Mali: Katiba Mpya yaondoa Kifaransa kama lugha rasmi

[Chachu Ombara]

Katiba mpya ya Mali imeondoa Kifaransa, ambacho kimekuwa lugha rasmi ya nchi hiyo ya Afrika Magharibi tangu mwaka 1960.

Chini ya Katiba Mpya iliyopitishwa kwa wingi wa asilimia 96.91 ya kura katika kura ya maoni ya Juni 18, Kifaransa si lugha rasmi tena.

Kifaransa itakuwa lugha ya kazi kuanzia sasa na kuendelea, na lugha 13 za kitaifa zinazozungumzwa nchini pia zitapata hadhi ya lugha rasmi.

Takriban lugha 70 za wenyeji zinazungumzwa nchini humo na baadhi yao, zikiwemo Bambara, Bobo, Dogon na Minianka, zilipewa hadhi ya lugha ya kitaifa chini ya amri ya 1982.

Siku ya Jumamosi, kiongozi wa kijeshi wa Mali Kanali Assimi Goita alianza kutekeleza katiba mpya ya nchi hiyo, na kuashiria mwanzo wa Jamhuri ya Nne katika taifa hilo la Afrika Magharibi.

Tangu kuchukua mamlaka katika mapinduzi ya Agosti 2020, jeshi la Mali limeshikilia kuwa katiba itakuwa muhimu katika kujenga upya nchi.

Mali ilishuhudia mapinduzi mawili yaliyofuata katika miaka ya hivi karibuni, moja mnamo Agosti 2020 na nyingine Mei 2021.

Awali junta ilikuwa imeahidi kufanya uchaguzi mnamo Februari 2022 lakini baadaye ikachelewesha hadi Februari 2024.

 

[Akili ya kubeti]

Katiba mpya ni nzuri kama itafatwa na wahusika

 

[sajo]

Katiba mpya ni nzuri kama itafatwa na wahusika

Katiba mpya ni kama hiyo, wachache tu wakae na kuitunga. Hii ya kusubiri watu wote inatumiwa vibaya na wanasiasa, wanaigeuza ajenda na sehemu ya kupigia hela. Twende kimali mali

 

[Maundu]

Wakiweza kuwaweka mbali wafaransa kwa kila kitu..itakuwa wamefanikiwa japo wategemee figisu figisu nyingi toka wakoloni wao!!ufaransa ni nchi ya kishenzi saana.