Hadithi: Maisha yangu nyuma ya pazia jeusi

Hadithi: Maisha yangu nyuma ya pazia jeusi

Stephen Chelu said:
MAISHA YANGU NYUMA YA PAZIA JEUSI



SEHEMU YA 12



Ilipoishia….



“anhaa nimekumbuka, jana kuna kijana hakwenda kutalii sasa inawezekana yeye anampenda sana huyo mvulana kiasi kwamba ameshindwa kwenda kutalii ili tu amuone hotelini huyo mvulana ambaye ni kipenzi cha roho yake kwa sasa. Kweli kabisa, hili ni jibu sahihi maana mapenzi yana ngu…..” kabla sijamaliza kuongea nilistuka kimiminika cha moto kikitua sehemu za usoni, kifuani na baadhi ya sehemu za tumboni. Kimiminika hicho kiliniunguza katika ni mwili wangu. Alikuwa ni Jennifer, Jennifer aliniwagia chai, kisha akasimama na kuanza kupiga hatua kutoka katika eneo lile. Na mimi bila kufikiri mara mbili nikanyanyuka na kuanza kumfuata kwa nyuma kwa kasi kubwa. Baada ya muda mchache nilimfikia kisha nikampita na kumzuia kwa kusimama mbele huku nikiwa nimemkazia jicho isivyo kawaida. Jennifer naye alisimama huku akinitizama kwa jicho hasira.



Endelea……



“Jennifer, a.k.a. malkia wa nguvu. Msichana jasiri kuliko wote, lakini imekuwaje leo unanikimbia?” nilimwambia Jennifer kwa sauti ya chini lakini ambayo ilikuwa inasikika vyema. Jennifer alitaka kuondoka kwa kujaribu kupita pembeni yangu lakini nikamzuia “ngoja kwanza wewe, jibu maswali yangu. Inakuwaje leo unanikimbia? Au wewe si jasiri tena?” niliendelea kumzonga. Eneo ambalo tulisimama lilikuwa ni kwenye korido iliyotenganisha vyumba hivyo niliamini kuwa watu wasingetuona kirahisi ikizingatiwa kuwa watu wengi hawakuwepo vyumbani mwao, hili lilinipa kujiamini zaidi.



“barry usitake kunivuruga, naomba uniache niende” alisema Jennifer kwa sauti iliyojaa mamlaka pamoja na vimelea vya hasira akidhani kuwa angefanikiwa kunitisha. Kitu ambacho hakujua kuwa siku hiyo nilikuwa Barry tofauti, siyo Yule Barry aliyemzoea.



“Funga domo lako wewe mtoto wa kike. Hivi unadhani unaweza kunifokea eeh!, sivyo? Mimi niliacha kwenda kutalii jana na leo ili nikuachie uhuru wewe. Sasa kwa kuwa leo umeamua kutokwennda na kubaki hapa hotelini basi ujue uko kwenye himaya yangu mimi. Hivyo, acha hicho kidomodomo na ukae kwa kutulia” nilionngea kwa madaha na kujiamini sana, nilikuwa najiona ni kama nyota wa kwenye filamu. “Kwanza hebu niambie, ni kwa nini hujaenda kutalii leo?” nilimuuliza.



“hayakuhusu” alijibu Jennifer huku akiwa amenikazia macho.



“hayanihusu!? Ubongo wako utakuwa umeshaanza kuoza ndiyo maana unasahau upesi sana. Nimeshakwambia kuwa hapa upo katika himaya yangu hivyo unatakiwa uwe mpole na ujibu maswali yangu kadri inavyotakiwa. Nambie, ulinimiss sana eeh, kiasi ukashindwa kuvumilia kutokuniona leo eeh, ndiyo maana ukaamua ubaki hotelini. Usione aibu bwana” niliamini hili lingemchokoza vya kutosha Jennifer.



Nikiwa bado nafikiri ni jinsi gani maneno yangu yalimgusa Jennifer, nilistuka napigwa makofi mawili mfululizo kwenye mashavu yote mawili. Nilipigwa na bumbuwazi, macho yakawa yanaona nyota nyota na vitu vingine visivyoeleweka. Wakati nikiendelea kusikilizia maumivu ya yale makofi, Jennifer aliondoka na kuanza kwenda chumbani kwake. Ghafla nilizinduka na kuamua kumfuata, kwa kuwa nilihisi kile nilichokuwa nataka kukifanya hakikuwa kimekamilika.



Nilitembea kwa kasi na kwenda kumzuia tena kwa kusimama mbele yake, mara hii nikimangalia kwa tabasamu mwnana. Nilipanga kumvuruga kiakili kwa kutumia mbinu zangu adhimu ambazo nilikuwa nikizitumia katika mazingira kama yale.



“sijali hata unipige makofi mangapi ila hadi unijibu hili. Jennifer, nambie…kwa nini umemua kubaki hotelini leo. Kum’miss mtu hakijawahi kuwa kitu kigeni bwana. Sema tu kama ulinimiss” nilimwambia Jennifer nikiamini ningechochea moto wa hasira zake, na ndicho nilichokuwa nakitaka.





“nikumiss wewe kama nani! Sijaenda kwa sababu wewe na madam Tricia mlinikera jana na vikao vyenu visivyo na maana. Vipi kuna kingine unataka kujua?” alinijibu Jennifer. Nadhani aliamua kunijibu ili kuondoa usumbufu. Baada ya kusikia hayo, nilisogea pembeni kuashiria kupisha aendelee na safari yake kwa kuwa niliridhika na kile alichokijibu. Kumpisha aende haikumaanisha kuwa kazi yangu ilikuwa imekamilika, ila ilikuwa inakaribia kukamilika.



Jennifer alianza kupiga hatua kwa mwendo wa wastani huku mimi nikimwangalia. Nilikuwa natafakari ni kwa jinsi gani ningeumaliza mchezo ule kiufundi zaidi. Baada ya sekunde chache za kufikiri nikapata suluhisho.



“jana ulikataa kupiga picha mimi nikiwepo kwa kuwa pengine unaamini huwa nakukera, nikaamua kuondoka na kukuachia uhuru na furaha yako. Leo umebaki hapa kwa madai kuwa mwalimu Tricia na yeye kakukera pia. Vipi kuhusu kesho, kesho kutwa, mwezi ujao, miaka mitano ijayo? Pengine utakuwa na kundi kubwa la watu ambao utakuwa unadai kuwa wanakukera. Utawezaje kuishi huku una watu wengi unawachukia? Na kwa nini wakukere wewe tu? Wewe ni nani hasa? Una nini cha ajabu hadi ujione wewe ni maalum kiasi hicho? Ni upumbavu mkubwa kumchukia mtu kisa tu hapendi kile unachokipenda wewe, au akiwa yupo tofauti na mtazamo wako. Maisha hayaendi hivyo Jennifer.” Nilisema basipo kumtazama. Lakini japo nilikuwa simtazami niliweza kutambua kuwa alikuwa amesimama akinisikiliza. Nilitambua hilo kwa kuwa sauti za viatu zilikoma wakati naongea. Niligeuka taratibu kutazama kama kweli alikuwa amesimama, ni kweli Jennifer alikuwa amesimama,na ni wazi alikuwa ananisikiliza.



Nilianza kupiga hatua taratibu kumfuata mahala alipokuwa amesimama, nikamfikia, nikasimama sambamba naye.



“Jennifer, unatakiwa kujifunza kuishi na watu walio kinyume na wewe kwa sababu kwenye hii dunia hatufanani. Ukiendelea na misimamo yako hiyo ya kijingajinga utapata tabu sana, saana. Mimi siyo mhuburi, ila hili ni neno langu kwako. Ukipenda lichukue na ukatafakari na kama hujalipenda fanya vile roho yako inapenda, kama kunizaba makofi mengine, kunitemea mate au vyovyote vile” nilihitimisha.



Baada ya mimi kumaliza kusema hayo, Jennifer alianza kupiga hatua kuelekea chumbani kwake. Alipofika alifungua mlango kwa kasi na kuufunga kwa spidi hiyo hiyo. Nilisimama mahala pale kwa muda kisha nami nikaenda chumbani kwangu. Baada ya kufika chumbani nilipitiliza moja kwa moja kitandani huku nikijaribu kutafakari tukio la siku hiyo kati yangu na Jennifer. Nilikuwa najaribu kung’amua ni kwa namna gani Jennifer aliuchukulia ujumbe wangu. Je, aliuona ni wa maana au aliuchukulia takataka kama alivyozoea. Ila baadaye nikahitimisha kuwa muda ungenipa majibu. Niliendelea kujilaza pale kitandani na jambo la kushangaza nikajikuta napitiwa na usingizi.



Nilikuja kustushwa na sauti aliyekuwa anagonga mlango. Nilijizoazoa na kwenda kuangalia ni nani alikuwa anagonga. Akili yangu ilinambia kuwa huenda alikuwa ni moja ya wahudumu wa hoteli alikuwa akihitaji kitu Fulani. Lakini makisio yangu yalikuwa tofauti kabisa kwa sababu yalikuwa tofauti na kile ambacho mimi nilikitarajia. Nilitoa macho kwa mshangao, sikuamini kile nilichokuwa nakiona.



“Jennifer, ni wewe!?” nilisema nikiwa namwangalia Jennifer usoni. Jennifer aliitikia kwa kutingisha kichwa. Alikuwa amesimama kwa utulivu sana. Baada ya muda kidogo, mshangao wangu ulipungua na nikarudi katika hali yangu ya kawaida. “nini tena kingine?, unataka kunipiga makofi mengine? Nambie” alimuuliza swali la kichokozi.



“samahani barry, naweza kuongea na wewe” alisema Jennifer katika sauti ambayo sikuwahi kuisikia kabla. Sauti ya utulivu na unyenyekevu.



“kweli maajabu hayawezi kwisha, leo Jennifer unaweza kusema samahani….hahahaha, ok sawa. Unataka kuongea kuhusu nini?” nilimuuliza.



“nataka kuongea kuhusu mimi na wewe” alisema Jennifer.



“kuhusu mimi na wewe!?....maajabu kabisa haya, lakini…ok, nikukute nje huko. Nakuja” nilimjibu Jennifer. Jennifer aligeuka na kuelekea kwenye korido iliyokuwa inaelekea nje kwa mwendo wa wastani. Nilibaki pale mlangoni nikimtazama huku nikitafakari jambo lile. alitembea hatua kadhaa, kisha akageuka, akanitazama, kwa kuwa hata mimi pia nilikuwa namtazama macho yetu yaligongana. Tulitizamana kwa sekunde kadhaa, kisha Jennifer akageuka na kuendelea kwenda. Niliendelea kumtizama hadi pale alipopotea kwenye macho yangu, nikafunga mlango na kurudi chumbani.



Kwa jinsi Jennifer alivyokuwa amevaa sura ya utulivu iliniwia viggumu kuelewa ni nini hasa kilikuwa kimempata. Msichana ambaye alitenda jeuri kadri ya vile alivyojisikia leo alikuwa anaomba kuonana na mimi kwa lugha ya kistaarabu kabisa. Moyoni mwangu nilianza kujiona mshindi kwa kufikiri kuwa huenda maneno yangu yalimchoma moyoni na kumfanya ahisi kuwa alihitajika kubadilika. Wazo hili lilikuwa na nguvu sana japo sikuweza kijihesabia kufanikiwa moja kwa moja kwa maana Jennifer alikuwa ni mtu ambaye haikuwa rahisi kumtabiri.



Nilitoka chumbani baada ya dakika kadhaa za tafakari, nikapiga hatua kuelekea nje ya jingo la hotel hiyo ambapo kulikuwa na sehemu za kupumzika ambapo kimsingi ndipo ambapo nilimwambia Jennifer anisubiri huko. Kila hatua niliyokuwa napiga ilinifanya nizidi kuwa na shauku zaidi ya kufahamu ni nini hasa alitaka kuniambia.



Nilifika kwenye lango kuu la kuingilia na kutokea kwenye hoteli hiyo, nikaangaza macho yangu huku na kule ili niweze kuoa ni wapi alipokuwa amekaa Jennifer. Baada ya sekunde chache za kuangaza nilifanikiwa kumwona. Nikaanza kupiga hatua kwa mwendo wa wastani huku kichwa changu kikijaribu kuandaa maneno ya kuongea kulingana na hali ambazo zingeweza kutokea katika maongezi yangu mimi na Jennifer.



Nilipofika nikakaa pembeni yake huku nikiwa namtizama. Nilifanya hivyo ili angalau niweze kung’amua ni nini hasa pengine alipanga kuniambia. Jennifer alikuwa bado katika uso ule ule ambao nilimwona wakati alipokuja kunigongea chumbani kwangu, uso uliojaa unyenyekevu na utulivu.



Baada ya kukaa nilisubiri yeye aanza kuongea alichokitaka, lakini cha kuchangaza alibaki kimya. Ukimwa ulitawala kiasi nikaona ni bora nianzishe mazungumzo mimi mwenyewe, japo sikupenda iwe hivyo.



“nakusikiliza” nilitamka neno hilo moja ili kumpa nafasi yeye aanze kuongea alichokitaka. Tofauti na matarajio yangu, Jennifer bado aliendelea kuwa kimya pia hakuwa akiiangalia. Muda wote macho yake yaliangalia mbele ambako hakukuwa na kitu chochote cha maaana kiasi cha kuvuta makini yake. “kama huwezi kuongea niambie mimi niondoke” nilisema baada ya kuona kuwa alikuwa bado kimya licha kumpa nafasi ya kuongea.



“barry sijui hata nianzie wapi?” alisema Jennifer pasipo kuniangalia. Ni kama nilianza kumwelewa ni nini hasa pengine alitaka kukisema ila alishindwa. Kwa kuwa sasa nilikuwa na uhakika kwa asilimia nyingi juu ya mawazo yake kwa wakati huo, niliamua kutumia mbinu mbadala ili kuharakisha mambo.



“sawa, ngoja mimi nirudi chumbani, ukishapata pa kuazia njoo, Nitakusikiliza” nilitamka maneno hayo huku nikianza kunyanyuka na kurudi tena ndani ya hoteli. Nilifanya vile si kwa kuwa nilitaka kurudi chumbani badi ilikuwa ni nja ya kumfanya yeye aonngee upesi. Nilianza kutembea kuelekea lango la kuu la hoteli huku masikio yangu yakiwa yanatarajia kusikia sauti ya Jennifer ikinizuia kuwa nisiende. Nilizidi kupiga hatua ila sikusikia chochote. Nilitaka kugeuka kumwangalia ili nione ni nini alikuwa anakifanya lakini nikaona kuwa kufanya hivyo kungefanya nionekane kuwa hata mimi nilikuwa najali sana kuhusu mazungumzo hayo. Kwa hiyo ili nionekane sikuwa najali chochote kuhusu yeye niliendelea kukaza shingo yangu ukelekea mbele huku nikiwa na shauku kubwa ya kugeuka.



Nilizidi kupiga hatua huku nikianza kuona kuwa plan yangu ilikuwa inaelekea kushindwa, maana Jennifer alikuwa kimya bado. Nilianza kujilaumu ni kwa nini nilitumia mpango huo kwa msichana kama Jennifer, msichana ambaye hakuwa akitabirika kwa lolote.



Baada kulikaribia lango kuu la hoteli masikio yangu yalisikia kitu ambacho kilifufua matumaini yangu tena. Nilisikia vishindo vya mtu akikimbia kuja katika uelekeo wangu. Nilihisi moja kwa moja huyo alikuwa ni Jennifer. Japo nilitaka kujiridhisha kama kweli alikuwa ni yeye, ila nikaendelea kushikilia kanuni yangu ya kutokujionyesha kuwa nilikuwa najali hivyo nilijikaza nisigeuke.



Kadri sekunde zilivyokuwa zinasogea ndivyo vishindo navyo vilizidi kunikaribia na hatimaye nikashikwa bega, nikasimama lakini bado sikutaka kugeuka. Nilisimama huku kichwa changu kikiwa kinatazama mbele bila kutetereka.



“barry, naomba unisamehe” alisikika akisema mtu aliyekuwa amesomama nyuma yangu. Kwa sauti yake niweza kumtambua. Kauli ile ilinishangaza sana. Ilinishangaza si kwa sababu ilikuwa ni kauli ya ajabu, bali ni kauli ambayo ilitoka kutoka katika kinywa cha mtu ambaye hakuwa na haiba ya kuweza kutamka kauli kama hiyo. Lakini licha ya mshangao wangu mkubwa nilioupata, nilijitahidi kuuficha ili usigundulike.



“kwa lipi?” nilimjibu pasipo mimi kugeuka.



“kwa yote ambayo yametokea kati yetu. Maneno yako ya leo yamenifungua mengi. Nimegundua ni wapi nilikuwa nakosea. Barry nisamehe” alisema Jennifer akiwa bado amesimama nyuma yangu.



“nilishakusamehe zamani sana, wala hukuwa na haja ya kuniomba msamaha” nilimjibu.



“kweli barry?” aliuliza jeniifer huku akisogea na kusimama mbele yangu na kufanya tusimame katika namna ambayo tulikuwa tunatazamana.



“kwani kuna gharama gani kumsamehe mtu? Mimi siyo kama wewe” nilimjibu huku nikimtazama. Baada ya kutamka sentensi hiyo, Jennifer aliruka na kunikumbatia kwa nguvu sana. Matukio yote haya yalinifanya nipigwe na bumbuwazi. Sikuwahi kufikiri kuwa ingetokea siku Jennifer angenikumbatia kama vile. Japo nilikuwa katika dimbwi laa mshangao, nilijitahidi kutoa ushirikiano kwa kuweka mikono yangu juu kwenye mgongo wake. Baada ya sekunde chache nilijitoa mikononi mwa Jennifer kwa kuwa eneo lile ilikuwa la wazi sana, tungeweza kuonwa na watu kirahisi kabisa.



“barry, shukrani sana, wewe ni mtu mwema sana. Kwa kuwa umenionyesha mapungufu yangu nakuahidi nitabadilika. Sitakuwa Yule wa zamani” alisema Jennifer akiniangalia usononi huku mikono yake ikiwa imeishika mikono yangu. Lilikuwa ni pozi ambalo lilifanya tuonekane I kama tuliokuwa katika penzi jipya.



“Hilo la kubadilika halinihusu, ubadilike, usibadilike, mimi sijali. Hilo ni juu yako mwenyewe hivyo huna haja ya kujiapiza mbele yangu” nilijibu jeniifer. Kauli hiyo ilikuwa ni mwendelezo kuwa kujifanya nionekane nilikuwa mgumu na sikuwa najali sana japokuwa nafsini mwangu nilikuwa na hisia tofauti kabisa, hisia za kufarijika kwa kuona juhudi zangu ngalau zilikuwa zimeanza kuzaa matunda.



“barry, ni lazima nijiapize mbele yako kwa kuwa wewe umekuwa muathirika mkubwa wa tabia zangu za ajabu. Hata hivyo nashukuru kwa kunionyesha nafasi sahihi kwa ajili yangu” alisema Jennifer.



“ok, vipi kuna lingine la ziada.? Maana nahitaji kwenda kupumzika” nilimwambia Jennifer huku nikijiandaa kuondoka. Nilifanya hayo yote kwa kuwa nilikuwa tayari nimehakikisha kuwa Jennifer alikuwa chini yangu kihisia, hivyo huo ulikuwa ni mpango wa kucheza na hisia zake ili azidi kujishusha zaidi.



“barry, huwezi kukaa na mimi japo dakika chache? Ningependa nitumie muda zaidi na wewe” alisema Jennifer. Na hicho ndicho hasa nilikuwa nakitarajia kutoka kwake. Alipita kwenye njia hiyohiyo ambayo mimi nilitaka apite.



“ni hivyo kumbe!, kwa hiyo mimi kukusamehe kunakufanya ujisikie una amri ya kuniamuru nifuate matakwa yako na niyaache yangu? Sivyo?” nilimuuliza swali la mtego kwa makusudi. Nilitaka azidi kuninyenyekea. Unajua katika haya maisha ukipata nafasi ya kutamba, tamba kweli kweli maana huwezi jua ni lini hiyo nafasi uliyonayo itakupotea. Hivyo kwa kuwa Jennifer kwa ridhaa yake mwenyewe aliamua kujiweka chini yangu, nilitaka kuitumia vyema nafasi hiyo.



“siyo hivyo barry, karibu muda wote ambao tumefahamiana hatujawahi kuwa na mawasiliano mazuri, hivyo nilikuwa napenda kama tutautumia muda huu kucheka na kufurahi pamoja ili kufuta kumbukumbu mbaya za nyuma zilizotokea kati yetu. Sio kama nakulazimisha barry, ni kama ukipenda na ukizingatia kuwa kwa kinywa chako mwenyewe umesema kuwa umenisamehe” alisema Jennifer. Ni kama na yeye aliniweka kwenye mtego wa kupima imani yangu juu yake. kitu ambacho alikuwa hakijui ni kuwa nilipanga kumshangaza.



Itaendelea…
Click to expand...
Yaani mkuu isingekua ulishakubali ombi la kuirusha mara mbili hapo awali, basi leo ningetoa tena ombi la nyongeza kidogo mkuu.

Kijana Barry amefuzu tasnia ya kucheza na hisia za kinadada.
 
Shupavu said:
Yaani mkuu isingekua ulishakubali ombi la kuirusha mara mbili hapo awali, basi leo ningetoa tena ombi la nyongeza kidogo mkuu.

Kijana Barry amefuzu tasnia ya kucheza na hisia za kinadada.
Click to expand...
usijali mkuu, kwa kuwa hii story nishaiandika yote tayari, siku za usoni nikifanikiwa kuwa free zaidi ili kupata muda wa kuhariri nitaweza kuongeza idadi hadi hata mara tatu. Ila kwa sasa twende ni spidi hii hii kwanza.
 
Stephen Chelu said:
usijali mkuu, kwa kuwa hii story nishaiandika yote tayari, siku za usoni nikifanikiwa kuwa free zaidi ili kupata muda wa kuhariri nitaweza kuongeza idadi hadi hata mara tatu. Ila kwa sasa twende ni spidi hii hii kwanza.
Click to expand...
Natanguliza shukran za dhati mkuu.
Tuko pamoja kiongozi.
 
Kama tutakutana na typo tujaribu kuchukua maana iliyokaribu kulingana na mauddhui ya simulizi.


MAISHA YANGU NYUMA YA PAZIA JEUSI



SEHEMU YA 13



Ilipoishia…..



“siyo hivyo barry, karibu muda wote ambao tumefahamiana hatujawahi kuwa na mawasiliano mazuri, hivyo nilikuwa napenda kama tutautumia muda huu kucheka na kufurahi pamoja ili kufuta kumbukumbu mbaya za nyuma zilizotokea kati yetu. Sio kama nakulazimisha barry, ni kama ukipenda na ukizingatia kuwa kwa kinywa chako mwenyewe umesema kuwa umenisamehe” alisema Jennifer. Ni kama na yeye aliniweka kwenye mtego wa kupima imani yangu juu yake. kitu ambacho alikuwa hakijui ni kuwa nilipanga kumshangaza.



Endelea….



“nimekuelewa, ila sitoweza kwenda kukaa na wewe sasa hivi. Nakwenda kupumzika” nilimjibu huku nikimtazama usoni ili kumwonyesha kuwa nilikuwa sitanii kabisa. Kwa kuwa yeye mwenyewe ndiye aliyejileta kwangu ilikuwa ni muhimu mimi kujipa thamani ya juu dhidi yake, sikutakiwa kupatikana kirahisi hivyo.



Jennifer aliniangalia kwa jicho lililoonyesha kuwa hakuwa ameridhika na kile nilichomjibu lakini kwa kuwa hakuwa na namna nyingine aliamua kukubaliana na hali halisi. Mimi nafsini kwangu nilikuwa nafurahia kwa kuwa niliona kuwa ile ilikuwa ni zamu ya Jennifer kuteseka.



Nilianza kuondoka eneo lile huku nikimwacha Jennifer akiwa haamini kile alichokuwa anakiona. Nilipiga hatua kadhaa nikasikia sauti ya Jennifer akiniita tena, nilisimama bila kugeuka, kichwa nikainamisha chini kidogo kuonyesha kuwa nilikuwa nimechoshwa na mazungumzo yake lakini pia nilikuwa radhi kumsikiliza tena.



“barry….samahani kama utaniona mimi ni msumbufu, unajua kesho ndiyo siku ya mwisho ya kwenda kutalii na pia wewe hukwenda jana na leo nami pia leo sijaenda, hivyo nakuomba kesho twende sote katika siku hii ya mwisho.” alisema Jennifer. Ombi lile la Jennifer lilifanya nione kweli Jennifer niliyekuwa naye pale alikuwa ni Jennifer aliyepitia mabadiliko makubwa sana ndani ya muda mfupi. Lakini kwa kuwa nilikuwa bado sitaki kumwonyesha kuwa nilikuwa najali sana kuhusu yeye niliamua kumkazia.



“hakuna maana yoyote mimi kwenda huko kwa maana siku ya kwanza na ya pili sikushiriki, kama utaenda wewe, we nenda tu, utakuja kunisimulia ulichokiona” nilimjibu.



“nisamehe sana barry, najua ni mimi niliyefanya wewe usishiriki katika safari, kwa hiyo nakuomba twende japo hiyo kesho tu” alisikika Jennifer ambaye hadi wakati huo sikuwa nimemwangalia.



Niligeuka taratibu na kuanza kupiga hatua hadi pale alipokuwa amesimama yeye. Nilimwangalia huku nikiwa na uso wa tabasamu, nikaanza kuona hata Jennifer anaanza kutabasamu pia. Nilinyanyua mkono wangu wa kushoto na nikauweka juu ya bega lake la kulia kwake huku nikiwa bado natabasamu. Kitendo hiki kilimfanya Jennifer azidi kutabasamu, furaha ambayo ilionekana dhahiri. Ni wazi hakujua ni nini nilikuwa nawaza, laity kama angejua wala hata asingethubutu hata kufikiri kutabasamu.



“Wewe una akili sana, unaweza hata kusoma hisia za mtu! Lakini mbona leo umenichangamkia sana hadi naogopa. Umekuja kuniomba msamaha mara ooh twende tukatalii, vipi unataka kuniroga!?, nambie, mganga wako amesema kuwa ili ukitaka kufanikisha lengo lako ni lazima uniroge? wala hata usipate shida, unataka nini, nywele au kucha? sema kama mganga amekuagiza hivyo vitu ili uniroge ili nikupe kwa hiari yangu kabisa sio mpaka uteseke kujifanya kuwa wewe ni rafiki yangu”. Nilimwambia Jennifer. Huo ilikuwa ni mwendelezo wa mbinu yangu chafu kwa ajili ya kumnyong’onyeza Jennifer.



“Barry jamani, mimi nikajua umeshanisamehe tayari! Hayo maneno yanatoka wapi tena rafiki yangu, eeeh. Barry hebu jaribu kunielewa basi.” Alisema Jennifer kwa sauti ya kinyonge. Hivyo ndivyo mimi nilikuwa napenda.



“eti unaniita rafiki! Sawa. Rafiki tazama, umebadilika ghafla mno. Kutoka kuwa jeuri hadi kuwa mtu unayejali kupitiliza., sio bure, kuna kitu nyuma ya haya yote. Lakini nikwambie tu kuwa hauwezi kufanikiwa kirahisi hivyo. Na nizidi kusisitiza kuwa kesho hautaniona huko kwenye hiyo safari yenu ya kwenda kuzurura maporini, mimi nitabaki hapa kukusubirini ninyi ili turudi shule hiyo kesho kutwa. Nadhani nimeeleweka” nilimwambia Jennifer huku nikiwa namgusagusa kwa mkono wangu wa kushoto kama sehemu ya kuonyesha msisitizo. Jennifer alikuwa ananiangalia huku akiwa katika mwonekano wa kinyonge sana. Mimi moyoni mwangu ilikuwa ni burudani isiyo na kipimo.



Niliondoka pale huku nikimwacha Jennifer akiwa amesimama akiwa hajui la kufanya. Nilifika chumbani kwangu, nilipoingia ndani nikasimama mbele ya kioo kilichokuwa chumbani. Nikajiangalia huku nikitabasamu.



“bad boy barry, mamaee…” nilitamka maneno hayo huku nikiwa nimejawa na furaha sana. Kwa kile kilichokuwa kinaendelea kati yangu mimi na Jennifer, nilikuwa na haki ya kujipongeza kwa kujipa manyota nyota kibao.



Ilipofika jioni wale wenzetu waliokuwa kutalii walirudi pale hotelini. Na kulingana na ratiba iliyokuwepo ni kuwa, siku iliyokuwa inafuata ndiyo ilikuwa siku ya mwisho kwenda kutalii na baada ya hapo tungerudi shuleni kuendelea na ratiba nyingine za masomo kama kawaida. Tulisalimiana na kuulizana mawili matatu kuhusu namna siku ilivyokuwa kwa kila mmoja wetu.



Ilipofika wakati kwa kupata chakula cha jioni sote tulienda mkahawani ambapo siku zote tulikuwa tukijitahidi kupata mlo kwa pamoja, tulikusanyika kwenye mkahawa kwa ajili ya chakula. Tulijaza meza tatu, meza mbili zilikuwa na watu wanne wanne na moja ilikuwa na watu watatu. Tulienndelea kula huku tukipiga story mbili tatu. Pia kwa wakati wote huo nilikuwa namtupia jicho la kisirisiri Jennifer, niliona hata yeye alikuwa akifanya hivyo hivyo. Kulikuwa na maongezi ya ndani kati ya nafsi zetu, nadhani.



Baada ya kumaliza kula, tulianza kunyanyuka mmoja mmoja. Wakati hilo likiendelea nilimsikia Jennifer akiomba tumsikilize. Nilimtizama kwa shauku kubwa kutaka kujua alikuwa anataka kusema nini.



“jamani samahanini, baada ya chakula nina kitu cha kuongea na ninyi nyote. Tafadhalini..” alisema Jennifer huku akiwaangalia watu wote kwa zamu; waliokuwa wamekaa wakiendelea kula na waliokuwa wamesimama wakijiandaa kutoka. Wengi wao waliitikia kumkubalia japo walitofautiana; kuna waliosema, ‘poa’, wengine walisema’haina shida’ wengine walisema ‘haya’, lakini wote walimaanisha kitu kile kile, kukubali wito wa jennifer. Nadhani ni mimi tu ambaye sikujibu chochote.



Baada ya wote kumaliza kula tulijikusanya kwenye sehemu moja ili tumsikilize Jennifer alikuwa ana kipi cha kusema. Tulisimama katika mpangilio ambao ulifanya tutengeneze kama umbo la mwezi mchanga, Jennifer alimama mbele yetu na kufanya tutengeneze muunganiko uliofanana na ile alama ya mwezi na nyota iliyoko kwenye misikiti. Wasikilizaji kwa pamoja tulitengeneza umbo la mwezi na Jennifer ndiye aliyekuwa kama nyota. Baada ya sekunde kadhaa, Jennifer alianza kuongea.



“jamani samahanini maana najua mmechoka na mngependa kupumzika lakini ningeomba mnisikilize japo kidogo tu. Naamini kuna waliokuwa wakiona kilichokuwa kikiendelea kati yangu mimi na barry katika siku za nyuma na zaidi ni kuwa hakuna yeyote kati yenu nyote ambaye hakushudia tukio la jana. Lilikuwa ni tukio ambalo halikuleta picha nzuri mbele ya wenyeji wetu. Nakiri kuwa mimi ninde niliyekosea katika hilo, naombeni mnisamehe. Madam Tricia, naomba unisamehe kwa kuwa nilikuabisha mbele ya wenyeji wetu na pia hata ulipojiribu kutusuluhisha nilikutendea jeuri. Naomba unisamehe madam, nimetambua kuwa nilikosea.”



“Pia napenda kutumia nafasi hii kumwomba msamaha barry mbele yenu nyote kwa yote niliyoyatenda kwake pamoja na kumfanya ajinyime haki ya kwenda kutalii katika siku mbili yaani jana na leo.” Alisema Jennifer kwa sauti ya nidhamu na staha. Ilinishangaza sana kuona Jennifer aliweza kuongea yale yote mbele yetu. Nyuso za wengine wote waliokuwapo zilionyesha kuwa walikuwa wakimuunga mkono maneno ya Jennifer lakini pia walionyesha kuwa hawakuwa wametarajia kuyasikia, ni kama ilivyokuwa kwangu tu. Baadaye jennifer aligeuka na kunitizama mimi, alipiga hatua chache kunisogelea. Kila hatua aliyopiga kuja kwangu ilifanya mapigo yangu ya moyo yabadilike kwani sikua najua ni nini hasa angekisema kwangu. Nilikuwa na wasiwasi japo nilijitahidi kujikaza.



“barry, wewe unajua kuwa nimejaribu kuongea na wewe kuhusu hili. Japo ulisema umenisamehe lakini Napata wasiwasi kama kweli umenisamehe kwa sababu umelikataa ombi langu nililokuomba wewe ushiriki nasi katika safari ya kesho ambayo ndiyo siku ya mwisho sisi kuwapo huku. Nimeamua nikuombe msamaha mbele ya watu wote ili uone kuwa ni kweli namaanisha. Na nitahesabu kuwa umenisamehe kama tu utaridhia kuungana na wenzetu kwenda kutalii hiyo kesho” alisema Jennifer huku akiwa ananitizama pasipo kupepesa macho. Nilijikuta nashikwa na bumbuwazi maana sikuwa natarajia kitu kama kile. Nilijikuta Napata kigugumizi kumjibu Jennifer.



“jennie, unataka kuonyesha nini watu labda!? Kwamba mimi siyo mwelewa amah? Hili lilikuwa ni kati yetu sisi wawili” nilimjibu Jennifer. Watu wengine waliokuwapo hapo walicheka kwa sauti za chinichini baada ya kusikia kauli yangu.



“barry, kama kweli Jennifer amekubali mzimalize tofauti zenu, fanya hivyo barry. Na nafurahi kuwa ninyi wenyewe mmetambua kuwa mnahitaji kumaliza mgogogro wenu” alisema madam Tricia.



“Madam, siku zote mimi huwa nakuelewa sana, kila kitu kitakuwa sawa. Nadhani kikao kimefungwa, mnaweza kwenda kupumzika, au siyo jamani” nilifunga kikao hicho bubu bila ridhaa aliyekiitisha, ni kama niliyejichukulia mamlaka kimabavu. Kauli yangu ya kufunga kusanyiko hilo ilifanya watu waondoke huku wakicheka. Sikujua walifurahi kwa kuwa waliona mimi na Jennifer tulikuwa tumepatana au kwa sababu waliichukulia kuwa ilikuwa ni kauli ya kuchekesha. Watu walitawanyika tukabaki watu watatu; mimi, Jennifer na mwalimu Tricia.



“Jennifer usijali, hata mimi nimekusamehe na pia nimefurahi kuona kuwa umetambua ni wapi ulipokosea. Nataraji kuwa mapatano yenu yatakuwa na manufaa sana kati yenu ninyi wawili, wanafunzi wenzenu na shule nzima kwa ujumla. Barry, Jennifer, nakupongezeni sana. Najua mnaweza kuwa na mengine zaidi ya kuongea kati yenu. Ngoja nikuacheni.” Alisema walimu Tricia huku akiwa na tabasamu tele usoni mwake. Ni wazi alifurahia sana. Alitutakia usiku mwema kisha akatuaga na kuondoka na kutacha mimi na Jennifer.



Ulikuwa ni wakati wa mimi na Jennifer kushiriki hisia zetu za ndani kabisa. Binafsi si kama sikuwa namwelewa Jennifer, nilikuwa namwelewa vema kabisa, lakini nilikuwa najaribu kukwea juu zaidi ili kumfanya atambue nafasi yake na pia yeye aitambue nafasi yangu. Na kwa kuwa alitamka hisia zake mbele ya watu wote, niliona kama nikijaribu kukwea juu zaidi angejisikia vibaya, hivyo nikaamua kuwa mpole na kumuunga mkono.



“jennie, sasa nimekuelewa vyema na nakuahidi kuwa kesho tutakuwa sote katika siku yetu ya mwisho kwa sisi kuwapo hapa.” Nilimwambia Jennifer.



“asante sana barry, natamani kesho ifike haraka ili tukafurahie pamoja” alisema Jennifer.



“usijali mpendwa, itafika…itafika upesi sana” niliongea huku mkono wangu wa kushoto ukimshika shavu pia kidole gumba changu kilitumia nafasi hiyo kutembea juu kidogo ya kidevu chake.



“asante barry, uwe na usiku kwema” alisema kwa sauti iliyokuwa kama ya kunongo’ona huku mikono yake akiushika mkono waku ambao ulikuwa bado upo katika mashavu yake.



“nawe pia” nilimjibu, baada ya kusema hivyo Jennifer aliondoka na kwenda chumbani kwake. Nilibaki kusimama pale kwa muda kisha nikaenda chumbani kwangu ambapo nilimkuta tayari mwenzangu tukiyepangiwa naye chumba hicho yuko ndani tayari.



“mwanangu we ni noma, umefanikiwa kumnyoosha Yule demu! Nimekuvulia kofia aisee” alisema mwanachumba mwenzangu.



“hamna, mbona kawaida tu aisee. Ni yeye tu ndiye aliyeamua kubadilika. Mimi sina uwezo wowote wakumbadilisha mtu. Mimi siyo mungu mzee baba.” Nilijaribu kujikataa japo nilikuwa natambua kazi niliyokuwa nimefanya,



“sio kirahisi kihivyo mwanangu, au meroga nini?” alinitania. Nilicheka sana baada ya kusikia kauli hiyo. Tuliendelea kupiga story za hapa na pale kisha tukalala huku mimi nikiwa naiwaza kesho, siku ambayo mimi na Jennifer tungekuwa pamoja tukiwa katika hali ambayo hatukuwahi kuipitia awali, tukiwa marafiki.



Kesho yake kulivyokucha ilikuwa ni siku ya tofauti kabisa. Nilikuwa na nguvu na hamasa kubwa. Tulijiandaa na kuanza safari ya kwenda kutalii katika siku hiyo ya mwisho kulingana na ratiba yetu. Kwa upande wangu, Jennifer aliongeza madoido katika safari hiyo, mara zote alikuwa pembeni yangu, alijitahidi kujiweka karibu nami kadri alivyoweza. Nami sikutaka kumwangusha, nilimpa ushirikiano wa kutosha. Tulipiga picha nyingi sana za pamoja kwa sisi wawili, mara zote tulikuwa tukitembea huku tumeshikana mikono nakadhalika. Hakika mimi na Jennifer tulifungua ukurasa mpya wa mahusiano kati yetu.



**



Ilikuwa ni miezi miwili tangu mimi na jennifer tulipomaliza tofauti zetu za muda mrefu. Katika kipindi chote hicho Jennifer alikuwa ni mtu wangu wa karibu sana. Jinsi ambavyo alikuwa akiishi na mimi ni kama vile hatukuwahi kuwa na mtafaruku kati yetu. Kweli wagombanao ndio wapatanao. Lakini, licha ya ukaribu wetu kuonekana ni wenye kuvutia mbele ya macho ya waliotuzunguka, hali ilikuwa tofauti kwangu. Nilianza kuchoshwa na ukaribu wake kwangu. Hili halikuwa tatizo geni kwangu, ni tatizo ambalo nimedumu nalo katika kipindi chote cha maisha yangu hadi sasa.



Iko hivi, mimi nimekuwa sio mtu mwenye uwezo wa kudumisha kwa muda mrefu urafiki au uhusiano na msichana au mwanamke. Na sababu kubwa inayonifanya nishindwe kudumisha uhusiano huo ni kuwa huwa nahisi kubanwa sana pindi ninapokuwa na ukaribu mkubwa na mwanamke au msichana. Sijui kama hilo ni atizo la kisaikolojia au ndiyo hulka yangu ilivyo lakini hivyo ndivyo nilivyo. Kadri msichana anavyokuwa karibu nami ndivyo huwa nazidi kumchukia na kutafuta namna ya kuepukana naye. Binafsi huwa napenda urafiki wangu na mwanamke au msichana uwe wa juu juu tu, mkikutana mnasalimiana, kwenye shida za hapa na pale mnasaidiana kisha kila mtu anaendelea na mambo yake. huwa sipendi mambo ya kujuana sana na watu wa jinsia ya pili.



Na ndivyo ilivyokuwa kwa Jennifer. Jennifer aliniganda kama ruba. Alipenda tujisomee kwa pamoja, twende kanisani kwa pamoja na hata kwenye vipindi vya michezo nyakati za jioni alipenda kutumia muda na mimi kupiga story. Mara nyingi tuliambatana kama vifaraga vya bata. Japokuwa usoni kwangu nilionyesha kuwa nilikuwa na furaha lakini moyoni mwangu nilikuwa nimechoshwa naye pasipo mfano. Kuna wakati nilianza kuona ilikuwa afadhali kipindi kile nina mgogoro naye angalau maisha yalikuwa nafuu kwa upande wangu.



Baada ya kuchoshwa naye niliamua kuandaa mpango wa kumwondoa Jennifer karibu yangu. Nilihitaji kutengeneza mazingira ambayo yangefanya mimi na Jennifer tuwe mbalimbali kama ilivyokuwa zamani japokuwa sikutaka iwe ni kwa ugomvi kama zamani. Nilihitaji Jennifer aendelee kuwa rafiki yangu wa kawaida ilhali pia asiwe mtu wangu wa karibu sana kama ilivyokuwa.



Baada ya kufikiria kwa muda, nilipata mbinu ambayo niliamini kuwa ingeweza kutekeleza lengo langu la kupunguza ukaribu na Jennifer na pia aendelee kuwa rafiki yangu wa kawaida tu. Na njia yenyewe ilikuwa ni kumtongoza, ndiyo, kumtongoza. Njia hii niliamini kuwa ingeweza kufanya kazi kwa ufanisi kuliko njia nyingine. Binafsi niliiamini njia hii kwa sababu niliwahi kuitumia karibu mara mbili hapo kabla na ikafanya kazi kwa ufanisi mkubwa sana.



Iko hivi, kwa kawaida asilimia kubwa ya wasichana, ukimtongoza kwa mara ya kwanza hawezi akakukubalia siku hiyo hiyo hata kama hata yeye pia ana hisia za mapenzi juu yako. Kwa siku ya kwanza ni lazima atakukataa au atazunguka zunguka ilimradi usimuone yeye ni maharage ya mbeya, maji mara moja. Na cha ziada ni kuwa, akikukataa kwa siku ya kwanza, atajiweka mbali na wewe ili kutengeneza mazingira ya wewe kumfuata tena na tena, hatoweza tena kujiweka karibu yako kwa kuwa atahisi kuwa utamuona kama anajilengesha hivi. Hivyo kama alikuwa na utaratibu wa kukutafuta mara kwa mara ili mpige story atapunguza sana au ataacha kabisa, kama alikuwa ana tabia ya kukuchangamkia akikuona, atabadilika, atajitahidi kutokukuchangamkia ili tu uone kuwa yeye siyo rahisi kiasi hicho. Na hapo ndipo ilipokuwa ilipokuwa inakuja nafasi yangu ya kutimiza lengo langu. Akishaanza kujiweka mbali na mimi na mimi nilikuwa nafanya hivyo hivyo. Kwa hiyo baada ya muda mchache mazoea na mhusika yanakufa kabisa. Ili njia hii ifanye kazi inabidi umtongoze mara moja tu, ukirudia mara ya pili kuna uwezekano mkubwa wa wewe kufeli.



Japokuwa nafahamu njia hii haikuwa nzuri kwa kuwa inahusisha kuchezea hisia za mtu lakini ndiyo njia pekee niliyoiona kuwa ilikuwa inafaa. Hivyo niliamua kuitumia bila kujali matokea kwa watu wa upande wa pili.



Hivyo nilipanga nimtongoze Jennifer na kama angenikataa katika siku ya kwanza basi nisingerudia tena. Yaani nilipanga kumtongoza huku moyoni nikiwa naomba anikatalie kata kata. Yaani ilikuwa ni kama vile unaenda kuomba kazi huku moyoni mwako ukiomba uikose hiyo kazi. Inaonekana ajabu lakini ndivyo nilivyokuwa nawaza nafsini mwangu. Nilipanga kwenda kukitafuta kitu ambacho sikutaka nikipate, kwani kutokukipata kitu hicho kungenifanya nikipate kile nilichokuwa nataka kukipata.



Inaendelea….
 
MAISHA YANGU NYUMA YA PAZIA JEUSI



SEHEMU YA 14



Ilipoishia…..

Hivyo nilipanga nimtongoze Jennifer na kama angenikataa katika siku ya kwanza basi nisingerudia tena. Yaani nilipanga kumtongoza huku moyoni nikiwa naomba anikatalie kata kata. Yaani ilikuwa ni kama vile unaenda kuomba kazi huku moyoni mwako ukiomba uikose hiyo kazi. Inaonekana ajabu lakini ndivyo nilivyokuwa nawaza nafsini mwangu. Nilipanga kwenda kukitafuta kitu ambacho sikutaka nikipate, kwani kutokukipata kitu hicho kungenifanya nikipate kile nilichokuwa nataka kukipata.



Endelea…



Ilikuwa ni siku ya ijumaa jioni, wakati ambao wanafunzi waliopenda michezo hasa mpira wa miguu walikusanyika kwenye viwanja vya michezo kufanya mazoezi. Na wale wenzangu na mimi wasiojihusisha na michezo walizagaazagaa pembeni mwa viwanja wakiwaangalia wenzao. Siku hiyo hapakuwa na watu wengi uwanjani kama ilivyozoeleka kwa sababu jumatatu iliyokuwa inafuata tungeanza mitihani ya kufunga nusu mhula ambayo ingefuatiwa na likizo fupi ya wiki moja kwa ajili ya pasaka, hivyo wanafunzi wengi walikuwa wanajiandaa na mitihani.



Kwa kuwa mimi nilijiamini kuwa nilichokuwa nimekisoma kilikuwa kinanitosha, sikuona sababu ya kujisumbua kusoma kwa fujo, niliamua kuutumia wakati huo kunyoosha miguu na kuangalia mazoezi ya mpira wa miguu ambayo walikuwa wakifanya wenzangu.



“barry” nilisikia sauti ya mtu ikiniita kutoka kilipokuwa kiwanja cha netiboli. Sauti hiyo nilikuwa naifahamu vyema hivyo sikupata tabu kujiuliza kuwa alikuwa ni nani. Niligeuka nikamuona aliyeniita, akanionyesha ishara ya kuniita lakini mimi nikaonyesha ishara ya kukataa kwenda na kisha mimi nikamuonyesha ishara ya kumwita, yeye hakukaidi, alianza kuja. Hakuwa mwingine bali Jennifer.



“mbona wewe hufanyi mazoezi?” alisema Jennifer baada ya kunifikia.



“mimi na mpira wapi na wapi! Hivyo vipaji tuwaachie wengine sisi wengine hatuna” nilimjibu huku nikitabasamu.



“sasa wewe una kipaji gani? Maana sijawahi kukuona ukishiriki katika mchezo wowote” Jennifer alihoji. Huku akijichekeshachekesha.



“we kipaji changu kinakuhusu nini wewe?’ nilimjibu kwa kumuuliza swali.



“kwani ni vibaya mimi nikikifahamu?” naye akaamua kunijibu kwa kuniuliza swali.



“ukishakifahamu?” nilihoji.



“basi tu”



“kuimba” nilimjibu. Na wakati nilipomjibu hivyo nilianza kuhisi kuwa pengine ile ndiyo ilikuwa nafasi ya mimi kutimiza azma yangu ya kumtongoza yeye. Kuanzia wakati huo nikaanza kupangilia maneno na namna gani ningemwingia.



“hahahaha…..eti kuimbaaa! Kwa sauti gani uliyonayo!?” alisema Jennifer huku akiambatanisha na kicheko. Sikujali sana kwa maana nilijua kuwa alikuwa anatania.



“we cheka tu, ila ndo hivyo” nilimjibu kwa mkato ili tumalize huo mjadala. Nilitaka kutengeneza mazingira rafiki ya mimi kuanza kumtongoza hivyo kama tungeendelea na mada hiyo hiyo ningechelewa.



“hebu imba nikusikie maana bila hivyo siwezi kukuamini. Imba nisikie kama kweli unajua kuimba au unaimba imba tu.” Alisema jenifer huku akiwa ananitazama usoni, uso wake ukiwa umejazwa na tabasamu mwanana. Japokuwa haikuwa sehemu ya mpango ila niliona fursa katika hili. Nilijua kuwa kama ningeimba basi ningetengeneza njia nyingine ambayo nilihisi ingekuwa ni ya mkato lakini yenye ufanisi.



“mimi naimba wewe, yaani hata kama ndege walikuwa wanapigana wakisikia naimba waacha kupigana na kunisikiliza mimi.” Nilitania huku kichwani nikichagua ni wimbo gani ningeuimba mbele yake.



“hahahahaha….uwiiiiii, ndo uimbe sasa nisikie” alisema huku akikunja mikono yake kifuani huku akiniangalia, alionyesha kuwa alikuwa tayari kunisikiliza.



“nikimaliza nipe maks, nianze?” nilimjibu.

“Ndiyo anza nikusikie” alisema Jennifer kwa shauku kubwa. Kwa wakati huo nilikuwa nimeshapata wimbo ambao niliona unafaa mimi kuimba mbele ya Jennifer. Wimbo wenyewe niliupa jina la ‘in the name of love’, ulikuwa ni wimbo niliouandika mwenyewe. Ulikuwa ni wimbo wenye mahadhi ya pop ya taratibu. Mimi ni mpenzi mkubwa wa hip hop ila linapokuja swala la kuimba wimbo wa mapenzi hip hop huwa naiweka pembeni kwa muda. Baada ya kusafisha koromeo, nilianza kuimba.



“Nashukuru unanipenda jinsi nilivyo/

Na penzi langu liko nawe huko uliko/

Umenitoa mbali kiasi nina furaha wangu mpenzi/

Umenifunga kwa penzi lako na kutoka siwezi/

Achana nao hao wanaokuzodoa/

Kwa nini unanipenda wakati nimefulia/

Hawajui ni nini mimi nakupatia girl, ni siri yangu mi nawe/

Na kila siku unazidi kunivutia/

We ni kitu muhimu kwangu kwenye hii dunia/

Nikiwa nawe ninajihisi kutulia sihitaji yoyote/

So let me sing/

In the name of love/

I gonna take our feelings and keep’em in my heart/

In the name of love/

I gonna work from 7 to 5, to keep our love alive/

In name of love/

We gonna fly high, thousand feet above the ground/

In the name of love/

We gonna kiss before the eyes of starry night/

We gonna kiss before the eyes of starry night/

We gonna kiss before the eyes of starry night baby../

Kwako chief judge…” nilisema nilipomaliza kuimba.



“mh…kumbe barry unajua kuimba hivyo! Nakupa 10 ya 10. Halafu huo wimbo ni wa nani maana sijawahi kuusikia” alisema Jennifer huku akiwa na uso wa mshangao wa furaha.



“huo ni wimbo wangu mwenyewe, kwa hiyo madame fanya kunichangia pesa niingie studio”



“mmmh muongo, huwezi kutunga wimbo kama huu bwana, sema ni wa nani niutafute” alisema Jennifer.



“kwa hiyo huniamini au siyo! Hili ni songi langu madame. Halafu juu ya hilo kuna kitu cha ziada katika huu wimbo” nilisema baada ya kuona kuwa kulikuwa na ‘gepu’ la kupenyeza kile ambacho nilikuwa kukifanya kwa wakati huo.



“kipi” alisema Jennifer huku akinitazama.



“huu wimbo sijawahi kuuimba mbele ya mtu yeyote. Ki ufupi ni kuwa wewe ndiye mtu wa kwanza kabisa kuusikia. Bahati iliyoje uliyokuwa nayo wewe.” Nilianza kwa staili hiyo. Niliamini kuwa hiyo ndiyo ingekuwa gia ya kwanza kwa kuingilia. Mara zote ukitaka kukamata hisia za msichana, mpe sifa motomoto, haijalishi hata kama hastahili au ni sifa za uongo. Siku zote wanawake hupenda wanachokisikia ilhali sisi huwa tunapenda tunachikiona.



“mhhh, asante kama ni kweli” alisema huku akimalizia na tabasabu lililomezwa na aibu ya kike, nilifurahi kwa kuwa nilikuwa nimeanza vizuri. Nilianza kujiandaa kwa hatua nyingine ya juu zaidi.



“usiishie kusema tu asante, inabidi utambue maana nzito iliyoko katika ujumbe wa wimbo” nilisema hayo kumpa changamoto ya kufikiri mara mbili kuhusu alichokisikia. Si mara zote unapokuwa unatongoza ni lazima utangulie wewe, mara nyingine unatakiwa kutengeneza mazingira ya yeye kutangulia mahala ambapo wewe unataka afike.



“ujumbe gani,!? Si ni wimbo wa kawaida tu kama zilivyo nyingine au?”. Alisema huku akionyesha sura ya mshangao. Ni kama vile alikuwa haelewi ni wapi mimi nilimtaka aelekee. Haikuwa shida kwangu kwani kwenye akili yangu kulikuwa na mamia ya maneno ambayo yalikuwa yanasubiri kutamkwa tu ili kukamilisha amza yangu.



“unaweza kufikiri hivyo, lakini mimi nafikiria tofauti kabisa.” Ilikuwa ni changamoto nyingine ya kufikiri ambayo nilimpa Jennifer japokuwa niliamini kuwa asingeweza kuimudu.



“unafikiria nini?” aliniuliza huku akiwa ananiangalia kwa uso uliojaa maswali mengi. Ni wazi mbinu niliyoitumia hakuwahi kukutana nayo mahala popote hivyo alichanganganyikiwa.



“mimi naona wazi huu wimbo unatuhusu mimi na wewe.” Nilianza kufunguka rasmi. Nilimtazama Jennifer aliipokeaje kauli hiyo. Nilimwona akistuka, niliaona wazi kuwa alianza kuhisi ni nini kilikuwa kinakaribia kutokea.



“mmh, kivipi mbona sikuelewi.” Alisema Jennifer. Sikujali sana maana ni kawaida kwa wasichana kujifanya wana vichwa vizito kuelewa mambo wakati wa kutongozwa.



“nahisi kuwa mimi na wewe tunahitaji kuwa katika ukaribu kiasi ambacho maudhui ya huu wimbo yawe yanatulenga sisi kwa asilimia zote.” Nilifunguka zaidi. pia niliona Jennifer akizidi kuchanganyikiwa.



“barry, unazidi kunichanganya. Unaongea kwa mafumbo sana.” Jennifer alijifanya alikuwa na kichwa kizito sana. Huenda alitaka nitamke waziwazi kuwa ‘nakupenda’. Hilo neno binafsi huwa sipendi kulitumia wakati wa kutongoza kwa sababu naamini ‘nakupenda’ ni neno ambalo linabeba maana kubwa sana ambayo mimi huwa naona sikidhi vigezo vya kulitumia. Kwangu ‘nakupenda’ ni neno takatifu, hivyo sikupaswa kulitamka hovyo.



Lakini kulingana na jinsi Jennifer alivyokuwa akijifanya haelewi nilijikuta nalazimika kutaka kulitumia. Kiukweli sikutaka kumtamkia Jennifer kuwa nampenda kwa sababu ki ukweli sikuwa nampenda bali nilikuwa nataka kutumia njia hiyo ili yeye awe mbali na mimi. Lakini sikuwa na jinsi, nikalazimika kulitumia.



“jennie, nahisi kukupenda sana. Natamani kuwa karibu na wewe zaidi ya ilivyo sana. Na nahisi ndiyo sababu nikajikuta nakuimbia wimbo huu ikiwa kama sehemu ya ndoto zangu nilizonazo juu yako.” Nilitamka sentensi hiyo huku nafsi yangu ikitambua kuwa sikuwa nasema ukweli. Nilihisi hisia za majuto ndani yangu, lakini sikuwa na namna, ilinibidi kupambana nazo huku nikiendelea na jambo lile lilikuwa mbele yangu.



“barry, acha utani bwana. Usianze mambo yako hapa.” Alisema Jennifer huku akiwa na aibu. Na mimi sikutaka kupoteza muda, niliendelea kugongelea misumari kidogo kidogo.



“nitapata faida gani mimi nikikutania wewe katika hili, eeh. Nipo serious kabisa jennie.” Ilikuwa ni kauli isiyokuwa na nguvu sana kihisiaa ila ilikuwa ni ya kimkakati, kurudisha fikra za Jennifer karika mjadala uliokuwa mbele yetu.



“barry hebu acha bwana, hebu tuongee kuhusu mambo mengine.” Alisema Jennifer, ni kama alikuwa bado hataki kwenda kama nilivyokuwa nataka mimi.



“kwa hiyo hili ninalokwambia halina maana yoyote sio.” Ilikuwa ni kauli nyingine ya kimkakati, kumfanya yeye ajione kama alikuwa akininyanyasa mimi kihisia. Haya yote niliyafanya ili kutengeneza njia ya jkwa silaha kuu ambayo nilikuwa nimeitunza bado.



“barry, una nini wewe leo? Unajua sikuelewi kabisa” aliongea huku akicheka. Ni kama alitaka kunitoa nje ya mchezo. Kwa jinsoi alivyokuwa anaonekana, niliona kama nikienda kwa staili ile angenitesa sana. Hivyo nikaamua kuchukua silaha yangu ya kutegemewa. Niliamini kuwa ingemaliza mchezo mapema kabisa.



“basi nakuomba ujitahidi kunielewa hivyo hivyo, I love you jennie. Unajua kipindi kile tulipokuwa hatuelewani mimi na wewe nilikuwa nakuchukia sana. Nilikuwa nakuona kama adui wangu namba moja hapa shuleni. Lakini tangu tulivyokuja kumaliza tofauti zetu nimekuja kugundua vitu vingi vizuri ambavyo Mungu amekubariki navyo. Wewe ni mkarimu, unajali, uko vizuri upstairs, na kingine cha zaidi ni kuwa wewe ni mrembo sana jennie. Kama kuna mtu alishawahi kukwambia kuwa wewe ni mrembo basi mimi leo nakazia kabisa kwa kizungu, you’re so beautiful, jennie. Kwa hiyo nakuomba kama ukiridhia basi unipe nafasi ya mimi kuwa sehemu ya furaha yako” nilitiririka maneno ambayo niliamini kuwa yangemgusa Jennifer na kumfanya aondoe fikra za yeye kuona kuwa nilikuwa namtania. Japo moyoni sikuwa na hata chembe ya hisia naye ila nilivaa uso wenye hisia za kubeba kile ambacho nilikitamka.



Nilimwangalia Jennifer usoni, alionyesha wazi alikuwa aliyechanganyikiwa. Ni wazi hakutarajia kusikia alichokisikia. Muda mwingi alikuwa anangalia chini na pembeni. Hakuwa na uwezo wa kunitizama usoni tena, alianza kunionea aibu. Katika muda wote huo alikuwa amekaa kimya bila kuongea chochote.



“jennie, kwa nini upo kimya? ongea basi nikusikie” nilimpa nafasi ili nisikie ni nini kilikuwa nafsini mwake. Nilifanya hayo yote huku moyoni nikiomba siku hiyo asinikubalie ili niweze kutimiza lengo langu la kujiweka mbali na yeye. Si jambo zuri kucheza na hisia za mtu ila nililazimika kufanya hivyo kwa kuwa niliona kuwa hakukuwa na njia nyingine bora zaidi ya hiyo.



Itaendelea….
 
Stephen Chelu said:
MAISHA YANGU NYUMA YA PAZIA JEUSI



SEHEMU YA 14



Ilipoishia…..

Hivyo nilipanga nimtongoze Jennifer na kama angenikataa katika siku ya kwanza basi nisingerudia tena. Yaani nilipanga kumtongoza huku moyoni nikiwa naomba anikatalie kata kata. Yaani ilikuwa ni kama vile unaenda kuomba kazi huku moyoni mwako ukiomba uikose hiyo kazi. Inaonekana ajabu lakini ndivyo nilivyokuwa nawaza nafsini mwangu. Nilipanga kwenda kukitafuta kitu ambacho sikutaka nikipate, kwani kutokukipata kitu hicho kungenifanya nikipate kile nilichokuwa nataka kukipata.



Endelea…



Ilikuwa ni siku ya ijumaa jioni, wakati ambao wanafunzi waliopenda michezo hasa mpira wa miguu walikusanyika kwenye viwanja vya michezo kufanya mazoezi. Na wale wenzangu na mimi wasiojihusisha na michezo walizagaazagaa pembeni mwa viwanja wakiwaangalia wenzao. Siku hiyo hapakuwa na watu wengi uwanjani kama ilivyozoeleka kwa sababu jumatatu iliyokuwa inafuata tungeanza mitihani ya kufunga nusu mhula ambayo ingefuatiwa na likizo fupi ya wiki moja kwa ajili ya pasaka, hivyo wanafunzi wengi walikuwa wanajiandaa na mitihani.



Kwa kuwa mimi nilijiamini kuwa nilichokuwa nimekisoma kilikuwa kinanitosha, sikuona sababu ya kujisumbua kusoma kwa fujo, niliamua kuutumia wakati huo kunyoosha miguu na kuangalia mazoezi ya mpira wa miguu ambayo walikuwa wakifanya wenzangu.



“barry” nilisikia sauti ya mtu ikiniita kutoka kilipokuwa kiwanja cha netiboli. Sauti hiyo nilikuwa naifahamu vyema hivyo sikupata tabu kujiuliza kuwa alikuwa ni nani. Niligeuka nikamuona aliyeniita, akanionyesha ishara ya kuniita lakini mimi nikaonyesha ishara ya kukataa kwenda na kisha mimi nikamuonyesha ishara ya kumwita, yeye hakukaidi, alianza kuja. Hakuwa mwingine bali Jennifer.



“mbona wewe hufanyi mazoezi?” alisema Jennifer baada ya kunifikia.



“mimi na mpira wapi na wapi! Hivyo vipaji tuwaachie wengine sisi wengine hatuna” nilimjibu huku nikitabasamu.



“sasa wewe una kipaji gani? Maana sijawahi kukuona ukishiriki katika mchezo wowote” Jennifer alihoji. Huku akijichekeshachekesha.



“we kipaji changu kinakuhusu nini wewe?’ nilimjibu kwa kumuuliza swali.



“kwani ni vibaya mimi nikikifahamu?” naye akaamua kunijibu kwa kuniuliza swali.



“ukishakifahamu?” nilihoji.



“basi tu”



“kuimba” nilimjibu. Na wakati nilipomjibu hivyo nilianza kuhisi kuwa pengine ile ndiyo ilikuwa nafasi ya mimi kutimiza azma yangu ya kumtongoza yeye. Kuanzia wakati huo nikaanza kupangilia maneno na namna gani ningemwingia.



“hahahaha…..eti kuimbaaa! Kwa sauti gani uliyonayo!?” alisema Jennifer huku akiambatanisha na kicheko. Sikujali sana kwa maana nilijua kuwa alikuwa anatania.



“we cheka tu, ila ndo hivyo” nilimjibu kwa mkato ili tumalize huo mjadala. Nilitaka kutengeneza mazingira rafiki ya mimi kuanza kumtongoza hivyo kama tungeendelea na mada hiyo hiyo ningechelewa.



“hebu imba nikusikie maana bila hivyo siwezi kukuamini. Imba nisikie kama kweli unajua kuimba au unaimba imba tu.” Alisema jenifer huku akiwa ananitazama usoni, uso wake ukiwa umejazwa na tabasamu mwanana. Japokuwa haikuwa sehemu ya mpango ila niliona fursa katika hili. Nilijua kuwa kama ningeimba basi ningetengeneza njia nyingine ambayo nilihisi ingekuwa ni ya mkato lakini yenye ufanisi.



“mimi naimba wewe, yaani hata kama ndege walikuwa wanapigana wakisikia naimba waacha kupigana na kunisikiliza mimi.” Nilitania huku kichwani nikichagua ni wimbo gani ningeuimba mbele yake.



“hahahahaha….uwiiiiii, ndo uimbe sasa nisikie” alisema huku akikunja mikono yake kifuani huku akiniangalia, alionyesha kuwa alikuwa tayari kunisikiliza.



“nikimaliza nipe maks, nianze?” nilimjibu.

“Ndiyo anza nikusikie” alisema Jennifer kwa shauku kubwa. Kwa wakati huo nilikuwa nimeshapata wimbo ambao niliona unafaa mimi kuimba mbele ya Jennifer. Wimbo wenyewe niliupa jina la ‘in the name of love’, ulikuwa ni wimbo niliouandika mwenyewe. Ulikuwa ni wimbo wenye mahadhi ya pop ya taratibu. Mimi ni mpenzi mkubwa wa hip hop ila linapokuja swala la kuimba wimbo wa mapenzi hip hop huwa naiweka pembeni kwa muda. Baada ya kusafisha koromeo, nilianza kuimba.



“Nashukuru unanipenda jinsi nilivyo/

Na penzi langu liko nawe huko uliko/

Umenitoa mbali kiasi nina furaha wangu mpenzi/

Umenifunga kwa penzi lako na kutoka siwezi/

Achana nao hao wanaokuzodoa/

Kwa nini unanipenda wakati nimefulia/

Hawajui ni nini mimi nakupatia girl, ni siri yangu mi nawe/

Na kila siku unazidi kunivutia/

We ni kitu muhimu kwangu kwenye hii dunia/

Nikiwa nawe ninajihisi kutulia sihitaji yoyote/

So let me sing/

In the name of love/

I gonna take our feelings and keep’em in my heart/

In the name of love/

I gonna work from 7 to 5, to keep our love alive/

In name of love/

We gonna fly high, thousand feet above the ground/

In the name of love/

We gonna kiss before the eyes of starry night/

We gonna kiss before the eyes of starry night/

We gonna kiss before the eyes of starry night baby../

Kwako chief judge…” nilisema nilipomaliza kuimba.



“mh…kumbe barry unajua kuimba hivyo! Nakupa 10 ya 10. Halafu huo wimbo ni wa nani maana sijawahi kuusikia” alisema Jennifer huku akiwa na uso wa mshangao wa furaha.



“huo ni wimbo wangu mwenyewe, kwa hiyo madame fanya kunichangia pesa niingie studio”



“mmmh muongo, huwezi kutunga wimbo kama huu bwana, sema ni wa nani niutafute” alisema Jennifer.



“kwa hiyo huniamini au siyo! Hili ni songi langu madame. Halafu juu ya hilo kuna kitu cha ziada katika huu wimbo” nilisema baada ya kuona kuwa kulikuwa na ‘gepu’ la kupenyeza kile ambacho nilikuwa kukifanya kwa wakati huo.



“kipi” alisema Jennifer huku akinitazama.



“huu wimbo sijawahi kuuimba mbele ya mtu yeyote. Ki ufupi ni kuwa wewe ndiye mtu wa kwanza kabisa kuusikia. Bahati iliyoje uliyokuwa nayo wewe.” Nilianza kwa staili hiyo. Niliamini kuwa hiyo ndiyo ingekuwa gia ya kwanza kwa kuingilia. Mara zote ukitaka kukamata hisia za msichana, mpe sifa motomoto, haijalishi hata kama hastahili au ni sifa za uongo. Siku zote wanawake hupenda wanachokisikia ilhali sisi huwa tunapenda tunachikiona.



“mhhh, asante kama ni kweli” alisema huku akimalizia na tabasabu lililomezwa na aibu ya kike, nilifurahi kwa kuwa nilikuwa nimeanza vizuri. Nilianza kujiandaa kwa hatua nyingine ya juu zaidi.



“usiishie kusema tu asante, inabidi utambue maana nzito iliyoko katika ujumbe wa wimbo” nilisema hayo kumpa changamoto ya kufikiri mara mbili kuhusu alichokisikia. Si mara zote unapokuwa unatongoza ni lazima utangulie wewe, mara nyingine unatakiwa kutengeneza mazingira ya yeye kutangulia mahala ambapo wewe unataka afike.



“ujumbe gani,!? Si ni wimbo wa kawaida tu kama zilivyo nyingine au?”. Alisema huku akionyesha sura ya mshangao. Ni kama vile alikuwa haelewi ni wapi mimi nilimtaka aelekee. Haikuwa shida kwangu kwani kwenye akili yangu kulikuwa na mamia ya maneno ambayo yalikuwa yanasubiri kutamkwa tu ili kukamilisha amza yangu.



“unaweza kufikiri hivyo, lakini mimi nafikiria tofauti kabisa.” Ilikuwa ni changamoto nyingine ya kufikiri ambayo nilimpa Jennifer japokuwa niliamini kuwa asingeweza kuimudu.



“unafikiria nini?” aliniuliza huku akiwa ananiangalia kwa uso uliojaa maswali mengi. Ni wazi mbinu niliyoitumia hakuwahi kukutana nayo mahala popote hivyo alichanganganyikiwa.



“mimi naona wazi huu wimbo unatuhusu mimi na wewe.” Nilianza kufunguka rasmi. Nilimtazama Jennifer aliipokeaje kauli hiyo. Nilimwona akistuka, niliaona wazi kuwa alianza kuhisi ni nini kilikuwa kinakaribia kutokea.



“mmh, kivipi mbona sikuelewi.” Alisema Jennifer. Sikujali sana maana ni kawaida kwa wasichana kujifanya wana vichwa vizito kuelewa mambo wakati wa kutongozwa.



“nahisi kuwa mimi na wewe tunahitaji kuwa katika ukaribu kiasi ambacho maudhui ya huu wimbo yawe yanatulenga sisi kwa asilimia zote.” Nilifunguka zaidi. pia niliona Jennifer akizidi kuchanganyikiwa.



“barry, unazidi kunichanganya. Unaongea kwa mafumbo sana.” Jennifer alijifanya alikuwa na kichwa kizito sana. Huenda alitaka nitamke waziwazi kuwa ‘nakupenda’. Hilo neno binafsi huwa sipendi kulitumia wakati wa kutongoza kwa sababu naamini ‘nakupenda’ ni neno ambalo linabeba maana kubwa sana ambayo mimi huwa naona sikidhi vigezo vya kulitumia. Kwangu ‘nakupenda’ ni neno takatifu, hivyo sikupaswa kulitamka hovyo.



Lakini kulingana na jinsi Jennifer alivyokuwa akijifanya haelewi nilijikuta nalazimika kutaka kulitumia. Kiukweli sikutaka kumtamkia Jennifer kuwa nampenda kwa sababu ki ukweli sikuwa nampenda bali nilikuwa nataka kutumia njia hiyo ili yeye awe mbali na mimi. Lakini sikuwa na jinsi, nikalazimika kulitumia.



“jennie, nahisi kukupenda sana. Natamani kuwa karibu na wewe zaidi ya ilivyo sana. Na nahisi ndiyo sababu nikajikuta nakuimbia wimbo huu ikiwa kama sehemu ya ndoto zangu nilizonazo juu yako.” Nilitamka sentensi hiyo huku nafsi yangu ikitambua kuwa sikuwa nasema ukweli. Nilihisi hisia za majuto ndani yangu, lakini sikuwa na namna, ilinibidi kupambana nazo huku nikiendelea na jambo lile lilikuwa mbele yangu.



“barry, acha utani bwana. Usianze mambo yako hapa.” Alisema Jennifer huku akiwa na aibu. Na mimi sikutaka kupoteza muda, niliendelea kugongelea misumari kidogo kidogo.



“nitapata faida gani mimi nikikutania wewe katika hili, eeh. Nipo serious kabisa jennie.” Ilikuwa ni kauli isiyokuwa na nguvu sana kihisiaa ila ilikuwa ni ya kimkakati, kurudisha fikra za Jennifer karika mjadala uliokuwa mbele yetu.



“barry hebu acha bwana, hebu tuongee kuhusu mambo mengine.” Alisema Jennifer, ni kama alikuwa bado hataki kwenda kama nilivyokuwa nataka mimi.



“kwa hiyo hili ninalokwambia halina maana yoyote sio.” Ilikuwa ni kauli nyingine ya kimkakati, kumfanya yeye ajione kama alikuwa akininyanyasa mimi kihisia. Haya yote niliyafanya ili kutengeneza njia ya jkwa silaha kuu ambayo nilikuwa nimeitunza bado.



“barry, una nini wewe leo? Unajua sikuelewi kabisa” aliongea huku akicheka. Ni kama alitaka kunitoa nje ya mchezo. Kwa jinsoi alivyokuwa anaonekana, niliona kama nikienda kwa staili ile angenitesa sana. Hivyo nikaamua kuchukua silaha yangu ya kutegemewa. Niliamini kuwa ingemaliza mchezo mapema kabisa.



“basi nakuomba ujitahidi kunielewa hivyo hivyo, I love you jennie. Unajua kipindi kile tulipokuwa hatuelewani mimi na wewe nilikuwa nakuchukia sana. Nilikuwa nakuona kama adui wangu namba moja hapa shuleni. Lakini tangu tulivyokuja kumaliza tofauti zetu nimekuja kugundua vitu vingi vizuri ambavyo Mungu amekubariki navyo. Wewe ni mkarimu, unajali, uko vizuri upstairs, na kingine cha zaidi ni kuwa wewe ni mrembo sana jennie. Kama kuna mtu alishawahi kukwambia kuwa wewe ni mrembo basi mimi leo nakazia kabisa kwa kizungu, you’re so beautiful, jennie. Kwa hiyo nakuomba kama ukiridhia basi unipe nafasi ya mimi kuwa sehemu ya furaha yako” nilitiririka maneno ambayo niliamini kuwa yangemgusa Jennifer na kumfanya aondoe fikra za yeye kuona kuwa nilikuwa namtania. Japo moyoni sikuwa na hata chembe ya hisia naye ila nilivaa uso wenye hisia za kubeba kile ambacho nilikitamka.



Nilimwangalia Jennifer usoni, alionyesha wazi alikuwa aliyechanganyikiwa. Ni wazi hakutarajia kusikia alichokisikia. Muda mwingi alikuwa anangalia chini na pembeni. Hakuwa na uwezo wa kunitizama usoni tena, alianza kunionea aibu. Katika muda wote huo alikuwa amekaa kimya bila kuongea chochote.



“jennie, kwa nini upo kimya? ongea basi nikusikie” nilimpa nafasi ili nisikie ni nini kilikuwa nafsini mwake. Nilifanya hayo yote huku moyoni nikiomba siku hiyo asinikubalie ili niweze kutimiza lengo langu la kujiweka mbali na yeye. Si jambo zuri kucheza na hisia za mtu ila nililazimika kufanya hivyo kwa kuwa niliona kuwa hakukuwa na njia nyingine bora zaidi ya hiyo.



Itaendelea….
Click to expand...

Super.
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register