Acha kupiga siasa ndugu yangu,
Maneno ya yule msemaji wa Jeshi kule BBC yalikuwa yanatia aibu. Alikuwa anaongea kama mswahili wa mtaani kabisa ndo akatumia kibwgizo hicho ulichotumia kwenye bandiko hili: eti mabomu kama yame-expire yasingelipuka. Sipendi kuingilia sana mambo ya utalaam wa Mabomu lakini ku-expire kwa mabomu si lazima kilicho expire iwe ni explossive. Kama kilicho-expire ni fuse za kuyalipua huoni kuwa bado yanaweza kulipuka ikiwa yatalipuliwa na kitu kingine external?
Turudi kwenye mjadala wa BBC, Mtaalam kutoka Kenya alielezea vizuri sana kushangaa kwake kuwa;
1. Jeshi hawakuweka buffer zone
2. Ma explossive makubwa kama yale maghala yake yanatakiwa yawe na uwezo wa kuhimili milipuko na kuzuia kusambaaa kwa milipuko hiyo.
Mtaalam amekiri kulikuwa na matatio ndani ya jeshi letu kwani kwa utalaam wake Mabomu hayatakiwi kuhifadhiwa kwenye ghala lisilokuwa imara kuweza kuhimili milipuko. Haya masuala msemaji wa Jeshi saa zote alikuwa akiyakwepa na kuingilia hoja laini laini za wananchi kuhamia pale na za mabomu ku-expire. Tena majibu yake yalikkuwa yanaelea sana.
Imekuwa ikisemwa humu kuwa lazima kuna uzembe ulifanyika na ni vizuri Jeshi wakakiri tu kuwa kuna uzembe ulifanyika. Hifadhi ya explossives haiwezi kufanywa katika ghala sawa na lile la kuhifadhia mahindi. Kwa maana hiyo hata kama milipuko ikitokea ikiwa ghala limejengwa kwa kuzingatia aina ya milipuko inayotakiwa kuhifadhiwa humo basi madhara yasingekuwa kama yale tunayoshuhudia.
Hii inazidi kulifunua jeshi kuwa, inawezekana matatizo haya ni ya muda mrefu na ni mapana kuliko tunavyofikiria. Ikiwa ghala la Mbagala halikuwa imara, la gongo la mboto halikuwa imara (pamoja na kuwa rais alisema ndo ghala kubwa kabisa nchi hii), hali inaonesha kuwa maghala yetu hayakujengwa kufuata viwango na aina ya mali inayohifadhiwa humo. Kuna uwezekano mkubwa hili ni tatizo la maghala yote kwani kama alipewa contractor tapeli katika mazingira yetu ya ten percent kwa kila kitu, maghala yote yalijengwa substandard na hayafai kuhifadhia milipuko.
Sasa ikiwa hali iko hivyo, ni vizuri jeshi letu likatoka kwenye gamba lake. Liwaambie wananchi wote kuwa maghala yetu ya kuhifadhia milipuko si salama. Hii maana yake ni kuwa mji kama wa Dar es Salaam wote unatakiwa uwe evacuated, yes, hali ni tete. Walisema range yake inaweza kwenda hadi kilomita kumi, sasa ukiangalia makambi yote yaliyoko mjini Dar es Salaam, ukachora duara la kilomita kumi kuzunguka kambi, ni wazi Dar yote haiko salama. Ukichukulia kuwa kambi zote za jeshi ndani ya Dar most likely zinahifadhi milipuko ya aina moja au nyingine.
Hatari ni kubwa zaidi kwani milipuko hiyo inaweza ikasababisha chain reaction kwa kulipua maeneo kama kurasini yenye kuhifadhi mamilioni ya lita za mafuta.
Ni ama jeshi liingie gharama za mradi wa dharura kubomoa maghala hayo mabovu na kujenga mengine au lihakikishe milipuko yote inahamishwa umbali wa zaidi ya kilomita kumi kutoka nyumba ya mwisho ndani ya jiji hili.
Hali hii haiashirii jeshi linalofanya kazi zake kitaalam, bali inaonesha kuzagaa kwa ubabaishaji kila mahali!
