Naomba niingili hapa mara moja.
a. Hakuna mwanachama ambaye atavushwa hapa kwa kuangalia jina lake au mchango wake mahali kwingine. Akija Kikwete, Salim, hata mmojawapo wa wa mitume watapanda daraja taratibu kama wengine walivyofanya. Hivyo hilo wazo la kurusha watu madaraja sidhani kama lina nafasi katika JF. Njia za kupata daraja ni pamoja na michango ya mtu, kuanzia ya mabandiko yake na ya kuiwezesha JF.
Dr. Slaa na wengine watapanda chati taratibu kwa kufuata njie ile ile waliyoifuata wengine. Hilo hata hivyo halina maana ya kumshusha hadhi au kumfanya duni bali ni kuonesha kuwa katika JF wanachama wote ni sawa.
Dr. Slaa amekuwa mwanachama hapa kwa muda mrefu na amekuwa akifuatilia kwa kina yanayosemwa hapa na sasa umefika wakati wa kujiunga tena rasmi. Note the word "tena". Alishajiunga hapa lakini alipoteza password yake na leo aliamua tu kujisajili upya.
b. Swali kwamba ni yeye hilo lisiwatie shaka na kuna watu wanaangalie nenno kama "nondo" jamani lugha hii wazee nayo wanayo. Nimewahi kumpigia simu Waziri Mmoja tuliposalimiana akaniambia mambo vipi nikasema "pouwa za huko" akaniambia "Pouwa tu". Sasa enzi zile ningeona anatumia neno la ajabu! Then akaja Bush.. guess aliwasiliamiaje watu "mambo!". Kwa hiyo, ameamua kuingia kwa jina lake ili kusiwe na utata wowote ule. Mojawapo ya vitu ambavyo tumekuwa tukivifanya ni kuona kuwa anapoingia mtu mwenye cheo fulani serikalini kwa jina lake tunacheki moja kwa moja na mtu huyo au wasaidizi wake wa karibu.
Miezi ka miwili iliyopita kuna mtu aliingia hapa na kujiandikisha kwa jina la Kikwete na kutoa speech moja ndefu sana. Mara moja tukazungumza na Ikulu (within minutes) na kukuta Rais alikuwa anauchapa usingizi na msaidizi wake akatuhakikishia kabisa aliyeandika siyo Rais na hakuna mtu aliyeidhinishwa kufanya hivyo. Well tukafuta na jamaa aliyeingia akafungiwa. So, kina invisible wanachukulia haya ya kutumia majina halisi very serious.
c. Kujiunga kwa Dr. Slaa rasmi ni mfano mwingine wa kuthubutu kwa viongozi wetu. JF siyo adui yao lakini ni mahali ambapo yote yanazungumzika. Dr. Slaa anajua kwa kutumia jina lake amejiweka kama swala kwenye mbuga iliyozungukwa na simba! Atapata personal attacks na vurugu mechi za kila aina. Hilo bila ya shaka litakuwa ni wimbi la kwanza na akisurvive basi sidhani kama kuna magumu mengine. Uamuzi wake uwe mfano kwa wabunge wengine kuungana nasi, wakijua wazi kuwa ni bora zaidi kuingia kwa majina ya kupachika kuliko majina halisi (ni distraction kubwa sana) kwani akimfokea mtu barabarani na mwana JF akikuona watakuandika humu! Ukionekana umeshikana mkono na mtu basi jina lako litatangaa. Ndio maana kutumia majina halisi kunapoteza sana hoja muhimu. Hata hivyo mtu akishapima pro and cons kwa upande wake binafsi basi afanye kila anachotaka. Hivyo tunawakaribisha wabunge, wakuu wa mikoa, wakuu waidara n.k kuungana nasi kwani hapa ndiyo Jamii Forums.. where we dare talk openly!!! Hapendwi mtu, haogopwi mtu, na hapendelewi mtu.
