Zinduna
JF-Expert Member
- Nov 6, 2011
- 2,377
- 3,394
BADILI TABIA
Habari zenu wana JF popote mlipo.
Kama nilivyowaahidi wiki iliyopita. Katika kipindi cha leo, tutakuwa na BADILI TABIA mjengoni ambaye baada ya kunizungusha sana, hatimaye amekubali mualiko wangu na kuja hapa Studio kwa mahojiano haya ambayo yatasawiri zaidi kwenye maisha yake binafsi na kazi zake za mapema.
Line za ku-post Comments ziko wazi, Mwana JF yeyote anaweza kutumia fursa hii kumuuliza BADILI TABIA swali lolote na yeye bila shaka atayajibu mwaswali yenu kwa kadiri atakavyopata muda.
Kwa kuanza ninayo maswali kumi na tano ambayo ningependa kumuuliza BADILI TABIA:
1. Je umezaliwa msimu gani?
2. Hebu nipe historia yako ya hapa JF kwa kifupi, yaani ulifahamuje kuhusu JF, ulijiunga lini na ni nini kilikusukuma hadi ukajiunga na JF?
3. Je Ulifahamuje kuhusu tendo la kujamiiana? Yaani ni nani alikufundisha kwamba hiyo kitu downthere ina matumizi mengine mbali na yale ya kutabawali?
4. Je Umewahi Kutendwa?
5. Je umeolewa? Kama umeolewa, Je una watoto wangapi, na kama hujaolewa, Je ni nini mustakabali wako wa maisha ya uzeeni?
6. Hebu nipe kwa kifupi kuhusu maisha yako ya shuleni, yaani ni changamoto gani ambazo ulikabiliana nazo kama mwanamke na leo hii ukiangalia ulipotoka unajiona kama shujaa.
7. Ukipata fursa ya kuwa waziri wa elimu ni kitu gani ungependa kukibadilisha kuhusu mfumo wetu wa elimu kwa ujumla?
8. Katika taarifa ya Kamati ya Kudumu ya Bunge ya Maendeleo ya Jamii ya kuanzia April 2011 hadi April 2012, kuhusiana na tatizo la mimba mashuleni kamati hiyo ilisema.
Nitanukuu:
"Mheshimiwa Spika,kuna usemi kuwa "ukimuelimisha mwanamke umeelimisha jamii nzima'' utafiti unaonesha kuwa uwiano wa wanafunzi wa kike na wakiume hupungua kadri wanavyoendelea na masomo ingawa wakati wa uandikishaji idadi ya wanafunzi wa kike huwa ndio kubwa. Kwa mujibu wa ripoti ya (Basic Education Statistic in Tanzania 2007-2011), katika shule za msingi idadi ya wanafunzi wa kike ni asilimia hamsini (50%) na idadi ya wanafunzi wa kiume ni asilimia hamsini (50%). Elimu ya sekondari idadi ya wanafunzi wa kike ni asilimia arubaini na tano (45%) na wa idadi ya wanafunzi wa kiume ni asilimia hamsini na tano(55%), vyuo vikuu wanafunzi wa kike ni asilimia thelathini na nne (34%) na wanafunzi wa kiume ni asilimia sitini na sita (66%).
Mheshimiwa Spika, Kamati inaamini kuwa idadi ya wanawake nchini ni kubwa zaidi ya wanaume, na mchango wao katika maendeleo ya nchi ni mkubwa, hivyo ni wajibu wa serikali kuhakikisha kuwa vikwazo vinavyosababisha wanafunzi wa kike wasiendelee na masomo vinashughulikiwa na kupewa kipaumbele."
Mwisho wa kunukuu.
Swali: Je wewe unadhani serikali inapaswa kujivunia kwa uwiano huo? Je wewe ungeshauri nini kifanyike ili kuondoa kabisa tofauti hiyo na kuweka uwiano sawa?
9. Je ni tukio gani liliwahi kukuhuzunisha sana?
10. Je ni tukio gani liliwahi kukufurahisha sana?
11. Je unapenda kuvaa nguo za aina gani?
12. Je unapenda chakula cha aina gani?
13. Je ni jambo gani umewahi kulifanya kwa faida ya nchi yako na ambalo hata ukifa litabaki kama kumbukumbu kwa vizazi vijavyo?
14. Je ni mwana JF gani unavutiwa na post zake, yaani ukiona jina lake tu kama ame-post thread unashawishika kuifungua ili kujua kilichomo?
15. Una ushauri gani kuhusu hiki kipindi cha Zinduna Talk Show?
Haya nakaribisha maswali yenu wadau na hivi punde BADILI TABIA atakuja kuyajibu maswali yenu.
Karibuni sana
Last edited by a moderator:
