Shule taabani: Mwalimu Mmoja - Chekechea hadi Darasa la Saba... Lakini yafaulisha wanafunzi wote

Mjasiria Akili

JF-Expert Member
Sep 24, 2012
825
500
Katika hali isiyoyakawaida Shule ya Msingi Machala iliyopo Bagamoyo,ina Mwalimu mmoja afundishaye kuanzia chekechea hadi darasa la saba,inawanafunzi zaidi ya 150 watumiao chumba kimoja kama darasa Pia wanafunzi wote hutumia Ubao wa kufundishia mmoja tu.

Lakini katika matokeo ya Darasa la Saba Mwaka huu, wanafunzi wake wote 12 walifaulu kuingia kidato cha kwanza.



Je! shule hii inastahili nini?

Source: Nipashe

--------------------------------------------------------


BY MWANDISHI WETU

28th December 2013

Email

Print

Lakini yafaulisha wanafunzi wote


Katika hali isiyo ya kawaida, shule moja wilayani Bagamoyo imekutwa ikiwa na mwalimu mmoja tu anayefundisha wanafunzi kuanzia chekechea hadi darasa la saba, wote wakifundishwa katika chumba kimoja kwa kutumia ubao mmoja.

Hata hivyo, katika matokeo ya Darasa la Saba Mwaka huu, wanafunzi wote 12 walifaulu kuingia kidato cha kwanza.

Shule hiyo ya msingi Machala, iliyokuwa na idadi ya wanafunzi 198 na imejengwa kwa majani kuanzia chini hadi kwenye paa.

Mwandishi wa habari hizi aliyetembelea shule hiyo, alimkuta mwalimu huyo akiwafundisha wanafunzi hao wa madarasa tofauti wakiwa kwenye chumba kimoja, huku ubao wa kufundishia ukiwa umechorwa mistari mitatu kutenganisha masomo ya chekechea hadi darasa la pili, mstari mwingine darasa la tatu hadi la tano na mwingine darasa la sita hadi la saba.




Wanafunzi wa shule ya msingi Machala wakiwa darasani.


Mwalimu huyo, Christopher Rukutu, aliliambia NIPASHE Jumamosi kuwa shule hiyo hutumia kivuli cha mti kama ofisi.

Shule hiyo iliyopo katika kijiji cha Mihunga Kata ya Miono, Wilaya ya Bagamoyo Mkoa wa Pwani, ilianzishwa na serikali tangu mwaka 2007 ikiwa na wanafunzi 12 ambao wamemaliza darasa la saba, mwaka huu na kubahatika kufaulu wote.

Kwa mujibu wa mwalimu Rukutu, wanafunzi wote waliofaulu walipata alama za A na B isipokuwa mmoja aliyepata alama C.

Pamoja na kuwa katika mazingira magumu, shule hiyo kiwilaya ilishika nafasi ya sita na kimkoa nafasi ya 20.

Alisema shule hiyo haina vitabu vya kiada wala vya kufundishia na amekuwa akiazima kutoka shule za jirani.






Nyumba anayoishi Mwalimu Christopher Rukutu.


"Ninafundisha kwa akili za kuzaliwa sina kitabu cha mtaala wa elimu, nguvu zangu zote nilimalizia kwa darasa la saba ili wajue kusoma, kuandika na kuhesabu.

Kwa mwaka mzima sijafundisha darasa la nne nina wasiwasi matokeo yao hayatakuwa mazuri kwa sababu niko peke yangu," alisema kwa masikitiko.

Alifafanua kuwa tangu shule hiyo ianzishwe, serikali ilikuwa imewapanga walimu wawili tu, ambao kutokana na mazingira kuwa magumu waliripoti bila kuingia darasani na kuaga baada ya kuonyesha vyeti vya hospitali vinavyonyesha kuwa afya zao haziwezi kustahimili mazingira magumu.

Aliilalamikia serikali kuanzia ngazi ya kata hadi wilaya kwa kuisahau shule hiyo bila kuipa msaada wowote.

Mbali na kukosa msaada, shule hiyo pia inatumia tundu moja tu la choo kwa wanafunzi wa kike na kiume na kusababisha wengi wao kujisaidia vichakani.Alisema kutokana na hali hiyo, wanafunzi wengi hushambuliwa na ugonjwa wa kichocho.

Aliiomba Wizara ya Elimu na Mafunzo ya Ufundi, kuwapangia wanafunzi wake 12 waliofaulu katika shule yake ya Machari kwenye shule za sekondari zenye mahitaji muhimu ili kuwapunguzia mateso wanafunzi hao.

Alisema wanafunzi wake hawajawahi kuona vitabu vya kujisomea na huduma muhimu za kiafya.

SOURCE: NIPASHE
 

IROKOS

JF-Expert Member
Aug 13, 2011
9,448
2,000
xaf xana. Ultaka wafel?

Mods moja ya sifa kuu ya nchi yetu ndiko lugha ya Kiswahili kilipoanzia na kusambaa. Hivyo ili kukienzi kiswahili natoa pendekezo kwamba mabandiko au michango inayolenga kuharibu kiswahili kwa MAKUSUDI kama kutumia ''x'' badala ya ''s'' kama hapo kwenye red yaondolewe na mhusika apigwe ban!! Vinginevyo nasi tutakuwa tunashiriki kukiharibu kiswahili, na hii imepelekea sasa hivi vijana wengi hawajui kuandika na kutamka kiswahili fasaha.
 

MALEBO

Member
Oct 5, 2012
64
0
Matokeo makubwa sasa,bila maandalizi makubwa Jana,tunafunika moto kwa nyasi tukitegemea utazimika,tuendelee tu kufaulisha watu hata Kama kichwani hakuna kitu ila tujue hili ni timebomb,'SIASA MBELE MAMBO MUHIMU BAADAE',hii ndio kauli mbiu halisi ya hii sarekali,kwa GT atanielewa vizuri sana.
 

Texas Tom.

JF-Expert Member
Jun 8, 2013
510
0
Katika hali isiyoyakawaida Shule ya Msingi Machala iliyopo Bagamoyo,ina Mwalimu mmoja afundishaye kuanzia chekechea hadi darasa la saba,inawanafunzi zaidi ya 150 watumiao chumba kimoja kama darasa Pia wanafunzi wote hutumia Ubao wa kufundishia mmoja tu .

Lakini katika matokeo ya Darasa la Saba Mwaka huu, wanafunzi wake wote 12 walifaulu kuingia kidato cha kwanza.

Je! shule hii inastahili nini? 1545700_811124898901930_1682634213_n.jpg
 

reandle

JF-Expert Member
May 6, 2009
11,211
2,000
Nimeangalia matokeo yao, sita wamepata average ya B, tano C na mmoja aliingia mitini. Tafsiri ya matokeo haya ni kwamba wazazi wametimiza wajibu wao, Mwalimu ametimiza wajibu wake kwa hali ya kushangaza kabisa, watoto/wanafunzi nao wametimiza wajibu wao kwa ujasiri mkubwa lakini TOTO TUNDU SERIKALI limeshindwa kabisa kutekeleza wajibu wake.

Mwalimu huyu anatakiwa kuwa rewarded kwa kujengewa shule inayokidhi. Wanafunzi nao wanatakiwa kuwa rewarded kwa kupelekwa shule bora zaidi, angalau zile old government schools hata kama pass zao zimekaa Kikata kata. JokaKuu
 
Last edited by a moderator:

chanaga

JF-Expert Member
Jan 30, 2013
343
250
Samahani,mi nauliza tu,hao wananchi wanaoishi eneo hilo (jimbo la uchaguzi) wana mwakilishi bungeni?
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom