Nilitamani kukamilisha kila kitu ndio nilete mrejesho lakini nisiwaweke sana naomba nisimulie sehemu ya kwanza!
NB: sina bifu na mhusika na kama atahisi nimemuonea nitaomba aje hapa anisute!
Huyu ndugu ni mojawapo ya wanaJF wa mwanzo kabisa kufahamiana kwa maana ya kuonana live mwaka 2014.. Na mpaka tunaonana tena juzi ilikuwa ni mara ya tatu
Siku ya Jumatatu wiki hii nilienda kikazi nje ya Dar mwendo wa kilometers 100 hivi.. Kufika eneo husika nikakuta mhusika hayupo, hivyo nikasogea bar ya jirani na hapo nikapate lunch maana ndio ilikuwa mida yake!
Naingia pale mahali nikakutana uso kwa uso na mhusika, tukasalimiana na kushangaana kule tulikokutana kama tukio la bahati kubwa
Nilikuta yeye muda huo anatoa lock..tukakaa counter ambayo ilikuwa kwenye mzunguko wa hexagon na kati yangu mimi na yeye tukatenganishwa na mdau mwingine niliyemkuta naye hapo
Alinikaribisha kinywaji kikali lakini nikamwambia lazima nile kwanza na nisingeweza kunywa muda ule wa kazi
Kibingwa akaniwekea kidogo nikanywa na baadae nikala
Nakaribia kuondoka akaniongeza .. Lakini kuna muda alichomoka mara moja na kurudi.. Kwakuwa nilikuwa busy na kupiga simu sikufuatilia kila kitu
Nikanywa kile kidogo tena alichoniwekea tena nikamaliza na kumuahidi kurudi nikimaliza ishu yangu.. Nikatembea kurudi kwenye ofisi husika na kukuta mhusika hajarudi., nikasema ngoja nikajiegeshe kidogo kwenye gari kwakuwa nilihisi uchovu wa ghafla!
Kule kujiegesha nililala masaa mawili mpaka nilipokuja kuamshwa.. Mwenyeji wangu akanitania kuwa naonekana mchovu inawezekana weekend nilipiga maji sana
Nilimaliza na mwenyeji wangu. Na kuondoka nikapita pale alipokuwa rafiki yangu wa JF.. Kuna vitu vya kushangaza vilitokea pale
1. Niliona Kama wahudumu waliokuwa wamekaa meza moja wananishangaa
2. Jamaa kama alishtuka sana na kama kutaka kukimbia
Mpaka hapo nilikuwa sijahisi kitu kibaya.. Nikamwambia nimeshamaliza nimepita kumuaga .(alikuwa amashasema tutaondoka wote kurudi dar)
Niliagiza pepsi baridi sana maana koo lilikuwa kavu kupita maelezo.. Nilihisi kitu kwa jamaa kama alikuwa na mshangao na kuchanganyikiwa kidogo ... Ikabidi nmwambie tu amalizie taratibu kinywaji chake mimi niwahi maana muda ulikuwa umeshasogea
Niliondoka na kuendesha salama mpaka dar lakini njiani nilikunywa pepsi nyingine mbili huku nikihisi uchovu wa ajabu..nilifika home salama lakini nilichoweza ni kujimwagia maji tuuu
Nilijitupa kitandani na kulala fofofo mpaka saa saba usiku.. Kustuka nikakuta tena koo limekauka mno nikanywa maji tena lita nzima.. Nikalala tena mpaka saa moja asubuhi ..(sio kawaida yangu kulala hivyo)
Asubuhi hiyo ya Jumanne ndio nikawa ninajihisi nafuu ya uchovu na kiu kali.. Nikaanza sasa kukumbuka kila kitu kila tukio.. Nikalala tena mpaka saa tatu.. Nilichelewa kwenda kazini .. Baada ya lunch nikalala tena.. Yaani ilikuwa ni mwendo wa kulala na kiu
Hii ni part one
