Tatizo Tanzania wateule wa rais hawapitishwi na Bunge ndiyo maana wengine hata u-research hautagundua chochote kuhusu CV zao na ni kwanini wamechaguliwa kuongoza kitengo au ofisi husika.
Ilitakiwa rasi akifanya uteuzi mzito kama hii ya msajili wa vyama vya siasa basi jina lipelekwe Bungeni na rais mwenyewe au kupitia waliopo chini yake wa-make case ya kwa nini rais kamchagua mtu fulani kwa ajili ya nafasi fulani. Raisi akishatoa maelezo yake (preferably kwa maandishi) kamati husika ijadili uwezo wa mtu huyo kupewa nafasi hiyo. Baada ya hapo mteuliwa mwenyewe apewe nafasi ya kujieleza mbele ya kamati ya Bunge au Bunge lenyewe ni kwa sababu gani anaona ana uwezo wa kuongoza ofisi husika. Kinacho fuata hapo ni mteuliwa kupigiwa kura na Bunge.
Tukifuata utaratibu wa wateule mbali mbali kupitishwa na Bunge basi hatutakuwa na shida ya kuchunguza bila mafanikio mtu katokea wapi. Kupitia utaratibu wa mtu kupitishwa na Bunge, kupitia yeye mwenyewe na aliyemteua wataelezea wasifu wake na kwa nini anafaa. Tusipofanya hivi watu watashika nafasi mbalimbali muhimu bila hata kujua wanatokea wapi.
Kama wanasiasa wanajieleza kwa wananchi ni kwa nini wanafaa (iwe wanadanganya au la) kwa nini na viongozi wengine muhimu wa kuteuliwa wasipitie process hiyo hiyo?
Kuna vitu vingi vidogovidogo tunaweza kufanya ambavyo vitasaidia kuepuka maswali madogo madogo ambayo wala hayakutakiwa kuwa tatizo. Majawabu rahisi yapo kwa matatizo ambayo tunayaona makubwa. Tunahitaji tu kufikiri kidogo na kutunga sheria practical badala ya sheria zisizo na faida zozote kwa taifa.