Huku kwetu tatizo bado kuna uswahili.

[Kiby]

Katika gazeti la mwananchi la leo kuna mahojiano yaliyofanywa kati ya mwananchi na mwanasiasa mkongwe nchini Msuya ambaye aliwahi kushikilia nyadhifa za juu katika uongozi wa Tanzania. Nilipokuwa nafuatilia maoni yake nilikutana na neno ambalo limekuwa likinitatiza mda mrefu. Neno lenyewe ni USWAHILI. Binafsi nimekuwa nikijivunia lugha yangu ya kiswahili hasa ninapokuwa na watu wa mataifa mengine wasiokijua. Hapa tena nakutana na mtanzania tena mwenye hashima kubwa kwa nafasi yake anautaja USWAHILI kama tabia kinzani.
Hapa nikijaribu kumnukuu Msuya :- 'Clinton alikuwa na kashifa ya ngono na kunusurika kupoteza urais, wenzetu hawana utani katika sheria, hawana mchezo. HUKU KWETU TATIZO BADO KUNA USWAHILI' mwisho wa kunukuu.
Hapana shaka kwamba msuya ana maanisha serikali yetu sii makini.
Hebu wakuu wa JF nisaidieni umakini wetu tutaupata kwa kuiepuka lugha yetu ya kiswahili? Au uswahili unaolaumiwa hapa na mara nyingi tu huko nyuma nimesikia ukilaumiwa ni nini haswa? Tusaidiana tafadhali.
.

 

[Utingo]

kama sikosei ni Prince william au harry mwana wa Pr Diana. Alipofikisha umri wa miaka 18 alisema angependa kujifunza kiswahili. Alipoulizwa ni kwa nini bila kusita alisema ni lugha ya porojo, na angependa kujua kupiga porojo.

Sikumwelewa lakini nikaja kujiuliza hivi wabunge wanapokuwa bungeni porojo zao si wanazipiga kwa kiswahili na sheria wanazoletewa au kupitisha huwa zimeandikwa kwa lugha gani? kiswahili au kiingereza? Na ni kwa nini document za serikali ya Tanzania huandikwa kwanza kiingereza kisha kutafsiriwa kiswahili ikionekana kuna ulazima wa kufanya hivyo?

Tia akili

 

[zomba]

Huyo alipomtaja Clinto nina uhakika alikuwa anampiga rungu Slaa, ana kashfa ya mke wa mtu lakini bado anang'ang'ania, sasa huyo tumpe nchi kweli?

 

[Kiby]

Huyo alipomtaja Clinto nina uhakika alikuwa anampiga rungu Slaa, ana kashfa ya mke wa mtu lakini bado anang'ang'ania, sasa huyo tumpe nchi kweli?

.
Kwa maana hii basi na wewe unakubali kwamba serikali yetu ni ya uswahili yaani wapenda porojo na wasiozingatia utawala wa sheria. Wameshindwa kushitaki wabakaji wa wanafunzi na badala yake kibao kinamgeukia aliebakwa kuwa ni kihere here chake na haswa kama ameshindwa kuzuia asipate mimba. Mafisadi na wanaoingia mikataba mibovu wanafanya hivyo kwa sababu wamegundua nchi ni ya uswahili na hakuna utawala wa sheria bali kilichopo ni kihere here chetu cha kuwapigia kura ya ndio kwa kuzuzuka na kipande cha kanga, t/shirt na kapelo zao. Issue ya Dr Slaa ilifikishwa mahakamani kwa msukomo wa uswahili bila kuzingatia Sheria na kanuni za mahusiano na hivyo majaji kuutupilia mbali huo uswahili wa waswahili.
Kweli nimeamini kwamba uswahili ni porojo na bla bla. Serikali yetu ni ya porojo(uswahili) kama anavyotabainisha msuya, sasa wana JF tusaidiane asili ya huu uswahili katika serikali yetu ni nini? Nawakilisha
.