Mimi sioni tofauti yoyote kati ya Makinda na Ndugai. Wote wanaipendelea CCM. Na siku ambayo Serurope ametukana aliyekuwa akiongoza bunge alikuwa ni Naibu Spika Job Ndugai na hakumchukulia hatua yoyote na badala yake aliwatoa na kuwasimamisha wabunge watano wa Chadema. Kama ni kupendelea CCM Spika na Naibu Spika ambaye ni mwanaume wote wanafanya hivyo. Msihukumu wananwake wote kwa uzembe au makosa ya mwanamke mmoja
Ndugu Mtengule,
Kama ningeambiwa, hata saa nane ya usiku niizungumzie CCM, ningekurupuka na kuropoka "CCM ni mbovu yote!" Usishangae! Hivyo ndivyo ninavojua, ndivyo ninavyoamini. Hakuna atakayenishawishi kuwa kuna wasafi mule wakati wako mule, wako kimya tuuu...hata hao kina Bulaya, Serukamba na wenzao mimi nawaweka kwenye kundi la wanafiki.
SABABU:
1.There is no point tunaishia kutoa sera mpya kila mwaka, ambazo tunajua hatutazitekeleza, kama ambavyo hatujazitekeleza za nyuma tangu UHURU. Halafu na hao kina Serukamaba hawahoji kwa dhati kuhusu mapungufu ya Seriakli ya CCM. Kwa nini nasema si kwa dhati?
2. Hakuna maana kwa mbunge yeyote anayejitambua, asiye mnafiki, mzalendo kweli toka ndani, na mwenye uchungu na hii nchi na wananchi wake, hasa tabaka la chini la maskini na wasio na sauti....halafu asimame huyu Mbunge kuchangia hotuba...akosoe saaaana..kasoro kibao. Halafu mwisho anaunga mkono hoja! Huu ni umbumbumbu wa kutojua wewe ni nani na uko hapo kufanya nini! Otherwise kama unajitambua ni sawa na kusema unajua fika kuwa Bajeti hiyo ni mbovu, haitekelezeki, haina tija kwa nchi (ndiyo maana ukakosoa!) halafu kwa unafiki wa kuogopa wakuu wako, kwa kujipendekeza kwao ukaunga mkono hoja! Na kwa kuwa aslilimia 70 ya bunge ni hao wanafiki,Wasaliti na wasiojali hatima ya wananchi wao, bajeti mbovu kabisa inapitishwa kwa kuitikia kama watoto wa darasa la pili" ndiyoooooo!" Huu ni UNAFIKI na USALITI.
Nikirudi kwenye hoja,
Sijawasema wanawake wote.Nimemsena Makinda. Sijasema Job Ndugai ana unafuu wowote.Job Ndugai, kama alivyo Makinda ni mbovu, wa ovyo na asiyejitambua! naamini hana haya hata kidogo kwa anayoyafanya, wala sidhani kama hata ana fununu na ni nini alitakiwa afanye kwa nafasi yake. Najua utapenda kujua ni kwa nini nimemsema Makinda zaidi..Nitakwambia:
1.
Nimemsema Makinda kwa sababu kama mama amekosa uchungu na kinamama wenzake na watoto wanaopata shida kila siku na huduma mbovu za maji na matibabu ndani ya hii nchi, kutokana na sera mbovu na bajeti zisizokidhi haja zinazopitishwa na bunge lenye uongozi mbovu (wa Makinda na wenzake), ambapo kwa makusudi kabisa, huku akijua, anafanya bidii kunyamazisha wapinzani wanapokosoa kasoro hizo ambazo kama zingerekebishwa tusingekuwa kwenye mashimo haya!,
2.
Nimeamua kumsema Makinda kwa sababu amekuwa mfano mbaya kwa wanawake wenzake, pale alipokubali kuingizwa kwenye mchakato wa hila wa kupewa uSpika, wakati akijua hana uwezo na nafasi hiyo, na akijua fika wanampa nafasi hiyo kwa sababu hawataki Sitta arudi kwenye nafasi ya Uspika, ili hali akielewa fika sababu za kumtoa Sitta ni kwa kuwa hakuudhibiti upinzani na kupelekea hoja nzito za ufisadi kufanya CCM ikose umaarufu ghafla!
Hivyo kwa kukubali nafasi hiyo aliamua kuwa msaliti wa harakati za kutetea hali mabaya za maisha ya waTanzania, na hata yeye anajua anachofanya siyo sawa na wala siyo haki,
3.
Nimemsema Makinda kwa sababu Spika wa bunge la vyama vingi anatakiwa kuwa ni kiongozi asiyeongozwa na itikadi yoyote ya kisisasa wala mashinikizo toka upande wowote kati ya makundi yanayounda Bunge, ambapo hata wewe unajua kuwa Makinda na wasaidizi wake ameamua kwa makusudi kutoheshimu hoja za upinzani hata kama ni za kweli( amekosa uzalendo), ameamua kuvunja kanuni za bunge kwa makusudi, kutoheshimu sheria ndogo ndogo za Bunge walizopitisha wenyewe. Mfano mzuri (kati ya mingi) ni siku alipoamua yeyote atakayetoa lugha za kuudhi au matusi atolewe nje ya ukumbi wa bunge, halafu kesho yake Mbunge wa CCM anatukana matusi ya nguoni anaachwa tu kisha anaposimama mbunge wa upinzani kuomba mwongozo wa Spika anatolewa nje. Najua Spika Mwenyewe hakuwepo lakini anawajibika kumsimamia msaidizi wake, ila yeye aliamua kukaa kimya, ishara ya kukubaliana na yaliyotokea! HUU SIYO UADILIFU NA NI KUPUNGUKIWA BUSARA na ni dalili za kushindwa kuimudu nafasi yake,
4.
Na nimechagua kumsema Makinda kwa sababu yeye ndiye Spika wa bunge. Na kwa kuwa naibu wake pamoja na wasaidizi wake wengine, anawajibika kwake, ameonyesha udhaifu na kushindwa kumsimamia,
na hivyo namlaumu spika kwa kuwa ameshindwa kumsimamia Ndugai na wasaidizi wake wengine ipasavyo, na ameshindwa kujiuzulu nafasi yake kama Spika ili kupisha mtu mwenye uwezo wa kutosha kuongoza, hivyo kuonyesha kiwango cha juu cha kukosa UZALENDO, na kukosa mfano kwa viongozi wengine wabovu, wakiwemo wasaidizi wake.
Sidhani kama una swali na hilo tena. kama lipo I will be more than willing to make myself clear on the matter. So this is all about Makinda seriously, kama mama na amechagua kuitelekeza jamii inayomtegemea, kama Spika na ameamua kuacha majukumu yake ya kulisimamia bunge, instead amebeba kazi ya kufumbia macho uvunjwaji wa kanuni za bunge na kuunyanyasa upinzani Bungeni ikiwemo kuutetea uongo kama wa Waziri Mkuu na wengine Bungeni na kwingineko na kama political figure na amepwaya vibaya.
Kama kuna wasiwasi na hilo tafadhali kuwa huru kuuliza.
