tpaul
Platinum Member
- Feb 3, 2008
- 27,197
- 27,817
TATHMINI YA UCHAGUZI MDOGO KATIKA KATA 27
Matokeo ya uchaguzi katika hizi kata 27 ambapo CCM ilishinda kata 23 , CHADEMA kata 3 na NCCR kata 1, yanaonekana kuwa mazuri kwa CCM lakini ni mazuri zaidi kwa CHADEMA kwani kura walizopata si haba hasa ukizingatia kwamba kata ambazo CHADEMA wameshinda zilikuwa zinawakilishwa na CCM. Lakini pia wakazi wa maeneo mengi ambayo CHADEMA walipata kura chache wana elimu duni ya uraia na uelewa hafifu juu ya madhambi ya serikali na chama tawala dhidi ya maisha na ustawi wao kwa ujumla.
Kwa CHADEMA kupata kura nyingi kiasi hiki, ijapokuwa hawakushinda katika kata hizo, ni sawa na ushindi wa kishindo. Katika kata nyingi CCM walishinda kwa tofauti ndogo sana ya kura. Hii inaonyesha kwamba wananchi wameanza kujitambua kidogo kidogo kuhusu udhalimu wa CCM na serikali yake. Kadri muda unavyokwenda, wananchi watajitambua na hatimaye kuachana kabisa na chama tawala kwani kimeshindwa kuleta maendeleo ya maana tangu nchi hii ipate uhuru.
NGUVU YA CHADEMA
Nguvu ya CHADEMA katika Kata zote inakuwa siku hadi siku na kadri wananchi wanavyozidi kujitambua, ispokuwa wale wazee wenye mawazo ya kihafidhina na ambao wasiotaka kubadilika licha ya kwamba wanaishi maisha duni chini ya utawala dhaifu wa CCM. Lakini ni jambo la kumshukuru Mungu kwa hizi kura walizopata CHADEMA kwani uchaguzi uliopita waliambulia kura chache sana. Hivyo nawaasa makamanda wasikate tamaa bali waendelee kuchochea kuni za madadiliko hadi kieleweke. Nina imani kwamba uchaguzi wa Serikali za Mitaa utakapoitishwa mwishoni mwa mwaka huu, CHADEMA watafanya vizuri kuliko sasa hivi kwani uzoefu unaonyesha kuwa kuna maendeleo ya kuridhisha katika suala zima la kuungwa mkono na watu wengi.
IDADI YA WALIOJITOKEZA KUPIGA KURA
Kwa mujibu wa takwimu zilizopo hapo juu, ni idadi ndogo sana ya wananchi waliojitokeza kupiga kura (25% ya wapiga kura wote waliojiandikisha kupiga kura katika Kata zote). Hizi takwimu sio nzuri hata kidogo kwa maendeleo ya demokrasia na mageuzi ya kiuchumi kwa wananchi wanaotamani kujikomboa kutoka makuchani mwa CCM. Katika vituo vyote vya kupigia kura katika Kata, asilimia kubwa ya watu waliojitokeza kupiga kura (>90%) ni wazee na vikongwe (vigagula). Vijana waliojitokeza kupiga kura ni wachache sana ukilinganisha na wazee wenye umri mkubwa (wahafidhina). Haikuweza kufahamika mara moja ni nini kilichowasibu vijana hadi wakashindwa kujitokeza kupiga kura na badala yake wakajitokeza wazee na vikongwe! Hapa ndipo CCM ilipoipigia bao CHADEMA. Kumbe inaonyesha (ijapokuwa sijalifanyia utafiti) kwamba vijana wengi waliokuwa wakijitokeza kwenye mikutano ya CHADEMA ama hawakujiandikisha kupiga kura au walikuwa wanakuja tu kuishangaa chopa!
Hiki ni kitendawili ambacho kinapaswa kuteguliwa na tume ya uchaguzi, vyama vyote vya siasa pamoja na serikali kwani haiwezekani kwamba vijana wenye nguvu na uelewa wa kisiasa washindwe kuja kupiga kura na badala yake wawaachie vigagula wahafidhina waichague CCM. Kimsingi wazee na vigagula ndio walikuwa mwarobaini wa ushindi wa CCM katika Kata hizi na katika majimbo mengi ya uchaguzi. Ifike wakati sasa vijana wanapohudhuria kwenye mikutano ya vyama waombwe kuja na kadi zao za kupigia kura na kuzionyesha kwa viongozi wao badala ya kufanya unafiki wa kujitokeza kwa wingi kwenye mikutano ya siasa halafu hawaji kupiga kura. Utaratibu huu utasaidia kuwatambua wanafiki na wasaliti wanaoonekana kushabikia upinzani wakati hawakujiandikishi kupiga kura. Huu ni unafiki na uzandiki mkubwa sana wanaouonyesha vijana tunaowategemea kuikomboa nchi hii kutoka kwenye ukoloni wa CCM. Ni jambo la kusikitisha kwamba vijana hutoka nyumbani kwao na kuvizingira vituo vya kupigia kura kwa ajili ya kulinda kura wakati wao wenyewe hawajitokezi kupiga kura. Sasa kama hujapiga kura unakuja kulinda masanduku yaliyojaa kura zilizopigwa na wazee na vigagula wa CCM unategemea ushindi kwa chama chako (CHADEMA) utapatikanaje?
Vijana tuache unafiki jamani! Tukiwa wanafiki ujanani, uzeeni tutakuwa wachawi. Tujitokezeni kwa wingi KUJIANDIKISHA, KUPIGA na KULINDA kura. Haya mambo matatu sharti yaende kwa pamojahaya ni sawa na mafiga matatu ya ushindi. Vinginevyo tutaendelea kumtafuta mchawi hadi Yesu akirudi bado hatujampata. Vyama vya siasa vinapaswa kufanya jitihada za ziada katika kuwahamasisha vijana kushiriki siasa kawa maana ya kujiandikisha, kupiga na kulinda kura. CCM wakijua kwamba eneo fulani wana uhakika wa kushinda hawafanyi fujo wala kuwatumia POLICCM kuchakachua kura.
MWAMKO WA KISIASA MIONGONI MWA WANANCHI
Katika maeneo mengi ya nchi, mwamko wa kisiasa na mabadiliko miongoni mwa wananchi ni mdogo sana. Kuna watu wazima wenye elimu ya kutosha lakini utakuta mwamko wao wa kisiasa upo chini sana au uko tofauti sana na jinsi unavyoweza kuwafikiria. Walimu na POLICCM bado wana mawazo mgando ya kuiunga mkono CCM pamoja na kwamba CCM imekuwa ikiwakandamiza, kuwafukarisha na kuwanyima haki kwa muda mrefu. Hili kundi la watumishi ni kama vile limedumazwa akili na CCM. Zinahitajika jitihada za kufa mtu ili kulikomboa kundi hili kwani linaonekana kama vile limelemazwa akili na ugumu wa maisha wanaokandamizwa na CCM na serikali yake ya kifisadi. Mwamko wa kisiasa miongoni mwa wananchi wa kawaida ni mkubwa sana ukilinganisha na watumishi wa umma wanaonyonywa na kubebeshwa magunia ya misumari na CCM kwa muda mrefu sana. Ni jambo la kusikitisha sana kwamba hata POLICCM huonyesha mapenzi yao kwa CCM waziwazi bila kificho huku wakisahau kwamba CCM hiyo hiyo ndiyo huwalipa mishahara duni na kuwalaza kwenye mabanda ya mbwa yasiyostahili kukaliwa na binadamu. POLICCM ni miongoni mwa kada za watumishi wanaoishi maisha duni sana na ambao hulipwa mishahara isiyowatosha kujikimu hata kwa siku 10! Lakini utashangaa sana ukifika wakati wa uchaguzi wanakuwa waaminifu na watiifu kwa CCM kama vile mbwa anavyomtii bwana wakehata kama akimlisha mifupa ya mawindo yote huku yeye (bwana) akila minofu na kusaza!
USHAURI KWA CHADEMA NA VYAMA VINGINE VYA UPINZANI
Vyama vya siasa hasa CHADEMA vinapaswa kuwa mstari wa mbele kugawa elimu ya uraia kwa wananchi ili wajitambue na kuachana na CCM na wanatakiwa kuanza mchakato huu tangu sasasaa ya ukombozi ni sasawasisubiri hadi wananchi wakajisahau mpaka uchaguzi ujao watakapogawiwa ubwabwa na CCM na kuichagua kwenye uchaguzi wa Serikali za Mitaa utakaofanyika mwishoni mwa mwaka huu. CHADEMA hawatakiwi kulala usingizi hata kidogo kwani wana kazi kubwa ya kuwaelimisha vijana juu ya umuhinu wa kupiga kura.
Vijana wengi bado hawajajua umuhimu wa kupiga kura. Yaani eti kijana hutoka nyumbani siku ya kupiga kura akiwa na rungu lake anasimama hatua 100 kwa ajili ya kulinda kura huku akijua fika kwamba yeye na vijana wenzake (wanaolinda kura za CCM) hawajapiga kura! Ni ajabu iliyoje! Utalindaje sanduku la kura za watu wengine huku wewe mwenyewe hujajitokeza kupiga kura? Dawa ya ushindi ni kupiga kura sio kulinda masanduku ya kura ambazo hazikuhusu. Vijana tubadilike tuwe na ufahamu juu ya umuhimu wa kupiga kura kwa kuwa kura ndizo humpelekea mtu kushinda, si vinginevyo. Rungu la kulindia kura ni mzigo tu! Haliwezi kuchangia ushindi hata siku moja. Piga kura kwanza kisha uzilinde. Huwezi kulinda kura ambazo hujazipiga huku ukitegemea miujiza ya ushindi. Vijana wote amkeni kutoka usingizi wa pono mliolala na kuleta mabadiliko chanya sasa na baadaye. Ukombozi wa nchi hii kutoka utawala wa kikoloni wa CCM upo mikononi mwenu. Haya yote yatawezekana ikiwa kila mtanzania mpenda maendeleo atacheza nafasi yake ipasavyo.
Nawatakia mabadiliko mema na ya haraka.:israel:
Matokeo ya uchaguzi katika hizi kata 27 ambapo CCM ilishinda kata 23 , CHADEMA kata 3 na NCCR kata 1, yanaonekana kuwa mazuri kwa CCM lakini ni mazuri zaidi kwa CHADEMA kwani kura walizopata si haba hasa ukizingatia kwamba kata ambazo CHADEMA wameshinda zilikuwa zinawakilishwa na CCM. Lakini pia wakazi wa maeneo mengi ambayo CHADEMA walipata kura chache wana elimu duni ya uraia na uelewa hafifu juu ya madhambi ya serikali na chama tawala dhidi ya maisha na ustawi wao kwa ujumla.
Kwa CHADEMA kupata kura nyingi kiasi hiki, ijapokuwa hawakushinda katika kata hizo, ni sawa na ushindi wa kishindo. Katika kata nyingi CCM walishinda kwa tofauti ndogo sana ya kura. Hii inaonyesha kwamba wananchi wameanza kujitambua kidogo kidogo kuhusu udhalimu wa CCM na serikali yake. Kadri muda unavyokwenda, wananchi watajitambua na hatimaye kuachana kabisa na chama tawala kwani kimeshindwa kuleta maendeleo ya maana tangu nchi hii ipate uhuru.
NGUVU YA CHADEMA
Nguvu ya CHADEMA katika Kata zote inakuwa siku hadi siku na kadri wananchi wanavyozidi kujitambua, ispokuwa wale wazee wenye mawazo ya kihafidhina na ambao wasiotaka kubadilika licha ya kwamba wanaishi maisha duni chini ya utawala dhaifu wa CCM. Lakini ni jambo la kumshukuru Mungu kwa hizi kura walizopata CHADEMA kwani uchaguzi uliopita waliambulia kura chache sana. Hivyo nawaasa makamanda wasikate tamaa bali waendelee kuchochea kuni za madadiliko hadi kieleweke. Nina imani kwamba uchaguzi wa Serikali za Mitaa utakapoitishwa mwishoni mwa mwaka huu, CHADEMA watafanya vizuri kuliko sasa hivi kwani uzoefu unaonyesha kuwa kuna maendeleo ya kuridhisha katika suala zima la kuungwa mkono na watu wengi.
IDADI YA WALIOJITOKEZA KUPIGA KURA
Kwa mujibu wa takwimu zilizopo hapo juu, ni idadi ndogo sana ya wananchi waliojitokeza kupiga kura (25% ya wapiga kura wote waliojiandikisha kupiga kura katika Kata zote). Hizi takwimu sio nzuri hata kidogo kwa maendeleo ya demokrasia na mageuzi ya kiuchumi kwa wananchi wanaotamani kujikomboa kutoka makuchani mwa CCM. Katika vituo vyote vya kupigia kura katika Kata, asilimia kubwa ya watu waliojitokeza kupiga kura (>90%) ni wazee na vikongwe (vigagula). Vijana waliojitokeza kupiga kura ni wachache sana ukilinganisha na wazee wenye umri mkubwa (wahafidhina). Haikuweza kufahamika mara moja ni nini kilichowasibu vijana hadi wakashindwa kujitokeza kupiga kura na badala yake wakajitokeza wazee na vikongwe! Hapa ndipo CCM ilipoipigia bao CHADEMA. Kumbe inaonyesha (ijapokuwa sijalifanyia utafiti) kwamba vijana wengi waliokuwa wakijitokeza kwenye mikutano ya CHADEMA ama hawakujiandikisha kupiga kura au walikuwa wanakuja tu kuishangaa chopa!
Hiki ni kitendawili ambacho kinapaswa kuteguliwa na tume ya uchaguzi, vyama vyote vya siasa pamoja na serikali kwani haiwezekani kwamba vijana wenye nguvu na uelewa wa kisiasa washindwe kuja kupiga kura na badala yake wawaachie vigagula wahafidhina waichague CCM. Kimsingi wazee na vigagula ndio walikuwa mwarobaini wa ushindi wa CCM katika Kata hizi na katika majimbo mengi ya uchaguzi. Ifike wakati sasa vijana wanapohudhuria kwenye mikutano ya vyama waombwe kuja na kadi zao za kupigia kura na kuzionyesha kwa viongozi wao badala ya kufanya unafiki wa kujitokeza kwa wingi kwenye mikutano ya siasa halafu hawaji kupiga kura. Utaratibu huu utasaidia kuwatambua wanafiki na wasaliti wanaoonekana kushabikia upinzani wakati hawakujiandikishi kupiga kura. Huu ni unafiki na uzandiki mkubwa sana wanaouonyesha vijana tunaowategemea kuikomboa nchi hii kutoka kwenye ukoloni wa CCM. Ni jambo la kusikitisha kwamba vijana hutoka nyumbani kwao na kuvizingira vituo vya kupigia kura kwa ajili ya kulinda kura wakati wao wenyewe hawajitokezi kupiga kura. Sasa kama hujapiga kura unakuja kulinda masanduku yaliyojaa kura zilizopigwa na wazee na vigagula wa CCM unategemea ushindi kwa chama chako (CHADEMA) utapatikanaje?
Vijana tuache unafiki jamani! Tukiwa wanafiki ujanani, uzeeni tutakuwa wachawi. Tujitokezeni kwa wingi KUJIANDIKISHA, KUPIGA na KULINDA kura. Haya mambo matatu sharti yaende kwa pamojahaya ni sawa na mafiga matatu ya ushindi. Vinginevyo tutaendelea kumtafuta mchawi hadi Yesu akirudi bado hatujampata. Vyama vya siasa vinapaswa kufanya jitihada za ziada katika kuwahamasisha vijana kushiriki siasa kawa maana ya kujiandikisha, kupiga na kulinda kura. CCM wakijua kwamba eneo fulani wana uhakika wa kushinda hawafanyi fujo wala kuwatumia POLICCM kuchakachua kura.
MWAMKO WA KISIASA MIONGONI MWA WANANCHI
Katika maeneo mengi ya nchi, mwamko wa kisiasa na mabadiliko miongoni mwa wananchi ni mdogo sana. Kuna watu wazima wenye elimu ya kutosha lakini utakuta mwamko wao wa kisiasa upo chini sana au uko tofauti sana na jinsi unavyoweza kuwafikiria. Walimu na POLICCM bado wana mawazo mgando ya kuiunga mkono CCM pamoja na kwamba CCM imekuwa ikiwakandamiza, kuwafukarisha na kuwanyima haki kwa muda mrefu. Hili kundi la watumishi ni kama vile limedumazwa akili na CCM. Zinahitajika jitihada za kufa mtu ili kulikomboa kundi hili kwani linaonekana kama vile limelemazwa akili na ugumu wa maisha wanaokandamizwa na CCM na serikali yake ya kifisadi. Mwamko wa kisiasa miongoni mwa wananchi wa kawaida ni mkubwa sana ukilinganisha na watumishi wa umma wanaonyonywa na kubebeshwa magunia ya misumari na CCM kwa muda mrefu sana. Ni jambo la kusikitisha sana kwamba hata POLICCM huonyesha mapenzi yao kwa CCM waziwazi bila kificho huku wakisahau kwamba CCM hiyo hiyo ndiyo huwalipa mishahara duni na kuwalaza kwenye mabanda ya mbwa yasiyostahili kukaliwa na binadamu. POLICCM ni miongoni mwa kada za watumishi wanaoishi maisha duni sana na ambao hulipwa mishahara isiyowatosha kujikimu hata kwa siku 10! Lakini utashangaa sana ukifika wakati wa uchaguzi wanakuwa waaminifu na watiifu kwa CCM kama vile mbwa anavyomtii bwana wakehata kama akimlisha mifupa ya mawindo yote huku yeye (bwana) akila minofu na kusaza!
USHAURI KWA CHADEMA NA VYAMA VINGINE VYA UPINZANI
Vyama vya siasa hasa CHADEMA vinapaswa kuwa mstari wa mbele kugawa elimu ya uraia kwa wananchi ili wajitambue na kuachana na CCM na wanatakiwa kuanza mchakato huu tangu sasasaa ya ukombozi ni sasawasisubiri hadi wananchi wakajisahau mpaka uchaguzi ujao watakapogawiwa ubwabwa na CCM na kuichagua kwenye uchaguzi wa Serikali za Mitaa utakaofanyika mwishoni mwa mwaka huu. CHADEMA hawatakiwi kulala usingizi hata kidogo kwani wana kazi kubwa ya kuwaelimisha vijana juu ya umuhinu wa kupiga kura.
Vijana wengi bado hawajajua umuhimu wa kupiga kura. Yaani eti kijana hutoka nyumbani siku ya kupiga kura akiwa na rungu lake anasimama hatua 100 kwa ajili ya kulinda kura huku akijua fika kwamba yeye na vijana wenzake (wanaolinda kura za CCM) hawajapiga kura! Ni ajabu iliyoje! Utalindaje sanduku la kura za watu wengine huku wewe mwenyewe hujajitokeza kupiga kura? Dawa ya ushindi ni kupiga kura sio kulinda masanduku ya kura ambazo hazikuhusu. Vijana tubadilike tuwe na ufahamu juu ya umuhimu wa kupiga kura kwa kuwa kura ndizo humpelekea mtu kushinda, si vinginevyo. Rungu la kulindia kura ni mzigo tu! Haliwezi kuchangia ushindi hata siku moja. Piga kura kwanza kisha uzilinde. Huwezi kulinda kura ambazo hujazipiga huku ukitegemea miujiza ya ushindi. Vijana wote amkeni kutoka usingizi wa pono mliolala na kuleta mabadiliko chanya sasa na baadaye. Ukombozi wa nchi hii kutoka utawala wa kikoloni wa CCM upo mikononi mwenu. Haya yote yatawezekana ikiwa kila mtanzania mpenda maendeleo atacheza nafasi yake ipasavyo.
Nawatakia mabadiliko mema na ya haraka.:israel:
