Siku ya Kimataifa ya Lugha ya Mama: Unajua kuzungumza Lugha Mama yako? Watoto wako je?

[Miss Zomboko]

Siku ya Kimataifa ya Lugha ya Mama husherehekewa kila mwaka tarehe 21 Februari. Ni siku iliyotambuliwa na Umoja wa Mataifa kukuza utofauti wa lugha na tamaduni na kuhamasisha ufahamu wa urithi wa lugha na tamaduni ulimwenguni kote.

Siku hiyo inakumbuka Maandamano ya Lugha ya Kibengali ya mwaka 1952 nchini Bangladesh, ambapo wanafunzi na wanaharakati walipinga kutambuliwa kwa lugha yao ya mama, Kibengali, kama moja ya lugha rasmi za Pakistan.

Kwa kusikitisha, waandamanaji kadhaa waliuawa wakati wa maandamano hayo, na tukio hilo likawa ishara ya harakati za haki za lugha na utambulisho wa kitamaduni.

Tangu mwaka 1999, Siku ya Kimataifa ya Lugha ya Mama imeadhimishwa kote ulimwenguni kukuza utofauti wa lugha na ufasaha wa lugha mbalimbali.

Inatumika kama kumbukumbu ya umuhimu wa kuhifadhi na kusherehekea lugha ya mama ya mtu na kuheshimu utofauti wa lugha kama haki ya msingi ya binadamu.

 

[MAWEED]

Lugha ya mama ni Kiswahili au mama gani unamzungumzia

 

[Jack Daniel]

Ngoja niienzi lugha yangu ya kihehe,
Lugha ya mama yangu,
Lugha ya baba yangu,
Lugha ya kabila langu.

Kamwene!!

 

[mwakyindi]

Aha kumbe me sikujua ngoja nikipige kinyakyusa Siku nzima

 

[Mchizi]

Lugha mama ni lugha ya kuzaliwa.Uliyoanza kuzungumza baada ya kuzaliwa. Nyinginezo baada ya hapo zitakuwa ni lugha za kuifunza.mambo ya kusema lugha mama yangu ni kingoni wakati umezaliwa na kukulia dar ukizungumza kiswahili tangu ulipojua kuongea huko nikutojua maana ya lugha mama.Lugha mama haimaainishi ni lugha ya kikabila tu

 

[Tagandu11]

Ooh kwahiyo Leo initwange kihaya tu