EMT na
lusungo ,
Kwanza kwako Lusungo:
Wewe ndiyo unatia KINYAA kwa kuwa mhudumu wa Watanzania na unapata habari za mtu na unaanza kuongeza za kwako. Kama huyu jamaa ulikuwa humfahamu, kwa nini unaanza kumhukumu? Unajua kichwani mwake kulikuwa na madudu gani yanachemka hadi akasahau au kukata mawasiliano kwao? Unajua ndugu zake walimfanya nini hadi akaacha kuwasiliana nao? Kama alikuwa Yatima je aliyelelewa na Masister wa Kikatoliki?
Hata kama wana maisha mabaya, acha wawe. Kama hadi amekufa hajaja kwako kuomba fedha, mwache. Kama una huruma sana na Watanzania, mbona wapo wengi tu hapa Tanzania wana hali mbaya zaidi ya hao Wavaa jezi walioko USA? Au Walevi walioko Russia? Acha hiyo Mkuu. Sababu zinazopelekea mtu asiwe na mawasiliano kwao ni nyingi. Si kawaida mtu kufanya hivyo na akifanya, usirukie kumhukumu. Usihukumu, na wewe utakuja kuhukumiwa.
Kwako MTM:
Mkuu, na wewe unaleta mambo ya Kibongo bongo. Kama umeowa au kuolewa nchi za wenzetu, mwenye amri ya mwisho anabaki Mkeo/Mmeo na kama siyo Mkeo/Mmeo basi Watoto kama wamemaliza miaka 18. Sidhani aliyeleta hii habari kama alivyoandika kuwa wamepata maombi kutoka kwa Mkewe, wanaelewa matakwa ya Marehemu ilikuwa ikisema nini. Huwezi kumvamia Mwanamke wa USA au Ulaya na kuanza kudai, je Mumeo alidai iwe hivyo? Mambo ya matakwa ni mambo ya kifamilia na kama Mkewe anavunja, basi ni Mkewe anavunja na dhambi hiyo ataibeba yeye.
Hata kama aliandika, inaweza kuwa dakika ya mwisho, jamaa aliomba ndugu zake wajulishwe na Mkewe sasa kaanza kutafuta ndugu wajulishwe.
Ila nakubaliana na wewe kuwa Lusungo angeishia kutafuta ndugu tu wa Marehemu, akipata tuseme simu au sanduku la barua, basi wamjulishe Mke wa Marehemu na mengine yote wamuachie yeye. Labda aombe tena Ndugu wajulishwe kuwa Lukindo amefariki. Haya ya miaka 30, maisha mabaya blaa blaa, hayamhusu.
Anyway, nilishawahi kukutana na watu kadhaa wa aina hiyo. Si kuwa wana maisha mabaya, la hasha, wana maisha mazuri mno. Wanaishi maisha ya Wastani kwa Ulaya ambayo kwa Africa, ni wachache wanaishi. Ila na wao wamekaa miaka kibao na hawana mawasiliano na ndugu. Si kuwa ndugu hawafahamu anapoishi, hapana. Wanapafahamu, wana simu zao, wameshafika wanapoishi ila ghafla jamaa wanaamua kukata mawasiliano moja kwa moja na ndugu zake wote. Mmmoja mwisho amemalizia hata kukata Mawasiliano na Mkewe na Watoto wake. Sasa huyu utasema DARINI kwake kweli kumekaa sawa?
