Simulizi: Niliyoyaona Darfur yanatisha

Simulizi: Niliyoyaona Darfur yanatisha

Huu mzigo unaendelea lini asee,nimeikumbuka muvi ya Attack on Darfur mwandishi dizaini ya Nyemo walimtia petroli na Janja Weed
 
SEHEMU YA 23

Hatukukaa sana, bado tulikuwa na safari ndefu ya kuingia katikati ya jiji hilo la Darfur. Moyo wangu uliendelea kuwa katika maumivu makali, macho yangu yalikuwa makavu lakini niliusikia moyo wangu ukiwa unalia kabisa. Sikutarajia kukutana na mambo kama yale, kwangu nilitarajia kukutana na miili au mafuvu lakini sikujua kama ningehisi kitu kama kile.

Safari iliendelea zaidi mpaka kufika kaika sehemu iliyokuwa na kijiji, nikamshukuru Mungu, wote tukaanza kuelekea huko.

Wenyeji wa kijiji kile walitushukuru, walichokijua ni kwamba tulikwenda na chakula kwa ajili ya kuwasaidia kutokana na njaa kali waliyokuwa nayo, ila hatukuwa na kitu chochote kile zaidi ya vidumu vyetu vidogo vya maji na chakula cha kututosha kwa muda wa siku nne ambazo tungekuwa kule.

“Hapa ni wapi?” nilimuuliza Majeed.
“Hapa ni Zahor. Hii ni sehemu ambayo nayo ilikumbwa sana na maafa haya ya vita,” Majeed aliniambia.

Nikaendelea kuyapitisha macho yangu kwa wakazi wa kijiji kile, moyoni niliumia zaidi, sikuamini kama kuna watu ambao walikuwa katika mateso makali namna ile.

Watoto walikuwa wembamba hali iliyoonyesha dhahiri walikuwa wakiumwa mtapia mlo. Miili ilikuwa membamba sana ila matumbo yao yalikuwa makubwa.
Vichwa vyao vilivimba, macho yao yalikuwa makubwa, mbaya zaidi hata mavazi hawakuwa nayo ya kutosha zaidi ya kaptura walizozivaa.

Wanawake wa kijiji kile ambao walikuwa wamejifungua, matiti yao hayakuwa yakitoa maziwa na kwa wale waliotoa maziwa katika matiti yao, hayakuwa meupe kama ya wanawake wenye afya, maziwa yale yalikuwa na unjano mwingi.

Nilishindwa kuvumilia kabisa, kama kuumia nadhani siku hiyo niliumia zaidi na zaidi, machozi yakaanza kunitiririka mashavuni mwangu. Nilipiga picha maeneo mbalimbali pamoja na kuwapiga picha watu ambao walikuwa katika kijiji kile cha Zahor.

Nilipoona kwamba nimeridhika na upigaji wa picha, nikataka pia kurekodiwa na kamera kubwa na hivyo Majeed kuchukua kamera ile na kuanza kunirekodi.
 
SEHEMU YA 24

Sikupata tabu sana kutoka na kuwepo kwa wazee kadhaa ambao walikuwa wakiifahamu Lugha ya Kingereza, nikaanza kuwahoji.

Niliongea nao sana, katika kila neno ambalo walikuwa wakiniambia lilikuwa likiniumiza sana, nilikuwa nikijikaza kulia kwa sababu nilikuwa mbele ya kamera.

“We don’t have food anymore. We always eat doka with our family,” (Hatuna chakula kabisa. Mara kwa mara tunakula doka pamoja na familia zetu) Mzee mmoja ambaye alijitambulisha kwa jina la Yakeen aliniambia.
“What is doka?” (Doka ni nini?) nilimuuliza.

“Let me show you,” (Ngoja nikuonyeshee) Mzee Yakeen aliniambia.
Hapo hapo akaondoka na kuelekea ndani ya nyumba ile, alipotoka, alitoka huku akiwa na majani fulani ambayo akanikabidhi na kunitaka nile jani moja.

Nikaliingiza mdomoni, jani lile lilikuwa chungu sana, halikuwa na utamu hata kidogo. Kwa wale watu wa Tanga ambao wanapenda sana kula mboga ya Mchunga watakuwa wanafahamu zaidi.

Sikuweza kulitafuna jani lile, nikalitoa mdomoni. Ulimi wote nikauhisi ukiwaka moto, uchungu wote ukawa umehamia katika mdomo mzima Katika maisha yangu niliwahi kula kitu cha uchungu namna ile si kama ilivyo doka.
 
SEHEMU YA 25

Kadri muda ulivyozidi kwenda mbele na ndivyo ambavyo mdomo wangu ulivyozidi kuwa mchungu mpaka kufikia hatua ya kuwaomba maji.

Baada ya sekunde ishirini nikaletewa maji yakiwa katika kikombe kilichokuwa kichafu, nilipoyaangalia maji yale, sidhani kama kulikuwa na watu ambao walikuwa wakinywa maji yale katika dunia hii.
Maji hayakuwa masafi hata kidogo, maji yalikuwa machafu mno. Nikabaki nikiyaangalia maji yale.

Mdomo ulikuwa mchungu na nilikuwa nikihitaji sana kunywa maji, ila maji ambayo nilikuwa nimeletewa mahali pale, yalikuwa ni maji machafu sana, sikujiuliza zaidi, nikayanywa maji yale huku nikifumba macho yangu.

Hayo ndio maisha ambayo walikuwa wakiishi watu wa hapo Zahor, walikuwa wakiishi maisha ya tabu sana.

Yale majani ambayo kwangu nilikuwa nikiyaona kuwa machugu, kwao yalionekana kuwa matamu kama pizza ama baga, maji yale ambayo nilikuwa nikiyaona kuwa machafu, kwao yalionekana kuwa masafi sana kama ya Mlima Kilimanjaro.

Hatukuendelea zaidi na safari, tulichokitaka ni kukaa mahali pale japo kwa siku moja zaidi. Vichwani mwetu hatukujua kile ambacho kingeweza kutokea mahali pale, kama tungelewa kile ambacho kingetutokea kesho yake asubuhi, nadhani tungeondoka kijijini hapo jioni hiyo hiyo.
*
*
*

Je, nini kitaendelea?
 
Kwahyo mkuu ndo tungoje had kesho asubuh sindyo?
Shunie said:
SEHEMU YA 25

Kadri muda ulivyozidi kwenda mbele na ndivyo ambavyo mdomo wangu ulivyozidi kuwa mchungu mpaka kufikia hatua ya kuwaomba maji.

Baada ya sekunde ishirini nikaletewa maji yakiwa katika kikombe kilichokuwa kichafu, nilipoyaangalia maji yale, sidhani kama kulikuwa na watu ambao walikuwa wakinywa maji yale katika dunia hii.
Maji hayakuwa masafi hata kidogo, maji yalikuwa machafu mno. Nikabaki nikiyaangalia maji yale.

Mdomo ulikuwa mchungu na nilikuwa nikihitaji sana kunywa maji, ila maji ambayo nilikuwa nimeletewa mahali pale, yalikuwa ni maji machafu sana, sikujiuliza zaidi, nikayanywa maji yale huku nikifumba macho yangu.

Hayo ndio maisha ambayo walikuwa wakiishi watu wa hapo Zahor, walikuwa wakiishi maisha ya tabu sana.

Yale majani ambayo kwangu nilikuwa nikiyaona kuwa machugu, kwao yalionekana kuwa matamu kama pizza ama baga, maji yale ambayo nilikuwa nikiyaona kuwa machafu, kwao yalionekana kuwa masafi sana kama ya Mlima Kilimanjaro.

Hatukuendelea zaidi na safari, tulichokitaka ni kukaa mahali pale japo kwa siku moja zaidi. Vichwani mwetu hatukujua kile ambacho kingeweza kutokea mahali pale, kama tungelewa kile ambacho kingetutokea kesho yake asubuhi, nadhani tungeondoka kijijini hapo jioni hiyo hiyo.
*
*
*

Je, nini kitaendelea?
Click to expand...
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register