Mbona Majanga

Mbona Majanga

Hii story inabidi iandikiwe kitabu kabisa, irudiwe kusomwa kuanzia mwanzo mpaka mwisho. Ila MziziMkavu mbona nyingine zinakuwa kama haziendani vile? Maana kama hapo mtiti wa mama mwenye nyumba sijaona uliishaje.
 
Last edited by a moderator:
[h=1]Majangaaa Mbona Majangaaa! - 19-[/h]
ILIPOISHIA
“Kwani ni lazima uingie?” Eddy alihoji huku akimshangaa msichana huyo ambaye walishakubaliana uhusiano wao waufanye kuwa siri.
Hata hivyo, Eddy alikuwa anakijua kile ambacho Rehema angekutana nacho chumbani kwake, akamwachia ili aingie.
Alipoachiwa bila ya aibu, akazama chumbani huku shari ikiwa imemjaa, kwa kukidhamiria vibaya kile ambacho angekutana nacho chumbani humo.
POROMOKA NAYO…!
Moja kwa moja macho yake yakatua kitandani, akakikuta kitanda kikiwa cheupe, hakukuwa na mtu zaidi ya shuka zilizovurugika.
Watu waliokuwa ukumbini wakazidi kuchanganyikiwa na kujiuliza maswali kibao yaliyokosa majibu, kwani Rehema alikuwa amekumbwa na kitu gani mpaka avamie chumbani kwa watu.
Wengi walihisi kulikuwa na kitu kinachoendelea kati ya wawili hao, walimuonea huruma kaka wa watu ambaye ni mgeni ndani ya nyumba hiyo kwa kitendo cha kufanyiwa vurugu na msichana huyo.
Ni mtu mmoja tu aliyekuwepo katika ukumbi huo ambaye alikuwa akijua ni nini kilichokuwa kikiendelea.
Mtu huyo si mwingine bali ni mdogo wake na Queen, Pat ndiye aliyekuwa akiujua mchezo mzima.
Pat alikuwa akijua ni kwa nini Rehema alikuwa ameingia chumbani kwa Eddy, pia, alikuwa akijua kile ambacho msichana huyo angekutana nacho chumbani humo.
Kwa kuona hivyo, mama mwenye nyumba naye akapunguza mashambulizi yake kwa Rehema, hali kadhalika baba mwenye nyumba, wote wakabaki na mshangao na kujiuliza kulikoni!
Rehema hakuridhika na kile alichokutana nacho chumbani, akaangaza kila kona, akafungua kabati, akahamia uvunguni mwa kitanda, kote hakuambulia kitu.
Akabaki ameshangaa, hata hivyo hakutaka kuyaamini macho yake, akaendelea kufunua hata ndoo za maji, akili yake ilikuwa imempaa na aibu ilikuwa ikiutafuna uso wake.
Alitegemea angefumania, lakini sasa kibao kilikuwa kimemgeukia, hakujua cha kusema mbele ya kadamnasi akiamini kuwa amechezewa shere, uso wake ukawa mdogo kama kidonge cha piltoni.
***
Upande wa pili, Queen alifungua mlango wake na kutoka nje, akakutana na vicheko, watu wote walikuwa wakimcheka Rehema ambaye alikuwa kama mtu aliyekuwa amechanganyikiwa.
Rehema alishindwa hata kumuomba radhi Eddy, alikuwa amenyong’onyea kama vile kunguru aliyekuwa amemwagiwa maji.
“Shoga umelikoroga… utalinywa!” alisema Mwamvita kisha akawahamasisha watu kwa kikolombwezo maarufu ambacho kimezoewa na wanawake wengi, akasema:
“Halooo halooo…!”
“Halooo!” wengine wakaitikia na kumfanya Rehema kuzidi kuchanganyikiwa na kujikongoja kwenda chumbani kwake akijihisi kama vile amejichafua kwa haja kubwa.
Kabla ya kuingia chumbani kwake, Queen akambetulia macho na kujishebedua mbele yake… kisha akamshusha na kumpandisha kiuchokozi kama vile kuku aliyekuwa akiangalia ndege ipitayo angani:
“Shoga kimekusibu kipi?” alimuuliza na kumfanya Rehema ashindwe kujibu.
“Mbona miye sielewi?” alihoji mama mwenye nyumba na kutaka kujua kwa nini Rehema alikuwa akifanya vituko siku ile.
“Hata siye hatuelewi…” msichana aitwaye Tabu naye alijibu kwa niaba ya wenzake. Kila mtu ndani ya nyumba hiyo akawa anataka kujua ni nini kilikuwa kimetokea siku hiyo hadi malkia wa nyumba hiyo akaikwaa aibu.
Queen aliachia kicheko baada ya kupitwa na Rehema, kisha akasema:
“Mlaji ni mla leo mla jana kala nini?” alisema na kumfanya Rehema kujua kuwa hicho kilikuwa kijembe chake. Akaamini kuwa Queen ndiye aliyekuwa chumbani kwa Eddy.
“Ametokaje,” akajiuliza na kukosa jibu.
Ukweli ni kwamba Queen alitoka chumbani humo wakati Rehema akiwa amelala amepitiwa na usingizi ukumbini, alipomuona alishangaa sana.
Queen alijua kuwa Rehema alihisi kuwa chumbani kwa Eddy kulikuwa na msichana hivyo akaamua kukaa ukumbini ili amshuhudie msichana huyo wakati akitoka.
Pia alijua kuwa mpaka wakati huo Rehema hakuwa akijua ni msichana gani aliyekuwa chumbani kwa mvulana huyo kwa kuwa wakati akitoka hakumuona.
“Atakufa nacho kijiba cha roho,” alisema Queen na kuahidi kuendeleza penzi lake na Eddy.
***
Moja kwa moja Rehema aliingia chumbani kwake na kujitupa kitandani, akaanza kulia kilio cha kwikwi, akajuta kumfahamu Eddy.
“Yaani mwanaume nimempa raha zote lakini anakuja kunifanyia hivi, kweli wanaume hawaaminiki,” aliwaza na kufikiria cha kufanya.
Bado katika nafsi yake alikuwa akitaka kujua nini kilichomfanya Eddy akamsaliti usiku mmoja tu baada ya kukutana naye.
Alikuwa chumbani kwake akifikiria hatua ya kufanya.
Hakutaka kumpoteza Eddy lakini bado alitaka kujua ni msichana gani aliyekuwa chumbani kwa mvulana huyo.
Mawazo yake yakaangukia kwa Queen, akahisi kwamba anahusika kwa njia moja ama nyingine.

Nini kiliendelea?
 
[h=1]Majangaaa Mbona Majangaaa! - 20-[/h]
Majangaa Mbona Majangaa
"Yaani mwanaume nimempa raha zote lakini anakuja kunifanyia hivi? Kweli wanaume hawaaminiki," aliwaza na kufikiria cha kufanya.
Bado katika nafsi yake alitaka kujua ni nini kilichomfanya Eddy akamsaliti usiku mmoja tu baada ya kukutana naye.
Alikuwa chumbani kwake akifikiria hatua ya kuchukua.
Hakutaka kumpoteza Eddy lakini pia, alikuwa akitaka kujua ni msichana gani alikuwa chumbani na mvulana huyo.
Mawazo yake yakaangukia kwa Queen, akahisi kwamba anahusika kwa njia moja ama nyingine.
POROMOKA NAYO…

KICHWA cha Rehema hakikuwa sawa, akili yake ilikuwa haijatulia, mawazo yalikuwa mengi kiasi cha kushindwa kuamua cha kufanya.
Aliendelea kujilazimisha kulala huku machozi yakimchuruzika, hakutaka kutoka nje kutokana na aibu aliyokuwa ameipata kutokana na kitendo chake cha kuingia chumbani kwa Eddy.
Kitendo kile kiliwaaacha watu na maswali mengi kuliko majibu. Wengi walijiuliza kwa nini aliamua kuingia chumbani kwa kijana yule mgeni.
Mpaka wakati huo alipokuwa amejilaza kitandani hakuwa ameupata usingizi. Nje hakukuwa na habari nyingine, zaidi, watu walikuwa wakipiga stori zake tu.
Kwa asilimia kubwa, wengi walikuwa wameshapata majibu ya kitendo kile kilichotokea. Mtu ambaye aliyeweka kila kitu hadharani alikuwa ni mdogo wake Queen yaani Pat, aliwaambia kile kilichojiri.
Kila aliyeambiwa naye alimwambia mwingine na kuifanya habari hiyo kusambaa kama vile moto wa kifuu. Mbaya zaidi kila mtu alikuwa akihadithiwa naye alimwadithia mwingine kama vile alikuwepo eneo la tukio.
Baba na mama mwenye nyumba walijua kila kitu, wakawa wanamshangaa Eddy kwa jinsi alivyoweza kuduu na wasichana wawili kwa usiku mmoja.
"Hivi huyu kijana ni moto namna hii, kwanza amewezaje ndiyo akiwa na siku mbili kwenye nyumba?" alihoji mama mwenye nyumba.
"Labda ana mashine kiunoni," alisema baba mwenye nyumba kumwambia mkewe.
"Hana mashine chochote mwenzio damu inachemka, unadhani wewe mpaka upigwe hendeli… utakuja kufa shauri yako.
Baba mwenye nyumba alijua kabisa kwamba hicho kilikuwa kijembe chake kutokana na kile kilichotokea alfjari kwa kumnyatia Rehema.
"Ila kwa kweli yule mtoto kaumbika jamani?" naye aliiingiza uchochezi wake.
"Hivi unadhani kama msingeniwahi saa hizi ningekuwa nimeshaandika historia nyingine…" aliendelea kusema baba mwenye nyumba.
"Sawasawa ungekuwa umeandika historia nyingine kwa kuwa tungeikuta maiti yako ikiwa imelala chali pale ukumbini…," mama mwenye nyumba aliendeleza vijembe.
"Maiti yangu kivipi?"
"Miye humu ndani unanishindwa, itakuwa kigoli kama yule si angekupeleka mputamputa mpaka ukate roho?"
"Nani anakushindwa, miye? Kama ninakushindwa mbona huwa unahemea juu juu?"
"Nani kakwambia, sihemei juu juu chochote, huwa ninakufurahisha tu ili nawe ujione unaweza kumbe huna ukijuacho…"
"Haya, basi na miye nitaanza mitego yangu kwa yule binti halafu atakuja kukuhadithia kama miye ni moto chini au siyo."
"Binti gani?"
"Si huyo kigoli unayemsema angenifanya kuwa maiti?"
"Thubutu kwanza nina mpango wa kumpa notisi ili ahame hapa nyumbani."
"Yule hawezi kuhama mpaka nitimize ahadi yangu…"
"Atahamaaa…"
"Nakwambia ahamiii…"
"Nakwambia atahama…" mama mwenye nyumba alishikilia msimamo wake.
***
Wakati wote huo, Queen alikuwa amekaa nyumba ya pili akisukwa nywele zake katika mtindo wa rasta, alikuwa akijisifu kwa ushindi wake wa pointi tatu alioupata usiku wa kuamkia siku hiyo.
Asilimia kubwa ya maongezi yake yalikuwa ni vijembe kwa kwenda mbele, taarab aliimba yeye na kila aina ya kijembe alikuwa akikitoa yeye.
Kitendo chake kilikuwa kama vile kuchukua kombe la dunia, alijiona mjanja kwa kuweza kumteka kijana Eddy kutoka mikononi mwa Rehema.
Wasichana wenzake walikuwa wakimsifu kwa ujanja alioutumia kumwibia bwana Rehema. Pamoja na kujitamba kwake lakini kulikuwa na watu wengine ambao hawakuwa upande wake.
Watu hao walikuwa wakimsikiliza na kumsifia lakini mioyoni mwao walikuwa wakimsema vibaya.
Mmoja wa watu hao alikuwa ni Tabu, ambaye alikuwa upande wa Rehema, aliposikiliza majigambo ya Queen aliamua kuchomoka na kwenda kumfuata Rehema ili amwambie kile kilichojiri.

Nini kiliendelea? Usikose kusoma Alkhamisi ijayo.............
 
Majangaaa Mbona Majangaaa! - 21-




  • ILIPOISHIA JUMAMOSI
    Pamoja na sifa hizo lakini walikuwepo wengine ambao hawakuwa upande wake.
    Hao walikuwa wakimsikiliza na kumsifia lakini mioyoni mwao walikuwa wakisema vibaya.
    Mmoja wa watu hao alikuwa ni Tabu, ambaye alikuwa upande wa Rehema, alipoyasikiliza majigambo ya Queen aliamua kuchomoka na kumfuata Rehema ili amwambie kilichojiri.
    SASA POROMOKA NAYO….

    Tabu, aliangaza huku na kule na kuhakikisha kwamba hakukuwa na mtu aliyemuona wakati akiingia chumbani humo.
  • Kweli hakuonekana na mtu yeyote, akazama chumbani kwa Rehema bila ya kupiga hodi.
  • "Eeeh umenishtua…" alisema Rehema aliyekuwa amepitiwa na usingizi na kisha kuhisi kama alinyatiwa na mtu.
    Alipomuona Tabu ameingia chumbani kwake akajua kwamba atapata kila kilichojiri nje kwa siku nzima na hata majibu ya maswali yake yatajibiwa hapo.
    Alikuwa na uhakika huo kwa kuwa siku zote alikuwa akiamini kwamba Tabu alikuwa ni kibaraka wake, alikuwa akimsaidia kila alipokuwa akihitaji msaada.
    "Niambie mdogo wangu?" alisema Rehema kwa shauku huku akifuta machozi yaliyokuwa yakimchiruzika.
    "Dada nimekuja…" alisema Tabu kwa sauti ndogo kwa lengo la kutotaka kusikika nje.
    "Enhe, nipe mchapo…"
    Tabu hakubakisha kitu, akamweleza Rehema kila kitu na kumfanya msichana huyo kubaki mdomo wazi.
    "Kwanza yule kijana yupo?"
    "Nani Eddy?"
    "Eeeh."
    "Hayupo… aliondoka baada ya lile kashehe, tena leo ameondoka bila hata ya kuoga."
    "Kwa hiyo Queen anasema kuwa aliniona nikiwa nimelala wakati akitoka chumbani kwa Eddy?"
    "Eeeh, alisema hivyo," alijibu Tabu kutokana na swali aliloulizwa na Rehema.
    "Kuhusu huyu baba mwenye nyumba, hivi ilikuwaje?"
    Tabu akaendelea kutiririka kile kilichotokea na kumfanya Rehema aendelee kubaki mdomo wazi.
    "Nakushukuru sana mdogo wangu… sasa nimeelewa kila kitu, unajua sikuwa nikijua kilichoendelea," alisema Rehema na kumtaka Tabu atoke chumbani humo.
    Baada ya Tabu kuondoka, Rehema akaanza fikra upya za kutafakari mambo yote yaliyokuwa yakiendelea. Hakupata tabu na baba mwenye nyumba ila aliumizwa na tambo za Queen.
    ***
  • Siku hiyo ilikuwa na mambo mawili kwa Eddy, moja lilikuwa ni furaha lakini lingine lilikuwa ni la kumkera.
    Jambo kwa kwanza lilimpa sifa kwa marafiki zake, Amour Mohammed na Salim Raha ambao walimsifu kwa ushujaa wake.
    "Mwana wee mbaya…!" alisema Raha.
    "Sasa hebu twambie nani anayaweza kati yao…?" Amour naye alichombeza.
    "Wale mabinti ni wabaya, wote ni wazuri kwenye kindumbwendumbwe ingawaje kila mmoja ana ladha yake," alisema Eddy.
    "Enhee? Hebu tufafanulie unaposema ladha tofauti unamaanisha nini kwa kuwa hukuweka mdomoni…?" Amour aliendelea kuhoji.
    "Kweli sijaweka mdomoni lakini ladha ya kitu siyo mpaka uweke mdomoni ila unaweza kuijua hata pale mnapokuwa kwenye mchakamchaka…" alisema Eddy.
    "Ndiyo tufafanulie basi…" Raha alikazia.
    "Ni ngumu lakini ni rahisi… ni kwamba Rehema ana vitu vingi sana vya utundu tofauti na Queen ila…"
    "Vitu kama vipi…" Amour aliuliza
    "Ni sawasawa na chakula ambacho kina kila kitu, kachumbari na viungo vingine vyote…"
    "Kwa hiyo amekamilika…?" ilikuwa zamu ya Raha kuhoji.
    "Yaa amekamilika lakini ana upungufu wake… hawezi kupiga chenga."
    "Na huyo mwingine…?" Amour alitaka kujua.
    "Huyo bwana ni fundi wa kupiga chenga, utundu kwa mbali na mjanja ile mbaya si mvivu na wala hakuwa akitegea, sindimba imetimia…" alisema Eddy na kuwafanya wenzake waangue vicheko.
  • Baada ya kupiga stori, Eddy akawambia wenzake kwamba amepanga asirudi nyumbani alikopanga siku hiyo. Hofu yake ilikuwa ni kuchorwa na watu wa nyumba hiyo pamoja na majirani kwani alijua kwa tabia za uswahilini siku hiyo hadithi ingekuwa ni yake tu.
    Hata hivyo, marafiki hao walimtaka akomae na kurudi nyumbani. Pamoja na kumtaka arudi kwake lakini pia walimtaka ‘apige maji' ili kukata nishai.
    "Jamani wale wanawake wataniua miye…"
    "Tangu lini jogoo likafa kwa utitiri?" aliuliza Amour na kuwafanya wote wacheke.
    "Sikia, twende tukapige kinywaji, kisha ukirudi nyumbani kila mtu utamuona mdogo, hakuna cha nani wala nani?" alisema Raha kwa kujiamini.
    Wazo hilo lilimwingia Eddy, pamoja na marafiki zake hao wakaingia baa na kuagiza kinywaji huku wafadhili wakubwa wakiwa ni rafiki zake hao.
    ***
  • Usiku ulipoingia hakuna aliyetaka kulala mapema, kila mtu alikaa nje ili kujua ni nini kitakachoendelea, wengi wao walikuwa wakitaka kujua atakachokifanya Eddy.
    Je, ataingia chumbani kwa Rehema au atakuwa chumbani kwake na Queen?
  • Basi, wasichana wote walikuwa wamekaa kwenye kibaraza cha nyumba hiyo kutoka kona moja hadi nyingine, kote walikuwa wametanda wao.
    Siyo wao peke yao, pia kulikuwa na majirani ambao nao walikuwa wamefika pale kwa lengo la kutaka kumjua kijana huyo kwa macho yao.
  • Kwa upande wake Rehema hakuthubutu kutoka nje, alifanya hivyo mara chache sana, tena alisimama kwenye kizingiti cha mlango wa chumba chake na kumwita Tabu na kumuagiza chipsi na mayai.


  • Nini kiliendelea? Usikose kusoma katika Jumapili....................
 
[h=1]Majangaa Mbona Majangaa-22-[/h]
Siyo peke yao, pia kulikuwa na majirani ambao nao walikuwa wamefika pale kwa lengo na kutaka kumjua kijana huyo kwa macho yao.
Kwa upande wake Rehema hakuthubutu kutoka nje, alifanya hivyo mara chache sana, tena alisimama kwenye kizingiti cha mlango wa chumba chake na kumwita Tabu na kumuagiza chipsi na mayai.
POROMOKA NAYO…
Muda ulikuwa umekwenda sana, Eddy alikuwa anajivuta kufika katika nyumba aliyokuwa amepanga. Hofu yake kubwa ilikuwa ni kukutana na watu wakiwa nje.
Alikuwa akiijua nyumba ile, mara nyingi mlango ulikuwa haufungwi watu walikuwa wakiingia na kutoka muda wote, hilo lilitokana na ulevi wa baba na mama mwenye nyumba.
Kwa mbali aliwaona watu wachache wakiwa wamelala kibarazani. Kadiri alipoisogelea nyumba hiyo, ndipo alipowana vizuri watu wale.
Wote walikuwa wamelala, kwa haraka haraka aliweza kumuona Queen, hakutaka kumwamsha yeyote kati yao, akanyoosha moja kwa moja hadi chumbani kwake.
Ni wakati alipokuwa akifunga mlango, ndipo Rehema aliyekuwa akitoka nje alipojua kama Eddy amerudi.
Msichana huyo aliushuhudia mlango ukifungwa kwa ndani, akaamini kuwa ulikuwa ni wakati wake muafaka wa kuongea na mvulana huyo.
Akatoka hadi barazani na kuwashuhudia wasichana wote wakiwa wamelala.
Rehema hakutaka kupoteza muda, akazunguka nyuma ya nyumba hiyo kwa kupitia uwani na kwenda usawa wa dirisha la Eddy.
Hapo akasimama na kusikiliza kile kilichokuwa kikiendelea chumbani humo.
Baada ya kupita kama dakika tano, akamsikia Eddy akiwa anakoroma.
"Eddy… Eddy… Eddy…" akaita.
Hakukuwa na dalili za kusikika na mhusika, akaona isiwe tabu, kwa kua nyumba ilikuwa na madirisha ya Kiswahili, Rehema akapenyeza mkono na kufanikiwa kulifungua moja na kumshuhudia Eddy akiwa amelala kwa msaada wa mwanga wa mbaramwezi iliyokuwa ikiangaza mwanga wake.
Hapo akaamini kabisa kwamba akimwita atasikia, Rehema akaanza tena zoezi la kumwita mvulana huyo.
Hata hivyo hakupata jibu, akafikiria njia nyingine, akatoka sehemu ile na kuangaza huku na kule, akafanikiwa kuupata mti ambao ungeweza kumfikia na kumwamsha Eddy.
Akauchukua mti huo na kuupitisha katika tundu kubwa la dirisha, akamgusa nao Eddy.
Akawa anamgusa na mti huku akimwita kwa sauti yake ndogo ambayo hakutaka ifike mbali kwa kuwa alikuwa akijua usiku huo, sauti ilikuwa ikienda mbali sana.
Akaita na kuendelea kuita kwa muda mrefu huku akimsukumiza kwa kutumia mti.
Akiwa ameshakata tamaa, akamuona Eddy akijigeuza, Rehema akatumia nafasi hiyo kuongeza sauti yake na kumgusa kwa nguvu kwa kutumia mti ule.
Hatimaye Eddy akashtuka na kuinuka kitandani, hakuwa akielewa kilichokuwa kikiendelea.
Kutokana na ndoto aliyokuwa akiiota akadhani labda alikuwa amevamiwa na majambazi akataka kupiga kelele, lakini akasita.
Alishangaa kuliona dirisha lake likiwa wazi na kisha akimuona mtu, kwa mawenge ya kutoka usingizini akadhani labda kulikuwa na jambo la kishirikina lililokuwa likifanyika.
Akatuliza akili yake sawasawa na kukaza macho yake dirishani.
"Wewe ni nani?" alihoji kwa hofu.
"Rehema…"
"Rehema gani?"
"Yaani umenisahau mpenzi," alisema Rehema na kumfanya Eddy aanze kurudisha kumbukumbu yake nyuma.
"Aaah aaah Rehema…" alisema Eddy akiwa amerudiwa na akili zake sawasawa na kutambua ni Rehema gani aliyekuwa pale dirishani.
"Unasemaje?"
"Naomba kuzungumza na wewe, nina mambo muhimu sana…" alisema Rehema.
Eddy akasogea hadi dirisha na kutaka kuzungumza na Rehema palepale.
"Tafadhali mpenzi, nifungulie mlango, nataka kuingia chumbani kwako…" alisema Rehema na kumpa wakati mgumu sana Eddy.
"Kwa nini tusifanye kesho au ni muhimu sana…" alisema Eddy huku akiwa ametawaliwa na hofu kubwa ya kufungua mlango.
Wasiwasi mkubwa wa Eddy ulikuwa ni kwa Queen, alihisi anaweza kujua kama Rehema ameingia chumbani kwake.w
Alijua nyumba hiyo haikuwa na siri hata kidogo. Hata kile kitendo cha Queen kuingia chumbani kwake alijua kuwa kimetokana na maneno ya watu.
Alijua Rehema aliambiwa kuwa Queen alikuwa ameingia chumbani kwake.
"Ni muhimu, nataka kuongea na wewe…" Rehema alisisitiza.
"Hatuwezi kuongea hapahapa?"
"Jamani huoni mazingira haya si mazuri," alisema Rehema kwa sauti ya mahaba ambayo ilipenya hadi katika moyo wa Eddy.
"Powa…" alisema Eddy na kugeuka kuufuta mlango wa chumba chake ili akaufungue.
Rehema naye akatoka pale aliposisima na kuondoka kurudi ukumbini ili aingie chumbani kwa Eddy.
Eddy alisimama kwa muda mlangoni na kufikiria, kisha akajisemea moyoni ‘liwalo na liwe…" akafungua mlango.
Itaendelea Alkhamisi ijayo..............
 
[h=1]Majangaaa Mbona Majangaaa! - 23[/h]

Alipomaliza kuufungua hakusimama tena mlangoni, moja kwa moja akarudi kitandani kwake na kujitupa juu yake.
Rehema naye alipofika, wala hakujibalaguza, akausukuma mlango na kuingia chumbani humo.


Ni wakati alipokuwa akiingia ndipo, kuna mtu aliyekuwa akitokea barazani akiingia ndani, akamuona Rehema akiishia chumbani kwa Eddy.
Mtu huyo akashangaa! Akajiuliza kama Eddy alikuwa amerudi au la. Alipokosa jibu akadhani labda Rehema alikuwa ameachiwa ufunguo.
Rehema alipohakikisha kwamba ameishaingia chumbani humo wala hakutaka kungoja, moja kwa moja alimfuata Eddy pale kitandani alipokuwa amelala na kuanza kumkumbatia.
Eddy hakuwa na ujanja wa kukataa kumpokea Rehema pamoja na kwamba hakutegemea kufanyiwa kitu kama hicho, yeye alihisi kesi kuhusiana na mambo yaliyotokea jana yake usiku ingeanza kisha mambo hayo yangefuata baadaye.
Bila ya kujivunga mtoto wa kike akaanza kumshushia mabusu ya nguvu Eddy, akawa anampandisha morali wake kwa kumshika kila kona ya mwili wake.
Wakati alipokuwa akiyafanya hayo, Rehema alikuwa akisindikiza vitendo hivyo na sauti ya kilio, alikuwa akilia kwa sauti ndogo yenye kusisimua.
Kilio chake kiliongeza hamasa ya kumpagawisha Eddy aliyekuwa amelala na kumwachia msichana huyo afanye anachotaka.
Awali Eddy hakuwa akisikia kile Rehema alichotaka akisikie lakini kadiri muda ulivyoenda ndivyo msichana huyo alivyokuwa akiongeza majonjo ya kumpagawisha.
Ilifika hatua, Eddy alisalimu amri, akaanza kujibu mashambulizi ya Rehema, ilipofika hatua hiyo sasa ikawa kama fujo, wakawa kama wanamichezo wa miereka, wakawa wanazungushana juu ya uwanja ule wa sita kwa sita, mmoja akiwa juu mwingine anakuwa chini, kila mmoja alikuwa akifanya kile anachokijua katika kumpagawisha mwenzake.
Waliendelea hivyo kwa muda mrefu na hatimaye wakawa kama wanaishiwa pumzi, kila mmoja akawa anavuta pumzi za ziada, hamasa ikiwa imewapanda kwa asilimia mia moja.
Bado kilio cha Rehema kilikuwa palepale, alikuwa akilia kwa sauti ndogo kuonesha manung'uniko aliyonayo juu ya Eddy.
"Kwa nini unanifanya hivi?"
aliuliza Rehema huku akisaula viwalo vya mwenzake huyo.
Eddy hakujibu kitu, alikuwa kimya muda wote ingawaje pombe ilikuwa ikianza kumtoka kichwani mwake.
Rehema alipoona kimya wala hakukata tamaa, akaiondoa ‘t- shirt' aliyokuwa ameivaa Eddy na kuitupa pembeni.
Akawa anatafuta sehemu ambazo zingeweza kumpagawisha zaidi mvulana huyo.
Baada ya muda akaona kama vile alikuwa akichelewa kufikia lengo lake, akaifungua njia ya kuingia ‘ikulu' kwa kuivuta chini zipu iliyokuwa imeziba njia hiyo.
"Kwa nini unanifanyia hivi?" alirudia tena Rehema huku akimshika askari wa Eddy na kumwingiza katika njia ya kupitishia chakula.
Eddy alizidi kupagawa, kijasho chembamba kikaanza kumvuja.
"Unataka nikufanyie nini…?" bado Rehema aliendelea na maswali lukuki ambayo yalikuwa hayajibiwi na mwenza wake.
Rehema akaona kama vile hatosheki na kile alichokuwa akikifanya, akamwondoa Eddy kiwalo kingine muhimu katika maungo yake.
Akaendelea na zoezi lake hadi pale alipomuona Eddy akiwa mtupu kama alivyotoka katika tumbo la mama yake , naye akainuka na kuondoa vya kwake.
‘Mechi' ilikuwa ikitaka kuanza, ndipo mlango ulipofunguliwa, mtu aliyefungua mlango aliingia na kuwaona wawili hao kwa msaada wa taa ya ukumbini kwa kuwa mlango aliuacha wazi.
Wote wakatahamaki na kujiuliza nini kilikuwa kikiendelea. Rehema ndiye aliyekumbuka kuwa wakati alipokuwa akiingia mle ndani hakuwa ameufunga mlango.
"Eddy," sauti ya kike iliita na wote wawili wakaifahamu ni sauti ya nani.
Kama vile haitoshi aliyewaita akageuka na kwenda kuwasha taa na kuwashuhudia wawili hao wakiwa wamejilaza kitandani tayari kwa kuendelea na ngwe ya kupeana burudani.
"Eddy hiki ni nini?" alisema mwanamke huyo ambaye hakuwa mwingine zaidi ya Queen.
Queen alikuwa amesimama mbele yao akiwakodolea macho kama vile askari aliyekuwa amewakuta wahalifu wake.
"Kwa nini unaingilia starehe za watu?" hatimaye Rehema aliweza kupata maneno ya kuonge huku akimwangalia Queen.
"Starehe za watu? Wewe una starehe gani hapa mjini zaidi ya umalaya…?"
"Ndiyo miye ni malaya na wewe ni nini kilichokuleta humu ndani?"
Kauli hiyo ilimkera Queen aliyetoka mzimamzima na kumvaa Rehema pale kitandani, Rehema naye hakukubali akakunjua makucha yake na kumshika Queen kisawasawa.
Wawili hao wakaanza kushika huku wakipigizana kelele, hali iliyowashtua watu wengine waliokuwa katika vyumba vyao.
Watu hao wakaanza kuamka na kutafuta kelele zinapotokea, wakagundua kuwa zilikuwa zikitokea chumbani kwa Eddy.
Waliposikiliza vizuri wakagundua kuwa sauti za wanawake wawili zilikuwa zikijibishana, sauti hizo hazikuwa ngeni masikioni mwao, wakaamua kuvamia chumba hicho.

Je, nini kilifuatia chumbani humo? Usikose kufuatilia


 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register