Muziki: Wikend Tulivu
Ilikuwa ni wiki yenye mambo mengi, hatimaye leo ni Ijumaa na japo nayo inaelekea kuisha lakini sichoki kuamini kuwa umekuwa na siku njema kabisa. siku ya mwanzo wa mapumziko kwa wengi wetu lakini usisahau ndo wiki ya kurejesha nguvu iliyotumika katika siku tano 'za kazi'. Ni siku ya homework na bed-work kwa wale wenye majukumu na hatuwachi mbali wale wazee wa selfie yaani oneself. Hongera sana.
Unajua hupaswi kuifanya Ijumaa kuwa ngumu, ni siku ya kutafakari, kujipanga na kupanguliwa. leo hata sijui niandike nini maana siku imekuwa rahisi kuliko urais wenyewe. Ni mwendo wa sharubati na monde kwa kwenda mbele yaani si mchezo. Si unajua kuna makande, yeah, mchakanyiko wa nafaka zinazopikwa pamoja. Mmmh, na wapo wanaochanganya vinywaji sasa, makande ya vinywaji, azam juice, mo soda, safari lager, savana na konyagi ili mradi tu kulifanya tumbo litambue kuwa nalo ni sehemu ya mwili.
Muziki sasa, kapuku mwenzangu leo tunahama kidogo kwenye ile myuzikiz zetu na tunaenda kwenye muziki wa taratibu, yeah haina kubamba wala kubambia. Unakaa chini na unatikisa mguu taratibu, ukiona umeguswa sana basi unaamka kwa adabu na kwenda kumtuza mwimbaji. Ndivyo alivyokuwa anafanya hata mzee wetu kipenzi Ali H. Mwinyi. Sasa leo kaa chini uburudike na wimbo huu hapa mtamu kabisa.