Bila shaka wengi tumekuwa tujiuliza nini hasa sababu ya Bunge letu kuanza mchakato wa kuwawezesha Watanzania wachache wenye nazo yaani wenye "Vijisenti" kuweza kuwa na uraia wa nchi nyingine zaidi ya hii ya sisi masikini. Bila shaka ukishakuwa na vijisenti lazima uwe raia wa UGHAIBUNI.
Swala hili limekuja akilini mwangu na nikaja kugundua kwamba hawa mamilionea watanzania wenzetu sasa wanataka kutumaliza kisha kukimbilia nje ya nchi. Katika hali isiyo ya kawaida hoja hii haikuwa na msingi wowote kiasi cha kumaliza siku kadhaa ndani ya bunge letu. Ila kulikuwa na kitu ninachoweza kukiita sherehe ya KUIGAWA TANZANIA. Baada ya kuchuma na kuridhika au kufikia hadhi ya kuwa ni mkaazi wa Ulaya na Marekani bila kusahau Asia na kwingineko bunge letu lilikubali kujadili mambo ambayo hayakuwa na manufaa kwa wananchi. ""URAIA WA NCHI MBILI""
Tujaribu kugusa hasa kwa undani faida na hasara ya mfumo kama huu, kwa watanzania waliowengi hakuna faida lakini kwa wale ambao ni walengwa na ambao ndiyo walioleta hoja hii hili lina manufaa sana kwao. Tuelewe kwamba kuwa raia wa nchi fulani huhitaji visa kwenda na mara ukisha kuwa katika nchi uliyopo.
SISI WATANZANIA BAADA YA KUGUNDUA KWAMBA VIONGOZI WETU HAMPO KWA AJILI YA MASLAHI YA TAIFA NA KWA KUWA TAYARI MMEPITISHA RASIMU AU MSWADA HUU WA KUWAWEZESHA HAWA MAFISADI KUWEZA KUHAMA NCHI WATAKAVYO; TUAMUOMBA MHESHIMIWA RAISI ASISAINI SHERIA HIYO.
Bubu,
Inaekekea hata huelewi uraia wa nchi mbili unahusu nini. Pia lazima niweke wazi kwamba mimi ni katika wale wanaoweza kufaidika na uraia wa nchi mbili
ila nimeamua sitatumia hiyo nafasi.
Tuje kwenye hoja, wale wenye pesa au nafasi hawahitaji uraia wa nchi mbili. Kwao kutoka na kwenda sehemu si kazi kubwa. Ukiwa na pesa dunia hii unaweza kwenda kokote unakotaka.
Uraia wa nchi mbili utasaidia Watanzania mbalimbali ambao kwa njia moja ama nyingine wamejikuta wameishi sana kwenye nchi zingine mpaka kuwa na haki ya kuwa raia kwenye hizo nchi. Hili kundi mara nyingi ni la Watanzania wa kawaida kabisa, wanaohangaika usiku na mchana kujijengea maisha yao na maisha ya ndugu zao kule TZ.
Katika uraia wa nchi mbili sehemu mbalimbali duniani, unaruhusiwa kushiriki kwenye mambo mbalimbali ya nchi kama biashara, kazi na mengineyo lakini sio kazi za siasa. Kutakuwa na kipengere kinachokataza wenye uraia wa nchi mbili kuwa viongozi wa siasa, kwahiyo hilo wazo la kwamba hao viongozi watapata nafasi ya kutorosha pesa kwasababu ya uraia wa nchi mbili, ondoa kabisa.
Hata huku nje, kupata uraia sio kazi rahisi. Chukulia kama UK, unahitaji miaka 6 ya kukaa UK, kati ya hiyo mitano uwe na indefinite lieve to remain. Ukiwa mwanafunzi au mtu wa ubalozi, hiyo miaka haihesabiwi. Sasa ni Watanzania gani wanaweza kuwa na hizo ILR? Utakuta sehemu kubwa ni wakimbizi, unaweza kuita waliojilipua na wale waliokuja kufanya kazi. Wale walioanza kuwa na work permit. Makundi hayo mawili na familia zao ndio wengi wana ILR na hivyo wana ura au haki ya kupata uraia.
Je katika makundi hayo mawili, kuna viongozi au watoto wao? Mpaka mtu anajilipua, jua ni mtu wa kawaida tu. Watoto wa viongozi wakimaliza kusoma Ulaya wanafunga virago haraka haraka maana wazee wao watawabeba kule nyumbani, kwahiyo hata kwenye wale wenye work permit, utakuta watoto wa vigogo watakuwa wachache sana.
Uraia wa nchi mbili utasaidia Watanzania wa kawaida mno, walio wengi ni watu ambao wamehangaika kweli huku nje mpaka kupata hiyo nafasi. Kwanini wapoteze hii added advantage? Mimi naunga mkono na miguu hili wazo, kwanza tumechelewa sana hata kwa bunge kuanza kulijadili.
