Jenifa,
Nadhani ni vizuri kuelewa msingi wa hoja ya chadema ya kujadiliwa kwa Katiba. Hata swala la mishahara mikubwa ya Wabunge ni swala la Mfumo. Ndio msingi wa Mbowe kujibu kuwa "Chadema ingelishinda ingelibadilisha Mafao hayo". sidhani kama Mbowe alikataa kujibu swali. Nilikuwapo na nilimsikiliza live na siyo kwenye TV. Hivyo deliberate efforts za kupotosha si vema zikaachiwa. Hata hivyo kwa wale wasiofahamu ni vizuri nikaeleza mfumo wa kupanga Mishahara na Posho za Wabunge:
i) Kwa sasa Mishahara ya Wabunge inapangwa na Tume ya Huduma za Bunge ( yaani Parliamentary Service Commmission) ambao wajumbe wake wengi wanatoka CCM. Wapinzani katika Commission ni wachache sana na hata ikipigwa kura watashindwa daima kama ilivyo ndani ya ukumbi. Ni tatizo la kimfumo na ni tatizo la ukiritimba wa Chama kimmoja. Ndio hoja ambayo siku zote tumeiweka kwa Watanzania, ndio maana tumekuwa tukisema " Watanzania wenyewe ndio wanaosababisha kwa sehemu kubwa umaskini wao kwa kuchagua wabunge wa Chama kimmoja". Ukiachilia mbali uchakachuaji uliofanyika, nafurahi kuwa Watanzania wamelitambua hilo na ndio maana idadi ya Wabunge wa Upinzani imeongezeka sana. Pasingelikuwa na Uchakachuaji, nina hakika ukombozi ungelikuwa umefika au ungelikuwa mlangoni. Hivyo isingelikuwa Busara kwa Mbowe kujibu hoja ambayo hana mamlaka nayo na wale hawezi kwa njia yeyote ile " kuibadili:" au hata ku " influence". Msingi huu ukifahamika vizuri, hoja yako ya kwanza inakuwa haina mshiko wowote.
ii) Tume ya Huduma ya Bunge inatokana na Katiba Mbovu na Sheria zake. Hivyo ukifanikiwa Kubadili au kupata Katiba mpya, ndio ufumbuzi pekee wa matatizo yote hayo. Kumbuka, kuwa Tume ya Bunge "inapendekeza" kwa Rais, na ukiwa na Rais makini, atakataa kupitisha mapendekezo ambayo yanaifilisi Taifa. Rais wetu kwa mujibu wa Katiba aikiisha kuipitisha hakuna mahali pengine unaweza kuhoji, au kama utataka kumhoji kuna utaratibu mgumu sana wa kuihoji Serikali mahakamani, kwanza "lazima utoe Notice nadhani ya siku 90, kisha upate kibali cha Mwanasheria Mkuu wa Serikali na mara nyingi kibali hicho hakitolewi". Tumekwisha kujaribu njia hizo katika kipindi changu cha miaka 15 Bungeni lakini ilishindikana. Hivyo jibu pekee ni Marekebisho makubwa ya Katiba na kupunguza mamlaka ya Rais (Excessive powers).
iii) Katika hoja yako ya pili kuhusu kuunganisha nguvu za Upinzani, unazungumzia Chadema kuchukua 100M kwa kuunda Serikali Kivuli. Ni kweli Utaratibu wa sasa, tena ambao hauko ndani ya Sheria, wala Kanuni unatenga kila Mwaka Bajeti ya Tshs 100 Millioni kwa "Kiongozi wa Upinzani". Hivyo Ungelifanya utafiti, hoja yako isingelikuwa flawed kama sasa a) Chadema haina haki wala haiwezi kuvuta 100 million kutokana na kuundwa kwa Kambi ya Upinzani kwa vile fedha hizo zimetengwa, kwa kilichoelezwa jana na Mhe. Hamad kama ulimsikiliza vizuri kuwa ni kwa "Kiongozi wa Upinzani" wala siyo kwa Ofisi ya Kiongozi wa Upinzani. Conclusion yako ni matokeo ya kutokusikiliza vizuri na kutokufanya utafiti. Hamad amekuwa Kiongozi wa Upinzani toka 2005 hadi 2010, alitakiwa kuulizwa hizo fedha alizutumia kwa kazi gani, na Katibu wa Bunge anatakiwa kutoa hadharani matumizi ya fedha hizo ili Watanzania waone zilitumika kwa kazi gani na kwa manufaa ya nani. Kama hazikutumika kwa manufaa ya watanzania wana haki ya kupiga kelele kwani millioni 100 ni fedha nyingi na zingeweza kujenga madarasa kadhaa kupunguza upungufu wa madarasa au zahanati. b) Mimi nilikuwa Naibu Kiongozi wa Upinzani, katika miaka yangu yote niliyokuwa Naibu Kiongozi wa Upinzani sijawahi kuona Break down ya fedha hizo na matumizi yake. Tulipodai zitumike kwa gharama za ofisi mathalan, kumlipa "mratibu wa Kambi"ambaye kwa taarifa yako "ameajiriwa" na Kambi na mishahara(posho zake zinalipwa kwa kuchangiwa na wabunge wenyewe ambao tulikuwa tunakatwa kutoka kwenye mishahara na posho zetu wakati kuna fedha za Kiongozi wa Upinzani), tuliambiwa kuwa hizo ni za Kiongozi wa Upinzani na labda fungu lingine litafutwe kwa ajili ya Kazi za Kambi. Ungelifanyia utafiti swala hilo usingelitoka na hoja kuwa Chadema wanachukua hizo fedha, kwani Kambi ya Upinzani inayoundwa na Chadema hadi jana, haijapokea fedha zozote kutoka Ofisi ya Bunge ( labda Gari rasmi la Kiongozi wa Upinzani, ambalo sina hakika hata kama linahudumiwa na kasma hiyo). Hoja yake inaweza pia kugeuzwa kuwa Hamad hataki kuungana na Chadema kuunda Kambi rasmi kwa vile kama alivyokuwa Dr. Slaa, Naibu Kiongozi wa Kambi ambaye hakuwa anajua hizo fedha zilifanya nini, naye sasa atakuwa Naibu hivyo hatakuwa na fedha. Labda kwa kuunda Kambi "ndogo isiyo Rasmi" naye pia kwa mlango huo huo anaweza kupewa mafao kama ya Kongozi wa Upinzani yaani gari, Ofisi, Nyumba na Fedha 100 Millioni. Lakini tukumbuke tukiendekeza kugawa fedha, Kodi za Watanzania maskini kwa mtindo huu, hatutafika na Taifa litaendelea kuporomoka na kuzama katika lindi la Umaskini.
iv) Mtafiti wa kweli angeliuliza, na Jenifer angeliuliza swali kwenye Mdahalo au hata kwenye JF kuwa " Je Kambi ya Upinzani inayoundwa na Chadema itaendelea kutumia hizo 100 Million kwa matumizi Binafsi ya Kiongozi wa Upinzani au kwa matumizi ya shughuli za Kambi mathalan utafiti na kazi za mawaziri Kivuli, nina hakika angelipata jibu sahihi kuliko kufanya conclusion kwenye "hisia" ambazo nazo kama tulivyoona jana kwenye mdahalo zinaweza kuwa na sababu zake.
Jenifer, naamini nimeweza kutoa mchango wangu kwa manufaa ya wana JF wote ambao hawajui hizi fedha kama zilikuwepo, ziko, na kama ziko zinalenga kufanya kazi gani chini ya uongozi mpya wa Kambi ya Upinzani inayoongozwa na Chadema.
