"Interviewer" alikuwa akikimbizana na muda kuuliza maswali yake, na kumnyima "interviewee" muda wa kutosha kujibu.
Muuliza maswali alichukua muda mwingi kueleza upande wa serikali kuliko kuuliza maswali mafupi ili yajibiwe kiasi cha kutosha.
Jambo muhimu zaidi wanaloweza kuwasaidia waTanzania, (na sio wazungu peke yao, bali jumuia nzima ya kimataifa) watusaidie kuhakikisha kwamba chaguzi zetu zote zinazofuata zinakuwa huru na matokeo yake yawe ndio matakwa hasa ya wananchi wapiga kura wenyewe.
Watusaidie pawepo mazingira yatakayohakikisha matakwa hayo, ikiwa ni pamoja na uwepo wa 'Tume Huru ya Uchaguzi'.
Tanzania hatuhitaji msaada mwinge wowote kuliko hili la kutuwezesha kuchagua viongozi wetu tunaowataka bila ya mizengwe yoyote, toka serikalini au kwenye chama chochote.
Kuingia katika uchaguzi wowote wakati mazingira yaliyopo sasa hayajafanyiwa marekebisho ni kupoteza muda na raslimali, kwa sababu inajulikana dhahiri ni nani atakuwa mshindi.
Ni bora hata pasiwepo na uchaguzi kabisa, kwa sababu tunaweza hata kuepusha madhara, hata ya uwezekano wa kupoteza uhai wa baadhi ya wananchi wetu.
Tuiombe dunia itusaidie.
Nafasi kama hii anayopata Mh Tundu Lissu wakati akiwa huko, ingefaa pia hili alitangaze zaidi kupitia kwenye mahojiano kama haya yaliyofanyika hapa.
Jumuia ya kimataifa ikisikia kilio chetu hiki, Magufuli na CCM yake hawana uwezo wa kutukatalia ombi letu hili.
