Papa Francis ataka sala ya Baba Yetu ifanyiwe marekebisho

[ZEE LA HEKIMA]

NIV (yaani New International Version) Bible inasema:...lead us not into temptation. KJV (yaani King James Version) Bible inasema:..lead us not into temptation. Amplified Bible inasema:....lead (bring) us not into temptation. Biblia ya Kiswahili inasema:...usitutie majaribuni. Biblia zote zilizotafsiriwa toka lugha mbalimbali zinasema USITUTIE MAJARIBUNI. Mt 4:1 inasema..Yesu ALIPANDISHWA NA ROHO (yaani Roho Mtakatifu) nyikani ILI AKAJARIBIWE NA IBILISI. Yaani ni Mungu Baba mwenyewe alimtia Yesu majaribuni. Ni kanuni ya Mungu kumjaribu mtu kwa kumwacha kwenye majaribu (lakini SIO MUNGU KUMJARIBU YEYE). Kwa hivyo Biblia inaposema usitutie majaribuni IKO SAWA KABISA. MUNGU HAKUJARIBU YEYE lakini anakupeleka utakapojaribiwa. Anafanya hivyo ili kukupima kama unampenda kiasi kwamba unakataa kutenda dhambi (kama Yusufu alivyokataa kulala na mke wa Potifa). Ni mtihani wa kutaka kujua umefika wapi kiimani. Na wote mkumbuke kwamba Yesu hakuanzisha dhehebu. Alikuja kuhubiri tu habari njema za ufalme wa Mungu. Wewe unayetetea dhehebu lako hujui.uliko. Kiongozi wa dhehebu LAZIMA abadili mambo 'kidogo' ili dhehebu lake liwe tofauti na mengine. Dhehebu halimpeleki mtu mbinguni bali 'kuishi neno' (yaani kuishi sawasawa na neno la Mungu) ndiko kunampeleka mtu mbinguni

 

[LebronWade]

Kiongozi wa kanisa Katoliki duniani Papa Francis ameomba maombi maarufu ya Kikristo ya Baba Yetu yafanyiwe marekebisho.

Anataka sehemu ambayo huzungumzia vishawishi ilitafsiriwa vibaya.

Asema tafsiri kwamba "Usitutie katika vishawishi (majaribu/majaribuni)" iangaziwe upya akisema tafsiri iliyofanywa si sahihi kwa sababu Mungu huwa hawaongozi binadamu kutenda dhambi.

Papa amependekeza watu watumie "usituache tukaingia katika vishawishi (majaribu/majaribuni)" badala yake.

Alitoa pendekezo hilo akizungumza katika runinga ya Italia Jumatano usiku.

Ombi la Baba Yetu ndilo linalofahamika vyema zaidi miongoni mwa maombi ya Kikristo.

Papa Francis amesema Kanisa Katoliki nchini Ufaransa sasa linatumia tafsiri hiyo ya "usituache tukaingia katika vishawishi" kama mbadala, na kwamba jambo kama hilo linafaa kufanywa kote duniani.

"Usiniache nikaingia kwenye vishawishi kwa sababu ni mimi nitakayeanguka, si Mungu anayetutia katika vishawishi na kisha kutazama nilivyoanguka," aliambia runinga ya TV2000, runinga ya kanisa Katoliki Italia.

"Baba hawezi kufanya hivyo, baba hukusaidia huinuke upesi."

Ni tafsiri kutoka kwa tafsiri ya biblia ya Kilatini ya karne ya nne ambayo iliidhinishwa rasmi na kanisa Katoliki karne ya 16, ambayo ilitafsiriwa kutoka kwa maandiko ya kale ya Kigiriki, Kiebrania na Kiaramaic.

Tangu kuanza kuhudumu kama Papa, Papa Francis hajasita kugusia masuala tata na amekabiliana na baadhi ya mambo moja kwa moja, wachanganuzi wa mambo ya Vatican wanasema.

Alikuwa awali amesema kwamba Kanisa Katoliki linafaa kuwaomba radhi wapenzi wa jinsia moja kutoka na vile ambavyo limewatazama na yale limewatendea kwa miaka mingi.

Aidha, alilinganisha vituo vya kuwazuilia wahamiaji Ulaya na vituo vilivyotumiwa na Wanazi kuwazuilia na kuwaua Wayahudi wakati wa Vita Vikuu vya Pili vya Dunia.

Chanzo: BBC

Hapa ndio hua naona wanasayansi ni watu muhimu sana hapa duniani...Organized religions altogether are pile of shit...Dini in its core foundation ni collection of contradictions.

Huwezi declare eti vitabu vya dini ni "True Word of God" ambae ni "omnipresent,omniscient and omnipotent" awe ameandika vitabu vibovu hivyo.Hii hipocrisy ya kusema hivi vitabu havina makosa ndio mnakula matapishi yenu leo mnarudi ku-edit hiyo sala ambayo infact ipo kwenye kitabu cha biblia verbatim......dini ni hipocrisy tupu.Especially christianity I know of.

To help you christians,scrap the current awful book called bible and write something new and which makes sense and has no heavy contradictions like the current one.Na pia dini ziache unafiki.

 

[Kalpana]

Tuko nyuma yake. Tutaipokea na kuifanyia kazi

 

[mandokwa]

Kwa mfano badiliko kutoka 'dhambi za dunia' kwenda ''dhambi za ulimwengu'', ina maana kule Jupiter au galaxy X kuna dhambi pia? Kama ndio ni nani anazifanya? Na ana namna gani?

======
kwa mfano wale wanasayansi waliokuwa mars au mwezini wakifanya dhambi zinakuwa za duniani? pia elimu na ujuzi wetu ni finyu saana juu ya yaliyopo ulimwenguni. who knows labda kuna maisha mengine yanaendelea mahala?

 

[princess ariana]

Sidhani kama nia ni kubadilisha amri za Mungu...!!nia kuiweka katika maana sahihi...!!!

Hata mimi nmeona amewaza vyema...
utuepushe itapendeza zaidi

 

[KEMPANJU BOY]

Kuna watu siwaelewi, hivi mungu kuruhusu Ayubu ajaribiwe ni kuwa Mungu ndo kamtia Majaribuni au Mungu kamwacha Ayubu aingie majaribuni? Maana rejea majibizano kati ya mungu na shetani, Shetani anamwambia Mungu kuwa Hayubu anamwabudu kwa vile amemzingira( amemlinda/ amemkinga) pande zote dhidi ya majaribu/Shetani.
Mungu kuona hivyo akamwacha Ayubu abaki peke yake inamaana akamwondolea Ulinzi ili Ayubu atiwe Majaribuni na Shetani na siyo Mungu ni Shetani ndo alimtia Ayubu Majaribuni ili amuasi Mungu.
Pia rejea kujaribiwa kwa Yesu biblia inadai Yesu alipandishwa nyikani ili ajaribiwe/ atiwe Majaribuni na SHETANI na si Mungu Bali mungu aliruhusu mwanaye ajaribiwe/ alimwacha ajaribiwe.

 

[Loraa sum's]

nia ya papa ni nzuri ila tatizo tukisharuhusu ili jambo kufanyika ataanza kunogewa na kutuletea mabadiliko mengine ambayo hatutokubaliana nayo,
kwa mfano swala la padre kuoa binafsi sikubaliani nalo maana ukiruhusu padre kuoa itampelekea kupunguza muda wa kutumikia kanisa na kuanza kuhangaika na mambo ya kifamilia kama vile ukorofi wa mtoto,ugomvi na mke wake,maswala ya kindugu n.k

 

[Fall Army Worm]

Kwa Wakatoliki, hilo linawezekana kabisa. Maana ktk imani yao Papa anamamlaka ya kubadili amri za Mungu🙁🙁 Uprotestant ulianza ili kuondoa nadharia hii ya Mwanadamu kujibandika Mamlaka ya Mungu. Cha ajabu miaka mia tano (500) baada ya Martin Luther, Waprotestant wanaungana na ukatoliki🙁🙁🙁🙁🙁 Hakuna mwanadamu mwenye mamlaka ya kubadili chochote kilichoandikwa kwenye Biblia. Ufunuo 22:19 "Na mtu ye yote akiondoa lo lote katika maneno ya unabii wa kitabu hiki, Mungu atamwondolea sehemu yake katika ule mti wa uzima, na katika ule mji mtakatifu, ambao habari zake zimeandikwa katika kitabu hiki".

Acha kuongopa.

 

[Poise]

Mtabadilishiwa neno moja baada ya neno kwa lugha ya kidiplomasia ivyo hivyo hadi mwisho mtajikuta hamna Bible tena bali kitabu cha kishenzi sana.

Onaona, atabadili hilo neno la kwenye sala ya Baba Yetu, na ushoga na usagaji yuko njiani anakuja kuleta tafsiri nyingine ya neno la watu wanaofunga ndoa.

Maana ameisha wapigia kwenye neno usitutie katika vishawishi.

Na amewa-beep kwenye neno "wapenzi wa jinsia moja", nadhani mwaka 2019 atawapigia kabisa kuwa mapenzi ya jinsia moja kuwa ni ruksa.

Hizi dini ni foolish kabisa...

 

[Zionist]

tukumbuke nyakati za ayubu. je ni nani aliyekubali ayubu aingie majaribuni ? kwa sababu ukisoma utaona Mungu name Ibilisi wanajadili juu ya imani ya Ayubu, pasipo Ayubu kufahamu. Kwa hiyo Papa kutoa maelekezo ya kurekebisha maana ni kuwaachia waumini watafakari usahihi ni upi.

 

[Zionist]

nia ya papa ni nzuri ila tatizo tukisharuhusu ili jambo kufanyika ataanza kunogewa na kutuletea mabadiliko mengine ambayo hatutokubaliana nayo,
kwa mfano swala la padre kuoa binafsi sikubaliani nalo maana ukiruhusu padre kuoa itampelekea kupunguza muda wa kutumikia kanisa na kuanza kuhangaika na mambo ya kifamilia kama vile ukorofi wa mtoto,ugomvi na mke wake,maswala ya kindugu n.k

hapa nimekubaliana na wewe 100%

 

[Mwanamayu]

======
kwa mfano wale wanasayansi waliokuwa mars au mwezini wakifanya dhambi zinakuwa za duniani? pia elimu na ujuzi wetu ni finyu saana juu ya yaliyopo ulimwenguni. who knows labda kuna maisha mengine yanaendelea mahala?

Mbali ya Mwezi, hakuna binadamu aliyefika nje ya Dunia. Hata hao waliokwenda mwezini bado kuna walakini. Hao waliokwenda mwezini, kama wangefanya dhambi au walifanya dhambi basi zitakuwa dhambi za Dunia kwani wana asili ya duniani na wamejifunzia hizo dhambi duniani na walienda huko wakiwa na mazingira ya duniani.

 

[Malyenge]

Kwa nini abadilishe leo hii? Je wenzake miaka yote hawakuliona hilo kosa?

Ina maana wale wote waliolitumia sala zao ni batili....

 

[SATILO]

kwaiyo bora kuingia nae katika kishawishi kuliko kukuacha!

 

[dindilichuma]

Mimi si msomaji mzuri wa biblia lakini ninachofahamu katika kitabu cha Mathayo 6 msitari wa 7 Yesu alitoa agizo kwamba wakati wa kusali watu wasipayuke payuke kama watu wa mataifa na badala yake akafundisha hiyo sala ambayo ndani yake kuna huo mstari unaoomba Mungu asitutie majaribuni/katika vishawishi. Ina maana Yesu mwenyewe alikosea kutamka hivyo?

Mwandishi aliandika hivyo akimaanisha nini. Hoja ni maana kwa maana ya maneno yaliyotumika tafsiri yake inakua inawalakini.
Au unahisi Yesu aliandika biblia au unaamini ilishuka kutoka juu.
Nafikiri mtu ukiletewa Biblia zile zenye tafsiri ile ya zamani utashangaa sana namna maneno yalivyotofauti.
Pia ukijifunza lugha kuu zile za kanisa na asili za Biblia kialamayo na kigiriki utagundua kuna maneno ukisoma kwa lugha hizo za asili ukaja kuona tafsiri yaliyotafsiriwa kwenye biblia kwa lugha zetu unapata ukakasi wa wazi ingawa mantiki inabaki sahihi.
Nikuhakikishie Biblia iliandikwa na watu wakiwa na utamaduni wao na mitazamo yao pia

 

[dindilichuma]

Kijana biblia haibadilishwi ila biblia inaweza kufanyiwa tafsiri sahihi kulingana na ukuaji wa lugha. Mfano kuna neno linasema ' yesu akasema ni vigumu tajiri kuingia mbinguni kuliko ngamia kuingia kwenye tundu la sindano' sasa kwa akili na uelewa wako unadhani Yesu alikuwa anaongelea sindano ipi ya chereheni au. Hii ndiyo maana biblia inahitaji masomo ili ueweze kuelewa maana iliyotakiwa wasomaji wapate na mazingira ya wakati hayo yanaandikwa. Mfano neno hilo la tajiri linataka tu watu waone jinsi gani ilivyo ngumu kwa matajiri kuingia kwenye ufalme wa Mungu kutokana na wao kuweka tumaini lao katika mali. Kwahiyo hata kama mtu atasema ni vigumu kwa tajiri kuingia kwenye ufalme wa mbinguni kuliko Ng'ombe kuingia kwenye tundu la sindano bado maana inabaki ile ile ya ugumu wa jambo husika. Kwahiyo cha msingi ni kutunza maana siyo kukariri maneno.

Na bado hapo tafsiri unayopata kwa lugha asili unaona ngamia ni uzi ule ambao hupenyezwa kwenye tundu la sindano sio rahisi kuupenyeza. Sasa inawezekana tafsiri ikaonwa baadae haijakaa sawa na ikawekwa sawa

 

[Quinine Mwitu]

kwa hiyo baba yetu Askofu yeye ameotaka marekebisho kwa mujibu wa lugha gani sasa kiitaliano,kigiriki au kiswahili?
Hivi sala si ya enzi na enzi na ndio alivyosali hivyo hata yeye,au inaweza kuwa edited? nilikuwa sijawahi fikiria kuwa uhariri upo hadi kwenye sala.
Kuna umuhimu wa kuacha kuvitafsiri vitabu vya Mungu kwa lugha tofauti tofauti kama halia iko hivi unavyosema mkuu,maana tafsiri inaweza vary kutoka lugha moja kwenda nyingine

Kabadili maana au kabadili neno? Kwanza hilo neno usitutie kwenye kishawishi haiko hivyo dunia nzima bali imekuwa hivyo kutokana na afsiri ya kiswahili. Mfano hata kwa kiswahili neno usitutie kinaweza kuwa usitupitishe ,usituweke, utuepushe nk maneno tofauti maana moja. Mfano mtu akisema dunia na mwengine akasema ulimwengu kwahiyo hapa issue ni maana wala siyo neno

 

[Quinine Mwitu]

Ufunuo 22:19 mwandishi hazungumzii biblia kwakua hakukua na hicho kitabu wakati huo, anazungumzia kitabu chake cha "ufunuo". Wakati huo kila kitabu, kilikua kivyake na kulikua na mamia ya vitabu. Ni kundi tu la watu kama wewe na mimi wakaamua kivichuja na kuviunganisha vile walivyoona vinafaa kuunda biblia.

kwani biblia si ni mkusanyiko wa vitabu mbalimbali ikiwemo na ufunuo au mimi ndio huwa naelewa vibaya

 

[Quinine Mwitu]

Na bado hapo tafsiri unayopata kwa lugha asili unaona ngamia ni uzi ule ambao hupenyezwa kwenye tundu la sindano sio rahisi kuupenyeza. Sasa inawezekana tafsiri ikaonwa baadae haijakaa sawa na ikawekwa sawa

chimbuko la maagano ya kale na mapya,ilianza hivi hivi

 

[ELI-91]

kwani biblia si ni mkusanyiko wa vitabu mbalimbali ikiwemo na ufunuo au mimi ndio huwa naelewa vibaya

Neno biblia linatafsiliwa kutoka neno "biblia" la kilatini ambalo pia linatokana na neno la kigiriki "ta biblia" yenye maana "the books". Kwahiyo jina biblia ni kigiriki likimaanisha "vitabu"