Kuna mengi sana.
Huyu ni binti ambaye alikuwa mchumba wangu nilimchukua kutoka nyumbani kwao, kwa wazazi wake, akalea mimba na kujifungua kwangu, baada ya kukaa naye kwa muda wa mwezi mmoja akaanza changamoto ya kiburi na jeuri. Nikaamua nimrudishe kwao kwanza na kuwaeleza wazazi wake matatizo yake kumpa muda wa kujirekebisha, hapo mtoto akiwa na mwezi mmoja.
Nilimwambia endapo akihitaji kuendelea na mimi, arekebishe mapungufu niliyoyasema kwao, kuwa na lugha mbaya na tabia ya kutokuwa na shukrani...Basi nikamwacha hapo nikiendelea kuhudumia mtoto kama kawaida.
Baada ya muda akaniambia kuwa hanihitaji tena kwa kuwa amempata mwanaume mwingine ambaye anamjali na kumpenda yeye na mtoto zaidi yangu, nikamwambia tatizo liko wapi? Akasema mimi simjali yeye wala hakuna kitu chochote nilichowahi kumfanyia cha maana, mimi ninamjali mtoto tu, na mwenyewe ni mpaka pale nitakapojisikia, japo niliiwahi kumueleza kuwa uchumi ndio unasababisha huduma zangu zielekee kwa mtoto kwa kiasi kikubwa, japo yapo niliyoyafanya kwake ila hapo hatukuelewana.
Jana kanieleza kwamba nisifike kwao tena kumuona mtoto, kama nitahitaji kumuona nitamuonea njiani tu. Kwa kifupi kasema hakuna chochote ambacho nishawahi kumfanyia yeye labda mtoto kwa kiasi kidogo sana, pamoja na kwamba kila kitu ni mimi ndio anayetegemea nitimize yeye hana kazi hana kipato, hivyo kuanzia kujifungua mpaka sasa mtoto ana miezi minne, ni mimi ndio nilikuwa nawajibika.
Nyumbani anafahamika kwa wazazi, Mojawapo ya matakwa yake kwamba hatofika nyumbani kwetu tena na anahitaji kuwaeleza kuwa kapata mpenzi mwingine, kwahiyo asihesabiwe kwa lolote lile. Mimi pia kanieleza nisifike kwao kumuona mtoto wala kuwaeleza anapokosea, ili ajirekebishe niache tu maana namchafulia, nimpishe huyo mwingine, aje yeye.
Nimekubali madai yake kuwa sijamtreat kwa kiwango atakacho, na jinsi alivyotaka...ndio maana hawezi kurudisha mapenzi kwangu...Sina namna nyingine. Japo nilijitahidi kwa kadri ya uwezo kutimiza kile kinachohitajika nimekuwa nikiiangalia kama familia yangu, hata kama sina nilikuwa radhi nikakope.
Imefika mahali nimeona ngoja tu aende, kuanza upya si ujinga, japo nguvu zangu nyingi nimetumia hapo...
Hapa nilianguka, na kukosea, nimekubali ili nianze kurekebisha...Nimeona nimwage huku hiki kisa maana hakuna anayenijua.
Niliamua kumuwekea uvumilivu na kuwa mtaratibu sana kwake sababu nilishaona simuwezi, hivyo nimeacha tu ajichimbie kaburi mwenyewe. Nimeacha afanye atakacho ili yaishe kwa amani. Na mimi niendelee na mambo yangu mengine.
View attachment 1463216View attachment 1463217View attachment 1463218
