Maulaga59
JF-Expert Member
- Feb 1, 2021
- 2,984
- 2,980
Zaidi ya lugha 2,000 huzungumzwa barani Afrika, Kiingereza ikiwa miongoni mwa lugha hizi na kuzungumzwa katika mataifa 25 ya Afrika
Orodha imetolewa ya nchi zinazomumunya Kiingereza kwa ustadi, Kenya ikioshwa na mataifa kadhaa ikiwemo Uganda na Nigeria
Je, Kenya inashikilia nafasi ya ngapi katika kutafuna Kiingereza Afrika? Na ni nani nambari moja? Soma upate uhondo
Zaidi ya lugha elfu mbili huzungumzwa barani Afrika; ukuaji wa lugha na utofauti ukichangia katika kuimarisha mazungumzo miongoni mwa raia wa mataifa mbalimbali ya Bara Afrika.
Orodha ya Mataifa Kumi Bora Yanayotafuna Kiingereza Kizuri Barani Afrika, Uganda Nambari Moja
Uganda ndilo taifa linaloongoza kwa kutafuna Kiingereza kizuri barani Afrika.
Ijapokuwa lugha nyingi hutumika katika mafunzo ya shule ya msingi Afrika, kuna mataifa 25 kati ya 54 ambako lugha ya Kiingereza inatumika kwa masuala rasmi na kibiashara.
Mataifa mengi yanayotumia Kiingereza ni zile zilikuwa chini ya wakoloni kutoka Uingereza isipokuwa Rwanda na Eritrea.
Hii hapa ni orodha ya mataifa kumi bora katika kuzungumza Mataifa 10 Afrika yanayokeketa Kiingereza bora kwa mujibu wa shirika la utafiti la CCJK.
10. Rwanda
Ni moja kati ya mataifa madogo zaidi barani Afrika ikiwa na idadi ya watu milioni 13 na asilimia 0.2 pekee ndio inayozungumza Kiingereza. Kinyarwanda ndiyo lugha inazungumzwa kwa sana na vilevile ni lugha ya taifa.
9. Ghana
Taifa hili la Magharibi mwa Afrika linachukua nafasi ya 9 kwenye orodha hii. Ghana hutumia Kiingereza kama lugha rasmi ya taifa. Ghana ina takriban lugha zingine 11.
8. Malawi
Malawi ina idadi ya watu milioni 19 na licha ya kuwa Kiingereza ndiyo lugha rasmi ni asilimia 26 pekee ya raia wake wanaotumia lugha hii. Chichewa ndiyo lugha ya taifa na asimilia 57 huzungumza lugha hii.
7. Zimbabwe
Ikiwa na idadi ya watu milioni 14.8, nchi hii inashikilia nafasi ya saba katika orodha ya mataifa yanayozungumza Kiingereza kizuri.
6. Botswana
Taifa jingine ambalo halina ufuo wa bahari, likipatikana kusini kwa Afrika. Kiingereza ndiyo lugha rasmi licha ya nchi hii kuwa na watu wengi wanaozungumza lugha ya Setswana.
5. Zambia
Zambia ina zaidi ya lugha na lahaja 70. Hata hivyo, Kiingereza ndiyo lugha rasmi kwa biashara na masuala mengine.
4. Kenya
Taifa hili la Afrika Mashariki limeorodheshwa la nne katika ubora wa kumumunya Kiingereza. Kenya ni nyumba kwa makabila mbalimbali yanayozungumz alugha zao lakini lugha rasmi ni Kiingereza.
3.Nigeria ni taifa la tatu Afrika katika kuzungumza Kiingereza kizuri. Taifa hili lina watu milioni 206 na kati yao, milioni 79 wanapiga Kiingereza.
2. Afrika Kusini
Afrika Kusini inashikilia nafasi ya pili kwenye ubora ikiwa na raia milioni 4.8 wanaozungumza Kiingereza kama lugha yao ya kwanza.
1. Uganda inachukua nafasi ya kwanza kwenye orodha ya mataifa ya Afrika yanayozungumza Kiingereza kizuri. Nchi hii imetumia Kiingereza kama lugha ya taifa tangu kupata uhuru miaka ya sitini.