mchakachuaji
Member
- Aug 12, 2010
- 58
- 7
Na Masau Bwire,jijini
MTOTO wa Waziri Mkuu Mstaafu Edward Lowasa, Bernald Lowasa (30), anashikiliwa na Jeshi la Polisi kituo cha Oysterbay, Kinondoni jijini Dar es Salaam kwa tuhuma za kumgonga kwa makusudi askari wa kikosi cha usalama barabarani E 9320 Koplo Cyprian akiwa katika kutekeleza majukumu ya kazi yake.
Tukio hilo lililolaaniwa na watu wengi waliolishuhudia na kuhoji sababu za mtoto huyo wa waziri mkuu mstaafu Lowasa kufanya hivyo, wengine wakienda mbali zaidi wakidai pengine alifanya hivyo kwa kujiona hawezi kubanwa na sheria kwakuwa ni mtoto wa kigogo, lilitokea jana saa 1 jioni eneo la Namanga, Oysterbay katika eneo la taa za kuongoza magari.
Akiendesha gari lenye namba za usajili T 573 BQV, Corona Primio, akitokea Msasani kwenda Morocco, mtoto huyo wa Lowasa alikaidi utaratibu wa trafiki huyo wa kuruhusu magari kupita kwa awamu hivyo kulazimisha kupita kabla hajaruhusiwa.
Koplo Cyprian pengine kwa lengo la kuepusha magari kugongana na kutaka kuchukua hatua kwa dereva huyo mkaidi Bernald, alilazimika kumzuia asipite lakini, kwa dharau na bila kujali wala woga, mtoto huyo wa kigogo aliendesha gari lake na kumgonga mguu trafiki huyo na kisha kumsukuma kwa gari.
Baada ya trafiki huyo aliling'ang'ania gari hilo hadi madereva wengine walipomuokoa kwa kulizuia gari lake kwa kusimamamisha magari yao mbele ya gari lake.
Baada ya madereva wengine ambao nao walikuwa wakisubiri kuruhusiwa na trafiki huyo kupita katika taa hizo walikerwa na kitendo alichokifanya kijana huyo kumgonga askari kwa makusudi waliamua kumuokoa trafiki huyo waliyeona anaonewa, nusura waanze kumshushia kisago mtoto huyo wa Lowasa lakini, askari huyo kwa moyo wa huruma na upendo mkuu aliwasihi wasifanye hivyo badala yake waiachie sheria ichukue mkondo wake.
Madereva hao walitii kauli ya askari huyo aliyekuwa akichechemea na kulia kwa uchungu na maumivu makali ya mguu na kumchukua kijana huyo hadi kituo cha polisi Oysterbay kwa hatua za kisheria.
Kamanda wa Jeshi la polisi, Mkoa wa Kinondoni Charles Kenyela alithibitisha kutokea kwa tukio hilo na kwamba Koplo Cyprian alipelekwa hospitali ya Mwananyamala kwa ajili ya matibabu.
Kamanda Kenyela alionesha kusikitishwa na kitendo hicho cha mtu kudhani yupo juu ya sheria na kuamua kuvunja sheria za nchi kwa makusudi na kujaribu kutaka kutoa roho ya binadamu mwenzake kwa makusudi bila kujali athari katika familia inayomtegemea.
"Nimesikitishwa sana na kitendo hicho, mtu anaamua tu kutokufuata sheria za barabarani na kudharau kazi ya askari katika kutekeleza majukumu yao, kijana huyo wa mheshimiwa waziri mkuu mstaafu amekamatwa na anahojiwa na polisi, tuiachie sheria ichukue mkondo wake na kuamua cha kufanya kuhusu kitendo hicho cha uvunjifu wa sheria kilichofanywa na kijana huyo wa Lowasa," alisema Kamanda Kenyela.
Source: Dar Leo
My take:
Sasa huyu mtoto baba yake ni Waziri Mkuu aliyeachia ngazi (sio mstaafu) kwa tuhuma za richmond sasa akipata huo urais anaoutaka si wataleta mambo ya Ditopile.
MTOTO wa Waziri Mkuu Mstaafu Edward Lowasa, Bernald Lowasa (30), anashikiliwa na Jeshi la Polisi kituo cha Oysterbay, Kinondoni jijini Dar es Salaam kwa tuhuma za kumgonga kwa makusudi askari wa kikosi cha usalama barabarani E 9320 Koplo Cyprian akiwa katika kutekeleza majukumu ya kazi yake.
Tukio hilo lililolaaniwa na watu wengi waliolishuhudia na kuhoji sababu za mtoto huyo wa waziri mkuu mstaafu Lowasa kufanya hivyo, wengine wakienda mbali zaidi wakidai pengine alifanya hivyo kwa kujiona hawezi kubanwa na sheria kwakuwa ni mtoto wa kigogo, lilitokea jana saa 1 jioni eneo la Namanga, Oysterbay katika eneo la taa za kuongoza magari.
Akiendesha gari lenye namba za usajili T 573 BQV, Corona Primio, akitokea Msasani kwenda Morocco, mtoto huyo wa Lowasa alikaidi utaratibu wa trafiki huyo wa kuruhusu magari kupita kwa awamu hivyo kulazimisha kupita kabla hajaruhusiwa.
Koplo Cyprian pengine kwa lengo la kuepusha magari kugongana na kutaka kuchukua hatua kwa dereva huyo mkaidi Bernald, alilazimika kumzuia asipite lakini, kwa dharau na bila kujali wala woga, mtoto huyo wa kigogo aliendesha gari lake na kumgonga mguu trafiki huyo na kisha kumsukuma kwa gari.
Baada ya trafiki huyo aliling'ang'ania gari hilo hadi madereva wengine walipomuokoa kwa kulizuia gari lake kwa kusimamamisha magari yao mbele ya gari lake.
Baada ya madereva wengine ambao nao walikuwa wakisubiri kuruhusiwa na trafiki huyo kupita katika taa hizo walikerwa na kitendo alichokifanya kijana huyo kumgonga askari kwa makusudi waliamua kumuokoa trafiki huyo waliyeona anaonewa, nusura waanze kumshushia kisago mtoto huyo wa Lowasa lakini, askari huyo kwa moyo wa huruma na upendo mkuu aliwasihi wasifanye hivyo badala yake waiachie sheria ichukue mkondo wake.
Madereva hao walitii kauli ya askari huyo aliyekuwa akichechemea na kulia kwa uchungu na maumivu makali ya mguu na kumchukua kijana huyo hadi kituo cha polisi Oysterbay kwa hatua za kisheria.
Kamanda wa Jeshi la polisi, Mkoa wa Kinondoni Charles Kenyela alithibitisha kutokea kwa tukio hilo na kwamba Koplo Cyprian alipelekwa hospitali ya Mwananyamala kwa ajili ya matibabu.
Kamanda Kenyela alionesha kusikitishwa na kitendo hicho cha mtu kudhani yupo juu ya sheria na kuamua kuvunja sheria za nchi kwa makusudi na kujaribu kutaka kutoa roho ya binadamu mwenzake kwa makusudi bila kujali athari katika familia inayomtegemea.
"Nimesikitishwa sana na kitendo hicho, mtu anaamua tu kutokufuata sheria za barabarani na kudharau kazi ya askari katika kutekeleza majukumu yao, kijana huyo wa mheshimiwa waziri mkuu mstaafu amekamatwa na anahojiwa na polisi, tuiachie sheria ichukue mkondo wake na kuamua cha kufanya kuhusu kitendo hicho cha uvunjifu wa sheria kilichofanywa na kijana huyo wa Lowasa," alisema Kamanda Kenyela.
Source: Dar Leo
My take:
Sasa huyu mtoto baba yake ni Waziri Mkuu aliyeachia ngazi (sio mstaafu) kwa tuhuma za richmond sasa akipata huo urais anaoutaka si wataleta mambo ya Ditopile.
