sasa na uwanja mpya wa Kimataifa wa Songwe na ule wa Bagamoyo hamvitaki?
Kwanza nianze kwa kusema, asante sana GT kwa kutuwekea hilo dude hapa. Lazima nikiri kuwa nilisikia tu kuwa Norman Foster na hii kampuni ya Foster + Partners walikuwa kazini wakifyatua kitu kipya huko China baada ya kumaliza lile daraja refu duniani la Wafaransa liitwalo Millau Viaduct. Huyu Foster kila sehemu huwa anakwenda na kuweka matusi yake. Ila pana wakati anaujinga wa kulazimisha mambo na hapo huleta kasheshe kwa wahandisi wa majengo kwani wahandisi huwa hawana materials ya kujenga hicho alichokichira.
Mwanakijiji, hapa sasa ndipo unakuja kwenye hili swala ambalo tulishaliongelea zamani. Kwa Dar es Salaam, ni makosa sana kuihamisha JKN (DIA) na eti kwenda kujenga Bagamoyo au Songwe. Kama nachagua wapi pa kutua basi ni bora nilipe zaidi nitue JKN kuliko kwenda kutua Bagamoyo. Niseme natoka Tabora kwa ndege ni masaa mawili na nafika Bagamoyo. Nikitoka hapo hadi Dar, sijui masaa mangapi kwa gari. Hiyo inakuwa biashara kichaa. Utakuja kuta huo uwanja wa ndege mpya hauna wateja. JKN kwanza tayari iko nje ya mji. Walifanya makosa sana kuchukua eneo dogo miaka hiyo wanajenga. Hata Dodoma, wangelichota eneo kubwa sana km kama 10 nje ya mji. Sasa hivi unaweza kukuta zikaingia fidia kwa wagogo waliojenga maeneo hayo. Sijui kwa nini huwa hatupandi mambo kwa kufikiria watoto wetu. Planing ya miji yenye barabara kubwa, maji machafu nk ilianza Ulaya miaka ya 1950 huko. Wakati huo Tanzania haijaanza kujengwa. Sijui kwa nini wakati miji inapanuka, wao hawakulifanyia hilo kazi.
Ukiangalia huu uwanja wa Wachina, walichofanya ni kuujenga pembeni mwa uwanja wa zamani. Tofauti pekee niliyoina ni kuwa uwanja wa zamani uko degree 180 (imeandikwa 18) ukisoma kufuata mwendo wa mkono wa saa kutoka kaskazini. na ule mpya ni degree 190 (soma 19). Uwanja wa ndege wa Dodoma naweza kukubali kuwa uko mjini saana. Ila sijui wazo la kujenga uwanja mpya Msalato, huko nako haitakuwa mbali sana. Ila mji unaweza kukua kwa kasi kama watahamiwa Capital City. Ila bado itabidi kuweka uwanja mwingine mdogo upande wa kusini mwa Dodoma.
Kiwanja cha JKN ni kizuri sana mtu asiwadanye. Kwa mahitaji yetu ya sasa na idadi ya abilia kinatosha. Sema pale kuna mpangilio mbaya sana kwa wasafiri na ndugu wa kusindikiza. Sehemu ya kusubiri ndege padogoo. Zikikumbana ndege mbili kubwa basi tayari pamejaa. Ilitakiwa paongezwe na eneo hilo liwe na maduka mengi. Ila sasa hivi ni machache tu ya Wahindi. Wasafiri na ndugu zao hamna sehemu ya kukaa ni kusimama tu hadi miguu inatumbukia ndani. Inatakiwa kupanua majengo, kuongeza urefu wa kiwanja che kutua na kupaa ndege hadi kiwe na walau km3.5 kwani dude kama Antonov linahitaji kiwanja kirefu. Mungu bariki A380 (Airbus) haihitaji umbali mrefu kuruka. Waweke mauwa kidogo pale, AC, solar panels (kusolve ghalama za umeme), viti vya kukalia nje nk. Nakumbuka miaka ya 80 tulikuwa tukienda Airport mapema kwenda kupokea ndugu na mtakaa kwenye vimigahawa na kunywa au kula. Sasa hivi hamna... looh, tunarudi nyuma.
