Vibanda vilivyowekwa kando ya barabara Jijini Dar es Salaam kuondolewa

[Mlima simba]

Gari la tangazo linapita kutangaza ya kuwa ifikapo tarehe 18 mwezi huu hakitakiwi kibanda chochote kuonekana kando kando ya barabara katika jiji la Dar es Salaam.

--- UPDATE MAY 11, 2021--

Mkurugenzi wa Jiji la Dar es Salaam, Jumanne Shauri amewataka wafanyabiashara waliojenga vibanda katikati ya Jiji la Dar es Salaam kuviondoa kabla ya Mei 18, 2021.

Wakati Shauri akieleza hayo, gari lenye spika za matangazo linapita katikati la mitaa ya Jiji hilo likitangaza kuhusu mchakato huo kwamba vibanda havitakiwi kuonekana kando ya barabara.

Akizungumza na Mwananchi Digitial leo Jumanne Mei 11, 2021 Shauri amesema hawajazuia wafanyabiashara kuendelea na shughuli zao, wanachotakiwa kufanya ni kutojenga vibanda na kuwataka wauze bidhaa zao kwenye meza ili wakimaliza iwe rahisi kuziondoa na kuacha maeneo wazi.

Amebainisha kuwa sheria ya mipango miji hairuhusu kujenga vibanda, kuwataka wafanyabiashara hao kutii agizo hilo.

“Mwisho Mei 18 kama ambavyo gari la matangazo linavyotangaza waviondoe vibanda vyao kwa sababu vingine vinajengwa hadi kwenye njia za watembea kwa miguu na barabarani na kuleta adha kwa watumiaji. Wanatakiwa watii sheria bila shuruti waviondoe wenyewe,” amesema Shauri.

MWANANCHI

 

[Torque vs HP]

Naam kazi iendeleeeee.

 

[Petro E. Mselewa]

Hii safi. Ilikuwa too much...

 

[Benjamini Netanyahu]

Ni uchafu viondolewe haraka sana miji iwe misafi

 

[MANDEVUMENGI]

Watakuja kusema"baba yetu kaondoka sasa wanatunyanyasa"

 

[Phillipo Bukililo]

Hao wanaotolewa maeneo hayo wanatarajiwa kuhamishiwa wapi?. Mtihani mpya kwa wale waliochukua mikopo haswa kina mama wanaotegemea vikoba na pesa za aina hiyo.

 

[Lord OSAGYEFO]

Wazo zuri Jiji lazima lipangike liwe safi Biashara zitengewe maeneo Maalumu sio kila sehemu ni vibanda Angalia Posta Mpaka wachina Mahindi na viazi utadhani Mbagala Ofisi za Serikali Wamejaa Mama lishe shoe shines uchafu mtu

 

[Hornet]

JAPOKUWA WATU WANAJIPATIA RIZKI ILA WAMECHAFUA MNO JIJI

 

[dali kimoko]

Yaani mji umechafuka sana afadhali, sisi waenda kwa miguu tulikua tunapata shida sana kutembea, hakuna njia yaani.

Tena kama wanachelewa, hawa watu waende machinga complex pale. Sisi tutawafuata huko.

 

[Benjamini Netanyahu]

Watakuja kusema"baba yetu kaondoka sasa wanatunyanyasa"

Nadhani na vitambulisho vya machinga havitaonekana tena ni uchafu pia

 

[MO11]

yaani posta na tandale kilikuwa kichotofautisha ni lami na maghorofa ila vibanda kila kona

 

[Benjamini Netanyahu]

JAPOKUWA WATU WANAJIPATIA RIZKI ILA WAMECHAFUA MNO JIJI

Lazima kuwe na mpangilio siyo kichaa mmoja tu anatoa maagizo

 

[technically]

Swala la machinga waondoke tu mjini wanaua biashara watengewe maeneo yao Magufuli alibugi sana.

Kwanza hawalipi kodi na wanaponunua bidhaa hawaombi risiti kwenye maduka makubwa so serikali inapata hasara ya kodi.

Vile vile wengi mjini ni wafanya biashara wakubwa wanafanya kutoa pesa kwenye mfuko wa suluali na kuweka kwenye mfuko wa shati.

Ndio maana ukwepaji kodi unaongezeka kwa sababu watu wenye address za kulipa kodi biashara zao wanachukua machinga.

Halafu machinga wenyewe wanauza sana halafu hawana leseni za biashara za kufanyia kazi wengine unakuta ndio wale waliofunga maduka kipindi cha Magufuli unakuta machinga ameweka bidhaa za milio 10 nje hii sio haki hata kidogo.

Watafutiwe maeneo maalumu kama Tandika tegeta, Ubungo mbagala wawe na shopping mail zao na walipe kodi ili tuone kama watauza tens bidhaa ovyo na kuhatarisha hata maisha ya wanunuzi.

Unakuta mtu anauza nyanya kariakoo katikati ya barabara seriously sehemu ambayo mnasema ni soko la kimataifa.?

 

[dudus]

... safi sana! Mitaa ilichafuka mno! Wananchi watafutiwe maeneo bora na salama ya kufanyia shughuli zao badala ya hizi hadaa za kisiasa - WANYONGE!

 

[uberimae fidei]

Watakuja kusema"baba yetu kaondoka sasa wanatunyanyasa"

Yatima hadeki,watatafuta goli kwingine

 

[Benjamini Netanyahu]

yaani posta na tandale kilikuwa kichotofautisha ni lami na maghorofa ila vibanda kila kona

Ilikuwa ni uchafu sn mpk Rwanda walikuwa wanatuzidi kwa usafi

 

[Mlima simba]

Hii safi. Ilikuwa too much...

Nimetoka tu nje ya ofisi nikakutana na gari ya tangazo inaanza kutangaza, watu wameshika vichwa wengine wanacheka na mimi ikabidi nicheke.

Ila wametubana sana watembea kwa miguu aisee

 

[dali kimoko]

NASHAURI KILA MANISPAA ITENGE MAENEO YA HAWA WATU, WAJENGE COMPLEX ZAO.

Wazo zuri Jiji lazima lipangike liwe safi Biashara zitengewe maeneo Maalumu sio kila sehemu ni vibanda Angalia Posta Mpaka wachina Mahindi na viazi utadhani Mbagala Ofisi za Serikali Wamejaa Mama lishe shoe shines uchafu mtu

 

[Qsm]

karibu mikoa yote Arusha je? utalia

 

[Benjamini Netanyahu]

... safi sana! Mitaa ilichafuka mno! Wananchi watafutiwe maeneo bora na salama ya kufanyia shughuli zao badala ya hizi hadaa za kisiasa - WANYONGE!

Warudi machinga complex pale wafanye biashara hata juu ya palaa la machinga complex