Joto kali Dar laibua mazito

[figganigga]

Dar es Salaam. Magonjwa ya ngozi, kupungukiwa maji mwilini na maumivu ya kichwa ni kadhia zitakazowakumba baadhi ya wakazi wa Dar es Salaam kutokana na joto kali linalolikumba jiji hilo.

Tayari Mamlaka ya Hali ya Hewa Tanzania (TMA), imetangaza kuwa hali ya hewa katika jiji hilo hadi jana lilikuwa limefikia nyuzi joto 35.

Meneja wa Huduma za Utabiri wa TMA, Samwel Mbuya jana alisema joto la mwaka huu limevunja rekodi kwani kwa kawaida, kipindi cha Januari linatakiwa liwe nyuzi joto 32.

Mbuya alisema joto hilo pia limeongezeka hata kwa upande wa Zanzibar ambako limefikia nyuzi joto 35 ikiwa ni ongezeko la asilimia mbili.

Alisema sababu kubwa ni kuongezeka kwa joto katika ukanda wa Bahari ya Hindi ambalo pia linatishia kuwapo kwa mvua za El-nino.

Alisema kadiri mvua zinavyochelewa, ndivyo joto la bahari linavyozidi kuongezeka na kusababisha hali iliyopo.

Madhara ya joto kiafya

Daktari Bingwa wa Magonjwa ya ndani ya mwili, Meshack Shimwela alisema kwa sasa wanapokea kesi nyingi za magonjwa ya ngozi kama upele, fangasi, kupungua maji mwilini na kuumwa kichwa.

Alisema joto kali linamfanya mtu apoteze wastani wa lita tatu za maji kwa siku. “Kwa watu wasiokunywa maji katika kipindi hiki wanaweza kukaukiwa maji, kwa sababu hawanywi vimiminika vya kutosha kujazia kiwango kile kilichopotea,” alisema.

Chanzo: Mwananchi

 

[barafuyamoto]

Nyuzi joto 35?? Duh!
Si ajabu nimejikuta nakunywa maji zaidi ya lita moja na nusu kwa siku!

 

[miss chagga]

fungus tupunguze nguo za kubana hasa za mpira .. usiku mlale uchi

 

[Bavaria]

Nyuzi joto 35?? Duh!
Si ajabu nimejikuta nakunywa maji zaidi ya lita moja na nusu kwa siku!

Na khartoum wenye nyuzi joto 45 watasemaje?

 

[Bavaria]

Inabidi kama taifa tuongeze spidi ya kupanda miti, nchi inazidi kuwa jwangwa.

Hali ni mbaya kwa wasiozoea joto kali kama hivi...

 

[Saint Ivuga]

Inabidi kama taifa tuongeze spidi ya kupanda miti, nchi inazidi kuwa jwangwa.

Hali ni mbaya kwa wasiozoea joto kali kama hivi...

Badala yake wanakata miti.
u!!

 

[jembe afrika]

fungus tupunguze nguo za kubana hasa za mpira .. usiku mlale uchi

Utakuta mti umezama

 

[The Monk]

Hayo ni magonjwa ya haraka haraka lakini kubwa zaidi naona watu wanatwanga soda kiwango kisicho na idadi kujaribu kutuliza kiu, hapo naona tunatengeneza majanga mengine siku za usoni.

 

[Bavaria]

Badala yake wanakata miti.
u!!

Tuanze kwa kutafuta nishati mbadala wa matumizi ya mkaa na kuni. Gesi ya kupikia ipunguzwe bei kwa kiasi kikubwa, umeme usambazwe vijijini, matumizi ya solar na biogas yahimizwe, small scale wind farms za kutengeneza umeme inawezekana kwa kila familia au mtaa...

Kila familia, mtaa, kijiji, kata, tarafa, wilaya na taifa tupeane targets za kupanda miti kila mwaka.

Mwanzo utakuwa mgumu ila mbeleni tutazoea na itakuwa tabia yetu..

Ni kwa faida yetu sote

 

[miss chagga]

Utakuta mti umezama

umezama wapi? mwili lazima upumue joto kali sana

 

[Mamndenyi]

Kweli joto limezidi. Daaa chini ya manyonyo kumechubuka, mapajani kumechubuka hali ni hovyo.

 

[Tetramelyz]

Kweli

 

[South]

Nyuzi joto 35 na zikikutana hasi na chanya zikafanya kazi lazima iwe nyuzi joto 70, hapo lazima upungukiwe maji mwilini

 

[housegirl]

Nimetokwa vipele kama mtoto mdogo. Naulizwa umepaka nini!! Au maji ya chumvi? Walaa... Kumbe joto....
Inyeshege tu hio mvua kha!

 

[hazole1]

Hapo ndio nazidi kupata hasira na huenda labda nisije kukunyaga jiji la dar maisha yangu yote

Haiwezekani jiji lenyewe chafu,
Folene kila sehemu
Joto na hapo bado sijakutana na vibaka
Mbona watu wa dar mnahangaika sana na maisha
Jiji lenyewe limejengwa kama mchwa

 

[The Monk]

Kama walivyoonya wataalam, hii huenda ikapika mvua ya hatari itakayoleta maafa. Sasa sijui tunajiandaaje kukabiliana na hiyo hali ki miundombinu na kupunguza athari.

 

[chenjichenji]

Kweli joto limezidi. Daaa chini ya manyonyo kumechubuka, mapajani kumechubuka hali ni hovyo.

Haah haaaaa...vipi kwenye kingo za mto??.

 

[housegirl]

Yani Kama ulikuwa umekaa ndani kwenye kipupwe ukitoka tu unalisikia wimbi la joto.... Daladala zilivyojazana hata likimbieje husikii Upepo... Sijui huko Khartoum wanaishije

 

[laki si pesa.]

si mhame uko

 

[strong ruler]

Poleni sana kweli naona kiwango cha juu cha Joto ni nyuzi joto 32 kwa Dar. Ila cha ajabu sisi mwanza toka asubuhi ni mvua mpaka sasa.... Kama Picha zinavyoonesha hapo chini.