Prof. Kapuya atishia kuishitaki JamiiForums...

[Mungi]

Kapuya amembaka mtoto yatima akamwambukiza ukimwi. Hiyo ndiyo heshima ya ufuska aliyoijenga...

 

[Laurence]

Kapuya umeshikwa pabaya sana na naona maelezo yako hayajajibu kile ulichotuhumiwa nacho zaidi umeeleza juu juu bila kuhit kinachosemwa juu yako

 

[Ben Saanane]

Bora angenyamaza kama ndio hivi

 

[King Kong III]

Kapuya taulo limedondoka chutama mzee mzima usiumbuke.....unajichanganya sana kwenye maelezo...namba umeigawa miezi sita lakini ndio hyo uliyoiweka hapo kwa mawasiliano...

 

[Mutakyamirwa]

Kama ndo ivyo Kapuya ana mwisho mbaya.

 

[hans79]

Tanzania daima inakufa rasmi kwa kupenda siasa za maji taka. Lazima liburuzwe kotini na kutoa majibu sahihi

Uongo mfu kama gazeti limeandika uwongo lifikishwe kwenye sheria, sio unakuja hapa na vijineno vya uchochoroni ujue hamna mfanyalo ambalo halitajulikana. Mna majina mengi magamba, wabakaji, mafisadi, wezi wa kura, wabakaji, the young lady-mr dhaifu nk

 

[MT KILIMANJARO]

Tanzania Daima ni gazeti la Udaku. Nashangaa kufanya habari ya udaku kuwa Front Page tena ikiwa ndo habari kuu. ina maana hata kifo cya Mvungi wao hakijawashtua

We muuza sembe acha kumtetea mbakaji huyo. Anatafuta huruma za wananchi hapa wakati kwa ccm nijambo la wazi.

 

[Edimund Revelian]

Ya kwangu ni kuwa sheria ichukue nafasi yake ili HAKI iweze kutendeka. Maana hakuna aliye juu ya sheria.

 

[Kongosho]

Hana mshauri? Hakutakiwa kuongea chochote kwa sasa, ndio kachokoza nyuki.

 

[Dark City]

Hana mshauri? Hakutakiwa kuongea chochote kwa sasa, ndio kachokoza nyuki.

Ndo kashauriwa hivyo mwenyewe!

Labda itasaidia kuineshwa anavyosingiziwa yeye na siyo mtu mwingine yeyote. May kwa sababu 2015 ndiyo atakuwa PM!

 

[NyotaWaMchezo]

SIKU chache baada ya Waziri wa zamani na Mbunge wa Urambo Magharibi, Profesa Juma Kapuya (CCM) kutuhumiwa kumbaka na kutishia kumuua binti mdogo wa miaka 16, kiongozi huyo ameibuka na kutoa utetezi wa kujikanganya.

Akizungumza kupitia kwa wakili wake, Yasin Memba, mbunge huyo alitishia kuliburuza gazeti hili mahakamani endapo halitamwomba msamaha ndani ya siku saba.

Pamoja na kukataa kwake kumfahamu binti huyo, Kapuya amekiri kumiliki simu namba 0784993930 ambayo imekuwa ikitumiwa kuwasiliana naye ikiwemo kumtumia ujumbe mfupi wa maneno (sms) wa vitisho.

Hata hivyo, katika namna ya kushangaza, Kapuya alidai kwamba simu hiyo aliishaigawa miezi sita iliyopita, na hivyo hausiki kwa namna moja ama nyingine na tuhuma alizopewa.

Lakini wakati Kapuya akikwepa mtego huo, Novemba 9, mwaka huu, gazeti hili liliwasiliana naye kupitia namba hiyo hiyo anayodai kwamba alishaigawa miezi sita iliyopita.

Tarehe hiyo, gazeti hili liliwasiliana na mbunge huyo ili kuthibitisha tuhuma zilizokuwa zikimkabili wilayani Kaliua za kumpiga makofi kiongozi mmoja wa CCM.

Kapuya kupitia namba hiyo, alitoa utetezi wake ambapo gazeti hili lina sauti yake.

Utetezi wake pia unaongeza utata kwani hakufafanua ilikuwaje akagawa namba ya simu iliyosajiliwa kwa jina lake kwa mtu mwingine, huku ikiendelea kutuma fedha na vitisho kwa binti huyo.Katika utetezi wake jana, Kapuya alikana kutomjua binti huyo wala dada yake, na kwamba yeye si mwathirika wa ugonjwa wa ukimwi.

Alilishutumu gazeti hili kuwa lilijifanya hakimu kwa kuchapisha tuhuma zake bila kumpa nafasi ya kujitetea kama ilivyo kawaida kwenye tasnia ya habari.

Hata hiyo, ukweli ni kwamba nafasi hiyo aliipata, lakini hakuitumia kwani alipopigiwa, simu yake ilipokelewa na mtu aliyejitambulisha kuwa ni dereva wake na kutaka aelezwe sababu za kutafutwa bosi wake.

Hata alipoelezwa kuwa anayehitajika ni bosi wake, alisita kisha alitoa namba nyingine ya simu akitaka atafutwe kupitia namba hiyo.

Lakini muda wote namba hiyo haikupokelewa na hata alipopigwa tena namba ya awali, nayo iliita bila kupokelewa.

Wakili Memba alidai kuwa mteja wake, alimweleza kuwa habari ile imemletea madhara na usumbufu mkubwa katika familia yake, jamii na kumvunjia heshima yake.

"Kwa sababu hiyo, amenielekeza niwapatie siku saba gazeti la Tanzania Daima, mitandao ya kijamii ukiwemo wa Jamii Forum, Justina John na Vituko Mtaani ambao walichapisha habari hiyo, waombe radhi kwa uzito ule ule la sivyo atavishitaki mahakamani.

"Kama hawataomba radhi, basi atafungua kesi mbili, moja ni kwa ajili ya gazeti la Tanzania Daima na hiyo mitandao ya kijamii, na kesi ya pili ni ya kuhusu huyo mtoto anayedaiwa kubakwa na kuambukizwa ukimwi," alisema.

Aliongeza kuwa wanataka mtoto huyo aje mahakamani athibitishe aliambukizwaje ukimwi na alete ushahidi unaoonyesha Kapuya ana ukimwi.

Memba aliuomba umma kuelewa kuwa habari hiyo iliyochapishwa na Tanzania Daima haiusiani na chama chake wala serikali.

Kwa siku mbili mfululizo gazeti hili lilifichua tuhuma za Kapuya kudaiwa kumbaka mtoto huyo, na hata baada ya kubaini siri hiyo imevuja, alimpigia simu mtoto huyo, na baadaye kutuma meseji kadhaa za vitisho.

Tanzania Daima ilishuhudia baadhi ya meseji za simu zilizotumwa na Prof. Kapuya kwenda kwa mtoto huyo.Juzi alfajiri saa 11:21 kupitia simu yake alituma ujumbe kwa mtoto huyo: "Chagueni kunisubiri tuje tuongee au mnataka kufa?"

Baadaye saa 1:07 asubuhi, alituma ujumbe mwingine kutoka simu hiyo hiyo kwenda kwa mtoto huyo, ukisema: "Mkiuawa, itakuwa nzuri, itawapunguzia gharama za kuishi. Usitake kugombana na serikali, mtoto mdogo kama wewe. Sisi ndo wenye nchi yetu."

Baadhi ya mashirika yanayotetea makundi kadhaa yakiwamo Kituo cha Sheria na Haki za Binadamu (LHRC) na Mtandao wa Kijinsia Tanzania (TGNP) yalijitokeza kuwasaidia watoto hao, ambao ni yatima.

Mtoto huyo na dada yake, wakizungumza na gazeti hili kwa hofu mafichoni, walisema kwa sasa hawana imani tena kama kuna serikali nchini Tanzania kwa kuwa wamedhalilishwa, wametembezwa hadi bungeni na wabunge bila hatua kuchukuliwa, licha ya kutoa taarifa katika Kituo Cha polisi Oysterbay tangu mwaka jana.

Hata hivyo, kabla ya tukio la watoto hao kuripotiwa ofisi za gazeti hili, juzi usiku kulikuwa na watu waliokuja wakiwatafuta watoto hao, huku wakiwatisha kwa simu na kuwatolea maneno ya kejeli, wakidai watawamwagia tindikali.

Juzi gazeti hili lilichapisha habari kuhusu mwanafunzi huyo aliyesema kuwa waziri huyo alimbaka kwenye hoteli moja ya kitalii iliyoko jijini Dar es Salaam mwaka 2011, na kurudia tena kitendo hicho katika Jengo la Biashara Complex lililoko Mwananyamala Juni 3, 2012 alipoitwa kwenda kuchukua ada kwa mara ya pili.

CHANZO: TANZANIA DAIMA




TAMKO LAKE:

Anayeona kapuya hana kosa amtume mwanae akachukue ada.

 

[NyotaWaMchezo]

huyu naye kafikisha miaka 18? Je, akisikia mheshimiwa eti anao, anajisikiaje mbele ya jamii inayomfahamu?

Sijui watoto wake na familia kiujumla wakiona hii wanajisikiaje.

 

[mimitungi]

"Ninatoa Rai kwa yeyote mwenye
kuona hilo jambo lina ukweli
alipeleke kwenye vyombo husika ili
lishuhulikiwe kwa mujibu wa
sheria na sio kutumia vyombo vya
habari kuchafuana."

Vyombo gani hivyo wakati nyie ndio wenye nchi?

 

[Hebie]

Nisiposema mimi (MwanaHALISI) hata mawe yatasema (Tanzaniadaima); J.P alitegemea wote wamefungwa midomo? wanaowaabudu kama miungu watu hawatasema uovu wenu, usipanic bro!

 

[Benaire]

Shigongo ni mwana CCM lakini nae kaandika habari hii.....ni magazeti jasiri ndio yanaweza kuandika hivi.....wengi wanaogopa kasheria failure bungeni.

 

[Maubero]

Sijui watoto wake na familia kiujumla wakiona hii wanajisikiaje.

Kama wamo humu jf, hata ajieleze vipi,hawatamuelewa.

 

[mimitungi]

Ukisoma between lines utagundua mzee anajichanganya, katoa tamko lisilo na kichwa wala miguu.

 

[Ringo Edmund]

Katika yote nimejitoa ufahamu nikamwelewa ila picha za ufuska wake nazo anazisemeaje?

 

[Tukundane]

TAMKO LANGU KWA UMMA JUU YA
UZUSHI UNAOENEZWA DHIDI
YANGU.PROF JUMA KAPUYA


Ndugu wanahabari, Baada ya
kumshukuru na kumtukuza
mwenyezi Mungu mwingi wa
rehema.

Natanguliza salamu zangu za pole
kwa familia ya marehemu
mwanazuoni na mwanaharakati
mwenzangu Dkt Sengondo Mvungi
aliyetangulia mbele ya Haki siku
chache zilizopita huko Afrika ya
kusini.


Ndugu zangu wanahabari,
Wengi mnanifahamu na kuifahamu
vema historia yangu katika utendaji
kazi na utumishi wa umma wa
Watanzania. Nimekuwa
nikiitumikia nchi yangu kwa kipindi
kirefu katika Nyanja na sekta mbali
mbali kuanzia Darasani mpaka
kwenye siasa.
Kwa msingi huo, mimi Profesa
Juma Kapuya, siku zote ninajikuta
mwenye wajibu endelevu wa
kuendelea kulitumikia Taifa langu
kila siku mpaka kufikia mwisho wa Nguvu zangu.

Ndugu wanahabari,
Hivi karibuni nikiwa huku jimboni
kuendelea na shuhuli za utekelezaji
wa ilani ya chama cha mapinduzi
kumezuka Tuhuma kadhaa
zilizoelekezwa dhidi yamgu
zikiasisiwa na wanasiasa wenzangu
wa ndani na nje ya chama changu
ili kudhoofisha juhudi na utendaji
wangu wa kila siku.
Tuhuma hizo zisizokuwa na kichwa
wala miguu na pia kutokuwa na
ukweli wowote, wamekuwa
wakizitoa kwa kumtumia msichana
anayedai amefanyiwa vitendo
visivyofaa na mimi. Mimi
simfahamu na sijui hizi shutuma
zinatokea wapi.

Ndugu wanahabari,
Kwa tamko hili ninapenda
kuwaambia kuwa nimefedheheshwa
sana na uwezo mdogo wa kisiasa
unaofanywa na hawa watu kwa
kuwa dhamira yao haitatimia.
Napenda niwakumbushe ndugu
zangu kwamba tunaelekea kwenye
uchaguzi mkuu wa mwaka 2015 na
wapinzani wangu wameanza
kunichafua ili nionekane sifai.
Ninapenda kuwaambia watanzania
na wananchi wa jimbo langu kuwa
wanatakiwa wazipuuze taarifa hizi
kwa kuwa hazina ukweli wowote
na kwamba ni za kutungwa zenye
lengo la kunidharirisha na
kuniondolea heshima yangu
niliyojijengea kwenye jamii kwa
kipindi kirefu sasa.
Waswahili wanasema dawa ya
mjinga ni kumpuuza
Na hili linajidhihirisha zaidi kwa
habari hii kuandikwa na chombo
kimoja tu cha habari
kinachotumiwa na chama kimoja
cha siasa na baadhi ya wanasiasa
wa chama changu wasiokitakia heri
chama chetu, naomba kuwashukuru
na kuwapongeza vyombo vingine
vya habari kwa umakini wenu wa
kuwa na nauelewa wa kutoandika
kitu bila kukifanyia uchunguzi na
kubaini ukweli ulivyo.


Chombo hiki cha habari kiliwahi
kuripoti mwaka jana kuwa kuna
mitambo imeingizwa nchini
inayoweza kuandika ujumbe na
kisha kuufanya uonekane
umetoka kwenye namba Fulani,
kwa kipindi kile sikuwaelewa,
lakini sasa ninawaelewa na
nimewaona kuwa wako sahihi na
wao ndio waliouingiza mtambo
huu na sasa wameamua
kuutumia dhidi yangu kwa
kutengeneza meseji na
kuzihusianisha na mimi.
Ninaamini ukweli utawaumbua
muda si mrefu.

Ndugu wanahabari, Nimeijenga
heshima yangu na familia yangu
kwa jamii yangu kwa kipindi kirefu
mno, kwa hivyo siwezi kuruhusu
heshima niliyoijenga kwa miongo
kadhaa karibiwa na kupotezwa na
watu wachache tena kwa muda
mfupi namna hii.
Hivyop basi nimechukua hatua za
kisheria kuhakikisha heshima
yangu inaendelea kulindwa na utu
wangu unaheshimiwa.
Nimemwagiza mwanasheria wangu
afungue kesi na tayari
amewashitaki watu wote
wanaohusika kwenye mpango huu
na tayari wameshapokea taarifa ya
kuitwa mahakamani.
Nitaendelea kuwachukulia hatua
kali za kisheria watu wote
watakaoendelea kutaka kujipatia
umaarufu ama wa kisiasa au
wowote ule kwa kutumia jina
langu.
Hayo yote ni kwa kuzingatia ukweli
kwamba nchi yetu inaendeshwa
kwa misingi ya kisheria na kufuata
na kuheshimu haki na wajibu
wakila mmoja wetu.
Kwenye hilo ninawaambia ‘’janja
yao nimeigundua, na
hawatafanikiwa’’
Ninatoa Rai kwa yeyote mwenye
kuona hilo jambo lina ukweli
alipeleke kwenye vyombo husika ili
lishuhulikiwe kwa mujibu wa
sheria na sio kutumia vyombo vya
habari kuchafuana.
Mwisho ninasisitiza kuwa
nitaendelea kuilinda na kuitetea
heshima yangu niliyojijengea kwa
jamii kwa muda mrefu sasa na
sitaruhusukuiona ikiharibiwa na
wajanja wachache kwa maslahi yao
binafsi.
Tuendelee kuijenga nchi yetu,
Mungu Ibariki Tanzania
Imetolewa leo tarehe 15.11.2013
nami


Prof. Juma A.Kapuya
Mbunge – urambo magharibi
S.L.P 45 Kaliua Tabora
Simu 0784993930

Mzee acha kuweweseka Kinana na Kova walisha sema hilo ni lako binafsi.

 

[jzm-teak]

Hapa kuna mambo kadhaa ya kuangalia, 1] wanaojua historia yake watwambie maana analalamikia kuwa record yake ni nzuri, 2] kuwa marehemu Dr Mvungi alikuwa mwanaharakati mwenzake, kivipi? 3)wanasiasa ndani na nje ya chama wanamchafua, ni akina nani? 4] bado anaendelea kulitumikia taifa mpaka nguvu zitakapomwishia, hajafikisha umri wa kustaafu? 5] haya madai mazito hivi unasema yapuuzwe tu, si kuna siku utawekwa tuhuma zaidi ya hiyo? au utafanya makubwa zaidi watu wayapuuze kumbe yana madhara makubwa,
Kumbukeni maneno ya Nyerere, uhuni kafanyeni mabarabarani, yamejaa tele!, ofisi za umma waachieni waadilifu!