tayari umekatika tangu saa tatu asubuhi.

TANESCO MKOA WA MBEYA INA SHIDA GANI?
Aione kwenye jalada beny jr

 

[fundi bishoo]

dawa ni kuandamana tarehe 23 na nyinyi wa mikoani mtuunge mikono

 

[Chaliifrancisco]

Duh mgao wa umeme kumbe upo?

 

[Nyumisi]

Kuna clip moja twitter nilimwona mzee Dewji akisema matumizi ya umeme yameongezeka kutokana na kuongezeka kwa vifaa vinavyotumia umeme vilivyoingizwa nchini katika miaka mitatu ya mama wa taifa, TV laki sita, friji laki saba, pasi laki tano, majiko ya umeme laki 8, pump za kujazia mafuta elf 60 na blah blah nyingine kibao huku akidai hizi takwimu kazipata TRA.

Kwa hiyo anatafsiri upungufu wa umeme kama maendeleo na kwamba hata bwawa la Nyerere likianza uzalishaji umeme hautatosha maana chini ya mama maendeleo yanaenda kwa kasi watu wengi wananunua vifaa vya umeme.

Sasa nilichojiuliza huo uchambuzi kautoa kama mtaalamu, kalumanzila au kaamua tu kujivika uchawa.​

 

[Eng. Zezudu]

Tuandamane

 

[MastaKiraka]

Mama Kizimkazi akiwa kwenye usukani

 

[Dr. Wansegamila]

dawa ni kuandamana tarehe 23 na nyinyi wa mikoani mtuunge mikono

Tutawaunga mkono kwa kweli, maana sio kwa shida hizi. Yaani umeme umekua kama bidhaa haramu.

 

[Dr. Wansegamila]

Duh mgao wa umeme kumbe upo?

Mgao/upungufu wa umeme, whatever you name it. Upo kwenu kuko mswano mkuu? Huku Mbeya ni mateso, hadi tunatamani kuhama mkoa.

 

[Dr. Wansegamila]

Kuna clip moja twitter nilimwona mzee Dewji akisema matumizi ya umeme yameongezeka kutokana na kuongezeka kwa vifaa vinavyotumia umeme vilivyoingizwa nchini katika miaka mitatu ya mama wa taifa...​

Kaamua kujivika uchawa labda ili apate uwepesi fulani kwenye masuala ya TRA. Bongo ukiwa mfanyabiashara mkubwa lazima ujue "kula" na sirikali. Huyu unaweza kuta kodi anayolipa kwa mwaka kwenye biashara zake ni ndogo kuliko PAYE unayokatwa wewe kwa mwaka mzima.

 

[peno hasegawa]

Shirika la umeme TANESCO mkoa wa Mbeya kuna tatizo kubwa, tunaomba viongozi wa makao makuu pamoja na wizara ya Nishati mliangalie hili. Hali ni mbaya sana. Kuna matatizo yafuatayo...

Wilaya ya Chunya iliyoko Mbeya hata wezi wameshaanza kukata nyaya za high tension Kwa sababu siku tatu hadi nne Kwa wiki hakuna umeme

 

[mawardat]

Inakera sana.

 

[Dr. Wansegamila]

Tuandamane

Tarehe 24 saa mbili asubuhi nitakua barabarani na bango kubwa, "NCHI IMEWASHINDA, MIAKA 62 YA UHURU, UMEME WA KUBANGAIZA"

 

[Dr. Wansegamila]

Mama Kizimkazi akiwa kwenye usukani

Kwa kweli anatunyoosha haswa.

 

[Chaliifrancisco]

Mgao/upungufu wa umeme, whatever you name it. Upo kwenu kuko mswano mkuu? Huku Mbeya ni mateso, hadi tunatamani kuhama mkoa.

Ni muda sasa sijaona umeme ukikatika

 

[mawardat]

Huku kwetu ni kero kwakweli, Leo washakata Mara 10 mbwa hawa.

 

[Dr. Wansegamila]

Wilaya ya Chunya iliyoko Mbeya hata wezi wameshaanza kukata nyaya za high tension Kwa sababu siku tatu hadi nne Kwa wiki hakuna umeme

Siku 4? Duuuhhhh! Hapo maendeleo ya nchi tutaendelea kuyasikia kwenye bomba.

 

[Dr. Wansegamila]

Ni muda sasa sijaona umeme ukikatika

Hongera mkuu. Uko pande zipi aisee nitafakari kuhamia huko? Mbeya huku suala la umeme ni mateso bila chuki.

 

[Dr. Wansegamila]

Inakera sana.

Yaani kwa kweli TANESCO wanaboa mno

 

[Dr. Wansegamila]

Huku kwetu ni kero kwakweli, Leo washakata Mara 10 mbwa hawa.

Pole sana mkuu, yaani tunaishi kama mashetani

 

[peno hasegawa]

Tusipochagua Kiongozi wa nchi kupitia chaguo la wananchi, tukiitegemea ccm ituletee Kiongozi imekula kwetu mazima