- Thread starter
- #41
Muda wetu ndio huu. karibuni wadau
@
@
Simulizi Yenye Funzo la Maisha: "SINA CHAGUO"
Simulizi Yenye Funzo la Maisha: "SINA CHAGUO"
- Thread starter JJ FORMAR
- Start date
- Thread starter
- #43
TULIPOISHIA.
Mda huo nilikuwa nimeng’ata meno kwa nguvu, nikiugulia maumivu makali niliyoyapata baada ya kuchanwa ubavuni na chuma kizito kilichonidondokea. “Mhmm! Mhhmm! Mmhhm!” niliugulia maumivu makali yaliyosambaa mwili mzima. Nilianza kujihisi nguvu zikiniishia, nikashindwa hata kukwepa chuma kizito kilichonibamiza kichwani. Taratibu mwanga ulitoweka. Giza likatawala. Hata ile sauti ya maumivu iliyonitoka ikakoma...............
ENDELEA
(Saba nane au kenda, Nakosa lipi kutenda,)
SEHEMU YA PILI.
Baadhi ya watu huamini usingizi ni nusu ya kifo. Ndiyo maana husisitizwa zaidi kumuomba Mungu kabla ya kulala. Wanadai kuna uwezekano mkubwa ukalala mazima na usiamke tena. Mimi sikubaliani nao, wala sikiamini kabisa kitu hicho. Kama wangesema usingizi ni mazoezi ya kifo huenda ningekubaliana nao maana nusu humaanisha kisichotimilika au kutokukamilika. Usingizi si nusu ya kifo, ila nusu yenyewe ipo, nayo ni kupoteza fahamu kwa kuzimia au kuzilahi. Mtu aliyezimia yupo katika nafasi nzuri sana ya kukikabili kifo zaidi ya mtu aliyelala tu, japo kuzimia huja kama matokeo ya sababu mbalimbali. naongelea kuzimia kunakosababishwa na ajali. Yaani kupoteza fahamu kwa sababu ya majeraha yalisababisha kupotea kwa damu nyingi mwilini. Majeruhi anapopatwa na hali hii huingia katika hali mbaya inayoweza pelekea mauti yake, kama hatopata msaada wa haraka; aghalabu kuzuiliwa kwa upoteaji zaidi wa damu, pia kuongezewa damu safi na salama kufidia ile iliyopotea. Ili kukabiliana na upungufu wa damu mwilini, mgonjwa hushauriwa kupata kwa wingi vyakula vya protini vinavyosaidia kuzalisha damu mwillini.
Niliyasoma kwa umakini maandishi haya yaliyoandikwa katika kipeperushi nilichopatiwa na nesi aliyenihudumia kwa wakati wote. Sasa nilikuwa ndani ya chumba cha daktari, chini ya uangalizi mzito wa wauguzi na madaktari wabobevu. Nasema wabobevu siyo kuwapamba bure; wanastahiri kuitwa hivyo kutokana na kazi kubwa waliyoifanya kuokoa uhai wangu. Hii ilikuwa siku ya tatu tangia nilejewe na fahamu zangu, japo niliambiwa ilikuwa siku ya saba tangu nifikishwe hospitalini. Kuna wakati nilihisi maumivu makali katika mbavu zangu za kushoto, lakini sikuwa na cha kufanya kujitetea na kadhia hiyo. Nilikuwa nifungwa bandeji gumu lililoninyima uhuru wa kujigeuza vile nitakavyo, nimelazwa juu ya kitanda safi kilichoishikilia vizuri sehemu kubwa ya mwili wangu.
Asubuhi hii nilikuwa nimejipumzisha kitandani peke yangu. Sikuruhusiwa kuonana wala kuongea na mtu yeyote kwa wakati huu zaidi ya nesi muuguzi aliyekuwa nami kwa wakati wote. Nimeshamzoea sasa, nikambatiza jina la Nesi wangu maana muda wote alihangaika na mimi tu kama vile hakukuwa na wagonjwa wengine wanaoihitaji huduma yake. Kila watakapozuiliwa ndugu na marafiki zangu kufika pale nilipo, angekuja nesi huyu kuniomba nijiandae kwa ajili ya matibabu. Mala zote hunihudumia kwa kunipatia madawa makali sana ambayo huyachanganya kwenye mifumo ya matibabu iliyounganishwa mwilini mwangu. Angebaki nami kwa wakati wote, akinichangamsha kwa maongezi mepesi na stori za hapa na pale mpaka nitakapochukuliwa na usingizi. Nikija kuamka, najikuta ndani ya chumba kingine. Mbele yangu ningewaona baadhi ya ndugu na marafiki zangu nilio wafahamu vizuri, ndipo ningejua umeshafika mda wa kutazama wagonjwa. Baada ya kumaliza kile alichokuwa akikifanya, alisogea mpaka pale kitandani nilipolala; akakaa pembeni yangu. Sikufurahishwa na kitu hicho maana nilijua nini lengo la ujio wake, alitaka kunipigisha stori mpaka nitakapochukuliwa na usingizi mzito uliosababishwa na dawa nilizopewa. Stori zake hazikuwa shida kubwa kwangu, kibaya ilikuwa vile nitakavyopitiwa na usingizi mbele ya nesi yule mrembo niliyemuona kuwa saizi yangu kabisa. Huwa sifurahishwi na kitu hicho, yaani mimi nilale mbele ya mwanamke! Ili iweje. Siku hii niliamua kumueleza ukweli, nikamuomba aniache mwenyewe nipumzike.
Ni kama malalamiko yangu yalimfurahisha sana, aliangua kicheko cha chinichini huku akinitazama usoni kama anayeucheka uso wangu uliokunja ndita za hasira. Kicheko kilikolea, macho yake yalianza kutoa machozi, akaanza kuyapangusa kwa kutumia sehemu ya nyuma ya kiwiko cha mkono wake. Kitendo hicho kilinifurahisha, nikacheka kabla ya kuacha kufanya hivo baada ya kuhisi maumivu makali ubavuni mwangu. “Sikiliza nikwambie kitu mgonjwa wangu mzuri.” Kauli yake ilifuatiwa na maelezo marefu aliyoyatoa kuhusu saikolojia za magonjwa na wagonjwa kama mimi. Alinieleza ni kwa namna gani anaielewa vema saikolojia yangu, anajua nini kinanifurahisha na nini hakinifurahishi. Japo sikufurahishwa na maneno yake mengi ila naliipenda namna ya uongeaji wake, aliongea kwa namna iliyonivutia sana. Ubaya ni kwamba, akishaanza kuongea huwa hanipi tena nafasi ya kuzungumza. Mala zote huwa napitiwa na usingizi angali akiongea. “Kwa sasa unajihisi upweke mkubwa sana mgonjwa wangu, hata hivyo usijali, mimi nipo kwa ajili yako. Na wala usiniambie kwamba huutaki uwepo wangu kwani mimi ndiye nayekujua vizuri kwa sasa. Nakujua nje ndani zaidi ya mtu yeyote, hata mpenzi wako hanifikii. Halafuu! kuna kitu kimenivutia sana toka kwako, nimependezwa na namna unavyosinzia. Huwa unaonekana mzuri sana ukiwa umelala. Hata hivyo usiwaze sana, sitomwambia yeyote kuhusu hili, itakuwa siri yetu mimi na wee,,,,” sikuweza tena kuisikia sauti ya Nesi wangu. Nilipitiwa na usingizi mzito, usingizi tasa usiokuwa na njozi yoyote.
Mwanzoni nilihisi kama sauti kali zilizoyasumbua masikio yangu; baadae nikaelewa kumbe yalikuwa mazungumzo ya chinichini yaliyofanywa na watu walionizunguka. Nilipoyafumbua macho yangu sikuweza kuziona vema sura zao, ni mpaka pale nilipouzoea mwanga mkali uliokuwa ndani ya chumba kile ndipo nilianza kuwatambua mmoja baada ya mwingine. Nilimtambua mama Eliza mke wa mzee Gelo, Eliza mwenyewe na marafiki zangu watatu; Lajoka, Ally na Simoni. Wote walifurahi sana baada ya kuona nimeyafumbua macho, mama Eliza akawa wa kwanza kunijulia hali kisha yakafuatia maongezi marefu yaliyochangiwa na kila mmoja. Hali ile ilinifurahisha sana, nikajikuta nikichangamka kama vile niliyekuwa siumwi chochote. Muda ule mlango ulifunguka, nikamuona Nesi wangu aliyeongozana na watu wengine, ujio wao ulibadilisha hali ya hewa ya mle ndani. Wa kwanza alikuwa mkufunzi wangu niliyemfahamu vema, wengine ni wanafunzi wenzangu; baadhi yao niliwafahamu, wengine sikuwajua kabisa.
Macho yangu yalivutiwa na binti mmoja aliyekuwa miongoni mwa wageni wangu. Huyu si mwingine, ni Salome msichana tuliyejuana vizuri tangu siku ya kwanza kuonana. Sina uhakika kama tulikuwa wapenzi lakini kwa wakati huo tuliangaliana kwa namna ambayo ingekushawishi kuamini hivo. Alinitazama kwa macho yake ya upole; yaliyoonekana kutamani kulia, yakifurahia na kuogopeshwa na hali niliyokuwa nayo. Mwili ulinisisimka baada ya kumshuhudia akikipitisha kitambaa usoni mwake kuyafuta machozi yaliyoyang’arisha macho yake, kisha akaniangalia kwa namna iliyofikisha salamu ya pole aliyoitoa. Ama kweli nilipatwa na hisia za ajabu baada ya ujio wa Salome mpaka hali yangu ikabadilika, moyo wangu ulikiri kumpenda sana binti huyu. Mabadiliko hayo yalishuhudiwa vema na Lajoka ambaye hakujizuia kutabasamu kila aliponiona nikimtazama Salome. Nesi wangu alisogea pale nilipolala, akanikonyeza kwa namna aliyozoea kunifanyia wakati akakikunja kitanda changu kwa namna iliyonifanya sasa nikawa kama vile nimekaa japo haikuwa hivo; kuna vyuma vilinishikilia vizuri eneo la kifua changu.
Mkao ule uliniwezesha kugeuza vizuri eneo kubwa la mwili wangu, nikawaona vizuri watu wote waliofika kunijulia hali. Uwepo wao ulinifariji sana, nilijisikia vizuri kuwaona watu waliokaa kuniangalia kwa matumaini makubwa, bila shaka walitamani kuniona nikisimama tena nikiwa mzima. Uwepo wao ulinifanya nijihisi mwenye thamani kubwa duniani, ninayependwa na watu. Ni kweli kabisa, ninapendwa sana na watu wengi, mfano halisi ni Salome binti aliyezivutia hisia zangu tokea nilipomuona kwa mala ya kwanza. Ni ujinga wangu tu ulioyayumbisha mahusiano yetu, la sivyo tungekuwa mbali sana, huenda ningeshaliopoa tunda lake tamu lililojiotea katikati ya msamba wake. Wakati wao wakiendelea na maongezi ya hapa na pale, mimi nilijitia uvivu wa kushiriki maongezi yale, japo yalinilenga mimi. Niliweka umakini wangu juu ya kile kilichoyavutia macho yangu kwa wakati ule, Salome. Nilimungalia kwa macho ya hamu, nikitamani walau nipate hata dakika moja ya kuzungumza naye, nimueleze namna gani ameuteka moyo na hisia zangu. Kwa wakati huo hisia zangu zilinishangaza sana, yaani binti niliyewahi kumpotezea, nikamuona si lolote mbele yangu eti leo hii nilitamani awe karibu yangu. “Au ndiyo kama vile inavyokuwaga kwenye filamu, wahusika kutoweka wazi hisia zao kwa wale wawapendao mpaka dakika za mwisho za uhai wao.” Mawazo haya yalinifanya kuachana na ujinga wa kumuwaza Salome, nikahofioa kukutwa na matukio ya kwenye filamu. Nilipania kumueleza ukweli mrembo yule mala tu nitakapopata nafasi ya kufanya hivyo. Sikuona uzuri wa kuendelea kuchezea shilingi juu ya tundu la choo, vipi ikidondoka; nitaipataje?
Umakini wangu ukahama toka kwa Salome, nikaanza kutalii nikiyazungusha macho yangu juu ya sura za watu wote waliokuwa mbele yangu. Kila niliyemwangalia nilimtafakhari kwa namna nilivyomjua, nikampa heshima yake kwa kuja kunijulia hali. Macho yangu yalitua juu ya sura nyingine iliyouvuta umakini wangu, nikajikuta nikiitafakhari zaidi ya nilivyofanya kwa wengine. Huyu ni Eliza, binti kitindamimba cha mzee Gelo. Muda huo alikuwa bize akiichezea simu yake, mala kadhaa angeniangalia kwa namna ile aliyozoea kuniangalia. Kilichonivutia zaidi kwa binti huyu ni namna anavyojua kuigiza, yaani licha ya kuwepo kwa mazungumzo ya kufurahisha pale ndani lakini yeye hakujihangaisha nayo kabisa. Angezizungusha mboni za macho yake kwa awamu, mithili ya mshale wa saa kabla ya kuzilejesha tena kwenye mhimili wake ambao ni ile simu aliyoishikilia mkononi. Alikuwa mwepesi kunikwepa kila tulipokutanisha macho, angejidai kuangalia chini au kuigiza kuchezea simu. Haikutokea mala moja, ilikuwa zaidi ya mala mbili kiasi kwamba mimi mwenyewe nikajikuta nikiufurahia mchezo wa binti yule. Kila tukiangaliana, anakwepa. Anaigiza kuchezea simu au kuangalia pembeni kisha taratibu mithili ya kuku asiye na kumbukumbu angeanza kuniangalia tena, nikimtazama ananikwepa tena. Ikafika wakati nikaamua nimtegee mtego ili niiumbue janja yake, alipoigiza kuchezea simu nami nikajifanya kuangalia pembeni, kisha nikageuza macho haraka nikamfuma akiniangalia. Hapo alikubali kuwa kakamatika, akanitunuku zawadi safi ya tabasamu lake mwanana ambalo sikuwahi kuliona hapo kabla. Nililidhishwa sana na zawadi ile, kisha nikairudisha kama ilivyokuja. Amakweli leo nilijikuta nikipendezwa na michezo ya binti huyu tofauti na ilivyokuwa mwanzo. Hata hivyo bado sikumuelewa sana binti huyu mkimya, asiyependa kamwe kuchangamana na wenzake; muda wote yupo kimya, huwezi kumkuta akiongea na watu. “Hata hivyo ni kazuri,” nilijisemea kimoyomoyo kisha nikaachana naye. Sasa nikaanza kishiriki mala moja moja katika maongezi yaliyokuwa yakiendelea.
Muda ulisogea kwa haraka sana, familia ya mzee Gelo walitaka kuondoka, wakahitaji kupata muda wa kuongea na mimi kabla hawajaondoka. Ikamlazimu nesi kuwaomba wote waliokuwa chumbani watoke, watupishe kwa muda kisha wangerudi baadae. Waliondoka wanafunzi wenzangu, walimu na marafiki zangu. Kilichonishangaza ni baada ya kugundua hata Eliza aliondoka. Chumbani tulibaki watu wawili tu, mimi na mama Eliza; hata Nesi wangu aliondoka baada ya kuhakikisha watu wote wameondoka. Nilipata wasaa mzuri wa kuongea na mama Eliza, akanieleza kila kilichotokea na kile kinachoendelea mpaka kufika dakika ile. Mama huyu ndiye alikuwa nyuma ya matibabu ya kibingwa niliyokuwa nikiyapata, amekuwa akifika hospitalini kila siku tokea siku ya kwanza alipopata taarifa za ajali iliyonipata wakati wa mafunzo. “Simu iliyopigwa nyumbani ilipokelewa na Eliza, kwa wakati huo mimi na baba Eliza hatukuwepo nyumbani. Yeye akawa mtu wa kwanza kufika chuoni kukutazama. Taarifa ya kilichokupata nilipewa na mwanangu wa kwanza, Josefu ambaye bila shaka hujawahi kumuona. Mpaka ninafika hapa nilikuta tayali umeshawekwa chumba cha daktari. Mshukuru sana Mungu kwa kukuweka hai mpaka leo maana hali yako ilikuwa mbaya sana, mpaka matabibu wanafika walikukuta katika hali ya kufa. Mungu kakuponya kwa sababu ya vilio na machozi ya wengi, yaliyomwagika kuulilia uhai wako. Wazazi wako, rafiki zako na wote waliopata taarifa za ajari iliyokukuta walikuombea, wale wote unaowajua na usiowajua. Huenda ni kwa sababu ya Eliza ndiyo maana Mungu aliuweka uhai wako, zikafanikiwa jitihada za matabibu mpaka leo ukawa hai hivyo ulivyo.” Nilitulia kwa umakini kusikiliza maneno mazito ya mama Eliza, aliyeongea mithili ya mchungaji kanisani, akinihubiria.
Aliendelea kunieleza namna mambo yalivyokuwa magumu kipindi chote nilipokuwa nimepotewa na fahamu. Kwamba ilifikia wakati akatamani kunisafirisha kwenda hospitali kuu ya taifa, ikashindikana baada wataalamu wa afya kushauri niendelee kutibiwa eneo lile. Isingekuwa vizuri kumsafirisha mgonjwa mahtuti kama nilivyokuwa, wakashauri niendelee kutibiwa palepale mpaka hali itakapotengamaa kidogo. Ushauri wa madaktari haukuwa mwisho wa jitihada zake, akaamua kuwaleta madaktari bingwa toka hospitali kuu ya taifa kuja kulichunguza kwa undani zaidi tatizo langu. Hawa ndio walionifanyia oparesheni ya kichwa na kifua, wakakiweka sawa kila kilichoharibiwa na ajali iliyonipata, hasa zile mbavu zangu zilizopanguka wakati wa ajali. Hata yule nesi wangu hakuwa muuguzi wa hospitali ya chuo, alitokea hospitali kuu ya taifa. Ujio wake ndani ya hospitali ya chuo ilikuwa kwa ajili yangu, kuniuguza mimi mtoto wa mkulima, mtoto wa dalali. “Nimeamua nikueleze yote hayo kwasababu afya yako imeanza kutengamaa. Sioni kama ni busara tena kuamua kitu chochote kinachokuhusu pasipo kukushirikisha. Sasa hari yako ni nzuri kidogo, tuliwaza tukuhamishie hospitali kuu ya taifa kwa uangalizi wa karibu zaidi, sijui wewe unasemaje hapo.” Melezo hayo yalinishangaza sana, nikaishukuru sana familia ya mzee Gelo kwa upendo wao kwangu na msaada mkubwa walioutoa kugharamikia matibabu yangu mpaka hapo nilipo. Bila wao sijui ningekuwaje mimi, labda ningeshakufa na kuzikwa; nikasahaulika.
Ukweli ni kwamba, kwa namna tukio lilivyotokea, ilikuwa vigumu sana kupona pasipo kupata matibabu ya halaka. Siyo matibabu tu ya kupewa vidonge na vipimo vya choo na mkojo ambayo hata kapuku mimi ningemudu kuyapata, bali matibabu ya kibingwa, toka kwa matabibu mahiri wanaoijua vema sanaa ya utabibu. Nilikumbuka kwa uzuri namna tukio lilivyotokea, namna nilivyobanwa ghafla na vyuma vilivyoniangukia na kuuchana upande wa kushoto wa ubavu wangu. Kilikuwa kitendo cha kufumba na kufumbua nikawa nimelowa damu iliyochuruzika kwa kasi kama vile ilikuwa ikishindana. Jitihada zangu za kijiokoa ndizo zilizidishia maumivu, nikahisi mvunjiko wa kitu kifuani kwangu kisha nikaangukiwa na chuma kizito kichwani, ukawa ndiyo mwanzo wa kutoweka kwa fahamu zangu. Nilimshukuru sana mama Eliza na mzee Gelo ambaye nilijulishwa kwamba hakuwepo nchini kwa zaidi ya wiki mbili sasa. Nilijiona kuwa na bahati ya kukubalika na familia ile yenye upendo wa ajabu. Niliukubali bila pingamizi uamuzi wao wa kunihamishia hospitali kuu ya taifa, nisingeweza kupingana na maoni ya watu walioijua vizuri hali yangu. Mama Eliza aliniaga, akaondoka. Wakabaki wanafunzi wenzangu na marafiki zangu ambao hawakukaa sana, nao wakaondoka kwa maana mda wa kutazama wagonjwa ulikuwa umeisha.
Ni kama vile wimbi la upweke lilipishana na wageni wangu wakati wakiondoka, walivyoufunga tu mlango, nikaanza kujihisi upweke wa ajabu uliombatana na mawazo mengi yaliyoniumiza kichwa changu. Haikupita hata dakika moja, nikauona mlango ukifunguka. Aliingia Nesi wangu akiwa na tabasamu la haja usoni mwake; mikono yake aliiweka nyuma kwa namna ya kukificha kitu alichokishikilia. “Otea nimeshika nini, otea.” Ilikuwa kauli yake ya kwanza mala tu aliponifikia..........
ITAENDELEA.Mda huo nilikuwa nimeng’ata meno kwa nguvu, nikiugulia maumivu makali niliyoyapata baada ya kuchanwa ubavuni na chuma kizito kilichonidondokea. “Mhmm! Mhhmm! Mmhhm!” niliugulia maumivu makali yaliyosambaa mwili mzima. Nilianza kujihisi nguvu zikiniishia, nikashindwa hata kukwepa chuma kizito kilichonibamiza kichwani. Taratibu mwanga ulitoweka. Giza likatawala. Hata ile sauti ya maumivu iliyonitoka ikakoma...............
ENDELEA
(Saba nane au kenda, Nakosa lipi kutenda,)
SEHEMU YA PILI.
Baadhi ya watu huamini usingizi ni nusu ya kifo. Ndiyo maana husisitizwa zaidi kumuomba Mungu kabla ya kulala. Wanadai kuna uwezekano mkubwa ukalala mazima na usiamke tena. Mimi sikubaliani nao, wala sikiamini kabisa kitu hicho. Kama wangesema usingizi ni mazoezi ya kifo huenda ningekubaliana nao maana nusu humaanisha kisichotimilika au kutokukamilika. Usingizi si nusu ya kifo, ila nusu yenyewe ipo, nayo ni kupoteza fahamu kwa kuzimia au kuzilahi. Mtu aliyezimia yupo katika nafasi nzuri sana ya kukikabili kifo zaidi ya mtu aliyelala tu, japo kuzimia huja kama matokeo ya sababu mbalimbali. naongelea kuzimia kunakosababishwa na ajali. Yaani kupoteza fahamu kwa sababu ya majeraha yalisababisha kupotea kwa damu nyingi mwilini. Majeruhi anapopatwa na hali hii huingia katika hali mbaya inayoweza pelekea mauti yake, kama hatopata msaada wa haraka; aghalabu kuzuiliwa kwa upoteaji zaidi wa damu, pia kuongezewa damu safi na salama kufidia ile iliyopotea. Ili kukabiliana na upungufu wa damu mwilini, mgonjwa hushauriwa kupata kwa wingi vyakula vya protini vinavyosaidia kuzalisha damu mwillini.
Niliyasoma kwa umakini maandishi haya yaliyoandikwa katika kipeperushi nilichopatiwa na nesi aliyenihudumia kwa wakati wote. Sasa nilikuwa ndani ya chumba cha daktari, chini ya uangalizi mzito wa wauguzi na madaktari wabobevu. Nasema wabobevu siyo kuwapamba bure; wanastahiri kuitwa hivyo kutokana na kazi kubwa waliyoifanya kuokoa uhai wangu. Hii ilikuwa siku ya tatu tangia nilejewe na fahamu zangu, japo niliambiwa ilikuwa siku ya saba tangu nifikishwe hospitalini. Kuna wakati nilihisi maumivu makali katika mbavu zangu za kushoto, lakini sikuwa na cha kufanya kujitetea na kadhia hiyo. Nilikuwa nifungwa bandeji gumu lililoninyima uhuru wa kujigeuza vile nitakavyo, nimelazwa juu ya kitanda safi kilichoishikilia vizuri sehemu kubwa ya mwili wangu.
Asubuhi hii nilikuwa nimejipumzisha kitandani peke yangu. Sikuruhusiwa kuonana wala kuongea na mtu yeyote kwa wakati huu zaidi ya nesi muuguzi aliyekuwa nami kwa wakati wote. Nimeshamzoea sasa, nikambatiza jina la Nesi wangu maana muda wote alihangaika na mimi tu kama vile hakukuwa na wagonjwa wengine wanaoihitaji huduma yake. Kila watakapozuiliwa ndugu na marafiki zangu kufika pale nilipo, angekuja nesi huyu kuniomba nijiandae kwa ajili ya matibabu. Mala zote hunihudumia kwa kunipatia madawa makali sana ambayo huyachanganya kwenye mifumo ya matibabu iliyounganishwa mwilini mwangu. Angebaki nami kwa wakati wote, akinichangamsha kwa maongezi mepesi na stori za hapa na pale mpaka nitakapochukuliwa na usingizi. Nikija kuamka, najikuta ndani ya chumba kingine. Mbele yangu ningewaona baadhi ya ndugu na marafiki zangu nilio wafahamu vizuri, ndipo ningejua umeshafika mda wa kutazama wagonjwa. Baada ya kumaliza kile alichokuwa akikifanya, alisogea mpaka pale kitandani nilipolala; akakaa pembeni yangu. Sikufurahishwa na kitu hicho maana nilijua nini lengo la ujio wake, alitaka kunipigisha stori mpaka nitakapochukuliwa na usingizi mzito uliosababishwa na dawa nilizopewa. Stori zake hazikuwa shida kubwa kwangu, kibaya ilikuwa vile nitakavyopitiwa na usingizi mbele ya nesi yule mrembo niliyemuona kuwa saizi yangu kabisa. Huwa sifurahishwi na kitu hicho, yaani mimi nilale mbele ya mwanamke! Ili iweje. Siku hii niliamua kumueleza ukweli, nikamuomba aniache mwenyewe nipumzike.
Ni kama malalamiko yangu yalimfurahisha sana, aliangua kicheko cha chinichini huku akinitazama usoni kama anayeucheka uso wangu uliokunja ndita za hasira. Kicheko kilikolea, macho yake yalianza kutoa machozi, akaanza kuyapangusa kwa kutumia sehemu ya nyuma ya kiwiko cha mkono wake. Kitendo hicho kilinifurahisha, nikacheka kabla ya kuacha kufanya hivo baada ya kuhisi maumivu makali ubavuni mwangu. “Sikiliza nikwambie kitu mgonjwa wangu mzuri.” Kauli yake ilifuatiwa na maelezo marefu aliyoyatoa kuhusu saikolojia za magonjwa na wagonjwa kama mimi. Alinieleza ni kwa namna gani anaielewa vema saikolojia yangu, anajua nini kinanifurahisha na nini hakinifurahishi. Japo sikufurahishwa na maneno yake mengi ila naliipenda namna ya uongeaji wake, aliongea kwa namna iliyonivutia sana. Ubaya ni kwamba, akishaanza kuongea huwa hanipi tena nafasi ya kuzungumza. Mala zote huwa napitiwa na usingizi angali akiongea. “Kwa sasa unajihisi upweke mkubwa sana mgonjwa wangu, hata hivyo usijali, mimi nipo kwa ajili yako. Na wala usiniambie kwamba huutaki uwepo wangu kwani mimi ndiye nayekujua vizuri kwa sasa. Nakujua nje ndani zaidi ya mtu yeyote, hata mpenzi wako hanifikii. Halafuu! kuna kitu kimenivutia sana toka kwako, nimependezwa na namna unavyosinzia. Huwa unaonekana mzuri sana ukiwa umelala. Hata hivyo usiwaze sana, sitomwambia yeyote kuhusu hili, itakuwa siri yetu mimi na wee,,,,” sikuweza tena kuisikia sauti ya Nesi wangu. Nilipitiwa na usingizi mzito, usingizi tasa usiokuwa na njozi yoyote.
Mwanzoni nilihisi kama sauti kali zilizoyasumbua masikio yangu; baadae nikaelewa kumbe yalikuwa mazungumzo ya chinichini yaliyofanywa na watu walionizunguka. Nilipoyafumbua macho yangu sikuweza kuziona vema sura zao, ni mpaka pale nilipouzoea mwanga mkali uliokuwa ndani ya chumba kile ndipo nilianza kuwatambua mmoja baada ya mwingine. Nilimtambua mama Eliza mke wa mzee Gelo, Eliza mwenyewe na marafiki zangu watatu; Lajoka, Ally na Simoni. Wote walifurahi sana baada ya kuona nimeyafumbua macho, mama Eliza akawa wa kwanza kunijulia hali kisha yakafuatia maongezi marefu yaliyochangiwa na kila mmoja. Hali ile ilinifurahisha sana, nikajikuta nikichangamka kama vile niliyekuwa siumwi chochote. Muda ule mlango ulifunguka, nikamuona Nesi wangu aliyeongozana na watu wengine, ujio wao ulibadilisha hali ya hewa ya mle ndani. Wa kwanza alikuwa mkufunzi wangu niliyemfahamu vema, wengine ni wanafunzi wenzangu; baadhi yao niliwafahamu, wengine sikuwajua kabisa.
Macho yangu yalivutiwa na binti mmoja aliyekuwa miongoni mwa wageni wangu. Huyu si mwingine, ni Salome msichana tuliyejuana vizuri tangu siku ya kwanza kuonana. Sina uhakika kama tulikuwa wapenzi lakini kwa wakati huo tuliangaliana kwa namna ambayo ingekushawishi kuamini hivo. Alinitazama kwa macho yake ya upole; yaliyoonekana kutamani kulia, yakifurahia na kuogopeshwa na hali niliyokuwa nayo. Mwili ulinisisimka baada ya kumshuhudia akikipitisha kitambaa usoni mwake kuyafuta machozi yaliyoyang’arisha macho yake, kisha akaniangalia kwa namna iliyofikisha salamu ya pole aliyoitoa. Ama kweli nilipatwa na hisia za ajabu baada ya ujio wa Salome mpaka hali yangu ikabadilika, moyo wangu ulikiri kumpenda sana binti huyu. Mabadiliko hayo yalishuhudiwa vema na Lajoka ambaye hakujizuia kutabasamu kila aliponiona nikimtazama Salome. Nesi wangu alisogea pale nilipolala, akanikonyeza kwa namna aliyozoea kunifanyia wakati akakikunja kitanda changu kwa namna iliyonifanya sasa nikawa kama vile nimekaa japo haikuwa hivo; kuna vyuma vilinishikilia vizuri eneo la kifua changu.
Mkao ule uliniwezesha kugeuza vizuri eneo kubwa la mwili wangu, nikawaona vizuri watu wote waliofika kunijulia hali. Uwepo wao ulinifariji sana, nilijisikia vizuri kuwaona watu waliokaa kuniangalia kwa matumaini makubwa, bila shaka walitamani kuniona nikisimama tena nikiwa mzima. Uwepo wao ulinifanya nijihisi mwenye thamani kubwa duniani, ninayependwa na watu. Ni kweli kabisa, ninapendwa sana na watu wengi, mfano halisi ni Salome binti aliyezivutia hisia zangu tokea nilipomuona kwa mala ya kwanza. Ni ujinga wangu tu ulioyayumbisha mahusiano yetu, la sivyo tungekuwa mbali sana, huenda ningeshaliopoa tunda lake tamu lililojiotea katikati ya msamba wake. Wakati wao wakiendelea na maongezi ya hapa na pale, mimi nilijitia uvivu wa kushiriki maongezi yale, japo yalinilenga mimi. Niliweka umakini wangu juu ya kile kilichoyavutia macho yangu kwa wakati ule, Salome. Nilimungalia kwa macho ya hamu, nikitamani walau nipate hata dakika moja ya kuzungumza naye, nimueleze namna gani ameuteka moyo na hisia zangu. Kwa wakati huo hisia zangu zilinishangaza sana, yaani binti niliyewahi kumpotezea, nikamuona si lolote mbele yangu eti leo hii nilitamani awe karibu yangu. “Au ndiyo kama vile inavyokuwaga kwenye filamu, wahusika kutoweka wazi hisia zao kwa wale wawapendao mpaka dakika za mwisho za uhai wao.” Mawazo haya yalinifanya kuachana na ujinga wa kumuwaza Salome, nikahofioa kukutwa na matukio ya kwenye filamu. Nilipania kumueleza ukweli mrembo yule mala tu nitakapopata nafasi ya kufanya hivyo. Sikuona uzuri wa kuendelea kuchezea shilingi juu ya tundu la choo, vipi ikidondoka; nitaipataje?
Umakini wangu ukahama toka kwa Salome, nikaanza kutalii nikiyazungusha macho yangu juu ya sura za watu wote waliokuwa mbele yangu. Kila niliyemwangalia nilimtafakhari kwa namna nilivyomjua, nikampa heshima yake kwa kuja kunijulia hali. Macho yangu yalitua juu ya sura nyingine iliyouvuta umakini wangu, nikajikuta nikiitafakhari zaidi ya nilivyofanya kwa wengine. Huyu ni Eliza, binti kitindamimba cha mzee Gelo. Muda huo alikuwa bize akiichezea simu yake, mala kadhaa angeniangalia kwa namna ile aliyozoea kuniangalia. Kilichonivutia zaidi kwa binti huyu ni namna anavyojua kuigiza, yaani licha ya kuwepo kwa mazungumzo ya kufurahisha pale ndani lakini yeye hakujihangaisha nayo kabisa. Angezizungusha mboni za macho yake kwa awamu, mithili ya mshale wa saa kabla ya kuzilejesha tena kwenye mhimili wake ambao ni ile simu aliyoishikilia mkononi. Alikuwa mwepesi kunikwepa kila tulipokutanisha macho, angejidai kuangalia chini au kuigiza kuchezea simu. Haikutokea mala moja, ilikuwa zaidi ya mala mbili kiasi kwamba mimi mwenyewe nikajikuta nikiufurahia mchezo wa binti yule. Kila tukiangaliana, anakwepa. Anaigiza kuchezea simu au kuangalia pembeni kisha taratibu mithili ya kuku asiye na kumbukumbu angeanza kuniangalia tena, nikimtazama ananikwepa tena. Ikafika wakati nikaamua nimtegee mtego ili niiumbue janja yake, alipoigiza kuchezea simu nami nikajifanya kuangalia pembeni, kisha nikageuza macho haraka nikamfuma akiniangalia. Hapo alikubali kuwa kakamatika, akanitunuku zawadi safi ya tabasamu lake mwanana ambalo sikuwahi kuliona hapo kabla. Nililidhishwa sana na zawadi ile, kisha nikairudisha kama ilivyokuja. Amakweli leo nilijikuta nikipendezwa na michezo ya binti huyu tofauti na ilivyokuwa mwanzo. Hata hivyo bado sikumuelewa sana binti huyu mkimya, asiyependa kamwe kuchangamana na wenzake; muda wote yupo kimya, huwezi kumkuta akiongea na watu. “Hata hivyo ni kazuri,” nilijisemea kimoyomoyo kisha nikaachana naye. Sasa nikaanza kishiriki mala moja moja katika maongezi yaliyokuwa yakiendelea.
Muda ulisogea kwa haraka sana, familia ya mzee Gelo walitaka kuondoka, wakahitaji kupata muda wa kuongea na mimi kabla hawajaondoka. Ikamlazimu nesi kuwaomba wote waliokuwa chumbani watoke, watupishe kwa muda kisha wangerudi baadae. Waliondoka wanafunzi wenzangu, walimu na marafiki zangu. Kilichonishangaza ni baada ya kugundua hata Eliza aliondoka. Chumbani tulibaki watu wawili tu, mimi na mama Eliza; hata Nesi wangu aliondoka baada ya kuhakikisha watu wote wameondoka. Nilipata wasaa mzuri wa kuongea na mama Eliza, akanieleza kila kilichotokea na kile kinachoendelea mpaka kufika dakika ile. Mama huyu ndiye alikuwa nyuma ya matibabu ya kibingwa niliyokuwa nikiyapata, amekuwa akifika hospitalini kila siku tokea siku ya kwanza alipopata taarifa za ajali iliyonipata wakati wa mafunzo. “Simu iliyopigwa nyumbani ilipokelewa na Eliza, kwa wakati huo mimi na baba Eliza hatukuwepo nyumbani. Yeye akawa mtu wa kwanza kufika chuoni kukutazama. Taarifa ya kilichokupata nilipewa na mwanangu wa kwanza, Josefu ambaye bila shaka hujawahi kumuona. Mpaka ninafika hapa nilikuta tayali umeshawekwa chumba cha daktari. Mshukuru sana Mungu kwa kukuweka hai mpaka leo maana hali yako ilikuwa mbaya sana, mpaka matabibu wanafika walikukuta katika hali ya kufa. Mungu kakuponya kwa sababu ya vilio na machozi ya wengi, yaliyomwagika kuulilia uhai wako. Wazazi wako, rafiki zako na wote waliopata taarifa za ajari iliyokukuta walikuombea, wale wote unaowajua na usiowajua. Huenda ni kwa sababu ya Eliza ndiyo maana Mungu aliuweka uhai wako, zikafanikiwa jitihada za matabibu mpaka leo ukawa hai hivyo ulivyo.” Nilitulia kwa umakini kusikiliza maneno mazito ya mama Eliza, aliyeongea mithili ya mchungaji kanisani, akinihubiria.
Aliendelea kunieleza namna mambo yalivyokuwa magumu kipindi chote nilipokuwa nimepotewa na fahamu. Kwamba ilifikia wakati akatamani kunisafirisha kwenda hospitali kuu ya taifa, ikashindikana baada wataalamu wa afya kushauri niendelee kutibiwa eneo lile. Isingekuwa vizuri kumsafirisha mgonjwa mahtuti kama nilivyokuwa, wakashauri niendelee kutibiwa palepale mpaka hali itakapotengamaa kidogo. Ushauri wa madaktari haukuwa mwisho wa jitihada zake, akaamua kuwaleta madaktari bingwa toka hospitali kuu ya taifa kuja kulichunguza kwa undani zaidi tatizo langu. Hawa ndio walionifanyia oparesheni ya kichwa na kifua, wakakiweka sawa kila kilichoharibiwa na ajali iliyonipata, hasa zile mbavu zangu zilizopanguka wakati wa ajali. Hata yule nesi wangu hakuwa muuguzi wa hospitali ya chuo, alitokea hospitali kuu ya taifa. Ujio wake ndani ya hospitali ya chuo ilikuwa kwa ajili yangu, kuniuguza mimi mtoto wa mkulima, mtoto wa dalali. “Nimeamua nikueleze yote hayo kwasababu afya yako imeanza kutengamaa. Sioni kama ni busara tena kuamua kitu chochote kinachokuhusu pasipo kukushirikisha. Sasa hari yako ni nzuri kidogo, tuliwaza tukuhamishie hospitali kuu ya taifa kwa uangalizi wa karibu zaidi, sijui wewe unasemaje hapo.” Melezo hayo yalinishangaza sana, nikaishukuru sana familia ya mzee Gelo kwa upendo wao kwangu na msaada mkubwa walioutoa kugharamikia matibabu yangu mpaka hapo nilipo. Bila wao sijui ningekuwaje mimi, labda ningeshakufa na kuzikwa; nikasahaulika.
Ukweli ni kwamba, kwa namna tukio lilivyotokea, ilikuwa vigumu sana kupona pasipo kupata matibabu ya halaka. Siyo matibabu tu ya kupewa vidonge na vipimo vya choo na mkojo ambayo hata kapuku mimi ningemudu kuyapata, bali matibabu ya kibingwa, toka kwa matabibu mahiri wanaoijua vema sanaa ya utabibu. Nilikumbuka kwa uzuri namna tukio lilivyotokea, namna nilivyobanwa ghafla na vyuma vilivyoniangukia na kuuchana upande wa kushoto wa ubavu wangu. Kilikuwa kitendo cha kufumba na kufumbua nikawa nimelowa damu iliyochuruzika kwa kasi kama vile ilikuwa ikishindana. Jitihada zangu za kijiokoa ndizo zilizidishia maumivu, nikahisi mvunjiko wa kitu kifuani kwangu kisha nikaangukiwa na chuma kizito kichwani, ukawa ndiyo mwanzo wa kutoweka kwa fahamu zangu. Nilimshukuru sana mama Eliza na mzee Gelo ambaye nilijulishwa kwamba hakuwepo nchini kwa zaidi ya wiki mbili sasa. Nilijiona kuwa na bahati ya kukubalika na familia ile yenye upendo wa ajabu. Niliukubali bila pingamizi uamuzi wao wa kunihamishia hospitali kuu ya taifa, nisingeweza kupingana na maoni ya watu walioijua vizuri hali yangu. Mama Eliza aliniaga, akaondoka. Wakabaki wanafunzi wenzangu na marafiki zangu ambao hawakukaa sana, nao wakaondoka kwa maana mda wa kutazama wagonjwa ulikuwa umeisha.
Ni kama vile wimbi la upweke lilipishana na wageni wangu wakati wakiondoka, walivyoufunga tu mlango, nikaanza kujihisi upweke wa ajabu uliombatana na mawazo mengi yaliyoniumiza kichwa changu. Haikupita hata dakika moja, nikauona mlango ukifunguka. Aliingia Nesi wangu akiwa na tabasamu la haja usoni mwake; mikono yake aliiweka nyuma kwa namna ya kukificha kitu alichokishikilia. “Otea nimeshika nini, otea.” Ilikuwa kauli yake ya kwanza mala tu aliponifikia..........
(Kila kitu kimeshakamilika, Simulizi ipo tayali. Ili kujua nini kiliendelea, tembelea uzi huu jioni ya kila siku kuanzia leo.)
- Thread starter
- #44
😂😂🤣😂😂😂🤣🤣
Fanya uanze leo maana hii ni uhakika. Naimaliza.
Benoit
JF-Expert Member
- Jun 1, 2026
- 754
- 1,692
Usijali mimi mkongwe humu, nazijua hizo
- Thread starter
- #46
Sawasawa mkubwa.
Mnachihanguuu
JF-Expert Member
- Feb 10, 2023
- 6,406
- 9,826
Safi sana mkuu
babukijana
JF-Expert Member
- Jul 21, 2009
- 16,439
- 21,141
Weka vitu hapa salamu ya nini
- Thread starter
- #50
Pamoja sana mkuu.🤣🤣🤣🤣
Nipe dakika moja, Naweka mambo sawa.
- Thread starter
- #51
TULIPOISHIA
Haikupita hata dakika moja, nikauona mlango ukifunguka. Aliingia Nesi wangu akiwa na tabasamu la haja usoni mwake; mikono yake aliiweka nyuma kwa namna ya kukificha kitu alichokishikilia. “Otea nimeshika nini, otea.” Ilikuwa kauli yake ya kwanza mala tu aliponifikia..........
ENDELEA
(Uwe mchicha mlenda, Vinanitoa udenda,)
Kusemakweli sikupendezwa na tabia zake za kunisumbuasumbua kila wakati, lakini niliufurahia uwepo wake ulionifanya kuyasahau magumu ninayoyapitia. Ukimya wangu haukumfanya kuacha kunisumbua, vile nilivyojifanya kutomzingatia ndivyo alinisumbua zaidi. Sasa akaongeza maneno kwenye kile alichoniuliza mwanzo, akaanza kuniuliza nitabiri nini amekishika, nani aliyekiandaa, nani kakileta na kwa nini kimeletwa. Niliamua kufanya vile alivyotaka; kumlidhisha ili aniache nipumzike. Niliotea zaidi ya mala kumi bila kupatia, kila mala nilipotamka alijibu siyo, huku akinisisitiza niendelee kuotea. “Ukipatia kuna zawadi yako” yalikuwa maneno yake ya kunihamasisha kufanya kile anachokitaka. Alipoona ninalekea kuchoshwa na mchezo wake, aliamua kunionesha kile alichokuwa nacho. “Haya, fumba macho nikuoneshe.” Aisee, mpaka nilichoka, yaani likitoka hili linakuja lile. Sikuwa tayali kufumba macho wala sikutaka kuendeleza tena mchezo ule wa kitoto. Nesi wangu alionekana kuumizwa na kitendo changu cha kutotekeleza kile alichokitaka, hata ile furaha yake ya wakati wote ilitoweka. Nilipumua kidogo, nikajua nimemuweza; asingeendelea kunisumbua tena. Hali yake ilibadilika ghafla aliponionesha kile alichokishikilia. “Saapraaaaiiiiiz!!”
Ilikuwa surprise kweli kweli, hata mimi nilishangazwa sana na kile alichokishikilia. Kilikuwa chombo changu maarufu kama bobo nililopenda kulitumia wakati wa chakula. Kwa kumbukumbu zangu, mala ya mwisho nililiacha kule nilipomkimbia Salome wakati wa chakula cha mchana. “Sasa amekipataje?” liliibuka swali kichwani mwangu. Hakuniruhusu kuwa na mda wa kuumiza kichwa kuwaza, akaanza kunipa maelezo marefu yaliyoniacha kinywa wazi. Alinieleza kwamba chakula kile kimeletwa na Salome, akanisisitiza nile nikimalize ili nisiiumize roho ya mrembo yule. Midomo yake aliisogeza karibu na sikio langu, akaongea kwa sauti ya kunong’oneza, “Amesema anakupenda sana. Usimuangushe.” Nilikubali kula chakula kile kwa sharti moja, anieleze kila kitu kilichotokea kipindi nimezirahi. Nafasi hii niliiona kuwa fursa adimu ya kumuagiza afanye kile nilichokitaka. Nilikiamini asingenibishia maana lengo lake ilikuwa nile chakula, mengine yalikuwa mbwembwe tu. Hakugomea sharti langu, lakini akanitaka kwanza nimalize kula chakula ndipo anieleze yote.
Nilikula chakula nikashiba, kingine kikanishinda, akaanza kunieleza kile nilichokitaka huku akinilisha taratibu kwa makubaliano kwamba chakula kikiisha ndipo naye atayamalizia maelezo yake. “Mungu anakupenda sana mgonjwa wangu,” ndivyo alivyoyaanza maelezo yake. Hakuishia hapo, alinieleza kila kitu kwa undani kabisa, zaidi ya vile alivyonieleza mama Eliza. Mpaka anamaliza maelezo yake nilikuwa nimeelewa kila kitu. Nilichofanyiwa na familia ya mzee Gelo, hakukuwa kukubalika kwangu, wala hayakuwa mapenzi ya kawaida waliyonayo kwa kila mtu. Ulikuwa upendo wa kupindukia walionao kwa kitindamimba wao Eliza. Hapo ndipo niliikumbuka vema kauli ya mama Eliza, aliyoiongea wakati akiniaga. “Huenda ni kwa sababu ya Eliza ndiyo maana Mungu aliuweka uhai wako, zikafanikiwa jitihada za matabibu mpaka leo ukawa hai hivyo ulivyo.” Mda ule sikuwa nimeielewa vema kauli hii, lakini sasa nilianza kuhisi kitu cha ziada kilichojificha ndani ya kauli hii. Nilimshirikisha Nesi wangu ule wasiwasi wangu, naye akaniitikia “ndiyo,” mawazo yako ni sahihi.
**********************************************************************************************************************
Siku mbili baadaye ndipo nilisafirishwa toka hospitali ya chuo, mpaka hospitali kuu ya taifa. Safari ilikuwa nzuri sana ambayo bila shaka ningeifurahia zaidi kama ingenikuta nikiwa mzima wa afya. Tofauti na sasa nilipokuwa nimelala kitandani; nimefungwa mithili ya mzigo wa kuni nisiweze hata kutikisika kitandani. Vyuma imara viliushikilia vizuri mwili wangu, nikawa nimetulia pasipo kuyumbishwa na mchakacho wa taili za gari la wagongwa nililopakizwa, lilikimbia kwa mwendo wa kasi sana. Sauti ya king’ora cha gari kilichopulizwa tangu mwanzo wa safari; iligeuka ikawa kama wimbo masikioni mwangu, uliozisindikiza vema fikra za kichwa changu. Moyo wangu ulikuwa na furaha, nilifurahishwa na kitendo cha Nesi wangu kunitimizia lile hitajio la moyo wangu; kunikutanisha na yule aliyeziteka na kuziendesha hisia zangu. Nilikumbuka vizuri tukio la asubuhi ya siku ile, namna nilivyoongea na Nesi wangu, nikamueleza ile shauku iliyoujaza moyo wangu, shauku ya kumuona asali wa moyo wangu. Nilimuomba anikutanishe na Salome, binti aliyeziteka hisia zangu kwa kiasi kikubwa, naye hakulikataa ombi langu, alinitimizia kile nilichomuomba.Nilipata muda kutosha kuongea na Salome katika faragha iliyoshuhudiwa na mboni za macho manne tu, yaani mimi na Salome aliyekaa pembeni yangu.
Neno NAKUPENDA ni neno fupi lenye silabi nne tu, lakini huwa lefu sana kila ninapotaka kulitamka mbele ya binti wa rika langu. Binti aliyezivutia hisia zangu, nikamuona kustahili kuambiwa neno hilo. Tangia nilipobarehe na kuanza kupata na hisia za mapenzi. Nikaijua tofauti ya wanawake, wasichana na mabinti wazuri; warembo waliozivutia hisia zangu. Midomo yangu imewahi kulitamka neno hili mala moja tu, mbela ya binti mrembo aliyelielewa kwa wakati huo; baadae akalipuuzia. Hivi sasa ilikuwa mala nyingine tena, nilipanga kulitamka kwa ujasiri mbele ya Salome mrembo wa kizanzibari aliyeziteka hisia zangu. Japo nilijiandaa sana kufanya kufanya hivyo, lakini nilishindwa kutamka moja kwa moja kama nilivyopanga. Ilinilazimu kuzunguka kidogo, nikatamka maneno mengine mengi kama vile naandika insha kabla ya kulifikia neno lengwa, “Nakupenda sana Salome, nakupenda kweli toka moyoni.” Nilizishusha pumzi zangu kwa nguvu baada ya kutamka maneno hayo, nikamwangalia mrembo Salome nikisubiri kwa hamu kubwa jibu atakalonipatia.
Hakuongea chochote, aliniangalia usoni kwa macho ya hamu yaliyoziacha vibaya hisia zangu; mikono yake aliiweka juu ya mapaja yake kama aliyekuwa akijikuna. Mapigo ya moyo wangu yalidunda mbio, yakaongeza kasi kila nilipogonganisha macho na Salome aliyekuwa mtulivu kwa muda wowote. Aliniangalia kwa macho ya huruma kisha akaongea maneno ambayo mpaka sasa bado yanazunguka kichwani mwangu. “Nashukuru sana kwa upendo wako Mhanuzi. Nilishaamini kama unanipenda tangu siku ya kwanza nilipokuona, hata mimi nilikupenda pia ila kwa sasa naogopa usijenifanyia kama ulivyofanya mwanzo, unafikiri nitafanya nini kama utaniambia maneno mazuri sasa; baadae unipotezee? Mimi nasubiri mpaka upone, kama utanihitaji tena nitakuwa wakwako. Kwa sasa hapana, sitaki hata unipende.” Maneno ya Salome yalinifanya kujihisi hatia kwa kile nilichozoea kukifanya. Nilihisi maumivu ya kukataliwa, upotezewa na mtu uliyempenda na kumuamini; ukamfanya kuwa mtalajiwa wako. Mpaka naingia ndani ya chumba cha hospitali kuu ya taifa, bado kumbukumbu hii haikufutika kichwani mwangu.
**********************************************************************************************************************
Halikuwa badiliko la mala moja, ilikuwa kadli siku zilivyosogea ndivyo nilizidi kuupata unafuu, sasa nikaruhusiwa kuwa huru japo sikuruhusiwa kukiacha kitanda nilichokilalia kwa muda mrefu. Vile vyuma nilivyofungiwa kwa wakati wote sasa vilitolewa, nikawa huru kujigeuza vile nipendavyo. Hata yale maumivu ya upande wa kushoto wa kifua changu, yalipungua kwa kiasi kikubwa. “Mdogo mdogo ndio mwendo kama walivyosema wahenga, na jambo zuri halihitaji halaka. Subra na uvumilivu huumba ukamilifu.” Nilianza kuuona ukweli wa kauli hii, kauli aliyopenda kuizungumza Nesi wangu kila awapo akinibadilishia dawa. Leo hii ninatimiza siku ya kumi na saba, yaani wiki mbili na siku tatu nikiwa ndani ya chumba cha wagonjwa katika jengo la hospitali kuu ya taifa. Sikujulikana ndani ya eneo hili, sikuwa na ndugu yeyote anayeishi ndani ya jiji hili yalipo makao makuu ya taifa wala hakuwepo mtu yeyote ambaye angefika kila siku kunijulia hali kama ilivyokuwa mwanzo. Nilikuwa mbali na watu wangu wote wa karibu, waliohudhuria kila siku ndani ya hospitali ya chuo kunijulia hali. Siyo wale marafiki zangu wala familia ya mzee Gelo ambao wangemudu kusafiri umbali wa zaidi ya kilomita elfu moja kila siku kuja kuniona. Ingekuwa safari ngumu inayochukua zaidi ya nusu siku njiani, asingeiweza mama Eliza ambaye huhudhuria mahakamani kila siku ya kazi, ama wanafunzi wenzangu ambao huhudhuria vipindi darasani kwa kila siku. Mtu pekee aliyeimudu safari hiyo ni binti kitindamimba wa mzee Gelo, Eliza aliyefika hospitalini kila baada ya siku tatu.
Mwanzoni nilihofia kupitia mala mbili ya upweke niliouhisi ndani ya hospitali ya chuo, lakini hilo halikutokea kabisa. Sikujihisi mpweke hata dakika moja. Si kwa sababu nilipata wageni wa mala kwa mala ombao wangenichangamsha, ni kwasababu ya uwepo wa mtu ambaye sasa alikuwa mhimu kwangu zaidi ya ugeni wa watu kumi kwa siku. Hakuwa mwingine, ni Nesi wangu ambaye sasa nilimfahamu kwa jina lake halisi; Rukundo, jina la asili lenye maana ya Upendo. Sikumuiita Rukundo ama Upendo kama ilivyojitambulisha kwangu, niliifupisha tafsiri ya jina lake nikambatiza upya kwa kumuita Pendo. Huyu alikuwa ndiye kila kitu kwangu kwa wakati huo, uwepo wake uliufukuza upweke ulioitesa nafsi yangu, nikamzoea kiasi cha roho yangu kujihisi vibaya nisipomuona karibu yangu. Nilimkubali zaidi pale aliponihadithia namna gani alikabidhiwa jukumu la kuniuguza. Hadithi iliyobadilisha mtazamo wangu mbaya juu ya binti huyu. Sikumsumbua tena kwa chochote; nikaanza kumsikiliza na kutii kila alichonielekeza. Hadithi yake ilianza kwa ombi la msamaha, akaniomba nimsamehe kwa uzembe na ujinga wa kushindwa kuniuguza ipasavyo....
ITAENDELEA.Haikupita hata dakika moja, nikauona mlango ukifunguka. Aliingia Nesi wangu akiwa na tabasamu la haja usoni mwake; mikono yake aliiweka nyuma kwa namna ya kukificha kitu alichokishikilia. “Otea nimeshika nini, otea.” Ilikuwa kauli yake ya kwanza mala tu aliponifikia..........
ENDELEA
(Uwe mchicha mlenda, Vinanitoa udenda,)
Kusemakweli sikupendezwa na tabia zake za kunisumbuasumbua kila wakati, lakini niliufurahia uwepo wake ulionifanya kuyasahau magumu ninayoyapitia. Ukimya wangu haukumfanya kuacha kunisumbua, vile nilivyojifanya kutomzingatia ndivyo alinisumbua zaidi. Sasa akaongeza maneno kwenye kile alichoniuliza mwanzo, akaanza kuniuliza nitabiri nini amekishika, nani aliyekiandaa, nani kakileta na kwa nini kimeletwa. Niliamua kufanya vile alivyotaka; kumlidhisha ili aniache nipumzike. Niliotea zaidi ya mala kumi bila kupatia, kila mala nilipotamka alijibu siyo, huku akinisisitiza niendelee kuotea. “Ukipatia kuna zawadi yako” yalikuwa maneno yake ya kunihamasisha kufanya kile anachokitaka. Alipoona ninalekea kuchoshwa na mchezo wake, aliamua kunionesha kile alichokuwa nacho. “Haya, fumba macho nikuoneshe.” Aisee, mpaka nilichoka, yaani likitoka hili linakuja lile. Sikuwa tayali kufumba macho wala sikutaka kuendeleza tena mchezo ule wa kitoto. Nesi wangu alionekana kuumizwa na kitendo changu cha kutotekeleza kile alichokitaka, hata ile furaha yake ya wakati wote ilitoweka. Nilipumua kidogo, nikajua nimemuweza; asingeendelea kunisumbua tena. Hali yake ilibadilika ghafla aliponionesha kile alichokishikilia. “Saapraaaaiiiiiz!!”
Ilikuwa surprise kweli kweli, hata mimi nilishangazwa sana na kile alichokishikilia. Kilikuwa chombo changu maarufu kama bobo nililopenda kulitumia wakati wa chakula. Kwa kumbukumbu zangu, mala ya mwisho nililiacha kule nilipomkimbia Salome wakati wa chakula cha mchana. “Sasa amekipataje?” liliibuka swali kichwani mwangu. Hakuniruhusu kuwa na mda wa kuumiza kichwa kuwaza, akaanza kunipa maelezo marefu yaliyoniacha kinywa wazi. Alinieleza kwamba chakula kile kimeletwa na Salome, akanisisitiza nile nikimalize ili nisiiumize roho ya mrembo yule. Midomo yake aliisogeza karibu na sikio langu, akaongea kwa sauti ya kunong’oneza, “Amesema anakupenda sana. Usimuangushe.” Nilikubali kula chakula kile kwa sharti moja, anieleze kila kitu kilichotokea kipindi nimezirahi. Nafasi hii niliiona kuwa fursa adimu ya kumuagiza afanye kile nilichokitaka. Nilikiamini asingenibishia maana lengo lake ilikuwa nile chakula, mengine yalikuwa mbwembwe tu. Hakugomea sharti langu, lakini akanitaka kwanza nimalize kula chakula ndipo anieleze yote.
Nilikula chakula nikashiba, kingine kikanishinda, akaanza kunieleza kile nilichokitaka huku akinilisha taratibu kwa makubaliano kwamba chakula kikiisha ndipo naye atayamalizia maelezo yake. “Mungu anakupenda sana mgonjwa wangu,” ndivyo alivyoyaanza maelezo yake. Hakuishia hapo, alinieleza kila kitu kwa undani kabisa, zaidi ya vile alivyonieleza mama Eliza. Mpaka anamaliza maelezo yake nilikuwa nimeelewa kila kitu. Nilichofanyiwa na familia ya mzee Gelo, hakukuwa kukubalika kwangu, wala hayakuwa mapenzi ya kawaida waliyonayo kwa kila mtu. Ulikuwa upendo wa kupindukia walionao kwa kitindamimba wao Eliza. Hapo ndipo niliikumbuka vema kauli ya mama Eliza, aliyoiongea wakati akiniaga. “Huenda ni kwa sababu ya Eliza ndiyo maana Mungu aliuweka uhai wako, zikafanikiwa jitihada za matabibu mpaka leo ukawa hai hivyo ulivyo.” Mda ule sikuwa nimeielewa vema kauli hii, lakini sasa nilianza kuhisi kitu cha ziada kilichojificha ndani ya kauli hii. Nilimshirikisha Nesi wangu ule wasiwasi wangu, naye akaniitikia “ndiyo,” mawazo yako ni sahihi.
**********************************************************************************************************************
Siku mbili baadaye ndipo nilisafirishwa toka hospitali ya chuo, mpaka hospitali kuu ya taifa. Safari ilikuwa nzuri sana ambayo bila shaka ningeifurahia zaidi kama ingenikuta nikiwa mzima wa afya. Tofauti na sasa nilipokuwa nimelala kitandani; nimefungwa mithili ya mzigo wa kuni nisiweze hata kutikisika kitandani. Vyuma imara viliushikilia vizuri mwili wangu, nikawa nimetulia pasipo kuyumbishwa na mchakacho wa taili za gari la wagongwa nililopakizwa, lilikimbia kwa mwendo wa kasi sana. Sauti ya king’ora cha gari kilichopulizwa tangu mwanzo wa safari; iligeuka ikawa kama wimbo masikioni mwangu, uliozisindikiza vema fikra za kichwa changu. Moyo wangu ulikuwa na furaha, nilifurahishwa na kitendo cha Nesi wangu kunitimizia lile hitajio la moyo wangu; kunikutanisha na yule aliyeziteka na kuziendesha hisia zangu. Nilikumbuka vizuri tukio la asubuhi ya siku ile, namna nilivyoongea na Nesi wangu, nikamueleza ile shauku iliyoujaza moyo wangu, shauku ya kumuona asali wa moyo wangu. Nilimuomba anikutanishe na Salome, binti aliyeziteka hisia zangu kwa kiasi kikubwa, naye hakulikataa ombi langu, alinitimizia kile nilichomuomba.Nilipata muda kutosha kuongea na Salome katika faragha iliyoshuhudiwa na mboni za macho manne tu, yaani mimi na Salome aliyekaa pembeni yangu.
Neno NAKUPENDA ni neno fupi lenye silabi nne tu, lakini huwa lefu sana kila ninapotaka kulitamka mbele ya binti wa rika langu. Binti aliyezivutia hisia zangu, nikamuona kustahili kuambiwa neno hilo. Tangia nilipobarehe na kuanza kupata na hisia za mapenzi. Nikaijua tofauti ya wanawake, wasichana na mabinti wazuri; warembo waliozivutia hisia zangu. Midomo yangu imewahi kulitamka neno hili mala moja tu, mbela ya binti mrembo aliyelielewa kwa wakati huo; baadae akalipuuzia. Hivi sasa ilikuwa mala nyingine tena, nilipanga kulitamka kwa ujasiri mbele ya Salome mrembo wa kizanzibari aliyeziteka hisia zangu. Japo nilijiandaa sana kufanya kufanya hivyo, lakini nilishindwa kutamka moja kwa moja kama nilivyopanga. Ilinilazimu kuzunguka kidogo, nikatamka maneno mengine mengi kama vile naandika insha kabla ya kulifikia neno lengwa, “Nakupenda sana Salome, nakupenda kweli toka moyoni.” Nilizishusha pumzi zangu kwa nguvu baada ya kutamka maneno hayo, nikamwangalia mrembo Salome nikisubiri kwa hamu kubwa jibu atakalonipatia.
Hakuongea chochote, aliniangalia usoni kwa macho ya hamu yaliyoziacha vibaya hisia zangu; mikono yake aliiweka juu ya mapaja yake kama aliyekuwa akijikuna. Mapigo ya moyo wangu yalidunda mbio, yakaongeza kasi kila nilipogonganisha macho na Salome aliyekuwa mtulivu kwa muda wowote. Aliniangalia kwa macho ya huruma kisha akaongea maneno ambayo mpaka sasa bado yanazunguka kichwani mwangu. “Nashukuru sana kwa upendo wako Mhanuzi. Nilishaamini kama unanipenda tangu siku ya kwanza nilipokuona, hata mimi nilikupenda pia ila kwa sasa naogopa usijenifanyia kama ulivyofanya mwanzo, unafikiri nitafanya nini kama utaniambia maneno mazuri sasa; baadae unipotezee? Mimi nasubiri mpaka upone, kama utanihitaji tena nitakuwa wakwako. Kwa sasa hapana, sitaki hata unipende.” Maneno ya Salome yalinifanya kujihisi hatia kwa kile nilichozoea kukifanya. Nilihisi maumivu ya kukataliwa, upotezewa na mtu uliyempenda na kumuamini; ukamfanya kuwa mtalajiwa wako. Mpaka naingia ndani ya chumba cha hospitali kuu ya taifa, bado kumbukumbu hii haikufutika kichwani mwangu.
**********************************************************************************************************************
Halikuwa badiliko la mala moja, ilikuwa kadli siku zilivyosogea ndivyo nilizidi kuupata unafuu, sasa nikaruhusiwa kuwa huru japo sikuruhusiwa kukiacha kitanda nilichokilalia kwa muda mrefu. Vile vyuma nilivyofungiwa kwa wakati wote sasa vilitolewa, nikawa huru kujigeuza vile nipendavyo. Hata yale maumivu ya upande wa kushoto wa kifua changu, yalipungua kwa kiasi kikubwa. “Mdogo mdogo ndio mwendo kama walivyosema wahenga, na jambo zuri halihitaji halaka. Subra na uvumilivu huumba ukamilifu.” Nilianza kuuona ukweli wa kauli hii, kauli aliyopenda kuizungumza Nesi wangu kila awapo akinibadilishia dawa. Leo hii ninatimiza siku ya kumi na saba, yaani wiki mbili na siku tatu nikiwa ndani ya chumba cha wagonjwa katika jengo la hospitali kuu ya taifa. Sikujulikana ndani ya eneo hili, sikuwa na ndugu yeyote anayeishi ndani ya jiji hili yalipo makao makuu ya taifa wala hakuwepo mtu yeyote ambaye angefika kila siku kunijulia hali kama ilivyokuwa mwanzo. Nilikuwa mbali na watu wangu wote wa karibu, waliohudhuria kila siku ndani ya hospitali ya chuo kunijulia hali. Siyo wale marafiki zangu wala familia ya mzee Gelo ambao wangemudu kusafiri umbali wa zaidi ya kilomita elfu moja kila siku kuja kuniona. Ingekuwa safari ngumu inayochukua zaidi ya nusu siku njiani, asingeiweza mama Eliza ambaye huhudhuria mahakamani kila siku ya kazi, ama wanafunzi wenzangu ambao huhudhuria vipindi darasani kwa kila siku. Mtu pekee aliyeimudu safari hiyo ni binti kitindamimba wa mzee Gelo, Eliza aliyefika hospitalini kila baada ya siku tatu.
Mwanzoni nilihofia kupitia mala mbili ya upweke niliouhisi ndani ya hospitali ya chuo, lakini hilo halikutokea kabisa. Sikujihisi mpweke hata dakika moja. Si kwa sababu nilipata wageni wa mala kwa mala ombao wangenichangamsha, ni kwasababu ya uwepo wa mtu ambaye sasa alikuwa mhimu kwangu zaidi ya ugeni wa watu kumi kwa siku. Hakuwa mwingine, ni Nesi wangu ambaye sasa nilimfahamu kwa jina lake halisi; Rukundo, jina la asili lenye maana ya Upendo. Sikumuiita Rukundo ama Upendo kama ilivyojitambulisha kwangu, niliifupisha tafsiri ya jina lake nikambatiza upya kwa kumuita Pendo. Huyu alikuwa ndiye kila kitu kwangu kwa wakati huo, uwepo wake uliufukuza upweke ulioitesa nafsi yangu, nikamzoea kiasi cha roho yangu kujihisi vibaya nisipomuona karibu yangu. Nilimkubali zaidi pale aliponihadithia namna gani alikabidhiwa jukumu la kuniuguza. Hadithi iliyobadilisha mtazamo wangu mbaya juu ya binti huyu. Sikumsumbua tena kwa chochote; nikaanza kumsikiliza na kutii kila alichonielekeza. Hadithi yake ilianza kwa ombi la msamaha, akaniomba nimsamehe kwa uzembe na ujinga wa kushindwa kuniuguza ipasavyo....
(Kila kitu kimeshakamilika, Simulizi ipo tayali. Ili kujua nini kiliendelea, tembelea uzi huu jioni ya kila siku kuanzia leo.)
- Thread starter
- #52
Mnachihanguuu
JF-Expert Member
- Feb 10, 2023
- 6,406
- 9,826
Safi mkuu pongezi nyingi kwako
Mha NUZI wangu
JF-Expert Member
- Dec 18, 2024
- 294
- 255
🤣🤣🤣🤣🤣🤣🤣🤣
- Thread starter
- #56
TULIPOISHIA
Nilimkubali zaidi pale aliponihadithia namna gani alikabidhiwa jukumu la kuniuguza. Hadithi iliyobadilisha mtazamo wangu mbaya juu ya binti huyu. Sikumsumbua tena kwa chochote; nikaanza kumsikiliza na kutii kila alichonielekeza. Hadithi yake ilianza kwa ombi la msamaha, akaniomba nimsamehe kwa uzembe na ujinga wa kushindwa kuniuguza ipasavyo.......
ENDELEA
(Kuna kizuri kibaya, Kuna kibaya kizuri.)
Mimi ni mwanafunzi wa mwaka wa tatu ndani ya chuo kikuu cha afya cha taifa. Taaluma yangu imejikita zaidi katika masuala ya uuguzi na saikolojia ya magonjwa na wagonjwa kama wewe. >>>>>>>
Ilikuwa mwanzoni mwa mwezi wangu wa pili wa mafunzo ya vitendo (field practices) ndani ya hospitali kuu ya taifa, ndipo nilipokea ujumbe wa simu toka kwa msimamizi wa mafunzo yangu hospitalini. Jina lake ni Josefu Gelo daktari bingwa wa magonjwa ya moyo. Alinieleza kwamba kuna kazi ya kumuuguza ndugu yake natakiwa kuifanya, hakuniagiza kama msimamizi; aliniomba kwa ridhaa yangu nimsaidie. Sikuweza kumkatalia kwamaana nilijua ile ndiyo kazi yenyewe ya kuniongezea alama za masomo.>>>>>>>
Jioni ileile tulitafutiwa usafiri wa ndege ya kukodi, mimi na madaktari watatu ambao ndio walikufanyia matibabu yote. Sikukuona kabla ya upasuaji, ila niliruhusiwa kukuhudumia baada ya upasuaji. Nilikushuhudia kwa macho yangu ukiwa katika koma, umepoteza fahamu kama mtu aliyekwisha kufa, hali ile iliniogopesha sana. Japo nilielewa nini napaswa kufanya lakini niliingiwa na hofu kubwa sana kwasababu sikuwa na uzoefu wa kazi hii. Niliogopa kumuuguza mgonjwa mahututi kiasi kile, tena mwanaume mwenye jinsia tofauti yangu. >>>>>>>>>>>>
Niliamua kuongea na daktari Gelo, nikamuomba anibadilishie majukumu kwani nisingeweza kukuhudumia katika hali ile, niliogopa hatia ya moyo pale nitakapokushuhudia ukikata roho mikononi mwangu kwasababu hilo ndilo nililiona. Daktari alinielewa, hakulikataa ombi langu, akanitaka nijiandae kurudi na madaktari wale mala tu watakapokamilisha kazi yao. Madaktari hawakuondoka kwa siku ya kwanza, ya pili wala ya tatu, ilikuwa siku ya nne ndipo walipanga kuondoka. Kuondoka kwao hakukuwa kwa kushindwa, ilikuwa baada ya kufanikiwa; wakiwa na tumaini kubwa la kupata matokeo chanya ya kazi waliyoifanya. Kwa siku zote hizo mimi ndiye nilikuuguza, nikisubiria kukabidhi jukumu hilo kwa wauguzi wa hospitali ya chuo chenu mala tu utakapofika muda wa kuondoka. >>>>>>>>>>
Kadli safari ilivyokolea ndivyo nilipatwa na hisia mbaya moyoni, hisia za hatia kali iliyoutafuna moyo wangu, hatia ya usaliti wa kumtelekeza mgonjwa mahututi asiyejiweza kitandani. Muda huu tulikuwa ndani ya gari la wagonjwa la chuoni kwenu; kuelekea uwanja wa ndege ambako tungepanda ndege ya jioni ya kuturudisha hospitali kuu. >>>>>>>>>>>>>>>>>>>>
Mpaka tunafika uwanja wa ndege tayali roho yangu ilikuwa imedhoofu sana, sikuwa nikiihisi hatia ya usaliti tena; sasa ilikuwa hatia ya mauaji, kana kwamba nilifanya uamuzi utakaopelekea mauti yako. >>>>>>>>>>
Sikushuka, nilibaki ndani ya gari wenzangu waliposhuka, niliwaeleza kuwa ninarudi hospitali kumuuguza mgonjwa wangu. >>>>>>>>>>>>
Huo ndio ukawa uamuzi wangu wa mwanzo wa kuwa nawe mpaka sasa ninapokusimulia. Sikuligundua kosa nililokuwa nikilifanya mpaka pale nilipokuona kwa awamu nyingine, wakati huu ulikuwa juu ya kitanda chako; umezungukwa na wauguzi wa pale hospitali kwenu. Damu nyingi ilikuwa ikikutoka mdomoni na puani; kana kwamba ile damu iliyokuwa ikiingia mwilini mwako kupitia milija ya damu uliodungwa mkononi, iligoma kukaa ndani ya mwili ikawa inapitiliza.>>>>>>>>>
Siwalaumu wale manesi kwa kushindwa kuizuia damu ile, ninajilaumu mimi kwa kukutelekeza, nikakuacha mikononi mwa manesi ambao bila shaka hawakuwa na taaluma ya kuhudumia mgonjwa wa aina yako kama nilivyo mimi. Hata hivyo nilifanikiwa kuizuia ile damu, nikahakikisha upo kwenye hali ya usafi, kisha nikakurudisha ndani ya chumba ulichopaswa kuwepo. >>>>>>>>>>>>>
Jioni ile nilimpigia simu msimamizi wangu, nikamweleza kama nimeamua kubaki na wewe. Hakunipinga wala kunisema vibaya, alinipongeza kwa uamuzi huo, kisha akaongea kauli ambayo nawezasema ndilo funzo kubwa nililolipata katika mkasa wako. "Umefanya uamuzi mzuri sana, na hivyo ndivyo unatakiwa kuishi siku zote, usije kumkimbia mgonjwa yeyote hata awe katika hali mbaya kiasi gani. Wajibu wako ni kutafuta njia nzuri ya kumsaidia.”
Kauli yake iliilejesha ile hisia mbaya moyoni mwangu, ile hatia ya usaliti niliotaka kuufanya. Si usaliti kwa mgonjwa tu, bali usaliti wa taaluma ya ninayoipenda. Siku hiyo ikawa mwanzo rasmi wa kuishi karibu yako, nikawekeza akili na nguvu zangu kukuhudumia wewe. Kitu cha ajabu nilichogundua ni kwamba kadli nilivyozidi kukupenda na kukujali, ndivyo hali yako ilizidi kuimalika na kuwa nzuri zaidi. Nilitumaini na nikayashuhudia mabadiliko chanya kila kulipokucha. Ikafika ile siku ya ajabu ulipoyafumbua macho yako kwa mala ya kwanza. Unajua nini ulikifanya kwa mala ya kwanza ulipolejewa na fahamu? Uliichomoa mifumo ya hewa ya oksijeni iliyofungwa mdomoni na puani mwako, kitendo hicho kikanipa taswira halisi ya mtu ninayeenda kuishi nae.
***********************************************************************************************************
Mpaka hapo simulizi yake ilinifumbua macho kwa kiasi kikubwa, nikajua mengi yaliyotokea nikiwa gizani. kumbe Pendo ndiye amehangaika na mimi kwa kiasi kikubwa, tamu na chungu za ugonjwa wangu anazijua yeye. Ningeanzaje sasa kumchukia mtu kama huyo? nilijikuta nikimpenda sana binti yule aliyejitolea sana kuulea na kuutunza uhai wangu. Nilipenda na kupendezwa na kila alichonifanyia, nikaifurahia kila huduma aliyonipatia.
Siku iliyofuata ilikuwa ya furaha sana, furaha kuu iliyochangiwa na taarifa nzuri niliyopewa na marafiki zangu. Waliahidi kuja kunijulia hali itakapofika mwisho wa wiki, kilichonifurahisha zaidi ni pale nilipoongea na Salome kwa njia ya simu; akanijulisha kwamba angeambatana na marafiki zangu. Nilifurahishwa sana na taarifa hiyo, nikapanga kuongea kwa kina zaidi na mrembo huyu mala tu atakapofika, tuweke mambo sawa mapema. Sikuweza kuificha furaha yangu mbele ya Pendo, aliibaini mapema sana hata kabla sijamueleza nini ilikuwa siri ya furaha hiyo. Hata hivyo ni kama hakukizingatia sana kile nilichomueleza, aliishia kunipa hongera kwa kuwa na bahati ya kupendwa na warembo kisha akaondoka akidai kwenda kujipumzisha kidogo. “Nitarudi baadae usiku, naenda kumalizia dozi. Najihisi kuugua ugua.” Japo niliielewa sababu aliyoitoa ila nilishangazwa na taarifa hiyo. Hakuwa amenieleza suala hilo tangia asubuhi hali ya kuwa nimeshinda nae, akiwa mzima tena tukiongea maongezi ya kuvutia kama kawaida.
Huenda kilikuwa kitu kidogo sana, lakini kilinifanya kujihisi vibaya. Nilijihisi nisiyekuwa na msaada wowote kwake, ndiyo maana alinificha hata kitu kidogo kama hicho. Nilitamani ningekuwa na uwezo wa kumsaidia Pendo ambaye mala zote hunisaidia mimi. “Huenda anaumwa kweli ila anajilazimisha kunihudumia kwasababu ni sehemu ya mafunzo yake.. Anatafuta alama anazozihitaji sana kwa ajili ya elimu yake.” Niliwaza wakati nikiikumbuka vema namna hali yake ilivyobadilika ndani ya siku mbili zilizopita, hakuwa akiifanya kazi yake kwa usahihi uliotakiwa. “Ndiyo maana” nilijisemea kuthibitisha mawazo yangu.
Sikuona tena raha ya kuendelea kulala kitandani nikisubilia kuhudumiwa kwa kila kitu, nikaanza kujigeuza geuza kutafuta namna ya kujinyanyua toka kwenye kitanda kilichonibeba kwa zaidi ya mwezi mmoja sasa. Harakati zangu hazikukatishwa na maumivu makali niliyoyasikia kifuani kwangu, niliparangana mpaka nikafanikiwa kukaa kitandani. Nilitulia hivo kwa dakika kadhaa nikiyasikilizia maumivu makali niliyoyahisi, kisha nikaanzisha harakati mpya za kutafuta namna ya kusimama. Miguu yangu ilikuwa imara sana, nikafanikiwa kusimama japo mikono haikuwa imara hata kidogo. Zilipita kama dakika mbili nikiwa nimesimama wima, nikiutafuta uwiano mzuri wa mwili wangu kabla ya kupiga hatua kadhaa kusogea mbele. Nilipata maumivu makali sana kifuani na tumboni mwangu kila nilipopiga hatua, nikaanza kujihisi kushindwa kusimama. Miguu yangu ilikuwa na nguvu za kuuhimili uzito wa mwili wangu, lakini maumivu makali niliyoyapata yalinifanya kuanguka bila kupenda. Kuanguka kwangu kulizalisha maumivu makali sehemu zote za mwili wangu, nikahisi kizunguzungu kikali kilichoambatana na surubu ya maumivu makali ya kichwa. Uoga ukaniingia, likanitoka yowe kali la hofu; nikilihofia giza nene nililoliona mbele yangu.
ITAENDELEA.Nilimkubali zaidi pale aliponihadithia namna gani alikabidhiwa jukumu la kuniuguza. Hadithi iliyobadilisha mtazamo wangu mbaya juu ya binti huyu. Sikumsumbua tena kwa chochote; nikaanza kumsikiliza na kutii kila alichonielekeza. Hadithi yake ilianza kwa ombi la msamaha, akaniomba nimsamehe kwa uzembe na ujinga wa kushindwa kuniuguza ipasavyo.......
ENDELEA
(Kuna kizuri kibaya, Kuna kibaya kizuri.)
Mimi ni mwanafunzi wa mwaka wa tatu ndani ya chuo kikuu cha afya cha taifa. Taaluma yangu imejikita zaidi katika masuala ya uuguzi na saikolojia ya magonjwa na wagonjwa kama wewe. >>>>>>>
Ilikuwa mwanzoni mwa mwezi wangu wa pili wa mafunzo ya vitendo (field practices) ndani ya hospitali kuu ya taifa, ndipo nilipokea ujumbe wa simu toka kwa msimamizi wa mafunzo yangu hospitalini. Jina lake ni Josefu Gelo daktari bingwa wa magonjwa ya moyo. Alinieleza kwamba kuna kazi ya kumuuguza ndugu yake natakiwa kuifanya, hakuniagiza kama msimamizi; aliniomba kwa ridhaa yangu nimsaidie. Sikuweza kumkatalia kwamaana nilijua ile ndiyo kazi yenyewe ya kuniongezea alama za masomo.>>>>>>>
Jioni ileile tulitafutiwa usafiri wa ndege ya kukodi, mimi na madaktari watatu ambao ndio walikufanyia matibabu yote. Sikukuona kabla ya upasuaji, ila niliruhusiwa kukuhudumia baada ya upasuaji. Nilikushuhudia kwa macho yangu ukiwa katika koma, umepoteza fahamu kama mtu aliyekwisha kufa, hali ile iliniogopesha sana. Japo nilielewa nini napaswa kufanya lakini niliingiwa na hofu kubwa sana kwasababu sikuwa na uzoefu wa kazi hii. Niliogopa kumuuguza mgonjwa mahututi kiasi kile, tena mwanaume mwenye jinsia tofauti yangu. >>>>>>>>>>>>
Niliamua kuongea na daktari Gelo, nikamuomba anibadilishie majukumu kwani nisingeweza kukuhudumia katika hali ile, niliogopa hatia ya moyo pale nitakapokushuhudia ukikata roho mikononi mwangu kwasababu hilo ndilo nililiona. Daktari alinielewa, hakulikataa ombi langu, akanitaka nijiandae kurudi na madaktari wale mala tu watakapokamilisha kazi yao. Madaktari hawakuondoka kwa siku ya kwanza, ya pili wala ya tatu, ilikuwa siku ya nne ndipo walipanga kuondoka. Kuondoka kwao hakukuwa kwa kushindwa, ilikuwa baada ya kufanikiwa; wakiwa na tumaini kubwa la kupata matokeo chanya ya kazi waliyoifanya. Kwa siku zote hizo mimi ndiye nilikuuguza, nikisubiria kukabidhi jukumu hilo kwa wauguzi wa hospitali ya chuo chenu mala tu utakapofika muda wa kuondoka. >>>>>>>>>>
Kadli safari ilivyokolea ndivyo nilipatwa na hisia mbaya moyoni, hisia za hatia kali iliyoutafuna moyo wangu, hatia ya usaliti wa kumtelekeza mgonjwa mahututi asiyejiweza kitandani. Muda huu tulikuwa ndani ya gari la wagonjwa la chuoni kwenu; kuelekea uwanja wa ndege ambako tungepanda ndege ya jioni ya kuturudisha hospitali kuu. >>>>>>>>>>>>>>>>>>>>
Mpaka tunafika uwanja wa ndege tayali roho yangu ilikuwa imedhoofu sana, sikuwa nikiihisi hatia ya usaliti tena; sasa ilikuwa hatia ya mauaji, kana kwamba nilifanya uamuzi utakaopelekea mauti yako. >>>>>>>>>>
Sikushuka, nilibaki ndani ya gari wenzangu waliposhuka, niliwaeleza kuwa ninarudi hospitali kumuuguza mgonjwa wangu. >>>>>>>>>>>>
Huo ndio ukawa uamuzi wangu wa mwanzo wa kuwa nawe mpaka sasa ninapokusimulia. Sikuligundua kosa nililokuwa nikilifanya mpaka pale nilipokuona kwa awamu nyingine, wakati huu ulikuwa juu ya kitanda chako; umezungukwa na wauguzi wa pale hospitali kwenu. Damu nyingi ilikuwa ikikutoka mdomoni na puani; kana kwamba ile damu iliyokuwa ikiingia mwilini mwako kupitia milija ya damu uliodungwa mkononi, iligoma kukaa ndani ya mwili ikawa inapitiliza.>>>>>>>>>
Siwalaumu wale manesi kwa kushindwa kuizuia damu ile, ninajilaumu mimi kwa kukutelekeza, nikakuacha mikononi mwa manesi ambao bila shaka hawakuwa na taaluma ya kuhudumia mgonjwa wa aina yako kama nilivyo mimi. Hata hivyo nilifanikiwa kuizuia ile damu, nikahakikisha upo kwenye hali ya usafi, kisha nikakurudisha ndani ya chumba ulichopaswa kuwepo. >>>>>>>>>>>>>
Jioni ile nilimpigia simu msimamizi wangu, nikamweleza kama nimeamua kubaki na wewe. Hakunipinga wala kunisema vibaya, alinipongeza kwa uamuzi huo, kisha akaongea kauli ambayo nawezasema ndilo funzo kubwa nililolipata katika mkasa wako. "Umefanya uamuzi mzuri sana, na hivyo ndivyo unatakiwa kuishi siku zote, usije kumkimbia mgonjwa yeyote hata awe katika hali mbaya kiasi gani. Wajibu wako ni kutafuta njia nzuri ya kumsaidia.”
Kauli yake iliilejesha ile hisia mbaya moyoni mwangu, ile hatia ya usaliti niliotaka kuufanya. Si usaliti kwa mgonjwa tu, bali usaliti wa taaluma ya ninayoipenda. Siku hiyo ikawa mwanzo rasmi wa kuishi karibu yako, nikawekeza akili na nguvu zangu kukuhudumia wewe. Kitu cha ajabu nilichogundua ni kwamba kadli nilivyozidi kukupenda na kukujali, ndivyo hali yako ilizidi kuimalika na kuwa nzuri zaidi. Nilitumaini na nikayashuhudia mabadiliko chanya kila kulipokucha. Ikafika ile siku ya ajabu ulipoyafumbua macho yako kwa mala ya kwanza. Unajua nini ulikifanya kwa mala ya kwanza ulipolejewa na fahamu? Uliichomoa mifumo ya hewa ya oksijeni iliyofungwa mdomoni na puani mwako, kitendo hicho kikanipa taswira halisi ya mtu ninayeenda kuishi nae.
***********************************************************************************************************
Mpaka hapo simulizi yake ilinifumbua macho kwa kiasi kikubwa, nikajua mengi yaliyotokea nikiwa gizani. kumbe Pendo ndiye amehangaika na mimi kwa kiasi kikubwa, tamu na chungu za ugonjwa wangu anazijua yeye. Ningeanzaje sasa kumchukia mtu kama huyo? nilijikuta nikimpenda sana binti yule aliyejitolea sana kuulea na kuutunza uhai wangu. Nilipenda na kupendezwa na kila alichonifanyia, nikaifurahia kila huduma aliyonipatia.
Siku iliyofuata ilikuwa ya furaha sana, furaha kuu iliyochangiwa na taarifa nzuri niliyopewa na marafiki zangu. Waliahidi kuja kunijulia hali itakapofika mwisho wa wiki, kilichonifurahisha zaidi ni pale nilipoongea na Salome kwa njia ya simu; akanijulisha kwamba angeambatana na marafiki zangu. Nilifurahishwa sana na taarifa hiyo, nikapanga kuongea kwa kina zaidi na mrembo huyu mala tu atakapofika, tuweke mambo sawa mapema. Sikuweza kuificha furaha yangu mbele ya Pendo, aliibaini mapema sana hata kabla sijamueleza nini ilikuwa siri ya furaha hiyo. Hata hivyo ni kama hakukizingatia sana kile nilichomueleza, aliishia kunipa hongera kwa kuwa na bahati ya kupendwa na warembo kisha akaondoka akidai kwenda kujipumzisha kidogo. “Nitarudi baadae usiku, naenda kumalizia dozi. Najihisi kuugua ugua.” Japo niliielewa sababu aliyoitoa ila nilishangazwa na taarifa hiyo. Hakuwa amenieleza suala hilo tangia asubuhi hali ya kuwa nimeshinda nae, akiwa mzima tena tukiongea maongezi ya kuvutia kama kawaida.
Huenda kilikuwa kitu kidogo sana, lakini kilinifanya kujihisi vibaya. Nilijihisi nisiyekuwa na msaada wowote kwake, ndiyo maana alinificha hata kitu kidogo kama hicho. Nilitamani ningekuwa na uwezo wa kumsaidia Pendo ambaye mala zote hunisaidia mimi. “Huenda anaumwa kweli ila anajilazimisha kunihudumia kwasababu ni sehemu ya mafunzo yake.. Anatafuta alama anazozihitaji sana kwa ajili ya elimu yake.” Niliwaza wakati nikiikumbuka vema namna hali yake ilivyobadilika ndani ya siku mbili zilizopita, hakuwa akiifanya kazi yake kwa usahihi uliotakiwa. “Ndiyo maana” nilijisemea kuthibitisha mawazo yangu.
Sikuona tena raha ya kuendelea kulala kitandani nikisubilia kuhudumiwa kwa kila kitu, nikaanza kujigeuza geuza kutafuta namna ya kujinyanyua toka kwenye kitanda kilichonibeba kwa zaidi ya mwezi mmoja sasa. Harakati zangu hazikukatishwa na maumivu makali niliyoyasikia kifuani kwangu, niliparangana mpaka nikafanikiwa kukaa kitandani. Nilitulia hivo kwa dakika kadhaa nikiyasikilizia maumivu makali niliyoyahisi, kisha nikaanzisha harakati mpya za kutafuta namna ya kusimama. Miguu yangu ilikuwa imara sana, nikafanikiwa kusimama japo mikono haikuwa imara hata kidogo. Zilipita kama dakika mbili nikiwa nimesimama wima, nikiutafuta uwiano mzuri wa mwili wangu kabla ya kupiga hatua kadhaa kusogea mbele. Nilipata maumivu makali sana kifuani na tumboni mwangu kila nilipopiga hatua, nikaanza kujihisi kushindwa kusimama. Miguu yangu ilikuwa na nguvu za kuuhimili uzito wa mwili wangu, lakini maumivu makali niliyoyapata yalinifanya kuanguka bila kupenda. Kuanguka kwangu kulizalisha maumivu makali sehemu zote za mwili wangu, nikahisi kizunguzungu kikali kilichoambatana na surubu ya maumivu makali ya kichwa. Uoga ukaniingia, likanitoka yowe kali la hofu; nikilihofia giza nene nililoliona mbele yangu.
(Kila kitu kimeshakamilika, Simulizi ipo tayali. Ili kujua nini kiliendelea, tembelea uzi huu jioni ya kila siku kuanzia leo.)
- Thread starter
- #57
TULIPOISHIA
Kuanguka kwangu kulizalisha maumivu makali sehemu zote za mwili wangu, nikahisi kizunguzungu kikali kilichoambatana na surubu ya maumivu makali ya kichwa. Uoga ukaniingia, likanitoka yowe kali la hofu; nikilihofia giza nene nililoliona mbele yangu....
ENDELEA
(Kuna kizuri kibaya, Kuna kibaya kizuri.)
Katikati ya magumu yanayompata mwanadamu, huwa kuna chanzo cha furaha na tumaini jipya; linalomtia moyo na nguvu ya kupambana kuendelea mbele. Hii ni kwasababu Muumbaji huwa hana kawaida ya kukiacha kiumbe chake katikati ya magumu pasipo kukimulikia taa ya matumaini mapya. Sijui kwa wengine huwa inakuwaje, lakini kwangu mimi tumaini la maisha mapya lilifichwa ndani ya macho ya mwanadamu ambaye hakuniacha niangalie kwingine zaidi ya kuyaangalia macho yake kama vile alijua nini kipo ndani yake.
Wakati nalejewa na utimamu wangu nilijikuta mikononi mwa Pendo muuguzi wangu aliyehangaika kuninyanyua pasipo mafanikio. Nilifanikiwa kuisikia vema sauti yake aliyoipaza kuomba msaada kwa yeyote aliyekuwa karibu. Kitendo cha kufumbuka kwa macho yangu kiliikatisha sauti yake, akaniangalia kwa macho yake yaliyotoa machozi bila kukoma. Hakupiga tena kelele za kuomba msaada bali alianza kutoa kilio cha uchungu huku akiongea kauli ambazo sikuzisikia vizuri.
Haukupita muda, niliuona mlango ukifunguka. Wakaingia watu ambao niliwafahamu kuwa wauguzi kutokana na mavazi waliyoyavaa. Niliendelea kuziona sura zao mpaka pale walipohakikisha kila kitu kipo sawa ndipo waliondoka wakiacha maelekezo ya kutosha kwa Nesi wangu. Chumbani nilibaki na Pendo aliyeketi pembeni yangu; akinitazama kwa namna ya kunihurumia sana, machozi hayakuuacha uso wake. Hakuongea chochote mpaka pale mlango wa chumba ulipofunguka tena. Akaingia mwanaume ambaye nilimfahamu vizuri sana, daktari Josefu ndiye alikuwa mgeni wetu. Ujio wake uliambatana na baadhi ya matabibu ambao sura zao zilikuwa ngeni kwangu.
Pendo alifanya haraka kuyafuta machozi yake baada ya kuona ujio huo, akasimama mguu sawa mithili ya askari aliyeonesha heshima mbele ya mkuu wake. Nililiona tabasamu lililozipamba sura za matabibu wale wakati wakikagua na kuona maendeleo yangu. “Ni miezi miwili imepita sasa tangu nilipokuona kwa mala ya kijana. Mshukuru sana Mungu kwa kuutunza uhai wako.” Niliyasikia vizuri maneno ya mmoja miongoni mwa matabibu wale, nikaelewa yalinilenga mimi japo muongeaji hakuniangalia mimi, alimwangalia Pendo aliyekuwa makini kumsikiliza.
Tabibu wa kwanza: Alisimama mwenyewe?
Pendo: Ndiyo, mwenyewe bila usaidizi wowote.
Tabibu wa pili: Ametapika au kutoa damu?
Pendo: Hapana, alidondoka chini nikamkuta amepoteza fahamu.
Daktari Gelo: Unakisikiaje kichwa chako dogo?
Mimi: Kwa sasa kipo sawa, wala hakiumi.
Tabibu wa tatu: Kuanzia kesho aanze mazoezi.
Tabibu wa kwanza: Ndiyo.
Tabibu wa pili: Ndiyo.
Pendo aliishia kutikisa kichwa chake juu chini kukubaliana na maelekezo aliyopewa, akaniangalia na kunikonyeza kwa namna alivyozoea kunifanyia. Uso wake ulichanua tabasamu safi, vikaonekana vizuri vile vishimo viwili vinavyojichonga mashavuni kwake kila akifurahi. Furaha yake iliziamsha tena hisia zangu, nikajikuta nikitabasamu bila kupenda. Huo ukawa ndiyo mwanzo wa ratiba ya mazoezi niliyopatiwa na mtaalamu wa mazoezi ya viungo aliyejitambulisha kwangu kwa jina la daktari Hamza. Zilipita siku tano za mazoezi ya viungo, sasa nikawa nikitembea mwenyewe bila tatizo lolote. Sikuwa nikitembea kwa mwendo wa kawaida kama ilivyozoweleka, nilitembea kwa usaidizi wa mtu au vifaa maalumu vya kitabibu vilivyosaidia kuweka uwiano mzuri wa hatua zangu kuepusha mtikisiko ambao ungenisababishia maumivu ya kifua.
Ilipofika ile siku niliyoisubilia kwa hamu, siku niliyotalajia kupata ugeni wa wale niliotamani kukutana nao kwa muda mrefu. Nilisaidiwa na Pendo kutembea kurudi wodini.aada ya kukamilisha ratiba ya mazoezi ya viungo chini ya usimamizi makini wa daktari Hamza. Tulitembea taratibu taratibu akiwa amenishikilia kwa namna iliyonipa uhuru zaidi wa kutembea mwenyewe. Mala kadhaa alikuwa akiniachia nitembee mwenyewe kisha angeniwahi wakati nitakapoanza kukosa uwiano wa mwili na kutaka kuanguka. Alifanya hivyo kufuatia kile nilichomuomba, ijapokuwa alishakatazwa kuniacha nitembee mwenyewe. Tulipofika wodini aliniachia nikawa natembea mwenyewe, yeye akawa akinifata nyuma kusubiria mpaka nitakapoonesha kushindwa ndipo anishikilie. Huo ulikuwa ndio mchezo wetu wa kila siku, mchezo uliouongeza ukaribu wetu kwa kiasi kikubwa. Kwakuwa sasa sikuwa nikichanganyiwa madawa ya usingizi, nikawa napata mda mrefu wa kufanya mazoezi ndani ya wodi, nje ya ratiba ya kawaida. Mala zote nilopofanya mazoezi Pendo alikuwa pembeni yangu, akinisaidia kila niliposhindwa. Alipenda sana kunitania kwamba nilikuwa nikifanya mazoezi ya nguvu kwa ajili ya ugeni wa mwisho wa wiki, ugeni wa mpenzi wangu aliyeahidi kunitembelea. Hakukosea hata kidogo, ni kama vile alikuwa kichwani mwangu. Nilitamani Salome na marafiki zangu watakapofika wanikute nikiwa naweza kutembea bila tatizo lolote. Mpaka dakika hii Pendo aliamini mimi na Salome tulikuwa wapenzi wa muda mrefu. Tulioshibana sana.
ITAENDELEA. (Leo Jioni)
(Kila kitu kimeshakamilika, Simulizi ipo tayali. Ili kujua nini kiliendelea, tembelea uzi huu jioni ya kila siku kuanzia leo.)
Kuanguka kwangu kulizalisha maumivu makali sehemu zote za mwili wangu, nikahisi kizunguzungu kikali kilichoambatana na surubu ya maumivu makali ya kichwa. Uoga ukaniingia, likanitoka yowe kali la hofu; nikilihofia giza nene nililoliona mbele yangu....
ENDELEA
(Kuna kizuri kibaya, Kuna kibaya kizuri.)
Katikati ya magumu yanayompata mwanadamu, huwa kuna chanzo cha furaha na tumaini jipya; linalomtia moyo na nguvu ya kupambana kuendelea mbele. Hii ni kwasababu Muumbaji huwa hana kawaida ya kukiacha kiumbe chake katikati ya magumu pasipo kukimulikia taa ya matumaini mapya. Sijui kwa wengine huwa inakuwaje, lakini kwangu mimi tumaini la maisha mapya lilifichwa ndani ya macho ya mwanadamu ambaye hakuniacha niangalie kwingine zaidi ya kuyaangalia macho yake kama vile alijua nini kipo ndani yake.
Wakati nalejewa na utimamu wangu nilijikuta mikononi mwa Pendo muuguzi wangu aliyehangaika kuninyanyua pasipo mafanikio. Nilifanikiwa kuisikia vema sauti yake aliyoipaza kuomba msaada kwa yeyote aliyekuwa karibu. Kitendo cha kufumbuka kwa macho yangu kiliikatisha sauti yake, akaniangalia kwa macho yake yaliyotoa machozi bila kukoma. Hakupiga tena kelele za kuomba msaada bali alianza kutoa kilio cha uchungu huku akiongea kauli ambazo sikuzisikia vizuri.
Haukupita muda, niliuona mlango ukifunguka. Wakaingia watu ambao niliwafahamu kuwa wauguzi kutokana na mavazi waliyoyavaa. Niliendelea kuziona sura zao mpaka pale walipohakikisha kila kitu kipo sawa ndipo waliondoka wakiacha maelekezo ya kutosha kwa Nesi wangu. Chumbani nilibaki na Pendo aliyeketi pembeni yangu; akinitazama kwa namna ya kunihurumia sana, machozi hayakuuacha uso wake. Hakuongea chochote mpaka pale mlango wa chumba ulipofunguka tena. Akaingia mwanaume ambaye nilimfahamu vizuri sana, daktari Josefu ndiye alikuwa mgeni wetu. Ujio wake uliambatana na baadhi ya matabibu ambao sura zao zilikuwa ngeni kwangu.
Pendo alifanya haraka kuyafuta machozi yake baada ya kuona ujio huo, akasimama mguu sawa mithili ya askari aliyeonesha heshima mbele ya mkuu wake. Nililiona tabasamu lililozipamba sura za matabibu wale wakati wakikagua na kuona maendeleo yangu. “Ni miezi miwili imepita sasa tangu nilipokuona kwa mala ya kijana. Mshukuru sana Mungu kwa kuutunza uhai wako.” Niliyasikia vizuri maneno ya mmoja miongoni mwa matabibu wale, nikaelewa yalinilenga mimi japo muongeaji hakuniangalia mimi, alimwangalia Pendo aliyekuwa makini kumsikiliza.
Tabibu wa kwanza: Alisimama mwenyewe?
Pendo: Ndiyo, mwenyewe bila usaidizi wowote.
Tabibu wa pili: Ametapika au kutoa damu?
Pendo: Hapana, alidondoka chini nikamkuta amepoteza fahamu.
Daktari Gelo: Unakisikiaje kichwa chako dogo?
Mimi: Kwa sasa kipo sawa, wala hakiumi.
Tabibu wa tatu: Kuanzia kesho aanze mazoezi.
Tabibu wa kwanza: Ndiyo.
Tabibu wa pili: Ndiyo.
Pendo aliishia kutikisa kichwa chake juu chini kukubaliana na maelekezo aliyopewa, akaniangalia na kunikonyeza kwa namna alivyozoea kunifanyia. Uso wake ulichanua tabasamu safi, vikaonekana vizuri vile vishimo viwili vinavyojichonga mashavuni kwake kila akifurahi. Furaha yake iliziamsha tena hisia zangu, nikajikuta nikitabasamu bila kupenda. Huo ukawa ndiyo mwanzo wa ratiba ya mazoezi niliyopatiwa na mtaalamu wa mazoezi ya viungo aliyejitambulisha kwangu kwa jina la daktari Hamza. Zilipita siku tano za mazoezi ya viungo, sasa nikawa nikitembea mwenyewe bila tatizo lolote. Sikuwa nikitembea kwa mwendo wa kawaida kama ilivyozoweleka, nilitembea kwa usaidizi wa mtu au vifaa maalumu vya kitabibu vilivyosaidia kuweka uwiano mzuri wa hatua zangu kuepusha mtikisiko ambao ungenisababishia maumivu ya kifua.
Ilipofika ile siku niliyoisubilia kwa hamu, siku niliyotalajia kupata ugeni wa wale niliotamani kukutana nao kwa muda mrefu. Nilisaidiwa na Pendo kutembea kurudi wodini.aada ya kukamilisha ratiba ya mazoezi ya viungo chini ya usimamizi makini wa daktari Hamza. Tulitembea taratibu taratibu akiwa amenishikilia kwa namna iliyonipa uhuru zaidi wa kutembea mwenyewe. Mala kadhaa alikuwa akiniachia nitembee mwenyewe kisha angeniwahi wakati nitakapoanza kukosa uwiano wa mwili na kutaka kuanguka. Alifanya hivyo kufuatia kile nilichomuomba, ijapokuwa alishakatazwa kuniacha nitembee mwenyewe. Tulipofika wodini aliniachia nikawa natembea mwenyewe, yeye akawa akinifata nyuma kusubiria mpaka nitakapoonesha kushindwa ndipo anishikilie. Huo ulikuwa ndio mchezo wetu wa kila siku, mchezo uliouongeza ukaribu wetu kwa kiasi kikubwa. Kwakuwa sasa sikuwa nikichanganyiwa madawa ya usingizi, nikawa napata mda mrefu wa kufanya mazoezi ndani ya wodi, nje ya ratiba ya kawaida. Mala zote nilopofanya mazoezi Pendo alikuwa pembeni yangu, akinisaidia kila niliposhindwa. Alipenda sana kunitania kwamba nilikuwa nikifanya mazoezi ya nguvu kwa ajili ya ugeni wa mwisho wa wiki, ugeni wa mpenzi wangu aliyeahidi kunitembelea. Hakukosea hata kidogo, ni kama vile alikuwa kichwani mwangu. Nilitamani Salome na marafiki zangu watakapofika wanikute nikiwa naweza kutembea bila tatizo lolote. Mpaka dakika hii Pendo aliamini mimi na Salome tulikuwa wapenzi wa muda mrefu. Tulioshibana sana.
ITAENDELEA. (Leo Jioni)
(Kila kitu kimeshakamilika, Simulizi ipo tayali. Ili kujua nini kiliendelea, tembelea uzi huu jioni ya kila siku kuanzia leo.)
Matunzo 02
JF-Expert Member
- Jul 7, 2026
- 1,455
- 2,877
Hongera mkuu hadithi nzuri sana
- Thread starter
- #60
TULIPOISHIA
Nilitamani Salome na marafiki zangu watakapofika wanikute nikiwa naweza kutembea bila tatizo lolote. Mpaka dakika hii Pendo aliamini mimi na Salome tulikuwa wapenzi wa muda mrefu. Tulioshibana sana.
ENDELEA
(Kuna kizuri kibaya, Kuna kibaya kizuri.)
Sikupumzika, nilifanya mazoezi mpaka pale nilipojihisi kuchoka. Nikatamani kwenda kujifanyia usafi wa mwili kujiandaa kwa ugeni niliutalaijia kwa hamu kubwa sana. Hapo ndipo akili yangu ilifunguka, likanipata wazo ambalo sikuwahi kuliwaza kwa wakati wote wa kuugua kwangu. Nani huwa ananiogesha na kunifanyia usafi wa mwili kila nikichafuka? Sikumjua nani alilifanya jukumu hilo kwa wakati wote wa kuugua. Akili yangu haikukubaliana na wazo lililonijia kichwani, “Hapana, haiwezekani. Wala hawezi kufanya hivyo”. Sikuwa na kumbukumbu yoyote ya kujishuhudia nikioga tangia nilejewe na fahamu zangu, wala sikuwahi kuwaza mchakato huo huwa unafanyikaje.
Ningeupata wapi muda wa kuwaza hayo hali ya kuwa muda mwingi niliutumia kulala baada ya kupewa madawa makali yaliyoniletea usingizi mzito? Hata ule muda kidogo wa kukaa macho sikuufaidi vema kwa kukishughulisha kichwa changu kuwaza. Mala zote ningekurupuka usingizini na kumkuta Pendo aliyekaa kuniangalia kamavile alitalajia nitashtuka kwa wakati huo. Hakunipatia hata dakika moja ya kutuliza kichwa changu, angenisumbua kwa maongezi yasiyokoma muda wote nitakaokuwa macho. Hata ile nafasi ya kuibia niliyoipata, niliitumia kumuwaza Salome, nikashindwa kuwaza mambo ya muhimu. Fikra za kichwa changu zilifunguka kwa kiasi kikubwa, nikatamani kujua mambo mengi yaliyoendelea nje ya jengo la hospitali kuu ya taifa.
Nilianza kuugundua ujanja wa michezo ya Pendo isiyokoma, nikaligundua lengo la usumbufu wake usioisha. “Kwahiyo huwa hataki niwaze, kwanini sasa? Au ni kwasababu ya majeraha ya kichwani? Hapana. Inaonekana kuna mambo mengi ya muhimu huwa siyapatii muda wa kuyatafakari.” Muda huo huo niliisikia sauti ya Pendo akinisisitiza kuendelea na mazoezi, akaanza kuniimbia nyimbo zake ambazo huyachosha masikio yangu. Alikuwa kama aliyekijua kile kilichoisumbua akili yangu. Sikuendelea na mazoezi kama alivyotaka, nilibaki kusimama vilevile nikijaribu kutafakari mambo yangu katikati usumbufu na kelele alizozifanya. Alinisogelea, akaniuliza kama ninataka kuoga kwa wakati ule, nikamwambia ndiyo. Akaniuliza kama ningeweza kujiogesha mwenyewe au anitafutie mtu wa kunisaidia kufanya hivyo. Nilishangazwa sana na maswali yake, nikamuuliza kwani ilikuwaje kwa wakati mwingine, vipi nilipata huduma hiyo? Alinijibu kitu ambacho sikukiamini kabisa, kwamba sikuwahi kuoga hapo kabla kwasababu sikuwahi kuwa na miadi ya kutembelewa na mpenzi wangu. “Leo utaoga kwa mala ya kwanza tangu nikujue.” Kauli yake ilinichanganya sana, inakuwaje kwa mala ya kwanza wakati sikuwahi kuwa mchafu, wala sasa sikuwa na uchafu wowote wa kusema nimekaa hata wiki moja bila kuoga? Nilikuwa msafi sana, ni lile jasho la mazoezi ya sifa niliyoyafanya ndilo lilinifanya kutamani kijisafisha mwili. Nilipomhoji zaidi kuhusu jambo hilo aliniomba niache kumuuliza kitu ambacho siyo cha muhimu kwa wakati ule. Akanishika mkono aniongoze kuelekea bafuni, nikakataa. Sikuwa tayali kuvua nguo na kuoga ama kuogeshwa na Nesi wangu, ili iweje? Anichungulie? Usinishangae, sikuwa na mazoea ya kusimama utupu mbele ya wanawake. Niliona bora nisioge kabisa kuliko kuogeshwa na Pendo.
**********************************************************************************************************************
Siku ile ilikuwa nzuri kama nilivyoitalajia, mrafiki zangu walifika; tukaongea mambo mengi sana yaliyonifurahisha. Wakanieleza namna gani mambo yamechangamka sana chuoni, namna wanafunzi wenzangu wanatamani kuniona tena nikiwa mzima. Kila walichokiongea kiliniongezea hamu ya kutamani kurudi chuoni, nikatamani itokee nipone hata leo nirudi chuoni. Ulipofika wakati sahihi Pendo alifanya mpango nikapatiwa faragha ya kuongea na Salome kipenzi cha roho yangu. Maongezi kidogo tuliyoyafanya yaliiumbua tabia yake nyingine nzuri iliyonifanya kumpenda zaidi mrembo huyu. Salome hakuwa mchoyo kabisa kwa mgonjwa; aliniachia zawadi iliyozishtua na kuziamsha upya hisia zangu za mapenzi. Nikatamani nipone haraka ili nikaifaidi ile zawadi kubwa zaidi aliyoahidi kunipatia mala tu nitakapopona kwa sharti la kutofanya kile nilichowahi kumfanyia mwanzoni. Ulikuwa wakati tukiagana, ndipo alinitunuku kile nilichokiona kuwa mwanzo mzuri wa mahusiano yetu kuelekea nchi ya Ahadi; nchi tamu ya maziwa na asali. Alinisogelea kwa ukaribu zaidi, akaniruhusu kuzisikia kwa ukaribu pumzi za mapigo ya moyo wake. Akaniuliza kama bado nampenda; nikamhakikishia hilo kwa zaidi ya asilimia miamoja. Akasogea zaidi; akanikumbatia. Akaikutanisha midomo yake na ya kwangu. Akakipanua kinywa chake kuuruhusu ulimi wake kuutekenya ule wakwangu uliozubaa ukishangazwa ya ugeni ule. Dakika mbili zilipita akiendelea kunifundisha mchezo usio rasmi, nikajikuta nikiuzoea na kuufurahia sana. Nikatamani tupanue uwanja zaidi ya kale kadogo tunakokafaidi. Nikaanza kushiriki kama mchezaji mzoefu ninayetamani kudhihirisha ufundi wangu mbele ya mwalimu wangu. Tulishtushwa na sauti ya mlango uliogongwa mala moja kisha ukafunguliwa taratibu kabisa. Akaingia Pendo aliyeongozana na Eliza.
Ujio wao ulizilejesha fikra zangu zilizopotelea katika ulimwengu wa mahaba motomoto niliyopewa na Salome. Nikashangazwa na kitendo kile kwasababu Pendo alijua fika kuwa nipo na Salome, nilishaongea naye mapema nikamueleza kila kitu. Sasa nikawa nikitazamana na uso wa Eliza ambaye aliigiza ukauzu wake wa kujifanya kutoelewa chochote kama alivyofanya siku zote. Alinijulia hali, kisha akaniaga akaondoka, akiahidi kuja kuniona siku nyingine. Sikushangazwa na tabia yake ya kutokuwa na maneno mengi, nilimjua ndivyo alivyo. Hajawahi kuwa muongeaji mbele yangu hata siku moja. Mala zote akifika huniuliza ninaendeleaje, nikishamjibu hulidhika na jibu hilo na hukaa kimya asiongee neno jingine tena. Kitu tofauti alichokifanya leo ni kutokaa hata kidogo, aliaga kisha akaondoka tofauti na siku nyingine ambapo angekaa kidogo. Safari ya Eiza ikafatiwa na safari ya nesi wangu, chumbani tukabaki wawili tena. Kwa akili yangu nilitalajia tungeendelea na mchezo wetu mzuri, lakini Salome hakuonekana kuuhitaji tena. Aliniuliza kuhusu Eliza, nikamueleza ni mdogo wangu, akaridhika kisha akaniaga na kuahidi kurudi kwa wakati mwingine au tutaonana chuo nikiwahi kuruhusiwa. Kitendo cha kukutwa na Salome chumbani katika mkao wa mahaba kiliifunga akili yangu kwa kiasi kikubwa. Japo sikujihisi hatia ya kufumaniwa, lakini nilijihisi hatia ya kufanya ujinga mbele ya Eliza binti aliyeonesha hisia za mapenzi ya wazi wazi juu yangu. Nilielewa safari yake ya kuja kunijulia hali kila baada ya siku tatu haikuwa bure tu, lazima alifanya hivyo kufuatia hisia za mapenzi zilizoutesa moyo wake. Isivyo bahati ni vile hakuwa muongeaji kama wengine, huenda aliyategemea matendo yake kuwasilisha ujumbe mzito ulioulemea moyo wake. Akili yangu ilizidi kufunguka zaidi, ufahamu wangu ukarudi sawa; nikaanza kujihisi kuwa Mhanuzi wa siku zote. Mhanuzi wa kabla ya kupatwa na ajari iliyoondoka na ufahamu wangu. Niliyakumbuka vizuri mambo mengi yaliyonipata, tokea kuwasili mjini mpaka kuanza masomo chuoni. Nikalikumbunuka tukio la Agape binti mlevi japo sikulihofia tena. Nikaikumbua ile siku nilipopatwa na tukio lililonisababishia majeraha makubwa yaliyokuwa mwanzo wa kuugua kwamgu. Nikakumbuka matukio yote na mambo mengine niliyoshuhudia na kuona katika kipindi chote cha kuugua kwangu, nikajiona makosaji sana.
Sikutaka tena kuishi maisha ya kupumbazwa na michezo ya Pendo Nesi wangu aliyenipiga changa la macho kwa kipindi kirefu. Nilimsubili mpaka alipongia chumbani wakati wa kunipatia dawa za usiku, nikamuomba tuongee kwanza kabla hajaniwekea dawa yoyote nikiofia kupumbazwa akili tena. Ombi langu lilimfanya kunisogelea, akanionesha kile alichoshikilia mkononi mwake. Niliiona damu iliyokuwa ndani ya chupa maalumu ya matibabu niliyopaswa kutundikiwa usiku ule. Alikiondoa kizibo cha ile chupa kwa utulivu, akaanza kuinywa damu ile taratibu taratibu kama vile ilikuwa soda au juisi yenye ladha tamu sana mdomoni. Kitendo hicho kilinishangaza sana, nikabaki kumuangalia binti yule nisielewe ni mtu wa aina gani anayeweza kunywa damu ya mwanadamu mwenzake, tena kwa namna yakuonesha kuifurahia radha yake. Alinisogelea zaidi, akausogeza mdomo wake karibu yangu. Akatishia kuningata usoni huku akanilazimisha kunywa damu kidogo aliyoibakiza. Sikutishika na vitisho vyake, nilimwangalia kwa umakini kisha nikatabasamu baada ya kubaini kile nilichoshindwa kukibaini kwa wakati wote. Nikaichukua damu ile, nikainywa yote kwa mkupuo, kisha nikamuuliza kama kuna nyingine anipatie, “nimeipenda sana radha yake.” niliongea kwa furaha sana.''...
ITAENDELEA. Nilitamani Salome na marafiki zangu watakapofika wanikute nikiwa naweza kutembea bila tatizo lolote. Mpaka dakika hii Pendo aliamini mimi na Salome tulikuwa wapenzi wa muda mrefu. Tulioshibana sana.
ENDELEA
(Kuna kizuri kibaya, Kuna kibaya kizuri.)
Sikupumzika, nilifanya mazoezi mpaka pale nilipojihisi kuchoka. Nikatamani kwenda kujifanyia usafi wa mwili kujiandaa kwa ugeni niliutalaijia kwa hamu kubwa sana. Hapo ndipo akili yangu ilifunguka, likanipata wazo ambalo sikuwahi kuliwaza kwa wakati wote wa kuugua kwangu. Nani huwa ananiogesha na kunifanyia usafi wa mwili kila nikichafuka? Sikumjua nani alilifanya jukumu hilo kwa wakati wote wa kuugua. Akili yangu haikukubaliana na wazo lililonijia kichwani, “Hapana, haiwezekani. Wala hawezi kufanya hivyo”. Sikuwa na kumbukumbu yoyote ya kujishuhudia nikioga tangia nilejewe na fahamu zangu, wala sikuwahi kuwaza mchakato huo huwa unafanyikaje.
Ningeupata wapi muda wa kuwaza hayo hali ya kuwa muda mwingi niliutumia kulala baada ya kupewa madawa makali yaliyoniletea usingizi mzito? Hata ule muda kidogo wa kukaa macho sikuufaidi vema kwa kukishughulisha kichwa changu kuwaza. Mala zote ningekurupuka usingizini na kumkuta Pendo aliyekaa kuniangalia kamavile alitalajia nitashtuka kwa wakati huo. Hakunipatia hata dakika moja ya kutuliza kichwa changu, angenisumbua kwa maongezi yasiyokoma muda wote nitakaokuwa macho. Hata ile nafasi ya kuibia niliyoipata, niliitumia kumuwaza Salome, nikashindwa kuwaza mambo ya muhimu. Fikra za kichwa changu zilifunguka kwa kiasi kikubwa, nikatamani kujua mambo mengi yaliyoendelea nje ya jengo la hospitali kuu ya taifa.
Nilianza kuugundua ujanja wa michezo ya Pendo isiyokoma, nikaligundua lengo la usumbufu wake usioisha. “Kwahiyo huwa hataki niwaze, kwanini sasa? Au ni kwasababu ya majeraha ya kichwani? Hapana. Inaonekana kuna mambo mengi ya muhimu huwa siyapatii muda wa kuyatafakari.” Muda huo huo niliisikia sauti ya Pendo akinisisitiza kuendelea na mazoezi, akaanza kuniimbia nyimbo zake ambazo huyachosha masikio yangu. Alikuwa kama aliyekijua kile kilichoisumbua akili yangu. Sikuendelea na mazoezi kama alivyotaka, nilibaki kusimama vilevile nikijaribu kutafakari mambo yangu katikati usumbufu na kelele alizozifanya. Alinisogelea, akaniuliza kama ninataka kuoga kwa wakati ule, nikamwambia ndiyo. Akaniuliza kama ningeweza kujiogesha mwenyewe au anitafutie mtu wa kunisaidia kufanya hivyo. Nilishangazwa sana na maswali yake, nikamuuliza kwani ilikuwaje kwa wakati mwingine, vipi nilipata huduma hiyo? Alinijibu kitu ambacho sikukiamini kabisa, kwamba sikuwahi kuoga hapo kabla kwasababu sikuwahi kuwa na miadi ya kutembelewa na mpenzi wangu. “Leo utaoga kwa mala ya kwanza tangu nikujue.” Kauli yake ilinichanganya sana, inakuwaje kwa mala ya kwanza wakati sikuwahi kuwa mchafu, wala sasa sikuwa na uchafu wowote wa kusema nimekaa hata wiki moja bila kuoga? Nilikuwa msafi sana, ni lile jasho la mazoezi ya sifa niliyoyafanya ndilo lilinifanya kutamani kijisafisha mwili. Nilipomhoji zaidi kuhusu jambo hilo aliniomba niache kumuuliza kitu ambacho siyo cha muhimu kwa wakati ule. Akanishika mkono aniongoze kuelekea bafuni, nikakataa. Sikuwa tayali kuvua nguo na kuoga ama kuogeshwa na Nesi wangu, ili iweje? Anichungulie? Usinishangae, sikuwa na mazoea ya kusimama utupu mbele ya wanawake. Niliona bora nisioge kabisa kuliko kuogeshwa na Pendo.
**********************************************************************************************************************
Siku ile ilikuwa nzuri kama nilivyoitalajia, mrafiki zangu walifika; tukaongea mambo mengi sana yaliyonifurahisha. Wakanieleza namna gani mambo yamechangamka sana chuoni, namna wanafunzi wenzangu wanatamani kuniona tena nikiwa mzima. Kila walichokiongea kiliniongezea hamu ya kutamani kurudi chuoni, nikatamani itokee nipone hata leo nirudi chuoni. Ulipofika wakati sahihi Pendo alifanya mpango nikapatiwa faragha ya kuongea na Salome kipenzi cha roho yangu. Maongezi kidogo tuliyoyafanya yaliiumbua tabia yake nyingine nzuri iliyonifanya kumpenda zaidi mrembo huyu. Salome hakuwa mchoyo kabisa kwa mgonjwa; aliniachia zawadi iliyozishtua na kuziamsha upya hisia zangu za mapenzi. Nikatamani nipone haraka ili nikaifaidi ile zawadi kubwa zaidi aliyoahidi kunipatia mala tu nitakapopona kwa sharti la kutofanya kile nilichowahi kumfanyia mwanzoni. Ulikuwa wakati tukiagana, ndipo alinitunuku kile nilichokiona kuwa mwanzo mzuri wa mahusiano yetu kuelekea nchi ya Ahadi; nchi tamu ya maziwa na asali. Alinisogelea kwa ukaribu zaidi, akaniruhusu kuzisikia kwa ukaribu pumzi za mapigo ya moyo wake. Akaniuliza kama bado nampenda; nikamhakikishia hilo kwa zaidi ya asilimia miamoja. Akasogea zaidi; akanikumbatia. Akaikutanisha midomo yake na ya kwangu. Akakipanua kinywa chake kuuruhusu ulimi wake kuutekenya ule wakwangu uliozubaa ukishangazwa ya ugeni ule. Dakika mbili zilipita akiendelea kunifundisha mchezo usio rasmi, nikajikuta nikiuzoea na kuufurahia sana. Nikatamani tupanue uwanja zaidi ya kale kadogo tunakokafaidi. Nikaanza kushiriki kama mchezaji mzoefu ninayetamani kudhihirisha ufundi wangu mbele ya mwalimu wangu. Tulishtushwa na sauti ya mlango uliogongwa mala moja kisha ukafunguliwa taratibu kabisa. Akaingia Pendo aliyeongozana na Eliza.
Ujio wao ulizilejesha fikra zangu zilizopotelea katika ulimwengu wa mahaba motomoto niliyopewa na Salome. Nikashangazwa na kitendo kile kwasababu Pendo alijua fika kuwa nipo na Salome, nilishaongea naye mapema nikamueleza kila kitu. Sasa nikawa nikitazamana na uso wa Eliza ambaye aliigiza ukauzu wake wa kujifanya kutoelewa chochote kama alivyofanya siku zote. Alinijulia hali, kisha akaniaga akaondoka, akiahidi kuja kuniona siku nyingine. Sikushangazwa na tabia yake ya kutokuwa na maneno mengi, nilimjua ndivyo alivyo. Hajawahi kuwa muongeaji mbele yangu hata siku moja. Mala zote akifika huniuliza ninaendeleaje, nikishamjibu hulidhika na jibu hilo na hukaa kimya asiongee neno jingine tena. Kitu tofauti alichokifanya leo ni kutokaa hata kidogo, aliaga kisha akaondoka tofauti na siku nyingine ambapo angekaa kidogo. Safari ya Eiza ikafatiwa na safari ya nesi wangu, chumbani tukabaki wawili tena. Kwa akili yangu nilitalajia tungeendelea na mchezo wetu mzuri, lakini Salome hakuonekana kuuhitaji tena. Aliniuliza kuhusu Eliza, nikamueleza ni mdogo wangu, akaridhika kisha akaniaga na kuahidi kurudi kwa wakati mwingine au tutaonana chuo nikiwahi kuruhusiwa. Kitendo cha kukutwa na Salome chumbani katika mkao wa mahaba kiliifunga akili yangu kwa kiasi kikubwa. Japo sikujihisi hatia ya kufumaniwa, lakini nilijihisi hatia ya kufanya ujinga mbele ya Eliza binti aliyeonesha hisia za mapenzi ya wazi wazi juu yangu. Nilielewa safari yake ya kuja kunijulia hali kila baada ya siku tatu haikuwa bure tu, lazima alifanya hivyo kufuatia hisia za mapenzi zilizoutesa moyo wake. Isivyo bahati ni vile hakuwa muongeaji kama wengine, huenda aliyategemea matendo yake kuwasilisha ujumbe mzito ulioulemea moyo wake. Akili yangu ilizidi kufunguka zaidi, ufahamu wangu ukarudi sawa; nikaanza kujihisi kuwa Mhanuzi wa siku zote. Mhanuzi wa kabla ya kupatwa na ajari iliyoondoka na ufahamu wangu. Niliyakumbuka vizuri mambo mengi yaliyonipata, tokea kuwasili mjini mpaka kuanza masomo chuoni. Nikalikumbunuka tukio la Agape binti mlevi japo sikulihofia tena. Nikaikumbua ile siku nilipopatwa na tukio lililonisababishia majeraha makubwa yaliyokuwa mwanzo wa kuugua kwamgu. Nikakumbuka matukio yote na mambo mengine niliyoshuhudia na kuona katika kipindi chote cha kuugua kwangu, nikajiona makosaji sana.
Sikutaka tena kuishi maisha ya kupumbazwa na michezo ya Pendo Nesi wangu aliyenipiga changa la macho kwa kipindi kirefu. Nilimsubili mpaka alipongia chumbani wakati wa kunipatia dawa za usiku, nikamuomba tuongee kwanza kabla hajaniwekea dawa yoyote nikiofia kupumbazwa akili tena. Ombi langu lilimfanya kunisogelea, akanionesha kile alichoshikilia mkononi mwake. Niliiona damu iliyokuwa ndani ya chupa maalumu ya matibabu niliyopaswa kutundikiwa usiku ule. Alikiondoa kizibo cha ile chupa kwa utulivu, akaanza kuinywa damu ile taratibu taratibu kama vile ilikuwa soda au juisi yenye ladha tamu sana mdomoni. Kitendo hicho kilinishangaza sana, nikabaki kumuangalia binti yule nisielewe ni mtu wa aina gani anayeweza kunywa damu ya mwanadamu mwenzake, tena kwa namna yakuonesha kuifurahia radha yake. Alinisogelea zaidi, akausogeza mdomo wake karibu yangu. Akatishia kuningata usoni huku akanilazimisha kunywa damu kidogo aliyoibakiza. Sikutishika na vitisho vyake, nilimwangalia kwa umakini kisha nikatabasamu baada ya kubaini kile nilichoshindwa kukibaini kwa wakati wote. Nikaichukua damu ile, nikainywa yote kwa mkupuo, kisha nikamuuliza kama kuna nyingine anipatie, “nimeipenda sana radha yake.” niliongea kwa furaha sana.''...
(Kila kitu kimeshakamilika, Simulizi ipo tayali. Ili kujua nini kiliendelea, tembelea uzi huu jioni ya kila siku kuanzia leo.)
