Viongozi wa Dini na Hatma ya Tanzania

[Mpita Njia]

Wana kazi zao hao, achana nao, utapoteza muda wako bure

 

[Kevo]

Kitendo cha wao kusema hawatajihusisha na siasa tayari ni siasa wasituzuge hawa!Binafsi nafahanu hamna kiongozi wa dini ambaye hafurahi pale ambapo muumini wao anapoingia Ikulu maana anajua kuna maslahi hapa!

 

[Masanilo]

Ukiiunganisha dots utajua nini kinaendelea kwenye media za Tanzania.....wengi tuliisha acha kusoma magazeti yao ie majira, rai, Nipashe etc etc wacha tuwe addicted na JF habari za uhakika na sahihi

Mugasa

 

[Kevo]

Ukiiunganisha dots utajua nini kinaendelea kwenye media za Tanzania.....wengi tuliisha soma magazeti yao ie majira, rai, Nipashe etc etc wacha tuwe addicted na JF habari za uhakika na sahihi

Mugasa

Usijipe matumaini sana Mkuu maana sometimes humu JF kuna porojo maana kuna watu kama vile wametumwa humu kueneza fikra hasi,chuki,kuchochea ukabila na unafiki.
Kila jambo jema lina baya lake!

 

[Gembe]

Ingekuwa wamesema ROstam anaenda kujisafisha kanisa mngepinga tu?mnaona vyama vingine ni vya kuvionea tu siyo?

CHADEMA is untouchable here always

 

[Kevo]

Ingekuwa wamesema ROstam anaenda kujisafisha kanisa mngepinga tu?mnaona vyama vingine ni vya kuvionea tu siyo?

CHADEMA is untouchable here always

What do you mean?
Ushirombo just what I was telling!
JF kuna kila aina ya watu!Sijui ni uwezo wangu mdogo wa kuelewa ila sijaona ambapo tayari CHADEMA wametetewa!

 

[Hofstede]

Ingekuwa wamesema ROstam anaenda kujisafisha kanisa mngepinga tu?mnaona vyama vingine ni vya kuvionea tu siyo?

CHADEMA is untouchable here always

Mkuu mi nimeanza kukushitukia siku nyingi sana. Hivi kuna uhusiano gani kwa aliyeenda(ameenda physically kujisafisha) na anayesemewa kutaka kwenda(Tungoje aende halafu nae tumchambue).

Hivi vijisenti vitatufanya tukose imani kwa wananchi, kwa nini watu wanakubali kutumiwa na mafisadi?, Hakuna kitu kibaya kama kuonekana kuwa wewe ni mtumwa wa mafisadi kila kitu utakachofanya kitatafsiriwa kuwa umetumwa na mafisadi na watu hawatakuamini kwa lolote zaidi ya kukuona wewe ni mtumwa wa mafisadi. Haya magazeti yanajishushia credibility kwa kuandika habari za kutumwa. hata kama ni magazeti yao ni lazima yatakuwa yana operate kwa loss.

 

[Masanilo]

What do you mean?
Ushirombo just what I was telling!
JF kuna kila aina ya watu!Sijui ni uwezo wangu mdogo wa kuelewa ila sijaona ambapo tayari CHADEMA wametetewa!

Ninaimanisha kwamba kuna magazeti ya propaganda sana kueneza chuki, ukabila, uzandiki etc JF mtu akija na sera za kusafisha kundi fulani ie mafisadi huwa hafiki mbali, tofauti na magazeti yanaeneza sumu kwenda mbele. Ukisoma hii thread inaonyesha CHADEMA wako kanisani kitu amabacho wamesemewa na Mwandishi uchwara wa Rostam Abdulazizi

 

[macho_mdiliko]

Ingekuwa wamesema ROstam anaenda kujisafisha kanisa mngepinga tu?mnaona vyama vingine ni vya kuvionea tu siyo?

CHADEMA is untouchable here always

Ibilisi... njaa zako zitakupeleka pabaya!!!

 

[Tikerra]

Sasa ni mtu mzima wa miaka 54.Sio siri lakini vijana wengi hawatanusa umri wangu,wengi wataishia miaka 30,na wakiishi sana miaka 40.Hii ina maana kwamba, katika umri wangu nimeona mengi mabaya na mazuri,lakini haya yanayoikumba nchi yetu sasa yanatisha sana.Nimesoma sheria10 za shetani ambazo wengi wenu ninaamini hamjui hata kama zipo.Nikizichunguza ninakuta kwamba ndizo zinazo fanya kazi sasa.Kwa hiyo sina lingine la kufanya isipokuwa kuamini kwamba shetani ameshaikamata nchi.Kinachonishangaza ni hawa viongozi wa dini, kwamba wao hawaoni hali hii?Na kama wanaona,mbona hawachukui hatua yeyote ya makusudi kuinusuru nchi?Vingi nevyo hatuna njia ila kuamini kwamba nao wameshaingia katika mtego huu wa shetani.Kama bado hawajatekwa na shetani tunawakumbusha jukumu lao la msingi la kuinusuru jamii kutoka kwenye makucha haya ya Ibilisi.

 

[MAMA POROJO]

Sheria kumi za shetani ni zipi hizo?

 

[BAK]

Hawa nao ndiyo mafisadi wengine tena wa dini zote. Wanajifanya kupigia kelele ufisadi halafu kila kukicha wanawakaribisha mafisadi makanisani na misikitini wakitafuta umaarufu kwa mafisadi hao.

 

[Ladslaus Modest]

Kwa bahati mbaya, baadhi ya viongozi wa Dini wanatafuta maslahi yao, badala ya kuwaelekeza waumini wao njia ya kumuona muumba wao wakati wa miisho ya nyakati.
Wengi wao badala ya kuhubiri kilichopo kwenye kitabu (vitabu) chao kitakatifu, wanahubiri chuki dhidi ya imani nyingine. Hata ukiwafuatilia kwa ukaribu hata wao wenyewe kwa wenyewe kwenye Dini au dhehebu lao hawachangamani.

Mungu atusaidie wanadamu.

 

[Tikerra]

Nenda Google/Yahoo/MSN,type 'ten comandments of satan' utaziona.Nakutakia kila la heri,

 

[BAK]

Maaskofu: Mafisadi wataiangusha CCM

2008-10-15 10:43:17
Na Simon Mhina

Viongozi wa dini nchini wamesema tofauti na wakati wa utawala wa Mwalimu Julius Nyerere ambapo mafisadi walikuwa wanawaogopa viongozi, sasa imekuwa kinyume chake kwani viongozi ndio wanawaogopa.

Kadhalika, viongozi hao walionya kama mafisadi wataendelea kuwa marafiki wa watawala, ni wazi kuwa wananchi watakiondoa Chama Cha Mapinduzi (CCM) madarakani katika chaguzi zijazo.

Wakizungumza na Nipashe kwa nyakati tofauti kwa lengo la kutoa maoni ya hali ya kisiasa, uchumi na vita dhidi ya rushwa tangu Nyerere afariki dunia miaka tisa iliyopita, viongozi hao walisema kama angekuwepo mafisadi wote nchini wangekuwa rumande.

Askofu Mkuu wa Kanisa la Kiinjili la Kilutheri Tanzania (KKKT), Alex Malasusa alisema jinsi viongozi wanavyoasi taratibu miiko ya uongozi ya Mwalimu Nyerere, ndivyo CCM inavyozidi kumomonyoka taratibu, lakini kwa kasi ya ajabu mithili ya barafu lililoanikwa juani.

Alisema Nyerere alikuwa jasiri kukemea maovu, wizi, rushwa na ufisadi, lakini viongozi wa sasa wanahofu kufanya hivyo.

Alisema hatua ya CCM kukubali kukumbatia mafisadi inakifanya chama hicho kujitengenezea njia ya kujiangamiza siku za usoni.

Alisema miiko ya uadilifu na ujasiri wa kupamba na uovu huo, aliokuwa nao Nyerere ndio ulioipa CCM umaarufu na kuaminiwa na Watanzania.

``Kwa hiyo wakienda kinyume imani hiyo itatoweka mara moja, kwa mfano nataka niwaulize hawa wanaochanganya biashara na siasa.

Hivi Nyerere yeye alikuwa mbumbumbu kiasi kwamba hakujua faida za kuanzisha kampuni. Hivi Nyerere alikuwa hajui utamu wa kujilimbikizia pesa ndani na nje ya nchi?`` alihoji.

Akitoa maoni yake kuhusu maadhimisho ya kumbukumbu ya Mwalimu yaliyofanyika nchini kote jana, Askofu Mkuu Zakaria Kakobe wa Kanisa la Full Gospel Bible Fellowship, alisema kinachomtofautisha Mwalimu Nyerere na viongozi wa sasa ni matendo.

Alisema Nyerere siku zote aliishi sawa sawa na yale aliyokuwa anayahubiri.

``Nyerere alikuwa sawa kabisa na mwinjilisti anayehubiri injili, mhubiri yeyote lazima matendo yake yawe kielelezo.

Huwezi kuhubiri kuacha ulevi wakati wewe mwenyewe ni mlevi. Ndio maana unakuta viongozi wetu wanakemea ufisadi kwa mtindo wa rasharasha kwa vile wengi wao wana sehemu katika huo ufisadi,`` alisema.

Askofu Kakobe alisema hivi sasa ni wazi kwamba tangu Mwalimu afariki, ni vigumu kukemea ufisadi ukiwa ndani ya CCM.

Alisema njia pekee ya kuifanya CCM iendelee kuwepo sio dola wala propaganda, bali ni viongozi wake kuishi sawa na maisha ya Nyerere, vinginevyo chama hicho kitabomolewa na wananchi.

``Ndio maana hadi leo Nyerere anaheshimika na thamani yake inaongezeka kila mwaka, ni kwa sababu aliishi sawa sawa na yale anayosema, alipambana na aina zozote za dhuluma na rushwa,`` alisema Kakobe.

Alipoulizwa mafisadi wataiangusha CCM kwa mtindo upi, Askofu huyo alisema hatua ya CCM kukubali pesa iwe kigezo cha mtu kukubaliwa awe kiongozi, ni njia rahisi watakayoitumia mafisadi kuidondosha.

``Enzi za Mwalimu pesa hazikuwa kigezo cha kupata uongozi, hivi sasa pesa ndicho kigezo,`` alisema na kuongeza: ``Kwa vile mafisadi wanajua pesa ndicho kigezo cha kupata uongozi, wameshaanza kuchangishana kwa ajili ya 2010. Kibaya zaidi pesa hizo ni hizi hizi walizopora toka kwa masikini.``

Alisema kinachoshangaza viongozi wanamuenzi Mwalimu kwa mambo madogo madogo kwa njia za kinafiki, lakini mambo ya msingi wanayaacha.

Naye Askofu Msaidizi wa Kanisa Katoliki Jimbo Kuu la Dar es Salaam, Mhashamu Methodius Kilaini, alisema hatua ya viongozi kuogopa kuwakamata mafisadi na kuwafungulia mashitaka kwa kigezo kwamba wakishinda kesi watatudai fidia, kinadhihirisha kwamba bado sheria zetu haziko imara.

Alisema inasikitisha kuona viongozi wanahubiri kumuenzi Mwalimu, ilhali wakubwa wanaokula rushwa na mafisadi wanaachwa wanakula raha.

``Mwalimu hakumuogopa fisadi wala mla rushwa eti kutokana na utajiri wake, kwa vile wakati huu imekuwa kinyume kwa viongozi wetu ndio maana mafisadi wanatamba,`` alisema.

Askofu Kilaini alisema wakati rushwa ndogo ndogo zinapungua kutokana na kushughulikiwa kwa haraka na vyombo vya dola, lakini rushwa kubwa zinazowahusisha mafisadi zinazidi kukua kila kukicha, kwa vile hawaguswi.

Kiongozi huyo alisema kama mbinu alizotumia Mwalimu kupamba na ufisadi zinaonekana zimepitwa na wakati, basi ni vema zikabuni mbinu nyingine na wala sio kukaa kimya.

``Hivi sasa viongozi wetu hawana ujasiri wa kupamba na rushwa kama wakati wa Mwalimu asingekuwepo fisadi yeyote anayetamba mitaani,`` alisema.

SOURCE: Nipashe

 

[Haki.tupu]

Afadhali sasa maaskofu wameanza kujitokeza kutoka kwenye magamba yao! Na hii ndiyo dini ya kweli. Kusema ukweli!

 

[BAK]

Date::10/15/2008
Viongozi wa dini wasema migodini kuna hali mbaya
Na Salim Said
Mwananchi

VIONGOZI wa dini za Kiislamu na Kikristo nchini wametoa ripoti ya safari yao waliyoifanya katika maeneo ya machimbo ya madini mkoani Mwanza na kuanika hadharani mambo mbali mbali, ikiwemo hali mbaya ya maisha inayowakabili wachimbaji wadogo katika migodi hiyo.

Wakizungumza katika uzinduzi wa ripoti na mkanda wa video wa safari yao kwenye hoteli ya Peacock jijini Dar es Salaam jana, viongozi hao walisema hali ya wakazi wa maeneo hayo inatisha na kusikitisha sana.

Mkurugenzi mtendaji wa Shirika la African Evangalist, Grace Masalakulangwa alisema walishuhudia watu "wanapanga foleni katika vidimbwi vya maji machafu huku juu yao kunatoka tani nyingi za dhahabu".

Alisema watu wamekosa imani na kamati zinazoundwa na serikali hadi kufikia wanakataa kuongea na viongozi wa dini kwa madai kuwa wanaendeleza usanii wa serikali.

"Hali ni mbaya hadi mtu anathubutu kumwambia kiongozi wa dini kwamba usiwe msanii kama kamati zinazoundwa na serikali," alisema Grace.

Grace alisema walishuhudia watoto wa baadhi ya familia miongoni mwa familia 86 zilizohamishiwa katika nyumba ya iliyokuwa mahakama ambayo haitumiki tena wakitambaa katika maeneo machafu huku wazazi wao wakiwa hawana hata sehemu ya kujisaidia.

Alisema familia hizo zilihamisha na askari wenye silaha za moto kwa amri ya mkuu wa wilaya kutoka katika eneo alilopewa mwekezaji majira ya saa 9:00 usiku na kupelekwa hapo kwa madai wao hawapaswi kukalia eneo lenye madini.

"Mpaka leo nakosa amani na utulivu kichwani na akilini mwangu... labda kwa kuwa ni mwanamke, lakini wale akina mama hawana hata sehemu ya kufulia nguo," alisema Grace huku machozi yakimtoka.

Naye Sheikh Mkuu wa Mkoa wa Mwanza, Salum Fereji alisema kitu pekee kilichomsikitisha na kukishudia katika safari hiyo ni kule kushuhudia watoto waliotenganishwa na ukuta huku hali zao za maisha zikiwa tofauti.

Alifafanua kwamba akiwa ndani ya ukuta huo anakula mkate kutoka Afrika ya Kusini na kuogelea ndani ya mabwawa ya kutengeneza, huku aliye nje ya ukuta huo anakula mchanga na kukaa zaidi ya siku tano hajaoga.

Sheikh Fereji alisema walishuhudia watu wanaoishi katika maeneo ya madini wanahamishwa kila siku na amri za kuwahamisha watu hao zinatoka katika vinywa vya viongozi wa nchi.

"Wanaowambia kaeni pale ni viongozi na wanaowambia hamieni pale pia ni viongozi wetu," alisema Sheikh Fereji.

Naye Askofu Dk. Valentino Mokiwa kutoka Kanisa la Kianglikana Dayosisi ya Dar es Salaam alisema walishuhudia uwanja wa ndege ambao unaweza kutua ndege yoyote duniani.

Alieleza kwamba walipouliza waliambiwa kuwa ndege zinazotua humo zinaleta mikate kutoka Afrika ya Kusini ambayo haipatikani Tanzania na kuongeza kuwa kwa tafsiri yake ndege hizo haziwezi kurudi tupu bali zinarudi na madini ya dhahabu kwa sababu haziwezi kurudi tupu.

Alisema walihisi kuwepo kwa serikali katika migodi ya madini, lakini hakuiona kwa sababu hawakuona ofisi za Mamlaka ya Mapato (TRA) wala dola, licha ya kuwa kuna mali nyingi inayozalishwa maeneo hayo.

"Nilishangaa sana, kwani katika vibanda vya wamachinga vinaweza kupitiwa na maafisa wa TRA zaidi ya mara tatu kwa siku wakidai kodi mbalimbali kwa nini isiwe kwa wawekezaji," alihoji Dk Mokiwa.

Alisema nchi inaimba ujinga katikati ya utajiri wa madini na kuongeza kuwa serikali zinakuwa za kijinga kwa kumtoa kafara wa kwake na kumtukuza mzungu kutokana na kumpa ardhi na kumuacha Mtanzania akidhalilika.
Aidha alisema walishuhudia mashimo makubwa matupu ambapo alidai kuwa udongo wake wenye dhahabu husafirishwa chini ya ulinzi mkali wa Jeshi la Polisi kwenda katika nchi za Japan na kwamba makontena hayasimamishwi hata sehemu moja yanaposafirishwa.

Kaimu Mufti wa Tanzania, Sheikh Suleiman Gorogosi alihoji aina ya mkate ambayo haipatikani Tanzania mpaka iagizwe kutoka Afrika ya Kusini na kuongeza kuwa huo ni ujanja tu lakini ndege hizo zinakuja zikichukuwa madini.

Naye Askofu Peter Kitula kutoka Kanisa la African Inland Church (AIC) aliisihi serikali na wabunge watumie nafasi yao waliyopewa na Mungu kuwachukulia hatua za haraka wawekezaji hao ikiwa ni pamoja na kusitishwa kwa mikataba yote halafu uchunguzi ufanyike juu ya matukio mbalimbali ya ukiukwaji wa haki za binaadam.

Akisoma mapendekezo hayo Katibu Mkuu wa Baraza Kuu la Waislaam Tanzania (BAKWATA) Sheikh Ali Mzee alisema wanaitaka serikali kushughulikia kesi zote na kumaliza mateso kwa waathirika wa migodi hiyo na kusimamia ulipwaji wa fidia na kupatiwa matibabu wote waliothirika katika kuhamishwa maeneo yao.

Mengine ni kuchunguza ukiukwaji wa haki za Binaadamu na kuwaadhibu wahusika na kuunda kamati huru ya kuchunguza upya tuhuma za mauaji ya makusudi ya watu 50 katika machimbo ya Bulianhulu na ripoti yake kuwasilishwa bungeni na kwa wananchi.

Pamoja na mapendekezo hao pia viongozi hao walizindua mkanda wa video unaonyesha mateso ya watu wa machimboni.

Kwa upande wake mtafiti na mwanasheria, Tundu Lissu alisema serikali inapaswa kusoma na kuelewa alama za nyakati na mabadiliko yake kwa kuwa inapofikia viongozi wa dini kufanya utafiti na kuzungumzia hali mbaya ya nchi mambo ni mabaya.

 

[Nemesis]

afadhali waseme viongozi wa dini huenda Serikali ikasikia baada ya kuziba masikio vilio vya Mrema kuhusu watu kufukiwa Bulianhulu eti kwasababu anataka Urais. Je na hawa viongozi wa dini wanataka Urais? this statement sounds loud "waafrika ndivyo tulivyo".

 

[BAK]

Viongozi wa dini wataka mikataba ya madini kupitiwa upya

Shadrack Sagati
Daily News; Wednesday,October 15, 2008 @20:46

Viongozi wa dini nchini wamecharuka na kudai kuwa rasilimali ya madini haijainufaisha nchi kutokana na kuibwa na wawekezaji wa nje hivyo wameitaka serikali kuandaa upya mikataba ya uwekezaji yenye manufaa kwa taifa.

Hayo yamo katika ripoti ya Madini kwa Maisha ambayo imeandaliwa na viongozi wa dini waliokwenda kutafuta ukweli kwenye maeneo ya migodi waliyoizindua Dar es Salaam jana baada ya kutembelea migodi ya Geita, Nzega, Kahama na North Mara.

Viongozi walioandaa ripoti hiyo ni kutoka Baraza la Maaskofu wa Kanisa Katoliki (TEC), Jumuiya ya Kikristo (CCT) na Baraza Kuu la Waislamu Tanzania (Bakwata). Wamesema katika ripoti hiyo kuwa wachimbaji wadogo wamezidi kuwa masikini baada ya wawekezaji kuingia.

Wamesema watawasilisha ripoti hiyo kwa viongozi wa serikali akiwamo Rais Jakaya Kikwete, Waziri wa Nishati na Madini, wabunge na kuihubiri misikitini na makanisani.

“Tumeshuhudia kule migodini… hakuna watu wa TRA (Mamlaka ya Mapato Tanzania) lakini kuna viwanja vya ndege vinavyohamisha rasilimali yetu kila siku. Wawekezaji hawa wanalalamika kuwa wanapata hasara, huu ni uongo,” alisema Askofu Valentino Mokiwa wa Kanisa la Anglikana.

Viongozi hao pia wamesema wananchi ambao wanaishi katika maeneo ambako kuna migodi wameachwa masikini huku wawekezaji wakiishi maisha ya kifahari kama wako Ulaya.

Walisema hata miradi inayojengwa na wawekezaji hao huko vijijini haifanani na thamani ya mabilioni ya fedha wanayovuna kwenye migodi hiyo. Kwenye ripoti hiyo pia viongozi wamesema wananchi wananyanyaswa na wawekezaji hasa suala la kuhamishwa hali inayowafanya wananchi wageuke kuwa kama watumwa au wakimbizi ndani ya nchi yao.

Walitoa mifano ya kaya 86 za Kijiji cha Mtakuja, wilayani Geita, zinazoishi kwenye jengo la mahakama baada ya kuhamishwa kwa nguvu hali inayowafanya wageuke kama wakimbizi. Pia walitoa mfano wa wakazi wa Katoma ambao nao wamehamishwa kwa nguvu na kulipwa fidia kidogo.

Mokiwa alisema walipotembelea jengo hilo ambalo limetelekezwa walikuta makazi ya watu 250 ambao wanaishi katika mazingira magumu huku wakiilaumu serikali kwa kuyafanya maisha yao kuwa magumu kiasi hicho.

“Jamii nyingi zinazozunguka migodi zimeathirika hawana ardhi ya kulima na hawana mahali pa kuchimba madini wanaishi kwa kuombaomba,” alisema Mokiwa. Katika ripoti hiyo viongozi hao wa dini wamependekeza kesi zilizoko mahakamani zilizofunguliwa na wananchi waliohamishwa zishughulikiwe haraka.

Kuhusu haki za binadamu, ripoti hiyo imejikita zaidi katika mgodi wa Bulyanhulu ambako wamekiri kupokea malalamiko ya watu ambao wanadai ndugu zao walifukiwa wakiwa hai hivyo kutaka kuundwa kwa kamati huru ya kuchunguza upya tuhuma hizo na ripoti yake iwasilishwe bungeni na kwa wananchi.

Viongozi hao walisema hali inayoonekana Geita na Nyamongo ni ya wananchi kuwa na hasira kwa kuichukia serikali kuwa ndio chanzo cha umasikini wao kutokana na kuwahamisha katika maeneo waliyokuwa wanachimba dhahabu na kuwapa wawekezaji. “Hili ni bomu kuna siku lazima litalipuka,” alisema Sheikh wa Mkoa wa Mwanza, Salum Fereji, wakati akizungumza kuhusu safari yao.

 

[Selous]

Naomba Zito Kabwe atafutwe huo aliko ajibu hii report kama tunataka usawa. Yeye alitembelea huko na report full wanayo.

Halisi, Mpaka Kieleweke, Kitila, John Mnyika, Dr. Slaa na wengine wenye contacts zake mwambie uchaguzi tarime umeisha sasa atumie muda kidogo tu ajibu.

Tafadhali jamani. Asante sana na Mungu awabariki kwa msaada.