'Hatupo mbali sana'
Jurgen Klopp amedai kwamba Liverpool haipo mbali sana dhidi ya vinara Chelsea na wanaweza kushindana nao vizuri msimu ujao licha ya kuwa na tofauti ya pointi 14 dhidi ya Chelsea.
Liverpool waliwafunga Chelsea 2-1 katika dimba la Stamford Bridge mwezi Septemba licha ya kwamba matokeo hayo yalikuwa kabla ya Antonio Conte kuhami kwenye mfumo wa
3-4-3 ambao umewafanya kuwa na kiwango kizuri mpaka sasa.
Liverpool kwa sasa wanashika nafasi ya tatu, wakiwa wamecheza mechi moja zaidi ya vilabu vitatu chini yao, Manchester City, Arsenal na Manchester United.
Licha ya kushindwa kushindania ubingwa wa EPL msimu huu, Liverpool wana rekodi nzuri dhidi ya Vilabu vinavyoshika nafasi sita za juu wakiwa hawajapoteza mchezo na kukusanya pointi 20 kati ya 30 dhidi ya wapinzani wao hao, na Klopp anahisi kwamba hawapo mbali sana.
"Angalia mechi tulizocheza dhidi ya Chelsea." Alisema Klopp.
"Hatukuwa wabaya sana zaidi ya pointi 14 hilo ni uhakika lakini wao wana uzoefu sana, wabaridi kama barafu na wanakusanya pointi. Wanacheza bila kuwa na mzaha na wanamalizia nafasi pale wanapobidi kufanya hivyo."
"Wote tunajua kwamba pengo sio kubwa sana, lakini pengo lilikuwa kubwa kwa jinsi wanavyocheza ."
"Chelsea wanastahili ubingwa lakini kama nilivyosema hapo awali kwamba wana bahati sana dhidi ya majeraha. Diego Costa, alikosa hata mechi ? Eden Hazard mechi moja ? Pedro anaweza kucheza, Willian anaweza kucheza na safu yao ya ulinzi inaweza kucheza pia."
"Sio tu kuhusu Chelsea. Angalia hata tulivyocheza dhidi ya Tottenham. Lakini wote tutakuwa na msimu tofauti mwakani."