Masanja Kadogosa: Kukatika kwa umeme hakutakwamisha utendaji wa Reli ya SGR

[Roving Journalist]

Mkurugenzi wa Shirikla la Reli Tanzania (TRC) Masanja Kadogosa wakati anazungumza na kutoa maelekezo kabla ya safari ya kutokea Dar - Moro mapema leo, Februari 26, 2024.

​

Shirika la Reli Tanzania (TRC) limeanza majaribio ya Treni ya Umeme ya Kisasa ya (SGR) kutoka Mkoani Dar es Salaam hadi Morogoro huku ikielezwa kuwa Huduma rasmi za Usafiri huo zinatarajiwa kuanza Mwezi wa Julai, 2024.

Mkurugenzi Mkuu wa Shirika la Reli Tanzania (TCR), Masanja Kadogosa amewataka Wananchi waondoe hofu kuhusu tatizo la kukata umeme katika safari za treni ya Reli ya Kisasa (SGR) kuwa reli hiyo ina mkondo wa umeme unaojitegemea.

Kadogosa amesema hayo Februari 26, 2024 wakati akizungumza na waandishi wa habari kabla ya kuanza kwa safari ya majaribio ya SGR kutoka Dar es Salaam kwenda Morogoro.

"Tuna mkondo unaojitegemea kwa ajili ya reli tu, hatuingiliani na mtu yeyote, na mkondo huo umeunganishwa kwenye gridi kubwa na vyanzo vyote vya umeme ndani ya nchi hii," amesema Kadogosa.

Pia, amesema kuunganishwa kwa reli hiyo katika vyanzo vyote vya umeme vilivyoko nchini ni tafsiri kwamba haiwezi kukwama kwa sababu ya kukatika umeme.

 

[stow away]

Sawasawa

 

[kichongeochuma]

Kwanini mwezi julai kuna sababu gani ? Kwa tabia za watu hawa tuta fika julai tutaambiwa tena mwezi january 2025

 

[MIXOLOGIST]

Good stuff

 

[Sultan MackJoe Khalifa]

Kwanini mwezi julai kuna sababu gani ? Kwa tabia za watu hawa tuta fika julai tutaambiwa tena mwezi january 2025

ni kweli.

 

[LOTH HEMA]

Wenye mabasi watulie wasijaribu kuhujumu reli hiyo. Mabasi yao nayo yatapata wateja wake

 

[MWANDENDEULE]

Vyanzo vyote vya umeme nchini ni vipi, mbona kama hayuko huru?

 

[Choosen85]

Ninachojua treni ni la diesel si la umeme. Waache siasa bhana.

 

[mrangi]

Maneno maneno mengi

Ova

 

[Orketeemi]

Kumbe kukatika kwa umeme ni matakwa Yao TANESCO?