Hadithi: Maisha yangu nyuma ya pazia jeusi

Hadithi: Maisha yangu nyuma ya pazia jeusi

Stephen Chelu said:
Samahani wakuu,
Nimesafiri mahali na sikubeba pc yenye hizo docs za simulizi ila nitageuka jumanne hivyo jumatano tutaendelea pamoja na kufidia iliyokosekana Jana.
Click to expand...
Poa poa mkuu.
Shukran kwa taarifa maana wanajukwaa tulikua tumeshajipanga kisaikolojia leo.
Tuko pamoja kiongozi.
 
Japo pia leo nimeshindwa kugeuka na huenda nikaendelea kusalia huku kwa wiki kadhaa ila jambo jema ni kuwa tutaendelea kupata mwendelezo wa riwaya hata kama maktaba yetu iko mbali huko.

Leo tunapiga sehemu ya tisa na ya kumi kisha utaratibu utaendelea kama kawaida.
 
MAISHA YANGU NYUMA YA PAZIA JEUSI



SEHEMU YA 09



Ilipoishia…



Mwalimu alipandwa na hasira akaja kunishika mkono, alianza kunivuta kunipeleka mbele ya darasa. Aliniamrisha nishike chini anichape nikagona. Akatumia nguvu nikazidiwa, akanichapa fimbo idadi ambayo hadi sasa huwa sikumbuki. Baada ya hapo aliwaambia wanafunzi watoke nje ili nifagie darasa na pia akanipa adhabu ya kuchimbua visiki vinne.



Wakati wanafunzi wanatoka nje mimi nikawa nawaza nifanyaje. Nilikuwa nimepandwa na hasira sana. Nikaamua kuwapa ushindi Jennifer pamoja ma mwalimu, nilikubali kufagia darasa. Wakati naanza kufagia walikuja wanafunzi wengine wachache kunisaidia. Baada ya hapo nilikwenda kuchukua vifaa kwa ajili ya kuchimba visiki.



Sasa endelea…



Niliendelea kufanya yote hayo huku nikiwa na hasira juu ya Jennifer na nilikuwa naamini ipo siku ataingia kwenye kumi na nane zangu. Ilinichukua siku tatu kukamilisha ile kazi ya kuchimbua visiki na kwa siku zote sikuingia kabisa darasani. Baada ya kurudi rasmi darasani niliamua kutulia na kujikita katika kusoma kwa bidii, a lengo lilikuwa nikamate nafasi ya juu zaidi darasani.



Mtihani wa mid-term ya kwanza tukafanya, matokeo yakatoka. Nilikuwa wa tatu. Jambo hili lilinivunja moyo kwani mabadiliko yalikuwa madogo sana. Nilianza kwa nafasi ya pili, nikashuka hadi ya nne na sasa nilikuwa nimepanda kwa nafasi moja tu. lakini nakaamua kupiga moyo konde. Safari iliendelea, ukaja mtihani wa mhula wa kwanza. Nikawa wa pili kwa wastani wa alama sita nyuma ya Jennifer. Tukaendelea na masomo. ukaja mtihani wa mock mkoa mwezi wa nane muda mchache baada ya kufungua shule, tukafanya na tukawa tunasubiri matokeo. Kwa muda wote huo nilikuwa na chuki kubwa sana juu ya Jennifer, Jennifer alikuwa adui yangu namba moja.



Nakumbuka kuna siku jrnnifer alikuja kutoa tangazo kuwa mwalimu wa hesabu alikuwa anaomba tupendekeze muda wa ziada ili awe anatufundisha ili kujiweka sawa na mtihani wa taifa kidato cha pili. Kwa dharau na manjonjo yote nikanyoosha mkono, kabla hata ya kuruhusiwa nikaanza kuongea.



“kamwambie mwalimu sisi hatujamuomba, tukiwa na hitaji nae tutamwambia” watu wengi walicheka na wengine walikasirika kwa kauli yangu. Na aliyekasirika zaidi alikuwa ni Jennifer. Chuki yangu kwa Jennifer ilinifanya nijisikie kumpinga kila kitu hata vile ambavyo hakuwa anahusika yeye moja kwa moja.



“we Barry wewe, kama hautaki kusoma ni wewe sawa, waache wenzako wanaotaka kusoma waongee” alisema Jennifer kwa hasira kuhu akininyoosha kidole.



“kama kwenye mtihani watatoa hesabu za form four sawa kamwambie aje lakini kama ni hizi hizi za form two, hatumtaki” watu walizidi kucheka na kukasirika kwa waliokuwa wamekasirika. Hali hiyo ilisababisha kelele ambazo zilisababisha mwalimu aliyekuwa anapita jirani na darasa aje.



Mwalimu alipoingia darasani, darasa likaa kimya. Kwa kuwa monitress alikuwa mbele mwalimu aliamua kumuuliza ni nini kilikuwa kinaendelea. Naye Jennifer akaamua kupigilia msumari kwa kusema kila ktu kilichakuwa kimetokea huku akitilia mkazo majibizano yaliyotekea kati yangu na yeye. Hali hii ilimkasirisha sana mwalimu na kunitaka kuambatana na yeye kwenda ofisini. Na mimi bila kupinga nikaenda. Na tulielekea ofisini. Baada ya kufika ofisini mwalimu alianza kunisomea mashitaka kwa walimu wengine ambao nao walionyesha kukereka hasa na ile kauli ya kusema kuwa hatumuhitaji mwalimu.



Mwalimu wa somo husika aliitwa. Naye akaja huku akiwa amefura kwa hasira. Akanilima fimbo za kutosha kisha kesi ikaenda ofisi ya nidhamu. Baada ya siku tatu Kamati ya nidhamu ya waalimu ikakaa. Maamuzi yakatoka kuwa kwa kuwa ilionyesha mimi sikuhitaji kufundishwa, ingebidi nirudi nyumbani hadi siku ya mtihani wa taifa wa kidato cha pili. Kama utani hivi, siku iliyofuata nikabeba begin a kuanza safari ya kwenda nyumbani.



Nilifika nyumbani saa sita mchana. Niliwakuta mama na mdogo wangu aliyekuwa hajaanza shule wakiwa nyumbani. Mama Alistuka kuniona nimerudi na wakati hakukuwa na likizo wala taarifa ya kurudi nyumbani. Kabla hata ya kuweka mabegi wala kukaribishwa ndani wala kiti aliniuliza ni nini kilikuwa kimetokea, nikamjibu kuwa nimefukuzwa hadi siku ya mtihani. Akauliza ni nini kisa, nikamwambia kuwa nilitoa ushauri ya kuwa mwalimu asije kufundisha masomo ya ziada hadi tutakapokuwa tunamuhitaji na walimu wakadai nimemdharau.



“hivi wewe, mwalimu anajitolea kufundisha masomo ya ziada we unamkataa! Hivi umekuwaje wewe! Ngoja nimpigie baba yako.” Alienda chumbani kuchukua simu yake kisha akaja mahali nilipokuwa nimesimama. Akapiga simu wakati tukiwa wote. Mama sasa aliamua kunichoma kwa baba. Ila nilikuwa sina hofu kwa sababu baba hakuwa ni mtu mwenye kusema sana au matata mengi. Japokuwa alikuwa anaweza kuongea maneno machache tu yakakufanya uwaze wiki nzima. Simu ikapigwa, sauti ikisikika “samahani hauna salio la ku……..” kabla ya sauti hiyo kukamilika alikata simu.



“bahati yako…lakini ngoja nimtumia meseji, ni lazima ajue upuuzi wako sasa hivi” alisema kwa hasira huku akianza kubofya simu. Niliendelea kumwangalia huku nikishangaa kwani ni nini kilikuwa kimempata mama yangu kunikomalia kiasi kile. “yaani sisi tunajinyima wewe usome wewe unamwambia mwalimu asije, barry na nani aliyekuroga lakini mwanangu.?” Aliniuliza. Nilikaa kimya, Sasa mimi ningemjibuje, wakati sikuwa nakumbuka kama kuna mtu aliwahi kuniroga.



Muda kidogo mama alinionyesha simu. Baba alikuwa amejibu, alijibu kwa neno moja tu tena kwa herufi kubwa ‘NAKUJA’ kicha akaondoka kwenda chumbani kwao akiniacha nikiwa nimesimama na begi langu. Nilitokwa na wazimu. Jibu lile lilinipa wasiwasi sana maana lilikuwa ni jibu la mkato. Lakini nikajipa muda kusubiri.



Jioni ikafika, baba akarudi. Nikamsalimia..



“hiyo shikamoo yako ingekuwa na maana kama sasa hivi ungekuwa shulu” alijibu baba kuhu akipitiliza ndani. Nikajua siku hiyo nilikuwa nimepatikana. Muda kidogo alirudi.



“kimekurudisha huku?” lilikuwa ni swali la kwanza kwa jinsi alivyokuwa anaonyesha uso wa kukasirika sikutaka kujibu. Niliona ni bora nikae kimya. “nimepiga simu shuleni nikaambiwa kuwa ulikataa mwalimu asije darasani, hivi ni lini umejifunza huu ujinga?” pia hapa nilikaa kimya. Wakati nikiwa naendelea kuwaza nilistushwa na sauti kutoka kwa baba akiniamuru nipotee mbele ya macho yake asije akanitolea maneno makali.



Daaah sikuwa na jinsi. Nilirudi ndani kwangu. Nikajifungia. Nikatulia na kuwaza. Yote hayo nilikuwa nayapata kwa ajili ya kujaribu kumkomesha Jennifer ambaye muda huo yeye alikuwa shuleni akisoma. Nikajiona mjinga. Nikajutia kitendo changu cha kipuuzi. Nikajutia kuwafanya wazazi wangu wawe na hasira juu yangu. Nikapanga kurudisha imani waliyokuwa nayo wazazi wangu juu yangu. Nilijiapiza kuwa ni lazima nisome kwa bidii palepale nyumbani ili nipate matokeo mazuri



Usingizi ulinipata japo kwa shida sana.



Kesho yake asubuhi, niliamka mapema. Nikaanza kusoma, sikuwa na mchezo tena. Nilijua nilifanya makosa na njia pekee ya kuyasahihisha makosa ilikuwa ni kusoma kwa bidii maana kama ningepata matokeo mabaya wazazi wangu wangenilaumu sana kutokana na tukio lililotokea siku hizo zilizopita. Hadi saa nne nilikuwa sijafungua mlango wa chumba changu, huenda hali hii iliwafanya wazazi wangu kuwa na wasiwasi juu yangu maana ilipofika saa nne na dakika zake nilimsikia baba akiomba nifungue mlango. Nami bila kuchelewa nikafunngua. Baada ya kufungua mlango aliniuliza



“unafanya nini?”.



“nasoma” nilimjibu kwa kifupi



“hebu acha kuwa mnafiki, nenda kwanye chai huko. Kama ungekuwa unapenda kusoma usingerudishwa nyumbani” nilijua kuwa hakuwa anaamini kuwa nilikuwa nimedhamiria kusahihisha makosa. Lakini niliamini angejua ukweli huo siku chache ambazo zingefuata. Nilienda kunywa chai kisha nikarudi ndani kusoma na ilipofika jioni nilitoka kwenda kwenye kiwanja cha kijiji kuangalia mazoezi ya mpira wa miguu. Huu ndiyo ukawa utaratibu wangu wa kila siku.



Mwezi mmjoja baadaye matokeo ya mock yalitoka. Nilijua hivyo baada ya baba kuniambia kuwa kuna mwalimu mmoja kampigia simu na kumwambia kuwa nilikuwa wa kwanza kishule na wa saba kiwilaya. Nilifurahi sana kusikia hivyo. Hata wazazi wangu walifurahi sana.



Siku iliyofuata baba alikuja na akakaa kwenye kitanda akawa ananiangalia. Sikujua alikuwa amefuata nini. Nikawa nimekaa tayari kupokea lolote kutoka kwake. Kweli muda kidogo alianza kuondea.



“barry” aliniita



“naam baba” nilitika huku nikiweka peni chini na kumgeukia kisawasawa kwa nidhamu ya hali ya juu.



“usijitese, unajua sisi binadamu huwa tunafanya makosa. Hata mimi huwa nafanya makosa pia. Kwa hiyo si ajabu wewe kukosea, kila mtu kukosea. Kukosea si dhambi bali dhambi ni kutojihangaisha kusahihisha makosa yako. Umedhibitisha kuwa wewe ni bora. Na usijisikie vibaya kwa maneno niliyokuambia. Mimi ni binadamu, kuna wakati nakasirika. Lakini wanaume huwa hatusemi ‘naomba unisamehe’, huwa tunasema ‘yaishe’. Barry, kuwa na amani, sawa?” Alisema huku akitabasamu, hali iliyofanya na mimi nitabasamu. “usitumie nguvu nyingi kusahihisha makosa yako, wewe ni kati ya wale walio bora” aliongea huku akisimama kuonyesha kuwa alikuwa ameshamaliza kile alichotaka kuongea na mimi hivyo alikuwa anaondoka. Wakati baba akiwa bado hajaondoka, nilimwona mama akiwa mlamgoni akituangalia huku akitabasamu.



“naona wanaume mkiyajenga” alisema huku akitabasamu na kicheko kwa mbali.



“ndiyo bwana” alisema baba kwa sauti ya uchangamfu.



“naona, mmesahau hata kwamba kuna chai, haya njooni haraka maana itapoa” alisema mama huku akiondoka.



Mimi na baba tukaongozana kwenda kupata kifungua kinywa kwa pamoja. Kwa wakati huo tulikuwa ni familia yenye furaha.



Siku zilipita na hatimaye siku ya kwenda kufanya mtihani ikawadia. Nikaenda, nikakutana na marafiki zangu, wanafiki wangu na maadui zangu. Walimu wengi walionekana kunichukia lakini sikujali. nikafanya mtihani nikarudi. Mtihani haukuwa mgumu zana, nilitegemea kufanya vizuri. Nilikaa likizo ambayo tuliitumia vema sana pamaja na Denis kuvisarandia visichana vya shule ya msingi. Na tulifanikiwa kwa kiasi kikubwa maana vilikuwa vinajisikia fahari sana mbele ya wenzai kuwa na wavulana ambao wanasoma shule ya sekondari.



Shule ikafunguliwa, tukaenda shule kama kidato cha tatu. Lile wiki tulilofika shuleni siku ya ijumaa matokeo yalitoka. Na hapo ndipo furaha yangu ilipodhihirika kwa mara nyingine. Nilikuwa wa kwanza kishule na wa tano kiwilaya. Na mtu aliyekuwa akinifuata hakuwa mwingine, bali ni jeninifer. Akiwa nyuma yangu kwa wastani wa alama 2, yeye alikuwa na wastani wa 79 huku mimi nikiwa na wastani wa 81. Kuongoza kwangu katika mtihani kulizua gumzo sana kwa kuwa sikuwa shuleni kwa kipindi karibu miezi miwili na nusu. Hata walimu waliokuwa wakinionyesha kunichukia walijilazimisha kuonekana wema. Lakini hali ilikuwa mbaya zaidi kwa Jennifer na kambi yake ya upinzani.



Na mimi nilijiapiza kuongeza machungu juu yao siku ya jumatatu. Niliomba jumatatu ifike salama nifanye niliyokuwa nataka kufanya. Siku ya jumatatu iliwadia. Ulipofika muda wa paredi tukaitwa wale tuliokuwa tumefanya vizuri kuanzia wa kwanza hadi wa kumi pale mbele ya wanafunzi wote. Walimu walitusifia kila mtu na maneno yake. Baada ya hapo tukapewa wosia kuwa tusilegeze kamba na tukaahidiwa kupewa zawadi zetu siku chache zijazo. Baada ya hayo tuliruhusiwa kwenda katika nafasi zetu na kisha tukatawanyishwa kwenda madarasani.



Baada ya kufika darasani nilisubiri watu wote waingie na wakae. Baada ya kuona asilimia kubwa ya watu wameshaingia nilinyanyuka na kwenda kwenda mbele ya darasa kuangalia kipande cha chaki. Wakati nikiwa naenda mbele watu walikuwa wakiniangalia kwa macho makali kutaka kujua ni nini nilikuwa naenda kufanya, sikujali. Baada ya kufika mbele na kuangalia kama nitaweza kupata kipande cha chaki, sikufanikiwa kukiona. Sikukata tamaa, nilitoka nje kwenda kuangalia. Kwa bahati nzuri nikakipata, nikarundi ndani kisha nikaenda mbele ya ubao kisha nikaandika maneno yafuatayo kwa herufi kubwa “UNAJISIKIAJE KWA SASA? INAUMA EEH? KAMA VIPI CHOMOA” kisha nikaenda zangu kukaa. Muda wote huo darasa lilikuwa kimya kiasi lakini taratibu kulianza kusikuka minong’no kwa mbali.



Nilitumia muda huo kumwangalia mbaya wangu, Jennifer ambaye kwa muda huo alijifanya yupo ‘bize’ kukagua daftari la mahudhurio, ila nilijua kuwa habari yake alikuwa tayari alishaipata. Baada ya dakika chache mwalimu wa kipindi cha kwanza siku hiyo ambacho kilikuwa ni hesabu akaingia. Alikuwa ni yuleyule ambaye nilimwambia monitress akamwabie kuwa hatukumuhutaji kwa muda ule hadi tutakapo mwambia, na moja kwa moja akakutana na yale maandishi ubaoni. Alilitizama darasa ambalo nalo lilikuwa linamtazama.



“nani ameandika maneno haya ubaoni?” mwalimu aliuliza. Wanafunzi baadhi wakageuka kuniangalia mimi. Nikajua nimeyakwaa tena mengine.



Inaendelea….
 
MAISHA YANGU NYUMA YA PAZIA JEUSI.



SEHEMU YA 10



Ilipoisha….



Nilitumia muda huo kumwangalia mbaya wangu, Jennifer ambaye kwa muda huo alijifanya yupo ‘bize’ kukagua daftari la mahudhurio, ila nilijua kuwa habari yake alikuwa tayari alishaipata. Baada ya dakika chache mwalimu wa kipindi cha kwanza siku hiyo ambacho kilikuwa ni hesabu akaingia. Alikuwa ni yuleyule ambaye nilimwambia monitress akamwabie kuwa hatukumuhutaji kwa muda ule hadi tutakapo mwambia, na moja kwa moja akakutana na yale maandishi ubaoni. Alilitizama darasa ambalo nalo lilikuwa linamtazama.



“nani ameandika maneno haya ubaoni?” mwalimu aliuliza. Wanafunzi baadhi wakageuka kuniangalia mimi. Nikajua nimeyakwaa tena mengine.



Endelea……



Baada ya kufikiria kwa muda niliamua kutoka mbele nikiwa najiamini kabisa, hii ni kwa sababu nilikuwa nina furaha kwa kuwa kile nilichokuwa nataka kufanya kilikuwa kimekamilika. nilifika pale mbele, nikamwangalia mwalimu pasipo na woga. naye akaniangalia.



"simama hapo" alinionyeshea mahali pa kusimama. ilikuwa ni katikati ya darasa kwa upande wa mbele. nikasimama kuliangalia darasa. "hayo maandishi uliyoandika yana maana gani?” aliniuliza mwalimu lakini sikujibu “una tatizo gani we mtoto. au hiyo namba moja uliyoipata ndo inakupa kuburi sio, yaani wewe mtoto umekaa kihunihuni tu". alisema mwalimu, sikutaka kumjibu maana nilikuwa naujua moto wake. "wewe unarakiwa uondoke shule hii, na naona ndicho unachokitafuta" aliendelea mwalimu. "hebu twende ofisini" aliongea mwalimu huku akinishika mkono na kunivutia nje.



Matukio yote haya yalikuwa yanazalisha hisia mbili tofauti kwa upande wangu. hisia ya kwanza ni hisia ya furaha. nilikuwa nafurahi kwa sababu kile nilichokuwa nahitaji kufanya kilikuwa kimekamilika. hisia ya pili ilikuwa na hisia ya woga, nilikuwa naogopa kwa kuwa sikuwa najua kuwa baada ya kufika ofisini ni hatua gani zingechukuliwa dhidi yangu ikizingatiwa kuwa hili lilikuwa ni tukio la pili kubwa la utovu wa nidhamu kulifanya shuleni. Nilijiuliza itakuwaje kama nikirudishwa nyumbani tena hali nimekaa wiki moja tu na siku chache tu baada ya kufungua shule na ikizingatiwa kuwa mwalimu alikuwa tayari ameanza kunitisha kuwa napaswa kufukuzwa shule. Na ukweli ni kuwa kadri muda ulivyokuwa unakweda, hofu ilizidi kuongeka zaidi kuliko furaha.



Tulifika ofisini na kukuta walimu wakiwa wanaendelea na shughuli zao za kawaida. Baada ya sisi kuingia kuna waliotupa macho kutuangalia na wengine waliendelea na kazi zao kama kawaida. mwalimu akaniambia nisimame katikati ya ofisi ili kila mtu mule ndani aweze kuniona, nami nikatii.



"ameharibu tena" alisema mwalimu aliyenipeleka ofisini. Walimu wengine nao ambao awali walikuwa wanaendelea na mambo yao na wakaanza kuniangalia.



"kidume hiki kimefanyaje tena?" aliuliza mwalimu mmoja wa kike.



"nimeingia darasani nifundishe ila nilichokikuta kimeandikwa ubaoni na huyu kijana kimenifanya nisitishe zoezi la kufundisha kwanza, hebu sema ulichokiandika, mwenyewe" aliniambia mwalimu huku akiwa amenikazia macho kisawasawa. Ulikuwa ni mtihani mkubwa kwa kweli, kutamka maneno yale mbele ya walimu ilikuwa ni vigumu sana. Niliamua kukaa kimya huku nikiwa nimeinamisha kichwa changu chini. Mwalimu aliendelea kunilazimisha lakini na mimi niliendelea kuonyesha kiburi kwa kutokuongea. "hivi si ni wewe uliyeandika hayo na ni kwa nini sasa hivi unajifanya kuwa bubu?, sema kabla sijaanza kukucharaza bakora" aliongea mwalimu yule aliyenichukua kutoka darasani.



baada ya kuona kuwa bado sijibu, alinikamata na kuanza kunichapa viboko. Kusema ule ukweli alinichapa sana. Baada ya yeye kuona kuwa amenichapa sana na walimu wengine hawajajua ni nini nilikuwa nimekosa aliamua kuwaambia kile nilichikuwa nimekiandika. Hapo ndipo ofisi nzima ilijaaa na makelele ya walimu kila moja akiongea lake. wengine walishangaa, wengine walikasirika, wengine walihuzunika ilimradi kila mmoja alitoa hisia zake alizokuwa akizipata.



wakati haya yote yakiendelea, mkuu wa shule aliingia na kukuta kuna vurumai kidogo kutokana na kile kilichokuwa kimetokea. aliniangalia mimi ambaye kwa muda huo nilikuwa nalia kutokana na kipigo.



"ni nini kinaendelea hapa?" aliuliza mkuu wa shule.



"yaani huyu kijana si wa kuvumilika mkuu, pamoja na uwezo alionao darasani lakini kwa anayoyafanya anapaswa kuondoka kabisa. Huyu mtoto hana nidhamu" alisema mwalimu.



"barry umefanyaje?" aliniuliza mkuu wa shule. sikuwa na nguvu za kujibu. ilikuwa ni kama aliniambia 'hebu anza kulia' maana maana nilitoa kilio kikubwa. hadi mkuu wa shule akashangaa. "We kijana hebu njoo ofisini kwangu, nifuate" alisema mkuu wa shule "walimu hebu subirini hapa"



Nami bila kusita nikamfuata mkuu wa shule kuelekea mahali ilipokuwa ofisi yake. Baada ya kufika ofisini aliniamuru nisimame mbele ya meza yake kisha yeye alienda kukaa.



"Barry, niambie umefanyaje, kwa mdomo wako mwenyewe." kiukweli sikujua kama nikiyatamka maneno yale ni nini kingetokea. niliamua kukaa kimya "barry, hii ni the last chance nakupa. Ukishindwa kufanya hivyo utakuwa umejifukuzisha shule mwenyewe, nasema haya nikiwa namaanisha haswa. Kama bado unapenda shule nambie umefanyaje" nilipomwangalia mkuu wa shule nilimuona ni jinsi gani alikuwa amaweka uso wa mbuzi, hakuwa na uso wa masihara hata kidogo.



"Naomba mnisamehe, sitarudia tena. Nitakuwa mtiifu kuanzia sasa" nilisema kuomba msamaha maana nilijua mahala nilipokuwa naelekea si pazuri hata kidogo.



"Nikusamehe kwa lipi?, sema kwanza ulichokifanya halafu ndo mambo mengine ndo yatafuata. na nakuomba usitake kunikasirisha sasa hivi". Alisema huku akisimama. Nilijua hapa muda si mrefu kingenuka, hivyo nikaamua kusema nilichokifanya.



"Mkuu, nilikuwa nimeandika maandishi ubaoni...niliandika ‘unajisikiaje kwa sasa? Ina..inauma eeh? Kama vipi cho….cho….chomoa’ nilisema kwa kusitasita maana nilikuwa nalialia kwa woga mkubwa sana.



Mkuu wa shule aliposikia maneno hayo alikaa chini kisha akanitupia jicho la mshangao. Aliniangalia kwa uda mrefu bila kusema neno lolote, ni kama alikuwa anatafakari ni nini aniambie. Alikunja ngumi kisha akawa anapigapiga mdomo kama ishara ya kutafakari. Baada ya muda, alivuta pumzi ndefu kisha akazishusha kisha akavunja ukimya.



"barry, uwezo wako ni mkubwa sana ila sidhani kama wewe unalitambua hilo. Wazia wazazi wako wanawekeza kiasi gani juu yako. Wazia ni jinsi gani wazazi wako wanafurahi wewe kufanya vizuri. Wazia uchungu watakaoupata baada ya wewe kufukuzwa shule ambako nimekuona kuwa unakutafuta sana kwa bidii zako zote. Barry...nidhamu ni kitu cha msingi sana na cha kuzingatika katika maisha yako yote. Unaweza ukawa na uwezo wa kupata kila kitu ambacho unakihitaji lakini kukosa kwako nidhamu kukakukosesha yote hayo. Barry jaribu kuangalia future yako. Na nakuambia ukweli huu ukae ukijua, kutokana na historia ya makosa yako leo ningekufukuza shule bila hata ya kamati ya walimu ya nidhamu kukaa, lakini kwa kuwa umefanya vizuri katika mtihani wa taifa...nimekusamehe ila ikitokea tena sitajiuliza mara mbili. Nina imani umenisikia, unaweza kwenda" alisema mkuu huku akiwa ameninyoshea kidole.



"asante mkuu..." nilitaka kuongeza maneno lakini nikashindwa, nikageuka na kuondoka huku nikiwa siamini kama ‘sooi lile liliisha kiulaini kwa staili ile. Nilifika darasani nikiwa nimeweka uso wa kawaida uliojaa utulivu ndani yake. Nikapita moja kwa moja hadi kwenye kiti changu. Baadhi ya marafiki zangu walikuja kuniuliza ni nini kilikuwa kimetokea, nikawaambia kila kitu kimekwisha, hakuna kesi tena maana mkuu wa shule alikuwa ameshayamaliza. Baadhi walifurahi lakini wengi walikasirika kutokana na kile nilichokuwa nimekiandika kilikuwa kinawakera wengi wao.



Wakati wa usiku wakati nikiwa najiandaa kulala nilianza kufikiria kuhusu maisha yangu yaliyopita na yale yajayo. Nikaona kuwa kwa jinsi nilivyokuwa naenenda ilikuwa si sawa na huenda baadae yangu ingehatarishwa na vitendo vyangu mwenyewe. Nilijiona kuwa nilikuwa natumia nguvu nyingi kupambana na Jennifer na matokeo yake mimi nikawa muathirika mkubwa wa mashambulizi yangu wenyewe. Nikaapa kubadilika. Nikaapa kuwa mtu asiye na matatizo na mtu, niliapa kuwa mwanafunzi mwenye utii. Na ili kukamilisha yote hayo nilipitisha uamuzi wa kuomba msamaha watu wote ambao nilikuwa nimewakwaza. Japokuwa baba yangu aliniambia kuwa wanaume huwa hawaombi msamaha bali husema ‘yaishe’, lakini mimi nilipanga kuomba msamaha. japokuwa wengine walikuwa wameniumiza na walistahili kile nilichowafanyia na hata zaidi lakini niliamua kusahau yote. Nilipanga kuwa mweupe, mweupe kama theluji.



Asubuhi iliyofuata baada ya kuingia darasani, kabla hata ya mwalimu hajaingia nilienda mbele, nikaomba watu wanisikilize. baada ya kuona wametulia nilianza kuzungumza.



"Jamani, nipo hapa mbele yenu mwanafunzi mwenzenu ili kuomba msamaha kwa yote ambayo yamekuwa yakitokea kati yangu na baadhi ya watu humu ndani hasa jennifer. jennifer, naomba unisamehe. Wewe una mapungufu yako ndio, lakini mimi naomba niyaache yote hayo. naomba unisamehe... na wengine ambao nilikuwa nawakwaza kwa namna yoyote ile naomba pia mnisamehe. Jennifer nasubiri mrejesho kutoka kwako" nilimaliza kuongea lakini nikabaki nimesimama ili kusubiri jibu kutoka kwa jennifer.



"barry, naomba usiniharibie siku yangu sawa... si uliamua kujitia kichwa ngumu twende tu hivohivo. hii ni mashine kubwa, utasanda wewe, na bado. Umenza kulialia mapema hii?" kisha akaachia kicheko cha kejeli hali iliyozua kelele kwa vicheko na minong'ono.



"Sawa, nashukuru sana" nilisema kwa utulivu kama sikuwa nimeathiriwa na kauli ya jennifer. Baada ya kusema hayo niligeuka na kuanza kwenda kukaa kwenye kiti changu. Baada ya kufika katika kiti changu nikakaa na kuendelea na yale niliyokuwa naona kuwa yanafaa kufanywa kwa muda huo.



Tukio la mimi kuomba msamaha lilizua gumzo karibu madarasa yote kuanzia kidato cha kwanza hadi cha nne. Hii ilichagizwa sana na umaarufu ambao nilikuwa nimeupata baada ya kuwa wa kwanza katika mtihani wa taifa wa kidato cha pili. Lakini mimi mara zote huwa sijali watu wanaongea nini kuhusu mimi, kama najiona nipo sahihi huwa sijishughulishi na chochote.



*************



Wakati tukiwa tumesimamma paredi kupokea matangazo ya kawaida ya kila siku, tulimuona mwalimu wa taaluma alipanda katika kajukwaa kadogo ka tofali kwa ajili ya kutolea matangazo paredi. Alikuwa akifuatiwa na walimu wengine waliokuwa wameebeba maboksi. Tulisubiri kuona nii nini kilikuwa kinataka kufanyika, japokuwa mimi nilikuwa nimeshahisi ni nini kilikuwa kinataka kufanyika. Muda kidogo alianza kuongea.



"good morning" alisalimia.



"good morning sir" nasi tukamwitikia.



“Leo tuna tukio muhimu sana. Tukio la kuwapongeza wale wote waliofanya vizuri katika mtihani uliopita wa kidato cha pili. Hii pia itasaidia kufanya nao wengine kuongeza juhudi ili kukipata kile ambao hawa wenzao wamekipata. kwa hiyo ukisikia jina lako njoo hapa mbele haraka, na uwape mikono walimu wote hapa mbele kisha unachukua zawadi yako na utasimama hapahapa kwa kuwa hii si zawadi pekee ambayo mtapewa. kuna kingine kikubwa baada ya hiki. Na kwa mliobaki, mnatakiwa kupiga makofi kwa nguvu wakati nitakapokuwa naita majina ya mashujaa hapa mbele yenu.” alisema mwalimu wa taaluma na muda mfupi alianza kuita, akianzia nafasi ya kumi.



Kila aliyeitwa alitajiwa alama alizokuwa amepata kwa kila somo na wastani aliokuwa ameupata kwa masomo yote. waliitwa wote na hatimaye na mimi nikaitwa. nilienda na nikachukua zawadi yangu. kuanzia mtu wa kumi hadi wa nne walipewa zawadi zilizokuwa zinafanana ambazo ni ma'counter book' mawili, peni tatu, penseli mbili na rula moja. na zilianza kutofautiana kuanzia nafasi ya tatu ambapo idadi ya makaunta iliongezeka na kuwa matatu na pia alipewa pesa taslimu shilingi elfu tano, wa pili makaunta manne na shilingi elfu kumi na mimi nikapata makaunta matano na shilingi elfu ishirini, huku idadi ya peni, penseli rula vikibaki vilevile.katika idadi hiyo ya watu kumi kulikuwa na wasichana wanne na wavulana sita.



Baada ya zoezi hilo kukamilika mwalimu alisema sasa ulikuwa ni muda wa kusema zawadi hiyo ya pili. Alitangaza kuwa sisi ambao tulikuwa tumepata zawadi pale tutapata nafasi ya kwenda kutalii kwenye moja ya mbuga ya wanyama hapa nchini. Mbuga ambayo ilikuwa katika mkoa ambao upo jirani na mkoa wetu na kiasi cha mwendo wa masaa saba kwa gari. Aliongeza kuwa katika safari hiyo tungelala huko siku tatu. Watu walilipuka kwa furaha sana hasa wale niliokuwa nao pale mbele. Kwa upande wangu sikupata msisimko wowote.



Mwalimu aliendelea kusema kuwa safari hiyo ingeanza jumatatu ya wiki litakalofuata. Alituambia kuwa utaratibu mzima wa safari ungefanywa na mwalimu wa michezo na burudani ambaye aliitwa madam Tricia. Baada ya hapo tuliruhusiwa kwenda kwenye nafasi zetu na kisha tukaamuriwa kwenda madarasani. Lakini mimi niliamua kwanza kupeleka bwenini zawadi nilizokuwa nimepewa, kisha nikaenda zangu darasani. Nilifika darasani na kwenda kukaa. Kwa muda huo nilianza kuwaza kuhusu safari hiyo ya kutalii. Nilijaribu kuwaza ni nini nitafaidika nacho endapo nitaenda na ni nini nitapungukiwa endapo sitoenda. Nikajipa majibu kuwa nikienda sitopata kitu chochote na hata nikibaki sitopungukiwa na kitu chochote, hivyo nikapitsha uamuzi wa kutokwenda kwenye hiyo safari.



Tuliendelea kusoma hadi ilipofika saa saba pale ambapo mwanafunzi wa kidato cha kwanza alipokuja darasani akileta maagizo kutoka kwa madam Tricia akituhitaji wote tuliokuwa tumeitwa mbele leo twende tukamuone muda huo. Basi mimi na wenzangu tukanyanyuka na kwenda kwa mwalimu. Baada ya kufika alitupa pongezi na kuanza kutupa mchakato mzima wa safari. Alituambia kuwa safari yenyewe ilikuwa inahitaji ushiriki wetu tu kwa maana kila kitu kitagharamiwa na shule kuanzia gharama za usafiri, chakula na malazi. Gharama ambazo zingekuwa juu yetu ni cha picha na vitu vyetu vingine vya binafsi.



Baada ya kupewa maelekezo mengine mwalimu alitupa nafasi ya kuuliza maswali na kutoa michango mingine ya kimawazo. Nikaamua kunyoosha mkono kwa haraka.



"enheee barry ongea" alisema madam Tricia.



" vipi kama mtu hataki kwenda?" niliuliza. Swali hili lilifanya kuwa mtu pale anitizame kwa mshangao.



"asiende kwa sababu gani labda?" aliuliza madam kwa mshangao.



"kwa sababu zake tu akaona kuwa hataki kwenda"



"vipi barry, unamaanisha hautaki kwenda?" mwalimu aliuliza kwa mshangao.



"ndiyo" nilimjibu. mwalimu alishangaa sana. akanisogelea karibu na kuniuliza ni kwa nini nilikuwa sitaji kwenda. "madam, mi sijisikii tu kwenda."



"barry, ni lazima uende" alisema mwalimu kwa msisitizo.



"na kama sitaenda je, nitapewa adhabu?"



"barry, sababu gani zinakufanya usiende? ile ni sehemu ya ku'refresh mind, kuburudika na kujifunza vitu vipya. Kwa hiyo mimi sioni mantiki ya wewe kutokwenda." baada ya madam kunijibu hivyo sikuona haja ya kuendelea kuongea tena maana tayari nilikuwa nimeshamaliza kusema kile nilichokuwa nataka kusema. Aliuliza kama kuna mwingine alikuwa na jambo tofauti na hilo, kukawa na ukimya. basi akaamuru wengine waondoke lakini aliniomba mimi nibaki.



baada ya wengine kuondoka mwalimu Tricia alianza kuniuliza ni kwa nini nilikuwa sitaki kwenda. nami nikamjibu ni kwa sababu tu nilikuwa sijisikii.



"barry hivi ni kwa nini wewe na jennifer hampatani, nimeshapata taarifa ya kuwa wewe na Jennifer ni maadui kutoka zamani na huenda ndicho kinachokusababisha usiende. hebu niambie ni kwa nini. au ulimtongoza akakukataa ndo ukaamua kumuwekea bifu?" alisema mwalimu huku akiwa na akitabasamu.



"Hamna, mimi na jennifer si maadui kama ulivyoambiwa na wala sijawahi mtongoza hata. pia kutokwenda kwangu hakuhusiani hayo mambo kabisa" nilijibu hoja zake zote.



"Sikiliza barry, najua huwezi kukubali ila mi najua kila kitu. Tafadhali sana nakuomba siku ikifika nikuone na wewe. Ukiamua kujitenga sana na hata walimu nao watakutenga pia, watakuchukulia kuwa una kiburi. Kumbuka ulishawahi kufukuzwa ukaja siku ya mtihani wa taifa, hapa juzijuzi ukaharibu tena lakini nasikia mkuu wa shule alilimaliza kimya kimya na hapa kama ukigomea hii safari hakuna mtu mwingine atajishughulisha na wewe tena. Unaweza ona ni kitu kidogo lakini kitakuharibia sana. Anyway unaweza acha kwenda lakini kitakachokuja kukutokea huko mbeleni, utayakumbuka maneno yangu. Unaweza kwenda darasani" alisema mwalimu akiwa hana hata chembe ya utani. nilipata kigugumizi kidogo kuondoka, lakini nikafanya hivyo huku nikiwa nayatafakari maneno ya mwalimu Tricia.



nilipokaa na kufikiria zaidi niliona kuna ukweli flani hivi ndani yake na nikaona si vyema kama sitoenda. Siku zikasogea, mimi na wenzangu tukaanza kujiandaa na safari ya kwenda kutalii. Lakini kuna kitu kimoja ilikuwa kinanipa shida sana. Nilikuwa nawaza itakuwaje mimi na jennifer. maana kwa uchache ule ni lazima kuna mahali kungekuwa na muungano wa moja kwa moja na yeye lakini yeye tangu ile siku nimeomba msamaha darasani alionekana kuwa bado alikuwa na hasira na mimi japokuwa chanzo cha yale yote ni yeye. Sikujua ingekuwaje.



Itaendelea….
 
Stephen Chelu said:
MAISHA YANGU NYUMA YA PAZIA JEUSI.



SEHEMU YA 10



Ilipoisha….



Nilitumia muda huo kumwangalia mbaya wangu, Jennifer ambaye kwa muda huo alijifanya yupo ‘bize’ kukagua daftari la mahudhurio, ila nilijua kuwa habari yake alikuwa tayari alishaipata. Baada ya dakika chache mwalimu wa kipindi cha kwanza siku hiyo ambacho kilikuwa ni hesabu akaingia. Alikuwa ni yuleyule ambaye nilimwambia monitress akamwabie kuwa hatukumuhutaji kwa muda ule hadi tutakapo mwambia, na moja kwa moja akakutana na yale maandishi ubaoni. Alilitizama darasa ambalo nalo lilikuwa linamtazama.



“nani ameandika maneno haya ubaoni?” mwalimu aliuliza. Wanafunzi baadhi wakageuka kuniangalia mimi. Nikajua nimeyakwaa tena mengine.



Endelea……



Baada ya kufikiria kwa muda niliamua kutoka mbele nikiwa najiamini kabisa, hii ni kwa sababu nilikuwa nina furaha kwa kuwa kile nilichokuwa nataka kufanya kilikuwa kimekamilika. nilifika pale mbele, nikamwangalia mwalimu pasipo na woga. naye akaniangalia.



"simama hapo" alinionyeshea mahali pa kusimama. ilikuwa ni katikati ya darasa kwa upande wa mbele. nikasimama kuliangalia darasa. "hayo maandishi uliyoandika yana maana gani?” aliniuliza mwalimu lakini sikujibu “una tatizo gani we mtoto. au hiyo namba moja uliyoipata ndo inakupa kuburi sio, yaani wewe mtoto umekaa kihunihuni tu". alisema mwalimu, sikutaka kumjibu maana nilikuwa naujua moto wake. "wewe unarakiwa uondoke shule hii, na naona ndicho unachokitafuta" aliendelea mwalimu. "hebu twende ofisini" aliongea mwalimu huku akinishika mkono na kunivutia nje.



Matukio yote haya yalikuwa yanazalisha hisia mbili tofauti kwa upande wangu. hisia ya kwanza ni hisia ya furaha. nilikuwa nafurahi kwa sababu kile nilichokuwa nahitaji kufanya kilikuwa kimekamilika. hisia ya pili ilikuwa na hisia ya woga, nilikuwa naogopa kwa kuwa sikuwa najua kuwa baada ya kufika ofisini ni hatua gani zingechukuliwa dhidi yangu ikizingatiwa kuwa hili lilikuwa ni tukio la pili kubwa la utovu wa nidhamu kulifanya shuleni. Nilijiuliza itakuwaje kama nikirudishwa nyumbani tena hali nimekaa wiki moja tu na siku chache tu baada ya kufungua shule na ikizingatiwa kuwa mwalimu alikuwa tayari ameanza kunitisha kuwa napaswa kufukuzwa shule. Na ukweli ni kuwa kadri muda ulivyokuwa unakweda, hofu ilizidi kuongeka zaidi kuliko furaha.



Tulifika ofisini na kukuta walimu wakiwa wanaendelea na shughuli zao za kawaida. Baada ya sisi kuingia kuna waliotupa macho kutuangalia na wengine waliendelea na kazi zao kama kawaida. mwalimu akaniambia nisimame katikati ya ofisi ili kila mtu mule ndani aweze kuniona, nami nikatii.



"ameharibu tena" alisema mwalimu aliyenipeleka ofisini. Walimu wengine nao ambao awali walikuwa wanaendelea na mambo yao na wakaanza kuniangalia.



"kidume hiki kimefanyaje tena?" aliuliza mwalimu mmoja wa kike.



"nimeingia darasani nifundishe ila nilichokikuta kimeandikwa ubaoni na huyu kijana kimenifanya nisitishe zoezi la kufundisha kwanza, hebu sema ulichokiandika, mwenyewe" aliniambia mwalimu huku akiwa amenikazia macho kisawasawa. Ulikuwa ni mtihani mkubwa kwa kweli, kutamka maneno yale mbele ya walimu ilikuwa ni vigumu sana. Niliamua kukaa kimya huku nikiwa nimeinamisha kichwa changu chini. Mwalimu aliendelea kunilazimisha lakini na mimi niliendelea kuonyesha kiburi kwa kutokuongea. "hivi si ni wewe uliyeandika hayo na ni kwa nini sasa hivi unajifanya kuwa bubu?, sema kabla sijaanza kukucharaza bakora" aliongea mwalimu yule aliyenichukua kutoka darasani.



baada ya kuona kuwa bado sijibu, alinikamata na kuanza kunichapa viboko. Kusema ule ukweli alinichapa sana. Baada ya yeye kuona kuwa amenichapa sana na walimu wengine hawajajua ni nini nilikuwa nimekosa aliamua kuwaambia kile nilichikuwa nimekiandika. Hapo ndipo ofisi nzima ilijaaa na makelele ya walimu kila moja akiongea lake. wengine walishangaa, wengine walikasirika, wengine walihuzunika ilimradi kila mmoja alitoa hisia zake alizokuwa akizipata.



wakati haya yote yakiendelea, mkuu wa shule aliingia na kukuta kuna vurumai kidogo kutokana na kile kilichokuwa kimetokea. aliniangalia mimi ambaye kwa muda huo nilikuwa nalia kutokana na kipigo.



"ni nini kinaendelea hapa?" aliuliza mkuu wa shule.



"yaani huyu kijana si wa kuvumilika mkuu, pamoja na uwezo alionao darasani lakini kwa anayoyafanya anapaswa kuondoka kabisa. Huyu mtoto hana nidhamu" alisema mwalimu.



"barry umefanyaje?" aliniuliza mkuu wa shule. sikuwa na nguvu za kujibu. ilikuwa ni kama aliniambia 'hebu anza kulia' maana maana nilitoa kilio kikubwa. hadi mkuu wa shule akashangaa. "We kijana hebu njoo ofisini kwangu, nifuate" alisema mkuu wa shule "walimu hebu subirini hapa"



Nami bila kusita nikamfuata mkuu wa shule kuelekea mahali ilipokuwa ofisi yake. Baada ya kufika ofisini aliniamuru nisimame mbele ya meza yake kisha yeye alienda kukaa.



"Barry, niambie umefanyaje, kwa mdomo wako mwenyewe." kiukweli sikujua kama nikiyatamka maneno yale ni nini kingetokea. niliamua kukaa kimya "barry, hii ni the last chance nakupa. Ukishindwa kufanya hivyo utakuwa umejifukuzisha shule mwenyewe, nasema haya nikiwa namaanisha haswa. Kama bado unapenda shule nambie umefanyaje" nilipomwangalia mkuu wa shule nilimuona ni jinsi gani alikuwa amaweka uso wa mbuzi, hakuwa na uso wa masihara hata kidogo.



"Naomba mnisamehe, sitarudia tena. Nitakuwa mtiifu kuanzia sasa" nilisema kuomba msamaha maana nilijua mahala nilipokuwa naelekea si pazuri hata kidogo.



"Nikusamehe kwa lipi?, sema kwanza ulichokifanya halafu ndo mambo mengine ndo yatafuata. na nakuomba usitake kunikasirisha sasa hivi". Alisema huku akisimama. Nilijua hapa muda si mrefu kingenuka, hivyo nikaamua kusema nilichokifanya.



"Mkuu, nilikuwa nimeandika maandishi ubaoni...niliandika ‘unajisikiaje kwa sasa? Ina..inauma eeh? Kama vipi cho….cho….chomoa’ nilisema kwa kusitasita maana nilikuwa nalialia kwa woga mkubwa sana.



Mkuu wa shule aliposikia maneno hayo alikaa chini kisha akanitupia jicho la mshangao. Aliniangalia kwa uda mrefu bila kusema neno lolote, ni kama alikuwa anatafakari ni nini aniambie. Alikunja ngumi kisha akawa anapigapiga mdomo kama ishara ya kutafakari. Baada ya muda, alivuta pumzi ndefu kisha akazishusha kisha akavunja ukimya.



"barry, uwezo wako ni mkubwa sana ila sidhani kama wewe unalitambua hilo. Wazia wazazi wako wanawekeza kiasi gani juu yako. Wazia ni jinsi gani wazazi wako wanafurahi wewe kufanya vizuri. Wazia uchungu watakaoupata baada ya wewe kufukuzwa shule ambako nimekuona kuwa unakutafuta sana kwa bidii zako zote. Barry...nidhamu ni kitu cha msingi sana na cha kuzingatika katika maisha yako yote. Unaweza ukawa na uwezo wa kupata kila kitu ambacho unakihitaji lakini kukosa kwako nidhamu kukakukosesha yote hayo. Barry jaribu kuangalia future yako. Na nakuambia ukweli huu ukae ukijua, kutokana na historia ya makosa yako leo ningekufukuza shule bila hata ya kamati ya walimu ya nidhamu kukaa, lakini kwa kuwa umefanya vizuri katika mtihani wa taifa...nimekusamehe ila ikitokea tena sitajiuliza mara mbili. Nina imani umenisikia, unaweza kwenda" alisema mkuu huku akiwa ameninyoshea kidole.



"asante mkuu..." nilitaka kuongeza maneno lakini nikashindwa, nikageuka na kuondoka huku nikiwa siamini kama ‘sooi lile liliisha kiulaini kwa staili ile. Nilifika darasani nikiwa nimeweka uso wa kawaida uliojaa utulivu ndani yake. Nikapita moja kwa moja hadi kwenye kiti changu. Baadhi ya marafiki zangu walikuja kuniuliza ni nini kilikuwa kimetokea, nikawaambia kila kitu kimekwisha, hakuna kesi tena maana mkuu wa shule alikuwa ameshayamaliza. Baadhi walifurahi lakini wengi walikasirika kutokana na kile nilichokuwa nimekiandika kilikuwa kinawakera wengi wao.



Wakati wa usiku wakati nikiwa najiandaa kulala nilianza kufikiria kuhusu maisha yangu yaliyopita na yale yajayo. Nikaona kuwa kwa jinsi nilivyokuwa naenenda ilikuwa si sawa na huenda baadae yangu ingehatarishwa na vitendo vyangu mwenyewe. Nilijiona kuwa nilikuwa natumia nguvu nyingi kupambana na Jennifer na matokeo yake mimi nikawa muathirika mkubwa wa mashambulizi yangu wenyewe. Nikaapa kubadilika. Nikaapa kuwa mtu asiye na matatizo na mtu, niliapa kuwa mwanafunzi mwenye utii. Na ili kukamilisha yote hayo nilipitisha uamuzi wa kuomba msamaha watu wote ambao nilikuwa nimewakwaza. Japokuwa baba yangu aliniambia kuwa wanaume huwa hawaombi msamaha bali husema ‘yaishe’, lakini mimi nilipanga kuomba msamaha. japokuwa wengine walikuwa wameniumiza na walistahili kile nilichowafanyia na hata zaidi lakini niliamua kusahau yote. Nilipanga kuwa mweupe, mweupe kama theluji.



Asubuhi iliyofuata baada ya kuingia darasani, kabla hata ya mwalimu hajaingia nilienda mbele, nikaomba watu wanisikilize. baada ya kuona wametulia nilianza kuzungumza.



"Jamani, nipo hapa mbele yenu mwanafunzi mwenzenu ili kuomba msamaha kwa yote ambayo yamekuwa yakitokea kati yangu na baadhi ya watu humu ndani hasa jennifer. jennifer, naomba unisamehe. Wewe una mapungufu yako ndio, lakini mimi naomba niyaache yote hayo. naomba unisamehe... na wengine ambao nilikuwa nawakwaza kwa namna yoyote ile naomba pia mnisamehe. Jennifer nasubiri mrejesho kutoka kwako" nilimaliza kuongea lakini nikabaki nimesimama ili kusubiri jibu kutoka kwa jennifer.



"barry, naomba usiniharibie siku yangu sawa... si uliamua kujitia kichwa ngumu twende tu hivohivo. hii ni mashine kubwa, utasanda wewe, na bado. Umenza kulialia mapema hii?" kisha akaachia kicheko cha kejeli hali iliyozua kelele kwa vicheko na minong'ono.



"Sawa, nashukuru sana" nilisema kwa utulivu kama sikuwa nimeathiriwa na kauli ya jennifer. Baada ya kusema hayo niligeuka na kuanza kwenda kukaa kwenye kiti changu. Baada ya kufika katika kiti changu nikakaa na kuendelea na yale niliyokuwa naona kuwa yanafaa kufanywa kwa muda huo.



Tukio la mimi kuomba msamaha lilizua gumzo karibu madarasa yote kuanzia kidato cha kwanza hadi cha nne. Hii ilichagizwa sana na umaarufu ambao nilikuwa nimeupata baada ya kuwa wa kwanza katika mtihani wa taifa wa kidato cha pili. Lakini mimi mara zote huwa sijali watu wanaongea nini kuhusu mimi, kama najiona nipo sahihi huwa sijishughulishi na chochote.



*************



Wakati tukiwa tumesimamma paredi kupokea matangazo ya kawaida ya kila siku, tulimuona mwalimu wa taaluma alipanda katika kajukwaa kadogo ka tofali kwa ajili ya kutolea matangazo paredi. Alikuwa akifuatiwa na walimu wengine waliokuwa wameebeba maboksi. Tulisubiri kuona nii nini kilikuwa kinataka kufanyika, japokuwa mimi nilikuwa nimeshahisi ni nini kilikuwa kinataka kufanyika. Muda kidogo alianza kuongea.



"good morning" alisalimia.



"good morning sir" nasi tukamwitikia.



“Leo tuna tukio muhimu sana. Tukio la kuwapongeza wale wote waliofanya vizuri katika mtihani uliopita wa kidato cha pili. Hii pia itasaidia kufanya nao wengine kuongeza juhudi ili kukipata kile ambao hawa wenzao wamekipata. kwa hiyo ukisikia jina lako njoo hapa mbele haraka, na uwape mikono walimu wote hapa mbele kisha unachukua zawadi yako na utasimama hapahapa kwa kuwa hii si zawadi pekee ambayo mtapewa. kuna kingine kikubwa baada ya hiki. Na kwa mliobaki, mnatakiwa kupiga makofi kwa nguvu wakati nitakapokuwa naita majina ya mashujaa hapa mbele yenu.” alisema mwalimu wa taaluma na muda mfupi alianza kuita, akianzia nafasi ya kumi.



Kila aliyeitwa alitajiwa alama alizokuwa amepata kwa kila somo na wastani aliokuwa ameupata kwa masomo yote. waliitwa wote na hatimaye na mimi nikaitwa. nilienda na nikachukua zawadi yangu. kuanzia mtu wa kumi hadi wa nne walipewa zawadi zilizokuwa zinafanana ambazo ni ma'counter book' mawili, peni tatu, penseli mbili na rula moja. na zilianza kutofautiana kuanzia nafasi ya tatu ambapo idadi ya makaunta iliongezeka na kuwa matatu na pia alipewa pesa taslimu shilingi elfu tano, wa pili makaunta manne na shilingi elfu kumi na mimi nikapata makaunta matano na shilingi elfu ishirini, huku idadi ya peni, penseli rula vikibaki vilevile.katika idadi hiyo ya watu kumi kulikuwa na wasichana wanne na wavulana sita.



Baada ya zoezi hilo kukamilika mwalimu alisema sasa ulikuwa ni muda wa kusema zawadi hiyo ya pili. Alitangaza kuwa sisi ambao tulikuwa tumepata zawadi pale tutapata nafasi ya kwenda kutalii kwenye moja ya mbuga ya wanyama hapa nchini. Mbuga ambayo ilikuwa katika mkoa ambao upo jirani na mkoa wetu na kiasi cha mwendo wa masaa saba kwa gari. Aliongeza kuwa katika safari hiyo tungelala huko siku tatu. Watu walilipuka kwa furaha sana hasa wale niliokuwa nao pale mbele. Kwa upande wangu sikupata msisimko wowote.



Mwalimu aliendelea kusema kuwa safari hiyo ingeanza jumatatu ya wiki litakalofuata. Alituambia kuwa utaratibu mzima wa safari ungefanywa na mwalimu wa michezo na burudani ambaye aliitwa madam Tricia. Baada ya hapo tuliruhusiwa kwenda kwenye nafasi zetu na kisha tukaamuriwa kwenda madarasani. Lakini mimi niliamua kwanza kupeleka bwenini zawadi nilizokuwa nimepewa, kisha nikaenda zangu darasani. Nilifika darasani na kwenda kukaa. Kwa muda huo nilianza kuwaza kuhusu safari hiyo ya kutalii. Nilijaribu kuwaza ni nini nitafaidika nacho endapo nitaenda na ni nini nitapungukiwa endapo sitoenda. Nikajipa majibu kuwa nikienda sitopata kitu chochote na hata nikibaki sitopungukiwa na kitu chochote, hivyo nikapitsha uamuzi wa kutokwenda kwenye hiyo safari.



Tuliendelea kusoma hadi ilipofika saa saba pale ambapo mwanafunzi wa kidato cha kwanza alipokuja darasani akileta maagizo kutoka kwa madam Tricia akituhitaji wote tuliokuwa tumeitwa mbele leo twende tukamuone muda huo. Basi mimi na wenzangu tukanyanyuka na kwenda kwa mwalimu. Baada ya kufika alitupa pongezi na kuanza kutupa mchakato mzima wa safari. Alituambia kuwa safari yenyewe ilikuwa inahitaji ushiriki wetu tu kwa maana kila kitu kitagharamiwa na shule kuanzia gharama za usafiri, chakula na malazi. Gharama ambazo zingekuwa juu yetu ni cha picha na vitu vyetu vingine vya binafsi.



Baada ya kupewa maelekezo mengine mwalimu alitupa nafasi ya kuuliza maswali na kutoa michango mingine ya kimawazo. Nikaamua kunyoosha mkono kwa haraka.



"enheee barry ongea" alisema madam Tricia.



" vipi kama mtu hataki kwenda?" niliuliza. Swali hili lilifanya kuwa mtu pale anitizame kwa mshangao.



"asiende kwa sababu gani labda?" aliuliza madam kwa mshangao.



"kwa sababu zake tu akaona kuwa hataki kwenda"



"vipi barry, unamaanisha hautaki kwenda?" mwalimu aliuliza kwa mshangao.



"ndiyo" nilimjibu. mwalimu alishangaa sana. akanisogelea karibu na kuniuliza ni kwa nini nilikuwa sitaji kwenda. "madam, mi sijisikii tu kwenda."



"barry, ni lazima uende" alisema mwalimu kwa msisitizo.



"na kama sitaenda je, nitapewa adhabu?"



"barry, sababu gani zinakufanya usiende? ile ni sehemu ya ku'refresh mind, kuburudika na kujifunza vitu vipya. Kwa hiyo mimi sioni mantiki ya wewe kutokwenda." baada ya madam kunijibu hivyo sikuona haja ya kuendelea kuongea tena maana tayari nilikuwa nimeshamaliza kusema kile nilichokuwa nataka kusema. Aliuliza kama kuna mwingine alikuwa na jambo tofauti na hilo, kukawa na ukimya. basi akaamuru wengine waondoke lakini aliniomba mimi nibaki.



baada ya wengine kuondoka mwalimu Tricia alianza kuniuliza ni kwa nini nilikuwa sitaki kwenda. nami nikamjibu ni kwa sababu tu nilikuwa sijisikii.



"barry hivi ni kwa nini wewe na jennifer hampatani, nimeshapata taarifa ya kuwa wewe na Jennifer ni maadui kutoka zamani na huenda ndicho kinachokusababisha usiende. hebu niambie ni kwa nini. au ulimtongoza akakukataa ndo ukaamua kumuwekea bifu?" alisema mwalimu huku akiwa na akitabasamu.



"Hamna, mimi na jennifer si maadui kama ulivyoambiwa na wala sijawahi mtongoza hata. pia kutokwenda kwangu hakuhusiani hayo mambo kabisa" nilijibu hoja zake zote.



"Sikiliza barry, najua huwezi kukubali ila mi najua kila kitu. Tafadhali sana nakuomba siku ikifika nikuone na wewe. Ukiamua kujitenga sana na hata walimu nao watakutenga pia, watakuchukulia kuwa una kiburi. Kumbuka ulishawahi kufukuzwa ukaja siku ya mtihani wa taifa, hapa juzijuzi ukaharibu tena lakini nasikia mkuu wa shule alilimaliza kimya kimya na hapa kama ukigomea hii safari hakuna mtu mwingine atajishughulisha na wewe tena. Unaweza ona ni kitu kidogo lakini kitakuharibia sana. Anyway unaweza acha kwenda lakini kitakachokuja kukutokea huko mbeleni, utayakumbuka maneno yangu. Unaweza kwenda darasani" alisema mwalimu akiwa hana hata chembe ya utani. nilipata kigugumizi kidogo kuondoka, lakini nikafanya hivyo huku nikiwa nayatafakari maneno ya mwalimu Tricia.



nilipokaa na kufikiria zaidi niliona kuna ukweli flani hivi ndani yake na nikaona si vyema kama sitoenda. Siku zikasogea, mimi na wenzangu tukaanza kujiandaa na safari ya kwenda kutalii. Lakini kuna kitu kimoja ilikuwa kinanipa shida sana. Nilikuwa nawaza itakuwaje mimi na jennifer. maana kwa uchache ule ni lazima kuna mahali kungekuwa na muungano wa moja kwa moja na yeye lakini yeye tangu ile siku nimeomba msamaha darasani alionekana kuwa bado alikuwa na hasira na mimi japokuwa chanzo cha yale yote ni yeye. Sikujua ingekuwaje.



Itaendelea….
Click to expand...
Shukrani mkuu
 
Stephen Chelu said:
MAISHA YANGU NYUMA YA PAZIA JEUSI.



SEHEMU YA 10



Ilipoisha….



Nilitumia muda huo kumwangalia mbaya wangu, Jennifer ambaye kwa muda huo alijifanya yupo ‘bize’ kukagua daftari la mahudhurio, ila nilijua kuwa habari yake alikuwa tayari alishaipata. Baada ya dakika chache mwalimu wa kipindi cha kwanza siku hiyo ambacho kilikuwa ni hesabu akaingia. Alikuwa ni yuleyule ambaye nilimwambia monitress akamwabie kuwa hatukumuhutaji kwa muda ule hadi tutakapo mwambia, na moja kwa moja akakutana na yale maandishi ubaoni. Alilitizama darasa ambalo nalo lilikuwa linamtazama.



“nani ameandika maneno haya ubaoni?” mwalimu aliuliza. Wanafunzi baadhi wakageuka kuniangalia mimi. Nikajua nimeyakwaa tena mengine.



Endelea……



Baada ya kufikiria kwa muda niliamua kutoka mbele nikiwa najiamini kabisa, hii ni kwa sababu nilikuwa nina furaha kwa kuwa kile nilichokuwa nataka kufanya kilikuwa kimekamilika. nilifika pale mbele, nikamwangalia mwalimu pasipo na woga. naye akaniangalia.



"simama hapo" alinionyeshea mahali pa kusimama. ilikuwa ni katikati ya darasa kwa upande wa mbele. nikasimama kuliangalia darasa. "hayo maandishi uliyoandika yana maana gani?” aliniuliza mwalimu lakini sikujibu “una tatizo gani we mtoto. au hiyo namba moja uliyoipata ndo inakupa kuburi sio, yaani wewe mtoto umekaa kihunihuni tu". alisema mwalimu, sikutaka kumjibu maana nilikuwa naujua moto wake. "wewe unarakiwa uondoke shule hii, na naona ndicho unachokitafuta" aliendelea mwalimu. "hebu twende ofisini" aliongea mwalimu huku akinishika mkono na kunivutia nje.



Matukio yote haya yalikuwa yanazalisha hisia mbili tofauti kwa upande wangu. hisia ya kwanza ni hisia ya furaha. nilikuwa nafurahi kwa sababu kile nilichokuwa nahitaji kufanya kilikuwa kimekamilika. hisia ya pili ilikuwa na hisia ya woga, nilikuwa naogopa kwa kuwa sikuwa najua kuwa baada ya kufika ofisini ni hatua gani zingechukuliwa dhidi yangu ikizingatiwa kuwa hili lilikuwa ni tukio la pili kubwa la utovu wa nidhamu kulifanya shuleni. Nilijiuliza itakuwaje kama nikirudishwa nyumbani tena hali nimekaa wiki moja tu na siku chache tu baada ya kufungua shule na ikizingatiwa kuwa mwalimu alikuwa tayari ameanza kunitisha kuwa napaswa kufukuzwa shule. Na ukweli ni kuwa kadri muda ulivyokuwa unakweda, hofu ilizidi kuongeka zaidi kuliko furaha.



Tulifika ofisini na kukuta walimu wakiwa wanaendelea na shughuli zao za kawaida. Baada ya sisi kuingia kuna waliotupa macho kutuangalia na wengine waliendelea na kazi zao kama kawaida. mwalimu akaniambia nisimame katikati ya ofisi ili kila mtu mule ndani aweze kuniona, nami nikatii.



"ameharibu tena" alisema mwalimu aliyenipeleka ofisini. Walimu wengine nao ambao awali walikuwa wanaendelea na mambo yao na wakaanza kuniangalia.



"kidume hiki kimefanyaje tena?" aliuliza mwalimu mmoja wa kike.



"nimeingia darasani nifundishe ila nilichokikuta kimeandikwa ubaoni na huyu kijana kimenifanya nisitishe zoezi la kufundisha kwanza, hebu sema ulichokiandika, mwenyewe" aliniambia mwalimu huku akiwa amenikazia macho kisawasawa. Ulikuwa ni mtihani mkubwa kwa kweli, kutamka maneno yale mbele ya walimu ilikuwa ni vigumu sana. Niliamua kukaa kimya huku nikiwa nimeinamisha kichwa changu chini. Mwalimu aliendelea kunilazimisha lakini na mimi niliendelea kuonyesha kiburi kwa kutokuongea. "hivi si ni wewe uliyeandika hayo na ni kwa nini sasa hivi unajifanya kuwa bubu?, sema kabla sijaanza kukucharaza bakora" aliongea mwalimu yule aliyenichukua kutoka darasani.



baada ya kuona kuwa bado sijibu, alinikamata na kuanza kunichapa viboko. Kusema ule ukweli alinichapa sana. Baada ya yeye kuona kuwa amenichapa sana na walimu wengine hawajajua ni nini nilikuwa nimekosa aliamua kuwaambia kile nilichikuwa nimekiandika. Hapo ndipo ofisi nzima ilijaaa na makelele ya walimu kila moja akiongea lake. wengine walishangaa, wengine walikasirika, wengine walihuzunika ilimradi kila mmoja alitoa hisia zake alizokuwa akizipata.



wakati haya yote yakiendelea, mkuu wa shule aliingia na kukuta kuna vurumai kidogo kutokana na kile kilichokuwa kimetokea. aliniangalia mimi ambaye kwa muda huo nilikuwa nalia kutokana na kipigo.



"ni nini kinaendelea hapa?" aliuliza mkuu wa shule.



"yaani huyu kijana si wa kuvumilika mkuu, pamoja na uwezo alionao darasani lakini kwa anayoyafanya anapaswa kuondoka kabisa. Huyu mtoto hana nidhamu" alisema mwalimu.



"barry umefanyaje?" aliniuliza mkuu wa shule. sikuwa na nguvu za kujibu. ilikuwa ni kama aliniambia 'hebu anza kulia' maana maana nilitoa kilio kikubwa. hadi mkuu wa shule akashangaa. "We kijana hebu njoo ofisini kwangu, nifuate" alisema mkuu wa shule "walimu hebu subirini hapa"



Nami bila kusita nikamfuata mkuu wa shule kuelekea mahali ilipokuwa ofisi yake. Baada ya kufika ofisini aliniamuru nisimame mbele ya meza yake kisha yeye alienda kukaa.



"Barry, niambie umefanyaje, kwa mdomo wako mwenyewe." kiukweli sikujua kama nikiyatamka maneno yale ni nini kingetokea. niliamua kukaa kimya "barry, hii ni the last chance nakupa. Ukishindwa kufanya hivyo utakuwa umejifukuzisha shule mwenyewe, nasema haya nikiwa namaanisha haswa. Kama bado unapenda shule nambie umefanyaje" nilipomwangalia mkuu wa shule nilimuona ni jinsi gani alikuwa amaweka uso wa mbuzi, hakuwa na uso wa masihara hata kidogo.



"Naomba mnisamehe, sitarudia tena. Nitakuwa mtiifu kuanzia sasa" nilisema kuomba msamaha maana nilijua mahala nilipokuwa naelekea si pazuri hata kidogo.



"Nikusamehe kwa lipi?, sema kwanza ulichokifanya halafu ndo mambo mengine ndo yatafuata. na nakuomba usitake kunikasirisha sasa hivi". Alisema huku akisimama. Nilijua hapa muda si mrefu kingenuka, hivyo nikaamua kusema nilichokifanya.



"Mkuu, nilikuwa nimeandika maandishi ubaoni...niliandika ‘unajisikiaje kwa sasa? Ina..inauma eeh? Kama vipi cho….cho….chomoa’ nilisema kwa kusitasita maana nilikuwa nalialia kwa woga mkubwa sana.



Mkuu wa shule aliposikia maneno hayo alikaa chini kisha akanitupia jicho la mshangao. Aliniangalia kwa uda mrefu bila kusema neno lolote, ni kama alikuwa anatafakari ni nini aniambie. Alikunja ngumi kisha akawa anapigapiga mdomo kama ishara ya kutafakari. Baada ya muda, alivuta pumzi ndefu kisha akazishusha kisha akavunja ukimya.



"barry, uwezo wako ni mkubwa sana ila sidhani kama wewe unalitambua hilo. Wazia wazazi wako wanawekeza kiasi gani juu yako. Wazia ni jinsi gani wazazi wako wanafurahi wewe kufanya vizuri. Wazia uchungu watakaoupata baada ya wewe kufukuzwa shule ambako nimekuona kuwa unakutafuta sana kwa bidii zako zote. Barry...nidhamu ni kitu cha msingi sana na cha kuzingatika katika maisha yako yote. Unaweza ukawa na uwezo wa kupata kila kitu ambacho unakihitaji lakini kukosa kwako nidhamu kukakukosesha yote hayo. Barry jaribu kuangalia future yako. Na nakuambia ukweli huu ukae ukijua, kutokana na historia ya makosa yako leo ningekufukuza shule bila hata ya kamati ya walimu ya nidhamu kukaa, lakini kwa kuwa umefanya vizuri katika mtihani wa taifa...nimekusamehe ila ikitokea tena sitajiuliza mara mbili. Nina imani umenisikia, unaweza kwenda" alisema mkuu huku akiwa ameninyoshea kidole.



"asante mkuu..." nilitaka kuongeza maneno lakini nikashindwa, nikageuka na kuondoka huku nikiwa siamini kama ‘sooi lile liliisha kiulaini kwa staili ile. Nilifika darasani nikiwa nimeweka uso wa kawaida uliojaa utulivu ndani yake. Nikapita moja kwa moja hadi kwenye kiti changu. Baadhi ya marafiki zangu walikuja kuniuliza ni nini kilikuwa kimetokea, nikawaambia kila kitu kimekwisha, hakuna kesi tena maana mkuu wa shule alikuwa ameshayamaliza. Baadhi walifurahi lakini wengi walikasirika kutokana na kile nilichokuwa nimekiandika kilikuwa kinawakera wengi wao.



Wakati wa usiku wakati nikiwa najiandaa kulala nilianza kufikiria kuhusu maisha yangu yaliyopita na yale yajayo. Nikaona kuwa kwa jinsi nilivyokuwa naenenda ilikuwa si sawa na huenda baadae yangu ingehatarishwa na vitendo vyangu mwenyewe. Nilijiona kuwa nilikuwa natumia nguvu nyingi kupambana na Jennifer na matokeo yake mimi nikawa muathirika mkubwa wa mashambulizi yangu wenyewe. Nikaapa kubadilika. Nikaapa kuwa mtu asiye na matatizo na mtu, niliapa kuwa mwanafunzi mwenye utii. Na ili kukamilisha yote hayo nilipitisha uamuzi wa kuomba msamaha watu wote ambao nilikuwa nimewakwaza. Japokuwa baba yangu aliniambia kuwa wanaume huwa hawaombi msamaha bali husema ‘yaishe’, lakini mimi nilipanga kuomba msamaha. japokuwa wengine walikuwa wameniumiza na walistahili kile nilichowafanyia na hata zaidi lakini niliamua kusahau yote. Nilipanga kuwa mweupe, mweupe kama theluji.



Asubuhi iliyofuata baada ya kuingia darasani, kabla hata ya mwalimu hajaingia nilienda mbele, nikaomba watu wanisikilize. baada ya kuona wametulia nilianza kuzungumza.



"Jamani, nipo hapa mbele yenu mwanafunzi mwenzenu ili kuomba msamaha kwa yote ambayo yamekuwa yakitokea kati yangu na baadhi ya watu humu ndani hasa jennifer. jennifer, naomba unisamehe. Wewe una mapungufu yako ndio, lakini mimi naomba niyaache yote hayo. naomba unisamehe... na wengine ambao nilikuwa nawakwaza kwa namna yoyote ile naomba pia mnisamehe. Jennifer nasubiri mrejesho kutoka kwako" nilimaliza kuongea lakini nikabaki nimesimama ili kusubiri jibu kutoka kwa jennifer.



"barry, naomba usiniharibie siku yangu sawa... si uliamua kujitia kichwa ngumu twende tu hivohivo. hii ni mashine kubwa, utasanda wewe, na bado. Umenza kulialia mapema hii?" kisha akaachia kicheko cha kejeli hali iliyozua kelele kwa vicheko na minong'ono.



"Sawa, nashukuru sana" nilisema kwa utulivu kama sikuwa nimeathiriwa na kauli ya jennifer. Baada ya kusema hayo niligeuka na kuanza kwenda kukaa kwenye kiti changu. Baada ya kufika katika kiti changu nikakaa na kuendelea na yale niliyokuwa naona kuwa yanafaa kufanywa kwa muda huo.



Tukio la mimi kuomba msamaha lilizua gumzo karibu madarasa yote kuanzia kidato cha kwanza hadi cha nne. Hii ilichagizwa sana na umaarufu ambao nilikuwa nimeupata baada ya kuwa wa kwanza katika mtihani wa taifa wa kidato cha pili. Lakini mimi mara zote huwa sijali watu wanaongea nini kuhusu mimi, kama najiona nipo sahihi huwa sijishughulishi na chochote.



*************



Wakati tukiwa tumesimamma paredi kupokea matangazo ya kawaida ya kila siku, tulimuona mwalimu wa taaluma alipanda katika kajukwaa kadogo ka tofali kwa ajili ya kutolea matangazo paredi. Alikuwa akifuatiwa na walimu wengine waliokuwa wameebeba maboksi. Tulisubiri kuona nii nini kilikuwa kinataka kufanyika, japokuwa mimi nilikuwa nimeshahisi ni nini kilikuwa kinataka kufanyika. Muda kidogo alianza kuongea.



"good morning" alisalimia.



"good morning sir" nasi tukamwitikia.



“Leo tuna tukio muhimu sana. Tukio la kuwapongeza wale wote waliofanya vizuri katika mtihani uliopita wa kidato cha pili. Hii pia itasaidia kufanya nao wengine kuongeza juhudi ili kukipata kile ambao hawa wenzao wamekipata. kwa hiyo ukisikia jina lako njoo hapa mbele haraka, na uwape mikono walimu wote hapa mbele kisha unachukua zawadi yako na utasimama hapahapa kwa kuwa hii si zawadi pekee ambayo mtapewa. kuna kingine kikubwa baada ya hiki. Na kwa mliobaki, mnatakiwa kupiga makofi kwa nguvu wakati nitakapokuwa naita majina ya mashujaa hapa mbele yenu.” alisema mwalimu wa taaluma na muda mfupi alianza kuita, akianzia nafasi ya kumi.



Kila aliyeitwa alitajiwa alama alizokuwa amepata kwa kila somo na wastani aliokuwa ameupata kwa masomo yote. waliitwa wote na hatimaye na mimi nikaitwa. nilienda na nikachukua zawadi yangu. kuanzia mtu wa kumi hadi wa nne walipewa zawadi zilizokuwa zinafanana ambazo ni ma'counter book' mawili, peni tatu, penseli mbili na rula moja. na zilianza kutofautiana kuanzia nafasi ya tatu ambapo idadi ya makaunta iliongezeka na kuwa matatu na pia alipewa pesa taslimu shilingi elfu tano, wa pili makaunta manne na shilingi elfu kumi na mimi nikapata makaunta matano na shilingi elfu ishirini, huku idadi ya peni, penseli rula vikibaki vilevile.katika idadi hiyo ya watu kumi kulikuwa na wasichana wanne na wavulana sita.



Baada ya zoezi hilo kukamilika mwalimu alisema sasa ulikuwa ni muda wa kusema zawadi hiyo ya pili. Alitangaza kuwa sisi ambao tulikuwa tumepata zawadi pale tutapata nafasi ya kwenda kutalii kwenye moja ya mbuga ya wanyama hapa nchini. Mbuga ambayo ilikuwa katika mkoa ambao upo jirani na mkoa wetu na kiasi cha mwendo wa masaa saba kwa gari. Aliongeza kuwa katika safari hiyo tungelala huko siku tatu. Watu walilipuka kwa furaha sana hasa wale niliokuwa nao pale mbele. Kwa upande wangu sikupata msisimko wowote.



Mwalimu aliendelea kusema kuwa safari hiyo ingeanza jumatatu ya wiki litakalofuata. Alituambia kuwa utaratibu mzima wa safari ungefanywa na mwalimu wa michezo na burudani ambaye aliitwa madam Tricia. Baada ya hapo tuliruhusiwa kwenda kwenye nafasi zetu na kisha tukaamuriwa kwenda madarasani. Lakini mimi niliamua kwanza kupeleka bwenini zawadi nilizokuwa nimepewa, kisha nikaenda zangu darasani. Nilifika darasani na kwenda kukaa. Kwa muda huo nilianza kuwaza kuhusu safari hiyo ya kutalii. Nilijaribu kuwaza ni nini nitafaidika nacho endapo nitaenda na ni nini nitapungukiwa endapo sitoenda. Nikajipa majibu kuwa nikienda sitopata kitu chochote na hata nikibaki sitopungukiwa na kitu chochote, hivyo nikapitsha uamuzi wa kutokwenda kwenye hiyo safari.



Tuliendelea kusoma hadi ilipofika saa saba pale ambapo mwanafunzi wa kidato cha kwanza alipokuja darasani akileta maagizo kutoka kwa madam Tricia akituhitaji wote tuliokuwa tumeitwa mbele leo twende tukamuone muda huo. Basi mimi na wenzangu tukanyanyuka na kwenda kwa mwalimu. Baada ya kufika alitupa pongezi na kuanza kutupa mchakato mzima wa safari. Alituambia kuwa safari yenyewe ilikuwa inahitaji ushiriki wetu tu kwa maana kila kitu kitagharamiwa na shule kuanzia gharama za usafiri, chakula na malazi. Gharama ambazo zingekuwa juu yetu ni cha picha na vitu vyetu vingine vya binafsi.



Baada ya kupewa maelekezo mengine mwalimu alitupa nafasi ya kuuliza maswali na kutoa michango mingine ya kimawazo. Nikaamua kunyoosha mkono kwa haraka.



"enheee barry ongea" alisema madam Tricia.



" vipi kama mtu hataki kwenda?" niliuliza. Swali hili lilifanya kuwa mtu pale anitizame kwa mshangao.



"asiende kwa sababu gani labda?" aliuliza madam kwa mshangao.



"kwa sababu zake tu akaona kuwa hataki kwenda"



"vipi barry, unamaanisha hautaki kwenda?" mwalimu aliuliza kwa mshangao.



"ndiyo" nilimjibu. mwalimu alishangaa sana. akanisogelea karibu na kuniuliza ni kwa nini nilikuwa sitaji kwenda. "madam, mi sijisikii tu kwenda."



"barry, ni lazima uende" alisema mwalimu kwa msisitizo.



"na kama sitaenda je, nitapewa adhabu?"



"barry, sababu gani zinakufanya usiende? ile ni sehemu ya ku'refresh mind, kuburudika na kujifunza vitu vipya. Kwa hiyo mimi sioni mantiki ya wewe kutokwenda." baada ya madam kunijibu hivyo sikuona haja ya kuendelea kuongea tena maana tayari nilikuwa nimeshamaliza kusema kile nilichokuwa nataka kusema. Aliuliza kama kuna mwingine alikuwa na jambo tofauti na hilo, kukawa na ukimya. basi akaamuru wengine waondoke lakini aliniomba mimi nibaki.



baada ya wengine kuondoka mwalimu Tricia alianza kuniuliza ni kwa nini nilikuwa sitaki kwenda. nami nikamjibu ni kwa sababu tu nilikuwa sijisikii.



"barry hivi ni kwa nini wewe na jennifer hampatani, nimeshapata taarifa ya kuwa wewe na Jennifer ni maadui kutoka zamani na huenda ndicho kinachokusababisha usiende. hebu niambie ni kwa nini. au ulimtongoza akakukataa ndo ukaamua kumuwekea bifu?" alisema mwalimu huku akiwa na akitabasamu.



"Hamna, mimi na jennifer si maadui kama ulivyoambiwa na wala sijawahi mtongoza hata. pia kutokwenda kwangu hakuhusiani hayo mambo kabisa" nilijibu hoja zake zote.



"Sikiliza barry, najua huwezi kukubali ila mi najua kila kitu. Tafadhali sana nakuomba siku ikifika nikuone na wewe. Ukiamua kujitenga sana na hata walimu nao watakutenga pia, watakuchukulia kuwa una kiburi. Kumbuka ulishawahi kufukuzwa ukaja siku ya mtihani wa taifa, hapa juzijuzi ukaharibu tena lakini nasikia mkuu wa shule alilimaliza kimya kimya na hapa kama ukigomea hii safari hakuna mtu mwingine atajishughulisha na wewe tena. Unaweza ona ni kitu kidogo lakini kitakuharibia sana. Anyway unaweza acha kwenda lakini kitakachokuja kukutokea huko mbeleni, utayakumbuka maneno yangu. Unaweza kwenda darasani" alisema mwalimu akiwa hana hata chembe ya utani. nilipata kigugumizi kidogo kuondoka, lakini nikafanya hivyo huku nikiwa nayatafakari maneno ya mwalimu Tricia.



nilipokaa na kufikiria zaidi niliona kuna ukweli flani hivi ndani yake na nikaona si vyema kama sitoenda. Siku zikasogea, mimi na wenzangu tukaanza kujiandaa na safari ya kwenda kutalii. Lakini kuna kitu kimoja ilikuwa kinanipa shida sana. Nilikuwa nawaza itakuwaje mimi na jennifer. maana kwa uchache ule ni lazima kuna mahali kungekuwa na muungano wa moja kwa moja na yeye lakini yeye tangu ile siku nimeomba msamaha darasani alionekana kuwa bado alikuwa na hasira na mimi japokuwa chanzo cha yale yote ni yeye. Sikujua ingekuwaje.



Itaendelea….
Click to expand...
Tuko pamoja mkuu.
 
MAISHA YANGU NYUMA YA PAZIA JEUSI

SEHEMU YA 11

Ilipoishia….

"Sikiliza barry, najua huwezi kukubali ila mi najua kila kitu. Tafadhali sana nakuomba siku ikifika nikuone na wewe. Ukiamua kujitenga sana na hata walimu nao watakutenga pia, watakuchukulia kuwa una kiburi. Kumbuka ulishawahi kufukuzwa ukaja siku ya mtihani wa taifa, hapa juzijuzi ukaharibu tena lakini nasikia mkuu wa shule alilimaliza kimya kimya na hapa kama ukigomea hii safari hakuna mtu mwingine atajishughulisha na wewe tena. Unaweza ona ni kitu kidogo lakini kitakuharibia sana. Anyway unaweza acha kwenda lakini kitakachokuja kukutokea huko mbeleni, utayakumbuka maneno yangu. Unaweza kwenda darasani" alisema mwalimu akiwa hana hata chembe ya utani. nilipata kigugumizi kidogo kuondoka, lakini nikafanya hivyo huku nikiwa nayatafakari maneno ya mwalimu Tricia.

nilipokaa na kufikiria zaidi niliona kuna ukweli flani hivi ndani yake na nikaona si vyema kama sitoenda. Siku zikasogea, mimi na wenzangu tukaanza kujiandaa na safari ya kwenda kutalii. Lakini kuna kitu kimoja ilikuwa kinanipa shida sana. Nilikuwa nawaza itakuwaje mimi na jennifer. maana kwa uchache ule ni lazima kuna mahali kungekuwa na muungano wa moja kwa moja na yeye lakini yeye tangu ile siku nimeomba msamaha darasani alionekana kuwa bado alikuwa na hasira na mimi japokuwa chanzo cha yale yote ni yeye. Sikujua ingekuwaje.

Endelea….

Ilikuwa ni siku ya jumatatu, saa kumi usiku tulipoanza safari ya kwenda kutalii. Ilikuwa inatulazimu twende kwanza kwenye kituo cha mabasi cha mkoa halafu tuchukue gari kutupeleka mkoa ambao mbuga hiyo ilikuwepo, halafu safari ya kwenda mbugani ndipo ingeendelea. Mwalimu aliyekuwa nasi alikuwa ni mwalimu Tricia. Safari ilianza, tukafika katika kituo cha mabasi mkoa tukapanda gari ambapo tiketi zetu zilikuwa zimekatwa siku kadhaa kabla siku ya safari. Kwenye gari nilikaa siti ya watu wawili pamoja na mwanafunzi mwenzangu aliyeitwa Jonas, mimi nikikaa upande wa karibu na njia ya katikati ya gari. Na upande wangu wa kulia baada ya kale kanjia alikuwapo Jennifer. Jennifer hakuwa na muda na mimi, nami sikuwa na muda na yeye.

safari iliendelea, wakati wote wa safari nilijitahidi sana kuonyesha kuwa sikujali kabisa uwepo wa Jennifer, pia hata yeye niliona alijitahidi kufanya hivyo. Saa nane na dakika zake tulifika mkoa tuliokuwa tunaelekea. Bila kuchelewa mwalimu Tricia alitafuta gari ambalo lingetupeleka kwenye eneo mbuga hiyo ilikuwepo.

Baada ya kufika eneo ambapo mbuga hiyo ya wanyama ilipokuwapo, tulipotiliza moja kwa moja kwenye hoteli iliyokuwa jirani na tulitafutiwa vyumba ambapo kila chumba kimoja kilichukuliwa na watu wawili isipokuwa mwalimu ambaye yeye alichukua chumba cha kwake peke yake. Na kwa kuwa tulikuwa wavulana sita na wasichana wanne, haikuwa ngumu kugawana vyumba.

Kwa kuwa tulikuwa tumechoka na safari, mwalimu alituambia kuwa kila mtu alitakiwa aende kujipumzisha ili kujiweka sawa na siku iliyokuwa inafuata. Mimi pamoja wavulana wenzangu tuliamua kwenda kupumzika sehemu ya nje ya hoteli tukipiga story za hapa na pale. Muda kidogo baadaye tulikula chakula cha usiku kisha tukapiga story kidogo kisha tukaenda kulala tukiisubiri kwa hamu kubwa siku iliyofuata.

Asubuhi na mapema tuliamshana ili kujiandaa na safari hiyo ya kutalii. Kila mtu alikuwa na shauku kubwa ya kuona wanyama na vitu mbalimbali kwenye mbuga hiyo. Hata mimi niliyekuwa sina mpango na safari ile niliingiwa na hamu kubwa kujionea yale tuliyokuwa tukitarajia kuyaona. Mara zote nilikuwa nawaona wanyama kwenye picha mnato na picha za video lakini saa chache ambazo zingefuata ningewaona live, shauku ilikuwa kubwa mno. Tulijiandaa kisha tukapata kifungua kinywa kwenye mkahawa uliokuwa ndani ya hoteli na baada ya hapo tukiongozwa na mwalimu wetu tukachukuliwa na kwenda moja kwa moja kwenda mbugani na tulipofika tulikaribishwa vizuri na wahusika kwa kutuelezea baadhi ya vitu vizuri ambavyo tungeviona katika mbuga hiyo.

Baada ya hayo taratibu za malipo zilifanyika. Baada ya malipo kukamilika, Mwalimu Tricia aliwauliza wahusika kama tungeruhusiwa kupiga picha eneo lile kabla hatujaanza safari ya kutalii, wakamjibu kuwa hakukuwa na tatizo, tungeweza kupiga picha kadri tupendavyo. Basi Madam Tricia alituambia tukusanyike ili tupige picha kwa kutumia simu janja yake. katika hili nilipaga kuhakikisha nakaa mbali na Jennifer katika kila picha ili kuepusha matatizo yasiyokuwa ya lazima.
Picha ya kwanza tulipiga katika mtindo wa selfie, ambapo mwalimu Tricia ndiye aliyekuwa kashika simu. Katika hiyo picha mimi nilikuwa nyuma kabisa huku Jennifer alikuwa mbele jirani kabisa na mwalimu. Baada ya picha kadhaa za selfie, tulipiga picha ya pamoja katika mtindo wa kawaida ambapo mmoja wa wafanyakazi wa hapo mbugani ndiye aliyetupiga hiyo picha.

“sasa nataka nipige picha na wale top three wangu kwanza halafu ndo picha nyingine zitafuata. Nadhani wanajijua” alisema mwalimu Tricia huku akionyesha uso wa tabasamu. Wanafunzi wengine walianza kusogea pembeni ili watuache sisi top three tupige picha na mwalimu. Tuliokuwa katika top three tulikuwa ni mimi, Jennifer na Karim. Lakini cha kushangaza nilimwona Jennifer pia akisogea pembeni pamoja na wanafunzi wengine kama vile naye pia hakutakiwa kuwepo katika hiyo picha.

“Jennifer, unaenda wapi? njoo tupige picha” alisikika mwalimu Tricia akimwambia Jennifer.

“samahani madam, siwezi kupiga hiyo picha” alisema Jennifer huku akiwa anakunja mikono yake kifuani. Ilikuwa ni asubuhi na mapema lakini niliona kuwa hali ya hewa ingeenda kuchafuka na huenda kuharibu safari hiyo ambayo ilikuwa na lengo la kutufanya tufurahie na kuburudika.

“kwa nini?”aliuliza madam Tricia.

“basi tu sitaki, labda barry atoke.” Alisema Jennifer kwa kujiamini kabisa. Japo nilikuwa namfahamu vema Jennifer kuwa alikuwa ni mtu wa kisirani lakini sikuwahi kutegemea kuwa angeweza kuonyesha chuki yake kwangu waziwazi katika eneo kama lile, eneo la ugenini ambapo tulikwenda kwa ajili ya kufurahia na kujifunza pia. Si mimi tu niliyeshangazwa na kauli yake, karibu kila mtu aliyekuwa pale alishangazwa, hasa madam Tricia na wale wafanyakazi wengine wa hifadhi.

“kwani ninyi watu mna shida gani? Eti barry kuna nini mbona siwaelewi” aliuliza mwalimu Tricia akiwa anageuza shingo yake kunitazama mimi.

“umeona madam, sikutaka kuja huku kwa sababu ya mambo kama haya.” nilimwambia mwalimu Tricia kwa sauti ya chini kidogo.

“kwa nini lakini nyinyi watu mnafanya hivi? Tumekuja huku kwa lengo la kufurahia uwepo wa raslimali adhimu katika nchi yetu lakini ninyi mnataka kuvuruga kila kitu! Jennifer hebu acha hayo mambo bwana. Lengo lako ni kutuaibisha sisi walimu huku ugenini ili tuonekane hatuwafundishi maadili mazuri? Ndivyo mnavyotaka tuonekane?” alisema mwalimu Tricia. Aliongea kwa sauti iliyobeba hisia za kukerwa na lile tukio.

“vijana, mmekuja kutoka huko kuja kufurahia na kujifunza vitu muhimu kuhusu utajiri wa raslimali ambazo nchi yetu imebarikiwa, tafadhalini sana msilivuruge hili. Hii ni sehemu ya kuonyeshana upendo na sio chuki, mmenielewa? Tafadhalini msimsumbue mwalimu wenu.” alisema mzee mmoja aliyekuwa moja ya watu waliotupokea.

“kweli kabisa, hii siyo sawa kabisa. Jennifer njoo tupige picha. Kuwa na staha japo kidogo tu.” alisema mwalimu katika kumuunga mkono Yule mzee. Jennifer ni kama hakuwa amesikia chochote. Aliendelea kusimama huku akiwa amekunja mikono yake kifuani huku uso wake ukionyesha sura iliyojaa kisirani kikali. Kiukweli jambo lile halikuleta picha nzuri kabisa.

“madam, samahani kwa hili lililotokea, lakini naweza kusema kitu kama ukiniruhusu” nilimwambia mwalimu. Tayari nilikuwa nimepata wazo ambalo niliamini kuwa lingeweza kutoa suluhisho la tatizo lililokuwa mbele yetu.

“unataka kusema nini barry?” aliniuliza mwalimu huku uso wake ukionyesha shauku kubwa ya kutaka kujua, shauku iliyochanganyika na kuchanganyikiwa.

“inaonekana uwepo wangu hapa unasababisha watu wengine wasijisikie vizuri. Kwa kuzingatia kuwa eneo hili ni eneo kwa ajili ya kuburudika, si vyema mtu mwingine akawa chanzo cha watu wengine kukosa furaha. Kwa hiyo madam, kwa ruhusa yako naomba nirudi hotelini ili wale wasiofurahia uwepo wangu wabaki na amani” nilitoa wazo langu ambalo niliamini lingetoa suluhisho.

“unasema nini wewe! Yaani mambo yenu binafsi yanataka kuharibu maana nzima ya safari hii. Barry, hauendi popote. Tutaambatana sote kwenda kutalii. Hakuna mtu yeyote atakayekosa kushiriki katika hili, nimemaliza” alisema mwalimu huku akiwa anaonyesha uso wa kukasirika. Sikumlaumu, kwa kile kilichokuwa kinaendelea alikuwa na haki ya kukasirika.

Wenyeji wetu ambao walitupokea na pia ambao ndio wangetutembeza katika mbuga hiyo ya wanyama walizidi kushangazwa na lile tamasha la bure ambalo lilikuwa likiendeea. Tamasha lile lilifanya tuonekane watalii kituko kabisa.

“kweli kabisa, hakuna mtu atarudi hotelini. Wote tutakwenda kutalii, sivyo jamani?” alisema dada mwingine ambaye naye alikuwa ni moja wa watu waliotupokea mahali hapo.

“ndiyo” wanafunzi baadhi walijibu kwa sauti ya wastani.

“hebu oneni, ndo kwanza hata safari haijaanza hali iko hivi, hakuna ajuaye ni nini kitatokea mbele. Ili kuepusha lolote baya, naomba nirudi nikapumzike hotelini” nilisema kwa kujiamini kabisa.

“oya mzee baba we potezea tu mwanangu, tumekuja ku’enjoy hapa sasa wewe ukirudi tena hotelini hiii tour itakuwa haina maana tena. We twende tu mzee” alisema Rashid, mwanafunzi mwenzangu ambaye tulikuwa wote kwenye tour hiyo.

“nakuelewa sana mzee baba, ila mwenyewe si unaona mzee. Ni wazi Jennifer hafurahii kabisa mimi nikiwepo. Wacha nigeuke hotelini, mtanisimulia nilichokiona pindi mtakaporudi. Mi sija’mind wala nini” Nilisema huku nikimpa tano Rashid na wanafunzi wenzangu wengine wa kiume kama ishara ya kuwaaga. Nilipomaliza nikamsogelea madam Tricia “madam naomba unisamehe sana kwa kutia doa tour hii, wacha nirudi hotelini ili angalau madoa zaidi yasijitokeze”.

Nilipomaliza kusema hayo sikusubiri jibu lake lolote, nilianza kupiga hatua kurudi hotelini. Palikuwa ni umbali mrefu kidogo ila sikujali. Nilitembea umbali wa mita kama thelathini hivi kisha nikageuka nyuma, niliona watu wote wakiwa wananitizama mimi, sikujali..niliendelea na safari.

Nilipofika hotelini eneo la mapokezi nikaomba funguo ya chumba. Yule mhudumu aliniuliza ni kwa nini nilirudi mapema namna hiyo nikamjibu kuwa sikuwa najisikia vizuri hivyo nilirudi kumpumzika, alinipa funguo kisha nikaondoka kuelekea chumbani kwangu. Nilipofika chumbani, bila kufikiria chochote nilijitupa kitandani. Akili yangu yote ilianza kulifikiria tukio lilitokea muda mchache uliopita, nikajikuta najilaumu sana kwa kukubali kushiriki katika ile safari kwa maana kama nisingesafiri kama nilivyokuwa nimeazimia mwanzo, hayo yote yasingejitokeza.

Pia nilimfikiria sana Jennifer, msichana aliyekuwa na hulka ya ajabu sana. Msichana ambaye angeweza kufanya chochote kile ambacho alijisikia bila kujali ni nani alikuwa mbele yake. japokuwa mimi nilikuwa sitaki tena matatizo yoyote na yeye, lakini ilikuwa si chochote maana nilikuwa bado nashuhudia tabia zake za ajabu ambazo sikuwahi kudhani kuwa binadamu yeyote wa kawaida angeweza kuwa nazo.

Niliendelea kubadili kila aina ya pozi pale kitandani lakini hiyo haikusaidia kuniondolea mawazo niliyokuwa nayo. Dakika na masaa yalienda taratibu sana, taaratiibu saana. Nikatamani ningekuwa na uwezo nikimbize muda mbele ili muda wa kukaa huko uishe mapema kwa maana hakuna jambo lolote la maana ambalo niliona kuwa ningweza kulipata.

Kwa tabu sana jioni ilifika, nikatoka nje kupunga upepo. Baada ya dakika kama ishirini hivi, nikawaona wanafunzi wenzangu pamoja na mwalimu wakirudi hotelini. Walipofika tulisalimiana na wote kasoro Jennifer ambaye yeye alipitiliza moja kwa moja ndani ya hoteli. Tulipiga stori za hapa na pale wakinisimulia walichokiona huku nikijitahidi kukwepesha story za tukio lililotokea asubuhi. Baada ya dakika kama 45 hivi tulianza kutawanyika mmoja baada ya mwingine kwenda kuoga. Baada ya hapo tulipata chakula cha jioni, haya yote yalifanyika huku mimi nikijitahidi kujiweka mbali Jennifer kadri nilivyoweza.


Baada ya kupata chakula cha jioni tulienda kupiga stori na ‘wanangu’ eneo la nje ya hoteli hiyo. Katika kundi hilo tulikuwa watu wote isipokuwa jennifer, madam Tricia na msichana mwingine aliyeitwa Najma. hali hii ilinifanya niwe huru kidogo kwa maana jennifer hakuwepo. Wakati tukiwa tunaendelea na kupiga gumzo nilimuona Najma akija mahali ambapo tulikuwa tumekaa. Alikuja akatusalimia kisha bila ya kuchelewa aliniambia kuwa madam Tricia alikuwa akinihitaji. nilipatwa na mshangao kidogo, nikamuuliza kwani kulikuwa na nini, Najma alisema hata yeye hajui. Nilimwambia twende wote lakini alisema yeye harudi tena huko ila alinielekeza mahali ambapo madam alikuwa amekaa. Nikaona isiwe shida, nikachanganya miguu yangu kuelekea mahali ambapo najma alikuwa amenielekeza.

Wakati nafika mahali hapo nilimuona mwalimu akiwa amekaa na jennifer, kitu ambacho kilinipa shida sana wakati nasogea pale. Nilifika pale nikamsalimia madam pekee. Sikutaka kumsalimia Jennifer maana yawezekana hata asingejibu salamu yangu halafu ingeleta picha mbaya mbele ya mwalimu na kumfanya mwalimu azidi kutukasirikia. Nilimtupia jennifer jicho la wizi nikamwona na na yeye akiniangalia kwa jicho la wizi vilevile. Wezi tulikuwa tumekutana sasa.

"madam, nimesikia kuwa unaniita" nilimwambia madam ili aongee haraka niende, nipate nafasi ya kumuepa jennifer.

"ndiyo" alijibu madam.

"nakusikiliza madam"

"kaa kabisa maana hautoondoka sasa hivi” alisema madamu Tricia. Kauli ile ilinishtua si kidogo. Nikiwa sijui nini kinaendelea madam Tricia akaendelea “nilichokuitia hapa ni kuhusu mahusiano yako na jennifer. Kuna nini kinaendelea kati yenu? Ni nini chanzo cha ugomvi wenu?”

"sidhani kama ni ugomvi, ni kutokuelewana kwa kawaida tu madam. mimi sina ugomvi na jennifer" nilijibu kwa jinsi yakufanya mambo yaonekane madogo.
“barry, Jennifer..hebu oneni jinsi mlivyotutia aibu leo asubuhi. Mmefanya sisi sote tuonekane na watu wa ajabu kabisa. Hivi nini nini kinawasumbua nyinyi wawili?,eeh eti Jennifer, nini tatizo.? Je, ni masuala ya mapenzi? Eeh?” Aliuliza mwalimu Tricia.

“hapana madam, ila huyu mkaka huwa ananifuatilia sana, kila siku ananichokonoa chokonoa tu ili tu anikere, sijui ananitafuta nini. Kiukweli namchukia sana, silipendi kama nini” alisema Jennifer akionyesha ni wazi alikuwa anamaanisha kile alichokuwa anakisema. Kauli ya Jennifer ililenga kunibebesha zigo la lawama ili nionekane imi ndiye chanzo cha matatizo yote. Japokuwa nilitaka kujitetea mbele ya mwalimu ila nikaona ni bora kukaa kimya.

“Jennifer, kwani yeye alikufanya nini hadi unamchukia hivyo?” aliuliza mwalimu kwa sauti ya upole.

“anajua yeye alichokifanya” alijibu Jennifer kwa mkato. Jibu la Jennifer lilifanywa mwalimu Tricia anigeukie mimi.

“eti barry, ulimfanyaje Jennifer?” walimu aliniuliza.

“madam, binafsi sioni kama kuna umuhimu wowote wa kuzungumza mambo mwengi kuhusu hili jambo. Sikatai kuwa kulikuwa na kutokuelewana kati yangu na yeye, lakini kwa sasa mimi sina tatizo na yeye na wala sihitaji matatizo zaidi na yeye na ndiyo maana niliweza hata kumuomba msamaha mbele ya darasa zima lakini yeye hakutaka tuyamalize. Sasa kwa hali kama hiyo unadhani mimi nitafanyaje madam” nilisema kwa sauti iliyojaa utulivu mkubwa.

“Jennifer, barry alishawahi kukuomba msamaha mbele ya darasa? Kwa nini hukumsamehe? Kwa nini msimalize tofauti zenu?” mwalimu alimuuliza Jennifer maswali matatu mfululizo. Jennifer hakujibu chochote bali uso wake ulizidi kubadilika na kuonyesha hasira na chuki za wazi alizokuwa nazo juu yangu. “Jennifer, msamehe barry yaishe. Sijui ni nini kimetokea kati yenu lakini sidhani kama ni jambo kubwa kiasi kwamba hamuwezi kulimaliza. Jennifer, ninyi ni wanafunzi, tena wanafunzi wenye uwezo mkubwa sana darasani, ninyi mnatakiwa mshirikiane ili kuongeza chachu kwa wengine katika kuporesha taaluma yenu na ya wanafnzi wenzenu wengine.”

“pia hata hivyo, kuna maisha baada ya shule. Mkitoka hapa mnaweza kukutana tena huko kwingine nje ya shule, sasa kama mtashindwa kusaidiana katika shida mbalimbali huko mtaani. Tafadhali Jennifer, ni wazi naona barry yuko tayari kumaliza tofauti ambazo zipo kati yenu basi hebu msamehe yaishe” alisema mwalimu Tricia kwa sauti iliyojaa hisia za upendo na kujali. Alimtizama Jennifer huku usoni wake ukionyesha matumaini kuwa huenda Jennifer angeuelewa ujumbe huo na kuufanyia kazi haraka.

Kinyume na matarajio ya mwalimu na hata mimi pia, Jennifer alinyanyuka na kuondoka pasipo kusema kitu chochote. Mwalimu alijaribu kumuita lakini hakugeuka, aliendelea kupiga hatua hadi alipopotea mbele ya macho yetu.

Huo ulikuwa ni mwendelezo mwingine wa tabia za kushangaza za jennifer. Nilijikuta nacheka kwa sauti hali iliyomfanya mwalimu anishangae. Si kwamba nilicheka kwakufurahia tukio lile bali nilipatwa namshangao mkubwa kiasi kwamba nikajikuta nacheka pasipo kutarajia.

“ni kipi kilichokufurahisha hapo?” aliniuliza mwalimu.

“hakuna chochote cha kufurahisha, ila nadhani utakuwa umeiona rangi halisi ya Jennifer. Yeye si msikivu kabisa” nilimwambia mwalimu.

“nilitaka kujaribu kuwawekeni sawa ila mtajua wenyewe, sitojishughulisha tena na lolote kuwahusu ninyi wawili” alisema mwalimu huku akinyanyuka na kuondoka. Sauti ya mwalimu ilionyesha ni wazi alikuwa amekasirika. Hata mimi nilijisikia vibaya kwa kile Jennifer alichokifanya.

Asubuhi iliyofuata ilikuwa ni siku ya pili ya ya kwenda kutalii. Siku hii sikupanga kujishughulisha na chochote kuhusu kwenda kutalii, nilipanga kutumia siku zangu zote hapo hotelini tu kwa kuwa sikutaka kuwa sababu ya kuharibu furaha ya Jennifer. Kuna wakati nilikuwa nafikiri ni vyema kama ningeachana na mambo ya kutalii na kurudi shule ila niliona jambo hilo lingeleta maswali mengi. Kwa kuwa sikuwa nimepanga kuandamana na wenzangu kwenda kutalii, nilichelewa sana kuamka. Niliamka kama saa tatu na dakika zake.

Niliswaki kisha nikaoga, baada ya hayo nikaanza kwenda kwenye mkahawa uliokuwa ndani ya hoteli hiyo ili nipate kifungua kinywa. Kwa kuwa watu wengi muda huo walikuwa wameenda kutalii hapakuwa na watu wengi. Wakulikuwa na watu watatu tu waliokuwapo ndani ya mkahawa. Na kati ya watatu hao nilimwoona mtu ambaye sikutarajia kumwona eneo hilo. Alikuwa Jennifer, ndiyo Jennifer.

Jennifer alikuwa amekaa akipata kifungua kinywa. Lilikuwa ni jambo la kustua mimi kumwona yeye pale kwa kuwa niliamini kuwa kwa wakati huo angetakiwa kuwa na wenzake kwenye kutalii huko, sasa ni nini kilimfanya abaki? sikupata jibu.

Wakati nikipiga hatua kuingia ndani ya mkahawa, akili yangu kuna kitu ilikifikiria nikifanye. Nami sikutaka kuipinga, nikaridhia kufanya kulingana na matakwa yake. nilienda mahali ambapo mhudumu wa alikuwepo, nikaagiza chai na chapati tatu. Nikampa pesa yake kisha nikabeba kifungua kinywa changu na nikaanza kupiga hatua kutafuta sehemu ya kukaa. Nilichagua meza iliyokuwa inafuatana na meza aliyokaa Jennifer na zaidi nikachagua kukaa kiti ambacho mimi na yeye tulikuwa tunatizamana.

Nilianza kunywa chai huku nikimuangalia Jennifer kwa chinichini, yeye alijifanya yuko bize kutafuna machapati yake. nami bila kuchelewa nikaanza kufanya kile ambacho akili yangu ilitaka nikifanye.

“mbona yeye yuko hapa! Alitakiwa kuwa na wenzake, sivyo? Nini kimemzuia yeye kwenda?” niliongea kwa sauti ambayo nilikuwa na uhakika Jennifer alikuwa anaisikia vyema kabisa. Nilimwangalia kwa jicho la wizi, alionekana kama hakuwa amesikia chochote. Nikaamua kuendelea kuongea. “labda jana hakuvutiwa na wanyama aliowaona hivyo leo ameamua asiende kabisa. Lakini mbona mbuga hii ni moja ya mbuga kubwa na yenye wanyama wengi wa kuvutia! Ina maaana yeye hakuvutiwa na mnyama hata mmoja! Hapana haiwezekani, lazima kuna sababu nyingine” niliongea huku nikimtupia jicho la wizi. Niliona kasi yake ya kula inapungua. Ni wazi alikuwa anasikiliza kile ambacho nilikuwa nakiongea. Nilipata nguvu ya kuendelea zaidi.

“au itakuwa ameogopa wanyama wa mwituni kwa kudhani kuwa wangemla yeye. Lakini hata hivyo, yeye muda wote amenuna, ana hasira na visasi. Ni wazi hata nyama yake itakuwa mbaya sana, itakuwa chungu mno. Hakuna mnyama anaweza kujisumbua kumla yeye. Hata wanyama wa porini wanapenda na kuvitambua vitu vizuri bwana. Lakini pia, yeye siyo muoga. Yeye anaweza kupambana na kitu chochote, anaweza kupambana na moyo wake mwenyewe, nini samba.! Ni wazi kuna sababu nyingine.” niliendelea kuongea huku nikimtupia jicho la wizi,mara hii aliacha kula kabisa, ila hakunyanyua macho kuniangalia, ni kama alikuwa anatafakari kile ambacho alikiwa aikisikia nikikisema. Kwa upande wangu, nilikuwa nimebaki na silaha moja ya maangamizi. Bila kuchelewa nikaamua kuitumia.

“anhaa nimekumbuka, jana kuna kijana hakwenda kutalii sasa inawezekana yeye anampenda sana huyo mvulana kiasi kwamba ameshindwa kwenda kutalii ili tu amuone hotelini huyo mvulana ambaye ni kipenzi cha roho yake kwa sasa. Kweli kabisa, hili ni jibu sahihi maana mapenzi yana ngu…..” kabla sijamaliza kuongea nilistuka kimiminika cha moto kikitua sehemu za usoni, kifuani na baadhi ya sehemu za tumboni. Kimiminika hicho kiliniunguza katika ni mwili wangu. Alikuwa ni Jennifer, Jennifer aliniwagia chai, kisha akasimama na kuanza kupiga hatua kutoka katika eneo lile. Na mimi bila kufikiri mara mbili nikanyanyuka na kuanza kumfuata kwa nyuma kwa kasi kubwa. Baada ya muda mchache nilimfikia kisha nikampita na kumzuia kwa kusimama mbele huku nikiwa nimemkazia jicho isivyo kawaida. Jennifer naye alisimama huku akinitizama kwa jicho hasira.

Itaendelea….
 
MAISHA YANGU NYUMA YA PAZIA JEUSI



SEHEMU YA 12



Ilipoishia….



“anhaa nimekumbuka, jana kuna kijana hakwenda kutalii sasa inawezekana yeye anampenda sana huyo mvulana kiasi kwamba ameshindwa kwenda kutalii ili tu amuone hotelini huyo mvulana ambaye ni kipenzi cha roho yake kwa sasa. Kweli kabisa, hili ni jibu sahihi maana mapenzi yana ngu…..” kabla sijamaliza kuongea nilistuka kimiminika cha moto kikitua sehemu za usoni, kifuani na baadhi ya sehemu za tumboni. Kimiminika hicho kiliniunguza katika ni mwili wangu. Alikuwa ni Jennifer, Jennifer aliniwagia chai, kisha akasimama na kuanza kupiga hatua kutoka katika eneo lile. Na mimi bila kufikiri mara mbili nikanyanyuka na kuanza kumfuata kwa nyuma kwa kasi kubwa. Baada ya muda mchache nilimfikia kisha nikampita na kumzuia kwa kusimama mbele huku nikiwa nimemkazia jicho isivyo kawaida. Jennifer naye alisimama huku akinitizama kwa jicho hasira.



Endelea……



“Jennifer, a.k.a. malkia wa nguvu. Msichana jasiri kuliko wote, lakini imekuwaje leo unanikimbia?” nilimwambia Jennifer kwa sauti ya chini lakini ambayo ilikuwa inasikika vyema. Jennifer alitaka kuondoka kwa kujaribu kupita pembeni yangu lakini nikamzuia “ngoja kwanza wewe, jibu maswali yangu. Inakuwaje leo unanikimbia? Au wewe si jasiri tena?” niliendelea kumzonga. Eneo ambalo tulisimama lilikuwa ni kwenye korido iliyotenganisha vyumba hivyo niliamini kuwa watu wasingetuona kirahisi ikizingatiwa kuwa watu wengi hawakuwepo vyumbani mwao, hili lilinipa kujiamini zaidi.



“barry usitake kunivuruga, naomba uniache niende” alisema Jennifer kwa sauti iliyojaa mamlaka pamoja na vimelea vya hasira akidhani kuwa angefanikiwa kunitisha. Kitu ambacho hakujua kuwa siku hiyo nilikuwa Barry tofauti, siyo Yule Barry aliyemzoea.



“Funga domo lako wewe mtoto wa kike. Hivi unadhani unaweza kunifokea eeh!, sivyo? Mimi niliacha kwenda kutalii jana na leo ili nikuachie uhuru wewe. Sasa kwa kuwa leo umeamua kutokwennda na kubaki hapa hotelini basi ujue uko kwenye himaya yangu mimi. Hivyo, acha hicho kidomodomo na ukae kwa kutulia” nilionngea kwa madaha na kujiamini sana, nilikuwa najiona ni kama nyota wa kwenye filamu. “Kwanza hebu niambie, ni kwa nini hujaenda kutalii leo?” nilimuuliza.



“hayakuhusu” alijibu Jennifer huku akiwa amenikazia macho.



“hayanihusu!? Ubongo wako utakuwa umeshaanza kuoza ndiyo maana unasahau upesi sana. Nimeshakwambia kuwa hapa upo katika himaya yangu hivyo unatakiwa uwe mpole na ujibu maswali yangu kadri inavyotakiwa. Nambie, ulinimiss sana eeh, kiasi ukashindwa kuvumilia kutokuniona leo eeh, ndiyo maana ukaamua ubaki hotelini. Usione aibu bwana” niliamini hili lingemchokoza vya kutosha Jennifer.



Nikiwa bado nafikiri ni jinsi gani maneno yangu yalimgusa Jennifer, nilistuka napigwa makofi mawili mfululizo kwenye mashavu yote mawili. Nilipigwa na bumbuwazi, macho yakawa yanaona nyota nyota na vitu vingine visivyoeleweka. Wakati nikiendelea kusikilizia maumivu ya yale makofi, Jennifer aliondoka na kuanza kwenda chumbani kwake. Ghafla nilizinduka na kuamua kumfuata, kwa kuwa nilihisi kile nilichokuwa nataka kukifanya hakikuwa kimekamilika.



Nilitembea kwa kasi na kwenda kumzuia tena kwa kusimama mbele yake, mara hii nikimangalia kwa tabasamu mwnana. Nilipanga kumvuruga kiakili kwa kutumia mbinu zangu adhimu ambazo nilikuwa nikizitumia katika mazingira kama yale.



“sijali hata unipige makofi mangapi ila hadi unijibu hili. Jennifer, nambie…kwa nini umemua kubaki hotelini leo. Kum’miss mtu hakijawahi kuwa kitu kigeni bwana. Sema tu kama ulinimiss” nilimwambia Jennifer nikiamini ningechochea moto wa hasira zake, na ndicho nilichokuwa nakitaka.





“nikumiss wewe kama nani! Sijaenda kwa sababu wewe na madam Tricia mlinikera jana na vikao vyenu visivyo na maana. Vipi kuna kingine unataka kujua?” alinijibu Jennifer. Nadhani aliamua kunijibu ili kuondoa usumbufu. Baada ya kusikia hayo, nilisogea pembeni kuashiria kupisha aendelee na safari yake kwa kuwa niliridhika na kile alichokijibu. Kumpisha aende haikumaanisha kuwa kazi yangu ilikuwa imekamilika, ila ilikuwa inakaribia kukamilika.



Jennifer alianza kupiga hatua kwa mwendo wa wastani huku mimi nikimwangalia. Nilikuwa natafakari ni kwa jinsi gani ningeumaliza mchezo ule kiufundi zaidi. Baada ya sekunde chache za kufikiri nikapata suluhisho.



“jana ulikataa kupiga picha mimi nikiwepo kwa kuwa pengine unaamini huwa nakukera, nikaamua kuondoka na kukuachia uhuru na furaha yako. Leo umebaki hapa kwa madai kuwa mwalimu Tricia na yeye kakukera pia. Vipi kuhusu kesho, kesho kutwa, mwezi ujao, miaka mitano ijayo? Pengine utakuwa na kundi kubwa la watu ambao utakuwa unadai kuwa wanakukera. Utawezaje kuishi huku una watu wengi unawachukia? Na kwa nini wakukere wewe tu? Wewe ni nani hasa? Una nini cha ajabu hadi ujione wewe ni maalum kiasi hicho? Ni upumbavu mkubwa kumchukia mtu kisa tu hapendi kile unachokipenda wewe, au akiwa yupo tofauti na mtazamo wako. Maisha hayaendi hivyo Jennifer.” Nilisema basipo kumtazama. Lakini japo nilikuwa simtazami niliweza kutambua kuwa alikuwa amesimama akinisikiliza. Nilitambua hilo kwa kuwa sauti za viatu zilikoma wakati naongea. Niligeuka taratibu kutazama kama kweli alikuwa amesimama, ni kweli Jennifer alikuwa amesimama,na ni wazi alikuwa ananisikiliza.



Nilianza kupiga hatua taratibu kumfuata mahala alipokuwa amesimama, nikamfikia, nikasimama sambamba naye.



“Jennifer, unatakiwa kujifunza kuishi na watu walio kinyume na wewe kwa sababu kwenye hii dunia hatufanani. Ukiendelea na misimamo yako hiyo ya kijingajinga utapata tabu sana, saana. Mimi siyo mhuburi, ila hili ni neno langu kwako. Ukipenda lichukue na ukatafakari na kama hujalipenda fanya vile roho yako inapenda, kama kunizaba makofi mengine, kunitemea mate au vyovyote vile” nilihitimisha.



Baada ya mimi kumaliza kusema hayo, Jennifer alianza kupiga hatua kuelekea chumbani kwake. Alipofika alifungua mlango kwa kasi na kuufunga kwa spidi hiyo hiyo. Nilisimama mahala pale kwa muda kisha nami nikaenda chumbani kwangu. Baada ya kufika chumbani nilipitiliza moja kwa moja kitandani huku nikijaribu kutafakari tukio la siku hiyo kati yangu na Jennifer. Nilikuwa najaribu kung’amua ni kwa namna gani Jennifer aliuchukulia ujumbe wangu. Je, aliuona ni wa maana au aliuchukulia takataka kama alivyozoea. Ila baadaye nikahitimisha kuwa muda ungenipa majibu. Niliendelea kujilaza pale kitandani na jambo la kushangaza nikajikuta napitiwa na usingizi.



Nilikuja kustushwa na sauti aliyekuwa anagonga mlango. Nilijizoazoa na kwenda kuangalia ni nani alikuwa anagonga. Akili yangu ilinambia kuwa huenda alikuwa ni moja ya wahudumu wa hoteli alikuwa akihitaji kitu Fulani. Lakini makisio yangu yalikuwa tofauti kabisa kwa sababu yalikuwa tofauti na kile ambacho mimi nilikitarajia. Nilitoa macho kwa mshangao, sikuamini kile nilichokuwa nakiona.



“Jennifer, ni wewe!?” nilisema nikiwa namwangalia Jennifer usoni. Jennifer aliitikia kwa kutingisha kichwa. Alikuwa amesimama kwa utulivu sana. Baada ya muda kidogo, mshangao wangu ulipungua na nikarudi katika hali yangu ya kawaida. “nini tena kingine?, unataka kunipiga makofi mengine? Nambie” alimuuliza swali la kichokozi.



“samahani barry, naweza kuongea na wewe” alisema Jennifer katika sauti ambayo sikuwahi kuisikia kabla. Sauti ya utulivu na unyenyekevu.



“kweli maajabu hayawezi kwisha, leo Jennifer unaweza kusema samahani….hahahaha, ok sawa. Unataka kuongea kuhusu nini?” nilimuuliza.



“nataka kuongea kuhusu mimi na wewe” alisema Jennifer.



“kuhusu mimi na wewe!?....maajabu kabisa haya, lakini…ok, nikukute nje huko. Nakuja” nilimjibu Jennifer. Jennifer aligeuka na kuelekea kwenye korido iliyokuwa inaelekea nje kwa mwendo wa wastani. Nilibaki pale mlangoni nikimtazama huku nikitafakari jambo lile. alitembea hatua kadhaa, kisha akageuka, akanitazama, kwa kuwa hata mimi pia nilikuwa namtazama macho yetu yaligongana. Tulitizamana kwa sekunde kadhaa, kisha Jennifer akageuka na kuendelea kwenda. Niliendelea kumtizama hadi pale alipopotea kwenye macho yangu, nikafunga mlango na kurudi chumbani.



Kwa jinsi Jennifer alivyokuwa amevaa sura ya utulivu iliniwia viggumu kuelewa ni nini hasa kilikuwa kimempata. Msichana ambaye alitenda jeuri kadri ya vile alivyojisikia leo alikuwa anaomba kuonana na mimi kwa lugha ya kistaarabu kabisa. Moyoni mwangu nilianza kujiona mshindi kwa kufikiri kuwa huenda maneno yangu yalimchoma moyoni na kumfanya ahisi kuwa alihitajika kubadilika. Wazo hili lilikuwa na nguvu sana japo sikuweza kijihesabia kufanikiwa moja kwa moja kwa maana Jennifer alikuwa ni mtu ambaye haikuwa rahisi kumtabiri.



Nilitoka chumbani baada ya dakika kadhaa za tafakari, nikapiga hatua kuelekea nje ya jingo la hotel hiyo ambapo kulikuwa na sehemu za kupumzika ambapo kimsingi ndipo ambapo nilimwambia Jennifer anisubiri huko. Kila hatua niliyokuwa napiga ilinifanya nizidi kuwa na shauku zaidi ya kufahamu ni nini hasa alitaka kuniambia.



Nilifika kwenye lango kuu la kuingilia na kutokea kwenye hoteli hiyo, nikaangaza macho yangu huku na kule ili niweze kuoa ni wapi alipokuwa amekaa Jennifer. Baada ya sekunde chache za kuangaza nilifanikiwa kumwona. Nikaanza kupiga hatua kwa mwendo wa wastani huku kichwa changu kikijaribu kuandaa maneno ya kuongea kulingana na hali ambazo zingeweza kutokea katika maongezi yangu mimi na Jennifer.



Nilipofika nikakaa pembeni yake huku nikiwa namtizama. Nilifanya hivyo ili angalau niweze kung’amua ni nini hasa pengine alipanga kuniambia. Jennifer alikuwa bado katika uso ule ule ambao nilimwona wakati alipokuja kunigongea chumbani kwangu, uso uliojaa unyenyekevu na utulivu.



Baada ya kukaa nilisubiri yeye aanza kuongea alichokitaka, lakini cha kuchangaza alibaki kimya. Ukimwa ulitawala kiasi nikaona ni bora nianzishe mazungumzo mimi mwenyewe, japo sikupenda iwe hivyo.



“nakusikiliza” nilitamka neno hilo moja ili kumpa nafasi yeye aanze kuongea alichokitaka. Tofauti na matarajio yangu, Jennifer bado aliendelea kuwa kimya pia hakuwa akiiangalia. Muda wote macho yake yaliangalia mbele ambako hakukuwa na kitu chochote cha maaana kiasi cha kuvuta makini yake. “kama huwezi kuongea niambie mimi niondoke” nilisema baada ya kuona kuwa alikuwa bado kimya licha kumpa nafasi ya kuongea.



“barry sijui hata nianzie wapi?” alisema Jennifer pasipo kuniangalia. Ni kama nilianza kumwelewa ni nini hasa pengine alitaka kukisema ila alishindwa. Kwa kuwa sasa nilikuwa na uhakika kwa asilimia nyingi juu ya mawazo yake kwa wakati huo, niliamua kutumia mbinu mbadala ili kuharakisha mambo.



“sawa, ngoja mimi nirudi chumbani, ukishapata pa kuazia njoo, Nitakusikiliza” nilitamka maneno hayo huku nikianza kunyanyuka na kurudi tena ndani ya hoteli. Nilifanya vile si kwa kuwa nilitaka kurudi chumbani badi ilikuwa ni nja ya kumfanya yeye aonngee upesi. Nilianza kutembea kuelekea lango la kuu la hoteli huku masikio yangu yakiwa yanatarajia kusikia sauti ya Jennifer ikinizuia kuwa nisiende. Nilizidi kupiga hatua ila sikusikia chochote. Nilitaka kugeuka kumwangalia ili nione ni nini alikuwa anakifanya lakini nikaona kuwa kufanya hivyo kungefanya nionekane kuwa hata mimi nilikuwa najali sana kuhusu mazungumzo hayo. Kwa hiyo ili nionekane sikuwa najali chochote kuhusu yeye niliendelea kukaza shingo yangu ukelekea mbele huku nikiwa na shauku kubwa ya kugeuka.



Nilizidi kupiga hatua huku nikianza kuona kuwa plan yangu ilikuwa inaelekea kushindwa, maana Jennifer alikuwa kimya bado. Nilianza kujilaumu ni kwa nini nilitumia mpango huo kwa msichana kama Jennifer, msichana ambaye hakuwa akitabirika kwa lolote.



Baada kulikaribia lango kuu la hoteli masikio yangu yalisikia kitu ambacho kilifufua matumaini yangu tena. Nilisikia vishindo vya mtu akikimbia kuja katika uelekeo wangu. Nilihisi moja kwa moja huyo alikuwa ni Jennifer. Japo nilitaka kujiridhisha kama kweli alikuwa ni yeye, ila nikaendelea kushikilia kanuni yangu ya kutokujionyesha kuwa nilikuwa najali hivyo nilijikaza nisigeuke.



Kadri sekunde zilivyokuwa zinasogea ndivyo vishindo navyo vilizidi kunikaribia na hatimaye nikashikwa bega, nikasimama lakini bado sikutaka kugeuka. Nilisimama huku kichwa changu kikiwa kinatazama mbele bila kutetereka.



“barry, naomba unisamehe” alisikika akisema mtu aliyekuwa amesomama nyuma yangu. Kwa sauti yake niweza kumtambua. Kauli ile ilinishangaza sana. Ilinishangaza si kwa sababu ilikuwa ni kauli ya ajabu, bali ni kauli ambayo ilitoka kutoka katika kinywa cha mtu ambaye hakuwa na haiba ya kuweza kutamka kauli kama hiyo. Lakini licha ya mshangao wangu mkubwa nilioupata, nilijitahidi kuuficha ili usigundulike.



“kwa lipi?” nilimjibu pasipo mimi kugeuka.



“kwa yote ambayo yametokea kati yetu. Maneno yako ya leo yamenifungua mengi. Nimegundua ni wapi nilikuwa nakosea. Barry nisamehe” alisema Jennifer akiwa bado amesimama nyuma yangu.



“nilishakusamehe zamani sana, wala hukuwa na haja ya kuniomba msamaha” nilimjibu.



“kweli barry?” aliuliza jeniifer huku akisogea na kusimama mbele yangu na kufanya tusimame katika namna ambayo tulikuwa tunatazamana.



“kwani kuna gharama gani kumsamehe mtu? Mimi siyo kama wewe” nilimjibu huku nikimtazama. Baada ya kutamka sentensi hiyo, Jennifer aliruka na kunikumbatia kwa nguvu sana. Matukio yote haya yalinifanya nipigwe na bumbuwazi. Sikuwahi kufikiri kuwa ingetokea siku Jennifer angenikumbatia kama vile. Japo nilikuwa katika dimbwi laa mshangao, nilijitahidi kutoa ushirikiano kwa kuweka mikono yangu juu kwenye mgongo wake. Baada ya sekunde chache nilijitoa mikononi mwa Jennifer kwa kuwa eneo lile ilikuwa la wazi sana, tungeweza kuonwa na watu kirahisi kabisa.



“barry, shukrani sana, wewe ni mtu mwema sana. Kwa kuwa umenionyesha mapungufu yangu nakuahidi nitabadilika. Sitakuwa Yule wa zamani” alisema Jennifer akiniangalia usononi huku mikono yake ikiwa imeishika mikono yangu. Lilikuwa ni pozi ambalo lilifanya tuonekane I kama tuliokuwa katika penzi jipya.



“Hilo la kubadilika halinihusu, ubadilike, usibadilike, mimi sijali. Hilo ni juu yako mwenyewe hivyo huna haja ya kujiapiza mbele yangu” nilijibu jeniifer. Kauli hiyo ilikuwa ni mwendelezo kuwa kujifanya nionekane nilikuwa mgumu na sikuwa najali sana japokuwa nafsini mwangu nilikuwa na hisia tofauti kabisa, hisia za kufarijika kwa kuona juhudi zangu ngalau zilikuwa zimeanza kuzaa matunda.



“barry, ni lazima nijiapize mbele yako kwa kuwa wewe umekuwa muathirika mkubwa wa tabia zangu za ajabu. Hata hivyo nashukuru kwa kunionyesha nafasi sahihi kwa ajili yangu” alisema Jennifer.



“ok, vipi kuna lingine la ziada.? Maana nahitaji kwenda kupumzika” nilimwambia Jennifer huku nikijiandaa kuondoka. Nilifanya hayo yote kwa kuwa nilikuwa tayari nimehakikisha kuwa Jennifer alikuwa chini yangu kihisia, hivyo huo ulikuwa ni mpango wa kucheza na hisia zake ili azidi kujishusha zaidi.



“barry, huwezi kukaa na mimi japo dakika chache? Ningependa nitumie muda zaidi na wewe” alisema Jennifer. Na hicho ndicho hasa nilikuwa nakitarajia kutoka kwake. Alipita kwenye njia hiyohiyo ambayo mimi nilitaka apite.



“ni hivyo kumbe!, kwa hiyo mimi kukusamehe kunakufanya ujisikie una amri ya kuniamuru nifuate matakwa yako na niyaache yangu? Sivyo?” nilimuuliza swali la mtego kwa makusudi. Nilitaka azidi kuninyenyekea. Unajua katika haya maisha ukipata nafasi ya kutamba, tamba kweli kweli maana huwezi jua ni lini hiyo nafasi uliyonayo itakupotea. Hivyo kwa kuwa Jennifer kwa ridhaa yake mwenyewe aliamua kujiweka chini yangu, nilitaka kuitumia vyema nafasi hiyo.



“siyo hivyo barry, karibu muda wote ambao tumefahamiana hatujawahi kuwa na mawasiliano mazuri, hivyo nilikuwa napenda kama tutautumia muda huu kucheka na kufurahi pamoja ili kufuta kumbukumbu mbaya za nyuma zilizotokea kati yetu. Sio kama nakulazimisha barry, ni kama ukipenda na ukizingatia kuwa kwa kinywa chako mwenyewe umesema kuwa umenisamehe” alisema Jennifer. Ni kama na yeye aliniweka kwenye mtego wa kupima imani yangu juu yake. kitu ambacho alikuwa hakijui ni kuwa nilipanga kumshangaza.



Itaendelea…
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register