Dr Slaa azidi kuitia kiwewe CCM

[Imany John]

Mkuu Imany John hizi siasa za Nape ndiyo zitamuangamiza mwenyewe kisiasa.

umeshawai kujiuliza huwa anakunywa vipi chai? Kuna watu wanaishi chini ya shinikizo la kifikra.

Nape anajisikiaje?

 

[Molemo]

Kwa sasa hivi kila kitu kinachomhusu Dr. ni news, big news actually.

Na kwa vile siasa za CCM ni za enzi za ujima na zinathihirisha tena na tena kuwa Tanzania inamhitaji sana Dr. Slaa - talking of the ideal-match.

Mkuu Ronald Regan Dr Slaa ndiye mwanasiasa aliyebeba vichwa vya habari kuliko wote katika Afrika Mashariki.

 

[Molemo]

umeshawai kujiuliza huwa anakunywa vipi chai? Kuna watu wanaishi chini ya shinikizo la kifikra.

Nape anajisikiaje?

Badala ya kuhangaika kukijenga chama chake kwa hoja za kisomi amegeuka kufanya siasa za akina Professa Maji Marefu.

 

[ibange]

Nina hakika lazima Dr atashinda kwa kishindo 2015. Tunaapa na kuahidi kuwa tutahakikisha hakuna kura hata moja itakayoibiwa 2015

 

[ngoshwe]

Arejeshe kadi ya ccm kwanza ili turejeshe imani kwake

 

[Molemo]

CCM ni kama beki ya toto african inayopanga kumkaba messi.

Ama ni sawa na Kichuguu na Mlima Kilimanjaro.

 

[Dik]

Maji yameshakuwa mengi nape!hayazuliki tena kwa ukuta wa udongo!yaache yatiririke yakanyeshe mimea iliyoanza kukauka kwa kuyakosa.

 

[babalao 2]

Ama ni sawa na Kichuguu na Mlima Kilimanjaro.

Molemo hv umaarufu wa DR SLAA NDIYO UNAMPAISHA NAPE SASA ACPOJIWEKA KWA SLAA ATAPOTEA HUYU KIJANA.

 

[ungonella wa ukweli]

Kifupi ni kwamba,ccm wameshindwa kuongoza taifa letu chini ya mfumo wa vyama vingi. Na kama wataendelea hivyo watalisambaratisha taifa letu, slaa ni kimoko.

 

[Baba V]

Alishindwa TAMBWE HIZA ndo awe huyu mpaka karolaiti?? waache waendelee kucheza sarakasi zan na mataulo viunoni mwao

 

[mnovatus]

CCM ni kama beki ya toto african inayopanga kumkaba messi.

mkuu hii nimeipenda,na ndo ukweli! Beki yo toto african kumzuia mshambuliaji kama messi ni ndoto! Ndo kama ccm na propaganda zao za majitaka kwa cdm! We do support cdm and we will support it bcoz cjaona chama mbadala wa hiki cha majangili akina nepi!

 

[Communist]

Kuna wakati inabidi ukubali tu kuwa fulani kakuzidi kiakili. Nape anajiangaisha na Dr Slaa ni sawa na mbuzi kuamua kupambana kidete na simba badala ya kukimbia. Atakuwa kitoweo.

 

[Molemo]

Molemo hv umaarufu wa DR SLAA NDIYO UNAMPAISHA NAPE SASA ACPOJIWEKA KWA SLAA ATAPOTEA HUYU KIJANA.

Eti anasafiria nyota ya Dr Slaa.Kila wiki lazima atoe taarifa kwa vyombo vya habari akimzungumzia Dr Slaa na kumtukana.

 

[MR. ABLE]

Naamini haitakuwa dhambi kumpa DR SLAA fursa nyingine kugombea urais kwa CHADEMA 2015, kwani huyu ndiye pekee akubalikaye na aaminiwaye zaidi na watanzania wengi kuliko mtu yeyote ndani ya CHADEMA.

Hivyo tukimpa fursa hiyo naamini CHADEMA tutashinda kwa kishindo 2015.

 

[Molemo]

Kuna wakati inabidi ukubali tu kuwa fulani kakuzidi kiakili. Nape anajiangaisha na Dr Slaa ni sawa na mbuzi kuamua kupambana kidete na simba badala ya kukimbia. Atakuwa kitoweo.

Nadhani hata akilala ni lazima amuote Dr Slaa mara 50 mpaka kukuche.

 

[pefla]

Dk. Slaa awahenyesha CCM • Mkakati wao wa kuwatumia vijana kumchafua wafichuka na Mwandishi wetu

MKAKATI wa kumchafua Katibu Mkuu wa CHADEMA, Dk. Willibrod Slaa, unaoratibiwa na baadhi ya viongozi waliotimuliwa kwenye Baraza la Vijana la chama hicho (BAVICHA), umedaiwa kufadhiliwa na CCM, Tanzania Daima Jumapili limebaini. Vijana hao ambao wamedaka kauli ya uzushi ya Katibu wa Halmashauri Kuu (NEC) Taifa wa CCM, Itikadi na Uenezi, Nape Nnauye, kuwa Dk. Slaa anamiliki kadi ya chama hicho na anaendelea kuilipia, wanazunguka mikoani wakimchafua kiongozi huyo wakidai ajiuzulu. Licha ya vijana hao kufukuzwa uongozi na wengine kuvuliwa uanachama, lakini bado wameendelea kufanya mikutano na waandishi wa habari wakijipachika nyadhifa za BAVICHA, wakidai kuwa wanaandaa maandamano ya kumng’oa Dk. Slaa. Hata hivyo, Tanzania Daima Jumapili limefahamishwa kuwa, mkakati wa vijana hao tayari umefichuliwa na CHADEMA na kubainika kuandaliwa na CCM ili kuendeleza hoja hiyo ya Nape ya kumchafua Dk. Slaa. Chanzo chetu cha ndani kinaeleza kuwa, kasi ya Dk. Slaa kwa sasa inawatia kiwewe CCM, hivyo chama hicho kupitia kwa Nape kimelazimika kuwatumia mamluki hao kikidhani kinaweza kufifisha nguvu ya CHADEMA mikoani. Tayari Dk. Slaa amefafanua hoja ya Nape akieleza kuwa kadi ya CCM ameendelea kubaki nayo kama mali yake na kumbukumbu kwa wajukuu zake, huku akikanusha madai ya kuilipia akisema ni jambo lisilowezekana kisheria. Pia mwanasheria maarufu jijini Arusha, Method Kimomogoro, naye alijitokeza kutoa ufafanuzi wa kisheria, akisema kuwa kadi ya chama ni mali ya mwanachama, hivyo ana hiari ya kuirejesha akihama au kubaki nayo. Kimomogoro aliongeza kuwa, wanaohama na kusalimisha kadi zao, wanafanya hivyo kwa mapenzi yao na kutaka kuonekana, lakini hakuna mahala wanakotakiwa kufanya hivyo kisheria. Wakati wasomi mbalimbali wakijitokeza kuipinga hoja ya Nape, kada huyo aliibuka na kujikanyaga kwenye mtandao wa kijamii, akidai kuwa hakumlenga moja kwa moja Dk. Slaa, bali baadhi ya viongozi wa upinzani akiwemo yeye, wanaendelea kumiliki kadi za CCM. Kwa kile kinachoonekana kuwa propaganda hiyo iliibuliwa makusudi kwa ajili ya kumdhoofisha Dk. Slaa, inadaiwa kuwa CCM imefanya mazungumzo na kuwawezesha kifedha baadhi ya vijana waliofukuzwa BAVICHA ili wabebe ajenda hiyo na kuieneza mikoani, ionekane kuna mgogoro ndani ya CHADEMA. Tayari vigogo wa juu wa CHADEMA wamethibitisha kuudaka mkakati huo wa CCM ulioasisiwa na Nape na kueleza kuwa, unaratibiwa kwa kutumia fedha za mafisadi. “Hao wanafanya kazi ya Nape wakidhani wataisaidia CCM ila kwa kuwasaidia tu kama hawana taarifa kuhusu Dk. Slaa, waje makao makuu tutawaelimisha kuliko uongo huo wanaoufanya,” alisema mmoja wa viongozi wa CHADEMA. Naye kada wa chama hicho, Arcado Ntagazwa aliyewahi kuongoza wizara mbalimbali ikiwemo Idara ya Usalama wa Taifa katika utawala wa awamu zilizopita, alisema CCM kamwe hawawezi kufanikiwa kwa ajenda hiyo. “Unajua tena wenzetu wana fedha za mafisadi, hivyo kutokana na vijana wetu kukosa ajira, wameamua kuwarubuni na kuwazungusha mikoani ili kumpaka matope Dk. Slaa,” alisema. Ntagazwa alisema kuwa wala CHADEMA hawahitaji kupoteza muda kuzunguka kukanusha uongo huo wa CCM, na badala yake wawapuuze tu kwa vile hawawezi kumsambaratisha Dk. Slaa. Wiki iliyopita, Ntagazwa alizungumza na gazeti hili akisema CCM inababaishwa na nyota ya Dk. Slaa, hivyo viongozi wake na serikali wamejikuta wakibabaika na kufanya vitendo vya ajabu wakidhani wataweza kumzuia. Ntagazwa alieleza kushangazwa na kiwewe wanachokipata viongozi wa serikali na CCM kwa Dk. Slaa, ambaye alidai nyota yake inazidi kung’ara kwa wananchi licha ya juhudi kubwa ya kujaribu kumchafua. “CCM wanamwona Dk. Slaa ni tishio kwao, hivyo katika kubabaisha watu wanadhani watapunguza imani kwake, wameibua mambo ya ajabu na kupoteza muda kama alivyofanya Nape kudai kuwa hajarudisha kadi ya CCM,” alisema. Alisema kuwa kwa sasa CCM wanashindwa kutambua kwamba mambo yamebadilika, Watanzania wanachuja na kuchambua mambo si kama ilivyokuwa zamani. “Hili jambo la kupotoka na kushindwa kusimamia misingi na kuwatetea wanyonge, ndilo Dk. Slaa pia amekuwa akilikemea kwa baadhi ya viongozi na wafuasi wa CHADEMA, ambao wamegeuka kucheza ngoma ya mafisadi wa CCM,” alisema. Ntagazwa kwa kujiamini alisema kuwa, katiba za TANU na CCM ziliandikwa vizuri na kuwekwa mambo ya msingi, lakini akasikitika na kuhoji ni pepo gani amewaingilia viongozi wa CCM sasa na kushindwa kusimamia mambo hayo. “Wanachokifanya CCM sasa ni tofauti kabisa, yaani sawa na ardhi na mbingu. Wanafanya mambo ya ajabu kwa wananchi na hadi kufikia kuibua mambo ya ajabu kama alivyofanya kijana wao (Nape),” alisema. Aliongeza kuwa, kwa sasa wanamshukuru Mungu kwani wananchi wanajionea jinsi CCM ilivyoshindwa kurejesha misingi, na badala yake imehamia kushirikiana na serikali kufanya vitendo vya hovyo kwa kutumia polisi na vyombo vingine vya dola. Mpaka sasa wamejitokeza vijana wawili walioenguliwa ndani ya BAVICHA na kufanya mikutano na waandishi wa habari, wakijipachika vyeo vya ukatibu wa mikoa wa baraza hilo na kudai wataongoza maandamano ya kumng’oa Dk. Slaa. Vijana hao ni Edo Mwamalala wa Mbeya ambaye hata hivyo CHADEMA mkoani humo ilithibitisha kuwa ilikwishamtimua uanachama, huku Salvatory Magafu naye akiibuka juzi mkoani Mwanza akijitambulisha kama Katibu wa Mkoa BAVICHA wakati uongozi wao ulivunjwa muda mrefu. Katika harakati hizo za kueneza propaganda hiyo ya kuonesha kuna mgogoro ndani ya CHADEMA, inadaiwa kuwa baadhi ya vyombo vya habari vimepenyezewa fungu kuhakikisha vinaandika habari za kukisambaratisha chama hicho. BAVICHA Mwanza wanena Mwenyekiti BAVICHA Mkoa wa Mwanza, Liberatus Mulebele, amelazimika kutoa ufafanuzi na kuweka kumbukumbu sawa kutokana na habari zilizosambazwa kuhusu upotoshaji wa Magafu. Katika taarifa yake kwa vyombo vya habari jana, mwenyekiti huyo alisema habari zilizoripotiwa kuwa BAVICHA Mwanza wanataka Dk. Slaa aondoke madarakani na vinginevyo watamng’oa si za kweli. “Napenda kutumia nafasi hii kusema maneno machache juu ya upuuzi huo ambao kila mtu anajua umetokana, na unaratibiwa na kusimamiwa na CCM, ikiwa eti ndiyo moja ya mikakati ya sekretarieti ya chama hicho inayoitwa kuwa ni mpya,” alisema. Alisema kwa nafasi yake kama msemaji mkuu wa BAVICHA mkoani Mwanza, vijana hawajawahi, wala hawana mpango wa kubeba propaganda za CCM dhidi ya CHADEMA na viongozi wake kuanzia ngazi ya chini hadi ya juu, akiwemo Dk. Slaa. “Vijana CHADEMA Mwanza tuko imara kukilinda chama chetu na viongozi wetu dhidi ya propaganda za CCM na serikali, ambazo zina lengo la kudhoofisha harakati za kujenga taasisi imara inayobeba matumaini ya Watanzania kwa ajili ya ukombozi wa awamu ya pili,” aliongeza. Mulebele alifafanua kuwa, wanatambua kuwa katiba za vyama vya siasa, ikiwemo ya CCM, zinasema wazi kuwa mwanachama wa chama hicho akijiunga na chama kingine, anapoteza uanachama wake kwa chama hicho cha awali. “Lakini pia vijana wa CHADEMA Mwanza ambao ni makini kama ilivyo kawaida, tunaelewa wazi na tunaweza kusimamia kauli hii, kuwa Dk. Slaa tangu alipohama CCM mwaka 1995 hajawahi, kwa maana ya kila mwaka, kwenda ofisi yoyote ya CCM kulipia kadi yake,” alisema. Aliongeza kuwa, BAVICHA Mwanza haijafanya uamuzi wa kuendesha harakati zozote za kutaka Dk. Slaa ajiuzulu, wala haitambui maandalizi ya maandamano kwani ni batili na aliyetoa tamko hilo, Salvatory Magafu si msemaji wa vijana wa CHADEMA Mkoa.

 

[fredmlay]

Kisu walichokinoa kummaliza Slaa na CDm wajue kitawageuga wao ccm, upelelezi unaendelea kujua chanzo cha hizo fedha, upelelezi huo ukikamilika utaanikwa hapa Nnauye Jr aje kujibu hoja au tumsulubu na chama chake.

 

[ndomyana]

Arejeshe kadi ya ccm kwanza ili turejeshe imani kwake

iman ulipoteza wewe, wenzako ndio tunazidi mpenda, dk slaa go go gooooo!

 

[mnovatus]

Hakika ccm wanaweweseka na kutapatapa wasijue la kufanya!! Leo asubuhi nilifungulia tbccm kwa bahati mbaya nikamsikia Lukuvi akisema kuanzia tar. 19 desemba hii wataanza kurusha mafanikio ya ccm kwenye vituo vyote vya runinga eti waTz wafahamu mafanikio ya ccm na serikali tokea uhuru hadi leo! Hivi kweli mafanikio kama yapo wananchi si wanayaona kwa macho yao? Kuna haja gani ya kutumia kodi zetu kulipia vipindi hivyo mfululizo katika vituo vyote vya runinga? Hizo fedha wangeenda kutengeneze madawati maana kuna wanafunzi hadi leo hii wanakaa chini? Hayo si matumizi sahihi ya kodi zetu hakika!

 

[blueray]

Na magamba yatazidi kuchanganyikiwa Na homa hii ya CHADEMAPHOBIA.

Homa hii inawapata wana CCM hasa mafisadi Na wapambe wao.

Mara nyingi homa hii husababisha complication ya kuingia kichwani. Kama vile ilivyo homa ya malaria kuingia kichwani, Homa hii ya chademaphobia inapoingia kichwani inasababisha Slaaphobia.

Katika hatua hii mgonjwa huanza kuweweseka Na kusema sema hovyo, kuchachanganyikiwa, kupoteza fahamu. Katika hali hii dawa na kuvua gamba na kuvaa gwanda.

Mgonjwa asipotibiwa Anaweza kukaa kwenye hali hii ya kutokuwa na fahamu kwa muda mrefu lakini hatimaye huwa ni kifo