Mnyika hakutakiwa kwenda kwenye hicho kipindi; wanasiasa wanaojipeleka huko na kufunua mambo yao wanajiweka katika hali ya kufunuliwa zaidi. Ila hata hivyo nimependa majibu ya Mnyika ambayo ni very standard and well thought and reasoned.
Inabidi nichangie mjadala huu japo machache kwa kuwa naona wakuu wengine mmeingia kwenye mjadala mzito kwa jambo ambalo ni dogo pengine kutokana na kutokuwa na taarifa sahihi.
Mwanakijiji,
Asante kwa pongezi zako kuwa majibu niliyotoa. Hata hivyo, kauli kuwa 'sikutakiwa kwenda kwenye kipindi' ni potofu na inatoa hukumu ya ujumla bila kuchukua fursa ya kufahamu upande wa pili nini kilitokea. Ukweli ni kuwa sikwenda kwenye kipindi, na sikuwepo Clouds Fm juzi usiku kama ambavyo baadhi ya wachangiaji wengine wamejaribu kueleza.
Ukweli ni kwamba nilipigiwa simu wakati nikitoka kwenye masuala ya kesi ya uchaguzi Ubungo na mtangazaji husika, aliponitajia jina lake nikamtambua, akanieleza kuwa angependa kufanya interview nami kwa ajili ya Clouds Fm kesho yake yaani jana mchana kwa simu. Nikamweleza sina hakika kama nitakuwa na nafasi hivyo, nikamjulisha anitafute jana asubuhi ndio nimueleze ratiba yangu. Akasema hata hivyo hilo suala la kesi nalo ni story kwao hivyo angependa wanihoji juzi ile ile kwa njia ya simu.
Akakata simu yake binafsi na baada ya muda nikapigiwa na landline kwa sauti ya kiume kuwa ni producer wa kipindi na angependa kunihoji kwa ajili ya kipindi cha Amplifier na nikazungumza nao vizuri kuhusu suala la kesi, na naambiwa siku hiyo walitoa katika habari 10 za Amplifier. Baada ya kumaliza kuhojiana naye akanieleza kwamba kwanini badala ya jana, wasipige ndege wawili kwa jiwe moja kwa Diva naye kunihoji? Mpaka hapo sikuwa najua anataka kunihoji kuhusu nini hivyo nisingeweza kusema chochote. Kwangu si busara kukataa mwito ingawa unaweza kukataa uitiwalo, hivyo akapewa nafasi na swali nililomuuliza ni kuwa anataka kunihoji kuhusu nini? Akasema kuhusu mapenzi, nikamuuliza mapenzi yamefanya nini au kuhusu nini hasa?
Akasema nina swali moja dogo kwamba una mpenzi au la? Nikamwambia swali hilo siwezi kujibu redioni, kwa hiyo unamaanisha huwezi kufanya mahojiano kuhusu swali hilo, nikamwambia NDIO. Akasema basi haina shaka, sitakuuliza swali hilo, nitauliza swali lingine akimaanisha kutaka mtazamo wangu kuhusu masuala ya fedha katika mahusiano, nikamwambia kama unataka mtizamo wangu kama kiongozi katika jamii sawa lakini kama unataka mtizamo wangu kama mtu niliyekuwepo kwenye mahusiano au la sitajibu.
Akasema sawa na hivyo tuanze mahojiano na kuanza kurekodi: Kilichonishangaza ni kwamba moja kwa moja akaniuliza hilo swali aliloniuliza na sio swali lingine lolote, kama ambavyo wote mnaweza kusikia. Katika mazingira kama hayo, wewe ungefanyaje? Ukiwa tayari umeanza kurekodiwa. Mimi niliamua kujibu nilivyojibu, wakati naendelea kujibu, ghafla nikasikia tena tunakata simu, si kitu cha kawaida hivyo ilinibidi niulize kwa mshangao kupata uhakika, na alipothibitisha kama kweli wanakata; nikawajibu tu sawa haina shaka; unaweza kuwaza pia wewe ungejibu nini hasa.
Baada ya kumaliza kuzungumza tu, dereva akaniuliza mbona mahojiano hayo yamekwenda ndivyo sivyo? Nikamjibu inaonyesha kuwa aliyenihoji amekasirika kwa kuwa sijamjibu swali lake, lakini sikumjibu kwa kuwa nilishamweleza toka mwanzo kuwa nisingependa kufanya mahojiano kuhusu suala hilo kwa kuwa maisha yangu binafsi ni ya binafsi na maisha yangu ya umma ni ya umma.
Kwa hiyo ukiangalia mtiririko, baada ya majibu yangu sikutarajia kuwa mahojiano hayo yangerushwa hewani na kauli za mwisho kuanzia wakati namuuliza kuwa mnakata simu au la na kuendelea ni maneno ambayo kwenye vyombo vya habari huitwa off the record. Hata hivyo, chochote na yote yanaweza kuwekwa on the record na ningeshauri yawekwe wazi mawasiliano yote kuanzia mwanzo kama nilivyoyaeleza hapo juu ili wanaojadili wapate muktadha kamili.
Nasikitika kwamba imenilazimu kuandika, maandiko yangu haya yanaweza kutafsiriwa kuwa ni kuendeleza mjadala na pengine suala hili linaweza kwenda kwenye hatua nyingine ya kuanza kuandikwa magazetini. Lakini suala hili likitazamwa kwa mawanda mapana na kuwekwa kwenye mizani ya kimaadili litaishia tu kwenye celebrity forum!
Kwa hiyo baada ya maelezo hayo, mnaweza kuendelea kujadili kama mkipenda lakini kwa matashi yangu kuna mijadala mingine muhimu zaidi ya kitaifa ambayo ningependa kuingia na kuchangia hivyo nitawaacha muendelee kuchangia labda kama liibuke jambo lingine la lazima mimi kulitolea ufafanuzi.
