Achana nae na usimtafute wala kuhangaika nae. Usiogope kuingia kwenye uhusiano mpya ila safari hii kuwa mwangalifu zaidi na umpatie hisia zako mtu mwenye malengo uliyokusudia ambae ameonyesha kuyatimiza kwa vitendo na si kwa ahadi.
Ukitaka mwanaume akupende,hata kama umempatia mambo ya kikubwa,bado umwonyeshe kuwa unajithamini na si wa kutetereka au kushoboka sana. Onyesha kujielewa na kuwa na msimamo na sio kubehave kama mtu wa bei rahisi. Usimwonyeshe kumtegemea kupita kiasi,zingatia ratiba ya shughuli zako bila kumtengea muda yeye isipokuwa kama mmepanga muda wa kuwa pamoja.
Mtake ushauri katika shughuli unazofanya na akikupatia ushauri,onyesha kuufuata na umpatie matokeo.
Onyesha bidii katika kazi zako na ayaone matunda ya kile unachokifanya na kumwonyesha kuwa unathamini shughuli zako na malengo uliyojiwekea.
Punguza marafiki wa kiume ila usisite kupokea simu au kusalimia wanaume wanaokupigia au kukusalimia huku akiwapo.
Usijionyeshe kuwa mtu mwenye dharau au kumlinganisha na watu waliomzidi kipato au waliomzidi kwa namna yoyote kwa lengo la kumuumiza. Maana unaweza ukadhani ukimfanyia hivyo atakuona bab kubwa na kukuhonga sana ili usimkimbie. Ukweli ni kuwa wanaofanya hivyo ni wanaume wachache ambao ni wageni wa mapenzi au wenye nia ya kukutumia haraka na kuachana na wewe na wale wasiojiamini.
Akikuita mahali mwonane au akikutoa out, vaa na upendeze kwa namna inayoendana na tukio. Kama amekuita mwende beach,vaa nguo za casual lakini zenye heshima ambazo hazikufanyi uonekane kama mlupo au demu,bali uonekane ni msichana au mwanamke wake. Kama ni kwenye harusi,pigilia nguo smart sana na nywele uziset vyema na ikiwezekana tafiti hata rangi za ukumbi au sare ili usiwe out of place. Kama ni msibani, usivae suruali ya jeans au mini skirt yenye mpasuo. Vaa nguo ya heshima na uwe na angalau ka khanga na mtandio wa kufunika kichwa. Mfanye ajisikie vizuri umiwa nae.
Usiwe mtu wa kulalamikalalamika au kunung'unika kila mara au kususasusa bila sababu za msingi.
Jifunze kutabasamu ukiwa nae bila hata sababu. Mwonyeshe kuwa una furaha inayotoka ndani yako na siyo kununa na kuwa serious muda wote labda kuwe na jambo la msingi la kukufanya kuwa hivyo.
Kuwa na marafiki wanaojielewa na sio wale waluwalu au ambao wanaonekana dhahiri kuwa wamekata tamaa.
Onyesha ukomavu katika kutatua mambo na usipende kuhusisha watu wengine katika migogoro yenu. Sio mnagombana kidogo,tayari umewapigia marafiki zako au mmepanga kitu,tayari umeomba ushauri kwa mashosti zako.
Punguza mazoea na marafiki wa mwanaume ulienae. Usijenge maziea ya kuwapigia simu au kuwatafutatafuta, mwanaume wako atakutafsiri kuwa uko easy na pia hao marafiki zake ndio wanaokutathmini na kumshauri kama unafaa au lah.
Ukigundua anakucheat,tafuta ushahidi taratibu na ukithibitisha, mweleze na asipoonyesha dalili za kubadilika,mpige chini bila kujihoji mara mbili.
Wapende ndugu zake na wasiliana nao bila yeye kujua mradi alikutambulisha kwao labda kama halipendi hilo. Panga nao ratiba za kwenda sehemu kutembelea n.k bila kumhusisha. Hilo litakusaidia kumjua na pia wewe kujisogeza karibu na familia yake.
Mfanyie surprise kwa kumnunulia kitu ambacho hakutarajia bila kumjulisha kuwa unakusudia kufanya hivyo. Ambatanisha zawadi hiyo na ujumbe mzuri unaoelezea namna unavyompenda n.k
Usimfiche maswala kama ya kuwa na watoto au watu angalau wawili uliowahi kutoka nao kabla yake.
Jaribu kuzingatia haya na mahusiano yako yanaweza kukomaa na kuwa ya kudumu au ndoa maana wanaume wengi wasiooa wanaogopa mtu mwenye dalili za kuwaelemea kuanzia mwanzoni tu mwa uhusiano huku wao wakiwa hawako tayari kwa majukumu.
Pia ukimfanya mwanaume auone uhusiano wako na yeye kuwa burudani na kitu chenye kumfanya ajisikie vizuri, ni lazima atatafuta namna ya kukufanya uwe patna wake wa kudumu tofauti na pale unapokuwa chanzo cha yeye kukasirika,kuhuzunika, kukereka kila mara na kuchoka akili, ni lazima akukwepe au kukwambia live kuwa hakutaki.
Nimekueleza haya maana wengi wenu wanawake,huwa hamjui makosa mnayofanya na mnadhani watu wanawaacha bila sababu na kushangaa wanaoa watu mnaodhani mmewazidi.
Hata hivyo, wanaume wana preferences tofauti,wengine watachangia.
