Ya Polisi na vyama vya siasa Tanzania

Ya Polisi na vyama vya siasa Tanzania

1)Kauli ya serikali kukubali mazungumzo
2) Maswali ambayo yaliwashinda Mwema na Nahodha
3) Maafa yaliyotokea Arusha
4) Tamko la CHADEMA
5) Klabu ya waandishi Arusha yalaani polisi
6) CUF yatoa tamko kulaani polisi
7) Viongozi wa dini, wananchi nao walaani

Taarifa kwa hisani ya Tanzania Daima
MAPAMBANO makali kati ya Polisi na wafuasi wa Chama cha Demokrasia na Maendeleo (CHADEMA) yaliyotokea juzi na jana mkoani Arusha yameleta mshtuko mkubwa kitaifa, hata kuilazimisha serikali kukubali mazungumzo ili kishughulikia mgogoro wa kisiasa uliosababisha machafuko ya kisiasa na kiusalama katika jiji la Arusha.
Kwa nyakati mbalimbali, CHADEMA, serikali, Chama Cha Mapinduzi, asasi za kiraia na kidini, Chama cha Wananchi (CUF), na wananchi katika makundi mbalimbali, walitoa matamko kuhusu mgogoro huo, huku wengi wakiishutumu serikali na polisi kwa kusababisha zogo na mauaji.
Waziri wa Mambo ya Ndani, Shamsi Vuai Nahodha, alizungumza na waandishi wa habari jana jijini Dar es Salaam, akasema serikali itaitisha mazungumzo ya amani ili kumaliza mgogoro wa kisiasa uliosababisha machafuko juzi jijini Arusha. Katika mkutano huo Nahodha aliambatana na Inspekta Jenerali wa Polisi nchini, Said Mwema.
Wakati serikali ikitoa tamko hilo, CHADEMA kiliwataka Nahodha na Mwema kujiuzulu kwa kushindwa kulinda amani na uhai wa wananchi wasio na hatia.
CCM nao, kupitia Umoja wa Vijana wa chama hicho, kilitoa tamko kushambulia CHADEMA kwa madai kuwa ndicho kilisababisha ghasia hizo.
Kauli ya serikali kukubali mazungumzo
Nahodha alisema meza ya mazungumzo ndiyo njia pekee itakayonusuru amani na uhai wa wakazi wa Jiji la Arusha; jambo ambalo siku chache zilizopita lilipendekezwa na Mbunge wa Monduli Edward Lowassa, likapuuzwa na Katibu Mkuu wa CCM Yusuph Makamba.
Mgogoro wa Arusha umetokana na uchaguzi wa Meya, baada ya CCM kuvunja sheria na kanuni za uchaguzi, wakachagua meya bila kuwashirikisha madiwani wa CHADEMA, njama zilizosimamiwa na serikali.
Nahodha alisema sasa kunahitajika busara ya viongozi wa pande mbili ili kurejesha amani mkoani Arusha.
“Mimi nasikitika kufa kwa watu hao, lakini lazima tufanye mazungumzo ya kutafuta amani Mkoani Arusha katika kuweka wananchi kuendelea na shughuli zao kwa kutawaliwa na amani,” alisema Nahodha.
Alipoulizwa iwapo serikali ingekuwa tayari kuwaachia viongozi wa CHADEMA bila kuwafungulia mashitaka yoyote ili kufanyike mazungumzo, alisema: “serikali bado inalitafakari suala hilo na ikijiridhisha kama kufanya hivyo kutamaliza mgogoro uliopo basi inaweza kuuzingatia ushauri huo.”
Kauli ya IGP Said Mwema
Mkuu wa Jeshi la Polisi Said Mwema alisema iwapo taarifa za kiintelijensia zitathibitisha kuwa polisi walisababisha vurugu hizo, atawajibika kwa mujibu wa sheria.
Alidai kuwa polisi walizuia maandamano hayo kutokana na taarifa za kiitelijensia kwamba yangesababisha uvunjifu wa amani; akasema kuwa kutokana na hali tete, jeshi hilo liliongeza nguvu kutokana mikoa jirani kukabiliana na ghasia ambazo zingeweze kutoka jana.
“Mimi nitawajibika kama kweli niliingilia utaratibu huo, lakini mahakama ... sio kwa sasa ...baada ya kutokea kwa vurugu hizo,” alisema Mwema
IGP Mwema alikiri kuwa jana jeshi la polisi liliagiza askari wengi zaidi kutoka maeneo mbalimbali ya nchi. Hata hivyo hakutaja maeneo hayo, huku akisisitiza kuwa hiyo ni sehemu ya mikakati ya siri ya jeshi hilo linapojipanga kuimarisha ulinzi kwenye operesheni kama hiyo.
Maswali ambayo yaliwashinda Mwema na Nahodha
Nahodha na Mwema walijibu baadhi ya maswali juu juu na kupuuza au kushindwa kujibu mengine, hasa yaliyohitaji majibu makini na ya kina.
Kwa mfano, Nahodha alipoulizwa kwanini serikali inataka mazungumzo baada ya watu kufa wakati ilipuuza ushauri huo huko nyuma, alisema: ”muda wa kufanya mazungumzo ya kina usingeweza kutosha.”
IGP Mwema alipoulizwa kwa nini polisi wanapeleka wananchi na viongozi wa CHADEMA mahakamani, huku wakikataa kuwakamata na kuwafikisha mahakamani polisi walioua raia jijini Arusha, hakuweza kutoa jibu lolote. Badala yake, alirukia maswali mengine. Hata alipoulizwa swali hilo mara kadhaa, aliipuuza.
Alipoulizwa kwanini wafuasi wa CHADEMA na viongozi wao walipoandamana kwa takribani kilomita mbili hakuna fujo zilizotokea hadi polisi walipoanza kuwapiga, IGP Mwema alikwepa kabisa kujibu swali hilo. Badala yake aliendelea kusisitiza kwamba taarifa za kiitelijensia walizokuwa nazo zilionyesha kwamba kungekuwa na tishio la amani.
Mwema alidai kuwa matokeo ya kuchomwa moto kwa baadhi ya vibanda na nyumba mjini Arusha, ni ushahidi kuwa taarifa za kiitelijensi walizokuwa nazo zilikuwa sahihi. Lakini alipobanwa kwa maswali kwamba kwa nini uchomaji huo haukujitokeza mchana kabla ya polisi kukamata, kupiga na kuua watu, hakuweza kutoa majibu.
Maafa yaliyotokea Arusha
Taarifa za polisi mkoani Arusha zilisema watu watatu walifariki dunia na wengine sita walilazwa katika Hospitali ya Mkoa wa Arusha, Mt.Meru. Miongoni mwa waliokuwa wamelazwa hospitalini hapo ni Josephine Mushumbusi, ambaye ni mchumba wa Katibu Mkuu wa CHADEMA, Dk. Willibrod Slaa.
Mganga mkuu wa hospitali hiyo, Salash Toure, alisema miongoni mwa waliokuwa hospitalini hapo ni majeruhi 16. Wengi wao walijeruhiwa vibaya kwa risasi za moto.
Kamanda wa Polisi Mkoani Arusha, Thobias Andengenye, wengi wao walijeruhiwa walipokuwa wanatoka kwenye mkutano wa hadhara uliofanyika katika viwanja vya NMC Unga Limited wakielekea kituo kikuu cha polisi kuwanusuru viongozi wao waliowekwa chini ya ulinzi juzi.
Waliofariki dunia Ismail Omari, Denis Michael na Geogre Mwita. Hadi jana hawakujulikana walikokuwa wanaishi.
Hata hivyo, inadaiwa kuwa askari mmoja naye alipoteza maisha lakini kamanda Andengenye hakutaka kuthibitisha hilo.
Nyumba ya mkazi mmoja, Salimu Ally, iliteketea yote kwa moto; na kibanda cha kuuzia vocha za simu cha Arusha by Night, kiliungua halafu polisi waliwahi kuzima moto huo.
Baadhi ya mashahidi wa tukio hilo walidai moto huo ulisababishwa na polisi; huku polisi wakidai ulisababishwa na raia.
“Kituo kidogo cha polisi cha kaloleni wananchi tayari walikuwa wameshakimwagia mafuta aina ya Petroli kwa lengo la kukiteketeza ndipo polisi walitokea na kuwasambaratisha na mabomu ya machozi huku wananchi hao wakiwa hawakubali na kunawa nyuso zao kwa maji na kutaka kuendelea na zoezi hilo,” alisema andengenye.
Kamanda Andengenye alisema kuwa miili ya marehemu wote imehifadhiwa katika hospitali ya mkoa kwa uchunguzi zaidi na huku taratibu za mazishi zikiendelea kwa ndugu wa marehemu hao.
Viongozi na wafuasi 31 wa CHADEMA waliokamatwa juzi na kulazwa rumande jana walipandishwa kizimbani, wakasomewa shitaka la kuandamana bila kibali.
Miogoni mwa waliofikishwa mbele ya Hakimu Mfawidhi Charles Magese wa Mahakama ya Mkoa ni Mbunge wa Hai Freeman Mbowe, mbunge wa Moshi mjini Filemon Ndesamburo, Mbunge wa Rombo Joseph Selasini, Mbunge wa Arusha Mjini Godbless Lemana na Dk Willibrod Slaa.
Mwendesha Mashitaka wa Serikali Zakaria Isaria alisema wote kwa pamoja wanadiwa kufanya mkusanyiko bila kibali.
Wengine ni Dadi Igogo, mwenyekiti wa chama hicho wilaya ya Arusha Deliki Magoma, na wanachama wengine 20. Josephine Mushumbusi na wenzake watano walisomewa mashitaka wakiwa katika Hospitali ya Mount Meru walikokuwa wamelazwa.
Washitakiwa wote walikana kosa, wakaruhusiwa kwa dhamana ya Sh 2m kila mmoja. Kesi yao itatajwa tena Januari 21 mwaka.
Tamko la CHADEMA
Jijini Dar es Salaam, CHADEMA kilitoa tamko kulaani vurugu hizo, kikiwatuhumu Jeshi la Polisi, CCM na Rais Jakaya Kikwete ambaye kinadai mwishoni mwa mwaka alitoa hotuba yenye maelekezo kwa polisi kuwadhibiti wapinzani kwa nguvu wasifanye siasa.
Tamko hilo liliandaliwa na Naibu Katibu Mkuu Hamad Yusuf na kusomwa na Mjumbe wa Kamati Kuu Mabere Marando. CHADEMA iliwataka Nahodha na Mwema wajiuzulu mara moja.
“CHADEMA inasisitiza kuwa yote haya yamefanyika kutokana na maelekezo ya hotuba ya Rais Kikwete ya kufunga mwaka …hivyo kwa mila na desturi, kistaarabu kama walivyofanya viongozi wengine kama Mzee Ali Hassan Mwinyi akiwa waziri wa mambo ya ndani alipotakiwa kujiuzulu kufuatia sakata la mahabusu …tunataka na Nahodha na IGP Mwema kufanya hivyo,” alisema Marando
Marando alisema uongozi wa CHADEMA Arusha ulitoa taarifa ya nia ya kufanya maandamano na baadaye Jeshi la Polisi likawaandikia CHADEMA kukubali nia yao.
Alisema mara baada ya Jeshi la Polisi kukubali maandamano hayo uongozi wa taifa wa chama hicho, ulisafiri kwa ajili ya kushiriki tukio hilo lakini baadaye walipata taarifa kupitia vyombo vya habari kwamba IGP Mwema amezuia maandamano hayo.
Alisema kilichotokea baada ya hapo ni viongozi na wafuasi wa chama wa CHADEMA kutembea kwa miguu kuelekea sehemu ya mkutano kabla ya kuzuiwa, kupigwa, kukamatwa na hata wengine kuuawa na polisi.
Marando alisema kinachotokea Arusha ni ashirio kuwa CCM wanajiandaa kung’ang’ania madaraka mwaka 2015 watakaposhindwa; kama alivyofanya Rais Laurent Gbagbo wa ivory Coast.
Alisema vurugu za Arusha ni ushahidi wa wazi zaidi juu ya umuhimu wa kuandikwa kwa katiba mpya ya nchi ambayo itathibiti madaraka ya rais na chama tawala na kuanzisha uwazi zaidi kuwa madaraka ya rais kama amiri jeshi mkuu si kuamrisha majeshi dhidi ya wananchi, bali kulinda haki za wananchi na mipaka ya nchi.
Aiongeza: “Pamoja na yaliyojiri mkoani Arusha, bado azima ya CHADEMA kuandamana, kufanya mikutano ya hadhara, operesheni Sangara na mingine kwa ajili ya kuwaunganisha Watanzania n akutetea haki zao iko pale pale.”
Akijibu hoja ya UVCCM waliodai kuwa watajibu mapigo, Marando alisema kama UVCCM watafanya hivyo, hawatakuwa wanapambana na CHADEMA bali wananchi. Alisema: “Twende kwa wananchi kushindana, tusiende kwa wananchi kupigana.”
Klabu ya waandishi Arusha yalaani polisi
Klabu ya waandishi wa habari mikoa wa Arusha [APC] jana ilitoa tamko kulaani kitendo cha askari polisi kuwashambulia, kuwajeruhi na kuharibu mali za waandishi wa habari wakiwa kazini katika tukio la juzi wakati wakivunja maandamano ya CHADEMA.
Katibu wa Arusha Press Club Eliya Mbonea alisema kuwa kitendo kilichofaywa na jeshi la polisi hakivumiliki. Aliwapa polisi siku tano kuomba radhi kabla ya kuhatarisha uhusiano wao na vyombo vya habari mkoani Arusha.
“Tunatoa siku tano kwa Jeshi la polisi kuomba radhi kwa vitendo hivyo ya kinyama ambavyo vinazidi kushika kasi kwa askari kila mara kuwadhalilisha wanahabari hapa nchini wanapokuwa kazini; baada ya siku hizo tano tutasitisha ushirikiano na jeshi hilo rasmi,’’ alisema Mbonea.
Polisi walimjeruhi vibaya mwandishi wa gazeti la Mwananchi Moses Mashala na kuwakamata wengine wawili Musa Juma na Moses Kilinga walipokuwa wanafanya mahojiano na Dk. Slaa katika Hoteli ya Mount Meru.

CUF yatoa tamko kulaani polisi
Mwenyekiti wa CUF Prof Ibrahimu Lipumba aliungana na Cahdema kumtaka Inspekta Jenerali wa Polisi (IGP) Said Mwema kutofanya kazi kisiasa.
Alitoa tamko hilo mbele ya waandishi wa habari jijini Dar es Salaam, akisema kitendo cha IGP kuzuia maandamano na kusababisha vifo vya watu ni uzembe uliokithiri na ni dhahiri kwamba anafanya siasa badala ya kutekeleza majukumu yake.
“Mimi binafsi nilikuwa namuheshimu sana IGP, lakini kwa hili la kuumizwa kwa watu kutokana na yeye kutoa kauli ya kuwakataza CHADEMA, huku kikiwa ni chama cha siasa kilichosajiliwa, amenikosesha imani kabisa...” alisema Profesa Lipumba.
Prof. Lipumba alisema CUF inalaani ushirikiano mchafu kati ya polisi na CCM dhidi ya CHADEMA na wapenda haki na demokrasia ndani na nje ya nchi.
“CUF Inaamini kuwa Polisi na Serikali ya CCM wanataka kutumia kitisho cha ugaidi kilichozikumba Kenya na Uganda kama sababu za kupinga mikusanyo mikubwa ya kisiasa kwa lengo la kuitetea serikali hii. Kuna haja ya kujiuliza, hivi magaidi wakitaka kulipua Tanzania mbona kuna sehemu nyingi sana ambazo wanaweza kufanya hivyo bila kusubiri maandamano ya CHADEMA au CUF au vyama vingine?” alihoji Lipumba.
Alisema CUF Inamtaka Rais Kikwete kutumia busara badala ya mabavu katika kuendesha nchi, vinginevyo itamshinda.
Viongozi wa dini, wananchi nao walaani
Baadhi ya viongozi wa dini nao wamemtaka Waziri Nahodha kujiuzulu kwa kashfa hii.
Kauli hiyo imetolewa jana na askofu Dornald Mhango ambaye ni <="" fellowship="" font="" kanisa="" la="" mission="" mkoani="" mkuu="" wa="">
Askofu Mhango alidai kuwa kwa sasa Jeshi la Polisi limeisha onyesha udhaifu mkubwa na kuifanya jamii kutokuwa na imani nalo, kwani wamekuwa wakifanya kazi zao kwa shinikizo la viongozi wa kisiasa walio madarakani, kinyume cha kiapo walichokula kulinda amani ya wananchi.
“Jeshi la Polisi limeshindwa kazi, na waziri mwenye dhamana anatakiwa kujiuzulu mara moja, kwani jeshi hili limekuwa likiendeshwa kisiasa,“ alisema.
Nayo asasi ya kiraia ya ForDIA, ambayo ni sekretarieti ya Mtandao wa Usalama na Amani katika eneo la Maziwa Makuu (PeSeNet) na Jukwaa la Uwazi Tanzania (TRAFO) imesikitishwa na tukio la jana, Januari 05, 2011, la vitendo vya Jeshi la Polisi mkoani Arusha kupiga, kuumiza, kukamata, kutia ndani na kuvuruga amani ya wakazi wa Arusha mjini
walioshiriki maandamano ya amani kupinga vitendo vilivyokiuka maadili na misingi ya utawala bora.
Taraifa iliyosainiwa na Mkurugenzi Mtendaji wa Fordia, Bubelwa Kaiza, ililaani vikali kitendo cha Polisi kukiuka maadili ya kazi yake, kuumiza watu, kufanya vurugu na kukiuka haki za binadamu za wakazi wa Arusha na pengine Watanzania wote kwa ujumla.
Ilisema: “polisi ni chombo cha dola kinachoaminiwa na raia, kwa ajili ya kulinda usalama wao, na hivyo kukabidhiwa silaha na zana za ulinzi; marungu, maji ya pilipili (washawasha), pingu, risasi za mpira, mabomu ya machozi, bastola, bunduki na pengine risasi za moto. Vifaa hivi vyote ni mali ya dola la Watanzania vinavyokusudiwa kulinda, sio kudhuru usalama wa raia.”
Naye Luteni UTENI Msataafu Letilall Ole-Molloimet ameungana na Watanzania wengine kulilaani Jeshi la Polisi kwa nguvu kubwa iliyotumika kuwadhibiti wafuasi wa CHADEMA.
Akizungumza na Tanzania Daima kwa simu kutoka kijijini kwake Isinya mpakani mwa Kenya na Tanzania, alisema nguvu hiyo ya polisi ingetumika kuwalinda wafuasi hao badala ya kumwaga damu ya watanzania wenye kiu ya mabadiliko.
Alisema kitendo cha kuzuia wanasiasa kuandamana ni kinyume cha Katiba iliyotumika kuruhusu uwepo wa vyama vingi vya saiasa huku akisisitiza kuwa amri ya polisi kuwadhuru waandamanaji wa CHADEMA, ni ulevi wa kisiasa walionao baadhi ya watalawa wa serikali ya Chama Cha Mapinduzi (CCM).
“Nawalaumu viongozi wa CCM kuwa chanzo cha mauvo yaliyofanyika jana (juzi ) pale Arusha… naamini polisi imepokea maelekezo kutoka kwa viongozi hao kitendo ninachokitafsiri kuwa ni hujuma ya kisiasa.
“Kilichofanyika pale kinastahili kulaaniwa ndani na nje ya nchi kwa sababu kimeathiri hadi sekta ya utalii, wameharibu kitovu cha utalii wetu ni walevi wa siasa hao ambao hawataki kukosolewa.
“…Lazima tujiulize kwa nini askari walikuwa na mawazo potofu ya kuwepo kwa fujo? Kwa nini wasingejipanga kuzuia fujo hizo kuliko kilichotokea? Si kazi ya polisi kuzuia maandamano popote pale jukumu lao ni kuwalinda wanaoandamana.
“Lazima CCM ikubali kuwasikiliza wapinzani ili nao wapate cha kusema kwenye meza zao… serikali iliyopo madarakani iwavumilie wanasiasa wengine na kurekebisha makosa yao kwa kukubali kukosolewa. Nadiriki kusema viongozi wengi wa CCM ni sawa na umande wa asubuhi wanatumia nguvu badala ya busara kujirekebisha,” alisema.


Source (The THOMCOM Inc.: CHADEMA vs POLISI vs CCM nani mshindi hadi sasa?
 
UPOTOSHAJI WA HABARI TUKIO LA ARUSHA

Ndugu Wazalendo

Kitendo ambacho kinafanywa na watanzania wenzetu wasioitakia mema nchi hii kwa kupotosha habari na baadhi ya Taarifa kuhusu lile tukio la Arusha sio Kizuri hata kidogo.

Kumetokea watu sasa kuanzia kwenye Mitandao ya majadiliano kama hii , kwenye magazeti wanapotoa maoni na tahariri na hata wale ambao wanatoa maoni yao kwenye vyombo kadhaa haswa vya nchi za magaribi.

Ndugu zangu nawashauri mseme na kutumiana habari za ukweli haswa zilizodhibitishwa kama huna uhakika na taarifa Fulani bora uulize na usichoke kuuliza au tafuta kwenye vyombo na majukwaa yanayotambulika kwa habari na maoni yasiyopendelea upande wowote kwa lugha nyingine maoni pendelevu.

Tukio limeshatokea waliofanya makosa watachukuliwa hatua za kisheria kwa sababu nchi hii inaendeshwa kwa misingi ya sheria na habari za kweli zitatolewa na wale waliohusika kwenye matukio hayo kama mashahidi.

Wengine tuendelee kuombea amani na utulivu nchini kwetu na kuwapa moyo wale wote walioumizwa katika tukio lile kwa njia moja au nyingine kwa kampeni mbalimbali kusafisha tukio hilo.

Hii ni nchi yetu sote na wote tunawajibika kwa matukio yote yanayotokea ndani ya nchi yetu na ni wajibu wetu wote kuhakikisha jamii zinaendelea kuwa salama kama waasisi wa taifa hili walivyoiacha.

Mambo ya kunyoosheana vidole hayatujengi ni kujenga visasi tu
 
Fafanua sasa, una maana gani, na habari zipi zimepotoshwa. be open bana
 
Acha pumba zako hapa, wewe unaijua mising ya sheria? Wewe unaijua sheria? Unadhan wale waliopoteza ndugu zao watatulia?

Nchi hii haizingatii sheria, ukiwa maskini huipati, ukiwa tajiri inakufuata? Kwani ni mara moja polisi wameua? Tafuta kitabu cha mauaji ya mwembechai, kipo kwenye soft kopi, sababu hardkopi ilizuiwa na gov, uone udhalim wa hyo serikali ya utawala wa kisheria, pia tambua kuwa kila m2 ana uhuru wa kuakces hbr.

Watu wanapenda kutumia njia waitakayo kama JF,
 
Wewe Shy hizi siyo zama za ujima, tumekwisha ona maandamano yanayofanyika kwenye nchi zingine duniani, kawaida hawauwi watu ila wanatumia ngao na tear gases na maji siyo risasi za moto. Kwani nchi zingine zinatumia taratibu gani kama siyo za sheria hizo hizo.

Na kama taratibu zetu za sheria ndivyo kama za enzi za makaburu, basi kuna umuhimu wa kuzibadirisha haraka sana zifanane na za nchi zenye amani na utulivu. Acha kupotosha ukweli acha dunia ione utawala wa CCM unavyo nyanyasa wananchi wake.
 
Wewe ni nani?
Umetumwa na nani?
Unamwakilisha nani?
Unaongea kwa mamlaka ipi?
 
We Shy naona u mvivu wa kufikiri na mgumu kuelewa. Hivi toka lini Tanzania ikaongozwa kwa misingi ya sheria? We huko makini kabisa.

FIKIRIA kabla ya kuleta jambo lolote lile hapa.
 
Sasa upotoshaji uko wapi wakati unakubali yamefanyika makosa; ni kwamba:

a. Hakukuwa na maandamano?
b. Hayakuruhusiwa mwanzoni?
c. Hayakuzuiwa kwa vyombo vya habari?
d. Hawakuandamana kwa amani hadi Polisi walipoingilia kati?
e. Hakuna watu waliopigwa na Polisi
f. Hakuna watu waliouawa?
g. Hakuna watu waliojeruhiwa?

Ni vizuri kujaribu kusahihisha kile unachoona ni upotoshaji ili watu wawe na taarifa sahihi. Please sahihisha hizo taarifa potofu.
 
Akina Mandela wangekuwa na Ubongo kama wa kwako, SA ingelikuwa bado inatawaliwa na Wabaguzi wa Rangi.
 
Mzee Mwanakijiji said:
Sasa upotoshaji uko wapi wakati unakubali yamefanyika makosa; ni kwamba:

a. Hakukuwa na maandamano?
b. Hayakuruhusiwa mwanzoni?
c. Hayakuzuiwa kwa vyombo vya habari?
d. Hawakuandamana kwa amani hadi Polisi walipoingilia kati?
e. Hakuna watu waliopigwa na Polisi
f. Hakuna watu waliouawa?
g. Hakuna watu waliojeruhiwa?

Ni vizuri kujaribu kusahihisha kile unachoona ni upotoshaji ili watu wawe na taarifa sahihi. Please sahihisha hizo taarifa potofu.
Click to expand...

narekebisha kidogo
e. hakuna watu waliopigwa risasi?

 
Shy kama unatumika endelea kutumika tu na utaendelea kutumiwa kama flash disk hizi zako naziita pumba tena ambazo haziwezi kuliwa hata na nguruwe.. endelea kutumika tu hakuna atakayekuelewa hapa ni misingi gani ya sheria unayotaka kutwambia hapa ?????
sitaki kukutukana ila huu ungese wako waambia kwanza hao wanaoku2mia waache kuumiza wanachi kwa maslahi yao aaah! cant hold it anymore I'm crying guys....SHY think big please
 
Unapotoa hoja jaribu kufanya watu wakuelewe, mfano labda unasema kulikuwa na upotoshaji katika idadi ya walikufa serikali imesema waliokufa wawili lakini kumbe waliokufa ni zaidi ya wawili mfano ni askari ambaye hakutangazwa. Hapo utakuwa umeeleweka unazungumzi upotoshwaji fulani.

Na kuongezea, kumekuwa na upotoshaji wa habari kuwa kungetokea vurugu katika maandamano yale lakini hali ilikuwa tofauti watu wameandamana 2kms bila vurugu walipokaribia kuingia mjini ndiyo wakazuiwa. Hapa upotoshaji upo kwa IGP Mwema kwa jamii kulingana na vyanzo vyake.

Sasa upotoshaji huo unao ni upi tukusaidie, usiongelee generality hutaeleweka; be specific kuondoa utata. Ukiangalia post yako ni kama mtu mwenye uchungu fulani lakini unashindwa kujionyesha kupitia maandishi yako.

Jieleze utakavyo watu wakuelewe ili uhukumiwe sahihi.
 
Shy huwa nashindwa kukelewa, leo asubuhi umekuja na taarifa ya FOS kuanzisha Michango ya maafa
 
We Shy vipi wewe!

Mbona habari zilizotolewa nazo zilichakachuliwa? Kuna uharamia mkubwa waliofanya polisi ambao umefichwa. Polisi walifikia hatua ya kudhalilisha akina mama (viongozi). Polisi wamelipua mabomu hadi hospital kwa wagonjwa na kupelekea vitoto kupoteza fahamu. Hata waliojisalimisha kwa kunyoosha mikono walipata kipigo kikali utadhani ni waasi wa msituni na sio kaka na dada wa hao mapolisi.

Kama mtu aliona watu 10 wamezimia na akatoa taarifa kuwa wamekufa amekosea wapi? Tutaendelea kuwanyooshea vidole polisi kwa up**zi uliotokea na kama tunalipa kisasi kwa kudhulumiwa na dola, nadhani tuko sahihi.
 
Jamani labda kuna upotoshaji kweli maana mi nilisikia bbc wakisema at least 10people have died lkn sisi kwetu nasikia wawili bila polisi kutajwa.
 
Liberate yourself.

1. Usitumie amani na utulivu kupora haki ya wengi.

2. Usiwasemee wananchi hasa mimi sitaki kabisa unisemee

3. Kama unawatetea watawala leta hoja ya kushawishi usitoe utetezi wa mafumbo.

4. Kama hapa jamvini ndipo pana upotofu tupe ukweli

5. Dunia ya sasa ni mtaa wala siyo kijiji huwezi kuficha au kujificha ukikanyaga haki za binadamu (hasa ukiua innocent people demanding their rights) kwa hiyo huna haja ya kusema nchi za magharibi, kwani aljazeera ni nchi za magharibi?

6. Tulia sema unachotaka kwa kueleweka
 
Hakikwanza said:
We Shy naona u mvivu wa kufikiri na mgumu kuelewa. Hivi toka lini Tanzania ikaongozwa kwa misingi ya sheria? We huko makini kabisa.

FIKIRIA kabla ya kuleta jambo lolote lile hapa.
Click to expand...
Hakikwanza, nadhani jamaa sio mvivu wa kufikiri, mvivu wa kufikiri ni yule mwenye fikra ila kufikiri ndio anafanya uvivu, asiye na fikra kabisa atakuwa vipi mvivu wa kufikiri?.

Kwa ninavyomfahamu mimi, kijana ni very smart kwa 'cut and paste' toka JF na kupeleka kule kwake akijifanya kaandika yeye, yaani totally plagialism at best!.

Alipokuwa JF mwanzo nilimheshimu sana ndipo nikagundua kumbe jamaa ni dekio tuu la kupangusa uchafu wa wanaomtuma na sasa anataka kujigeuza dodoki ili awasafishie humu JF.
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register