Tuko
JF-Expert Member
- Jul 29, 2010
- 11,180
- 7,356
Niliwahi kwenda ofisi fulani huko Dar (posta) ambapo nitaka kupewa data fulani. Mara ya kwanza niliulizwa maswali na mdada fulani aliyekuwa masjala, na akasema kuwa niende kuleta barua toka kwa boss wangu (Morogoro) ndipo niruhusiwe kuonana na boss wa hiyo ofisi. Mara ya pili nilienda na barua yangu nikakuta kuna watu wengi wanasubir kumuona yule boss, na nilipoulizia kwa yule dada, akaangalia haraka haraka barua yangu akasema haijielezi vizuri, na hata hivyo boss wao alikuwa na shughuli nyingi siku hiyo. Nili-note kuwa yule dada alikuwa hajaniangalia sana usoni. Nilikuwa nimevaa t-shirt. Nilipiga mahesabu ya kurudi tena hadi Moro, nikaona ni usumbufu mkubwa, so nitafute namna.
Nilitoka pale ofisini, nikaenda internet cafe fulani nikai-type ile barua kwa kiingereza, nikaiprint na kusaini sehemu ya boss wangu kwa sahihi ya kuforge.
Nilienda kwenye duka la kuuuza nguo, hapo hapo posta nikanunua shati na tai, na nikavivaa pale pale. Nilitoka nje nikazunguka nikaona jamaa anauza miwani, nikanunua moja plain (kama ya matatizo ya macho) nikavaa. Nilirudi pale ofisini baada ya kama saa moja, nikamkuta yule dada kama kawaida anahoji na kuwarudisha watu huku wachache wakiruhusiwa kumuona boss.
Nilianza kujieleza upya kwa yule dada lakni wakati huu nikitumia kiingereza. Yule dada alijaribu kujibizana na mimi kwa kiswahili, lakini nilijifanya sielewi, huku nikisisitiza natokea south africa, na nilijitahidi kuongea mambo mengi sana kumchanganya. Aliiangalia barua yangu, hata hakugundua kuwa haikuwa na muhuri, akaniambia 'wait there', na baada ya kama dk mbili akaniambia you can enter.
Nikachoma zangu ofisini kwa boss, nikalonga nae kiswahili. akanielewa akaniprintia data zangu nikatimua huku najisifu kuwa pamoja na ushamba wangu wa mikoani, leo nimefanikiwa kumuingiza mjini wa Dar.
