Mkuu wangu nakubaliana sana na wewe toka mwanzo isipokuwa nilichoitaka kusema ni kwamba ulijaribu kutolisema wazi kwamba mbegu ya matatizo yetu ni AFYA kuwa biashara.
Na hapana sii kweli kwamba AFYA kuwa biashara ni sera ya Kihafidhina sii kweli kabisa isipokuwa Uhafidhina unamlinda mwananchi na biashara inabakia mikononi mwa wananchi. Sio lazima Afya iwe biashara hata kidogo usitumie Uhafidhina wa Marekani maana mazingira tofauti. Canada, japan na nchi kibao AFYA ni bure na wahafidhina wapo isipokuwa matumizi yasiyokuwa na sabau ndio hatutaki. Marekani wanazo Hospital za bure lakini ia zipo Private tunachokataa wahafidhina ni kuona huduma hizi zinafanywa na serikali tu na kumfunga mwananchi ktk maamuzi ya afya yake.
Tatizo la Tanzania ni pale tulipoifanya AFYA kuwa biashara wakati huo huo serikali inaingiza mafedha kibao ktk subsidies ambazo hazitoi nafuu kwa mwananchi. Hivyo mimi kama Mhafidhina napinga matumizi mabaya ya fedha zetu na hivyo kutaka ruzuku zote zikatwe na tuunde mfumo mpya ambao Hospital binafsi zitapewa ruzuku tu ikiwa watatoa huduma hizo bure au karibu na bure laa sivyo wajitegemee na tutawajengea sera za kuwawezesha kuendesha biashara zao.
Serikali itaendelea kutoa huduma bure za Afya kulingana na mazingira yetu maana tuliupata Uhuru wetu kwa kupigania mambo haya. Na lazima tuya enzi ndio Uhafidhana wenyewe..
Hivyo kuna mambo mengi sana watu huchanganya baina ya UBEPARI na UHAFIDHINA ingawa kweli Uhafidhina unatetea zaidi kuboresha miundombinu inayozalisha kazi hivyo kuwapa nafuu wawekezaji wa ndani na sio Nje maana Uhafidhina tunapinga sana wageni.. Utajirisho wa wananchi ndio huzaa ajira na ajira ndio huboresha maisha ya wananchi na sio kutoka chini kwenda juu. Ukimwezesha mtu kujenga kiwanda kwa kodi nafuu unamhamasisha kujikuza na kutoa ajira zaidi hivyo ujenzi unaanza ktk uwekezaji.
Hakuna mahala popote panaposema Uhafidhina unapinga elimu na Afya bure kwa wananchi wake isipokuwa unatazama kwanza biashara inaweza vipi kuleta maendeleo dhidi ya serikali kujihusisha. Hivyo Mhafidhina yeyote hapa Canada ukimwambia US wanalipia Afya na shule tunacheka sana! kwa sababu kodi ya mwananchi inatumika pale inapohitajika zaidi na maswala yote ya biashara unawaachia wananchi serikali haiweki mguu isipokuwa kujenga policies zinazowawezesha hawa wawekezaji kukua kibiashara bila kuumiza wananchi.
Pili, swala la kutojua kama serikali imefilisika.
Mkuu wangu sina maana ya wewe isipokuwa hoja nzima mnashindwa kuelewa kwamba hapa tulipofikia serikali yetu IMEFILISIKA!...Ukweli ndio huo, serikali inatumia mabillioni ya fedha zake ktk vitu ambavyo havina mpango na matokeo yake tunakwama hapa tulipokwama isipokuwa wengi hawafahamu na nikadhani na wewe pia hufahamu hilo.
Sasa wewe nambie Madaktari wanagoma kwa sababu ya posho lakini wameweka na ati vifaa vya kutendea kazi havitoshi...hii kweli inaingia akilini?.. Miaka yote ya Udaktari wao wamefanya kazi hii ktk mazingira magumu zaidi enzi za mwalimu leo hii ubora wa Hospital wakati wewe mwajiriwa inakuwa sababu ya mgomo wako?. Sababu zote walizotoa hazina maana zaidi ya madai ya posho kwa sababu tu Pinda kapitisha ongezeko la posho za wabunge..peroid!.. Ni ujinga toka kwa serikali na ujinga toka kwa Madaktari maana wanatuumiza sisi wananchi.
Kweli serikali imefilisika na sii uongo na sababu kubwa ni hizi posho na matumizi yasiyokuwa ya msingi. Tunatumia fedha nyingi sana ktk recurrent expenditures badala ya kuboresha huduma zenyewe. Wabunge wana vikao mia kwa mwaka wote wakichota ruzuku lakini ufanisi ktk kazi hakuna. na kila tunapojiuliza kwa nini tumeshindwa zinaundwa tume nyingine kuchunguza na kuchukua posho zaidi. Sasa hivi ktk kufikiria Tanzania yenye mabadiliko wanaunda tume kuunda dira ya nchi wakati Katiba haijafikia muafaka.. Haya yote ni matumizi mabaya ya kodi za wananchi na Ufafidhina tunajali sana kodi za wananchi zinatumika vipi.
Mkuu,
Nimefurahi sana kutambua rasmi kwamba Mkandara ni Mhafidhiana. Hili litatusaidia sana kubadilishana mawazo humu
ki-tikadi. Nadhani unakubaliana na mimi kwamba Siasa za vyama vyetu Tanzania – CCM, Chadema, CUF, etc, haziendeshwi kwa itikadi. Lakini tuliache hilo kwa sasa.
Kwanza kuanzia, nakubaliana na wewe kwamba Uhafidhiana na ubepari ni vitu viwili tofauti, ingawa wengi hawalifahamu hilo. Lakini muhimu lingine ni kwamba, ubepari na soko huria ni vitu vyenye uhusiano tu, lakini havifanani, kwani Soko lipo katika mifumo mingine yoyote, kinachobadilika chini ya mfumo wa ubepari ni kwamba tu, soko sasa linakuwa la
‘huria'.
Lakini kabla sijaenda mbali, naomba kujitambulisha rasmi leo kwako kama
Mjamaa wa Kidemokaria (a Social Democrat). Kwa maana hii, wakati wewe ni muumini wa mrengo wa kulia, mimi ni muumini wa mrengo wa
‘kushoto-kati', kwa kuendana na mpangilio wa itikadi hapa chini, ambapo eneo la
KATI ni lile kati ya
Uliberali na Ujamaa wa Kidemokrasia likiwa n
dio mrengo wa kati, ambayo pia ndio itikadi ya Chadema.
Ukomunisti>Ujamaa=>Ujamaa-wa-Kidemokrasia=Uliberali=>Conservative Liberals=>Uhafidhiana
Sisi na nyinyi tuna tofauti nyingi za msingi, lakini muhimu zaidi ni kwamba pia tuna mambo mengi ya msingi tunayofafana. Naomba unielewe naposema SISI sina maana ya CCM,kwani CCM haina dira. Nikisema sisi maana yangu sisi waumini wa itikadi ya ujamaa wa kidemokrasia, itikadi ambayo bado hakuna hata chama kimoja Afrika inaifuata.
Nianze na tofauti kati ya sisi wajamaa wa kidemokrasia na nyinyi wahafidhiana: Sisi na nyie tunatofautiana juu ya kiwango cha ushiriki wa serikali katika umma na uchumi, kupitia aidha huduma za kijamii kama vile afya elimu, n,k, au mashirika ya umma, katika shughuli za utoaji wa huduma na na uzalishaji. Nyinyi mnahimiza sekta binafsi kuwa mstari wa mbele zaidi, na ikiwezekana, serikali kutojiingiza kabisa. Ni wenzenu chini ya itikadi ya "
Conservative Liberals", ndio wana ka-uvumilivu kidogo na serikali katika masuala haya, Sio nyinyi
. Lakini pamoja na tofauti hizi, sisi na nyinyi tunafana katika kitu kimoja cha msingi sana:
Sote tunaamini juu ya umuhimu wa kuwepo kwa mfumo wa kibepari, na tunapinga itikadi za kijamaa na kikomunisti ambazo lengo lake kuu ni kuusambaratisha na kuutokokomeza mfumo wa kibepari katika jamii.
Suala la muhimu sana kusisitiza hapa ni kwamba, sisi
"Wajamaa wa Kidemokrasia", tunaamini umuhimu wa
Ubepari, ili mradi tunapewa uwezo wa kuukemea pale unapoenda mrama - hasa pale ubepari unapoumiza watu wa hali ya chini. Iwapo tunapata nafasi ya kuunda serikali, ni muhimu kwetu sisi ubepari utuvumilie, kwani ili kuepusha chuki kama zile za kikomunisti au Kijamaa dhidi ya ubepari, sisi hatuna tatizo na uwepo wake ilimradi serikali yetu inapata nafasi ya kuweka muundo thabiti wa kugawanya utajiri wa taifa, mfano kupitia kodi za aina mbali mbali, lakini pia uwepo wa huduma za kijamii – afya, elimu, makazi n.k, kwa wananchi wote wasiojiweza. Hilo likishindikana, sisi na ubepari hatuwezi kukaa meza moja kwani tuta twangana ngumi.
Sasa tuje kwenye hoja yako nyingine, pale unaposema:
Hakuna mahala popote panaposema Uhafidhina unapinga elimu na Afya bure kwa wananchi wake isipokuwa unatazama kwanza biashara inaweza vipi kuleta maendeleo dhidi ya serikali kujihusisha
.
Itikadi nyingi za kushoto, ikiwa pamoja na yetu ya Ujamaa wa Kidemokrasia zinakerwa na sera zenu nyingi ambazo kwa kweli hazijali watu maskini katika jamii. Sera zenu nyingi zinachangia sana kuongezeka kwa pengo kati ya watu wa kipato cha juu na kipato cha chini. Lakini hamkosi kuja na hoja kukinga msimamo wenu. Mnadai kwamba –
pengo kati ya watu wa juu na wa chini ni kichocheo muhimu kwa wananchi kufanya kazi kwa bidii na kuongeza ubunifu ili na wao wafanikiwe katika maisha. Na ndio maana, in the same vein, mnaamini kwamba huduma za bure za serikali zinajenga muundo unaolea wavivu, ambao wanaishi kwa kutegemea government handouts. Ni kwa sababu hizi, nyinyi huwa hamkubaliani na huduma bure za afya, elimu, n.k, kwa umma.
Kuna hoja yako nyingine unasema kwamba:
Marekani wanazo Hospital za bure lakini ia zipo Private tunachokataa wahafidhina ni kuona huduma hizi zinafanywa na serikali tu na kumfunga mwananchi ktk maamuzi ya afya yake.
Hoja hii ni ya kawaida sana miongoni mwenu, na inasisitiza kwamba ni muhimu kwa serikali kuwaachia wananchi wachague/wawe na choice, sio kuwafunga wategemee huduma za serikali pekee. Suala hili kwa kiasi fulani nakubaliana nalo, kwani ushindani ndio msingi wa ufanisi. Lakini kwa kiasi fulani nina reservation juu ya suala hili katika mazingira yetu ya Tanzania.
Naomba nikuulize:
Je kwa Mtazamo wako, katika mazingira ya Tanzania ambako tuna hospitali nyingi tu za binafsi, mfano kwa Dar-es-salaam zipo Agha Khan, Hindu Mandal, TMJ, Trauma Center, Regency n.k, kwanini hatuoni wakazi wengi wa Dar-es-salaam wakifurika kwenye hospitali hizi, na badala yake wanafurika kwenye hospitali za Mwananyamala, Ilala (Amana)na Temeke, kiasi cha kulala hata sakafuni wakati kuna vitanda wazi vingi tu Agha Khan, Hindu Mandal, TMJ, Trauma Center, Regency?
Unapendekeza suala la mfuko maalum wa ruzuku ambapo hospitali binafsi ambazo zitaweza kutoa huduma kwa gharama karibia na bure, kama sio bure, zitapewa fedha kutoka katika mfuko huu. Hili ni wazo zuri sana. Lakini je, hauoni kama hapo ni mgongano wa ki-itikadi? Iwapo unagombea uongozi, kwa msimamo huo, wahafidhiana hawatakupa kura, kwani, suala la mfuko wa ruzuku ya afya maana yake ni Serikali kuendelea kuwepo katika sekta hii, kwani hizi bado ni fedha za walipa kodi. Vinginevyo, tafisri yangu kuhusu hoja yako ya mfuko wa ruzuku ya afya ni kwamba, ni muhimu kwa serikali kuendelea kushiriki kutoa huduma za afya, lakini njia ya ruzuku ya afya, ndio njia ya ufanisi zaidi, kwani njia hii itaipunguzia serikali mzigo (walipa kodi), tofauti na mfumo wa sasa wa serikali kutoa huduma za afya moja kwa moja, ambao unaendeshwa kwa ufanisi wa hali ya chini sana. Nakubaliana na wewe katika hili.
Vinginevyo nakubaliana na wewe kwamba matumizi ya ovyo ya serikali ya sasa, katika vitu visivyokuwa na maana yamechangia sana nchi kufilisika, hivyo kuathiri shughuli nyingi sana za kiuchumi na kijamii zilizokuwa chini ya serikali.