Ndugu yangu Mchechu aka NKM,
Shukran kwa majibu yako ijapokuwa hayajakata kiu yangu.
Nitakujibu maswali yako kama ulivyoomba, lakini kama hautaridhika basi nakukaribisha NHC kuonana na mtu yeyote na kila mwana NHC ataweza kukujibu kwa ufasaha! Kwa baadhi yetu tunapata tabu sana kumjibu mtu usiyemjua na kuendelea kubishana, and therefore remaining silence is our best option!
Nashukuru kwa mwaliko wako wa kutembelea ofisi zenu lakini napata taabu kidogo kuelewa unaposema kama sijaridhika wanikaribisha "kuonana na mtu yeyote na kila mwana NHC ataweza kunijibu kwa ufasaha!" sidhani kama ni sahihi mimi kuja hapo na kumkuta dereva, mesenja, au mpika chai na kuanza kumuuliza iweje mkataba wa kujenga ghorofa kumi uwe wa kujenga ghorofa 16. Naomba unielekeze wahusika/wasemaji wa kuwaona ili wajibu maswali yangu.
Kuhusu 'kubishana' na mtu usiemjua, kwanza hatubishani tuna elimishana kwa mustakabal mwema wa shirika na nchi kwa ujumla. Pili usikhofu hapa JF kanuni zetu zipo wazi wengi ni anonymous wengine wapo kwa majina yao halisi kama wewe.
NHC wana mikataba ya aina tofauti ambayo imekuwa ikiboreshwa kila inapobidi. Uboreshaji wa mikataba unakuwa kwaajili ya mikataba mipya na hiigusi mikataba ya zamani automatically, mpaka kunapokuwa na specific negotiations kama inavyoendelea kwasasa kwa baadhi ya mikataba. Mpaka sasa kuna version nne za mikataba inayoendelea ambayo iilisainiwa katika vipindi tofauti, na kwa kutambua hilo, ndio maana SERIKALI walitoa maagizo mwaka 2010 wakati waikizindua Bodi mpya na Menejimenti mpya ya kuwa NHC wasitishe kutoa mikataba mipya ili waipitie upya sera yao ya ubia.
Katika mikataba hiyo, kuna mojawapo ambayo NHC wanapata asilimia 25% mara mradi ukukamilika na asilimia nyingine 25% baada ya miaka kumi na mbili na kufanya kuwa asilimia 50% kila upande! Katika hii ya mwanzo NHC walikuwa wanamwachia muwekezaji wajibu wote wa kutafuta wataalamu waliosajiliwa na pia wajibu wa kupata vibali vyote, pamoja na kutafuta pesa ya ujenzi na kusimamia mradi mpaka ukamilike. Mkataba wa Ladha ni mmoja wapo wa mikataba hiyo.
Kuna maboresho yaliyofanyika baadae kuanzia mwishoni mwa mwaka 2007 ambapo NHC walichukua jukumu la kushiriki katika hatua za kuchagua wataalamu, pamoja na kusimamia miradi na hii ni katika miradi mingine inayoendelea kwa sasa.
Wajibu wa kupata kibali ulikuwa ni kwa mbia mwendelezaji kwa mujibu wa mkataba uliosainiwa 04/02/2007. Na hata kama kuna ongezeko la mahitaji ilikuwa ni wajibu wa mwekezaji.
Mkuu hapa umejichanganya sana. (msisitizo kwenye blue) Unadai mmekuwa na mikataba tofauti na imekuwa ikiboreshwa kila inapobidi. Halafu unadai maboresho hayo ni kwa mikataba mipya tu lakini mwishoni mwa post yako umesema kwa uhakika kabisa hujawahi kusaini mkataba mpya hata mmoja!. Swali je hayo maboresho ya mikataba mipya ni yepi wakati kimsingi hakuna mkataba mpya?
Jingine linalotisha zaidi ni unadai kama kutakuwa na ongezeko la mahitaji ( kwa maana kuongeza ghorofa) ni
wajibu wa mwekezaji!. Kwa kifupi mnampa blank cheque afanye atakavyo kama mkataba wa kujenga ghorofa 5 hata zikifika 50 haliwahusu!
Swali kama baada ya kusaini mkataba yanayofuata hayawahusu iweje leo mnshinda site uongozi wote, mmechukua jukumu la kugharamia mazishi na matibabu ya waathirika? si mngemuachia Ladha agharamie nyie hisa zenu ni 25%
Hisa za 25% ni katika makubaliano yaliyoko kwenye mkataba na kama kuna ongezeko automatically inaongezeka lakini hii inafanyika mara mradi unapokwisha. Hakuna flat inayoweza kufichwa kwahiyo NHC lazima wapate haki yao inayoonekana.
Duh! hii hatari Kaka! hiyo automatically ni clause ya kwenye mkataba au assumption tu? kama ni clause ina maana the reverse is true. Kama mkataba kujenga ghorofa 20 anaweza kujenga 2 tu! kwa kuwa kuna clause inaitwa automatically inaji adjust!
Rejea number 1 hapo juu, mwenye wajibu wa kuomba vibali kutoka mamlaka husika ni mbia mwendelezaji. Na lazima tujifunze kuheshimu mikataba na kama haufai kabisa unajadili na mbia mwenzako kwa ajili ya marekebisho au unajifunza kutokana na makosa na kutenegenza mikataba mizuri kwa siku za usoni. Kwa kukubali kuchukua wajibu Fulani unakuwa responsible katika hilo! Na kama umesaini kuendesha mradi kamili ni lazima uheshimu sheria za nchi na pia kutimiza wajibu wako wa kimkataba.
Hapo kwenye blue, huo ni mkanganyiko na sintofahamu ya hali ya juu kutoka kwenye majibu yako (flip flopping). Mwanzo umedai mkataba ya zamani haibadilishwi, baadae inaweza kuboreshwa na unaweza kujadili na mbia mwezako kwa ajili ya marekebisho, now which is which? Je huu ulio tuulia watu 30+ kwanini msiujadili na kuurekebisha?
Genge si lugha ya kistaarabu, lakini nitakujibu hilo unaloliita genge hawajawahi kusaini mkataba wowote wa ubia, na serikali ililiagiza hilo genge kuipitia upya sera ya ubia iliiweze kukidhi mahitaji ya sasa kwa kuyafanyia kazi makosa yaliyokuwepo katika sera ya mwanzo bila kupoteza yale yaliyo mazuri.
BUT PUT SIMPLE, NKM HAS NEVER SIGNED ANY JV CONTRACT SO FAR. Lakini hiyo haifanyi sera ya ubia kuwa ni mbaya na kwamba hatutarejea kwenye sera hii, kimsingi tumeishafanyia marekebisho makubwa sana na kwasasa ina mazao (Products) matatu kwa kufuata sera ya PPP ambayo kwasasa ipo. Na the growing upcoming middle class wananafasi kwasasa kuchangamkia nafasi hizi za uwekezaji ambazo uwazi wake umeongezeka kwa kiwango kikubwa.
Naomba radhi kwa ku kengeuka hapo, niruhusu nibadilishe neno "genge" na kuweka timu ya wataalam wako.
tukirudi kwenye mada hapa unatu hakikishia hujawahi kusaini mkataba mpya, hii inapingana na maelezo ya juu kabla.
Kiuchumi, huwezi ukawa na kiwanja cha bilioni tano na ndani yake ukawa una nyumba ya thamani ya milioni mia, na sehemu inayoweza kuwa na watanzania mia ukawa na familia mbili. Kwanini utake watanzania wengine wateseke kusafiri kutoka Kimara na Tegeta kwa masaa manne kila siku iendayo kwa Mungu wakati wangeweze kwenda ofisini kwa dakika kumi kutoka Upanga na maeneo ya karibu ya jiji kama wewe ufanyavyo. Kwanini unapenda kufikiri kuwa watanzania wote hawaujui uchumi rahisi huo?! Huoni ya kuwa hii itasaidia kupunguza hata foleni kama baadhi ya wakazi wetu watahamia mjini kati kutoka pembezoni mwa Dar!
Sipingi sera yenu ya uwekezaji kwa ujumla wake. Taizo langu lipo kwenye mikataba ya ujanja ujanja na ulaghai inayo hatarisha maisha ya watu na pato la shirika kw ujumla, naomba nieleweke hivyo.
Rejea namba moja na namba tano, inawezekana ni kwasasababu ya huo usomi na kuwa na jopo zuri la wataalamu wa real Estate hapo NHC ndo maana hakuna mkataba uliosainiwa tokea mwaka 2010 na hii inamaanisha kuwa wameniongoza vizuri. Lakini hii haimanishi ya kuwa Ubia ni kitu kibaya lahasha! Ubia unafanyika Dunia kote na kitu cha muhimu ni kuwa na mikataba yenye tija!
Hapo kwenye blue ndio msisitizo wangu ulipo.
Na ndiyo maana marekebisho kwenye sera ya ubia yamefanyika, angalia kwenye website utaona baadhi ya Products, na pia Road show zimeshafanyika, na kama unafikiri kuna haja ya maboresho kwenye Products hizo, tafadhali tunaomba utupe maoni yako moja kwa moja kwenye website yetu, kwenye email yangu, au karibu NHC tuweze kukusikia mawazo yako mazuri na tuweze kuboresha products zetu kwa manufaa ya nchi na wananchi.
Hilo nitalifanya
